အးလီၤသး လၢာ်လၢာ်ဆ့ဆ့ ဆူကစၢ်ယွၤအအိၣ်
ကစၢ်ယွၤတမၤစၢၤ ပှၤလၢအမၤစၢၤလီၤက့ၤအသးဘၣ်, ယွၤမၤစၢၤပှၤလၢအစူၢ်အီၤနာ်အီၤ,ဒီးသန့ၤအသးလၢ အီၤတဖၣ်န့ၣ်လီၤ. ဒီးသန့ၤအသးလၢ အီၤတဖၣ်န့ၣ်လီၤန့ၣ်, ကၠီနသၣ် ရူမံၣ် (Jonathan Roumie) သ့ၣ်ညါနၢ်ပၢၢ်ဝဲ ဖဲလါမ့ၤ ၂၀၂၈ နံၣ် န့ၣ်လီၤ. အဝဲမ့ၢ်ခွါဂဲၤဒိတဂၤ,- လၢအဒိကစၢ်ယ့ၣ်ရှူး အသးသမူအဂ့ၢ် လၢကွဲၤထံၣ်ဟူ, ဒီးအခိၣ်တီမ့ၢ် “တၢ်ဃုထၢ” လၢအဘၣ်တၢ်သန့ၤအီၤလၢ လံာ်တၢ်သးခုကစီၣ်တဖၣ်န့ၣ်လီၤ. ရူမံၣ်အိၣ်ဆိးလၢ လီး(စ)အဲကၠၢလံး(စ) (Los Angeles) န့ၣ် ယံာ်ဝဲဃိးနံၣ်, ဒီးဘူးတ့ၢ်မးလၢ အကျိၣ်စ့ကလၢာ်စီကွံာ်, တၢ်အီၣ်အိၣ်တ့ၢ်ဒၣ်ထဲတသီအဂီၢ်, တၢ်ဖံးတၢ်မၤစ့ၢ်ကီးတအိၣ်ဘၣ်. ကဘၣ်မၤတၢ်မနုၤလဲၣ်န့ၣ် တသ့ၣ်ညါလၢၤဘၣ်အဃိ, ရူမံၣ် ဂၢ်လီၤအသး, ဒီးဟ့ၣ်လီၤအးလီၤ အတၢ်လုၢ်အီၣ်သးသမူအတၢ်မၤဆူ ကစၢ်ယွၤအစုပူၤန့ၣ်လီၤ. ယဃ့ထုကဖၣ်သပှၢ်ပှၢ် လၢတၢ်ကတိၤ “ယဟ့ၣ်လီၤအးလီၤယသး လၢနစုပူၤ န့ၣ်လီၤ.” လၢခံတၢ်မၤအသး ပိာ်ထွဲထီၣ်အခံလၢ မုၢ်နံၤအဝဲန့ၣ်, အဝဲထံၣ် ခၠဲး (checks) အလံာ်ကဘျံးဖိလွံၢ်ဘ့ၣ် လၢလံာ်ပရၢတလါအပူၤ ဒီးတၢ်ဆၢကတီၢ်လဲၤပူၤကွံာ်သၢလါန့ၣ်, အဝဲဘၣ်တၢ်ဃုထၢထီၣ်အီၤလၢ ကဒိတၢ်ဂီၤမူ လၢကစၢ်ယ့ၣ်ရှူး အလီၢ် လၢ “တၢ်ဃုထၢ”…
ဃ့ၢ်သဖှိနုာ်လီၤဆူတၢ်ဘၣ်ယိၣ်အလီၢ် လၢအတအိၣ်ဒီးတၢ်ပျံၤတၢ်ဖုး
ဖဲ ၁၈၉၂ နံၣ်န့ၣ်, ဟဲဘၢး (Hamburg) အပှၤဝ့ၢ်ဖိလၢအအိၣ်ဒီးဟၢဖၢလူတၢ်ဆါတဂၤ, လၢတၢ်တဆိကမိၣ်ဘၣ်အပူၤ ရၤလီၤဘၣ်ဝဲ တၢ်ဆါအဃၢ်, ခီဖျိလၢထံကျိ အဲး(လ) (Elbe), ဆူဟဲဘၢး ဒီတဝ့ၢ်န့ၣ်လီၤ. ထံကျိအံၤ ကီၢ်ကၠၢမနံၣ်ဒီကီၢ်အဂီၢ် တၢ်နီၤဟ့ၣ်ထံဧိၤနိဧိၤအဂံၢ်ထံးန့ၣ်လီၤ. ပှၤဝ့ၢ်ဖိသံဝဲ အဂၤတကလး လၢစှၤနွံအတီၢ်ပူၤန့ၣ်လီၤ. တၢ်လၢအပူၤကွံာ် ဃိးနံၣ် အဆၢကတီၢ်, ပှၤကၠၢမနံၣ်ဖိ, ပှၤကူၣ်သ့ လၢတၢ်ဖိဃၢ်ဆံးတကပၤ, လၢအမ့ၢ် ရီဘၢး ကိး(ခ်) ဃုသ့ၣ်ညါဘၣ်ဝဲလၢ ဟၢဖၢလူတၢ်ဆါအဃၢ်ဆံးဆံးဖိ တဖၣ်အံၤန့ၣ် ကူရၤလီၤအသးသ့ ခီဖျိလၢထံကျါနိကျါန့ၣ်လီၤ. ကိး(ခ်) အတၢ်ပာ်ဖျါအံၤကဲထီၣ် တၢ်ဟ့ၣ်သဆၣ် လၢယူၤရပၤဝ့ၢ်ဒိၣ်ဝ့ၢ်ထီအပှၤဘၣ်မူဘၣ်ဒါတဖၣ် ကစူးကါအါထီၣ်ကျိၣ်စ့ လၢတၢ်မၤ ကဆှီထံဧိၤနိဧိၤအတၢ်ရဲၣ်တၢ်ကျဲၤသနူ ဒ်သိးကဒီတဒၢထံအဂီၢ်န့ၣ်လီၤ. ဘၣ်ဆၣ် ဟဲဘၢး အပှၤဒိၣ်စိ ဒိၣ်ကမီၤတဖၣ် တမၤတၢ်နီတမံၤဘၣ်. ပှၤဘၣ်မူဘၣ်ဒါတဖၣ်စံးဝဲလၢ တၢ်လၢာ်ဘူၣ်လၢာ်စ့ၤအါ, ဒီးတၢ်သးဒ့ဒီလၢစဲအ့ၣ်အတၢ်ထံၣ်အဃိ, ဖဲဟဲဘၢးအဝ့ၢ်န့ၣ် ကဘၣ်ကွၢ်ဆၢၣ်မဲာ်ဒီးတၢ်သံတၢ်ပှၢ်ဖးဒိၣ် ဒၣ်လဲာ် အဝဲသ့ၣ် လဲၤကပာ်ဝဲတၢ်ဒုးပလီၢ်တဖၣ်အံၤန့ၣ်လီၤ.
လံာ်ကတိၤဒိအပူၤ အိၣ်ပှဲၤဒီးတၢ်ကူၣ်သ့အါမး လၢအစံးဘၣ်ပှၤဒ်သိးလၢ အထံၣ်တၢ်ကီတၢ်ခဲ ဘၣ်ဆၣ်…
ကစၢ်ယ့ၣ်ရှူးခရံာ်, မ့ၢ်ပတၢ်ကပီၤနီၢ်နီၢ်
တယံာ်ဒံးဘၣ်န့ၣ် မုၢ်အိၣ်ဘှံးနံၤမုၢ်ဃ့ၢ်လီၤအကတီၢ် ပလဲၤအိၣ်သကိးတံၤသကိးတဂၤ လၢဝ့ၢ်ဖးဒိၣ်တဖျၢၣ်အတၢ်ဆါဟံၣ်ဝံၤ ဒ်သိးပကဟးထီၣ်ဆူတၢ်ချၢအဂီၢ် ဖဲပလူၤကွၢ်ဃုကျဲ အဆၢကတီၢ်အခါ, ယဝၤဟ့ၣ်ကူၣ်ဝဲ “ပကလဲၤဆူတၢ်ကပီၤအိၣ်အလီၢ်” န့ၣ်လီၤ. ခီဖျိလၢ နွံအကတၢၢ်အသီဒီးပှၤထီၣ်တၢ်မၤတအိၣ်အဃိ ပှၤကနဲၣ်ပှၤ ဆူကိၣ်လိၣ်ရၤဒိၣ် မုၢ်တၢ်ကပီၤဆဲးကပြုၢ် အိၣ်တၢ်အလီၢ်, ဒီးဆူတၢ်ဆါဟံၣ်အမဲာ်ညါတြဲၤအဂီၢ်, ပှၤတအိၣ်နီတဂၤဘၣ်န့ၣ်လီၤ. ပဟးဝ့ၤဝီၤလၢ တၢ်ဆါဟံၣ်အပူၤ, ဒီးအကတၢၢ်န့ၣ် ပထံၣ်လိာ်သးဒီးပှၤလၢအထံၣ်သ့ၣ်ညါပတၢ်ကီတၢ်ခဲတဂၤန့ၣ်လီၤ. အဝဲစံးဘၣ်ပှၤ “ဒၢးဖးဒိၣ်အကျဲကိးဘိန့ၣ်လီၤဂာ်လိာ်သး, ဘၣ်ဆၣ်ဒီး, တၢ်ကဟးထီၣ်ဆူတၢ်ချၢအကျဲ မ့ၢ်ကျဲတဘိအံၤန့ၣ်လီၤ.” ခီဖျိလၢအတၢ်နဲၣ်ကျဲအဃိ, ပထံၣ်ဘၣ်တြဲၤလၢ ပကဟးထီၣ်ဆူတၢ်ချၢ, ဒီးမ့ၢ်တြဲၤနီၢ်နီၢ် လၢကဆှၢပှၤဆူ မုၢ်တၢ်ကပီၤန့ၣ်လီၤ.
