ယွၤအတၢ်အိၣ်ဒီးပှၤတဘိယူၢ်ဃီ
ဖဲယလံၤဖိတဖၣ် ကွၢ်ဝဲ ယတီၤထီကၠိ တနံၣ်တဘျီအလံာ်, ဒီးလၢတၢ်ကမၢကမၣ်အပူၤန့ၣ် ထံၣ်ဝဲဒၣ် တချုးလၢခ့ခါအစိၤ ပှၤအခိၣ်သူက့ၢ်ဂီၤ, အတၢ်ကူတၢ်သိး, ဒီး “စိၤလၢအပူၤကွံာ် သိလ့ၣ်တဖၣ်” န့ၣ်လီၤ. မ့မ့ၢ် ယထံၣ်ယဲတၢ်လၢအလီၤဆီတဖၣ်, အဆိကတၢၢ်န့ၣ်, ယထံၣ်ယတံၤသကိးတံၢ်နီၢ်လၢ ပသ့ၣ်ညါလိာ်ပသးအါနံၣ်အါလါတဖၣ် အတၢ်နံၤကမှံ, တနီၤန့ၣ် ပမ့ၢ်ဒံးဝဲဒၣ် တံၤသကိးအဖၢမုၢ်န့ၣ်လီၤ. ဘၣ်ဆၣ်, အါန့ၢ်အန့ၣ်, ယထံၣ်ဘၣ် ကစၢ်ယွၤအစိကမီၤလၢ အဟံးဃာ်ပၢၤဃာ်တၢ်န့ၣ်လီၤ. ဒ်သိးယကဘၣ်လိာ်ဘၣ်စးဒီးကၠိတဖျၢၣ်အံၤအဂီၢ်, ယဘၣ်ဂုာ်ဂဲၤလိာ်ဝဲအကတီၢ်, ယွၤအတၢ်အိၣ်ဒီးယၤအမုာ်အလၤန့ၣ် အိၣ်ဝးတရံးယၤ န့ၣ်လီၤ. ယွၤအတၢ်ဂ့ၤတၢ်ဝါလၢ အဟံးဃာ်ပၢၤဃာ်ဝဲန့ၣ် အံးထွဲကွၢ်ထွဲယၤ- ယွၤအတၢ်သူၣ်ကညီၤသးကညီၤန့ၣ် ဟ့ၣ်လီၤဝဲဆူ ကယဲၢ်ပှၤလၢအဃုထံၣ်အီၤခဲလၢာ်တဖၣ်န့ၣ်လီၤ.
စီၤဒၤနံးယ့လး သ့ၣ်ညါဝဲလၢ ယွၤအိၣ်ဒီးအီၤတဘိယူၢ်ဃီန့ၣ်လီၤ. ဖဲအဘၣ်အိၣ်မူအိၣ်ဂဲၤဝဲလၢ ဘၤဘူလိၣ် တၢ်စိာ်မၢကဲကုၢ်အကတီၢ်, ဒၤ ၆:၇-၉ န့ၣ်, စီၤပၤ ဟ့ၣ်လီၤအကလုၢ်တြီဃာ်တၢ်လၢ အတဘၣ်မၤတဂ့ၤန့ၣ်, အဆၢဖိ ၁၀ စံးဘၣ်ပှၤလၢ အဝဲ ဃ့ထုကဖၣ်တၢ်လၢ “အဒၢးထီၣ်ထီတတီၤ ဖျိထီၣ်ဝဲဆူ ယရူၤရှလ့ၣ်တခီ” န့ၣ်လီၤ. လၢအတၢ်ထုကဖၣ်…
ကစၢ်ယွၤကစံးဆၢ
တၢ်အိၣ်ဖှိၣ်သရၣ် တံၤမသ့း ဖဲအလဲၤတၢ်က့ၤတၢ်အကတီၢ်န့ၣ် သိးဃာ်ဝဲ ပှၤစံၣ်တဲၤတဲလီၤတၢ်အဆ့ကၤကိာ်လာ် (preacher collar), ဒီးအါစုအါဘျီ ပှၤစီစၣ်တဖၣ်န့ၣ် မၢအဝဲဃ့ထုကဖၣ်တၢ်လၢ အဝဲသ့ၣ်အဂီၢ်န့ၣ်လီၤ. ဖဲပှၤလဲၤတၢ်လၢကဘီယူၤပျီတဖၣ် ထံၣ်ဝဲ တၢ်အပျ့ဖိလၢအဆ့ကၤသူအလိၤ လၢအပာ်ဖျါထီၣ် အဝဲမ့ၢ် တၢ်ဘူၣ်တၢ်ဘါ ခိၣ်နၢ်တဂၤန့ၣ်ဒီး, စံးဘၣ်အီၤလၢ “ ဝံသးစူၤ ဃ့ဘါထုကဖၣ်န့ၢ်တၢ်လၢယဂီၢ်တက့ၢ်” န့ၣ်လီၤ. တယံာ်ဒံးဘၣ်န့ၣ်, ဖဲအလဲၤတၢ်ဒီးကဘီယူၤအကတီၢ်, ပိာ်မုၣ်တဂၤ, ပာ်သူၣ်ပာ်သးအီၤ, ဒီးတီၤလီၤဝဲလၢအလီၢ်ဆ့ၣ်နီၤအကပၤ, ဒီးဃ့ကညးအီၤ “နမ့ၢ်တၢ်အိၣ်ဖှိၣ် သရၣ်တဂၤဧါ. ဝံသးစူၤ ဃ့ဘါထုကဖၣ်န့ၢ်တၢ်လၢယဂီၢ်တက့ၢ်” န့ၣ်လီၤ. ဒီးသရၣ် တံၤမသ့း ဃ့ထုကဖၣ်န့ၢ်တၢ်လၢအဂီၢ်န့ၣ်လီၤ.
