ကစၢ်ယွၤ ပၢဆှၢတၢ်အလီၢ်အကျဲ
ဖဲ ၂၀၂၁၈ နံၣ်, လၢ ဝ့ၢ်နယူယီးန့ၣ် ပှၤကညီတဂၤ လဲၤဒိးလဲအိၣ်ဆိးဝဲဒၣ် ဒၢးတဖျၢၣ်, ဒ်သိးကအိၣ်ဆိးဝဲဒၣ်ထဲတနၤဧိၤန့ၣ်လီၤ. တၢ်လၢအလီၤကမၢကမၣ်န့ၣ် အဝဲမၤတရီတပါ တၢ်ဒိးလဲဟံၣ်ဃီဒၢး အတၢ်သိၣ်တၢ်ဘျၢတဖၣ် လၢအတဘၣ်တၢ်ပာ်ဖျါဆှဲအီၤ, ဒီးလၢယဲၢ်နံၣ်အတီၢ်ပူၤ, စူးကါဝဲ ဒၢးတဖျၢၣ်န့ၣ် တဟ့ၣ်ဝဲ တၢ်ဒိးလဲအဘူးအလဲကျိၣ်စ့နီတဘ့ၣ်ဘၣ်. ဘၣ်ဆၣ်, ကဘၣ်ဟးထီၣ်ဝဲဒၣ်လၢ ဒၢးတဖျၢၣ်အံၤန့ၣ် မ့ၢ်လၢဂ့ၢ်လိာ်ဝဲအဃိ, အကတၢၢ်န့ၣ် ဘၣ်တၢ်ဆှၢအီၤဆူဃိာ်ပူၤန့ၣ်လီၤ.
ဒ်ပှၤဟဲဒိးလဲအိၣ်ဆိးဟံၣ်ဒၢး, လၢတၢ်ဆၢကတီၢ်ဖးယံာ်ဖးထီ လၢပှၤတအဲၣ်ဒိးတူၢ်လိာ်အီၤတဂၤအသိး, ပမ့ၢ်တပာ်သူၣ်ပာ်သးဘၣ်န့ၣ်ဒီး, မုၢ်ကီၤလံၢ် ကဟးဝ့ၤဝီၤဝဲဒၣ်လၢ ပတၢ်အိၣ်မူအပူၤအဂ့ၢ်န့ၣ် စီၤယၤကိာ် ဟ့ၣ်ပလီၢ်ပှၤလၢ "ထီဒါမုၣ်ကီၤလံၢ်တက့ၢ်, ဒီးကဃ့ၢ်ထီၣ်ကွံာ်လၢသုအိၣ်" (၄:၇) န့ၣ်လီၤ. ပှၤတၢ်မၢဖိ စီၤယၤကိာ် ပာ်ဖျါမၤလီၤတံၢ်ဝဲလၢ ပတၢ်ဂဲၤလိာ်တဖၣ်န့ၣ် အိၣ်ဟဲဝဲလၢ "ပတၢ်သးကွံ" လၢအတကဆှီ, ဒီးတၢ်ပာ်သူၣ်ပာ်သး လၢအတဂ့ၤတဘၣ် (:၁,၃), ဒ်အမ့ၢ်ဝဲ, တၢ်ပာ်ထီၣ်ထီသး, နီၢ်သးအတၢ်အိၣ်အသးခံထံၣ် လၢအထီဒါလိာ်သး, ဒီးပတၢ်ဆိကမိၣ်လၢအတကဆှီတဖၣ် အိၣ်ဆိးဝဲလၢ ပသးကံၢ်ပူၤန့ၣ်လီၤ. ဒ်သိးပကကွၢ်ဆၢၣ်မဲာ် တၢ်လ့ပစီတဖၣ်အံၤအဂီၢ်န့ၣ် စီၤယၤကိာ် ဟ့ၣ်လီၤဝဲ တၢ်မၤလိာ်ခံထံၣ်,…
တၢ်ပူၤလီၢ်တဖၣ်လၢ အဘှီဂ့ၤတၢ်, ဒီးမၤဘျါက့ၤတၢ်
တၢ်ဃုထံၣ်သ့ၣ်ညါ ပာ်ဖျါဝဲလၢ တၢ်ကတိၤမုာ်နၢ်ဆၢသး လၢအတတီတလိၤန့ၣ် ကၠဲ(န) စံ (Gen Z) အစိၤ, ၦၤသးစၢ်တဖၣ် ထံၣ်သ့ၣ်ညါဝဲလၢ တၢ်အယံၤန့ၣ်လီၤ. တၢ်ပညိၣ်န့ၣ် မ့ၢ်ဝဲလၢ တၢ်သူၣ်ကညီၤသးကညီၤသ့ၣ်သ့ၣ်ဘၣ်ဆၣ်, ကၠဲ(န) စံ အစိၤပှၤသးစၢ်တဖၣ်န့ၣ် ပာ်လုၢ်ပာ်ပှ့ၤဝဲ တၢ်အဒိၣ်အယိာ်တမံၤ, လၢအမ့ၢ် တၢ်ယူးယီၣ်ပးကဲတၢ်, ဒီးတၢ်တီတၢ်လိၤ အမ့ၢ်အတီနီၢ်နီၢ်န့ၣ်လီၤ. လၢတၢ်ကတိၤမုာ်နၢ်ဆၢသးအဝဲသ့ၣ်အလီၢ်န့ၣ် အဲၣ်ဒိးဝဲလၢပှၤကနာ်န့ၢ်ဘၣ်အဝဲသ့ၣ်န့ၣ်လီၤ. တၢ်မ့ၢ်စံးကတိၤတီတီလိၤလိၤဒီးအဝဲသ့ၣ်န့ၣ်, အဝဲသ့ၣ် အသးကလၢၢ်ဘၣ်ဝဲ ဒ်အဘၣ်တၢ်ပာ်ကဲႇ ပာ်လုၢ်ပာ်ပှ့ၤအဝဲသ့ၣ်, ဒီးကကဲထီၣ်တၢ်တၤ, လၢအဝဲသ့ၣ် ကဂုၤထီၣ်ပသီထီၣ်အဂီၢ်န့ၣ်လီၤ. ဘၣ်ဆၣ်, တၢ်ထံၣ်အံၤ, ပဝဲပှၤအါဒံအါဂၤအဂီၢ်န့ၣ် ဘၣ်သ့ၣ်သ့ၣ်, ကဘၣ်ဝဲကစီဒီန့ၣ်လီၤ.
ထါစံးထီၣ်ပတြၢၤ ၁၄၁:၅ ပာ်ဖျါထီၣ်ဝဲ တၢ်ကူၣ်သ့တမံၤအံၤန့ၣ်လီၤ. စီၤဒၤဝံးကွဲးပာ်ဖျါဝဲလၢ "မ်ၦၤအတီန့ၣ်တီၢ်ယၤတက့ၢ်. ကကဲထီၣ်ဝဲလၢတၢ်အဘျုးအဖှိၣ်လီၤ. မ်အသိၣ်ဃီၣ်ယၤတက့ၢ်" န့ၣ်လီၤ. လၢအတၢ်ထုကဖၣ်အပူၤန့ၣ် ဃ့ဝဲ ကစၢ်ယွၤလၢကတူၢ်လိာ် အတံၤသကိးတဖၣ် အတၢ်မၤဆါအီၤလၢ တၢ်အဲၣ်တၢ်ကွံ (:၅, ကွၢ်စ့ၢ်ကီး, ကတိၤ ၂၇:၆) အပူၤန့ၣ်လီၤ. စီၤဒၤဝံး…
တံၤသကိးတဖၣ်လၢပရ့အီၤ
စဲအ့ၣ်အတၢ်ဃိထံသ့ၣ်ညါတၢ်တမံၤန့ၣ် ပာ်ဖျါထီၣ် ကွဲၤထံၣ်ဟူအတၢ်ရဲၣ်တၢ်ကျဲၤလၢအဒုးနဲၣ် ပှၤအၢပှၤသီလၢအဂဲၤဒိပူ (mean characters) တဖၣ်န့ၣ် ဒ်သိးပကမၤအၢမၤသီတၢ်အဂီၢ်, နဲၣ်ဆှၢပှၤ သ့ဝဲနီၢ်နီၢ်န့ၣ်လီၤ. တၢ်မၤစုဆူၣ်ခီၢ်တကး (မ့) တၢ်စံးကတိၤကူၣ်အၢပှၤဂၤ (မ့) လၢအဃုတၢ်အ့ၣ်လိာ်ထီဒါလိာ်သး အကလုာ်ကလုာ်န့ၣ် သိၣ်လိနဲၣ်လိ ပှၤကွၢ်တၢ်ဖိတဖၣ်အခိၣ်နူာ်လၢ ကမၤထွဲဝဲဒၣ်အဂီၢ်န့ၣ်လီၤ. တၢ်ဘျးစဲလိာ်သးအံၤ တလီၢ်လီၢ်န့ၣ် အိၣ်ဟဲကဲထီၣ် ခီဖျိလၢသးအတၢ်သ့ၣ်ညါခူသူၣ်အပူၤ, ဒီးအခီပညီန့ၣ် တၢ်ဒုးနဲၣ်တဖၣ် လၢအကတိၤနံၤပှၤဂၤတဖၣ်န့ၣ် ဖျါဝဲဒၣ် "ဒ်အတမၤဘၣ်ဒိဆါပှၤဂၤ" ဒၣ်လဲာ်, လၢတၢ်တပာ်သူၣ်ပာ်သးအပူၤန့ၣ် ဒိၣ်စိလုၣ်ဘၢ ပအိၣ်မူမၤထွဲပှၤဂုၤပှၤဂၤတဖၣ်န့ၣ်လီၤ. လၢတၢ်န့ၣ်အဃိ, တံၤသကိးတဖၣ်လၢ ပဃုထၢရ့လိာ်သးတဖၣ်န့ၣ် ကဟဲဘၣ်ဒိဘၣ်ထံး ပတၢ်အိၣ်မူသကဲာ်ပဝးစ့ၢ်ကီးန့ၣ်လီၤ.
