တၢ်ကတိၤသကိး တၢ်စူၢ်တၢ်နၥ်အဂ့ၢ် လၢဟံၣ်လၢဃီ
တၢ်လီၢ်လၢပအိၣ်ကဒုအဂီၢ်အဂ့ၤကတၢၢ် မ့ၢ်ပဟံၣ်ပဃီ ဒီးတၢ်လီၢ်တၢ်ကျဲအဂၤ တအိၣ်ဘၣ်န့ၣ် မ့ၢ်တၢ်ကတိၤလၢ ဒီရသံၣ်ကတိၤဝဲလၢ တၢ်ဂီၤမူ “Wizard of Oz” အပူၤအသိးန့ၣ် တၢ်ဂီၤမူအဂၤတဖၣ် ဒ်အမ့ၢ် star wars ဒီး the lion king အပူၤစ့ၢ်ကီး ဘၣ်တၢ်စူးကါအီၤန့ၣ်လီၤ. တၢ်အံၤ ဘၣ်တၢ်သ့ၣ်ညါလၢ “ၦၤဒူၦၤဃိၤတဂၤ အတၢ် လဲၤကျဲအကျိၤအကွၥ်” န့ၣ်လီၤ. ပမ့ၢ်စံးလၢအဖုၣ်န့ၣ် ၦၤပတီၢ်မုၢ်ဖိတဂၤ အိၣ်မူအိၣ်ဂဲၤဝဲ ဒ်ညီနုၢ်အလုၢ်အလၢ် အိၣ်ဝဲအသိးအခါတၢ်ဂ့ၢ်လီၤဆီအိၣ်ထီၣ်ဝဲလၢ ကဘၣ်မၤတၢ်မၤလၢအဒူအဃိၤတၢ် အဂီၢ်န့ၣ်လီၤ. ၦၤတဂၤအံၤ ဘၣ်ပၥ်တ့ၢ်ဟံၣ်ဃီ ဒီးဘၣ်လဲၤဝဲဆူ တၢ်လီၢ်အဂၤလၢ အိၣ်ၦဲၤ ဒီးတၢ်မၤကွၢ် ဒီးတၢ်လ့ပစီတဖၣ် ဒ်သိးကဘၣ်လဲၤခီဖျိမၤနၢၤဝဲဒၣ်န့ၣ်လီၤ. အတၢ်လဲၤကျဲန့ၣ် ကထံၣ်ဘၣ်စ့ၢ်ကီး တံၤသကိးသရၣ်သမါ ဃုၥ်ဒီးၦၤမၤအၢမၤသီမၤဟးဂီၤအီၤတဖၣ်န့ၣ်လီၤ. အဝဲမ့ၢ်လဲၤခီဖျိမၤနၢၤ တၢ်မၤကွၢ်တဖၣ် ဒီးအုၣ်အသး ဒ်အမ့ၢ် ၦၤဒူၦၤဃိၤတဂၤဝံၤ ဟဲက့ၤကဒါဆူဟံၣ် ဒီးတဲကဒါအတၢ်လဲၤခီဖျိတဖၣ်ဒီး ဒိးန့ၢ်ဘၣ်ဝဲ တၢ်ကူၣ်သ့န့ၣ်လီၤ. အကတၢၢ်တၢ်ဒိးန့ၢ် တၢ်ကူၣ်သ့ မ့ၢ်တၢ်အကါဒိၣ်ကတၢၢ်လီၤ.