လၢလံာ်ဝံယံးရမံယၤအပူၤန့ၣ်, လံာ်စီဆှံ တဆၢ ဒုးသ့ၣ်ညါပှၤလၢ ဘၣ်မနုၤအဃိ ပသ့ၣ်ညါ ကစၢ်ယွၤဒိကနၣ်, ဒီးစံးဆၢတၢ်ထုကဖၣ်လဲၣ်န့ၣ်လီၤ. မ့ၢ်လၢယွၤ အသူၣ်အိၣ်သးအိၣ်တၢ်အဃိန့ၣ်လီၤ. ယံး ၂၉:၁၁ အပူၤန့ၣ် ကစၢ်ယွၤမၤဂၢၢ်မၤကျၢၤ အပှၤဂီၢ်မုၢ်တဖၣ် လၢအမၤတၢ်ဒဲးဘး, ဒီးအဘၣ်တၢ်စိာ်မၢကဲကုၢ်တဖၣ်လၢ, “အဂ့ၢ်ဒ်အံၤ, ယသ့ၣ်ညါ တၢ်ကူၣ်လၢ ယကူၣ်ထီၣ်လၢသုဂီၢ်, ယွၤစံးဝဲဒၣ်, တၢ်ကူၣ်ဘၣ်ဃးဒီး…
ခရံာ်အတၢ်ကပီၤ, ကပီၤကပြုၢ်ကပြီၤ
လီမ့ၣ်အူလၢ တၢ်လဲၤတၢ်က့ၤအကျဲတဖၣ် လီၤပံာ်ကွံာ်ဝဲ ဖဲဝ့ၢ် Highland Park, ကီၢ်စဲၣ် Michigan န့ၣ်ဒီး, တၢ်ဆၢဒိးန့ၢ် တၢ်ကပီၤအဂံၢ်ထံးအဂၤတမံၤ လၢအမ့ၢ် မုၢ်စးထီၣ်ဝဲဒၣ် အကတီၢ်ဖဲန့ၣ်လီၤ. ဝ့ၢ်လၢအဖှီၣ်ယာ်ဒိၣ်မးအံၤ ကဟ့ၣ်ခီပနံၣ်မၤတၢ် လၢကမျၢၢ်အဂီၢ်, အစ့ပာ်ကတီၤ (Fund) တအိၣ်ဘၣ်အဃိ, လီသဟီၣ်ခီပနံၣ်အံၤ, မၤလီၤပံာ်ကွံာ် ကျဲအမ့ၣ်အူတဖၣ်, ဒီးဟံးက့ၤဝဲလီမ့ၣ်အူသၣ်တဖၣ် လၢလီမ့ၣ်အူအထူၣ် ၁၄၀၀ အလိၤန့ၣ်လီၤ. လၢတၢ်န့ၣ်အဃိ, ပှၤအိၣ်ဆိးဖဲန့ၣ်တဖၣ် ဘၣ်အိၣ်ဆိးဝဲလၢတၢ်ခံးကျါ, ဒီးတၢ်ဘံၣ်တၢ်ဘၢတအိၣ်လၢၤဘၣ်န့ၣ်လီၤ. ပှၤအိၣ်ဆိးဖဲန့ၣ်တဂၤ စံးဘၣ်တဲဘၣ်ပှၤဃုသ့ၣ်ညါတၢ်ကစီၣ်တဖၣ်လၢ, “ခဲကနံၣ်အံၤ, ဖိသၣ်တနီၤဘၣ်လဲၤထီၣ်ဝဲဒၣ်ကၠိန့ၣ်လီၤ. အိၣ်ဒၣ်အဝဲသ့ၣ်ကဘၣ်ကွၢ်လဲၤဝဲဒၣ် ကျဲခိၣ်လိၤလၢ မ့ၣ်အူသၣ်တအိၣ်နီတဖျၢၣ်ဘၣ်န့ၣ်လီၤ.”