ဘၣ်ဃးဒီးတၢ်ဂ့ၢ်အကါဒိၣ်ဒ်သိးအံၤန့ၣ် စီၤပၤစီၤရှလိၤမိၤ ဟ့ၣ်လီၤ တၢ်ကူၣ်သ့လၢအကတၢၢ်တအိၣ်, “ပှၤလၢအလဲၤတၢ်ဒီးပှၤကူၣ်တၢ်သ့န့ၣ် ကကဲထီၣ်ပှၤကူၣ်တၢ်သ့လီၤ. မ့မ့ၢ်ပှၤဒီတံၤဒီသကိးဒီးပှၤဟးဂီၤဖိန့ၣ် ကတုၤလၢတၢ်ဟးဂီၤ” (ကတိၤ ၁၃:၂၀) န့ၣ်လီၤ. တၢ်လၢစီၤရှလိၤမိၤ အဲၣ်ဒိးစံးဝဲန့ၣ် ပှၤတဂၤဂၤကဒိးန့ၢ် တၢ်ကူၣ်သ့အံၤ ထဲတဂၤဧိၤန့ၣ်တသ့ဘၣ်အဃိ, လၢတၢ်ရ့လိာ်သးဒီးပှၤဟးဂီၤဖိတဖၣ်အလီၢ်န့ၣ် ကဘၣ်ရ့လိာ်သးဒီးသရၣ်သမါ, ဒီးတံၤသကိးလၢ အကူၣ်တၢ်သ့, လၢအပာ်ဒိၣ်ပာ်ကဲယွၤတဖၣ်န့ၣ်လီၤ.တၢ်ကဝီၤဃာ်ပသးလၢ ပှၤကူၣ်ဘၣ်ကူၣ်သ့တဖၣ်န့ၣ် ထိၣ်ဂဲၤထီၣ်…
တၢ်ကးတံာ်ဃးကျဲ, သးစီဆှံ အတၢ်နဲၣ်ဆှၢ
ယမၤဒီးယၤ, ပအိၣ်ဟဲက့ၤလၢ တၢ်လီၢ်အယံၤ, ဒီးဖဲပဟဲက့ၤဘူးထီၣ်လၢ ပဟံၣ်အကျဲန့ၣ်ဒီး, ပထံၣ်လၢ “တၢ်ကးတံာ်ဃးသိလ့ၣ်အတၢ်လဲၤတၢ်က့ၤ” အတၢ်ပနီၣ်အဃိ, ပနုာ်လီၤဆူ ပကျဲတန့ၢ်လၢၤဘၣ်. ပကတုၤဆူဟံၣ်န့ၣ် ဘူးတ့ၢ်မးလံအဃိ, ယအဲၣ်ဒိးနီၣ်ခီ တၢ်ဟ့ၣ်ပနီၣ်အဘ့ၣ်ဘၣ်လၢယသိလ့ၣ်, အဂ့ၢ်ဒ်အံၤ, ယတအဲၣ်ဒိးနီၣ်တရံးက့ၤသိလ့ၣ်အဃိန့ၣ်လီၤ. ဘၣ်ဆၣ်, ဖဲယထံၣ်ဘၣ် လီဂံၢ်အပျံၤဖးဒိၣ် တဘိန့ၣ် လီၤတဲာ်ဝဲဒၣ်လၢ ကျဲလိၤန့ၣ်ဒီး, ယသ့ၣ်ညါယဲလၢ ဘၣ်မနုၤအဃိ, ပှၤကးတံာ်ဃးကျဲလဲၣ်န့ၣ်လီၤ. ယမ့ၢ်တကနၣ်ဃုာ် တၢ်ဟ့ၣ်ပလီၢ်, ဒီးမ့ၢ်နီၣ်နုာ်လီၤဘၣ် ယသိလ့ၣ်န့ၣ်ဒီး, ယဘၣ်ကီဘၣ်ခဲဝဲဒၣ်န့ၣ်လီၤ.
