တၢ်သူၣ်ခုသးခု အတၢ်ချ့

ဘၣ်ဖဲမုၢ်တဂီၤန့ၣ်, ခါဆူညါ နံၣ်လၢအကဟဲအဂီၢ်, ယဆိကမိၣ်ထံ, ဒီးထုကဖၣ်တၢ် အကတီၢ်, တၢ်ကတိၤဖိ "လဲၤတၢ်လၢတၢ်သးခုအတၢ်ချ့အပူၤတက့ၢ်" အံၤဟဲနုၥ်လီၤဆူ ယသးပူၤ, ဒီးတၢ်ကတိၤအံၤ, ဖျါကြၢးဝဲဘၣ်ဝဲလၢယဂီၢ်န့ၣ်လီၤ. ယသးဆူၣ်ဖံးတၢ်မၤတၢ် အါတလၢန့ၣ် ဟံးထီၣ်ကွံာ်ယတၢ်သးခုတလီၢ်လီၢ်န့ၣ်လီၤ. လၢတၢ်န့ၣ်အဃိ, ဒ်တၢ်ပိၥ်ထွဲတၢ်ကတိၤနဲၣ်ကျဲအံၤအသိးႇ နံၣ်လၢအကဟဲန့ၣ် ယပၥ်လီၤယသး, ဒ်သိးယကမၤတၢ်လၢတၢ်သူၣ်ခုသးခုအပူၤႇ ဒီးဟ့ၣ်တၢ်ဆၢကတီၢ်လၢ တံၤသကိးတဖၣ်, ဒီးဟူးဂဲၤ ဖံးမၤတၢ်လၢအလီၤသးခုတဖၣ်အဂီၢ်န့ၣ်လီၤ.

တၢ်ရဲၣ်တၢ်ကျဲၤအံၤကဲဘျုးဝဲ တုၤလါမၢ်ၡးတစုန့ၣ်လီၤ. ဒီးယမၤသကိးတၢ်ဒီး ဖၠၣ်စိမိၤ တဖျၢၣ် လၢတၢ်သိၣ်လိကွၢ်ထွဲ တၢ်မၤလိအဂ့ၢ်မိၢ်ပှၢ်တခါ လၢယသုးကျဲၤ ဒုးအိၣ်ထီၣ်န့ၣ်လီၤ. တယံၥ်ဘၣ်န့ၣ် လၢတၢ်တူၢ်လိၥ်ကွဲးနုၥ် ၦၤမၤလိတၢ်ဖိအမံၤႇ ဒီးတၢ်ကတဲာ်ကတီၤဟ့ၣ်တၢ်သိၣ်လိသီလိအဂီၢ်, ယဘၣ်မၤတၢ်လၢ တၢ်ဆၢကတီၢ်ဖးယံာ်ဖးထီအပူၤန့ၣ်လီၤ. ခဲကနံၣ်အံၤ, ယကလဲၤတၢ်လၢ တၢ်သူၣ်ခုသးခုအတၢ်ချ့အပူၤ ကသ့ဒ်လဲၣ်.

ယိၤ ၁၅:၉ ပာ်ဖျါထီၣ်ဝဲ, ၦၤလၢအစူၢ်နၥ်အီၤတဖၣ်အဂီၢ်, တၢ်သးခုလၢ ကစၢ်ယ့ၣ်ၡူး အၢၣ်လီၤဝဲန့ၣ် မ့ၢ်တၢ်အိၣ်ဆိးလၢအတၢ်အဲၣ်အပူၤ, ဒီးယိၤ ၁၆:၂၄ ပာ်ဖျါဝဲ, တၢ်လၢပလိၣ်တဖၣ်န့ၣ် ပကဘၣ်ဃ့လၢ ယွၤအအိၣ် ခီဖျိလၢတၢ်ထုကဖၣ်န့ၣ်လီၤ. ယိၤ ၁၅:၁၁…

