ယွၤထံၣ်နၤ

မုၢ်ဂီၤဆိဆိတဖၣ် ကီခဲ, တမုၥ်တလၤလၢ ယတံၤသကိးမုၣ် အဲ(လ)မၢ် (Alma) အဂီၢ် မ့ၢ်လၢအဝဲအဘၣ်ကွၢ်ထွဲအဖိခံဂၤ ထဲအဝဲဒၣ်တဂၤဧိၤလီၤ. အဝဲစံးဝဲဒၣ်, “ဖဲတၢ်ခဲလၢၥ် အိၣ်ဘှ့ၣ်အိၣ်ဘှီၣ်အခါ, တၢ်ကိၢ်တၢ်ဂီၤတဖၣ် ဟဲပၢၢ်ထီၣ်လီၤ. ဖဲယမၤဟံၣ်ဃီ တၢ်မၤတဖၣ်အခါ, ယဆိကမိၣ်တၢ် ဘၣ်ဃးကျိၣ်စ့တၢ်ကိၢ်တၢ်ဂီၤ, ယဖိတဖၣ် အတၢ်အိၣ်ဆူၣ်အိၣ်ချ့ ဒီးအတၢ်မၤလိမၤဒိးအဂ့ၢ်တဖၣ်လီၤ”.

ဖဲအဝၤပၥ်တ့ၢ်ကွံၥ်အီၤအခါ, အဲ(လ)မၢ် ဟံးန့ၢ်မူဒါလၢ ကကွၢ်ဒိၣ်ထီၣ်အဖိတဖၣ် လၢအနီၢ်ကစၢ်ဒၣ်ဝဲန့ၣ်လီၤ. အဝဲစံးဝဲဒၣ်, “တၢ်အံၤမ့ၢ်တၢ်အကီအခဲလီၤ. ဘၣ်ဆၣ် ယသ့ၣ်ညါလၢ ယွၤထံၣ်ယၤ ဒီးယဟံၣ်ဖိဃီဖိန့ၣ်လီၤ. အဝဲဟ့ၣ်ယၤ တၢ်ဂံၢ်တၢ်ဘါလၢ ယကမၤတၢ်ဖံးတၢ်မၤခံခါ, ကစၢ်မၤလၢၦဲၤန့ၢ် ပတၢ်လိၣ်တဖၣ်, ဒီးပျဲ ယဖိတဖၣ်ဒိးန့ၢ်ဘၣ် အတၢ်နဲၣ်ကျဲကိးနံၤဒဲးန့ၣ်လီၤ”.

နီၢ်ဟၤကၢ် (ၦၤအဲၤကူပတူး ကုၢ်ပိၥ်မုၣ်တဂၤ) နၢ်ပၢၢ်ဝဲ ပဘၣ်တၢ်ထံၣ်လၢ ယွၤန့ၣ် အခီပညီမ့ၢ်တၢ်မနုၤလဲၣ်န့ၣ်လီၤ. ဖဲအဝဲဒၢထီၣ်လၢ စီၤအၤဘြၤဟၣ်အခါ, အဝဲစးထီၣ်တပၥ်ကဲ နီၢ်စၤရဲလၢၤဘၣ် (၁ မိၤ ၁၆:၄). ဒီးလၢတၢ်န့ၣ်အဃိ နီၢ်စၤရဲ မၤနးမၤဖှီၣ်က့ၤအီၤ, ဒီးအဝဲဃ့ၢ်ဟးထီၣ်ဆူ ၦၢ်မုၢ်ကနၢန့ၣ်လီၤ. နီၢ်ဟၤကၢ်အိၣ်ထဲတဂၤဧိၤ,…