တၢ်အိၣ်အသးတမံၤအံၤန့ၣ် ဆီတလဲအသး, ဖဲပှၤဒုးအိၣ်ထီၣ် တၢ်ကရၢကရိလၢ အတဃုန့ၢ်အဘျုးအဖှိၣ်တဖု, ထီထီၣ်မ့ၣ်အူသၣ်တဖၣ် လၢဝ့ၢ်ပူၤအကျဲ ဒီးဒိးန့ၢ်ဝဲ လီအဂံၢ်လၢမုၢ်န့ၣ်လီၤ. လၢတၢ်မၤသကိးတၢ်တပူၤဃီအပူၤန့ၣ်, တၢ်ကရၢကရိလၢအမၤစၢၤမၤဂ့ၤထီၣ် ပှၤကညီအတၢ်အိၣ်မူအိၣ်ဂဲၤအတီၤအံၤ ပာ်ကတီၤဝဲ ဝ့ၢ်အကျိၣ်စ့လၢကဘၣ်ဟ့ၣ် ဂံၢ်သဟီၣ်အပှ့ၤတဖၣ်, ဒီးတကပၤန့ၣ် မၤလၢထီၣ်ပှဲၤထီၣ်ဝဲ တၢ်ကပီၤအဂံၢ်ထံး လၢပှၤဝ့ၢ်ဖိတဖၣ် လိၣ်ဘၣ်ဝဲန့ၣ်လီၤ.
ပတၢ်အိၣ်မူလၢကစၢ်ခရံာ်အပူၤ, တၢ်ကပီၤအဂံၢ်ထံးလၢပနာ်ဒီးသန့ၤလီၤသးန့ၢ်ဝဲ…
ဃုထၢတၢ်ဃုထၢတဖၣ်လၢအကူၣ်သ့
ယမိၢ်လၢ အလဲၤပူၤကွံာ်ဟီၣ်ခိၣ်တဂၤ အဟံၣ်န့ၣ် မ့ၢ်ယကဘၣ်ဆါလီၤကွံာ်ဧါ. ဖဲယမိၢ်မုၣ်ကမဲ လၢယအဲၣ်ဒိၣ်မး လဲၤပူၤကွံာ်ဟီၣ်ခိၣ်န့ၣ် တၢ်ဃုထၢပာ်လီၤသးတမံၤအံၤ မၤဃၢ ယသးဒိၣ်မးန့ၣ်လီၤ. ယတၢ်ပာ်သူၣ်ပာ်သး ဟီထီၣ်ကွံာ် ယသးကလၢၢ်ဘၣ်တၢ်တဖၣ်န့ၣ်လီၤ. ဘၣ်ဆၣ် ယဒီပုၢ်ဝဲၢ်မုၣ်ဒီးယၤ ပဟံးန့ၣ် ဆၢကတီၢ် လၢတၢ်မၤကဆှဲ ကဆှီ ဟံၣ် ဒီးဘှီဂ့ၤထီၣ်က့ၤအီၤ, ဒီးဃုထၢလၢပကဆါအီၤန့ၣ်လီၤ. တၢ်အံၤမ့ၢ်ဝဲဖဲ ၂၀၀၈ နံၣ်, ဒီးဟီၣ်ခိၣ်ဒီဘ့ၣ် တၢ်ပနံာ်တၢ်ကၤ အတၢ်ဃံးတၢ်စ့ၤအဃိ ပှၤပှ့ၤဟံၣ်တအိၣ်ဘၣ်. ပမၤစှၤလီၤ အပှ့ၤဘၣ်ဆၣ် ပှၤတပှ့ၤအီၤဘၣ်. မၤကဒီး ဘၣ်ဖဲမုၢ်တဂီၤ ဖဲယဖးလံာ်စီဆှံန့ၣ်, လံာ်စီဆှံတဆၢအံၤ ထုးန့ၢ်ယသးလီၤ. “ဖဲဂီၤဖံး တအိၣ်ဘၣ်န့ၣ် အီၣ်ဆၣ်အကျိးအိၣ်ဝဲ ကဆှဲကဆှီလီၤ. မ့မ့ၢ် တၢ်အါထီၣ်အါထီၣ် အိၣ်ဝဲလၢ ဂီၤဖံးအဂံၢ်အဘါလီၤ” (ကတိၤ ၁၄:၄).