လံာ်မၤတၢ် ၁၆:၆-၁၀ ပာ်ဖျါဝဲလၢ စီၤပီလူးဒီးပှၤလဲၤသကိးတၢ်ဒီးအီၤတဖၣ်န့ၣ် အသူၣ်ဆူသးဆူၣ်ဝဲဒၣ်လၢ ကလဲၤစံၣ်တဲၤတဲလီၤ တၢ်သးခုကစီၣ်ဆူ အၤစံဘၣ်ဆၣ်, သးစီဆှံန့ၣ် တြီဃးကးတ့ာ်ဃး အတၢ်လဲၤကျဲန့ၣ်လီၤ. တၢ်ဘၣ်လဲၤ ကျဲအဂၤတဘိန့ၣ် တမ့ၢ်လၢတၢ်ကတူၢ်လိာ်အီၤထီဘိန့ၣ်ဘၣ်. ဘၣ်သ့ၣ်သ့ၣ်, ကမ့ၢ်ဝဲ ကစၢ်ယွၤ နဲၣ်ဆှၢတၢ်ကျဲအသီတဘိန့ၣ်လီၤ. ဒ်သိးစီၤပီလူး အသုတလဲၤဝဲဆူ ဘံၤသူၤနံအဂီၢ်, ကစၢ်ယွၤ နဲၣ်ဆှၢအဝဲသ့ၣ် လၢကျဲအဂၤတဘိန့ၣ် လီၤဂာ်ဝဲဒ်တၢ်ဟ့ၣ်ပလီၢ်ဘ့ၣ်ဘၣ် လၢပကျဲအသိးန့ၣ်လီၤ. လီၤဆီဒၣ်တၢ်, ဖဲ စီၤပီလူး ကျဲးစၢးမၤဝဲ…
တၢ်သ့ၣ်နီၣ်ထီၣ်က့ၤ ပမ့ၢ်မတၤသ့ၣ်တဖၣ်လဲၣ်
တၢ်အီၣ်ကျးအပှၤမၤတၢ်ဖိတဂၤ ထံၣ်ဝဲဒၣ် ပိာ်ခွါလၢအသံတယူာ်, တသ့ၣ်ညါသူၣ်သ့ၣ်ညါသးတဂၤ ဖဲပှၤစူးကွံာ်တၢ်အဒၢဖးဒိၣ်အကပၤန့ၣ်လီၤ. ပှၤတဂၤအံၤ မုၢ်အတၢ်ကိၢ်အီၣ်အီၤ, တၢၢ်တဖၣ်အ့ၣ်အီၤ, ဒီးအနီၢ်ခိနီၢ်ကစၢ်န့ၣ် ဘၣ်ဒိဘၣ်ထံးနးနးကလဲာ်န့ၣ်လီၤ. အဝဲမ့ၢ်မတၤလဲၣ်န့ၣ် တသ့ၣ်ညါလီၤက့ၤအသးလၢၤဘၣ်. လၢခံသ့ၣ်ညါဝဲဒၣ် ပှၤတဂၤအံၤ အမံၤန့ၣ် “ဘဲ(န)ကၠမ့(န) ခါ(လ)” (Benjamin Kyle) ဒီးအိၣ်မူ ဒ်ပှၤတသ့ၣ်ညါသူၣ်သ့ၣ်ညါသးတဂၤအသိး, အါန့ၢ်အန့ၣ်တဆံဘျဲၣ်န့ၣ်လီၤ. အဝဲတမၤတၢ်ဘၣ်, တဒိးန့ၢ် တၢ်မၤစၢၤတဖၣ်. (မ့) အပူၤကွံာ်, တၢ်လၢအကြၢးမၤန့ၢ်ဝဲတဖၣ်လၢၤဘၣ်. ဒ်သိးကသ့ၣ်နီၣ်ထီၣ်က့ၤအသး, လၢအမ့ၢ်မတၤလဲၣ်အဂီၢ်, လီၢ်ကဝီၤပူၤ, ပှၤစီစၣ်တဖၣ် မၤစၢၤအီၤ, ခီဖျိလၢတၢ်မၤကွၢ် ဒံၣ်အဲ(န)အ့ၣ် (DNA), ဒီးလူၤဃုသ့ၣ်ညါအဂ့ၢ်အဃိ, အတၢ်အိၣ်ဆူၣ်အိၣ်ချ့ဂ့ၤထီၣ်ဝဲဒၣ်န့ၣ်လီၤ. အဝဲပာ်ဖျါထီၣ်ဝဲဒၣ် “ယအိၣ်ဒီးယဂ့ၢ်ယကျိၤ, ယတမ့ၢ်ပှၤစီစၣ်လၢ တၢ်အခီၣ်ထံးခီၣ်ဘိတအိၣ်တဂၤဘၣ်” န့ၣ်လီၤ.