စီၤလိၣ်စီၤပၤ အတၢ်ဟဲက့ၤ

လၢကွဲၤထံၣ်ဟူ အပူၤ, ပှၤအိၣ်ခိးကွၢ် တၢ်ပာ်လီၤ နီၢ်ပၤမုာ် အဲလံၤစဘဲး ခံဂၤတဂၤ အဒဲဟီၣ်ခိၣ် အတၢ်ရဲၣ်တၢ်ကျဲၤ, လၢဟီၣ်ခိၣ်ဒီဘ့ၣ်န့ၣ် ကအိၣ်ဝဲ အကကွဲၢ်လၢ အကထိတဖၣ်, ဒီးဘၣ်သ့ၣ်သ့ၣ်, ကမ့ၢ် စံၣ်စိၤနုာ် တၢ်ရဲၣ်တၢ်ကျဲၤလၢ ပှၤကွၢ်တၢ်ဖိအအါကတၢၢ်န့ၣ်လီၤ. ဖဲလၢမုၢ်နံၤအံၤန့ၣ် ပှၤကညီၤ တကကွဲၢ် ဆၢထၢၣ်ရဲၣ်လီၤအသး လၢဝ့ၢ်လိဒိၣ်အကျဲတဖၣ်, ဒီးတနွံအတီၢ်ပူၤန့ၣ်, ပှၤခံကလီၢ်ယဲၢ်ကလး ဆၢထၢၣ်ပိာ်လိာ်အခံ ဒ်သိး ကကွၢ်ဝဲ နီၢ်ပၤမုၣ်အကျုာ်န့ၣ်လီၤ. စီၤပၤဒီးနီၢ်ပၤမုၣ် ယဲၢ်ကယၤ, ကီၢ်ခိၣ်တဖၣ်, ဒီးဝ့ၢ်ခိၣ်တဖၣ် ဟဲဟ့ၣ်တၢ်ယူးယီၣ်ဆူ ပိာ်မုၣ်တဂၤလၢ အဘၣ်တၢ်သ့ၣ်ညါအီၤလၢအဂ့ၢ်အဘါ, ဒီးအတကဲာ်ပဝးတဖၣ်အဃိ, ကဲထီၣ်ဝဲ စံၣ်စိၤနုာ်အကတီၢ်န့ၣ်လီၤ.

ဒ်ဟီၣ်ခိၣ်ဒီဘ့ၣ် ခိးကွၢ် ကီၢ်အဲကလံး, ဒီးအနီၢ်ပၤမုၣ်လၢ အပာ်တ့ၢ်အထံဖိကီၢ်ဖိ အကတီၢ်န့ၣ်, ယတၢ်ဆိကမိၣ်တဖၣ် လဲၤတူၤဆူ တၢ်ဂ့ၢ်အဂၤတမံၤ, လၢအမ့ၢ် - ပကစၢ်စီၤလိၣ်စီၤပၤအတၢ်ဟဲက့ၤန့ၣ်လီၤ. ယရှါ ၄၅:၂၀-၂၂ န့ၣ် တၢ်စံးဘၣ်ပှၤလၢ မုၢ်နံၤတနံၤ ကဟဲတုၤဃီၤဝဲလၢ, ဟီၣ်ခိၣ်ဒီဘ့ၣ် ကပာ်ဖှိၣ်အသး ဒ်သိးကဟ့ၣ်တၢ်ယူးယီၣ်ဆူ…

တၢ်မၤလီၢ်လၢ အလီၤဂာ်ဒ်မူခိၣ်ဘီမုာ်

နီၢ်ပၤမုၣ် ဘ့းထိရံၤယၢအစိၤ (Victorian) ကီၢ်အဲကလံးန့ၣ် စဲးဖီကဟၣ် တၢ်သူၣ်ထီၣ်တဖၣ် မ့ၢ်တၢ်လီၢ်တၢ်ကျဲလၢအခံးန့ၣ်လီၤ. ပှၤမၤတၢ်ဖိတဖၣ် ဘၣ်ဒိဘၣ်ထံး, သံဝဲအါမး, ဒီးဘၣ်အိၣ်ဝဲလၢ တၢ်ဖှီၣ်တၢ်ယာ်အပူၤန့ၣ်လီၤ. ကၠီး ခဲးဘၢၣ်ရံၣ် (George Cadbury) အိၣ်ဒီးတၢ်သံကွၢ်လၢအမ့ၢ်, “ပှၤမၤတၢ်ဖိ အဟံၣ်အဃီန့ၣ် မ့မ့ၢ်ဒၣ် တၢ်လီၢ်တၢ်ကျဲလၢ အဖီၣ်အယာ်န့ၣ်ဒီး, ကမၤဂ့ၤထီၣ်, မၤဒိၣ်ထီၣ်ဝဲ တၢ်ဖံးတၢ်မၤအပတီၢ်ဒ်လဲၣ်” န့ၣ်လီၤ. အခၠီးကလဲး (Chocolate) ပနံၣ်တၢ်ကၤအတၢ်မၤန့ၣ် ဒိၣ်ထီၣ်လဲၢ်ထီၣ်အဃိ, တ့ထီၣ်ဝဲ စဲးဖီကဟၣ် တၢ်သူၣ်ထီၣ်အသီလၢ အကဲဘျုး ပှၤမၤတၢ်ဖိတဖၣ်အဂီၢ်န့ၣ်လီၤ.