ပှၤလၢအတစူၢ်က့ၤနာ်က့ၤတၢ်တဖၣ်, လၢအအိၣ်ဒီးတၢ်သးသဘံၣ်ဘုၣ်, ဒီးဟးကမၣ်ကျဲတဖၣ်, ဒ်သိးကဟးထီၣ်လၢ နီၣ်သးတၢ်ခံးယိာ်အပူၤ, ဒီးကပိာ်အခံအဂီၢ် ကစၢ်ယ့ၣ်ရှူးကွဲမုာ်ဝဲဒၣ်န့ၣ်လီၤ. ယိၤဟၣ် ၈:၁၂ အပူၤ အဝဲစံးဘၣ်ပှၤ “ယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံတဖၣ်န့ၣ်, တဟးဘၣ်ဝဲလၢ တၢ်ခံးကျါဘၣ်. ဒီးကန့ၢ်ဘၣ်တၢ်မူအတၢ်ကပီၤလီၤ” န့ၣ်လီၤ. လၢအဝဲအတၢ်ကပီၤ အပူၤ, ပထံၣ်တၢ်လၢအမၤတံာ်တာ်ပကျဲတဖၣ်, တၢ်ဒဲးဘးဒီး တၢ်လီၤဘၣ်ယိၣ်လၢ ပထံၣ်န့ၢ်တသ့တဖၣ် အဃိ, ပကပျဲပကစၢ်မၤပျီကွံာ် သးအတၢ်ခံးသူဒ်သိးအံၤတဖၣ်လၢပတၢ်အိၣ်မူအပူၤ, ဒ်ကစၢ်ယ့ၣ်ရှူး…
လၢတၤသၣ်လီၢ်ပူၤ
ယပၢ်အဲၣ်တၢ်လဲၤဟးကသုၣ်, မ့မုာ်မံခုၣ်အသးလၢကစၢ်ယွၤအစုတၢ်ဘၣ်တ့တဖၣ်အပူၤ, ဒီးဆဲတခွဲ ဃုအီၣ်ညၣ်, ဒီးထၢဖှိၣ်လၢၢ်ဖိလ့ဖိတဖၣ်န့ၣ်လီၤ. အဝဲအသးမုာ်မၤတၢ်စ့ၢ်ကီးလၢ ဟံၣ်ကရၢၢ်ပူၤ, အတၤသၣ်လီၢ်န့ၣ်လီၤ. ဘၣ်ဆၣ်, တၢ်မၤအံၤ မ့ၢ်တၢ်လၢကဘၣ်တၢ်မၤဝဲအါမးန့ၣ်လီၤ. အဝဲဘၣ်ဟ့ၣ် တၢ်ဆၢကတီၢ်အါမး ဘၣ်တံာ်ကွံာ်ပဲာ်ကွံာ်တၢ်မုၢ်တၢ်ဘိ, အဒ့ဒီးအလၣ် လၢအဃ့ထီတဖၣ်, ဘၣ်ကွးကဖီထီၣ်ဟီၣ်ခိၣ်, ဘၣ်သူၣ်လီၤဖှံလီၤ ဖီဒီးတၢ်ချံတၢ်သၣ်, ဘၣ်မၤပျီနီၣ်ဧိၤမံၤဧိၤ, ဘၣ်ကုးပၢၤ တပံာ်တမါ, ဒီးဘၣ်လူန့ၢ်ဝဲထံ လၢတၤသၣ်လီၢ်အဂီၢ်န့ၣ်လီၤ. တၢ်အစဲအိၣ်ပှဲၤဒီးအဘျုးအဖှိၣ်, လၢအမ့ၢ် တပံာ်ပျီဖိ, တကီၤဆံၣ်သၣ်အဝံာ်အဘဲတဖၣ်, ဒီးဖီတၤဆှုၣ်အဃံအလၤ, အမုာ်အပၢၤတဖၣ်န့ၣ်လီၤ. ကိးနံၣ်ဒဲး အဝဲပဲာ်ပျီကွံာ် ဖီတၤဆှုၣ်အဒ့တဖၣ် လၢအဘူးဒီးဟီၣ်ခိၣ်လိၤ, ဒီးကိးနံၣ်ဒဲးန့ၣ် ဖီတၤဆှုၣ် တဖၣ် ဖီထီၣ်ဖးထီၣ်ကဒါက့ၤ, ဒီးမၤပှဲၤကရၢၢ်လၢအတၢ်နၢမူအစိ, ဒီးအတၢ်ဃံတၢ်လၤတဖၣ်န့ၣ်လီၤ.