တၢ်တဲဖိလၢအပၥ်ဖျါထီၣ် ၦၤတဂၤလၢတၢ်နါအိၣ်ဆိးအပူၤတဂၤအဂ့ၢ်န့ၣ်…
တၢ်ဆၢကတီၢ်လၢၦဲၤ
ဖဲယထံၣ်ဘၣ် လံၣ်ယိၣ်တီၣ်စထွဲ(Leo Tolstoy)အလံၥ်ဖးဒိၣ်လၢ အမ့ၢ် “တၢ်ဒုးတၢ်ယၤဒီးတၢ်မုၥ်တၢ်ပၢၤ” လၢယတံၤသကိးအလံၥ်စီၣ်န့ၣ်ဒီး ယအၢၣ်လီၤတူၢ်လိၥ်လၢ ယဖးလံၥ်အံၤန့ၣ် တတုၤအကတၢၢ်နီတဘျီဘၣ်. “ဂ့ၤလံ” ယသကိး မၤတံၣ် နံၤကမှံၤဒီးစံးဝဲ “ဖဲယအိၣ်ဘှံးလၢ တၢ်သိၣ်လိ တၢ်ဖံးတၢ်မၤအခါ ယမၤန့ၢ်လံၥ်အံၤ လၢယတံၤသကိးတဂၤလၢ အစံးဝဲ “ခဲအံၤ နမၤန့ၢ်တၢ်ဆၢကတီၢ်လၢကဖးလံၥ်အံၤ” န့ၣ်လီၤ.
လံၥ်ၦၤစံၣ်တဲၤတဲလီၤတၢ် ၃:၁-၈ ပၥ်ဖျါဝဲညီနုၢ်သးသမူအတၢ်ဟူးတၢ်ဂဲၤအပူၤ တၢ်လၢပဘၣ်ဃုထၢမၤဝဲ ဒ်အလီၢ်အိၣ်ဝဲအသိးန့ၣ်လီၤ. ပတၢ်အိၣ်မူအပူၤ တကတီၢ်ဘၣ်တကတီၢ် ဖဲပကွၢ်လီၤက့ၤပသးဒီးပကဟံးန့ၢ်တၢ်ဆၢကတီၢ်ဒီး ကယဲၢ်တၢ်လၢပအဲၣ်ဒိးမၤခဲလၢၥ် ပကမၤအဂီၢ်ကီခဲဝဲဒၣ်န့ၣ်လီၤ. ပကဆၢတဲၥ်လၢတၢ်ကူၣ်သ့အပူၤ ဘၣ်ဃးဒီးပတၢ်ရဲၣ်ကျဲၤ ပတၢ်ဆၢကတီၢ်အဂီၢ် ဟ့ၣ်ကူၣ်ဝဲလၢ ပကအိၣ်ဒီးတၢ်ရဲၣ်တၢ်ကျဲၤလီၤတံၢ်လီၤဆဲးန့ၣ်လီၤ.
လၢပနီၢ်သးအတၢ်ဂံၢ်တၢ်ဘါအဂီၢ် တၢ်ရ့လိၥ်သးဒီးကစၢ်ယွၤန့ၣ် မ့ၢ်တၢ်အခီၣ်ထံး ဒီးအကါဒိၣ်လၢပကဘၣ်မၤအီၤန့ၣ်လီၤ. “တၢ်မၤလၢပမၤအီၤ မ့ၢ်လဲၤထီၣ်လဲၤထီဒီး ကဲထီၣ်တၢ်မံသူၣ်မံသးလၢပနီၢ်သးအဂီၢ်” န့ၣ်လီၤ (စံၣ်တဲၤတဲ ၃:၁၃). ပမ့ၢ်အတၢ်မၤလၢအတ့လီၤဝဲလၢ ယ့ၣ်ၡူးခရံၥ်အပူၤ, ဒ်သိးပကမၤတၢ်ဂ့ၤတဖၣ်လၢ ယွၤကတဲၥ်ကတီၤပၥ်လၢ ပကလဲၤတၢ်လၢအပူၤအဂီၢ်န့ၣ်လီၤ (အ့ဖ့းစူး ၂:၁၀). တၢ်အိၣ်ဘှံးအိၣ်ကသုၣ်အဆၢကတီၢ်တဖၣ် န့ၣ် တမ့ၢ်တၢ်မၤလၢၥ်မၤဆှူတၢ်ဆၢကတီၢ်ဘၣ်. မ့ၢ်ဒၣ် တၢ်မၤဂ့ၤမၤသီထီၣ်က့ၤ ပနီၢ်ခိနီၢ်သးန့ၣ်လီၤ.…
တၢ်ထီဒါညိကွံၥ်
လၢဝ့ၢ်အဲးတလဲထၣ် (Atlanta) ပၢၤကီၢ်ၦၤဘၣ်မူဘၣ်ဒါတဂၤ သံကွၢ်ဝဲ ၦၤနီသိလ့ၣ်ပိၥ်မုၣ်တဂၤ လၢ မ့ၢ်အဝဲသ့ၣ်ညါဝဲဒၣ်ဘၣ်မနုၤအဃိ ၦၤမၢအိၣ်ပတုၥ်အသိလ့ၣ်လဲၣ်န့ၣ်လီၤ. ပိၥ်မုၣ်န့ၣ် စံးဆၢဝဲလၢ တၢ်သးတံၥ်တၥ်အပူၤ တသ့ၣ်ညါဘၣ်န့ၣ်လီၤ. ဒီးပၢၤကီၢ်စံးဘၣ်အီၤ “မ့ၢ်
လၢ နသုဒီးဆှၢတၢ်ကစီၣ်လၢကွဲၤဒီနၢ်အဃိ” န့ၣ်လီၤ. ၦၤနီသိလ့ၣ်ပိၥ်မုၣ် စံးဆၢကဒီးဝဲ ‘တမ့ၢ်ဘၣ်’ ဒုးနဲၣ်ဝဲ အကွဲၤဒီနၢ်ဒီး ‘မ့ၢ်ဒၣ်လီအလံၥ်ပရၢ’ န့ၣ်လီၤ.
တၢ်ဆိးကါကွဲၤဒီနၢ်လၢ တၢ်ဆှၢလံၥ်ပရၢတၢ်ကစီၣ်န့ၣ် တမ့ၢ်လၢၦၤကဘၣ် လဲၤခီပတၥ်တၢ်သိၣ်တၢ်ဘျၢလၢ အတြီဃၥ် ၦၤတဘၣ်သု ကွဲၤဒီနၢ်ဖဲ ပနီသိလ့ၣ်အဆၢကတီၢ်န့ၣ်ဘၣ်. တၢ်သိၣ်တၢ်ဘျၢအတၢ်ပညိၣ်တခီ တမ့ၢ်လၢတြီတၢ်ဆိးကါ ကွဲၤဒီနၢ်လၢ နီသိလ့ၣ်အဆၢကတီၢ်န့ၣ်ဘၣ် မ့ၢ်ဒၣ် တၢ်ဒီသဒၢလၢ အသုတကဲထီၣ် တၢ်မၤတံၥ်တၥ် တၢ်နီသိလ့ၣ်အဂီၢ်န့ၣ်လီၤ.