တၢ်အစၢမ့ၢ်ဝဲ တၢ်တ့ဒုးအိၣ်ထီၣ် သဝီ ဘိဘ့လ် (Bournville), လၢအအိၣ်ဒီး ဟံၣ်အါန့ၢ် အဖျဲၣ်သၢကယၤ, ဃုာ်ဒီးတၢ်လိာ်ကွဲလီၢ်ဖးလဲၢ်, ဖိသၣ်တၢ်လိာ်ကွဲလီၢ်, ကၠိတဖၣ်, ဒီးတၢ်ဘါသရိာ်, လၢ ခဲးဘၢၣ်ရံၣ် အပှၤမၤတၢ်ဖိတဖၣ်, ဒီးအဟံၣ်ဖိဃီဖိတဖၣ်အဂီၢ်န့ၣ်လီၤ. မ့ၢ်လၢ ခဲးဘၢၣ်ရံၣ် စူၢ်နာ် ကစၢ်ခရံာ်အဃိ, အပှၤမၤတၢ်ဖိတဖၣ် ဒိးန့ၢ်ဝဲတၢ်ဒိးလဲလၢအဂ့ၤ, ဒီးလၢတၢ်ဆူးတၢ်ဆါအဂီၢ် ဒိးန့ၢ်စ့ၢ်ကီးဝဲ တၢ်အံးထွဲကွၢ်ထွဲန့ၣ်လီၤ.…

တၢ်ဃ့တၢ်မၤစၢၤ လၢတၢ်ဆီၣ်လီၤသးအပူၤ

ပကမၤ မူးသးဖှံအဂီၢ် တၢ်ဆၢကတီၢ် ဘူးထီၣ်လံအဃိ ယမါဒီးယၤ ပစးထီၣ်ရဲၣ်ကျဲၤတၢ်န့ၣ်လီၤ. ပှၤကဟဲ အါဒံအါဂၤအဃိ, ပကဘၣ်မၢ ပှၤကတဲာ်ကတီၤန့ၣ်ပှၤ တၢ်အီၣ်တၢ်အီတမံၤမံၤဧါ. မ့ၢ်ပကဘၣ်ကတဲာ်ကတီၤ တၢ်အီၣ်လၢ ပကစၢ်ဒၣ်ဝဲဧါ. မ့ၢ်ပကဘၣ်ပှ့ၤ တၢ်ကၣ်တၢ်ဖံးတၢ်ညါတခါခါဧါ. မူခိၣ်မ့ၢ်စူၤလီၤဘၣ်ဒီး ပကဘၣ်ပှ့ၤဒဲတဖျၢၣ်ဧါ. ဖဲပဆိကမိၣ်ထိၣ်ဒွး တၢ်ဝံၤ, ပသ့ၣ်ညါလၢ ပမူးသးဖှံအတၢ်လၢာ်အါထီၣ်အါထီၣ် ဒီးတုၤဒၣ်လဲာ်လၢ တၢ်ရ့လိာ်သးအဂီၢ် တၢ်ဂ့ၢ်ကီ အိၣ်ထီၣ်ဝဲန့ၣ်လီၤ. တၢ်လၢအလိၣ်ကိးမံၤဒဲးန့ၣ် ပဂုာ်ကျဲးစၢး မၤလၢၤပှဲၤလၢ ပကစၢ်ဒၣ်ဝဲအဃိ ပလဲၤပူၤကွံာ် ခွဲးယာ်တမံၤလၢ ပကဒိးန့ၢ် တၢ်မၤစၢၤ လၢပှၤဂုၢ်ပှၤဂၤအအိၣ်န့ၣ်လီၤ.

