တၢ်လီတၢ်ဝ့ၤအပၢ်

ကယီၤကယီၤန့ၣ် ဘ့းထၢၣ်ထုးက့ၤအသးလၢ တၢ်ကွၢ်တၢ်ဘ့ၣ်ဆ့တၢ်ဂီၤ တန့ၢ်လၢၤဘၣ်. အတံၤသကိးအါဂၤ ကွၢ်တၢ်ဂီၤမူဘၣ်အၢဘၣ်သီတဖၣ်, ဘ့းထၢၣ်စ့ၢ်ကီးတၢ်ကၢၣ် အသးအဃိ ကွၢ်ပိၥ်ဃုၥ်အသးကိးတဖၣ်အခံလီၤ. ဘၣ်ဆၣ်ခဲအံၤ, တၢ်မၤအံၤ ကမၣ်ဝဲထဲလဲၣ်န့ၣ် ဘ့းထၢၣ်နၢ်ပၢၢ်လံ - အဝဲမၤကမၣ်ဘၣ်ကစၢ်ယွၤလံ - မၤဟးဂီၤ မၤသဘှံအမါအသးလံ. အဝဲဆီၣ်လီၤက့ၤအသးလၢ ကပၢၤဃၥ်က့ၤအတၢ်အိၣ်မူ ဒီးတကွၢ်တၢ်ဘၣ်အၢတဖၣ်န့ၣ်လၢၤဘၣ်. ဘၣ်ဆၣ် အဝဲပျံၤတၢ်လၢ တၢ်အံၤမ့ၢ်စဲၤခံ ဝဲလံဧါ. အတၢ်ဆီဟံၣ်ဆီဃီ ဘၣ်ကမုၥ်ဒံးလၢၤဧါ. အဝဲကထူၣ်ဖျဲးထီၣ်ဝဲထီဘိဒီး ဒိးန့ၢ် တၢ်ပျၢ်တၢ်ကမၣ်အလၢအၦဲၤစ့ၢ်ဧါ.

ပဒုၣ်ပဒါမုၢ်ကီၤလံၢ် လ့ပစီတၢ်န့ၣ် မၤသးဒ် တမ့ၢ်တၢ်လၢအကီကဲၣ်ဆိးဘၣ်. အဝဲစံး, ‘ၦၤကိးဂၤမၤတၢ်ဒ်န့ၣ်ကစီဒီ, တၢ်ဘၣ်ဒိဆါမနုၤကအိၣ်လဲၣ်.’ ဘၣ်ဆၣ် ဖဲပစဲဘူးလၢအတၢ်ကူၣ် အကျဲတစိၢ်အပူၤ အဝဲစးထီၣ်မၤတၢ် ဒီးစံးဝဲ, “စဲၤခံဒိၣ်မးလံ. နလဲၤပူၤကွံၥ် ဖးယံၤမးလံ. ခဲအံၤနတၢ်မုၢ်လၢ်ဟါမၢ်လံ”န့ၣ်လီၤ.

ဒ်ပအိၣ်လၢနီၢ်သးတၢ်ဒုးပူၤအသိး, ဒုၣ်ဒါန့ၣ် ဒ်သိးကမၤဟးဂီၤၦၤအဂီၢ် တၢ်လၢအမိၣ်မၤသးန့ၣ် မနုၤဂ့ၤ မနုၤဂ့ၤ ကတဲၦၤလီၤ. ယ့ၣ်ၡူးစံးဝဲ, “အဝဲန့ၣ် လၢသီလံၤလံၤ မ့ၢ်ၦၤလၢအမၤသံၦၤကညီ, ဒီးတဆၢထၢၣ်ဘၣ်လၢ တၢ်မ့ၢ်တၢ်တီ အပူၤဘၣ်. အဂ့ၢ်ဒ်အံၤ,…