တၢ်ထံၣ်န့ၢ်လၢ အလီၤလး

လၢ ၂၀၂၁ နံၣ်န့ၣ်, ဖဲ ကၠဲနဖၢၣ်(Jennifer) ယူၤလီၤထံအခါ, အမဲၥ်ချံလဲၤတုၤဆူ ပလီဆံး လါဟ့ဖိတဖျၢၣ်လၢ ထံကျိအခံဒးန့ၣ်လီၤ. အဝဲဘျၢၣ်ထီၣ်တၢ်လၢ အစံးဝဲလၢအမ့ၢ် “တၢ်ထံၣ်န့ၢ်ထဲတဘျီဧိၤလၢ သးသမူတစိၤအပူၤ” န့ၣ်လီၤ. ပလီအံၤအပူၤ အိၣ်ဒီး တၢ်ကစီၣ်တခါလၢ အဘၣ်တၢ်ကွဲးအီၤလၢ ၦၤသးစၢ်ပိၥ်ခွါတဂၤ ဖဲအတၢ်အိၣ်ဖျဲၣ်ဆၢက့ၤ (၁၈) ဝီတဝီ လၢ ၁၉၂၆ နံၣ်န့ၣ်လီၤ. အဝဲဃ့ကညးဃၥ်လၢ ၦၤတဂၤဂ့ၤ တဂၤဂ့ၤလၢ အထံၣ်တၢ်ကစီၣ်အံၤ ကဆှၢက့ၤအီၤဆူအအိၣ်အဂီၢ်န့ၣ်လီၤ. ကၠဲနဖၢၣ် သူဝဲ ဖ့း(စ)ဘိး(Facebook)ဒီးဃုထံၣ်တၢ်လီၢ်ဖဲ ၦၤတဂၤအံၤ အၦၤဟံၣ်ဖိဃီဖိ အိၣ်တၢ်န့ၣ်လီၤ. ၦၤအဝဲအံၤ သံဝဲဖဲ ၁၉၉၅ ဘၣ်ဆၣ်, အတၢ်ကစီၣ်ဖုၣ်ဖိလၢ တဘျီဘၣ်တၢ်ဘၢ ဃၥ်သးန့ၣ် ဟဲစိၥ်န့ၢ် တၢ်သးခုဆူ ကၠဲနဖၢၣ် ဒီးၦၤတဂၤအံၤ အဟံၣ်ဖိဃီဖိအအိၣ်န့ၣ်လီၤ.

လၢလံၥ် ၂ စီၤပၤ ၂၂:၈ အပူၤ ပဖးဘၣ် တၢ်ထံၣ်လီၤလိၢ်လီၤလး လၢစီၤဃံးလကံယၤ, ဖဲအဝဲ “ထံၣ်န့ၢ် လံၥ်တၢ်သိၣ်တၢ်သီလၢ…

တၢ်အီၣ်ကစဲးကစီးလၢအတဒိၣ်တအါ

နွဲၣ်တခူဒံၣ်ဆဲးသိအဘိၣ်ဖိန့ၣ်ဆံးဆံးဖိဧိၤလီၤ. ဘၣ်ဆၣ် တၢ်ဘိၣ်ဖိအံၤ သိၣ်လိ ၦၤအမဲရကၤမုၣ်ၦၤစိၥ်တၢ်သးခုကစီၣ်တဂၤလၢ အလဲၤမၤတၢ်လၢ ကီၢ်ဒိၣ်မံၣ်နံၣ်ကၢၣ် ရံၣ်ဘၢးပလ့း (Dominican Republic) တၢ်မၤလိဖးဒိၣ်တမံၤန့ၣ်လီၤ. ဘၣ်တဟါ ဖဲအဝဲလဲၤတုၤဆူ တၢ်အိၣ်ဖှိၣ်အတၢ်ရ့လိာ်မုာ်လိာ်, ဒီးအိးထီၣ်အနွဲၣ်တခူဒံၣ်ဆဲးသိအဘိၣ်ဖိအခါ, ၦၤပိၥ်မုၣ်တဂၤလၢ အဝဲတသ့ၣ်ညါကဲၣ်ဆိးဘၣ်တဂၤ ယူာ်ဃီၤဒီးဟံးန့ၢ်အီၣ်ဝဲတနီၤလၢတၢ်ဘိၣ်ပူၤန့ၣ်လီၤ. ၦၤအဂၤတဖၣ်စ့ၢ်ကီး ဟဲဟံးန့ၢ်အီၣ်ဝဲလီၤ.