လံာ်စီဆှံ အတၢ်ပာ်ဖျါ ပပှၤအတဝၢန့ၣ် မ့ၢ်တၢ်ရ့လိာ်သးလၢ အဘၣ်ထွဲဒီး တၢ်ဟ့ၣ်တၢ်ဒီး တၢ်ဒိးန့ၢ်တၢ် န့ၣ်လီၤ. ၁ မိၤရှ့ ၂:၁၈ န့ၣ် ပကထံၣ်ဘၣ် “တချုးလၢ တၢ်လ့ပစီလီၤဘၣ် ပှၤကညီတဖၣ်ဒၣ်လဲာ်, စီၤအၤဒၣ် လိာ်ဘၣ်တၢ်မၤစၢၤ” ဒီး ကတိၤဒိ ၁၅:၂၂ ပာ်ဖျါဝဲလၢ “ပကဘၣ်ဃုထံၣ် ပှၤဂုၢ်ပှၤဂၤအတၢ်ဟ့ၣ်ကူၣ်” ဒီး…

တၢ်ကဟုကယာ် လၢအအိၣ်ဒီးတၢ်ကူၣ်သ့

တၢ်ထံၣ်ဘၣ် ညၣ်တီသွ့ ကရူၢ်အဘ့ၣ် ၅၅ ဘ့ၣ် တီၣ်ထီၣ်အသးလၢ စကီးတလဲ (Scottish) ပီၣ်လဲၣ်ကၢၢ်နံၤန့ၣ် မ့ၢ်တၢ်မၤဘၣ်ဒိပသးန့ၣ်လီၤ. ပှၤမၤစၢၤတၢ်တဖၣ် ကျဲးစၢးမၤစၢၤအဝဲသ့ၣ်, ဘၣ်ဆၣ် အကတၢၢ်န့ၣ် ညၣ်တဖၣ် သံဝဲဒၣ်ခဲလၢာ်န့ၣ်လီၤ. ဘၣ်မနုၤအဃိ တၢ်မၤအသးဒ်သိးအံၤလဲၣ်န့ၣ် ပှၤတသ့ၣ်ညါဝဲ နီတဂၤဘၣ်ဆၣ်, ကမ့ၢ်သ့ၣ်သ့ၣ်လၢ ညၣ်တီသွ့တဖၣ် အတၢ်ဘၣ်ထွဲတၢ်စၢဃာ်လိာ်အသးအဃိန့ၣ်လီၤ. ဖဲညၣ်တဘ့ၣ်ဘ့ၣ် ဘၣ်ကီဘၣ်ခဲန့ၣ်ဒီး ဒ်သိးကမၤစၢၤအီၤအဂီၢ်, ညၣ်အဂၤတဖၣ် ဟဲဝဲဒၣ်န့ၣ်လီၤ. စ့ၣ်လၢ အမၤစၢၤ ကဟုကယာ်တၢ်အံၤ လၢတၢ်တမုၢ်လၢ်အပူၤ ဒုးဘၣ်ကီဘၣ်ခဲ အဝဲသ့ၣ်န့ၣ်လီၤ.

ပကဘၣ်မၤစၢၤပှၤဂၤန့ၣ် လံာ်စီဆှံတဲဘၣ်ပှၤဆှဲဆှဲဖိဘၣ်ဆၣ်, လၢပတၢ်မၤအပူၤ ပကဘၣ်အိၣ်ဒီး တၢ်ကူၣ်သ့န့ၣ်လီၤ. အဒိ, ဒ် ကလၤ ၆:၁ ပာ်ဖျါဝဲအသိး, ဖဲပမၤစၢၤ ပှၤတဂၤဂၤ လၢတၢ်ဒဲးဘး အတၢ်စၢဃာ်အီၤအပူၤန့ၣ်, ပကဘၣ် ပာ်သူၣ်ပာ်သးလၢ ပနီၢ်ကစၢ်ဒၣ်ဝဲ ပသုတလီၤဆူ တၢ်ဒဲးဘးအတၢ်စၢဃာ်အပူၤအံၤန့ၣ်လီၤ. ဒီး မး ၂၂:၃၉ ပာ်ဖျါထီၣ်ဝဲ "အဲၣ်ပှၤလၢနဃၢဒ်နအဲၣ်လီၤနသးဒၣ်နဲအသိး" န့ၣ်လီၤ. ကတိၤ…