မ်တၢ်ကပီၤကဲထီၣ်တက့ၢ်

ဖဲယဖိမုၣ်ဖိအနီၢ်ဆံးဆံး ကတိၤတၢ်တချုးသ့ဒံးအခါ ညီနုၢ်ယတဲန့ၢ်အီၤတၢ်တဖၣ် လၢအထံၣ်ဝဲအမံၤလီၤ. ယနီၤဖးပဲၥ်ဖးန့ၢ် တၢ်ဖိတၢ်လံၤတဖၣ် မ့တမ့ၢ် ယပျဲအဖီၣ်ကွၢ် တၢ်လၢအတညီနုၢ်ထံၣ်ဘၣ်ဝဲတဖၣ် ဒီးတဲန့ၢ်အီၤတၢ်အမံၤ, ဒီးမၤစၢၤအီၤဒ်သိး ကနၢ်ပၢၢ်ဝဲလၢဟီၣ်ခိၣ်ဖးဒိၣ်လၢ အဝဲဒၣ်ဃုသ့ၣ်ညါတၢ်န့ၣ်လီၤ. ယဝၤသးဘိဒီးယၤ ပဆၢလၢ ပဖိမုၣ်ဖိအတၢ်ကတိၤအဆိကတၢၢ်ကမ့ၢ် မိမိ, မ့တမ့ၢ် ပါပါဘၣ်ဆၣ် အဝဲမၤကမၢ ကမၣ်ၦၤဒီးအတၢ်ကတိၤအဆိကတၢၢ် လၢလီၤဆီလိၥ်ဒီးပတၢ်မုၢ်လၢ် ဒိၣ်ဒိၣ်အါအါ တဖျၢၣ်လီၤ. အကိၥ်ပူၤဆံးဆံးဖိန့ၣ် ဟဲသီၣ်ထီၣ်တဖျိတဖျါလၢ ‘digit -ဒဲး ’ လၢအမ့ၢ်တၢ်ကတိၤ ‘light -တၢ်ကပီၤ’ မၤသီၣ်ကမၣ်ဝဲလၢ ‘digit -ဒဲး ’ န့ၣ်လီၤ.

‘light -တၢ်ကပီၤ ’ န့ၣ် မ့ၢ်ကစၢ်ယွၤအတၢ်ကတိၤအဆိကတၢၢ်တဖၣ် အကျါတဖျၢၣ်လၢအိၣ်လၢ လံၥ်စီဆှံပူၤလီၤ. ဒီးယွၤအသးဟုဝဲလၢ ထံဖံးခိၣ်ဒီး ယွၤစံးဝဲဒၣ် တၢ်ကပီၤ မ်အကဲထီၣ်တက့ၢ် (၁ မိၤ ၁ : ၃). ဒီးယွၤအသးဟုဝဲလၢဟီၣ်ခိၣ်ဖျၢၣ် လၢအခံး, အိၣ်သယုၢ်ဒီးအိၣ်ကလီအခိၣ် ယွၤစံးဝဲလၢတၢ်ကပီၤန့ၣ် ဂ့ၤဝဲ, ဒီးတၢ်ဂ့ၤအံၤ…

ၦၤမၤတၢ်ဖိလၢ မုၢ်နၤအကတီၢ်

တၢ်ဆၢကတီၢ်မ့ၢ် ဂီၤသၢနၣ်ရံၣ် ဖဲတၢ်ဆါဟံၣ်လၢ ကဟုကယၥ်ၦၤဆါနးတဖၣ်လီၤ. ၦၤဆါလၢ ဘၣ်ကိၢ်ဘၣ်ဂီၤတဂၤလၢ တနၣ်ရံၣ်အတီၢ်ပူၤ စံၢ်သီၣ် လီဒၢလွဲလွံၢ်ဘျီလီၤ. ၦၤကွၢ်ၦၤဆါလီၤဘၣ်လၢမုၢ်နၤတဂၤ စံးဆၢအီၤ တအိၣ်ဒီး တၢ်ပၥ်ဒ့ၣ်ပၥ်ကမၣ်ဘၣ်လီၤ.