ပှၤကွဲးလံာ်ကတိၤဒိ စံးတၢ်ဘၣ်ဃးဒီး တၢ်မၤစံၣ်ဧိၤပျီဧိၤ ဘၣ်ဆၣ် ယဘၣ်တၢ်ထုးန့ၢ်ယၤလၢ အတၢ်ကစီၣ်န့ၣ်လီၤ. ကျီၢ်တဲကူလၢ ဂီၤဖံးတအိၣ်ဝဲန့ၣ် ကဆှဲကဆှီ, ဘၣ်ဆၣ်ထဲဒၣ်လၢ ဂီၤဖံး“အတၢ်ဘၣ်အၢဘၣ်သီတဖၣ်” အဃိ ကဟ့ၣ်ထီၣ်…
ကမျၢၢ်ထဲတဂၤဧိၤ
ဒ် “ဒဲဘၢၣ် နါကဲးစ်” (Denver Nuggets) ၦၤလိၥ်ကွဲ ဖျၢၣ်သွ့ ချၢးဘ် အပှၤစံးကတိၤပာ်ဖျါရၤလီၤတၢ်ကစီၣ်တဂၤအသိး, အဝဲသ့ၣ်အတၢ်အိၣ်ဖှိၣ်သရၣ် ကဲလ် စပဲလၢၢ် (Kyle Speller) န့ၣ်, အါတက့ၢ် ပှၤသ့ၣ်ညါအီၤ ခီဖျိလၢတၢ်သူၣ်ပိၢ်သးဝးဖးဒိၣ်အပူၤ, အတၢ်ကိးသတြီပာ်ဖျါ တၢ်လိာ်ကွဲ ဖျၢၣ်သွ့အဂ့ၢ် ဆူကမျၢၢ်တဖၣ်အအိၣ်ဖဲ တၢ်သတြီၤ ဖျၢၣ်သွ့ချၢးဘ် စဲၣ်နီၤအတၢ်လိၥ်ကွဲတဖၣ်အကတီၢ်န့ၣ်လီၤ. တုၤအဝဲကိးထီၣ် ‘မ်ပကစးထီၣ်တၢ်လိာ်ကွဲလီၤ’ လၢမဲးခ် (ကလုၢ်ဒၢ) အပူၤန့ၣ်, ၦၤသးစဲတၢ်လိာ်ကွဲ ဖျၢၣ်သွ့ (NBA) လၢအကထိတဖၣ်လၢအအိၣ်ဖဲတၢ်လိၥ်ကွဲအလီၢ်ဃုၥ်ဒီးၦၤကွၢ်ခိးကနၢ်တၢ်လၢအကကွဲၢ်တဖၣ် ကိးဆၢက့ၤအကလုၢ်ဆူ စပဲလၢၢ် န့ၣ်လီၤ. လၢတၢ်အံၤ အဃိအဝဲဘၣ်တၢ်ဃုထၢထီၣ်အီၤဒ် ၂၀၂၂ နံၣ်, ပှၤစံးကတိၤပာ်ဖျါရၤလီၤတၢ်ကစီၣ်အဂ့ၤကတၢၢ်တဂၤ (All-Star Game PA Announcer) အသိးန့ၣ်လီၤ. စပဲလၢၢ်စံးဝဲဒၣ်လၢ “ယသ့ၣ်ညါကမျၢၢ်တဖၣ်အတၢ်အိၣ်သး, ဒီးဟံၣ်ကစၢ်အပှၤလိၥ်ကွဲတၢ်ဖိ, ဒီးကမျၢၢ်လၢအဟဲကွၢ်တၢ်တဖၣ်အဂီၢ်, ယကဘၣ်မၤတၢ်မနုၤလဲၣ်န့ၣ်ယသ့ၣ်ညါလီၤ.” တၢ်လၢအဂ့ၤဒိၣ်ဝဲတမံၤန့ၣ် အတၢ်သ့စံးကတိၤတၢ်ခဲလၢာ်, လၢအဘၣ်တၢ်ပၥ်ဖျါဝဲလၢ ကွဲၤထံၣ်ဟူ,ဒီးကွဲၤလ့လိၤတဖၣ်န့ၣ် မ့ၢ်တၢ်မၤလၤကပီၤကစၢ်ယွၤအဂီၢ်န့ၣ်လီၤ. စပဲလၢၢ် ပာ်ဖျါအါထီၣ်ဝဲလၢ “အဝဲမၤတၢ်ခဲလၢၥ်…
တံၤသကိးဒ်သိးအံၤတဂၤ
လၢပဟံၣ်အလီၢ်ခံ ဟံၣ်တဖျၢၣ်န့ၣ် မၢၤ စါခၠဲး (Mrs. Sanchez) အိၣ်ဆိးဝဲ, ဒီးလၢယမိၢ်န့ၣ် မ့ၢ်တံၤသကိးလၢအပြၢလိာ်သးတဂၤ လၢတၢ်အဲၣ်တၢ်ကွံအပူၤန့ၣ်လီၤ.