ဘူၣ်ထီၣ်ဘါထီၣ်ဆိကစၢ်ယွၤ

ယတအိၣ်ဒီးတၢ်တိာ်ကျဲၤနီတဘျီလၢ ယကစးထီၣ် တၢ်ကရၢကရိတခါလၢ အတကွၢ်တၢ်အဘျုး, ဘၣ်ဃးဒီး ပှၤဒိၣ်တုာ်ခိၣ်ပှဲၤတဖၣ် အတၢ်ရ့လိာ်ဘၣ်ထွဲအဂီၢ်န့ၣ်ဘၣ်. ဒီးဖဲယသးကလၢၢ်ဘၣ်လၢ ယကဘၣ်စးထီၣ်မၤတၢ်အံၤန့ၣ်ဒီး, တၢ်သံကွၢ်တဖၣ်အိၣ်ထီၣ်အါထံၣ်န့ၣ်လီၤ. တၢ်ဟ့ၣ်သးကညီၤတၢ်ကရၢ (Charity) အံၤအဂီၢ် ကျိၣ်စ့တဖၣ်န့ၣ် ကဘၣ်တၢ်ပၢဆှၢသုးကျဲၤအီၤဒ်လဲၣ်, ဒီးတၢ်ဒုးအိၣ်ထီၣ်ကရၢအံၤ မ့ၢ်မတၤတဖၣ်န့ၣ် ကမၤစၢၤယၤလၢ တၢ်ဒုးအိၣ်ထီၣ်တၢ်ကရၢကရိအံၤလဲၣ်န့ၣ်လီၤ. အကတၢၢ်န့ၣ်, လၢတၢ်ဂ့ၢ်တၢ်ကျိၤတဖၣ်အံၤအဂီၢ် တၢ်မၤစၢၤအဒိၣ်ကတၢၢ် အိၣ်ဟဲဝဲဒၣ်န့ၣ် တမ့ၢ်လၢ ပနံာ်ကၤတၢ်မၤအလံာ်တဘ့ၣ်ဘၣ်, မ့မ့ၢ်အိၣ်ဟဲဝဲလၢလံာ်စီဆှံအပူၤန့ၣ်လီၤ.

ပှၤတဂၤဂၤ လၢကစၢ်ယွၤကိးအီၤ ဒ်သိးကသူၣ်ထီၣ်တၢ်တမံၤမံၤအဂီၢ်, တၢ်ကဖး လံာ်ဧ့စြၤန့ၣ် မ့ၢ်တၢ်လၢအကါဒိၣ်ကတၢၢ်တမံၤန့ၣ်လီၤ. လံာ်ဧ့စြၤ ၁:၄-၁၁, ၆:၈-၁၀ ပာ်ဖျါထီၣ်က့ၤ ပှၤယူဒၤတဖၣ် ဘၣ်တၢ်စိာ်မၢကဲကုၢ်ဝံၤအလီၢ်ခံန့ၣ် သူၣ်ထီၣ်ဘှီထီၣ်က့ၤ ဝ့ၢ်ယရူၤရှလ့ၣ် ဒ်လဲၣ်အဂ့ၢ်, ကျိၣ်စ့လၢအလိၣ်တဖၣ်န့ၣ် ယွၤကတဲာ်ကတီၤန့ၢ် ခီဖျိလၢကမျၢၢ်အတၢ်ဟ့ၣ်မၤဘူၣ်, ဒီးပဒိၣ်ပပှၢ်အတၢ်ဟ့ၣ်, ဧ့စြၤ ၁:၅,၃:၇ ပာ်ဖျါဝဲ, ပှၤမုာ်သးမၤကလီတၢ်တဖၣ်, ဒီးပှၤဘှီတၢ်တဖၣ် မၤသကိးတၢ်ဒ်လဲၣ်အဂ့ၢ်န့ၣ်လီၤ. ဧ့စြၤ ၃:၈ ပာ်ဖျါထီၣ်ဝဲ, ပှၤယူဒၤဖိတဖၣ် အတၢ်ဟဲက့ၤ ခံနံၣ်အတီၢ်ပူၤဒၣ်လဲာ် တၢ်သူၣ်ထီၣ်က့ၤတၢ်မၤ တစးထီၣ်ဒံးဘၣ်, မ့ၢ်လၢတၢ်ကတဲာ်ကတီၤအဆၢကတီၢ်န့ၣ်…

