တၢ်ဆၢမုၢ်လၢ် ကစၢ်ယ့ၣ်ရှူး အတၢ်ဟဲက့ၤ

ဖဲယသးစၢ်အကတီၢ်, ယဘၣ်သးလဲၤအီၣ် ကိၣ်ဆဲးသိ, ဒီးလၣ်ဖးထံအဆၢလၢ ခၠ့း-ဖ့(လ)-အ့ၣ် (Chick-fil-A) အမဲရကၤ တၢ်အီၣ်န့ၢ်ချ့ကျးန့ၣ်လီၤ. ဒ်ယမ့ၢ်ယဲ ပှၤဒိၣ်တုာ်ခိၣ်ပှဲၤတဂၤအသိး, ဖဲယသုးလီၢ်သုးကျဲဆူ ကီၢ်စဲၣ်အဂၤတဘ့ၣ်န့ၣ်ဒီး, ယကမၢကမၣ်ယဲလၢ ယတထံၣ်ဘၣ် တၢ်အီၣ်ကျး လီၤဂာ်ဒီး Chick-fil-A န့ၣ် တအိၣ်ဝဲ နီတတီၤ, ဖဲတၢ်လီၢ်အိၣ် စီၤစုၤ မံးလာ်လၢ အကယၤဒၣ်လဲာ်န့ၣ်လီၤ. ဖဲပဟံၣ်ဖိဃီဖိ အတၢ်လဲၤဟးကသုၣ် အကတီၢ်, ပဘၣ်ရဲၣ်ကျဲၤ ပတၢ်လဲၤတဖၣ် ဒ်သိးပကအိၣ်ပတုာ်အီၣ်အီတၢ်လၢ Chick-fil-A အတၢ်အီၣ်ကျးတဖျၢၣ်ဖျၢၣ်န့ၣ်လီၤ. ပဆၢမုၢ်လၢ်ဝဲဒၣ်လၢ ဘၣ်ဖဲတနံၤနံၤန့ၣ် Chick-fil-A အတၢ်အီၣ်ကျးတဖျၢၣ် ကဘၣ်တၢ်ဟဲအိးထီၣ်အီၤလၢ အအိၣ်ဘူးဒီးပဟံၣ်န့ၣ်လီၤ.

ပဝဲကိးဂၤ, ပလဲၤခီဖျိကလၢၢ်ဘၣ် တၢ်ဆၢမုၢ်လၢ်တၢ်တမံၤမံၤန့ၣ်လီၤ. ဘၣ်တဘျီဘျီ ပတၢ်ဆၢမုၢ်လၢ်, ဒ်အမ့ၢ် တၢ်အီၣ်ကျး လၢပဘၣ်သူၣ်ဘၣ်သးလဲၤအီၣ်တၢ်န့ၣ် တမ့ၢ်လၢ ပလိၣ်ဘၣ်အီၤနီၢ်နီၢ်ဘၣ်န့ၣ်လီၤ. မ့မ့ၢ်လၢတၢ်ဆၢကတီၢ်အဂၤတဖၣ်န့ၣ် ပတၢ်ဆၢမုၢ်လၢ်တဖၣ် ပာ်ဖျါထီၣ် တၢ်အဒိၣ်အယိာ်, ပဆၢမုၢ်လၢ်တၢ်နးနးကလဲာ်န့ၣ်လီၤ.

ဝ့ၢ် ဖံလံးပံၤ အပှၤစူၢ်က့ၤနာ်က့ၤတၢ်ဖိတဖၣ်, ကအိၣ်မူအိၣ်ဂဲၤဝဲ ဒ်အတၢ်ဆၢမုၢ်လၢ် အဒိၣ်အယိာ်ကတၢၢ်, ဒ်အမ့ၢ်,…

ကစၢ်ယွၤအဖိအလံၤ

လံာ်လၢ အဘၣ်ယသးအဒိၣ်ကတၢၢ်အကျါတဘ့ၣ်န့ၣ် မ့ၢ်ဝဲဒၣ် “လံာ်တၢ်လီန့ၢ် မဲာ်ချံအတၢ်ထံၣ်,” မ့ၢ်လၢတၢ်ဂီၤတဖၣ် လီန့ၢ်ယမဲာ်ချံအတၢ်ထံၣ်အဃိ, ကဲထီၣ်တၢ်ကမၢကမၣ် လၢယဂီၢ်ထီဘိန့ၣ်လီၤ. အဒိ, ပနိကျိၤခံဘိန့ၣ် တုၤသိးလိာ်အသးဘၣ်ဆၣ်, လၢပမဲာ်ချံ အတၢ်ထံၣ်န့ၣ် ဖျါဝဲဒၣ် ဒ်တတုၤသိးလိာ်အသးအသိး, (မ့) ဃီသွါ လွံၢ်ဆိ, ဘၣ်ထွဲ ဘျးစဲလိာ်သးအက့ၢ်ဂီၤ, ဒီးဖျါဝဲဒၣ်ဒ်အကတၢၢ်တအိၣ်, (impossible staircase) န့ၣ်မ့ၢ်တၢ်လၢအမၤကဒံကဒါ ပမဲာ်ချံအတၢ်ထံၣ်န့ၣ်လီၤ. တၢ်မၤအသးဒ်သိးအံၤတဖၣ်န့ၣ် ဒုးသ့ၣ်ညါပှၤလၢ ပထံၣ်တၢ်တဖၣ်န့ၣ် တမ့ၢ်အတၢ်မ့ၢ်တၢ်နီၢ်နီၢ်ဘၣ်န့ၣ်လီၤ.

တၢ်မၤအသးဒ်သိးအံၤတဖၣ်န့ၣ် တမ့ၢ်ထဲ လီန့ၢ်ဝဲဒၣ် ပမဲာ်ချံအတၢ်ထံၣ်တဖၣ် န့ၣ်ဘၣ်. ဖဲပဘၣ်ကွၢ်ဆၢၣ်မဲာ် တနံၤဘၣ်တနံၤ ဟီၣ်ခိၣ်အတၢ်လီၤတၢ်ဝ့ၤတဖၣ်အဃိ, ပတၢ်မ့ၢ်တၢ်န့ၣ် မ့ၢ်ဝဲဒၣ် ဒ်ကစၢ်ယွၤအဖိအလံၤတဖၣ်န့ၣ် ပထံၣ်ကမၣ်နာ်ကမၣ် သ့ဝဲဒၣ်တလီၢ်လီၢ်န့ၣ်လီၤ. ပှၤကွဲးလံာ် ဟဲ(န)နရံၣ် နိၣ်ဝဲ(န) (Henri Nouwen) ကွဲးပာ်ဖျါ ဝဲဒၣ်လၢ “ကစၢ်ယ့ၣ်ရှူး ဟဲဝဲဒၣ် ဒ်သိးကဘိးဘၣ်သ့ၣ်ညါပှၤလၢ တၢ်တ့သူၣ်ထီၣ်
ပတၢ်မ့ၢ်တၢ်တမံၤ, လၢတၢ်မၤန့ၢ်မၤနၢၤ, တၢ်မံၤဟူသၣ်ဖျါ, ဒီးတၢ်စိကမီၤအဖီခိၣ်န့ၣ် မ့ၢ်ပတၢ်မ့ၢ်တၢ် လၢအကမၣ်,…

တၢ်ထုကဖၣ်တပယူာ်ဃီ အတၢ်စိတၢ်ကမီၤ

ခွါဂဲၤဒိ, ဒဲ(န)စၢၣ် ဝၣ်ရှ့(န)တၢၣ် (Denzel Washington) လၢအဒိးန့ၢ် အီးစကၣ်တၢ်ဟ့ၣ်လၤကပီၤတဂၤ, ဟ့ၣ်ဂံၢ်ဟ့ၣ်ဘါ ခွါဂဲၤဒိသးစၢ်တဖၣ် ဒ်သိးကစးထီၣ်အမုၢ်နံၤတဖၣ်လၢတၢ်ထုကဖၣ်န့ၣ်လီၤ. အတၢ်ဟ့ၣ်ကူၣ်န့ၣ် မ့ၢ်ဝဲဒၣ် "ပာ်သုခီၣ်ဖံးရှူတဖၣ်ဖဲလီၢ်မံခးအဖီလာ် ဖဲမုၢ်နၤခီအကတီၢ်," ဒ်သိးအဝဲသ့ၣ် ကမၤလီၤတံၢ်ဝဲ "လၢဂီၤခီအဆၢကတီၢ် တၢ်ချံးလီၤခီၣ်လ့ၢ်ခိၣ်အဂီၢ်" န့ၣ်လီၤ.