လၢလံာ်စီဆှံအပူၤ, နီၢ်ရူၤသး အဂ့ၢ်စ့ၢ်ကီး, တၢ်ထံၣ်န့ၢ်အီၤသ့ဝဲဒၣ် ဒ်ပှၤလၢအဃုထံၣ်န့ၢ်က့ၤ တၢ်လၢအဘၣ်ထွဲဒီးအီၤန့ၣ်လီၤ. အဝၤသံဝံၤအလီၢ်ခံ, ဟးထီၣ်ဝဲလၢ အထံကီၢ်, ဒီးဃုထၢအိၣ်စၢဘူးလိာ်အသးဒီးအမံၤပှၢ် နီၢ်နၤဧမံ, ဒီးအမံၤပှၢ်အပှၤကလုာ်န့ၣ်လီၤ. နီၢ်ရူၤသး စံးဘၣ် နီၢ်နၤဧမံလၢ “ဖဲနလဲၤတၢ်ယကလဲၤယဲ,.... နပှၤတကလုာ်န့ၣ်…
တၢ်အိၣ်မူသကဲာ်ပဝး အတီအလိၤ
လၢတၢ်ဆိကမိၣ်ဒံဝ့ၤဒံဝီၤအကတီၢ်, စါရၤ တ့ၢ်လီၤဘၣ်ဝဲ အတၢ်မျၢ်ပလဲပသံးဖိ, လၢအမ့ၢ်အတၢ်ဖျီအတၢ်ပနီၣ်ဖိန့ၣ်ဆူ ပှၤလၢအဟံၣ်အဃီတအိၣ်တဂၤ ဃ့အီၣ်တၢ်လီခီအပူၤန့ၣ် အဝဲတသ့ၣ်ညါထွဲဝဲဘၣ်န့ၣ်လီၤ. ပှၤဟးဃ့အီၣ်တၢ် ဘ့လ့ၣ် ရ့ (Billy Ray) ဒိးန့ၢ်ဝဲဒၣ် ပသံးဖိအံၤ, ဒီးဃုသ့ၣ်ညါ ပသံးဖိအံၤအလုၢ်အပှ့ၤ, ဒီးပာ်လီၤအသးလၢ ကဆါဝဲဒၣ်န့ၣ်လီၤ. ဘၣ်ဆၣ်, အဝဲဃုထၢ တၢ်အိၣ်မူအတီအလိၤ, ဒီးစှၤသီပူၤကွံာ်ဝံၤ, ဖဲ စါရၤ ဟဲက့ၤလူၤကွၢ်ဃုက့ၤအပသံးဖိန့ၣ်ဒီး, ဟ့ၣ်ကဒါက့ၤဝဲဒၣ်န့ၣ်လီၤ. ဒ်သိးပှၤကဟ့ၣ်မၤစၢၤ ဘ့လၣ် ရ့ အဂီၢ်, စါရၤဒီးအဝၤ ဒုးအိၣ်ထီၣ်ဝဲဒၣ် စ့မိၢ်ပှၢ်, လၢအဒုးအိၣ်ထီၣ် ပှၤဂုၤပှၤဂၤအတၢ်အဲၣ်တၢ်သးအိၣ်အတၢ်ဟ့ၣ်တဖၣ်န့ၣ်လီၤ. ဘ့လ့ၣ် ရ့ ဃုထံၣ်န့ၢ် ကျိာ်စ့, ဒီးတၢ်ဟ့ၣ်ကူၣ်တဖၣ် လၢအဖိးမံဒီးသဲစး, ဝံၤအလီၢ်ခံန့ၣ်, ပှ့ၤန့ၢ်ဝဲဒၣ် ဟံၣ်တဖျၢၣ်န့ၣ်လီၤ. ဘ့လ့ၣ် ထံၣ်လိာ်က့ၤအသးဒီး အဟံၣ်ဖိဃီဖိလၢ အလီၤမၢ်ယံာ်တ့ၢ်လံတဖၣ်န့ၣ်လီၤ.