တစိၢ်ဖိ ၦၤဆါအဂၤတဂၤ ကဲးကိးဒီးဟီၣ် ဒ်သိးၦၤကကနၣ်ဃုၥ်အီၤလီၤ. ၦၤကွၢ်ၦၤဆါ တကမၢကမၣ်လၢ တၢ်တဖၣ်အံၤဘၣ်. လၢအပူၤကွံၥ်ယဲၢ်နံၣ်လံၤလံၤ အဝဲဃ့တ့ၢ်ဝဲလၢကလီၤတၢ်မၤလၢမုၢ်နၤကတီၢ် မ့ၢ်လၢအဲၣ်ဒိးပဒ့ၣ်မုၢ်ဆါကတီၢ်လၢ တၢ်မၤအါတၢ်ဟူးတၢ်ဂဲၤဒိၣ်အါဒီး လီၤဘှံးဒိၣ်မးလီၤ. တိနိၣ်ဘၣ်ဒီး တၢ်မ့ၢ်တၢ်တီလံ. တၢ်မၤလၢ မုၢ်နၤကတီၢ် အခီပညီဖျါလၢ ဟံးန့ၢ်အါထီၣ် တၢ်မၤတခီလိၤ. ဘၣ်စိၥ်ထီၣ်ဒီး ဘၣ်ဃၣ် တရံးၦၤဆါလၢ အနီၢ်ကစၢ်ဒၣ်ဝဲလီၤ. အခီပညီ အိၣ်စ့ၢ်ကီးလၢ တၢ်ကွၢ်ထွဲ ၦၤဆါဒုးဒုးဒီး ကွၢ်အတၢ်အိၣ်သးနီၢ်နီၢ် ဒ်သိးကသံၣ်သရၣ်တဖၣ် ကသ့ၣ်ညါဘၣ် ဂ့ၢ်ဂီၤအူ တၢ်မၤအသးတဖၣ်လီၤ.

အသကိးလၢလီၤသကိးဒီးအီၤလၢ မုၢ်နၤတဖၣ် စံးထီၣ်ပတြၢၤ ဟ့ၣ်ဂံၢ်ဟ့ၣ်ဘါအီၤ ဘၣ်ဆၣ် ဘၣ်ဂဲၤပျုၢ်လၢ ကန့ၢ်ဘၣ် ဆၢကတီၢ်လၢ ကမံအိၣ်ဘှံးဝဲလီၤ. အါဘျီအဝဲဃ့ဝဲလၢ အတၢ်အိၣ်ဖှိၣ်ကသ့ၣ်နီၣ်အီၤလၢ တၢ်ထုကဖၣ်ဒီး ဒ်အထံၣ်ဝဲလၢ အတၢ်မၤမူဒံးဝဲန့ၣ် စံးဝဲ,…

တၢ်သ့နီၤဖးသူၣ်ဂ့ၢ်သးကျိၤအတၢ်ဆါ

ယမံၤၦၢ်အချံကဖုလၥ် (pancreas) ဘၣ်တၢ်မၤဆံးလီၤအီၤ ခီဖျိတၢ်ကၣ်အီၤ (ဓာတ်ကင်) ဒီးလီယဲၤ(Chemotherapy) ဒီးကိညၣ်ထီၣ် ဘၣ်ဆၣ်တုၤလၢ မၤတန့ၢ်လၢၤဘၣ်လီၤ. တၢ်ဆါအလိၣ်အံၤ ဒိၣ်ထီၣ်က့ၤကဒီး တုၤလၢတၢ်သံဒီး တၢ်မူအဘၢၣ်စၢၤလီၤ. အဝဲသံကွၢ်ကသံၣ်သရၣ်, “မ့ၢ်ယကဘၣ်မၤအါထီၣ် တၢ်ကၣ်အီၤ ဒီးလီယဲၤလၢယသးအံၤဧါ မ့တမ့ၢ် မၤတၢ်အဂၤတမံၤဘၣ်ဧါ. ဘၣ်သ့ၣ်သ့ၣ် ကသံၣ်ဖီၣ်အဂၤ ဒီးလီယဲၤအဂၤမၤစၢၤယၤကသ့လီၤ”.

ယူဒၤအၦၤကညီတဖၣ် အိၣ်ဖဲတၢ်အကတီၢ်လၢ ကမူဧါကသံဧါလီၤ. သးလီၤ ဘှံးလၢၥ်လံလၢ တၢ်ဒုးတၢ်ယၤ ဒီးတၢ်သၣ်ဝံၤလီၤဒိတဖၣ်အဃိလီၤ. ဆိကမိၣ်ဝဲ မ့ၢ်အဝဲသ့ၣ် အတၢ်ကီတၢ်ခဲဒိၣ်ဝဲလၢ လူၤတၢ်ဂီၤတၢ်ဖီၣ်အါကဲၣ်ဆိးဧါ. မ့တမ့ၢ်တလၢ မၤဒံးန့ၣ်ဧါလီၤ. အဝဲသ့ၣ်မၤကတၢၢ်ဝဲလၢ ကလုၢ်ထီၣ်တၢ်အါထီၣ်ဆူ ကစၢ်ကမၣ်တဖၣ်
ဒီးခိးကွၢ်ဝဲမ့ၢ်ကဒီသဒၢအဝဲသ့ၣ် ဒီးကမၤဘီၣ်ညီထီၣ်အဝဲသ့ၣ်ဧါလီၤ (ယံး ၄၄:၁၇).