တၢ်ဒုးအိၣ်ထီၣ် လုၢ်လၢ်လၢ အညီနုၢ်ဃ့ထုကဖၣ်တၢ်, ဘၣ်သ့ၣ်သ့ၣ်န့ၣ် ကလိၣ်ဝဲ တၢ်ကူၣ်ဆိကမိၣ်, ဒီးတၢ်ရဲၣ်ကျဲၤမၤလီၤဆီအီၤဒၣ်လဲာ်, လၢတၢ်စံၣ်စိၤတဲစိၤအပူၤန့ၣ် မ့ၢ်ဝဲဒၣ် တၢ်မၤလုၢ်လၢ်အဂ့ၤတမံၤ, လၢအဒုးအိၣ်ဂၢၢ်ဆိးကျၢၤတ့ၢ်ဝဲ ယွၤအပှၤဂီၢ်မုၢ်တဖၣ်, လီၤဆီဒၣ်တၢ်, ဖဲတၢ်ကီတၢ်ခဲအကတီၢ်န့ၣ်လီၤ. ဖဲ စီၤပၤဒၤရယါဝ့ၣ် ပၢဆှၢတၢ်အစိၤန့ၣ် ပကထံၣ်ဘၣ် တၢ်ဂ့ၢ်အံၤ, လၢစီၤဒၤနံးယ့လး အတၢ်အိၣ်မူအပူၤန့ၣ်လီၤ.လၢဘီမုၢ်တၢ်ပၢတၢ်ပြးအပူၤန့ၣ် အဝဲအိၣ်ဖျါလီၤဆီဝဲဒၣ် ဒ်ပှၤဟ့ၣ်ကူၣ်တၢ်အထီကတၢၢ်တဂၤအဃိ, ထံကီၢ်ပဒိၣ်, အပှၤဘၣ်မူဘၣ်ဒါတဖၣ် အသးဒိၣ်အသးက့ၣ်အီၤ (ဒၤ ၆:၃) န့ၣ်လီၤ. လၢတၢ်သူၣ်က့ၣ်သးကါအပူၤန့ၣ် ဒ်သိးကနီၣ်ဖျိးကွံာ် စီၤဒၤနံးယ့လးအဂီၢ်, အဝဲသ့ၣ်ကူၣ်ထီၣ်ဖးလီၤဝဲ, ဒီးဒ်သိးကထီဒါအီၤအဂီၢ်, ဃုထံၣ်န့ၢ် တၢ်အိၣ်ဝဲဒၣ်ထဲတမံၤဧိၤန့ၣ် မ့ၢ် စီၤဒၤနံးယ့လး အတၢ်ဘူၣ်တၢ်ဘါ, "အကစၢ်အတၢ်သိၣ်တၢ်သီ" (:၅)…

ကစၢ်ခရံာ် အထံမူ

ဖဲယကွၢ်ထံကွၢ်စူၣ် ခရံာ်ဒီးပှၤရှၤမရံမုၣ်ဖိ (Christ and the Woman of Samaria) အတၢ်ဂီၤခဲၣ်, ဘၣ်တၢ်တ့ခဲၣ်အီၤလၢ ပှၤဒး(ခၠ)ဖိ (Dutch) ရဲ(မ)ဘြဲးထ် (Rembrandt) န့ၣ်ဒီး, ယထံၣ်န့ၢ်ယဲ က့ၢ်ဂီၤလီၤတံၢ်လီၤဆဲးခံထံၣ်, လၢအထုးန့ၢ်ယသူၣ်ယသးန့ၣ်လီၤ. တၢ်အခီၣ်ထံးတထံၣ်, မ့ၢ်ဝဲဒၣ် ကစၢ်ခရံာ် အက့ၢ်ဂီၤန့ၣ် အိၣ်ပှဲၤဝဲဒီးတၢ်ဆီၣ်လီၤသးန့ၣ်လီၤ. ဖဲကစၢ်ယ့ၣ်ရှူး စံးကတိၤတၢ်ဒီးပှၤရှၤမရံမုၣ်အကတီၢ်န့ၣ် သကူးလီၤအသး, ဒီးပာ်အစုလၢ အသးနါပှၢ်အလိၤန့ၣ်လီၤ. မ့ၢ်လၢပှၤယူဒၤဖိတဖၣ်, ဒီးပှၤရှၤမရံဖိတဖၣ် ဂ့ၢ်လိာ်ထီဒါလိာ်သးဆူၣ်ဆူၣ်ကလဲာ်န့ၣ် ယံာ်တ့ၢ်ဝဲဒၣ်, နံၣ်လၢအကယၤတဖၣ်အဃိ, ပှၤယူဒၤဖိတဖၣ်န့ၣ် "တရ့လိာ်အသးဒီးပှၤရှၤမရံဖိတဖၣ်ဘၣ်" (ယိၤ ၄:၉) န့ၣ်လီၤ. ဘၣ်ဆၣ်, ကစၢ်ယ့ၣ်ရှူး ရ့လိာ်အသးဒီးပိာ်မုၣ်လၢပှၤထံၣ်ဆံးလဲၤကပာ်အီၤတဂၤအံၤ လၢတၢ်ယူးယီၣ်ပးကဲ, ဒီးဒ်ပှၤအိၣ်ဒီးအသူးသ့ၣ်လၤကပီၤတဂၤ (:၁၇-၁၈) န့ၣ်လီၤ.