ပမ့ၢ်အိၣ်မူအိၣ်ဂဲၤလၢ တၢ်သကဲာ်ပဝး တီတီလိၤလိၤန့ၣ် ကမ့ၢ်ဝဲဒၣ် ပမၤမံသူၣ်မံသးကစၢ်ယွၤ, ဒီးကထိၣ်ဟူးထိၣ်ဂဲၤထီၣ်ပှၤဂုၤပှၤဂၤစ့ၢ်ကီးန့ၣ်လီၤ. ယွၤ ဘၣ်သူၣ်ဘၣ်သးလၢ အတၢ်အိၣ်မူတီတီလိၤလိၤအဂ့ၢ်န့ၣ် စီၤပၤရှလိၤမိၤ ပာ်ဖျါဝဲလၢ…
ကစၢ်ယွၤ အတၢ်ပာ်ပနီၣ် အလၢအပှဲၤတဖၣ်
ဖဲ ၁၉၆၀ နံၣ်တဖၣ်အပူၤ, ကီၢ်အမဲရကၤ ရူဧိၤတ့ဧိၤတဖၣ် ကစူးကါဝဲ မဲၣ်ထံထိၣ်ဒံးဘိတဖၣ်အဂီၢ်, ခီပနံၣ်တဖျၢၣ်န့ၣ် မ့ၢ်လၢအတမၤလၢပှဲၤ တၢ်ထုးထီၣ်ထိၣ်ဒံးဘိတဖၣ် လီၤတံၢ်လီၤဆဲးအဃိ, ပှၤဘၣ်မူဘၣ်ဒါတဖၣ် ဃ့ထီၣ် "ထံကီၢ်စဲးဖီကဟၣ်ကရၢတဖၣ် လၢပှၤမဲာ်တထံၣ်တၢ်" ကထုးထီၣ်ထိၣ်ဒံးဘိ အကကွဲၢ် နွံဆံ, ဖဲလၢအဝဲသ့ၣ်တထုးထီၣ်ထိၣ်ဒံးဘိတဖၣ် နီတဘျီဒံးဘၣ်ဒၣ်လဲာ်န့ၣ်လီၤ. ဘၣ်ဆၣ်, အဝဲသ့ၣ် တူၢ်လိာ်ဝဲဒၣ် တၢ်တၤတမံၤအံၤ, ဒီးမၤလၢပှဲၤတၢ်လၢအလိၣ်ဘၣ်တဖၣ် လီၤတံၢ်လီၤဆဲးန့ၣ်လီၤ. စးထီၣ်ဖဲ ၁၉၆၇ နံၣ်န့ၣ်ဒီး, စဲးဖီကဟၣ် အပှၤမၤတၢ်ဖိလၢအမဲာ်တထံၣ်တၢ်တဖၣ် တ့ဒုးအိၣ်ထီၣ် တၢ်ကွဲးလံာ်ကွဲးလဲၢ်အပီးလီတဖၣ်န့ၣ် ဘၣ်တၢ်စူးကါအီၤအါအါဂီၢ်ဂီၢ် လၢသုးမုၢ်သံၣ်ဘိအဝဲၤကျိၤတဖၣ်န့ၣ်လီၤ. ထိၣ်ဒံးဘိတဖၣ်အံၤ, တၢ်ကွဲးဘျံးကဒါအီၤခိၣ်ခံ သ့ဝဲဒၣ်, ဒီးမဲၣ်ထံန့ၣ် တၢ်တ့ကွဲးလံာ်ကျိၤအထီ ကန့ၢ်ဝဲဒၣ် တမံးလာ်, ဒီးတူၢ်ခီၣ်န့ၢ်ဝဲဒၣ် တၢ်ကိၢ်တၢ်ခုၣ်အဆူၣ်အနးတဖၣ်န့ၣ်လီၤ.
လံာ် ၁ မိၤ ၁:၂၇ ဒုးသ့ၣ်နီၣ်ထီၣ်ပှၤလၢ ပဝဲပှၤကညီတဂၤစုာ်စုာ်, ဘၣ်တၢ်တ့လီၤအီၤဒ်ကစၢ်ယွၤ အတၢ်ပာ်ပနီၣ် အလၢအပှဲၤအဂ့ၢ်, “ကစၢ်ယွၤ တ့လီၤပှၤကညီ ဒ်အက့ၢ်အဂီၤဒၣ်ဝဲအသိး, တ့လီၤပိာ်ခွါဒီးပိာ်မုၣ်” န့ၣ်လီၤ. ပဘၣ်တၢ်တ့လီၤပှၤဒ်လဲၣ်အဂ့ၢ်န့ၣ် ဆဲးကပီၤဖျါထီၣ်…
တၢ်အိၣ်မူအိၣ်ဒါ မ့ၢ်တၢ်အကါဒိၣ်
တၢ်ရဲၣ်ကျဲၤ တၢ်စီၤဟံးန့ၢ်တၢ်, လၢကျးတဖၣ်အဂီၢ်, စံၣ်ညီၣ်ကွီၢ်တဂၤ စူးကါကျိၤကျဲ လီၤဆီတမံၤ, ဒီးစံၣ်ညီၣ်ပှၤမၤကမၣ်တၢ်လၢ ကသ့စီသိလ့ၣ်တဖၣ် ဖဲပှၤပာ်သိလ့ၣ်အလီၢ် လၢဟီၣ်ကဝီၤပူၤတၢ်ဆါတၢ်ပှ့ၤကျးတဖျၢၣ်, ဒ်တၢ်မၤဂ့ၤတမံၤ လၢပှၤတဝၢအဂီၢ်န့ၣ်လီၤ. အဝဲမုၢ်လၢ်ဝဲလၢ တၢ်စံၣ်ညီၣ်အံၤ ကတြီန့ၢ်ခါဆူညါ အတၢ်ဟုၣ်တၢ်တဖၣ်, ဒီးဒ်သိးကမ့ၢ် ဝဲဒၣ် တၢ်ဟ့ၣ်ပလီၢ်ဖျိဖျိဖျါဖျါလၢ တၢ်မၤကမၣ်တၢ်န့ၣ် အိၣ်ဒီးတၢ်အစၢလၢ ပိာ်ထွဲထီၣ်အသးအဂ့ၢ်န့ၣ်လီၤ. အတၢ်ပညိၣ် မ့ၢ်ဝဲဒၣ် တၢ်မၤတဖၣ်န့ၣ် အိၣ်ဒီးတၢ်မၤအစၢတဖၣ်လၢ အပိာ်ထွဲထီၣ်အခံ, ဒီးတၢ်ကဘၣ်ဟံးန့ၢ် မူဒါန့ၣ်လီၤ.