“ရၢၢ် စၢၢ်နးလဲၣ်” ၦၤစိၥ်တၢ်သးခုကစီၣ်တဂၤအံၤ ဆိကမိၣ်ဝဲလီၤ. ဖဲန့ၣ်, အဝဲ မၤလိန့ၢ် တၢ်မၤလိတမံၤလၢ အဒုးဆီၣ်လီၤအသးန့ၣ်လီၤ. တၢ်လီၢ်ဖဲအဝဲအၢၣ်လီၤလၢ ကမၤယွၤအတၢ်မၤအတၢ်ဆဲးတၢ်လၤန့ၣ် အဝဲတနၢ်ပၢၢ်ဒံးဘၣ်. လၢကီၢ်အမဲရကၤန့ၣ်, တၢ်အကါဒိၣ်လၢ ၦၤအိၣ်ဒၣ်အတၢ်ဒၣ်ဝဲလီၤ. မ့မ့ၢ်လၢ ကီၢ်ဒိၣ်မံၣ်နံၣ်ကၢၣ် ရံၣ်ဘၢးပလ့းန့ၣ်, အဝဲနၢ်ပၢၢ်ထီၣ်ဝဲလၢ ၦၤအိၣ်မူဝဲ ဒ်ကမျၢၢ်ဒူၣ်ထၢအသိးန့ၣ်လီၤ. တၢ်နီၤသကိးလိၥ်သး တၢ်အီၣ်တၢ်အီဒီး တၢ်ဖိတၢ်လံၤန့ၣ် မ့ၢ်ကျဲလၢ ၦၤတဖၣ်အံၤ ရ့လိၥ်ဘၣ်ထွဲ တဂၤဒီးတဂၤန့ၣ်လီၤ. ကီၢ်အမဲရကၤအတၢ်ဆဲးတၢ်လၤတဂ့ၤန့ၢ် ကီၢ်ဒိၣ်မံၣ်နံၣ်ကၢၣ် ရံၣ်ဘၢးပလ့း အတၢ်ဆဲးတၢ်လၤဘၣ်. မ့ၢ်ဒၣ် တၢ်ဆဲးတၢ်လၤတဖၣ် လီၤဆီလိၥ်သးန့ၣ်လီၤ. အဝဲအၢၣ်လီၤဝဲဒၣ်, “တၢ်ထံၣ်လီၤက့ၤယသး ဒ်သိးအံၤန့ၣ် ဒုးဆီၣ်လီၤ ယသးဒိၣ်မးလီၤ”.…

ၦၤတမှံၤလၢတၢ်တအဲၣ်ဒိးအီၤတဖၣ်

Kyle(ခဲ(လ)) ဒီး Allison(အဲလံၣ်စၢၣ်) လဲၤဝဲ ၦၤထီၣ်ၦၢ်သီအတၢ်ဟးမုၥ်ကသုၣ်လၢ အမုၥ်ဒိၣ်မး ဆူတခီထံတခီကီၢ်န့ၣ်လီၤ. နၥ်သက့ ဖဲအဟဲက့ၤတုၤဆူဟံၣ်အလီၢ်ခံန့ၣ်, အဝဲသ့ၣ်ထံၣ်လၢ တၢ်သးလီၤဆီလၢ အတညီနုၢ်တခါ အိၣ်ထီၣ်ဝဲလၢ Kyle အခီၣ်လိၤန့ၣ်လီၤ. နီၢ်ဒီမါဝၤခံဂၤအံၤ ဘၣ်တၢ်နဲၣ်အီၤဆူ ကသံၣ်သရၣ်စဲၣ်နီၤ ဘၣ်ဃးဒီးတၢ်ဘၣ်ကူ ဘၣ်ဂၥ်တၢ်ဆါတဂၤအအိၣ်လီၤ. ကသံၣ်သရၣ်တဲသ့ၣ်ညါဘၣ် အဝဲသ့ၣ်လၢ တၢ်ဖိဃၢ်ဆံးဆံးလၢ အမူလၢတၢ်ဂၤအလိၤန့ၣ် ခူၣ်လီၤတၢ်အကျိၤဒီး နုၥ်လီၤဆူ Kyle အခီၣ်လၣ်အပူၤ ခီဖျိတၢ်ကဖိထံတဖၣ်လၢ အအိၣ်ထီၣ်လၢ အခီၣ်ဖံးတြံၥ်ခီၣ်အသီအဃိန့ၣ်လီၤ. တၢ်လၢအစးထီၣ် ဒ်တၢ်ဟးကသုၣ်ကသီမုၥ်လၤတခါ ကတၢၢ်ဝဲဒီး တၢ်ဒုးလိၥ်ယၤလိၥ်သးဒီး “ၦၤတမှံၤတဖၣ်” လၢတၢ်တအဲၣ်ဒိးအီၤတဖၣ် လၢအကီခဲတမံၤန့ၣ်လီၤ.