ပိာ်မုၣ်တဂၤအံၤ အိၣ်ဒီးအတၢ်ဂ့ၢ်ကီတဖၣ်န့ၣ် ကစၢ်ယ့ၣ်ရှူး သ့ၣ်ညါဝဲဒၣ်အဃိ, ဒ်သိးကမၤလၢပှဲၤ တၢ်လၢပိာ်မုၣ်လိၣ်ဘၣ်ဝဲအဒိၣ်ကတၢၢ်တမံၤအဂီၢ်န့ၣ် ဟ့ၣ်လီၤဝဲဒၣ် “ထံမူ” (:၁၀) န့ၣ်လီၤ. တၢ်ဟ့ၣ်, လၢအမၤကဆှီထီၣ်က့ၤတၢ်, ဒီးယွၤအဘျုးအဖှိၣ်လၢ အဟ့ၣ်လီၤသးသမူန့ၣ် ပဒိးန့ၢ်အီၤသ့ဝဲဒၣ်…

ပှၤလၢအဟံးဃာ်ပၢၤဃာ် ပှၤဂၤအတၢ်ဂ့ၢ်ခူသူၣ်

ဖဲ ထီမၢး(စ) (Tomas) ဒိးန့ၢ် တၢ်ဆၢကတီၢ်လုၢ်ဒိၣ်ပှ့ၤဒိၣ် လၢအစံးကတိၤဘၣ်တၢ်ဒီး ပှၤသးပှၢ် ဟ့ၣ်ကူၣ်ဟ့ၣ်ဖးတၢ်တဂၤ, ဒီးပှၤသးပှၢ်တဂၤအံၤ ညီနုၢ်ဒိကနၣ်ဝဲ အတၢ်ဂ့ၢ်ကီ တဖၣ်အဃိ, အဝဲပာ်ဖျါဝဲဒၣ်လၢ “ပှၤသးပှၢ်တဂၤအံၤ မ့ၢ်ယဟီလိ ဝ့လိၣ်” (hollow willow) န့ၣ်လီၤ. မ့ၢ်လၢယတနၢ်ပၢၢ်အဃိ, ယကွၢ်အီၤန့ၣ်ဒီး, ထီမၢး(စ) တဲနၢ်ပၢၢ်ယၤလၢ တၢ်ကတိၤ ဟီလိ ဝ့လိၣ် မ့ၢ် ပှၤစလိၣ်ဘဲးဖိ (Slovak) အတၢ်ကတိၤ, ဒီးအခီပညီမ့ၢ် ပှၤလၢအဟံးဃာ်ပၢၤဃာ် နတၢ်ဂ့ၢ်ခူသူၣ်တဖၣ်န့ၣ်လီၤ. တၢ်ဂ့ၢ်မိၢ်ပှၢ်န့ၣ်, ပှၤတဂၤအံၤ လီၤဂာ်ဒီးသ့ၣ်ပံၢ်သလီအမုၢ်, လၢအပၢၤဃာ် တၢ်ကစီၣ်ခူသူၣ်ဘံၣ်ဘံၣ်ဘၢဘၢ လၢအထူၣ်မိၢ်ပှၢ်အပူၤန့ၣ်လီၤ.