ဝံယံးရမံယၤ စံးဝဲလၢ အဝဲသ့ၣ်လၢတၢ်မၤအသးအဖီခိၣ်န့ၣ် ထုးထီၣ်တၢ် အစၢကမၣ်ဒိၣ်မးလီၤ. အဝဲသ့ၣ်အတၢ်ကီတၢ်ခဲ တမ့ၢ်ဟ့ၣ်လီၤ အသးဆူ တၢ်ဂီၤတၢ်ဖီၣ် ကစၢ်ကမၣ်တဖၣ်ဘၣ်, အတၢ်ကီတၢ်ခဲနီၢ်နီၢ် မ့ၢ်ဘါတၢ်ဂီၤတၢ်ဖီၣ်တဖၣ်တခီလီၤ. အဝဲသ့ၣ်တဲဘၣ် ဝံ, “တၢ်ကတိၤလၢ နစံးဘၣ်တဲဘၣ် ၦၤလၢယွၤအမံၤန့ၣ် ပတကနၣ်…

ဒိၣ်ထီၣ်လၢတၢ်စူၢ်တၢ်နၥ်

ဖဲယမၤတၤသၣ်လီၢ်အဆိကတၢၢ်န့ၣ်, ယပၢၢ်ထီၣ်ဂီၤဂီၤ ဃ့ၢ်ဆူ ယတၢ်ဒိးတၢ်လၣ် အလီၢ် ဒီးကွၢ်တၢ်တမံၤဂ့ၤတမံၤဂ့ၤ အတၢ်မဲထီၣ်န့ၣ်လီၤ. တထံၣ်မနုၤမးဘၣ်. ဖဲယဃုၦၥ်ဘျးစဲဘၣ်ထွဲ “တၢ်သူၣ်တၢ် ဒိၣ်ထီၣ်ချ့ချ့အတၢ်န့ၣ် ယမၤလိန့ၢ်လၢ တၢ်ဖှံလီၤ တၢ်ချံကတီၢ် မ့ၢ်အိၣ် တၢ်အကါဒိၣ်ကတၢၢ်လၢ တၢ်မုၢ်တၢ်ဘိအသးသမူ အပူၤလီၤ. ခဲအံၤကတီၢ် မ့ၢ်တၢ်မုၢ်တၢ်ဘိမဲထီၣ်သီဖိတဖၣ် အဂံၢ်အဘါလၢ ကျဲးစၢးတိဖျိ ဟီၣ်ခိၣ်ဒီးထီၣ်ဆူမုၢ်အိၣ်တခီအအိၣ်ဒီးတၢ်ကွၢ်ဆၢၣ်မဲၥ် တၢ်ကိၢ်တၢ်ခုၣ်တကတီၢ်ဒီး ဒိၣ်ထီၣ်ဝဲလီၤ. ပခိးလၢတၢ်သးစူၤအပူၤ စှၤနွံဝံ, ယထံၣ်ဘၣ်တၢ်မုၢ်လါလါဖိ စွါထီၣ် ခီဖျိ ဟီၣ်ခိၣ်ဒီးဆၢက့ၤယၤလီၤ.

တဘျီဘျီလၢပဂီၢ် ညီဝဲလၢ ပကစံးထီၣ်ပတြၢၤ တၢ်မၤနၢၤတဖၣ် ဒီးတၢ်လဲၤခီဖျိ တၢ်ကီတဖၣ်လၢ ပတၢ်အိၣ်မူပူၤ တအိၣ်ဒီးတၢ်သ့အၢၣ်လီၤပၥ်ဂၢၢ် ပတၢ်အိၣ်ထီၣ် လၢ ပတၢ်တကဲၥ်ပ0းလၢညီနုၢ် ဟဲခီဖျိတၢ်အကတီၢ်ဒီး တၢ်ဂဲၤပျုၢ်ဂဲၤလိၥ်တဖၣ်န့ၣ်လီၤ. ယၤကိၥ် နဲၣ်လိၦၤလၢ “ဖဲပလီၤလၢတၢ်လ့ပစီ အကလုၥ်ကလုၥ်” ဒီးပက “ပၥ်အီၤလၢ
တၢ်သူၣ်ခုသးခု”လီၤ (ယၤကိၥ် ၁:၂). ဘၣ်ဆၣ် တၢ်မၤကွၢ်တဖၣ်အံၤ မ့ၢ်ကဲထီၣ် ပတၢ်သးခုကသ့ဒ်လဲၣ်.