စီၤဒၤဝံး သ့ၣ်ညါလၢ အဝဲမ့ၢ်တဃ့တၢ်မၤစၢၤလၢယွၤ ဒ်သိးကဒုးတၢ်ဒဲးဘး အဂီၢ်ဘၣ်န့ၣ်, အတၢ်ဆၢအိၣ်မူလၢ အလီၤဘၣ်သူၣ်ဘၣ်သးလၢ ယွၤအမဲၥ်ညါအဂီၢ်န့ၣ် ကကဲထီၣ် တၢ်ဒုးလိၥ်သးဒီးၦၤတမှံၤလၢ တၢ်တအဲၣ်ဒိးအီၤလၢ အမ့ၢ်တၢ်ဒဲးဘးဒီး တၢ်ပူထီၣ်လီထီၣ်န့ၣ်လီၤ. စီၤဒၤဝံး ဘိးဘၣ်သ့ၣ်ညါဝဲ ယွၤဘၣ်တၢ်လီၣ်ဖျါထီၣ်လၢ န့ဆၢၣ်အကျါ (စံး ၁၉:၁-၆) ဒီးအတၢ်ကူၣ်သ့ဘၣ်တၢ်ထံၣ်န့ၢ်အီၤလၢ အတၢ်သိၣ်တၢ်သီအပူၤ (:၇-၁၀).…

ယွၤအတၢ်သးကညီၤလၢသးသမူတၢ်လဲၤ

ဘၣ်သ့ၣ်သ့ၣ် နကစးထီၣ်နတၢ်လဲၤလၢ ကီၢ်အမဲရကၤမုၢ်နုၥ်ကလံၤထံး(southwest United States), ဖဲဝ့ၢ်လၢ ဖၣ်ကမူၣ်အါတဝ့ၢ်, အမံၤလၢ “ဝ့ၢ်ဘၣ်မနုၤအဃိ(Why)” ဖဲကီၢ်စဲၣ်အရံၣ်စိနါ (Arizona) န့ၣ်လီၤ. နတၢ်လဲၤခီဂၥ်ကီၢ်အကျဲန့ၣ် ကလဲၤဖျိ “ဝ့ၢ်တလီၤတံၢ်လီဆဲး (Uncertain)” ဖဲကီၢ်စဲၣ်ထဲးစဲး(Texas) န့ၣ်လီၤ. ဆူမုၢ်ထီၣ်ကလံၤစိးန့ၣ်, နကအိၣ်ဘှံးအိၣ်သါ ဖဲ “ဝ့ၢ်တၢ်သးအုး(Dismal)” ဖဲကီၢ်စဲၣ်ထဲနစံၣ်(Tennessee) န့ၣ်လီၤ. လၢခံကတၢၢ် နကတုၤဃီၤဆူ နတၢ်လဲၤအကတၢၢ်လၢအမ့ၢ် “ဝ့ၢ်တၢ်ပျံၤတၢ်ဖုး(Panic)” ဖဲကီၢ်စဲၣ်ဖဲၣ်စၢၣ်ဘ့နံယၤ(Pennsylvania)လီၤ. တၢ်လဲၤအံၤ ဘၣ်တဘၣ် တမ့ၢ်နကဃုထၢလဲၤ ဘၣ်ဆၣ်, မ့ၢ်တၢ်လီၢ်အနီၢ်ကီၢ်တဖၣ်လၢ အမဲရကၤအမဲၥ်ဖံးခိၣ်က့ၢ်ဂီၤအလိၤန့ၣ်လီၤ.

တဘျီတခီၣ် သးသမူအတၢ်လဲၤန့ၣ် မၤသးဒ်အံၤအသိး လီၤတံၢ်လီၤဆဲးလီၤ. ပနၢ်ပၢၢ်ဒီး သးကလၢၢ်ဘၣ်ညီညီ လၢၦၤအံၣ်စရ့လးဖိတဖၣ် အတၢ်အိၣ်မူအကီအခဲ လၢၦၢ်မုၢ်ကနၢအပူၤ (၅ မိၤ ၂:၇)န့ၣ်လီၤ. တၢ်အိၣ်မူန့ၣ် ကီခဲသ့ဝဲလီၤ. ဘၣ်ဆၣ် မ့ၢ်ပထံၣ် တၢ်မၤအသးသဃဲၤအဂုၤအဂၤတဖၣ် ကစီဒီဧါ. ပဒုးအိၣ်ထီၣ် ပတၢ်လဲၤအတၢ်တိၥ်ကျဲၤဒၣ်ပဝဲ, ဒီးဃၣ်ဒူချၢသးလၢ ယွၤအကျဲန့ၣ်လီၤ (၁:၄၂-၄၃). ဒ်ၦၤအံၣ်စရ့းလးဖိတဖၣ်အသိး, ပကဒူးကဒ့ၣ်တၢ်အါဘျီ…