လၢလံာ် ၁ မိၤရှ့ အပူၤ, ပဖးဘၣ်ဧ့ၤဒၣ်တၤသၣ်လီၢ်အဂ့ၢ်, ဖဲစီၤအၤဒၣ် ဒီးနီၢ်အံၣ်အု အိၣ်ဆိးဝဲ, ဂုၤထီၣ်ပသီထီၣ် ဒီးလဲၤသကိး, ရ့လိာ်သကိး ဒီးကစၢ်ယွၤန့ၣ်လီၤ. ၁မိၤ ၂:၉ ပာ်ဖျါဝဲ “ကစၢ်ယွၤ ဒုးမဲထီၣ်ကယဲၢ်သ့ၣ်လၢပကွၢ်ဂ့ၤ ဒီးပအီၣ်ဂ့ၤလၢဟီၣ်ခိၣ်တထံးလၢ်လၢ်” န့ၣ်လီၤ. ယဆိကမိၣ်ထံၣ်မှံယဲ…
စရီအပူၤ တၢ်ဟဲအဆိကတၢၢ်
မုၢ်တဂီၤစးထီၣ်အသးန့ၣ် လီၤဂာ်ဒ်တၢ်ဃ့ၢ်ပြၢန့ၣ်လီၤ. ဂဲၤဆၢထၢၣ်လၢလီၢ်မံခိၣ်ဝံၤ, စးထီၣ်မုၢ်တနံၤ အတၢ်ဖံးတၢ်မၤတဖၣ်န့ၣ်လီၤ. ယဆှၢယဖိတဖၣ်ဆူကၠိ, ဝံၤလံ. ယလဲၤဆူတၢ်မၤ, ဝံၤလံ. တၢ်လၢ “ယကဘၣ်မၤအစရီ” လၢအဘၣ်ထွဲဒီးနီၢ်တဂၤအတၢ်မၤ, ဒီးတၢ်ဖံးတၢ်မၤမူဒါ လၢယကဘၣ်မၤတဖၣ် ယကွဲးဖှိၣ်လီၤတပူၤဃီန့ၣ် လီၤဂာ်ဒ်မူခိၣ်ဖီကစၢၢ်လီၤပှီၢ်န့ၣ်လီၤ.
“တၢ်မၤနီၣ်ဂံၢ် ၁၃- တၢ်ဖးဘှီဘၣ်က့ၤဖှိၣ်ရၤတၢ်ကွဲး. ၁၄- မၤဆှဲမၤဆှီတၢ်မၤလီၢ်, ၁၅- တၢ်တိာ်လီၤ ကျဲၤလီၤကျဲကူၣ်နၢၤ, ၁၆- ကွဲးလီၤ တၢ်ဂ့ၢ်တၢ်ကျိၤ လၢခီၣ်ဖၠူထၢၣ်ပူၤ, ၁၇- မၤကဆှဲကဆှီ ဟံၣ်ဟီၣ်ခိၣ်လာ်ဒၢး, ၁၈ - ဃ့ထုကဖၣ်တၢ်” န့ၣ်လီၤ.
ယကွဲးလီၤတၢ်တုၤနီၣ်ဂံၢ် ၁၈ န့ၣ်ဒီး, ယသ့ၣ်နီၣ်ထီၣ်လၢ ယလိၣ်ဘၣ်ကစၢ်ယွၤအတၢ်မၤစၢၤန့ၣ်လီၤ. ဘၣ်ဆၣ်, ယဂုာ်ကျဲးစၢးဒုးအိၣ်ထီၣ်ယဂံၢ်အသဟီၣ် လၢယကစၢ်ဒၣ်ယဲ, ဒီးယလဲၤတၢ်မၤတၢ်ထဲဒၣ် ယၤတဂၤဧိၤလီၤန့ၣ် ယသ့ၣ်ညါလီၤက့ၤယသးဖဲလၢအကတီၢ်အံၤန့ၣ်လီၤ.