တဘျီဘျီ ယွၤကဒုးလဲၤခီဖျိၦၤ တၢ်တၤတဖၣ်…

သးဝံၣ်ကဒီး

ကီၢ်အီးစထရ့လယၣ် အ “ထိၣ်စီၤပၤအီၣ်ကနဲစီ” (Honeyeater bird) တကလုၥ် တၢ်ကီဘၣ်အီၤလၢ သးပ့ၤနီၣ် အတၢ် သးဝံၣ်လီၤ. လၢတဘျီအိၣ်ဂီၢ်မုၢ် ဘၣ်ဆၣ် ခဲအံၤ အိၣ်တ့ၢ်ဒၣ် အဘ့ၣ် ၃၀၀ လီၤ. ဒီးပကမၤလိန့ၢ်လၢ အဂၤတဖၣ်အဂီၢ် အနီၣ်ဂံၢ်စှၤဒိၣ်မးလီၤ. အဖါတဖၣ် သးပ့ၤနီၣ်သးဝံၣ်အတၢ်သးဝံၣ်လီၤဆီ ဒီးလီၤတူၥ်လီၤကၥ်လၢ ကရဲၢ်သံန့ၢ်အမိၢ်လီၤ.

တၢ်ဘျုးဖးဒိၣ်လၢ ၦၤကၢၤက့ၤပၢၤက့ၤတၢ်တဖၣ် အိၣ်ဒီးတၢ်ကျဲၤလၢ ကမၤစၢၤက့ၤ ထိၣ်အီၣ်ကနဲစီတဖၣ်အံၤ ကသးဝံၣ်က့ၤတၢ်လီၤ. ဖီၣ်န့ၢ် တၢ်ကလုၢ်တဖၣ် ဒီးအိးထီၣ်န့ၣ်အဝဲသ့ၣ် ဒ်သိးအဝဲသ့ၣ်ကသ့မၤလိန့ၢ်က့ၤ တၢ်သးဝံၣ်ဖိလၢ အဲၣ်ဝဲဒိၣ်မးလီၤ. ဒ်ထိၣ်ဖါတဖၣ် မၤန့ၢ်တၢ်သးဝံၣ်အယုၢ်တဖၣ်န့ၣ် ထုးန့ၢ်အမိၢ်တဖၣ်အသးလီၤ. ဒီးတၢ်မုၢ်လၢ်အိၣ်ဝဲလၢ ထိၣ်တကလုၥ်အံၤ ကအါထီၣ်က့ၤလီၤ.

ဝံစဖါနယၤ ကတိၤလီၤဘၣ်ဆူ ၦၤအိၣ်လၢတၢ်ကီတၢ်ခဲတဖၣ်အကျါလီၤ. လၢၦၤအါဂၤအတကဲၥ်ပဝး ဟးဂီၤကွံၥ်ဝဲအဂီၢ် အဝဲဘိးဘၣ်ဝဲလၢ ယွၤအတၢ်စံၣ်ညီၣ် ဟဲဝဲလီၤ (စဖါနယၤ ၃:၁-၈). ဖဲတၢ်အံၤအလီၢ်ခံ အဝဲသ့ၣ်ခီဖျိဘၣ် တၢ်ဖီၣ်အီၤ ဒီးစိၥ်မၢကဲကုၢ်အဝဲသ့ၣ်လီၤ. ၦၤတဖၣ်အံၤ အတၢ်သးဝံၣ်လီၤမၢ်လီၤ (စံး ၁၃၇:၄).…