တၢ်အဲၣ်မ့ၢ်တအိၣ်, အဘျုးတအိၣ်

ယထုးထီၣ် စီၢ်နီၤခိၣ်လၢ ယမၤလိၥ်လီၤလီၤဆီဆီတဖျၢၣ် အကူၥ်အက့တဖၣ်လၢ တၢ်ဒၢအပူၤဒီး ရဲၣ်လီၤအီၤလၢ ယမဲၥ်ညါဝံၤအလီၢ်ခံန့ၣ်, ယပၥ်သူၣ်ပၥ်သး တၢ်လၢအတဘၣ်လိၥ်ဘၣ်စးတမံၤန့ၣ်လီၤ. စီၢ်နီၤခိၣ်အဖီခိၣ်အဒါလၢ အဃံလၤ ဒီးတၢ်အကူၣ်အက့အဂုၤအဂၤတဖၣ် အိၣ်ဝဲခဲလၢၥ်, ဘၣ်ဆၣ်ထဲအခီၣ်တခီဧိၤ တအိၣ်ဘၣ်. အခီၣ် မ့ၢ်တအိၣ်ခဲလၢၥ်ဘၣ်န့ၣ်, ယဖှိၣ်ထီၣ်ဆီထီၣ် စီၢ်နီၤခိၣ်အံၤ တသ့ဘၣ်, ဒီးအဝဲကကဲထီၣ် တၢ်လၢအဘျုးတအိၣ်ဘၣ်န့ၣ်လီၤ.

တမ့ၢ်ထဲလၢ စီၢ်နီၤခိၣ်တဖၣ်ဧိၤ ကဲထီၣ်တၢ်လၢၦၤသူအီၤတသ့, ဖဲတၢ်အကူၣ်အခီ အကါဒိၣ်တကူၥ် မ့ၢ်တအိၣ်ဘၣ်အခါဘၣ်. ဖဲ လံၥ် ၁ ကရံၣ်သူးအပူၤ, စီၤပီလူးမၤသ့ၣ်နီၣ်ထီၣ် အၦၤဖးလံၥ်ဖိတဖၣ်လၢ အဝဲသ့ၣ်တအိၣ်ဒီး တၢ်အကါဒိၣ်တမံၤဘၣ်. ၦၤစူၢ်က့ၤနၥ်က့ၤတၢ်ဖိတဖၣ် အိၣ်ဒီး နီၢ်သးအတၢ်ဟ့ၣ်အါမး, ဘၣ်ဆၣ် တအိၣ်ဒီး တၢ်အဲၣ်တၢ်ကွံဘၣ်.

စီၤပီလူးစူးကါဝဲ တၢ်ကတိၤလု (exaggerated language) ဒ်သိးအကမၤဆူၣ်ထီၣ်အတၢ်ဂ့ၢ်, ဒီးကွဲးဝဲဒၣ်လၢ ၦၤဖးတၢ်ဖိတဖၣ် မ့ၢ်အိၣ်ဒီး တၢ်သ့ၣ်ညါခဲလၢၥ်ဒၣ်လဲၥ်, အဝဲသ့ၣ် မ့ၢ်ဟ့ၣ်ကွံၥ်တၢ်လၢအအိၣ်ဒီးအီၤ ကိးမံၤဒဲးဒၣ်လဲၥ်, ဒီးအဝဲသ့ၣ် မ့ၢ်သးဆူၣ်တူၢ်တၢ်ကီတၢ်ခဲဒၣ်လဲၥ်, တၢ်အခီၣ်ထံး မိၢ်ၦၢ်လၢ အမ့ၢ်တၢ်အဲၣ်တၢ်ကွံမ့ၢ် တအိၣ်ဘၣ်ဒီး,…

