သးဝံၣ်ကဒီး

ကီၢ်အီးစထရ့လယၣ် အ “ထိၣ်စီၤပၤအီၣ်ကနဲစီ” (Honeyeater bird) တကလုၥ် တၢ်ကီဘၣ်အီၤလၢ သးပ့ၤနီၣ် အတၢ် သးဝံၣ်လီၤ. လၢတဘျီအိၣ်ဂီၢ်မုၢ် ဘၣ်ဆၣ် ခဲအံၤ အိၣ်တ့ၢ်ဒၣ် အဘ့ၣ် ၃၀၀ လီၤ. ဒီးပကမၤလိန့ၢ်လၢ အဂၤတဖၣ်အဂီၢ် အနီၣ်ဂံၢ်စှၤဒိၣ်မးလီၤ. အဖါတဖၣ် သးပ့ၤနီၣ်သးဝံၣ်အတၢ်သးဝံၣ်လီၤဆီ ဒီးလီၤတူၥ်လီၤကၥ်လၢ ကရဲၢ်သံန့ၢ်အမိၢ်လီၤ.

တၢ်ဘျုးဖးဒိၣ်လၢ ၦၤကၢၤက့ၤပၢၤက့ၤတၢ်တဖၣ် အိၣ်ဒီးတၢ်ကျဲၤလၢ ကမၤစၢၤက့ၤ ထိၣ်အီၣ်ကနဲစီတဖၣ်အံၤ ကသးဝံၣ်က့ၤတၢ်လီၤ. ဖီၣ်န့ၢ် တၢ်ကလုၢ်တဖၣ် ဒီးအိးထီၣ်န့ၣ်အဝဲသ့ၣ် ဒ်သိးအဝဲသ့ၣ်ကသ့မၤလိန့ၢ်က့ၤ တၢ်သးဝံၣ်ဖိလၢ အဲၣ်ဝဲဒိၣ်မးလီၤ. ဒ်ထိၣ်ဖါတဖၣ် မၤန့ၢ်တၢ်သးဝံၣ်အယုၢ်တဖၣ်န့ၣ် ထုးန့ၢ်အမိၢ်တဖၣ်အသးလီၤ. ဒီးတၢ်မုၢ်လၢ်အိၣ်ဝဲလၢ ထိၣ်တကလုၥ်အံၤ ကအါထီၣ်က့ၤလီၤ.

ဝံစဖါနယၤ ကတိၤလီၤဘၣ်ဆူ ၦၤအိၣ်လၢတၢ်ကီတၢ်ခဲတဖၣ်အကျါလီၤ. လၢၦၤအါဂၤအတကဲၥ်ပဝး ဟးဂီၤကွံၥ်ဝဲအဂီၢ် အဝဲဘိးဘၣ်ဝဲလၢ ယွၤအတၢ်စံၣ်ညီၣ် ဟဲဝဲလီၤ (စဖါနယၤ ၃:၁-၈). ဖဲတၢ်အံၤအလီၢ်ခံ အဝဲသ့ၣ်ခီဖျိဘၣ် တၢ်ဖီၣ်အီၤ ဒီးစိၥ်မၢကဲကုၢ်အဝဲသ့ၣ်လီၤ. ၦၤတဖၣ်အံၤ အတၢ်သးဝံၣ်လီၤမၢ်လီၤ (စံး ၁၃၇:၄).…