သးအနံၣ်အလါမ့ၢ်ထဲဒၣ်နီၣ်ဂံၢ်လီၤ

တၢ်မ့ၢ်သးစၢ်အဃိ တဒုးအိၣ်ကတီၢ် မတၤတဂၤလၢ ကမၤန့ၢ်မၤနၢၤတၢ်အဂီၢ်ဘၣ်. တၢ်န့ၣ် တဒုးဆိကတီၢ် မံၤကါလး, ၦၤတဆံတနံၣ်ဖိတဂၤဘၣ်လၢအဝဲကဆၢထၢၣ်ဆါ သၣ်သွံဆံၣ်ထံ(လီမွန်) အလီၢ်, အဝဲအိးထီၣ် တၢ်မၤဖးဒိၣ် ဘၣ်ထွဲတၢ်ကူၣ်ကၤ သၣ်သွံဆံၣ်ထံလီၤ. ‘ယၤဒီးကနဲတဖၣ်’ (Me & the Bees) သၣ်သွံဆံၣ် အတၢ်မၤ ဖးဒိၣ်အံၤ စးထီၣ်ဒီးအဝဲအဖံအတၢ်မၤအတၢ်နဲၣ်ကျဲၤ ဘၣ်ထွဲတၢ်မၤ သၣ်သွံဆံၣ်ထံလီၤ. တၢ်မၤအံၤ ခီဖျိတၢ်ဘိးဘၣ်လၢ ကွဲၤထံၣ်ဟူ အတၢ်ရဲၣ်တၢ်ကျဲၤလၢ ကိးဝဲ ၡး(ခ)ထံး(ခ) န့ၣ် အဃိ ၦၤဘျၢလီၤစ့တဖၣ် ဟဲပၥ်ဖှိၣ်စ့အဒီလၣ် ဃုကလးလီၤ. အဝဲဆဲးလီၤ အမံၤလၢ လံၥ်အၢၣ်လီၤသးအပူၤ ဒီးကျးကစၢ်လၢ ကဆါ အသၣ်သွံဆံၣ်ဖဲ နီၣ်ဂံၢ်-55 ခၠ့စတိ(လ)လီၤ. နီၢ်မံၤကါလး အတၢ်ထဲးဂံၢ်ထဲးဘါ ဒီးအတၢ်မံမီၢ်တဖၣ်အံၤ ဒုးထံၣ်က့ၤၦၤလၢ စီၤပီလူး အတၢ်ကတိၤလၢ, “မ်နသုတဒုးမၤတရီတပါနၤလၢ နသးစၢ်အဃိတဂ့ၤ” (၁ တံၤ ၄:၁၂) န့ၣ်လီၤ.

စီၤတံၤမသ့းယ တမ့ၢ်ဒ်ဖိသၣ်နီၢ်မံၤကါလးဘၣ်ယ ဖျါလၢအသးစၢ်န့ၢ် ၦၤအါဂၤလၢအၦၤကမျၢၢ်ကျါလီၤ.…

တၢ်တွံၢ်အီၤဆူ တၢ်ဘံၣ်ဘၢအလီၢ်

ပိၥ်မုၣ်ဖိတဂၤ ဟးဂဲၤထံ ဖဲပီၣ်လဲၣ်ကပၤထံကျိၤဖိအပူၤ ဒီးအပၢ်ကွၢ်ထွဲအီၤလီၤ. အရီးဘၢၣ် ခီၣ်ဖံးဖိ ထီတုၤအခီၣ်လ့ၢ်ခိၣ်လီၤ. လီၤဝဲထံကျိၤဖိအဆီတဆီဆူလၥ်တကပၤ သီၣ်ပြံၥ်ပြူၥ် တုၤလၢထံဘျံးအခီၣ်ဖံးဖိန့ၣ်လီၤ. ဖဲအဝဲလဲၤဆူညါတသ့လၢၤန့ၣ် ကဲးကိးပသူထီၣ်, “ပါပၢ် ယလီၤဘျၢလံ” အပၢ်ခါထီၣ်သၢဘီ ဒီးတုၤဆူအကပၤ ဒီး တွံၢ်ထီၣ်အီၤဆူကၢၢ်ခိၣ် အိၣ်ဒီးတပံၢ်လါဟ့လီၤ. အဝဲ တၢၤကွံၥ်ထံလၢ အခီၣ်ဖံးပူၤ ဒီးနံၤဝဲလီၤ.