ကစၢ်ယ့ၣ်ရှူးသ့ၣ်ညါဝဲဒၣ်န့ၣ်လီၤ. အဝဲသ့ၣ်ညါ ပမုၢ်နံၤမုၢ်သီတဖၣ် ကလီၤပှီၢ်ဟးဂီၤဝဲလၢ ပီၣ်လဲၣ်လၢအပှဲၤဒီး တၢ်ဂ့ၢ်အကါဒိၣ်, ဒီးအဆၢတတဲာ်နီတစုဘၣ်န့ၣ်လီၤ. လၢတၢ်န့ၣ်အဃိ, မး ၆:၃၃ န့ၣ် ကစၢ်ယ့ၣ်ရှူးမၤလိာ်ပှၤလၢ “ဃုဆိယွၤအဘီအမုၢ် ဒီးအတၢ်တီတၢ်လိၤတက့ၢ်.…
လၢကစၢ်ယ့ၣ်ရှူးခရံာ်အဂီၢ် စူးကါတၢ်လၢအအိၣ်ဒီးနၤ
မ့ၢ်နနၢ်ဟူဘၣ် “ဘျီၣ်ဒိၣ်လၢ တၢ်မၤလၤကပီၤတၢ်ဆးဆ့ကူဆ့က့ၤ” (The Sewing Hall of Fame) အဂ့ၢ်န့ၣ်ဧါ. တၢ်ကရၢကရိအံၤ ဘၣ်တၢ်စးထီၣ်ဒုးအိၣ်ထီၣ် ဖဲ ၂၀၀၁ နံၣ်, ဒ်သိးကပာ်ပနီၣ်မၤလၤကပီၤ ပှၤတဖၣ် “လၢကျိၤကျဲလီၤဆီအပူၤ မၤစၢၤဆီၣ်ထွဲ တၢ်ဆးတၢ်ကူတၢ်ကၤတၢ်ကူၣ်ဘၣ်ကူၣ်သ့, ဒီးထုးထီၣ် တၢ်ပိးတၢ်လီၤလၢအဂုၤထီၣ်ပသီထီၣ်တဖၣ်ဆူ ဟံၣ်ဃီပူၤတၢ်ဆးဆ့ကူဆ့ကၤတၢ်မၤ, အတၢ်ကဲဘျုး အါနံၣ်အါလါအဂီၢ်” န့ၣ်လီၤ. ပှၤလၢအဘၣ်တၢ်မၤလၤကပီၤတဖၣ်အကျါ ပာ်ဃုာ်ဒီးနီၢ်တဂၤစုာ်စုာ်, လၢအမ့ၢ် မၤသၢ်ဖူ(လ)လဲ(န) (Martha Pullen), ဒီးဘၣ်တၢ်မၤလၤကပီၤအီၤ ဖဲ ၂၀၀၅ နံၣ်န့ၣ်လီၤ. အဝဲဘၣ်တၢ်ပာ်ဖျါထီၣ်အီၤ ဒ်အမ့ၢ်ပိာ်မုၣ်လၢအဖျါဖဲ ကတိၤ ၃၁, “ပိာ်မုၣ်လၢ အအိၣ်ဒီးတၢ်ဂံၢ်တၢ်ဘါ, အိၣ်ဒီးတၢ်ဆိကမိၣ်လၢအပတီၢ်ထီ, ဒီးအတၢ်ဆိၣ်ဂ့ၤတဖၣ်န့ၣ် တလီၤတူာ်လီၤကၢ်လၢကမျၢၢ်အတၢ် သ့ၣ်ညါပာ်ပနီၣ်အီၤတဖၣ်န့ၣ်လီၤ.”
“ဘျီၣ်ဒိၣ်လၢ တၢ်မၤလၤကပီၤတၢ်ဆးဆ့ကူဆ့က့ၤ” အံၤ မ့ၢ်တၢ်ဒုးအိၣ်ထီၣ် ဖဲလၢနံၣ်ကယၤ ခံဆံတၢ ဘၣ်ဆၣ်, တၢ်ဒ်သိးအံၤ မ့ၢ်စးထီၣ်အိၣ်ဝဲလၢ နံၣ်ကယၤတၢအကတီၢ်, ဖဲအံၣ်စရ့လးအကီၢ်ပူၤန့ၣ်ဒီး, ပိာ်မုၢ်တဂၤလၢအမံၤမ့ၢ် နီၢ်တဘံၤသါန့ၣ် ကဘၣ်တၢ်မၤလၤကပီၤအီၤန့ၣ်လီၤ. မၤတၢ်…
ပတၢ်မုၢ်လၢ် အနီၣ်သက့ၤ
ယဖီၣ်တၢ်ဂီၤတဘ့ၣ် လၢအပာ်ဖျါပှၤကညီတဖၣ်မံဝဲဒၣ်လၢ စးခိအက့အခီတီၣ်တီၣ်တဖၣ်အဖီလာ် လၢကျဲကဆူးတၢ်ကပီၤကဒုကယီၢ်အဖီလာ်န့ၣ်ဒီး, ယသံကွၢ် ပှၤဃုတီၤအိၣ်ဘှံးနံၤတၢ်မၤလိကၠိဖိတဖၣ် လၢ “မ့ၢ်အဝဲသ့ၣ်ကလိၣ်ဘၣ်တၢ်မနုၤလဲၣ်” န့ၣ်လီၤ. ကၠိဖိတဂၤစံးဆၢ “တၢ်အီၣ်,” အတဂၤစံးဝဲ “ကျိၣ်စ့,” ဒီးမ့မ့ၢ်ပိာ်ခွါဖိတဂၤန့ၣ် စံးဆၢဝဲလၢတၢ်ဆိကမိၣ်ယိာ်ယိာ်အပူၤ “တၢ်လီၢ်လၢကအိၣ်ဘၣ် ဘံၣ်ဘံၣ်ဘၢဘၢတလီၢ်” န့ၣ်လီၤ. ဝံၤအလီၢ်ခံ, ပိာ်မုၣ်ဖိတဂၤ စံးပိာ်ထွဲဝဲလၢ “တၢ်မုၢ်လၢ်” န့ၣ်လီၤ.