မုၢ်ဆၣ်အနံၤ ကိးနွံဒဲး, ဆ့ကူဆ့ကၤ လၢအဘၣ်တၢ်ဆှုၣ်ဝံၤသီသီတဖၣ်န့ၣ် မ့ၢ်မတၤတဂၤ ကလိလီၤဆိလဲၣ်န့ၣ် အဝဲသ့ၣ် ခံဂၤ ပြၢလိာ်အသးန့ၣ်လီၤ. ယမိၢ်ညီနုၢ်စံးဝဲဒၣ်လၢ, “အဝဲမၤနၢၤယၤ တဘျီကဒီးလံ” န့ၣ်လီၤ. ဘၣ်ဆၣ်လၢခံတနွံန့ၣ်, ယမိၢ်ကမၤဝံၤဆိတၢ်သ့ၣ်သ့ၣ်, ဘၣ်ဆၣ်ခံဂၤလိာ် သူၣ်ခုသးခုဝဲဒၣ် တနွံတဘျီ တၢ်ပြၢဖိအံၤန့ၣ်လီၤ. လၢအနံၣ်တဆံဘျဲၣ်အတီၢ်ပူၤ, အဝဲသ့ၣ်ခံဂၤ စူးကါသကိးဝဲ ဟံၣ်လီၢ်ခံတၢ်လီၢ်လီၤဟိဖိ, ဒီးနီၤဟ့ၣ်သကိး တဂၤဒီးတဂၤ အတၢ်သ့ၣ်ညါ, အတၢ်ဂ့ၢ်တၢ်ကျိၤတဖၣ်, ဒီးအတၢ်မုၢ်လၢ်တဖၣ်န့ၣ်လီၤ.
လံာ်စီဆှံ ပာ်ဖျါဝဲလၢ တၢ်ရ့လိာ်သး ဒ်သိးအံၤန့ၣ် မ့ၢ်တၢ်ဂ့ၤန့ၣ်လီၤ. ကတိၤ ၁၇:၁၇ န့ၣ် စီၤပၤစီၤရှလိၤမိၤ ထံၣ်သ့ၣ်ညါဝဲ “ပှၤအတံၤသကိးအဲၣ်တၢ်ကိးအဆၢကတီၢ်ဒဲး” အဂ့ၢ်န့ၣ်လီၤ. ကတိၤ၂၇:၉ အပူၤစ့ၢ်ကီးကွဲးနီၣ်ဝဲ, “သိဒီးတၢ်နၢမူမၤခုပှၤအသး, ဒီးတၢ်မုာ်ဘၣ်ဃးဒီးတံၤသကိး ဟ့ၣ်ကူၣ်တၢ်န့ၣ် ဒ်န့ၣ်သိးလီၤ” န့ၣ်လီၤ.