ကစၢ်ယ့ၣ်ၡူး ကတိၤဒုၣ်ဒွဲၣ်ဝဲ တၢ်ဘူၣ်တၢ်ဘါခိၣ်နၢ်တဖၣ်လၢ အစိၤအဆၢ ကတီၢ်လၢ အဝဲသ့ၣ်မၤညီခီပတၥ် ကစၢ်ယွၤကလုၢ်ကထါလၢ အမ့ၢ် “သုပၥ်ကွံၥ် ယွၤအတၢ်သိၣ်တၢ်သီ” ဒီး, ကစၢ်ယ့ၣ်ၡူးဟံးန့ၢ်ပၥ်ဖျါဝဲ “ယူးယီၣ်နမိၢ်ဒီးနပၢ်တက့ၢ်” (မၢ်ကူး ၇:၉-၁၀). မ့ၢ်လၢ တၢ်ဘူၣ်တၢ်ဘါ ခိၣ်နၢ်တဖၣ် ပၥ်မၤအသး…
တၢ်သးအိၣ်ဟ့ၣ်နီၤလီၤတၢ် ဒီးတၢ်သးခု
ၦၤဃုမၤလိသ့ၣ်ညါတၢ်တဖၣ် ပၥ်ဖျါဝဲ တၢ်ဘၣ်ထွဲလိၥ်သးလၢ တၢ်သးအိၣ်ဟ့ၣ်မၤစၢၤတၢ် ဒီး သူၣ်ခုသးခုတၢ်အဘၢၣ်စၢၤန့ၣ်လီၤ. ၦၤဟ့ၣ်မၤဘူၣ်ဟ့ၣ်နီၤလီၤကျိၣ်စ့ဒီး တၢ်ဆၢကတီၢ် န့ၣ် အိၣ်ဒီးတၢ်သူၣ်ခုသးခုသူၣ်ဖှံသးညီ အါန့ၢ်ဒိၣ်န့ၢ် ၦၤလၢအတဟ့ၣ်တၢ်န့ၣ်လီၤ. တၢ်ထံၣ်အံၤကဲထီၣ်ဝဲ ဒ်ၦၤကူၣ်သ့ဘၣ်ဃးဒီးသးဂ့ၢ်ပီညါပၥ်ဖျါဝဲ “ပကမၤပတုၥ်ပတၢ်ဆိကမိၣ်လၢ အမ့ၢ် တၢ်ဟ့ၣ်မ့ၢ်မူဒါလီၤ. အလီၢ်ဆူ တၢ်ဟ့ၣ်မ့ၢ် တၢ်သူၣ်ခုသးခုအဂံၢ်ထံး” န့ၣ်လီၤ.
ဖဲပဟ့ၣ်မၤစၢၤမၤဘူၣ်တၢ် ဒုးအိၣ်ထီၣ်ပတၢ်သူၣ်ခုသးခု ဒီးယသံကွၢ်လီၤက့ၤယသး, မ့ၢ်သူၣ်ခုသးခုန့ၣ် ကြၢးကဲထီၣ် ပတၢ်တိၥ်ပၥ်လၢ ပတၢ်ဟ့ၣ်မၤဘူၣ်မၤစၢၤတၢ်အဂီၢ်န့ၣ်ဧါ. ပမ့ၢ်သးအိၣ်ဟ့ၣ်ဒၣ်တၢ်ထဲ ၦၤလၢပသးအိၣ်အီၤတဖၣ် ကဲထီၣ်တၢ်သူၣ်ခုသးခု လၢပဂီၢ် ဒီးပကစံးၦၤလၢ ကွၢ်ဆၢၣ်မဲၥ်ဘၣ် တၢ်ကီတၢ်ခဲဖးဒိၣ် မ့တမ့ၢ်ဘၣ်ဒီး ဟီၣ်ခိၣ်နီၢ်ခိအတၢ်လိၣ်ဘၣ်တဖၣ်လၢအလိၣ်ဘၣ် ပတၢ်မၤစၢၤအဂီၢ်ဒ်လဲၣ်.