ပမ့ၢ်အိၣ်ဒီးပှၤတဂၤဂၤ, လၢပနာ်အီၤန့ၢ်သ့, ဒီးတဲတၢ်ခူသူၣ်အီၤလၢ ပတၢ်ပျံၤတၢ်ဖုး, ဒီးပသးဆၢမိၣ်န့ၢ်တၢ်ဖးဒိၣ်တဖၣ် သ့ဝဲအဃိ, ပှၤတဂၤအံၤ မ့ၢ်တၢ်လုၢ်ဒိၣ်ပှ့ၤဒိၣ်တမံၤ န့ၣ်လီၤ. လၢလံာ်တၢ်ကတိၤဒိအပူၤ, တၢ်ပာ်ဖျါလီၤဆီ လၢအမ့ၢ် တၢ်စံးတၢ်ကတိၤတဖၣ် အဂံၢ်သဟီၣ်န့ၣ်, ကမ့ၢ်သ့ၣ်သ့ၣ်, စီၤပၤရှလိၤမိၤ စံးကတိၤဝဲလၢ အနီၢ်ကစၢ် အတၢ်လဲၤခီဖျိ, ဖဲအစံးထီၣ်ပတြၢၤ ပှၤလၢအပာ်ဖျါထီၣ်…

တၢ်မၤသ့ၣ်နီၣ်ထီၣ်က့ၤတၢ်လၢ ကစၢ်ယွၤအိၣ်ဒီးပှၤ

ဖဲပလဲၤဟးလိာ်ကွဲဆူ ကၠီးရှၢၣ် သ့ၣ်ပှၢ်ကရၢၢ် (Joshua Tree National Park)လၢကီၢ်စဲၣ် ခဲၣ်လံၣ်ဖိနံယါ အကတီၢ်, ပထံၣ်သ့ၣ်လီၤဆီတဖၣ် လၢအဒ့အလၣ်တဖၣ် အိၣ်ကစီၤထီၣ်အသးဆူ မူခိၣ်အသိးန့ၣ်ဒီး, ထုးန့ၢ်ပသူၣ်ပသးဒိၣ်မးန့ၣ်လီၤ. ပှၤအါဒံအါဂၤ နာ်ဝဲဒၣ်လၢ ပှၤဟဲတုၤဆိ ဖဲတၢ်လီၢ်တၢ်ကျဲအံၤဒီးအိၣ်ဆိးတဖၣ်, လၢတၢ်သ့ၣ်နီၣ်ထီၣ်က့ၤ တၢ်ဂ့ၢ်လၢလံာ်စီဆှံအလီၢ်လံၤတကတြူၢ်, ဖဲ စီၤယိၤရှူ ယူာ်ထီၣ်အဘီဆူမူခိၣ် ဒ်အမ့ၢ်တၢ်ပနီၣ်လၢ ကစၢ်ယွၤ အတၢ်အိၣ်ဒီးအပှၤဂီၢ်မုၢ်, ဒီးအတၢ်မၤစၢၤအဂီၢ်, ကိးဝဲဒၣ် သ့ၣ်တဖၣ်အံၤလၢ ကၠီးရှၢၣ်သ့ၣ်ထူၣ် (Joshua Tree) န့ၣ်လီၤ.

ဖဲ ပှၤအံၣ်စရ့လးဖိတဖၣ် နုာ်လီၤအိၣ်ဆိးလၢ ကီၢ်ကနၤဧၣ်အကတီၢ်, လိၣ်ဘၣ် ကစၢ်ယွၤအတၢ်မၤစၢၤ လၢတၢ်ဒုးတၢ်ယၤအဂီၢ်န့ၣ်လီၤ. ဘၣ်ဆၣ်, မ့ၢ်လၢအဝဲသ့ၣ်မၤတၢ်ဒဲးဘးအဃိ (ယိၤရှူ ၇:၁၁-၁၂), ပှၤဂဲဖိတဖၣ် မၤနၢၤဝဲဒၣ် ပှၤအံၣ်စရ့လးဖိတဖၣ်န့ၣ်ဒီး, အဝဲသ့ၣ် ပျံၤဝဲဒၣ်လၢ ကဘၣ်လဲၤဒုးပှၤဂဲဖိတဖၣ်န့ၣ်လီၤ. ဘၣ်ဆၣ်, ကစၢ်ယွၤ ဟ့ၣ်ဂံၢ်ဟ့ၣ်ဘါ စီၤယိၤရှူလၢ “ပျံၤတၢ်တဂ့ၤ, ဘၣ်ယိၣ်တၢ်တဂ့ၤ” (၈:၁) န့ၣ်လီၤ. ဒီးကစၢ်ယွၤ စံးဘၣ်…