ဖဲယွၤဒုးပူၤဖျဲး ၦၤကွဲးထါစီၤဒၤဝံးလၢ အဒူၣ်အဒါအစုဝံၤန့ၣ် အဝဲဆ့ၣ်နီၤ တစိၢ်ဖိ ဒီးထုးကွံၥ်အခီၣ်ဖံး ဒီးပျဲအသးမုၥ်ထီၣ်ဆူၣ်ထီၣ်ဝဲလီၤ. အဝဲကွဲးတၢ်သးဝံၣ်လၢ ပၥ်ဖျါထီၣ် အတၢ်သးပလၢၢ်ဘၣ် ဒ်အံၤ, “ယကိးထီၣ်ယွၤလၢ အဘၣ်တၢ်စံးထီၣ်ပတြၢၤ, ဒီးယကတုၤလၢ တၢ်အုၣ်က့ၤခီၣ်က့ၤလၢယဒုၣ်ယဒါလီၤ” (၂ ၡမူၤ ၂၂:၄). အဝဲ စံးထီၣ်ပတြၢၤယွၤ ဒ်အမ့ၢ်အလၢၢ်, အတိၥ်, အကတီၤ ဒီးအတၢးထီၣ်ထီလီၤ (:၂-၃). ဆူညါတတီၤ ခီဃီၤဆူထါလၢ မၤဆၢက့ၤယွၤအတၢ်ဟ့ၣ်ဆၢတဖၣ်လီၤ. ဟီၣ်ခိၣ် ကနိးကစုၥ်လီၤ. ယွၤဟဲလီၤလၢမူခိၣ်လီၤ. လၢအမဲၥ်ညါ မ့ၣ်အူခုၣ်ဟဲထီၣ်ဝဲလီၤ. အကလုၢ်သီၣ် ဒ်လီသီၣ်အသိး ဒီးထုးထီၣ်အီၤလၢထံအါအကျါလီၤ (:၈,…

သးပလၢၢ်ဘၣ်လၢဘၣ်အၢဒီးဟီၣ်ခိၣ်ကမူၣ်

လၢအဆၢကတီၢ်ဖဲ ပဝဲၦၤမၤယွၤတၢ်တဖၣ် ကရၢကိးထံၣ်လိၥ်သးအကတီၢ်န့ၣ် ဝါရဲ(န) တဲဖျါထီၣ်ဝဲလၢ အဝဲ “အသးပလၢၢ်ဘၣ်လၢ အိၣ်ဘၢဒီးဖၣ်ကမူၣ်ဖၣ်ဆါ န့ၣ်လီၤ”. ယဆိကမိၣ် အဝဲအသးတမုၥ် မ့ၢ်ဒၣ်လၢ အနီၢ်ခိ အတၢ်ဂံၢ်စၢ်ဘါစၢ်ဒီး သးၦၢ်ထီၣ် ဒီးဆူးဆါအဃိလီၤ. လၢဝါရဲ(န) ဒီးအမါ အိၣ်လံအနံၣ် ၆၀ ဘျဲၣ်လံဒီး လၢ ၂၀၂၀ နံၣ် အံၤ ကသံၣ်သရၣ် ဟဲအိၣ်သကိးအဝဲသ့ၣ် ဘၣ်ထွဲတၢ်ဘၣ်ကွဲးအသး အဂ့ၢ်ဒီး ဘၣ်ကတဲၥ်ကတီၤက့ၤအဟံၣ် ဒ်သိးၦၤဟဲကဟုကယၥ် အဝဲသ့ၣ်လၢဟံၣ် ကသ့အဂီၢ်လီၤ. လၢအဂၤတမံၤ အဝဲသ့ၣ်ပလၢၢ်ဘၣ်ဝဲလၢ အဝဲသ့ၣ် ပူၤကွံလံအသးသမူအဂ့ၤကတၢၢ်ကတီၢ်အဃိန့ၣ်လီၤ.

ဒ်သိးပကသ့ၣ်ညါ ပတၢ်လီၤတူၢ်လီၤကၥ်တဖၣ်, ပတၢ်တလၢတၦဲၤတဖၣ်, ဒီးပတၢ်ဂံၢ်စၢ်ဘါစၢ်တဖၣ် လၢနီၢ်ခိ, လၢသးအတၢ်ဟူးတၢ်ဂဲၤ ဒီးလၢသူၣ်ဂ့ၢ်သးကျိၤ အဂီၢ် တလိၣ်လၢပကအိၣ်မူ ယံာ်ယံာ်ဘၣ်. ယွၤလၢယ့ၣ်ၡူးအပူၤန့ၣ် ဟဲနုၥ်လီၤဆူ ပဟီၣ်ခိၣ်ဟးဂီၤတဘ့ၣ်အံၤ ဒီးကဟုကယၥ်ၦၤလၢ လဲၤခီဖျိဘၣ် ၦၤကညီအတၢ်အိၣ်မူ လၢ ဒုးကဲထီၣ် တၢ်ကီတၢ်ခဲဖးဒိၣ်လီၤ (စံး ၁၀၃:၁၃). အါန့ၣ်အအံၤလီၤ. အဝဲကွဲး…