အဝဲပာ်ဖျါဆှဲဝဲဒၣ် “တၢ်မုၢ်လၢ် မ့ၢ်တၢ်တမံၤလၢ တၢ်အိၣ်ခိးကွၢ်လၢ်တၢ်အဂ့ၤအဝါ ကဟဲအိၣ်ထီၣ်, ကဲထီၣ်အသး” န့ၣ်လီၤ. ခီဖျိလၢတၢ်တၤတၢ်တဖၣ်အဃိ, တၢ်အိၣ်ခိးကွၢ်လၢ် တၢ်အဂ့ၤအဝါကလီၤဘၣ် ပှၤလၢပတၢ်အိၣ်မူအပူၤန့ၣ် တမ့ၢ်တၢ်လၢအညီဘၣ်ဆၣ် အတၢ်ကတိၤဖိလၢအမ့ၢ် “တၢ်အိၣ်ခိးကွၢ်လၢ်” တၢ်အဂ့ၤအဝါစံးတၢ်န့ၣ် ထုးန့ၢ်သူၣ်န့ၢ်သးလၢယဂီၢ်န့ၣ်လီၤ. ဘၣ်ဆၣ်, လံာ်စီဆှံအတၢ်ပာ်ဖျါ တၢ်မုၢ်လၢ် အဂ့ၢ်န့ၣ် လီၤပလိာ်အသးဒီး ယပျဲၢ်ဖိအတၢ်ပာ်ဖျါန့ၣ်လီၤ. ဒ်လံာ်ဧ့ၤဘြံၤ ၁၁:၁ ပာ်ဖျါဝဲအသိး ပမ့ၢ်စံးလၢ “တၢ်စူၢ်တၢ်နာ်မ့ၢ်တၢ်မုၢ်လၢ်အတၢ်သန့ၤပသး” အဃိန့ၣ်ဒီး ပဝဲလၢ အစူၢ်က့ၤနာ်က့ၤ ကစၢ်ယ့ၣ်ရှူးတဖၣ် ပမုၢ်လၢ်တၢ်အဂ့ၤအဝါတဖၣ် ကဟဲအိၣ်ထီၣ်လၢပဂီၢ် သ့ဝဲဒၣ်န့ၣ်လီၤ.
တၢ်အဂ့ၤအဝါအဒိၣ်ကတၢၢ်လၢ ပှၤစူၢ်က့ၤနာ်က့ၤခရံာ်တဖၣ် မုၢ်လၢ်ဝဲ…
ယမ့ၢ်မတၤလဲၣ်
ကံၣ်စိၣ်ဘိၣ် (Kizombo) ဆ့ၣ်နီၤကွၢ်မ့ၣ်အူပူၣ်, ဒီးဆိကမိၣ်ဝဲ တၢ်သံကွၢ်ထံထံဆးဆး “ယတၢ်အိၣ်မူ အပူၤ ယမၤဝံၤတၢ်ဂ့ၤဂ့ၤဘၣ်ဘၣ် မ့ၢ်အိၣ်တမံၤမံၤဧါ,” လၢအတၢ်အိၣ်မူအဂီၢ် မ့ၢ်တၢ်သံကွၢ်အကါဒိၣ် တထံၣ်န့ၣ်လီၤ. တၢ်စံးဆၢဟဲထီၣ်ချ့မးလီၤ. တၢ်လီၤတိၢ်လီၤဆီတအိၣ်တၢ်နီတမံၤဘၣ်. ဟဲက့ၤကဒါဆူ တၢ်လီၢ်လၢအအိၣ်ဖျဲၣ်ထီၣ်ဝဲ, ဒီးနုာ်လီၤသိၣ်လိတၢ်လၢကၠိ, ကၠိလၢအပၢ်ဒုးအိၣ်ထီၣ်လၢပှၢ်မုၢ်ကနၢ သ့ၣ်ပှၢ်ယိာ်အပူၤန့ၣ်လီၤ. အဝဲဂုာ်ကျဲးစၢးကွဲး အပၢ်အဂ့ၢ်အကျိၤလၢအဂံၢ်သဟီၣ်ဆူၣ်, လၢအိၣ်မူအိၣ်ဂဲၤ ဒီးလဲၤခီဖျိဘၣ် ထံလီၢ်ကီၢ်ပူၤ တၢ်ဒုးတၢ်ယၤခံဘျီန့ၣ်လီၤ. အဝဲဆိကမိၣ်ဘၣ်ဝဲလၢ “ယကဂုာ်ကျဲးစၢးမၤ တၢ်မၤဒ်သိးအံၤခဲလၢာ်အဂီၢ် ယမ့ၢ်မတၤလဲၣ်” န့ၣ်လီၤ.
ကံၣ်စိၣ်ဘိၣ် အသးဒ့ဒီတၢ်န့ၣ် ဖျါလီၤဂာ်ဒီးစီၤမိၤရှ့န့ၣ်လီၤ. ၂ မိၤ ၃:၁၀ အပူၤ ယွၤဟ့ၣ်လီၤစီၤမိၤရှ့ တၢ်ဖံးတၢ်မၤတမံၤ- “ယကမၢလီၤနၤဆူဖၤရိၤအအိၣ်, ဒ်သိးနကဒုးဟးထီၣ်, ယပှၤဂီၢ်မုၢ်ပှၤအံၣ်စရ့လးဖိ, လၢအဲၤကူပတူးအပူၤ” န့ၣ်လီၤ. အဆၢဖိ ၁၁ န့ၣ် စီၤမိၤရှ့ စံးဆၢက့ၤ “ယဲဒၣ်အံၤ ယမ့ၢ်မတၤလဲၣ်” န့ၣ်လီၤ.