တၢ်ကဲခိၣ်ကဲနၢ် လၢအဆီၣ်လီၤသး

ယတံၤသကိး ဘူး(ခၠ) ဘရံး(စ) (Butch Briggs) မ့ၢ် လီၢ်ကဝီၤတီၤထီကၠိ ပှၤသိၣ်လိနဲၣ်လိ ပှၤပှီၢ်ထံအကရူၢ်ဖိတဖၣ်န့ၣ်, ယံာ်တ့ၢ်လံ ယဲၢ်ဆံတနံၣ်, ဒီးပှၤအဲၣ်ဘၣ်အီၤဒိၣ်မးန့ၣ်လီၤ. လၢတၢ်သးအိၣ်သ့ၣ်ညါတၢ်နီၢ်နီၢ်အပူၤန့ၣ်, ယသံကွၢ်အီၤ လၢနံၣ်ယဲၢ်ဆံအတီၢ်ပူၤ, မ့ၢ်အမၤန့ၢ်မၤနၢၤ ကီၢ်စဲၣ်အပတီၢ်, တၢ်ပှီၢ်ထံစဲၣ်နီၤခိၣ်ဖး ပှံၤဘျီလံလဲၣ်န့ၣ်လီၤ. ဒ်အတၢ်ပနီၣ် တမံၤ, လၢအကလုၢ်ကပုာ်လုးဖိန့ၣ် စံးဆၢယၤ “မ့ၢ်လၢယတနုာ်လီၤ တၢ်ပှီၢ်ထံအတၢ်ပြၢ နီတဘျီအဃိ, ယတမၤန့ၢ်မၤနၢၤ ခိၣ်ဖးနီတမံၤဘၣ်” န့ၣ်လီၤ. ယသံကွၢ်ကဒီးအီၤ တဘျီ, “မ့ၢ်နပျဲၢ်တဖၣ် မၤန့ၢ်မၤနၢၤ တၢ်ပှီၢ်ထံစဲၣ်နီၤခိၣ်ဖးပှံၤဘျီလဲၣ်” န့ၣ်ဒီး, လၢတၢ်သးခုအပူၤန့ၣ် စံးဆၢယၤလၢ “သၢဆံခွံဘျီ” န့ၣ်လီၤ.

ဘူး(ခၠ) သိၣ်လိန့ၢ်ယၤ တၢ်မၤလိလုၢ်ဒိၣ်ပှ့ၤဒိၣ်တမံၤန့ၣ်လီၤ. ပှၤနဲၣ်လိတၢ်တဂၤ ဘၣ်ဟံးထီၣ်ဖီၣ်ထီၣ် မူဒါအလီၢ်အလၤလၢအကါဒိၣ်ဘၣ်ဆၣ်, လၢအပျဲၢ်ပှၤပှီၢ်ထံဖိတဖၣ် ကမၤန့ၢ်မၤနၢၤတၢ်အဂီၢ်, တအဲၣ်ဒိး တၢ်ဟ့ၣ်ပာ်လၤကပီၤအီၤဘၣ်. ဘူး(ခၠ) အတၢ်ဆီၣ်လီၤသးန့ၣ် ဒုးသ့ၣ်နီၣ်ထီၣ်က့ၤယၤလၢ ဘျၢတၢ်စီၤယိၤဟၣ်ထံၣ်က့ၤ အလီၢ်အလၤဒ်လဲၣ်န့ၣ်လီၤ. စီၤယိၤဟၣ် အမူဒါန့ၣ် ကဘၣ်နဲၣ်ဃီၤပှၤဂီၢ်မုၢ်တဖၣ်ဆူ ကစၢ်ယ့ၣ်ရှူး- ဒ်အမ့ၢ် မ့းရှံအၤ,…