တၢ်ဘူၣ်တၢ်ဘါအတၢ်လဲၤ အသးသမူ

တနံၣ်ဘၣ်တနံၣ်စုာ်စုာ်အတီၢ်ပူၤန့ၣ်, ပှၤကညီနီၣ်ဂံၢ်အါန့ၢ် အကကွဲၢ်ခံကယၤ, လၢတၢ်စူၢ်တၢ်နာ်အကလုာ်အကလုာ်န့ၣ်, လဲၤသကိးဝဲ တၢ်ဘူၣ်တၢ်ဘါအတၢ်လဲၤတဖၣ်န့ၣ်လီၤ. လၢနံၣ်ဧိၤလါဧိၤတဖၣ်အပူၤန့ၣ်, ပှၤလဲၤဘူၣ်လဲၤဘါတၢ်တဂၤ အတၢ်မၤမ့ၢ်ဝဲ တၢ်လဲၤဆူ တၢ်လီၢ်စီဆှံတတီၤ ဒ်သိးကဒိးန့ၢ် တၢ်ဆိၣ်ဂ့ၤတမံၤမံၤအဂီၢ်န့ၣ်လီၤ. တၢ်မၤအံၤကမ့ၢ် တၢ်လဲၤဆူတၢ်လုၢ်ဟံၣ်, တၢ်ဘါယွၤသရိၣ်ဖးဒိၣ်, တၢ်လီၢ်စီဆှံ မ့တမ့ၢ် တၢ်လီၢ်ဂုၤဂၤတတီၤတီၤ, လၢတၢ်ကဒိးန့ၢ် တၢ်ဆိၣ်ဂ့ၤတမံၤမံၤအဂီၢ်န့ၣ်လီၤ.

ဘၣ်ဆၣ်, လၢကီၢ်ဘရံးတ့ၣ်, စဲလ်တ့း ခရံာ်ဖိတဖၣ် အတၢ်ထံၣ်တၢ်ဘူၣ်တၢ်ဘါ အတၢ်လဲၤန့ၣ် တဒ်သိးလိာ်အသးဒီးပှၤအဂၤတဖၣ်န့ၣ်ဘၣ်. အဝဲသ့ၣ် စးထီၣ်လဲၤတၢ်ဆူသ့ၣ်ပှၢ်, ပှၢ်မုၢ်ကနၢအပူၤ လၢအတအိၣ်ဒီး တၢ်နဲၣ်ကျဲ, မ့တမ့ၢ် ဒိးထီၣ်ချံ ဒီးထိၣ်လီၤထွံအီၤလၢပီၣ်လဲၣ်ပူၤ, ဖဲပီၣ်လဲၣ်မိၢ်ပှၢ်ထံကျိၤ ကစိာ်ဆှၢဝဲ တၢ်လီၢ်တတီၤဂ့ၤတတီၤဂ့ၤ- အဝဲသ့ၣ်အဂီၢ်, တၢ်ဘူၣ်တၢ်ဘါအတၢ်လဲၤ မ့ၢ်တၢ်နာ်ကစၢ်ယွၤ, ဖဲကီၢ်/လီၢ်ကဝီၤ လၢအတညီနုာ်ဒီး အဝဲသ့ၣ်န့ၣ်လီၤ. မ့ၢ်လဲၤတုၤတၢ်လီၢ်တတီၤတီၤမး, ကထံၣ်န့ၢ်ဝဲ တၢ်ဆိၣ်ဂ့ၤတမံၤမံၤန့ၣ် တမ့ၢ်ဘၣ်. မ့မ့ၢ်လၢတၢ်လဲၤကျဲဒီဘိညါစ့ၢ်ကီး ကထံၣ်န့ၢ်တၢ်ဆိၣ်ဂ့ၤန့ၣ်လီၤ.

လံာ်ဧ့ၤဘြံၤ အဆၢဒိၣ် ၁၁ န့ၣ် မ့ၢ်လံာ်စီဆှံတတီၤ, အကါဒိၣ်ဝဲလၢ ပှၤစဲလ်တ့းဖိ တဖၣ်အဂီၢ်န့ၣ်လီၤ. အဆၢဖိ…