ပတံၤသကိးအဒိၣ်ကတၢၢ်နီၢ်နီၢ်မ့ၢ် ကစၢ်ယ့ၣ်ရှူးန့ၣ်လီၤ. အဝဲဟ့ၣ်သဆၣ်ထီၣ်…
တၢ်ဃုထံၣ်တၢ်သးခု လၢအအိၣ်ဒီးတၢ်ကူၣ်သ့
တၢ်ဆါသံသတြိာ် မၤနၢၤတၢ်လံန့ၣ် မ့ၢ် ကသံၣ်သရၣ် ကၠ့စၢၣ် ဖၢၣ်စီး (Jason Persoff), အတၢ်ထံၣ်န့ၣ်လီၤ. အဝဲဘၣ်ကွၢ်ထွဲ ဂ့ၢ်ဂီၤအူဒၢး (Emergency Room), ဒ်သိးဒီး ကမၤစၢၤပှၤဆါလၢအဘၣ် ကိၣ်ဘ့း တၢ်ဆါအၢအဂီၢ် ဟ့ၣ်လီၤအသး, လၢတၢ်ဆါဟံၣ်ဖးဒိၣ်တဖျၢၣ်န့ၣ်လီၤ. အဝဲကဟ့ၣ်ထီၣ်တၢ်မၤစၢၤအဂ့ၤကတၢၢ်ဒ်လဲၣ်. ဖဲအဝဲအိၣ်ဘှံးအိၣ်သါ အဆၢကတီၢ် ဒိဝဲဒၣ် တၢ်ဂီၤလၢ တၢ်ဆံးဆံးဖိတဖၣ် ဘၣ်တၢ်မၤဒိၣ်ထီၣ်အီၤ အဂီၤန့ၣ်လီၤ. ကသံၣ်သရၣ် ဖၢၣ်စီး စံးလီၤအသးလၢ "ယမၤတၢ်အံၤ ဖျါဒ်သိးပှၤပျုၢ်တဂၤ" န့ၣ်လီၤ. ဘၣ်ဆၣ် တၢ်ဃုထံၣ်န့ၢ် တၢ်သးခုလၢတၢ်ဆံးဆံးဖိ, လၢအမ့ၢ်တၢ်အဃံအလၤအံၤန့ၣ် "ဟ့ၣ်ယၤခွဲးယာ်လၢ ယကစၢဖှိၣ်က့ၤယသးဒီးယတၢ်ဘၣ်တ့ကစၢ်ယွၤ, ဒီးဒ်ပှၤစှၤဂၤလၢ အဟံးန့ၢ်တၢ်ဆၢကတီၢ်တစိၢ်ဖိ, ဒီးပာ်သူၣ်ပာ်သး, ဒီးထံၣ်ဘၣ်ဟီၣ်ခိၣ်အတၢ်ဃံတၢ်လၤတဖၣ်အသိး, ယထံၣ်ဘၣ် ဟီၣ်ခိၣ်အတၢ်ဃံတၢ်လၤန့ၣ်လီၤ."
တၢ်ဃုထံၣ်န့ၢ်တၢ်သးခု လၢတၢ်ကူၣ်သ့- လၢအမၤကဆှၣ်လီၤဝဲ ပတၢ်ဃၢတၢ်စံၣ်တဖၣ်, ဒီးဒုးအိၣ်ထီၣ် တၢ်တူၢ်န့ၢ်ခီၣ်ကဲ ဒ်သိးအံၤန့ၣ်- ကသံၣ်သရၣ် စံးဝဲဒၣ်လၢ အမ့ၢ်တၢ်လုၢ်ဒိၣ်ပှ့ၤဒိၣ် လၢတၢ်ကူစါယါဘျါအတၢ်မၤပူၤန့ၣ်လီၤ. ဘၣ်ဆၣ် လၢပှၤကိးဂၤအဂီၢ်, ဟ့ၣ်ကူၣ်ဝဲဒၣ်လၢ, နကဘၣ်သါထီၣ်သါလီၤဝဲဒၣ်န့ၣ်လီၤ.…
လဲၤကဒီးအသီတဘျီ
တၢ်ဒဲစုဟ့ၣ်ဂံၢ်ဟ့ၣ်ဘါ သီၣ်ဟူထီၣ်ဝဲဒၣ် ဖဲဖျိးစိကၠိဖိတဖၣ် လဲၤထီၣ်ဟံးန့ၢ်ဝဲဒၣ်တၢ်မၤလိမၤဒိးအတၢ်ဖျိးစိ လံာ်အုၣ်သးအခါန့ၣ်လီၤ. ဘၣ်ဆၣ် တၢ်ရဲၣ်တၢ်ကျဲၤန့ၣ် တဝံၤဒံးဘၣ်. ခိၣ်ဖး အဂၤတမံၤန့ၣ် မ့ၢ်တၢ်ဟ့ၣ်လီၤ ကၠိဖိတဖၣ် လၢအတမ့ၢ်ပှၤဖျိးစိလီၤဆီဘၣ်ဆၣ်,လၢအတၢ်မၤလိမၤဒိးအပူၤ တၢ်လဲၤထီၣ်လဲၤထီ အိၣ်အါထီၣ်အဃိန့ၣ်လီၤ. ကၠိဖိတဖၣ် အံၤ ဂုာ်ကျဲးစၢးသပှၢ်ပှၢ် ဒ်သိးအမးပတီၢ်လၢ အလီၤသ့ၣ်တဖၣ် ကဂ့ၤထီၣ်က့ၤအဂီၢ်,ဘှီဘၣ်က့ၤ သကဲာ်ပဝးလၢအတဂ့ၤတဖၣ်, မ့တမ့ၢ် အၢၣ်လီၤအီလီၤဝဲလၢ ကထီၣ်ကၠိကိးနံၤဒဲးန့ၣ်လီၤ. ကၠိဖိမိၢ်ပၢ်တဖၣ် သူၣ်ခုသးခု, ဒီးဒဲစုဟ့ၣ်ဂံၢ်ဟ့ၣ်ဘါဝဲ, ဒီးပာ်ပနီၣ်တူၢ်လိာ်ဖိသ့ၣ်တဖၣ် ဂုာ်ကျဲးစၢးလဲၤတၢ်လၢ ကျဲအဂ့ၤ- ဒီးခါလၢအပူၤကွံာ်အတၢ်လီၤတူာ်လီၤကာ်တဖၣ်န့ၣ် တထံၣ်ဝဲလၢၤဘၣ်. မ့မ့ၢ်ထံၣ်ဝဲထဲ ဖိတဖၣ်လဲၤတၢ်လၢ ကျဲအသီန့ၣ်လီၤ.