တၢ်ဆှၢဟ့ၣ်လီၤ တၢ်သးအိၣ်အတၢ်ဘိၣ်

ဖဲတယံာ်ဒံးဘၣ်န့ၣ် ယသ့ၣ်ညါဘၣ် တၢ်ဘိၣ် အမံၤ “ခဲ” (Care) န့ၣ် မ့ၢ်ဝဲဒၣ် လံာ်မဲာ်ဖျၢၣ်ကွဲးဖုၣ်, ဒီးလံာ်ဖျၢၣ်အလၢအပှဲၤန့ၣ် “တၢ်ပာ်ဖှိၣ်မၤသကိး ပှၤအမဲရကၤဖိအစ့, လၢတၢ်ဆှၢအီၤဆူ ကီၢ်မိၢ်ပှၢ်ယူရပၤ” (Cooperative for American Remittances to Europe), ဖဲဟီၣ်ခိၣ်ဒီဘ့ၣ်တၢ်ဒုးဖးဒိၣ် ခံဘျီတဘျီအကတီၢ်, ဒ်သိးတၢ်ကမၤစၢၤ ပှၤယူရပၤဖိ, လၢအဘၣ်သုးလီၢ်သုးကျဲတဖၣ်အဂီၢ်, ပှၤအိၣ်ဝဲတကရူၢ် လၢအဆှၢလီၤ တၢ်အီၣ်အဘိၣ်တဖၣ်န့ၣ်လီၤ. ဖဲယဖိတဖၣ် လဲၤထီၣ် ခီလ့ၣ်ကၠိအကတီၢ်, ယဆှၢဟ့ၣ်လီၤ တၢ်သးအိၣ်အဘိၣ်အပူၤန့ၣ် အါတက့ၢ်, အိၣ်ပှဲၤဒီးဟံၣ်အတၢ်အီၣ်တၢ်အီ, ဒီးတၢ်ဆၢ ကိၢ်လိၣ်,ဃုာ်ဒီး ကၠိအတၢ်ပိးလီ အဘျဲၣ်အစဲၢ် လၢအလိၣ်နီၢ်နီၢ်တဖၣ်, (မ) ဆ့ကၤအိၣ်တ့ၢ်လၢဟံၣ်တဖၣ်, လၢအဘၣ်ယဖိတဖၣ်အသးအဒိၣ်ကတၢၢ်န့ၣ်လီၤ.

မံၤ “တၢ်သးအိၣ်အတၢ်ဘိၣ်” န့ၣ် ကမ့ၢ် စိၤခဲအံၤ အတၢ်ကိးဘၣ်ဆၣ်, တၢ်မၤဒ်အမ့ၢ် တၢ်ဆှၢထီၣ်ဆှၢလီၤ ပိးလီတဖၣ်လၢအကကဲထီၣ် တၢ်မၤစၢၤန့ၣ် ဘၣ်တၢ်မၤတ့ၢ်ဝဲလၢပျၢၤန့ၣ်လီၤ. တၢ်ဂ့ၢ်အံၤ ပကထံၣ်ဘၣ် ဖဲလံာ် ၂ တံၤမသ့း အကတၢၢ်ဖိန့ၣ်လီၤ.…

တၢ်သူၣ်ကညီၤသးကညီၤ ပှၤဘၣ်နးဘၣ်ဖှီၣ်

လၢကီၢ်အမဲရကၤ အတၢ်စံၣ်စိၤတဲစိၤအပူၤ, သ့ၣ်ပှၢ်မ့ၣ်အူလၢ အမၤသံမၤဟးဂီၤတၢ် အဒိၣ်ကတၢၢ်န့ၣ် လၢဝ့ၢ် လၣ်ဟဲနၣ် (Lahaina), ဟၣ်ဝါယံၣ် (Hawaii), ဖဲလါအီကူာ် (၂၀၂၃) နံၣ်, ဒီးမၤသံဝဲဒၣ် ပှၤကညီအဂၤ ခွံဆံခွံဂၤ, ဒီးမၤဟးဂီၤ တၢ်သူၣ်ထီၣ် အါန့ၢ် အဖျၢၣ် ခံကထိန့ၣ်လီၤ. လၢတၢ်ဟးဂူာ်ဟးဂီၤတဖၣ်အဃိ ပှၤလၣ်ဟဲနၣ်ဖိတဖၣ် တူၢ်ဘၣ်နးဘၣ်ဖှီၣ်ဒိၣ်ဒိၣ်မုၢ်မုၢ်အကတီၢ်, သးအတၢ်တူၢ်ဘၣ်ခီၣ်ဘၣ်တၢ် အါထီၣ်ဝဲဒၣ် ခီဖျိလၢပှၤနုာ်လီၤဂုာ်ဟံးန့ၢ်ဆူၣ်တၢ်လၢ တၢ်သူၣ်ထီၣ်တဖၣ်အပူၤ, ဒီးပှၤဆါတၢ်ပှ့ၤတၢ် ပှၤအခၢၣ်စး (ပွဲစား) တဖၣ် ကျဲးစၢးဂုာ်ဟံးန့ၢ်ဆူၣ် တၢ်လီၢ်တၢ်ကျဲတဖၣ်အဃိန့ၣ်လီၤ.