တၢ်ဘှီဘၣ်က့ၤ အတၢ်နၢမူဖိတထံၣ်

လၢတၢ်တဲဟ့ၣ်ဒိအဖုၣ် ‘ပိာ်မုၣ်လၢအကူၣ်သ့’ (The Wise Woman) အပူၤန့ၣ်, ကၠီး မဲးဒီၣ်နဲၣ် (George MacDonald) ပာ်ဖျါဝဲ ပူတယုၢ်, ဘၣ်ထွဲဒီး ဖိသၣ်ပိာ်မုၣ်ဖိခံဂၤ , လၢအသ့ၣ်ညါဒၣ်ထဲလၢ အနီၢ်ကစၢ်ဒၣ်ဝဲအဂီၢ်, ဒီးဟဲစိာ်န့ၢ် တၢ်သူၣ်တမုာ်သးတမုာ်လၢပှၤခဲလၢာ်,ဃုာ်ဒီး အဝဲသ့ၣ်အနီၢ်ကစၢ်အဂီၢ်, တုၤပိာ်မုၣ်လၢ အကူၣ်သ့တဂၤ ဒုးလဲၤခီဖျိ အဝဲသ့ၣ် တၢ်မၤကွၢ်တမံၤဘၣ်တမံၤ, ဒ်သိးကမၤစၢၤအဝဲသ့ၣ် ကကဲထီၣ်က့ၤပှၤလၢ “အလီၤအဲၣ်လီၤကွံ” အဂီၢ်န့ၣ်လီၤ.
ဖိသၣ်ပိာ်မုၣ်ဖိတဖၣ် မ့ၢ်တမၤနၢၤဝဲ တၢ်မၤကွၢ် တမံၤဘၣ်တမံၤအဖီခိၣ်န့ၣ်ဒီး, တူၢ်ဘၣ် တၢ်မဲာ်ဆှးဒီးသးအတၢ်အိၣ်သယုၢ်သညိန့ၣ်လီၤ. ပိာ်မုၣ်ဖိခံဂၤအကျါတဂၤ, လၢအမ့ၢ် ရိၣ်စမၢ (Rosamond) န့ၣ်, ဆီတလဲက့ၤအသး အကစၢ်ဒၣ်ဝဲ “တသ့ဘၣ်” န့ၣ် အကတၢၢ်ထံၣ်သ့ၣ်ညါဝဲန့ၣ်လီၤ. အဝဲသံကွၢ် ပိာ်မုၣ်လၢအကူၣ်သ့အံၤ, “နမၤစၢၤယၤကသ့ဧါ” န့ၣ်ဒီးပိာ်မုၣ်န့ၣ် စံးဆၢအီၤ, “မ့ၢ်လၢနဃ့ယၤတၢ်မၤစၢၤအဃိ ယမၤစၢၤနၤကသ့သ့ၣ်သ့ၣ်” န့ၣ်လီၤ. တၢ်မၤစၢၤလၢထး ဟဲခီဖျိပိာ်မုၣ်လၢအကူၣ်သ့တဂၤအံၤအဃိ, ရိၣ်စမၢ စးထီၣ်လဲလိာ်အသး န့ၣ်လီၤ. အဝဲသံကွၢ်ကဒီး ပိာ်မုၣ်လၢ…

တၢ်သးခုအမဲာ်ထံ

ဘၣ်တဂီၤ, ဖဲ ဒံန် (Dean) ဟးထီၣ်လၢဟံၣ်န့ၣ်ဒီး, ထံၣ်အတံၤသကိးတနီၤ လၢအစုပူၤအိၣ်ဒီး ကလံၤဖျၢၣ် (Balloons)တဖၣ် အိၣ်ခိးအီၤန့ၣ်လီၤ. အတံၤသကိး ကၠီး (Josh) ဟဲဆူအအိၣ်, ဒီးတချုးဟ့ၣ်လီၤလံာ်ဒၢတဖျၢၣ်ဆူ ဒံန် အအိၣ်န့ၣ် စံးဝဲ, “ထါလၢနကွဲးန့ၣ် ပထၢနုာ်လီၤ လၢတၢ်ပြၢအပူၤ” န့ၣ်လီၤ. လံာ်ဒၢပူၤအိၣ်ဒီး ခးဖိတဘ့ၣ်, ကွဲးဃာ်အသးလၢ “ခိၣ်ဖးတၢ,” ဒီးတယံာ်ဘၣ်န့ၣ် ပှၤကိးဂၤ ဟီၣ်ဝဲဒၣ်ဒီးမဲာ်ထံမဲာ်နိ လၢတၢ်သးခုန့ၣ်လီၤ. ဒံန် အတံၤသကိးတဖၣ် မၤဂ့ၤတၢ်တမံၤ, တူၢ်လိာ်မၤဂၢၢ်ဂၢၢ်ကျၢၤ တၤလၣ်လၢ အသ့ ကွဲးတၢ်န့ၣ်လီၤ.