တၢ်အဒိဖိ လၢအမၤသူၣ်ဖှံသးညီတၢ်အံၤ ပာ်ဖျါထီၣ် ပပၢ်လၢမူခိၣ်တဂၤန့ၣ် ထံၣ်ပှၤဒ်လဲၣ်န့ၣ်လီၤ. ယွၤတထံၣ်ပှၤလၢပတၢ်အိၣ်မူအလီၢ်လံၤလၢၤဘၣ်. ခဲကနံၣ်အံၤ, ပၢ်ယွၤထံၣ်ပှၤဒ်အဖိတဖၣ်, ပတၢ်အိၣ်မူအသီလၢ ကစၢ်ခရံာ်အပူၤန့ၣ်လီၤ. ယိၤ ၁:၁၂ အပူၤန့ၣ် စီၤယိၤဟၣ် ကွဲးပာ်ဖျါဝဲ “ဘၣ်ဆၣ်ဒီး, ဖဲဒၣ် ပှၤလၢအတူၢ်လိာ်အီၤ, ပှၤလၢအစူၢ်က့ၤနာ်က့ၤ အမံၤတဖၣ်န့ၣ်, ဟ့ၣ်ဝဲလၢ အစိအကမီၤ, ဒ်သိးကကဲထီၣ်ယွၤအဖိလီၤ” န့ၣ်လီၤ.…
ယွၤအတၢ်သူၣ်အိၣ်သးအိၣ်ဟ့ၣ်ညီတၢ် အတၢ်အဲၣ်
တၢ်ဒုးသုး ကဘီသုးမုၢ်လီၤဆီ အခိၣ်ကျၢၢ် ဝ့လယၢၣ် မဲးရ့ဘၢၣ် န့ၣ် ဘၣ်တၢ်သ့ၣ်ညါအီၤ, ဒ်အမ့ၢ်ပှၤသုးဖိတဂၤ လၢအကတိၤလီၤတၢ်ဆူ ပှၤဖျိခီလ့ၣ်ကၠိတဖၣ်အဂီၢ်, ဘၣ်ထွဲဒီး တၢ်ထူထီၣ်က့ၤလီၢ်မံ ကိးမုၢ်ဂီၤဒဲးအဂ့ၢ်န့ၣ်လီၤ. အဝဲကတိၤလီၤတၢ်န့ၣ် ပှၤခိးကွၢ်လၢ အ့ထၢၣ်နဲး အိၣ်အကကွဲၢ် တကယၤန့ၣ်လီၤ. ဘၣ်ဆၣ်, ဝ့လယၢၣ် မဲးရ့ဘၢၣ် လၢအအိၣ်ဘှံးတ့ၢ်လံလၢတၢ်မၤတဂၤအံၤ, နီၤဟ့ၣ်ဝဲ တၢ်မၤလိအဂၤတမံၤလၢ အထိၣ်ဟူးထိၣ်ဂဲၤ ပှၤအသးန့ၣ်လီၤ. ဖဲလၢမုၢ်ထီၣ်လီၢ်ခၢၣ်သး တၢ်ဒုးတၢ်ယၤအကတီၢ်န့ၣ်, လၢတၢ်သးအုးအပူၤ မဲးရ့ဘၢၣ် အၢၣ်လီၤဝဲ ဒူၣ်ဖိထၢဖိတနီၤ လၢအတၢ်ကမၣ် တအိၣ်တဖၣ်န့ၣ် ဘၣ်တၢ်မၤသံကမၣ်အီၤအဂ့ၢ်န့ၣ်လီၤ. နာ်ဝဲလၢ ဒူၣ်ဖိထၢဖိတဖၣ်န့ၣ် တၢ်ကဘၣ်ဃ့သကွံာ်ကညးက့ၤအဝဲသ့ၣ်အဃိ, မဲးရ့ဘၢၣ် ဃ့ကညးဝဲဒူဒူဆူ ပၢ်လၢ အသးဘၣ်ဒိ, လီၤသဘှံးတဂၤလၢ ကပျၢ်အတၢ်ကမၣ်အဂီၢ်န့ၣ်လီၤ.