တၢ်ဆၢန့ၢ်ဘၣ် တၢ်တတီတလိၤတဖၣ် လၢတၢ်ဂုာ်ဟံးန့ၢ် ခွဲးယာ်အတၢ်ဘၣ်ဘျုး ခီဖျိတၢ်အိၣ်အသးမၤအသး လၢအလီၤသးအုးတဖၣ်န့ၣ် မ့ၢ်တၢ်ဂ့ၢ်မိၢ်ပှၢ်လၢ ကစၢ်ယွၤ အတၢ်ကစီၣ် အဒိၣ်အဆူၣ်ဆူ အဒိၣ် (Edom) ထံကီၢ်အဂီၢ်န့ၣ်လီၤ. မ့ၢ်လၢ အဒိၣ်ထံကီၢ် ဟံးန့ၢ် တၢ်လီၢ်တၢ်ကျဲခွဲးဂ့ၤယာ်ဘၣ် (ဧိၤ ၁:၃), ဒီးမါအါထီၣ် အတၢ်ထူးတၢ်တီၤ (:၆), ပာ်ဖှိၣ်ထီၣ်အသးဒီးကလုာ်ဂၤ, ဒီးထီဒါအံၣ်စရ့လး (:၇). မၤန့ၢ်တၢ်ကူၣ်သ့…

တၢ်စံးဘျုးစံးဖှိၣ်ဆၢက့ၤ ကစၢ်ယွၤ

လၢလါအီးကထိဘၢၣ် န့ၣ် ကီၢ် ခဲနဒၢ် (Canada) ဒီး ကီး စ့း လူစံၣ်ယၤ (St.Lucia) တဖၣ် ပာ်ပနီၣ်ဝဲ ဒ်တၢ်စံးဘျုးစံးဖှိၣ် အနံၤသဘျ့န့ၣ်လီၤ. ကီၢ် လဲၣ်ဘ့ရံယၢၤ (Libaria) ပာ်လီၤဆီဝဲ လါနိၣ်ဝ့ဘၢၣ် အခီၣ်ထံးတသီ လၢတၢ်စံးဘျုးစံးဖှိၣ်အဂီၢ် မ့မ့ၢ်ကီၢ်အမဲရကၤ, ဒီးကီၢ်အီးစထရ့လယၤ န့ၣ် ပာ်ပနီၣ်ဝဲဒၣ် လါနိၣ်ဝ့ဘၢၣ်အကတၢၢ်အနွံအပူၤန့ၣ်လီၤ. ထံကီၢ်အဂၤတဖၣ်, လၢအပာ်ဃုာ်ဒီး ကီၢ် အဲကလံး, ကီၢ် ဘရၣ်စ့, ကီၢ် ရဝၣ်ဒၣ်, ဒီးကီၢ် ဖံးလံးပံၤ တဖၣ်န့ၣ် ပဒိၣ်တဖၣ်တပာ်ပနီၣ်မုၢ်နံၤလီၤဆီဘၣ်ဆၣ်, မုၢ်နံၤတဖၣ် အိၣ်ဝဲဒၣ် လၢတၢ်ဟ့ၣ်ဂံၢ်ဟ့ၣ်ဘါ တၢ်စံးဘျုးစံးဖှိၣ်အဂီၢ်န့ၣ်လီၤ.

ထံကီၢ်တဘ့ၣ်, အပှၤထံဖိကီၢ်ဖိတဖၣ် ပာ်ဖှိၣ်ထီၣ်အသးကိးဂၤဒဲး, ဒီးပာ်ဖျါထီၣ် တၢ်စံးဘျုးစံးဖှိၣ်န့ၣ် အိၣ်ဒီးအစိအကမီၤန့ၣ်လီၤ. မ့ၢ်လၢ ကစၢ်ယွၤအိၣ်ဒီး အဝဲသ့ၣ်, ဒီတဒၢကဟုကယာ်, ဒီးအတၢ်အၢၣ်လီၤတဖၣ်အဃိ, ပကထံၣ်ဘၣ် စီၤပၤ ဒၤဝံး ကိးဖှိၣ်ရိဖှိၣ် ပှၤအံၣ်စရ့လးဖိတဖၣ် လၢတၢ်စံးဘျုးစံးထီၣ်ပတြၢၤ ကစၢ်ယွၤအဂီၢ်န့ၣ်လီၤ.…