သးအနံၣ်အလါမ့ၢ်ထဲဒၣ်နီၣ်ဂံၢ်လီၤ

တၢ်မ့ၢ်သးစၢ်အဃိ တဒုးအိၣ်ကတီၢ် မတၤတဂၤလၢ ကမၤန့ၢ်မၤနၢၤတၢ်အဂီၢ်ဘၣ်. တၢ်န့ၣ် တဒုးဆိကတီၢ် မံၤကါလး, ၦၤတဆံတနံၣ်ဖိတဂၤဘၣ်လၢအဝဲကဆၢထၢၣ်ဆါ သၣ်သွံဆံၣ်ထံ(လီမွန်) အလီၢ်, အဝဲအိးထီၣ် တၢ်မၤဖးဒိၣ် ဘၣ်ထွဲတၢ်ကူၣ်ကၤ သၣ်သွံဆံၣ်ထံလီၤ. ‘ယၤဒီးကနဲတဖၣ်’ (Me & the Bees) သၣ်သွံဆံၣ် အတၢ်မၤ ဖးဒိၣ်အံၤ စးထီၣ်ဒီးအဝဲအဖံအတၢ်မၤအတၢ်နဲၣ်ကျဲၤ ဘၣ်ထွဲတၢ်မၤ သၣ်သွံဆံၣ်ထံလီၤ. တၢ်မၤအံၤ ခီဖျိတၢ်ဘိးဘၣ်လၢ ကွဲၤထံၣ်ဟူ အတၢ်ရဲၣ်တၢ်ကျဲၤလၢ ကိးဝဲ ၡး(ခ)ထံး(ခ) န့ၣ် အဃိ ၦၤဘျၢလီၤစ့တဖၣ် ဟဲပၥ်ဖှိၣ်စ့အဒီလၣ် ဃုကလးလီၤ. အဝဲဆဲးလီၤ အမံၤလၢ လံၥ်အၢၣ်လီၤသးအပူၤ ဒီးကျးကစၢ်လၢ ကဆါ အသၣ်သွံဆံၣ်ဖဲ နီၣ်ဂံၢ်-55 ခၠ့စတိ(လ)လီၤ. နီၢ်မံၤကါလး အတၢ်ထဲးဂံၢ်ထဲးဘါ ဒီးအတၢ်မံမီၢ်တဖၣ်အံၤ ဒုးထံၣ်က့ၤၦၤလၢ စီၤပီလူး အတၢ်ကတိၤလၢ, “မ်နသုတဒုးမၤတရီတပါနၤလၢ နသးစၢ်အဃိတဂ့ၤ” (၁ တံၤ ၄:၁၂) န့ၣ်လီၤ.

စီၤတံၤမသ့းယ တမ့ၢ်ဒ်ဖိသၣ်နီၢ်မံၤကါလးဘၣ်ယ ဖျါလၢအသးစၢ်န့ၢ် ၦၤအါဂၤလၢအၦၤကမျၢၢ်ကျါလီၤ.…

တၢ်တွံၢ်အီၤဆူ တၢ်ဘံၣ်ဘၢအလီၢ်

ပိၥ်မုၣ်ဖိတဂၤ ဟးဂဲၤထံ ဖဲပီၣ်လဲၣ်ကပၤထံကျိၤဖိအပူၤ ဒီးအပၢ်ကွၢ်ထွဲအီၤလီၤ. အရီးဘၢၣ် ခီၣ်ဖံးဖိ ထီတုၤအခီၣ်လ့ၢ်ခိၣ်လီၤ. လီၤဝဲထံကျိၤဖိအဆီတဆီဆူလၥ်တကပၤ သီၣ်ပြံၥ်ပြူၥ် တုၤလၢထံဘျံးအခီၣ်ဖံးဖိန့ၣ်လီၤ. ဖဲအဝဲလဲၤဆူညါတသ့လၢၤန့ၣ် ကဲးကိးပသူထီၣ်, “ပါပၢ် ယလီၤဘျၢလံ” အပၢ်ခါထီၣ်သၢဘီ ဒီးတုၤဆူအကပၤ ဒီး တွံၢ်ထီၣ်အီၤဆူကၢၢ်ခိၣ် အိၣ်ဒီးတပံၢ်လါဟ့လီၤ. အဝဲ တၢၤကွံၥ်ထံလၢ အခီၣ်ဖံးပူၤ ဒီးနံၤဝဲလီၤ.