ဒီဟံၣ်ညါ

ကၠ့(မ) (James) ကူကၤဃၥ်ဆ့ဖျီၣ်ခံတိၤပျ့, ဟးဒီးခီဃီၤ ဃိၥ်အတၢ်ဂဲၤလိၥ်နီၢ်ခိတၢ်ဟူးဂဲၤလီၢ် (Gym) ဒီးစံၣ်လီၤဆူရ့ၣ်ကီၣ်လၢ တၢ်စိၥ်ဆူအံၤဆူန့ၣ်န့ၢ်ဒီးညီအပူၤ, ဖဲၦၤဃိၥ်ဖိအတၢ်အိၣ်ဖှိၣ်သရၣ်ဘျၢအီထံအလီၢ်န့ၣ်လီၤ. ကၠ့(မ) ဖဲအနၢ်ဟူဝဲလၢ အဖိမုၣ် ဘြ့းတနံၣ် (Brittany မ့ၢ်စ့ၢ်ကီး ၦၤဃိၥ်ဖိ) ဒိးဘျၢအသးလၢထံ တနံၤဃီ ဖဲရ့ၣ်ကီၣ်တခါအံၤအပူၤန့ၣ်, ကၠ့(မ) အတၢ်သးခုဒိၣ်ထီၣ်န့ၢ်အလီၢ်လီၤ. ဖဲအဝဲသ့ၣ်ဒီဖိပၢ် ခံဂၤ သ့ၣ်ညါထီၣ် တၢ်မၤအသးတဖၣ်န့ၣ်, ၦၤမၤတၢ်ဖိ ဖဲဃိၥ်ပူၤတဖၣ်ဒၣ်လဲၥ် အသူၣ်ဆူၣ်သးဂဲၤထီၣ်လီၤ. တၢ်အိၣ်ဖှိၣ်သရၣ်စံးဝဲ “ၦၤလၢအမဲၥ်ထံတယွၤန့ၣ် တအိၣ်ဝဲဘၣ်” လီၤ. အါနံၣ်အါလါလၢဃိၥ်အပူၤဂ့ၤ, အချၢဂ့ၤ ဘြ့းတနံၣ် ဒီးအပၢ် ခံဂၤလိၥ် အဲၣ်ဒိးယွၤအတၢ်ပျၢ်တၢ်ကမၣ်လီၤ. ဒီးကစၢ်ယွၤ ဟ့ၣ်အဝဲသ့ၣ်လၢ တၢ်အိၣ်မူအသီ တဘျီဃီ ဒ်သိးသိးလီၤ.

လံၥ်စီဆှံ ပၥ်ဖျါတၢ်မၤသးလၢ ဃိၥ်ပူၤအဂၤတခါလီၤ. တဘျီအံၤ မ့ၢ် ၦၤပၢၤဃိၥ်တဂၤ, ဖဲယ့ၣ်ၡူးအတၢ်အဲၣ် ဆီတလဲဟံၣ်ဒူၣ်ဒီတဒူၣ်န့ၣ်လီၤ. ဖဲဟီၣ်ခိၣ်ဟူး ဖးဒိၣ်တခါ တရုၤဃိၥ်ဝံၤန့ၣ် “ဃိၥ်အပဲတြီၤတဖၣ် အိးထီၣ်သး” စီၤပီလူးဒီး စီၤစံလၤ တဃ့ၢ်ဟးထီၣ်ဘၣ်, အိၣ်ဒၣ်…