စီၤမိၤရှ့သံကွၢ်က့ၤတၢ်, လၢအတဂၢၢ်တကျၢၤအံၤဝံၤန့ၣ်, ၂မိၤ ၄:၂ ပာ်ဖျါဝဲ “ဒီးယွၤစံးဘၣ်အီၤ, တၢ်အိၣ်လၢနစုပူၤန့ၣ်မ့ၢ်မနုၤတမံၤလဲၣ်. ဒီးစံးဝဲဒၣ်,…
ကစၢ်ယွၤအကျဲတဖၣ် လၢတၢ်တမုာ်လၢ်ဆိကမိၣ်တ့ၢ်အီၤ
တၢ်အိၣ်ဖှိၣ်သရၣ် ကွၢ်စူၣ်ကွၢ်ထံ တၢ်စံၣ်တဲၤတဲလီၤ, ဒီးဖီၣ်ဃးဝဲ လံာ်ကဘျံးတဖၣ် ဘူးဘူးတံၢ်တံၢ် လၢအမဲာ်ချံ ဒ်သိးကထံၣ်ဘၣ်လံာ်မဲာ်ဖျၢၣ်တဖၣ်န့ၣ်လီၤ. အဝဲတထံၣ်လံာ်မဲာ်ဖျၢၣ်ဂ့ၤဂ့ၤအဃိ ဃုထၢဖး လံာ်ကျိၤလီၤတံၢ်လီၤဆဲး ဒီးဖးဖျါထီၣ်ဝဲအကလုၢ်န့ၣ် လၢတၢ်ထုးန့ၢ်သူၣ်သးတအိၣ်တၢ်အပူၤန့ၣ်လီၤ. ခီဖျိလၢ ကစၢ်ယွၤအသးစီဆှံ မၤတၢ်လၢ ကၠီနသၣ် အဲး(ဒ)ဝၢး စံၣ်တဲၤတဲလီၤတၢ်န့ၣ်အဃိ တၢ်မူထီၣ် ဂဲၤထီၣ်ဖးဒိၣ်အဆိကတၢၢ်တဘျီန့ၣ် ပှၤစူၢ်က့ၤနာ်က့ၤခရံာ် လၢအကထိတဖၣ်အကထိန့ၣ်လီၤ.
ဒ်သိးကမၤလၢပှဲၤ အတၢ်ပညိၣ်လၢလၢပှဲၤပှဲၤအဂီၢ် ကစၢ်ယွၤစူးကါကျိၤကျဲလၢ ပှၤတဆိကမိၣ် မုာ်လၢ်တ့ၢ်တဖၣ် တလီၢ်လီၢ်န့ၣ်လီၤ. တၢ်ကွဲးဘၣ်ထွဲဒီး ကစၢ်ယွၤအတၢ်ရဲၣ်တၢ်ကျဲၤ ဒ်သိးကထုးန့ၢ်မိၤန့ၢ် ပှၤဟီၣ်ခိၣ်ဖိ, လၢအလဲၤကမၣ်ကျဲတဖၣ်အဂီၢ်, ခီဖျိကစၢ်ယ့ၣ်ရှူးအတၢ်အဲၣ်ပှၤအဃိ, ဘၣ်သံဝဲလၢ သ့ၣ်ဖျၢၣ်ထူၣ်စုညါအလိၤအဂ့ၢ်န့ၣ်, စီၤပီလူးပာ်ဖျါထီၣ်လၢ ၁ ကရံၣ် ၁:၂၇ အပူၤ “မ့ၢ်ယွၤဃုထၢတၢ် ကလီကလီလၢဟီၣ်ခိၣ်ချၢ ဒ်သိးကမၤမဲာ်ဆှး ပှၤကူၣ်တၢ်သ့, ဒီးယွၤဃုထၢတၢ်ဂံၢ်စၢ်ဘါ လၢဟီၣ်ခိၣ်ချၢ ဒ်သိးအကမၤမဲာ်ဆှး ပှၤဂံၢ်ဆူၣ်ဘါဆူၣ်လီၤ” န့ၣ်လီၤ. ဟီၣ်ခိၣ်မုၢ်လၢ်ဝဲလၢ ယွၤအတၢ်ကူၣ်သ့န့ၣ် ကလီၤဂာ်ဒီး ပှၤဟီၣ်ခိၣ်ဖိအတၢ်ကူၣ်သ့, ဒီးကဘၣ်ဟဲဃုာ်ဒီးတၢ်သဟီၣ်ဆူၣ် လၢတၢ်တြီဆၢတန့ၢ်အပူၤ န့ၣ်လီၤ. ဘၣ်ဆၣ်လၢတၢ်အံၤအလီၢ်န့ၣ်, ကစၢ်ယ့ၣ်ရှူး…