ဖဲယွၤဒုးပူၤဖျဲး ၦၤကွဲးထါစီၤဒၤဝံးလၢ အဒူၣ်အဒါအစုဝံၤန့ၣ် အဝဲဆ့ၣ်နီၤ တစိၢ်ဖိ ဒီးထုးကွံၥ်အခီၣ်ဖံး ဒီးပျဲအသးမုၥ်ထီၣ်ဆူၣ်ထီၣ်ဝဲလီၤ. အဝဲကွဲးတၢ်သးဝံၣ်လၢ ပၥ်ဖျါထီၣ် အတၢ်သးပလၢၢ်ဘၣ် ဒ်အံၤ, “ယကိးထီၣ်ယွၤလၢ အဘၣ်တၢ်စံးထီၣ်ပတြၢၤ, ဒီးယကတုၤလၢ တၢ်အုၣ်က့ၤခီၣ်က့ၤလၢယဒုၣ်ယဒါလီၤ” (၂ ၡမူၤ ၂၂:၄). အဝဲ စံးထီၣ်ပတြၢၤယွၤ ဒ်အမ့ၢ်အလၢၢ်, အတိၥ်, အကတီၤ ဒီးအတၢးထီၣ်ထီလီၤ (:၂-၃). ဆူညါတတီၤ ခီဃီၤဆူထါလၢ မၤဆၢက့ၤယွၤအတၢ်ဟ့ၣ်ဆၢတဖၣ်လီၤ. ဟီၣ်ခိၣ် ကနိးကစုၥ်လီၤ. ယွၤဟဲလီၤလၢမူခိၣ်လီၤ. လၢအမဲၥ်ညါ မ့ၣ်အူခုၣ်ဟဲထီၣ်ဝဲလီၤ. အကလုၢ်သီၣ် ဒ်လီသီၣ်အသိး ဒီးထုးထီၣ်အီၤလၢထံအါအကျါလီၤ (:၈,…

သးပလၢၢ်ဘၣ်လၢဘၣ်အၢဒီးဟီၣ်ခိၣ်ကမူၣ်

လၢအဆၢကတီၢ်ဖဲ ပဝဲၦၤမၤယွၤတၢ်တဖၣ် ကရၢကိးထံၣ်လိၥ်သးအကတီၢ်န့ၣ် ဝါရဲ(န) တဲဖျါထီၣ်ဝဲလၢ အဝဲ “အသးပလၢၢ်ဘၣ်လၢ အိၣ်ဘၢဒီးဖၣ်ကမူၣ်ဖၣ်ဆါ န့ၣ်လီၤ”. ယဆိကမိၣ် အဝဲအသးတမုၥ် မ့ၢ်ဒၣ်လၢ အနီၢ်ခိ အတၢ်ဂံၢ်စၢ်ဘါစၢ်ဒီး သးၦၢ်ထီၣ် ဒီးဆူးဆါအဃိလီၤ. လၢဝါရဲ(န) ဒီးအမါ အိၣ်လံအနံၣ် ၆၀ ဘျဲၣ်လံဒီး လၢ ၂၀၂၀ နံၣ် အံၤ ကသံၣ်သရၣ် ဟဲအိၣ်သကိးအဝဲသ့ၣ် ဘၣ်ထွဲတၢ်ဘၣ်ကွဲးအသး အဂ့ၢ်ဒီး ဘၣ်ကတဲၥ်ကတီၤက့ၤအဟံၣ် ဒ်သိးၦၤဟဲကဟုကယၥ် အဝဲသ့ၣ်လၢဟံၣ် ကသ့အဂီၢ်လီၤ. လၢအဂၤတမံၤ အဝဲသ့ၣ်ပလၢၢ်ဘၣ်ဝဲလၢ အဝဲသ့ၣ် ပူၤကွံလံအသးသမူအဂ့ၤကတၢၢ်ကတီၢ်အဃိန့ၣ်လီၤ.

ဒ်သိးပကသ့ၣ်ညါ ပတၢ်လီၤတူၢ်လီၤကၥ်တဖၣ်, ပတၢ်တလၢတၦဲၤတဖၣ်, ဒီးပတၢ်ဂံၢ်စၢ်ဘါစၢ်တဖၣ် လၢနီၢ်ခိ, လၢသးအတၢ်ဟူးတၢ်ဂဲၤ ဒီးလၢသူၣ်ဂ့ၢ်သးကျိၤ အဂီၢ် တလိၣ်လၢပကအိၣ်မူ ယံာ်ယံာ်ဘၣ်. ယွၤလၢယ့ၣ်ၡူးအပူၤန့ၣ် ဟဲနုၥ်လီၤဆူ ပဟီၣ်ခိၣ်ဟးဂီၤတဘ့ၣ်အံၤ ဒီးကဟုကယၥ်ၦၤလၢ လဲၤခီဖျိဘၣ် ၦၤကညီအတၢ်အိၣ်မူ လၢ ဒုးကဲထီၣ် တၢ်ကီတၢ်ခဲဖးဒိၣ်လီၤ (စံး ၁၀၃:၁၃). အါန့ၣ်အအံၤလီၤ. အဝဲကွဲး…