တၢ်မၤဖ့ၣ်ဆၢ တၢ်နၥ်အညၣ်ထူၣ်

ဖဲတၢ်လဲၤဟးကသုၣ်ကသီဆူ ဆၣ်ဖိကီၢ်ဖိကရၢၢ်တခါအခါ, ယအိၣ်ဘှံးဖဲတၢ်ဒုးနဲၣ်ဖျါ “တဆ့ - sloth” အလီၢ်အကပၤလီၤ. ဆၣ်ဖိကီၢ်ဖိန့ၣ် ဘျးလီၤစဲၤသးဘျံးကဒါ ခိၣ်ခံလီၤ. ဖျါလၢ အဝဲအိၣ်ဂၢၢ်တပၢၢ်န့ၢ် အလၢအၦဲၤအဃိ အသးမံဝဲလီၤ. ယသါသဖှိထီၣ်လီၤ. မ့ၢ်လၢယအိၣ်ဒီး တၢ်အိၣ်ဆူၣ်အိၣ်ချ့အတၢ်ကီတၢ်ခဲသတး ယကျဲးစၢးမၤနၢၤကွံၥ် တၢ်အိၣ်ဂၢၢ်တပၢၢ်ဒီး သးအိၣ်သုးယသးဆူညါ, ဒ်သိးယကမၤတၢ်တမံၤမံၤ, တၢ်တမံၤ ဂ့ၤတမံၤနီၢ်နီၢ်ကီၢ်ကီၢ်လီၤ. လၢတၢ်တူၢ် ယတၢ်တလၢတၦဲၤအံၤ တန့ၢ်တကဲအဃိ ယတၢ်ဆိကမိၣ်လီၤသးလၢ တၢ်ဂံၢ်စၢ်ဘါစၢ်အံၤ ယသးအိၣ်ပၥ်တ့ၢ်ကွံၥ်လီၤ. ဘၣ်ဆၣ် ဖဲယကွၢ်တဆ့တဒုအတၢ်ဂဲၤဒိအံၤ ယထံၣ်အဝဲထုးယူာ်ထီၣ်အစု ဒီးစှီၤဃၥ်သ့ၣ်ဒ့ ဖဲအကပၤတဒ့ ဒီးအိၣ်ကတီၢ်ကဒီးလီၤ. တၢ်ကအိၣ်ဂၢၢ်တပၢၢ်ကန့ၢ်အဂီၢ် လိၣ်ဘၣ် တၢ်ဂံၢ်တၢ်ဘါလီၤ. ယမ့ၢ်ဆၢဒိးန့ၢ်တၢ်သးမံလၢ တၢ်သုးသးကယီၤကယီၤ မ့တမ့ၢ် အိၣ်ဂၢၢ်တပၢၢ် ဒ်တဆ့အံၤအသိးန့ၣ်, ယလိၣ်ဘၣ် ညၣ်ထူၣ်စိကမီၤလၢ အဂ့ၤအဆူၣ် ဒိၣ်မးန့ၣ်လီၤ. တၢ်နၥ်ကစၢ်ယွၤလၢ ယဘၣ်တွံၢ်ယသးတၢ်အိၣ်မူပူၤအံၤ ယလိၣ်ဘၣ် တၢ်စိကမီၤလၢအဒိၣ်အထီန့ၢ်န့ဆၢၣ် (supernatural power) န့ၣ်လီၤ.

ဖဲထါစံးထီၣ်ပတြၢၤ ၄၆ အပူၤ, ၦၤကွဲးလံၥ်တဲဖျါထီၣ်ဝဲလၢ ကစၢ်ယွၤန့ၣ် တမ့ၢ်ထဲဟ့ၣ်ၦၤတၢ်ဂံၢ်တၢ်ဘါဘၣ်,…

ယ့ၣ်ၡူးန့ၣ် မ့ၢ်မတၤလဲၣ်

ၦၤကညီတဖၣ် နၥ်ဝဲလၢ ယ့ၣ်ၡူးန့ၣ် မ့ၢ်မတၤလဲၣ်. ၦၤတနီၤစံးဝဲလၢ ယ့ၣ်ၡူးန့ၣ် မ့ၢ်သရၣ်လၢအဂ့ၤတဂၤ, ဘၣ်ဆၣ် မ့ၢ်ဒၣ် ၦၤကညီပိၥ်ခွါ တဂၤလီၤ. ၦၤကွဲးလံၥ် စံၣ်.အဲး.လူဝံး(C. S. Lewis) ကွဲးဝဲ “ၦၤကညီပိၥ်ခွါအံၤ မ့ၢ်ယွၤအဖိခွါဂ့ၤ, မ့တမ့ၢ်ပိၥ်ခွါအပျုၢ်ဂ့ၤ, မ့တမ့ၢ် တၢ်အၢန့ၢ်အဝဲန့ၣ်တမံၤမံၤဂ့ၤ အတွးတအိၣ်ဘၣ်. နမၢအဆိကတီၢ် ကတိၤတၢ်သ့, နထူးၦဲၥ်အီၤသ့ဒီး မၤသံအီၤဒ်တၢ်နါတဂၤသ့, မ့တမ့ၢ် နဃံၤလီၤလၢအခီၣ်ညါခိၣ်လိၤဒီးကိးအီၤ ကစၢ်ဒီးယွၤသ့ဝဲ, ဘၣ်ဆၣ် မ်ပသုတပၥ်ဆံး တၢ်ခီတအိၣ်ပညီတအိၣ် ဘၣ်ဃးအဝဲအတၢ်မ့ၢ်တၢ် တဂ့ၤ”. တၢ်ကတိၤၦၤအါဂၤသ့ၣ်ညါခဲအံၤတဖၣ် လၢတၢ်ကွဲး “Mere Christianity” ဟ့ၣ်ကူၣ်ဆှၢနုၥ်ဝဲလၢ ယ့ၣ်ၡူးန့ၣ် မ့ၢ်စံးကမၣ်ဝဲလၢ အမ့ၢ်ကစၢ်ယွၤအဃိန့ၣ် တမ့ၢ်ကမ့ၢ်ဝံဖးဒိၣ်တဂၤဘၣ်. တၢ်ဝဲန့ၣ် ကမ့ၢ်တၢ်နၥ်လီၤဆီလၢ အတလီၤဂၥ်ဒီးၦၤဂၤအတၢ်နၥ်အဒိၣ်ကတၢၢ်လီၤ.