စံၣ်ညီၣ်ကွီၢ် အတၢ်စံၣ်ညီၣ်အံၤ ဆဲးကပီၤဖျါက့ၤ တၢ်သိၣ်တၢ်သီ, ဖျါဝဲဒၣ် ဖဲ လံာ် ၄ မိၤရှ့ ၅:၆-၇ အပူၤ, “ပှၤတဂၤဂၤလၢ အမၤကမၣ်ပှၤအဂၤ... ဘၣ်တဲလီၤကျဲၤလီၤ တၢ်ကမၣ်လၢအမၤ, ဒီးဘၣ်ဟ့ၣ်က့ၤလၢ အတၢ်ကမၣ်အဃိ လၢတၢ်အကစၢ်ဒၣ်ဝဲ” အဂ့ၢ်န့ၣ်လီၤ. လံာ်စီဆှံအဆၢဖိတဖၣ်အံၤအပူၤန့ၣ် တၢ်သ့ၣ်ညါ တၢ်မၤကမၣ်တၢ်, တၢ်တဲလီၤကျဲၤလီၤတၢ်ကမၣ်, ဒီးဃုထံၣ်က့ၤတၢ်ဘၣ်လိာ်ဖိးဒ့လိာ်သးအဂ့ၢ်န့ၣ် ပကထံၣ်ဘၣ်လၢ ကစၢ်ယွၤ ပာ်ဝဲဒၣ် ဒ်တၢ်အကါဒိၣ်တမံၤန့ၣ်လီၤ. ဒီးတၢ်ဂ့ၢ်တဖၣ်အံၤ ပာ်ဖျါထီၣ် တၢ်မ့ၢ်တၢ်တီဖးဒိၣ်တထံၣ်,…
ပှၤကွၢ်ထွဲသုးကျဲၤတၢ်တဖၣ်လၢ အကလုၢ်တီ
ဖဲလါမၢ်ရှး ၂၀၂၄ အပူၤန့ၣ်, ထံကီၢ်ပဒိၣ် ကဘီယူၤ ပၢဆှၢတၢ်ကရၢကရိ (Federal Aviation Administration) မၤဝဲ တၢ်ဘံၣ်တၢ်ဘၢအတၢ်သမံသမိးအကတီၢ်, ကီၢ်အမဲရံကၤ ကဘီယူၤ အတၢ်ကရၢကရိဖးဒိၣ် (US aerospace corporation) န့ၣ် လီၤတုာ်လီၤကာ်ဝဲဒၣ်န့ၣ်လီၤ. မ့ၢ်လၢတၢ်တဘၣ်လိာ်ဘၣ်စးတဖၣ် မၤအသးတဘျီဘၣ်တဘျီ, ဒီးဘၣ်ဖဲ ကဘီယူၤ လဲၤတၢ်အကတီၢ်တဘျီန့ၣ် ကလံၤအတယၢၢ်လၢ ကဘီယူၤအကိပူၤန့ၣ် စှၤလီၤဝဲ ဒီးကဘီယူၤ အတြဲၤဆံးဖိန့ၣ် ကၢ်ဖျိးကွံာ်ဝဲအဃိ, တၢ်သမံသမိးတၢ်ဘံၣ်တၢ်ဘၢအတၢ်မၤတဖၣ်ပိာ်ထွဲထီၣ်အခံန့ၣ်လီၤ. ခီပနံၣ် အပှၤဘၣ်မူဘၣ်ဒါလၢ ကဘၣ်စံးကတိၤပာ်ဖျါတၢ်တဂၤ, ပာ်ဖျါဝဲဒၣ် ပှၤမၤတၢ်ဖိသ့ၣ်တဖၣ် ကဘၣ်မၤပိာ်ထွဲအဂီၢ်, မ့ၢ်လၢတၢ်ကနၢ်ပၢၢ် တၢ်သိၣ်တၢ်ဘျၢတဖၣ်န့ၣ် ကီဝဲခဲဝဲ, ဒီးတၢ်ဆီတလဲတၢ်သိၣ်တၢ်ဘျၢတဖၣ် တကလုာ်ဘၣ်တကလုာ်, ဒီးတဘျီဝံၤတဘျီ, ဒီးတၢ်အစၢဟဲအိၣ်ထီၣ်ဝဲ, ဒ်တၢ်သိၣ်တၢ်ဘျၢတဖၣ်လၢ အဘၣ်တၢ်တူၢ်လိာ်တ့ၢ်လံအသိး, ပှၤမၤတၢ်ဖိသ့ၣ်တဖၣ် လူၤပိာ်ထွဲလီၤတံၢ်လီၤဆဲး တသ့ဝဲဒၣ်ခဲလၢာ်အဃိ, တၢ်လီၤတုာ်လီၤကာ်တဖၣ်အံၤကဲထီၣ်အသးန့ၣ်လီၤ.