တၢ်မနုၤတဖၣ်အကါဒိၣ်လဲၣ်

ယတံၤသကိးတဂၤ ဟဲက့ၤဝဲလၢ ဘၣ်တၢ်သံကွၢ်အီၤလိၤလိၤလၢ ၦၤနၥ်တၢ်အသကိး တဂၤလၢ မ့ၢ်အဝဲဘၣ်ထွဲဒီး ထံဂ့ၢ်ကီၢ်ဂ့ၢ်အကရၢမတၤလဲၣ်လီၤ. သံကွၢ်တၢ် အတၢ်တိၥ်မ့ၢ်ဒ်သိးကသ့ၣ်ညါဝဲ မ့ၢ်အဒ်သိးဒီးအီၤလၢ တၢ်ဂ့ၢ်ကီခဲအိၣ်ထီၣ်တဖၣ်လၢ အမၤလီၤဖးအဝဲသ့ၣ်အသးလၢ အလီၢ်ကဝီၤအပူၤလီၤ. ဒ်သိး ကထံၣ်န့ၢ်တၢ်ပၥ်သး တမံၤဃီအဂီၢ် အဝဲစံးဆၢဝဲလၢ “ဒ်ပမ့ၢ်ၦၤစူၢ်က့ၤနၥ်က့ၤအသိး, ယဲယပၥ် တၢ်အကါဒိၣ်လၢ ခရံၥ်အပူၤ ပမ့ၢ်တၢ်တမံၤဃီလီၤ”. လၢစီၤပီလူးအဆၢကတီၢ်န့ၣ် ခီဖျိတၢ်ကီတၢ်ခဲလီၤဆီတဖၣ်အဃိ အဝဲသ့ၣ်လီၤဖးလီၤ. တၢ်ဂ့ၢ်ခိၣ်တီဘၣ်ထွဲဒီး တၢ်အီၣ်တဖၣ်လၢပကြၢးအီၣ်, မုၢ်နံၤမတၤ မ့ၢ်မုၢ်နံၤစီဆှံအံၤ ဟဲစိၥ်တၢ်သးလီၤဖးဆူခရံၥ်ဖိလၢ ဝ့ၢ်ရိမ့ၤအပူၤလီၤ. အိၣ်ဒီးတၢ်ပၥ်လီၤသၦၢ်ၦၢ် ဒီးအလီၢ်အလၤဒၣ်ဝဲ နၥ်သက့ စီၤပီလူး ဒုးသ့ၣ်နီၣ်ထီၣ် အဝဲသ့ၣ်လၢ အဝဲသ့ၣ်အတၢ်တမံၤဃီလၢ အမ့ၢ် “မူလၢခရံၥ်အဂီၢ်” လီၤ (ရိမ့ၤ ၁၄:၅-၉). လၢကစံၣ်ညီၣ်ပၥ် တၢ်ကမၣ်ၦၤလၢအလီၢ်န့ၣ် စီၤပီလူးဟ့ၣ်ဂံၢ်ဟ့ၣ်ဘါ အဝဲသ့ၣ်လၢ ကလူၤတၢ် ဘၣ်ဃးဒီးတၢ်ဃူတၢ်ဖိး ဒီးတၢ်ဒုးထီၣ်ဒုးထီလိၥ်အသး သကိးသကိးလီၤ (:၁၉).

ဖဲတၢ်အကတီၢ်လၢထံကီၢ်တဖၣ်ယ တၢ်အိၣ်ဖှိၣ်တဖၣ် ဒီးၦၤတ0ိၥ်တဖၣ် ဘၣ်တၢ်မၤလီၤဖးအီၤ ခီဖျိတၢ်ဂ့ၢ်ကီခဲအဒိၣ်ဂ့ၤအဆံးဂ့ၤအကတီၢ်န့ၣ် ပဒုးနဲၣ်ခရံၥ် အတၢ်မၤလၢ အမ့ၢ်တၢ်မၤဃူမၤဖိးက့ၤၦၤလၢ…

