တၢ်မနုၤတမံၤ ကဒုးမၤပှၤတဂၤလၢ အကမၤစၢၤ ပှၤပြၢလိာ်သးဒီးအီၤတဂၤန့ၣ်လဲၣ်. တၢ်အီၣ်ကျးကစၢ် တဂၤ လၢအမံၤမ့ၢ်ဝဲ အဒီၣ်ဖိၣ် (Adolfo) အိၣ်ဆိးဝဲ ဖဲကီၢ်စဲၣ် ဝ့းစကိစ့ၣ် (Wisconsin) အဂီၢ်, တၢ်အံၤ မ့ၢ်ခွဲးယာ်တမံၤလၢ ကဟ့ၣ်ဂံၢ်ဟ့ၣ်ဘါ လီၢ်ကဝီၤ တၢ်အီၣ်ကျးကစၢ်အဂုၤအဂၤတဖၣ် လၢအဘၣ်ဂဲၤပျုၢ် ဂဲၤဆှး လၢတၢ်မၤ ဘၣ်ဘျိးဘၣ်ဒါ ကိၣ်ဘံး (Covid) အတၢ်သိၣ်တၢ်ဘျၢတဖၣ်အဂီၢ်န့ၣ်လီၤ. ဖဲတၢ်ဆါ သတြိာ်အကတီၢ်, အဒီၣ်ဖိၣ် အနီၢ်ကစၢ်ဒၣ်လာ် သ့ၣ်ညါဝဲ တၢ်ကီတၢ်ခဲ တၢ်တၤတဖၣ် လၢတၢ်မၤပနံာ် တၢ်ကၤအတၢ်မၤအပူၤန့ၣ်လီၤ. အဝဲဘၣ် တၢ်ဟ့ၣ်ဂံၢ်ဟ့ၣ်ဘါတ့ၢ်အီၤလၢ လီၢ်ကဝီၤ ပနံာ်ကၤတၢ်မၤအဂၤ တဖု အတၢ်သးအိၣ် ဟ့ၣ်မၤစၢၤအီၤလံအဃိဒီး, အဒီၣ်ဖိၣ် စူးကါအနီၢ်ကစၢ်ဒၣ်ဝဲအစ့ အါန့ၢ်ဒီလၣ် ခံကထိ လၢတၢ်ပှၤတၢ်ဟ့ၣ်လံာ်က့ဖိတဖၣ် (gift cards) အဂီၢ်, ဒီးဟ့ၣ်လီၤဝဲဆူ ပှၤဟဲပှ့ၤအီၣ်တၢ်လၢအအိၣ် တဖၣ်, ဒ်သိးအဝဲသ့ၣ် ကစူးကါဝဲလၢ တၢ်အီၣ်ကျးအဂၤတဖၣ် လၢအပှၤတဝၢပူၤအဂီၢ်န့ၣ်လီၤ. တၢ်မၤအံၤ မ့ၢ်တၢ်ပာ်ဖျါထီၣ်တၢ်အဲၣ်, တမ့ၢ်ထဲလၢ တၢ်ကတိၤဧိၤဘၣ်, မ့မ့ၢ်လၢတၢ်မၤအပူၤန့ၣ်လီၤ.

စီၤယိၤဟၣ် ဟံးန့ၢ်တၢ်အခီၣ်တဃၣ်လၢ ကစၢ်ယ့ၣ်ရှူး ဒုးနဲၣ်ဖျါထီၣ် တၢ်အဲၣ်တၢ်ကွံ အတၢ်ပာ်ဖျါ အထီကတၢၢ် ခီဖျိလၢတၢ်သးအိၣ်ဟ့ၣ်လီၤ အသးသမူလၢ ပှၤဟီၣ်ခိၣ်ဖိတဖၣ်အဂီၢ်, ဒီးဟ့ၣ်သဆၣ်ထီၣ် အပှၤဖးတၢ်ဖိတဖၣ်စ့ၢ်ကီး ကခါထီၣ်ဆူညါတကါ ဒီးကအဲၣ်တၢ်ကွံတၢ် ခီဖျိတၢ်မၤ လၢ ၁ ယိၤဟၣ် ၃:၁၆ အပူၤန့ၣ်လီၤ. အဆၢဖိ ၁၆ အပူၤ စီၤယိၤဟၣ်ပာ်ဖျါဝဲ, တၢ်“ပာ်လီၤကွံာ် ပသးသမူလၢ ပဒီပုၢ်ဝဲၢ်အဂီၢ်” စံးတၢ်န့ၣ်, မ့ၢ်တၢ်ဒုးနဲၣ်ဖျါ တၢ်အဲၣ်တကလုာ်ဃီ လၢကစၢ်ယ့ၣ်ရှူးဟ့ၣ်ဒိဟ့ၣ်တဲာ်- ဒီးအါစုအါဘျီန့ၣ်, ကဘၣ်မ့ၢ်တၢ်လၢပမၤအီၤ ကိးနံၤဒဲး, ပကဘၣ်အိၣ်မူဖံးမၤနီၢ်နီၢ်, ဒ်ပစံးတၢ်အသိး, လၢတၢ်နီၤဟ့ၣ်လီၤ နီၢ်ခိနီၢ်ခီ တၢ်စုလီၢ်ခီၣ်ခိၣ်တဖၣ်န့ၣ်လီၤ. အဆၢဖိ ၁၈ ပာ်ဖျါဝဲ တၢ်အဲၣ်ထဲလၢထးခိၣ်အတၢ်စံး တၢ်ကတိၤန့ၣ် တလၢပှဲၤဘၣ်. တၢ်အဲၣ်တၢ်ကွံ လိၣ်ဘၣ် တၢ်သူၣ်တီသးရၤ, ဒီးတၢ်မၤတဖၣ်လၢ အအိၣ်ဒီးအခီပညီန့ၣ်လီၤ.

မ့ၢ်လၢတၢ်အဲၣ်အိၣ်ဒီး တၢ်မၤန့ၣ် လိၣ်ဘၣ် ပနီၢ်ကစၢ်အတၢ်ဟ့ၣ်လီၤသး မ့တမ့ၢ် ပှၤဂၤအဘျုး အဖှိၣ်အိၣ်ဘၣ်ဆၣ် ကဲထီၣ်တၢ်မၤဘၣ်ဒိဘၣ်ထံးတၢ်လၢပဂီၢ်အဃိ ကီခဲသ့ဝဲဒၣ်န့ၣ်လီၤ. ခီဖျိကစၢ်ယွၤ အသးစီဆှံ အတၢ်တိၤစၢၤမၤစၢၤ, ဒီးတၢ်သ့ၣ်နီၣ်ထီၣ်က့ၤ ကစၢ်ယွၤအတၢ်သးအိၣ် အဲၣ်တၢ်အဒိၣ်အအါ လၢပဂီၢ်အဃိ, ပခါထီၣ် တၢ်အဲၣ်အခီၣ်ကါလၢခံတကါသ့ဝဲဒၣ်န့ၣ်လီၤ.