တၢ်မနုၤတဖၣ်အကါဒိၣ်လဲၣ်

ယတံၤသကိးတဂၤ ဟဲက့ၤဝဲလၢ ဘၣ်တၢ်သံကွၢ်အီၤလိၤလိၤလၢ ၦၤနၥ်တၢ်အသကိး တဂၤလၢ မ့ၢ်အဝဲဘၣ်ထွဲဒီး ထံဂ့ၢ်ကီၢ်ဂ့ၢ်အကရၢမတၤလဲၣ်လီၤ. သံကွၢ်တၢ် အတၢ်တိၥ်မ့ၢ်ဒ်သိးကသ့ၣ်ညါဝဲ မ့ၢ်အဒ်သိးဒီးအီၤလၢ တၢ်ဂ့ၢ်ကီခဲအိၣ်ထီၣ်တဖၣ်လၢ အမၤလီၤဖးအဝဲသ့ၣ်အသးလၢ အလီၢ်ကဝီၤအပူၤလီၤ. ဒ်သိး ကထံၣ်န့ၢ်တၢ်ပၥ်သး တမံၤဃီအဂီၢ် အဝဲစံးဆၢဝဲလၢ “ဒ်ပမ့ၢ်ၦၤစူၢ်က့ၤနၥ်က့ၤအသိး, ယဲယပၥ် တၢ်အကါဒိၣ်လၢ ခရံၥ်အပူၤ ပမ့ၢ်တၢ်တမံၤဃီလီၤ”. လၢစီၤပီလူးအဆၢကတီၢ်န့ၣ် ခီဖျိတၢ်ကီတၢ်ခဲလီၤဆီတဖၣ်အဃိ အဝဲသ့ၣ်လီၤဖးလီၤ. တၢ်ဂ့ၢ်ခိၣ်တီဘၣ်ထွဲဒီး တၢ်အီၣ်တဖၣ်လၢပကြၢးအီၣ်, မုၢ်နံၤမတၤ မ့ၢ်မုၢ်နံၤစီဆှံအံၤ ဟဲစိၥ်တၢ်သးလီၤဖးဆူခရံၥ်ဖိလၢ ဝ့ၢ်ရိမ့ၤအပူၤလီၤ. အိၣ်ဒီးတၢ်ပၥ်လီၤသၦၢ်ၦၢ် ဒီးအလီၢ်အလၤဒၣ်ဝဲ နၥ်သက့ စီၤပီလူး ဒုးသ့ၣ်နီၣ်ထီၣ် အဝဲသ့ၣ်လၢ အဝဲသ့ၣ်အတၢ်တမံၤဃီလၢ အမ့ၢ် “မူလၢခရံၥ်အဂီၢ်” လီၤ (ရိမ့ၤ ၁၄:၅-၉). လၢကစံၣ်ညီၣ်ပၥ် တၢ်ကမၣ်ၦၤလၢအလီၢ်န့ၣ် စီၤပီလူးဟ့ၣ်ဂံၢ်ဟ့ၣ်ဘါ အဝဲသ့ၣ်လၢ ကလူၤတၢ် ဘၣ်ဃးဒီးတၢ်ဃူတၢ်ဖိး ဒီးတၢ်ဒုးထီၣ်ဒုးထီလိၥ်အသး သကိးသကိးလီၤ (:၁၉).

ဖဲတၢ်အကတီၢ်လၢထံကီၢ်တဖၣ်ယ တၢ်အိၣ်ဖှိၣ်တဖၣ် ဒီးၦၤတ0ိၥ်တဖၣ် ဘၣ်တၢ်မၤလီၤဖးအီၤ ခီဖျိတၢ်ဂ့ၢ်ကီခဲအဒိၣ်ဂ့ၤအဆံးဂ့ၤအကတီၢ်န့ၣ် ပဒုးနဲၣ်ခရံၥ် အတၢ်မၤလၢ အမ့ၢ်တၢ်မၤဃူမၤဖိးက့ၤၦၤလၢ…