တၢ်စံးဘျုးတၢ်လၢဟီၣ်ခိၣ်အမုၢ်နံၤ

ကီၢ်အဘ့ၣ် ၂၀၀ ဘျဲၣ်န့ၣ် အိၣ်ဒီးတၢ်ဟူးတၢ်ဂဲၤတဖၣ် အိၣ်ဒီးတၢ်ဒုးသ့ၣ်ညါ ၦၤဂၤတဖၣ်မ့ၢ်ဂ့ၤ, တၢ်မၤက့ၤမၤစၢၤတဖၣ် လၢမုၢ်နံၤအံၤလီၤ. တနံၣ်ဘၣ်တနံၣ် တၢ်မၤ ဟီၣ်ခိၣ်အမုၢ်နံၤအံၤ ဒုးသ့ၣ်နီၣ်ထီၣ်ၦၤ တၢ်အကါဒိၣ်ကတၢၢ်တမံၤလၢ အမ့ၢ်တၢ်ကဟုကယၥ်က့ၤ ပမူဖျၢၣ်လီၤလးအံၤန့ၣ်လီၤ. ဘၣ်ဆၣ် တၢ်မၤလၢအလီၤဘၣ်ၦၤလၢ ပကဟုကယၥ်က့ၤ ပခိၣ်ပဃၢၤအံၤ အိၣ်တ့ၢ်လံဆိန့ၢ်ဒံး တၢ်မၤမုၢ်နံၤအံၤလီၤ. က့ၤကဒါက့ၤဒၣ်ဆူ ယွၤတ့လီၤတၢ်အအိၣ်လီၤ.

ဖဲလံၥ် ၁ မိၤရှ့န့ၣ် ပမၤလိဘၣ်လၢယွၤတ့လီၤမူဟီၣ်ကယၢဒီးဒုးကဲထီၣ်စ့ၢ်ကီး ဟီၣ်ခိၣ်လၢၦၤကညီၤကအိၣ်အဂီၢ်လီၤ. တမ့ၢ်ထဲအဝဲတ့လီၤတၢ်ဒီခိၣ်တဖၣ် ဒီး လီၢ်ပၢၤ လါဟ့ဃံလၤတဖၣ်ဘၣ်, မ့မ့ၢ်တ့လီၤဧ့ၤဒ့ၣ်တၤသၣ်လီၢ်, လီၢ်ဃံလၤလၢ ဟ့ၣ်ထီၣ် တၢ်အီၣ်, တၢ်အိၣ်ကဒု ဒီးတၢ်ဃံတၢ်လၤလၢ ၦၤအိၣ်လၢအပူၤတဖၣ်အဂီၢ်လီၤ (၁ မိၤ ၂:၈-၉).

ကစၢ်ယွၤအူနူၥ်တၢ်မူအသါ ဆူအတၢ်ဘၣ်တ့အထီကတၢၢ်, ၦၤကညီအပူၤ ဝံၤ, ကစၢ်ယွၤပၥ်လီၤအဝဲသ့ၣ် ဖဲတၤသၣ်လီၢ်အံၤ (:၈,၂၂). ဒီးဟ့ၣ်အဝဲသ့ၣ်မူဒါတၢ်မၤ ဒ်သိး “ကမၤအီၤဒီးကပၢအီၤ”လီၤ (:၁၅). ဖဲစီၤအၤဒၣ်ဒီးနီၢ်အံၣ်အု ဘၣ်တၢ်ဟီထီၣ်ကွံၥ်လၢ တၤသၣ်လီၢ်ဝံံၤန့ၣ် တၢ်ကဟုကယၥ် တၢ်ဘၣ်တ့တဖၣ်အံၤ ကဲတၢ်ကီတၢ်ခဲ ဒိၣ်ထီၣ်လီၤ…