မဲးရ့ဘၢၣ် တဲဘၣ်အီၤ ခီဖျိလၢပှၤကတိၤကျိာ်ထံတၢ်, “ယမ့ၢ်ပှၤသုးဖိတဂၤ, ယအိၣ်ဒီးယဖိစ့ၢ်ကီးန့ၣ်လီၤ. ဒီးယသးဘၣ်ဒိဒိၣ်မးလၢ နဂီၢ်န့ၣ်လီၤ.” ပှၤတဂၤအံၤမၤဆၢက့ၤ မဲးရ့ဘၢၣ် ခီဖျိလၢတၢ်သူၣ်အိၣ်သးအိၣ်အတၢ်ဟ့ၣ် လၢအမ့ၢ် တၢ်ပျၢ်တၢ်ကမၣ်န့ၣ်လီၤ. ပှၤတဂၤအံၤ အဖိလၢ အိၣ်မူတ့ၢ်ဝဲတဂၤ စံးဘၣ်အီၤ,…
ဂ့ၤအါထီၣ်တမံၤဃီလၢခရံာ်အပူၤ
ဒီးကထၢၣ် ထ့းဖနံၣ် ကီၤ(လ်)စၣ် (Dr. Tiffany Gholson) ထံၣ်ဝဲ ကီၢ်စဲၣ်အံၣ်လံနွဲး (Illinois) အဝ့ၢ် စ့းလူဝံး မုၢ်ထီၣ် (East Saint Louis) န့ၣ်, တူၢ်ဘၣ်ခီၣ်ဘၣ်ဝဲ တၢ်မၤကမၣ် ပဒိၣ်အတၢ်ဘျၢသဲစးတဖၣ် လၢကျဲအါဘိန့ၣ်လီၤ. ဘၣ်ဆၣ်, ဖဲအတုၤ ၂၀၂၃ နံၣ်န့ၣ်, ဝ့ၢ်အတၢ်ကွဲးနီၣ်ပာ်ဖျါဝဲဒၣ်လၢ တၢ်မၤသံပှၤကညီနီၣ်ဂံၢ် စှၤလီၤဝဲ ၃၁ မျးကယၤ, ဒီးတၢ်လုၢ်သ့ၣ်ခါပတာ်သဲစးတဖၣ်ခဲလၢာ်အဖီခိၣ်န့ၣ် စှၤလီၤဝဲ ၃၇ မျးကယၤန့ၣ်လီၤ. တၢ်မၤတ့ၢ်အသးအံၤ ကမ့ၢ်တၢ်မနုၤလဲၣ်. မ့ၢ်ဒၣ်တၢ်မၤသကိးတၢ် န့ၣ်လီၤ. လၢတၢ်မၤသကိးတၢ်တပူၤဃီန့ၣ်, ဝ့ၢ်အံၤ “တၢ်မၤလီၤတံၢ်ထွဲ ကမျၢၢ်တၢ်ဘံၣ်တၢ်ဘၢကရူၢ်” (Public Safety Enforce-ment Group)- လၢအပၣ်ဃုာ် ကီၢ်စဲၣ် ဒီးဝ့ၢ်အပၢၤကီၢ်, ဝ့ၢ်အကၠိလီၢ်ကဝီၤ, ဒီးတၢ်ဘူၣ်တၢ်ဘါကရၢကရိတဖၣ် ကျဲးစၢးပာ်ဖှိၣ် မၤသကိးတၢ်, ဒ်သိးအကဆီတလဲကွံာ်တၢ်လၢ ပှၤဝ့ၢ်ဖိခဲလၢာ်အဂီၢ်အဃိန့ၣ်လီၤ.
လၢတၢ်ကမၤစၢၤပှၤဝ့ၢ်ဖိတဖၣ်အဂီၢ်, ဝ့ၢ်အပှၤမၤသကိးတၢ်ခဲလၢာ် ပာ်ဖှိၣ်လိာ်သးအံၤန့ၣ်, ဒီးကထၢၣ် ကီၤ(လ်)စၣ် ပာ်ဖျါထီၣ်ဝဲလၢ, “တၢ်မၤအံၤ ပစံးအီၤလၢ တၢ်ဆီဟံၣ်ဆီဃီတမံၤ”န့ၣ်လီၤ.…