စီၤပီလူး စံးဘၣ်တဲဘၣ် ကရံၣ်သူးတၢ်အိၣ်ဖှိၣ်ဖိတဖၣ် ကြၢးထံၣ်အီၤ,ဃုာ်ဒီးခိၣ်နၢ်အဂုၤအဂၤတဖၣ် ဒ်အမ့ၢ်ပှၤအတီအလိၤတဖၣ်, ဒီးဘၣ်တၢ်ပာ်ဂၢၢ်ပာ်ကျၢၤအဝဲသ့ၣ်တဖၣ် ဒ်ကစၢ်ခရံာ် အခ့အပှၤ, လၢအကလုၢ်တီ, ဒီးဘိးဘၣ်သ့ၣ်ညါ…
ကစၢ်ယွၤ အစိကမီၤလၢ တၢ်သမၢအီၤတန့ၢ်တသ့
ဖဲတၢ်ဘှီမၤဂ့ၤက့ၤ ကီၢ်စဲၣ် ကဲ(န)ထၢးကံၣ် (Kentucky) အခၢၣ်သး, ပှၤလဲၤခီဂာ်တၢ်ဝဲၤလီၢ်တဖၣ်န့ၣ်ဒီး, ဒ်သိးပှၤလဲၤတၢ်က့ၤတၢ်ဖိတဖၣ်ကသ့ၣ်ညါဝဲအဂီၢ်, ပှၤဘၣ်မူဘၣ်ဒါတဖၣ် အဲၣ်ဒိးမၤလီၤတံၢ်ဝဲန့ၣ်လီၤ. တၢ်ပနီၣ်လၢအတဖျါဂ့ၤဂ့ၤ (မ့) ဒ်ညီနုၢ်တၢ်ဘိးဘၣ် သ့ၣ်ညါတၢ်အလီၢ်န့ၣ်, အဝဲသ့ၣ်တ့ဒုးအိၣ်ထီၣ် ထးကမိာ်ဒိၣ်ခံ (thumbtack) ဖးဒိၣ်, လၢအကစီၤထီၣ်ထီကအိၣ်ဝဲဒၣ် ခံဆံခံ-ခီၣ်ယီၢ် တထံၣ်န့ၣ် ဖဲတၢ်နုာ်လီၤ ဟးထီၣ်တၢ်သူၣ်ထီၣ်အတြဲၤအလိၤန့ၣ်လီၤ. ထးကမိာ်ဒိၣ်ခံဖးဒိၣ်အံၤ ကဲထီၣ် တၢ်ကွဲးနီၣ်တမံၤလၢ ဟီၣ်ခိၣ်ချၢ, ဒ်အမ့ၢ်တၢ်ပနီၣ်လၢ ပှၤလဲၤတၢ်က့ၤတၢ်ဖိတဖၣ်, လဲၤပူၤကွံာ်တန့ၢ်တသ့တမံၤန့ၣ် ပှၤကသမၢအီၤအဂီၢ်, အလီၢ်တအိၣ်ဘၣ်န့ၣ်လီၤ.
ဖဲဝံဒၤနံးယ့လး ၆ အပူၤန့ၣ်, ဒ်သိးကစၢ်ယွၤ ကထုးန့ၢ် ပှၤဂီၢ်မုၢ်အသးအဂီၢ်, စူးကါဝဲဒၣ် တၢ်လၢပှၤသမၢအီၤတန့ၢ်တသ့တမံၤ, မ့ၢ်လၢ စီၤဒၤနံးယ့လး ဃုထၢထီဒါ စီၤပၤ ဒၤရယါဝ့ၣ် အတၢ်ဟ့ၣ်လီၤအကလုၢ်အဃိ, ဘၣ်တၢ်တ့ၢ်လီၤကွံာ်အီၤဆူ ခ့ယုၢ်အပူၤဝံၤန့ၣ်ဒီး, ခီဖျိလၢတၢ်ဃ့ထုကဖၣ် ကစၢ်ယွၤ (:၁၀-၂၃) တပယုာ်ဃီအပူၤန့ၣ် ယွၤ မၤပူၤမၤဖျဲးအီၤ လၢတၢ်လီၤလိၢ်လီၤလးအပူၤန့ၣ်လီၤ. မ့ၢ်လၢဝံတဂၤအံၤ, “သန့ၤအသးလၢ အကစၢ်” (:၂၃) အဃိ, အိၣ်မူဘၣ်ဝဲန့ၣ်လီၤ.…