ဖဲယ့ၣ်ၡူးဒီးအပျဲၢ်တဖၣ် ကတိၤလိၥ်သးတၢ် ဖဲအဟးကျဲလၢဒူသဝီတဖၣ်န့ၣ် ယ့ၣ်ၡူးသံကွၢ်အဝဲသ့ၣ်လၢ “ၦၤကညီတဖၣ်စံးဝဲလၢ ယမ့ၢ်မတၤတဂၤလဲၣ်” (မၢ်ကူး ၈:၂၇) န့ၣ်လီၤ. အဝဲသ့ၣ်အတၢ်စံးဆၢပူၤ ပၣ်ဝဲ ဘျၢတၢ်စီၤယိၤဟၣ်, ဝံအ့ၤလံယၤ, ဒီးဝံတဂၤဂၤ…

သးတမံၤလၢသးအိၣ်ဒိးသိၣ်လိသး

တၢ်န့ၣ်, လၢလီၤသးအုးအပူၤ ကဲထီၣ်တမ့ၢ်ထဲတၢ်ကထီဒါ ၦၤဂၤအတၢ်ထံၣ်ဘၣ်, ထီဒါစ့ၢ်ကီး ၦၤလၢအိၣ်ဒီးတၢ်ထံၣ်ဒ်သိးန့ၣ် ညီနုၢ်ဝဲဒၣ်လံလီၤ. တၢ်ဒ်အံၤကဲထီၣ် တၢ်အမ့ၢ်အတီလၢတၢ်မၤလိ လံၥ်ဒိၣ်လံၥ်လဲၢ်ၦၤကရူၢ်အပူၤသ့ဝဲလီၤ. လၢတၢ်ဂ့ၢ် ဒ်သိးအံၤအဃိ, ယဖုးပျီၢ်ဘၣ်ယသး ဖဲၦၤကူၣ်ဘၣ်ကူၣ်သ့ ဒီးၦၤမၤလိ ယွၤဂ့ၢ်ပီညါ ရ့းချဲး ဘံၣ်. ဟ့(စ) (Richard B. Hays) ကွဲးတၢ်ကွဲးဖုၣ်တယုၢ်လၢ အမၢဆူၣ်ၦၤကဟံးန့ၢ်မူဒါလၢ တၢ်မၤတခါလၢ အဝဲအနီၢ်ကစၢ်ကွဲး ဖဲအပူၤကွံၥ်နံၣ်တဖၣ်န့ၣ်လီၤ. ဖဲလံၥ် “Reading with the Grain of Scripture” လံၥ်အပူၤ ဟ့(စ) ပၥ်ဖျါတၢ်ဆီၣ်လီၤသးဖးဒိၣ် ခီဖျိ အဝဲမၤလိၤမၤဘၣ်က့ၤ အနီၢ်ကစၢ် အတၢ်ဆိကမိၣ်လၢအပူၤကွံၥ်ခါလီၤ. မ့မ့ၢ်ခဲအံၤ နၢ်ပၢၢ်က့ၤ ၦၤဂၤအတၢ်ဆိကမိၣ် ခီဖျိတၢ်ဟ့ၣ်လီၤသးလၢၥ်လၢၥ်ဆ့ဆ့ လၢတၢ်မၤလိအပူၤ လၢတၢ်အိၣ်မူဒီကတီၢ်အပူၤဃိလီၤ.

ဖဲလံၥ်တၢ်ကတိၤဒိအဆၢအဆိတဖၣ်အပူၤ, စီၤပၤၡလိၤမိၤ ကွဲးရဲၣ်လီၤ ၦၤကူၣ်တၢ်သ့ အတၢ်ကတိၤအတၢ်ပၥ်ဖှိၣ်အံၤ အကလုၥ်ကလုၥ်လီၤ. ဘၣ်ဆၣ်လၢ တၢ်ကွၢ်စိတဖၣ်အပူၤ အဝဲမၤၦဲၤအါထီၣ် တၢ်တၤဒ်အံၤ, “မ်ၦၤကူၣ်တၢ်သ့ကနၣ်တက့ၢ်…” (ကတိၤ ၁:၁၅)…