မူနီၢ်နီၢ်

မ့ၢ်လၢခရံၥ်ဂဲၤထၢၣ်သမူထီၣ်က့ၤဝံၤ တနွံလံအဃိ, ယဖိခွါ ဝး(ထ) လၢအအိၣ်ယဲၢ်နံၣ်တဂၤ နၢ်ဟူတ့ၢ်ၦၤတဲတၢ်ဂဲၤဆၢထၢၣ်သမူထီၣ်အဂ့ၢ်လီၤ. ထီဘိအဝဲအိၣ်ဒီး တၢ်သံကွၢ် တဖၣ် လီၤဆီဒၣ်တၢ် အတၢ်ကီတၢ်ခဲတဖၣ်လီၤ. ယနီၣ်သိလ့ၣ် ဒီးအဝဲဆ့ၣ်နီၤ သန့ၤအလီၢ်ဆ့ၣ်နီၤဆူအလီၢ်ခံ အိၣ်ဖဲယလီၢ်ခံလီၤ. အဝဲ ကွၢ်စိတၢ်ဆူ ပဲတြီဖိအချၢ ဒီး အဝဲစံးဝဲ “ပါပၢ်” အိၣ်ပတုၥ်တစိၢ်ဖိလၢ ကသံကွၢ်ယၤ တၢ်သံကွၢ်အကီအခဲလီၤ. “ဖဲ ကစၢ်ယ့ၣ်ၡူး ဒုးမူထီၣ်က့ၤၦၤန့ၣ် မ့ၢ်ပကမူအနီၢ်ကီၢ်ဧါ. မ့တမ့ၢ် မ့ၢ်ပကမူထဲလၢ ပခိၣ်အတၢ်သ့ၣ်ညါလီၤန့ၣ်ဧါ”.

တၢ်အံၤ မ့ၢ်တၢ်သံကွၢ်လၢ ပ0ဲအါဂၤပစိၥ်ဃုၥ်အီၤ ဒီးတမ့ၢ်ပတဲထီၣ်ဖျဲး ထီၣ်အီၤကဘူၣ်သ့ၣ်သ့ၣ်ဘၣ်. ယွၤကမၤဘျါ ပတၢ်ဆါနီၢ်နီၢ်ဧါ. ကစၢ်ကဒုးဂဲၤဆၢထၢၣ် ၦၤလၢ တၢ်သံဧါ. မ့ၢ်ကစၢ်ကမၤလၢၦဲၤအတၢ်အၢၣ်လီၤခဲလၢၥ်ဧါ.

တၢ်မၢဖိ စီၤယိၤဟၣ် ဒုးနဲၣ် ပခါဆူညါလီၤတံၢ် ဒ်“မူခိၣ်အသီဒီး ဟီၣ်ခိၣ်အသီ” လီၤ (လီၣ် ၂၁:၁). လၢဝ့ၢ်စီဆှံန့ၣ်, “ယွၤအကစၢ်ဒၣ်ဝဲ ကအိၣ်ဒီး (ၦၤ) ဒီးကကဲထီၣ် (ပ)ကစၢ်လီၤ” (:3). လၢခရံၥ်အတၢ်မၤနၢၤအဃိ တၢ်အၢၣ်လီၤအီလီၤၦၤ…

တၢ်အဲၣ်ကၢလုၢ်ကၢပှ့ၤ ဒီးတၢ်ကီတၢ်နး

ဖဲယတံၤသကိး တကဆိကတီၢ် အတၢ်ဘၣ်ထွဲဒီးယၤလၢ ဆံဆဲၣ်နံၣ်ဒီး တတဲနၢ်ပၢၢ်ယၤ တၢ်မနုၤမးန့ၣ် ယက့ၤကဒါက့ၤဆူယလုၢ်ယလၢ်လီၢ်လံၤ လၢအမ့ၢ်တၢ်တရ့ၦၤဂၤဘူးဘူးတံၢ်တံၢ်လၢၤဘၣ်လီၤ. ဖဲယသးအုးအကတီၢ်ဒ်အံၤ ကထီၣ် ယထုးထီၣ်လၢယလံၥ်စီၣ် စံၣ်အဲးလူဝံး(စ)အလံၥ်လၢ အမံၤမ့ၢ် “တၢ်အဲၣ်လွံၢ်မံၤ”ဒီးဖးအီၤလီၤ. အိၣ်ဒီးတၢ်ဂ့ၢ်လၢ တၢ်အဲၣ်န့ၣ် လီၤတူၥ်လီၤကၥ်သ့စ့ၢ်ကီးလီၤ. အဝဲကွဲးဖျါဝဲလၢ ဖဲၦၤတဂၤ တၢ်အဲၣ်မ့ၢ်တၢ်ကီလၢအဂီၢ်န့ၣ် “တၢ်ဘျၢလီၤစ့လၢ အလီၤနၥ်န့ၢ် တအိၣ်ဘၣ်”. အဝဲဟ့ၣ်ကူၣ်ဝဲလၢ တၢ်အဲၣ်တၢ်န့ၣ်အံၤ ဒီးတၢ်လဲလိၥ်အိၣ်ထီၣ် ဖဲယဖး လံၥ်ယိၤဟၣ် ၁:၁-၁၄ လၢ ကစၢ်ယ့ၣ်ၡူးဂဲၤထၢၣ်သမူထီၣ်ဝံၤ လီၣ်ဖျါထီၣ်အသး သၢဘျီ တဘျီန့ၣ်, စီၤပ့းတရူး သမၢတ့ၢ်လံခရံၥ် သၢဘျီဒၣ်လဲၥ်လံလီၤ (၁၈:၁၅-၂၇).