တၢ်ဟီၣ်တၢ်ယၢၤ လၢတၢ်သးခုအဂီၢ်န့ၣ် မ့ၢ်တၢ်လဲၤခီဖျိလၢ ဖျါထီဒါလိာ်သးန့ၣ်လီၤ. ညီနုၢ်တၢ်မဲာ်ထံမဲာ်နိ မ့ၢ်တၢ်ပာ်ဖျါ တၢ်ဘၣ်ဒိဆါ, ဒီးတမ့ၢ် တၢ်သးခုဘၣ်. ဒီးတၢ်သးခုန့ၣ် ညီနုၢ်မ့ၢ် တၢ်နံၤတၢ်အ့, ဒီးတမ့ၢ် မဲာ်ထံမဲာ်နိဘၣ်. ပှၤအံၣ်တလံၣ် သးပီညါကူၣ်သ့တဖၣ် မၤနီၣ်ဝဲလၢ တၢ်သးခုအမဲာ်ထံတဖၣ် ဟဲလီၤဝဲ ဖဲပှၤတဂၤအနီၢ်ကစၢ် အသးကလၢၢ်ဘၣ်တၢ်ယိာ်ယိာ်အကတီၢ်, ဒ်အမ့ၢ် ပသးကလၢၢ်ဘၣ်လၢ…

တၢ်အဂ့ၤအဝါ ယဲၢ်ထံၣ်

ဒ်တၢ်ဃုထံပာ်ဖျါဝဲအသိး, တၢ်လၢအအိၣ်ဒီးအဝဲသ့ၣ်အဂီၢ် ပှၤစံးဘျုးစံးဖှိၣ်က့ၤတၢ်နီၢ်နီၢ်တဖၣ်န့ၣ်, မံၤဘၣ်မုာ်မုာ်ခုၣ်ခုၣ်, တၢ်ဆါအက့ၢ်အဂီၤဆံးစှၤ, ဒီးမ့ၢ်ပှၤလၢအသူၣ်ခုသးခုတဖၣ်န့ၣ်လီၤ. တၢ်အံၤ, မ့ၢ်တၢ်အဘျုးအဖှိၣ်လၢ အဂ့ၤဒိၣ်မးန့ၣ်လီၤ. ပှၤကူၣ်သ့လၢသးဂ့ၢ် ပီညါတဖၣ် ဟ့ၣ်ကူၣ်ဝဲတုၤဒၣ်လဲာ်လၢ, တၢ်ကပာ် “တၢ်စံးဘျုးစံးဖှိၣ် အတၢ်ကွဲးနီၣ်” လၢကမၤဂ့ၤထီၣ် ပနီၢ်တဂၤ တၢ်န့ၢ်ဘျုး, ခီဖျိတၢ်ကွဲးလီၤ တၢ်ဂ့ၢ်ယဲၢ်ထံၣ် လၢတနွံဘၣ်တနွံစုာ်စုာ်အဂီၢ် လၢပကဘၣ်စံးဘျုးစံးဖှိၣ်တၢ်န့ၣ်လီၤ.

လံာ်စီဆှံ ဟ့ၣ်ဂံၢ်ဟ့ၣ်ဘါ တၢ်စံးဘျုးစံးဖှိၣ်က့ၤတၢ်အလုၢ်အလၢ်အဂ့ၢ်န့ၣ် ယံာ်တ့ၢ်လံန့ၣ်လီၤ. ဒ်၁ တံၤ ၄:၃-၅ ပာ်ဖျါဝဲအသိး, စးထီၣ်လၢ တၢ်အီၣ်တၢ်အီ ဒီးတၢ်ဆီဟံၣ်ဆီဃီ, ဒီးဒ် စံး ၁၀၄ ပာ်ဖျါဝဲအသိး, တုၤလၢ တၢ်ဘၣ်တ့အဃံအလၤတဖၣ်န့ၣ်လီၤ. လံာ်စီဆှံ အဲၣ်ဒိးဝဲလၢ ပကထံၣ်တၢ်တဖၣ်အံၤ, ဒ်အမ့ၢ် တၢ်ဟ့ၣ်တဖၣ် ဒီးစံးဘျုးက့ၤပှၤလၢအဟ့ၣ်တၢ်တဂၤန့ၣ်လီၤ. စံး ၁၀၇ ယၢၤထီၣ် တၢ်ဂ့ၢ်ယဲၢ်မံၤလၢ ပှၤအံၣ်စရ့လးဖိတဖၣ်ကဘၣ် စံးဘျုးစံးဖှိၣ်က့ၤတၢ် လီၤလီၤဆီဆီန့ၣ်လီၤ. အဆၢဖိ ၄-၉ န့ၣ် အဘၣ်တၢ်မၤပူၤမၤဖျဲးအီၤလၢပှၤမုၢ်ကနၢ, အဆၢဖိ ၁၀-၁၆ န့ၣ် တၢ်ထူၣ်ဖျဲးထီၣ်လၢတၢ်မၢကဲကုၢ်,…