တၢ်ဟ့ၣ်တမံၤလၢ ပှၤဟီၣ်ခိၣ်ဖိဟ့ၣ်တသ့
ယမံၤပှၢ်ပိာ်မုၣ်အနံၤအိၣ်ဖျဲၣ်ဆၢက့ၤအဂီၢ်, ယထံၣ်န့ၢ်တၢ်ဟ့ၣ်အဃိ ယသးပူၤပှဲၤလုၣ်ကွံာ် ဒီးတၢ်သးခု န့ၣ်လီၤ. တၢ်ဟ့ၣ်အံၤ မ့ၢ်ထံဖှံၣ်ဖိ, ပၣ်ဃုာ်ဒီးလၢၢ် လၢအဘၣ်ထွဲဒီး အအိၣ်ဖျဲၣ်ထီၣ်မုၢ်နံၤမုၢ်သီန့ၣ်လီၤ. တၢ်ဃုထံၣ်န့ၢ်တၢ်ဟ့ၣ်အဂ့ၤကတၢၢ်လၢ ပှၤဂၤအဂီၢ်န့ၣ် ကဲထီၣ်တၢ်သးခုအဒိၣ်အမုာ်တမံၤထီဘိန့ၣ်လီၤ. ဘၣ်ဆၣ် ပမ့ၢ်ဘၣ်ဟ့ၣ် တၢ်ဟ့ၣ်ဆူနီၢ်တဂၤစုာ်စုာ်အတၢ်လိၣ် ဒီးတၢ်ဟ့ၣ်အံၤ မ့ၢ်လဲၤတလၢကွံာ် တၢ်လၢပဟ့ၣ်န့ၢ်န့ၣ်ဒီး, တၢ်ကမၤအသးဒ်လဲၣ်. မ့ၢ်သ့န့ၣ်ဒီး ပဝဲအါဒံအါဂၤ ပဆၢမုၢ်လၢ်လၢ ပကပှ့ၤန့ၢ် သးအတၢ်ဃူတၢ်မုာ်, တၢ်အိၣ်ဘှံးအိၣ်သါ မ့တမ့ၢ် တၢ်သူၣ်စူၤသးစူၤ, ဒီးပကဘိၣ်ဘံဂ့ၤဂ့ၤဘၣ်ဘၣ်ဝံၤ ပသးအိၣ်ဟ့ၣ်ဘၣ်ပှၤတဂၤဂၤန့ၣ်လီၤ.
ပှၤတဂၤကဟ့ၣ် တၢ်ဟ့ၣ်ဒ်သိးအံၤဆူ ပှၤအဂၤတဂၤအဂီၢ်န့ၣ် ကဲထီၣ်လိၣ်ထီၣ်တသ့ဝဲဒၣ်ဘၣ်. ဘၣ်ဆၣ်, ကစၢ်ယ့ၣ်ရှူး လၢအမ့ၢ်ယွၤ, ဒီးလိၣ်ထီၣ်အသးဒ်ပှၤဟီၣ်ခိၣ်ဖိအက့ၢ်အဂီၤတဂၤန့ၣ် ဟ့ၣ်လီၤဝဲတၢ်ဟ့ၣ် - လၢအမ့ၢ်သးအတၢ်မုာ်တၢ်ပၢၤ, တၢ်ဟ့ၣ်လၢပှၤဟီၣ်ခိၣ်ဖိဟ့ၣ်တသ့အံၤဆူ ပှၤစူၢ်က့ၤနာ်က့ၤအီၤတဂၤလၢ်လၢ်န့ၣ်လီၤ. တချုးပာ်တ့ၢ်အပျဲၢ်အဘီၣ်တဖၣ်, ဒီးက့ၤထီၣ်ဆူမူခိၣ်န့ၣ် ကစၢ်ယ့ၣ်ရှူး အၢၣ်လီၤအီလီၤဝဲသးစီဆှံ, ဒီးမၤမုာ်ထီၣ်အပျဲၢ်အဘီၣ်တဖၣ်အဂ့ၢ်န့ၣ် ယိၤဟၣ် ၁၄:၂၆ ပာ်ဖျါဝဲလၢ “အဝဲဒၣ် ကသိၣ်လိသုလၢတၢ်ခဲလၢာ် ဒီးကဒုးသ့ၣ်နီၣ်ထီၣ်က့ၤသုလၢ တၢ်လၢယစံးဘၣ်တဲဘၣ်သု ခဲလၢာ်လီၤ”. ဖဲအပျဲၢ်အဘီၣ်တဖၣ် အိၣ်ဒီးတၢ်ဘၣ်ယိၣ်ဘၣ်ဘီ, ဒီးတၢ်ပျံၤတၢ်ဖုးအဆၢကတီၢ်, ကစၢ်ယ့ၣ်ရှူးသးအိၣ်ဟ့ၣ်…