ဖဲလဲၤခီဖျိဘၣ် တၢ်ဆဲးဆါအသးလၢ တၢ်ညိကွံၥ်အီၤ ဒီးသမၢအီၤန့ၣ် ယ့ၣ်ၡူး ကတိၤတၢ်ဒီးစီၤပ့းတရူး လၢတၢ်သးခုတလ့ၢ် တမ့ၢ်တၢ်ပျံၤဘၣ်. လၢတၢ်ဂံၢ်ဆူၣ် ဘါဆူၣ် တမ့ၢ်လၢတၢ်ဂံၢ်စၢ်ဘါစၢ်ဘၣ်, လၢတၢ်အဲၣ်လီၤသး တအိၣ်ဒီးတမ့ၢ် တၢ်သးလၢၥ်ဘၣ်လီၤ. အဝဲဒုးနဲၣ် တၢ်သးကညီၤဒီး တမ့ၢ်တၢ်သးဖျိးဘၣ် ဒီးမၤဂၢၢ်ကျၢၤ တၢ်အဲၣ်ဘၣ်အီၤနီၢ်နီၢ်လီၤ.

လံၥ်စီဆှံ ပၥ်ဖျါဝဲလၢ စီၤပ့းတရူး…

ဟဲဒီးဘူၣ်ထီၣ်ဘါထီၣ်ယွၤ

ဖဲခရံၥ်ဖိကရၢအါဖု ပၥ်ဖှိၣ်ဘါသကိးတၢ်န့ၣ် အဝဲသ့ၣ်သးဝံၣ် တၢ်စံးထီၣ်ပတြၢၤ အတၢ်သးဝံၣ်တဖၣ်ဝံၤ ခီဖျိဘၣ်တၢ်သးခုဒီးတၢ်ဃူတၢ်မုၥ်လီၤ. ဘၣ်ဆၣ်မိၢ်တဂၤ လီၤဘှံး ဒိၣ်မးလီၤ. ဘၣ်သယဲအဖိလၢ အဟီၣ်တဂၤ ဒီးလၢအစုအဂၤတခီ ဘၣ်စိၥ်လံၥ်ဒီးဒုးနဲၣ်အဖိခွါယဲၢ်နံၣ်ဖိတဂၤလၢ လံၥ်သးဝံၣ်လီၤ. အဖိဟးထီၣ်သီဖိတဂၤစ့ၢ်ကီး ဝ့ၤဝီၤအသးလီၤ. တၢ်န့ၣ်အဃိ သးၦၢ်ပိၥ်ခွါတဂၤလၢ အဆ့ၣ်နီၤလၢအချၢန့ၣ် ကိးဖိသၣ် အဟးထီၣ်သီတဂၤဒီး ဟးယုၤဝဲဆူတၢ်ချၢလီၤ. ပိၥ်မုၣ်သးစၢ် ဖီၣ်လံၥ်သးဝံၣ်လၢ အဖိယဲၢ်နံၣ်ဖိအဂီၢ်လီၤ. လၢခံမံးနံးအဘၢၣ်ကဝီၤန့ၣ် မိၢ်တဂၤအံၤ စံးထီၣ်ပတြၢၤယွၤ လၢ တၢ်သဘျ့, ဘံၣ်လီၤအမဲၥ်ချံဒီးဘါယွၤလီၤ.

ထီဘိယွၤဘၣ်အသးလၢ အၦၤဂီၢ်မုၢ်ကဘါထီၣ်အီၤလီၤ. ပိၥ်ခွါဒီးပိၥ်မုၣ်, သးၦၢ်ဒီးသးစၢ်, ၦၤနၥ်တၢ်ယံာ်တ့ၢ်လံ ဒီးၦၤဟဲသီတဖၣ်လီၤ. ဒ်စီၤမိၤရှ့ ဆိၣ်ဂ့ၤ အံၣ်စရ့လးဖိတဖၣ် တချုးလဲၤနုၥ်ဆူ ကီၢ်တၢ်စံးပၥ်ဒံးန့ၢ်, တခူထီၣ်အဝဲသ့ၣ်လၢ ကပၥ်ဖှိၣ်လိၥ်သး “ပိၥ်ခွါဒီး ပိၥ်မုၣ်, ဒီးဖိဒံဖိသၣ်, ဒီးၦၤတခီဘီမုၢ်ဖိလၢ အအိၣ်လၢ နပဲတရီပူၤ, ဒ်သိး အကနၢ်ဟူဒီးကမၤလိတၢ် ဒီးပျံၤယွၤသုကစၢ်ဒီး ပလီၢ်အသးလၢ အကမၤတၢ်သိၣ်တၢ်သီ...” (၅ မိၤ ၃၁:၁၂). ဖဲပမၤန့ၢ် ယွၤအၦၤဂီၢ်မုၢ်တဖၣ်…

အုၣ်အသးလၢတၢ်မၤလီၢ်

အဲဘလ့ အမဲန့ၣ်ကၠၢၣ် တဲအီၤ, “ယကမၤဆံးလီၤစှၤလီၤ ဝဲၤကျိၤလၢ နအဲၣ်ဘၣ်အီၤန့ၣ် မ့ၢ်နသးထီၣ်ယၤအဖၢမုၢ်ဒံးလီၤဧါ”. လၢတၢ်အ့ၣ်တံၢ်အမဲအဖူၤ အဝဲစံးဆၢဝဲလၢ “တသးထီၣ်ဘၣ်” လီၤ. အသးဘၣ်တံၥ်တၥ်အ့န့ဒိၣ်မး မ့ၢ်လၢ တၢ်သံကွၢ်အီၤ ဒ်ၦၤဘၣ်ဆဲခွဲးအသိး အဃိလီၤ. အဝဲကျဲးစၢးမၤစၢၤတ့ၢ် ခီပနံၣ် ခီဖျိကကွဲန့ၢ်ကရူၢ်အဂၤတဖၣ် လၢအသးစဲအတၢ်မၤယ ဘၣ်ဆၣ် အတၢ်လီၢ်တၢ်ကျဲအံၣ်ဖိအံၤအဃိ တကဲထီၣ်
ဒ်အဝဲဆၢဝဲအသိးဘၣ်. အဝဲမၤသ့ထဲ အမဲၥ်ထံလီၤ ဘၣ်ဆၣ် အဝဲပၥ်လီၤအသးလၢ ကမၤဝဲ ဖဲအမဲန့ၣ်ကၠၢၣ်တဲအီၤလီၤ. ဒ်အဝဲမုၢ်လၢ်ဝဲအသိး အဝဲမၤတၢ်လဲလိၥ်တသ့ သ့ၣ်သ့ၣ်, ဘၣ်ဆၣ် ဒ်အဝဲမၤဝဲသ့အသိး မၤဝဲအဂ့ၤကတၢၢ်လီၤ. လၢစီၤပ့းတရူးအလံၥ်ပရၢတၢတဘ့ၣ်အပူၤန့ၣ် အဝဲဟ့ၣ်ဂံၢ်ဟ့ၣ်ဘါ ၦၤစူၢ်က့ၤနၥ်က့ၤခရံၥ်လၢ အဆိကတၢၢ် တဖၣ်အံၤ ဒ်သိးကပၥ်လီၤအသးလၢ “ကယဲၢ်ၦၤကညီ အတၢ်စံၣ်ညီၣ်အဖီလၥ်” လီၤ (၁ ပ့း ၂:၁၃). နကဟံးဃၥ် နတၢ်သူၣ်တီသးရၤလၢ တၢ်မၤအကီအခဲအကတီၢ်န့ၣ် တညီဝဲဘၣ်. ဘၣ်ဆၣ် စီၤပ့းတရူးစံးလၢ ယကမၤတၢ်အဂ့ၤထီဘိလီၤ. “မ်သုအိၣ်ဒီး သုတကဲၥ်ပဝးဂ့ၤလၢ ၦၤကလုၥ်တဖၣ်အကျါ, ဒ်သိးၦၤလၢအစံးအၢသု ဒ်ၦၤမၤ…