လံၥ်စီဆှံအပူၤစ့ၢ်ကီး မၤဘျးစဲတၢ်သးအိၣ်ဟ့ၣ်တၢ်ဒီး တၢ်သူၣ်ခုသးခုခံခါအဘၢၣ်စၢၤ, ဘၣ်တၢ်ပၥ်ဖျါလၢတၢ်လီၤဆီဖးဒိၣ်အပူၤလီၤ. စီၤပၤဒၤဝံးဟ့ၣ်မၤဘူၣ် တၢ်ထူးတၢ်တီၤ ဆူတၢ်တ့ထီၣ် ယွၤအတၢ်လုၢ်ဟံၣ်အဂီၢ်ဝံၤ ကွဲမုၥ်ဝဲ ၦၤအံၣ်စရ့လးဖိ ဒ်သိးကမၤဘူၣ်ဝဲ တၢ်စ့ၢ်ကီးအဂီၢ်န့ၣ်လီၤ (၁ ကွဲးနီၣ် ၂၉:၁-၅). ဒီးကမျၢၢ်တဖၣ် ဟ့ၣ်မၤဘူၣ်ဝဲ ထူဧိၤစ့ဧိၤ တၢ်မျၢ်လုၢ်ပှ့ၤဒိၣ်လၢ တၢ်သူၣ်အိၣ်သးအိၣ် ဒီးတၢ်သူၣ်ခုသးခုအပူၤန့ၣ်လီၤ (:၆-၈).…
ယ့ၣ်ၡူးအိၣ်ဖဲအံၤ
ယမုၢ်ဂၢ်သးၦၢ် ဆူးဆါဒီးဘၣ်အိၣ်ဝဲဒၣ်လၢလီၢ်မံလိၤ ဘၣ်ဆၣ်အမဲၥ်သၣ်အိၣ်နံၤကမှံဝဲဒၣ်န့ၣ်လီၤ. ခိၣ်သူခိၣ်ဆူၣ်ဝါတဖၣ် ဘိၣ်ဘံဝဲဒီး အမဲၥ်အဖံးသွံးအိၣ်ဖျါဝဲဒၣ်န့ၣ်လီၤ. အတၢ်ကတိၤတအိၣ်အါ, ဘၣ်ဆၣ် ယသ့ၣ်နီၣ်တၢ်ကတိၤတနီၤလၢ အကတိၤဝဲ ဖဲယမိၢ်ယပၢ်ဒီးယၤ ပဟဲဟးဆူအအိၣ်အခါန့ၣ်လီၤ. ယမုၢ်ဂၢ်ကတိၤဝဲကသွံဒံဖိ “ယတအိၣ်သယုၢ်ထဲတဂၤဘၣ်. ကစၢ်ယ့ၣ်ၡူးအိၣ်ဒီးယၤ ဖဲအံၤန့ၣ်လီၤ.
ဒ်အမ့ၢ်ပိၥ်မုၣ်မုၣ်ကမဲတဂၤဧိၤ အတၢ်စံးကတိၤန့ၣ် ကဲထီၣ်တၢ်ကမၢကမၣ် လၢယဂီၢ်န့ၣ်လီၤ. အဝၤသံတ့ၢ်လံ အါနံၣ်အါလါအပူၤ ဒီးအဖိတဖၣ် အိၣ်ဆိးဝဲလၢ တၢ်လီၢ်အယံၤန့ၣ်လီၤ. အသးအနံၣ်အလါ ဘူးထီၣ်လံလၢ ၉၀ နံၣ်အပူၤ ဘၣ်အိၣ်ဝဲဒၣ် လၢလီၢ်မံလိၤ ဟူးဂဲၤတန့ၢ်, ဘၣ်အိၣ်ဝဲဒၣ်ထဲတဂၤဧိၤန့ၣ်လီၤ. ဘၣ်ဆၣ် အနီၢ်ဒၣ်ဝဲ သ့စံးကတိၤ ယတမ့ၢ်ထဲတဂၤဧိၤဘၣ်န့ၣ်လီၤ.
ဒ်ယမုၢ်ဂၢ် တိၢ်န့ၢ်ဟံးဃၥ် ကစၢ်ယ့ၣ်ၡူးမၤလိၥ်တၢ်ဆူအပျဲၢ်အဘီၣ်တဖၣ် လီၤတံၢ်လီၤဆဲးအသိး ပဝဲကိးဂၤဒဲးစ့ၢ်ကီး ပကြၢးတိၢ်န့ၢ်ဟံးဃၥ်တၢ် ဒ်ဖျါလၢ မးသဲ ၂၈:၂၀ အပူၤ “ကွၢ်ကွၢ်, ယအိၣ်ဒီးသု...တုၤတၢ်အစိကတၢၢ်” န့ၣ်လီၤ. အဝဲသ့ၣ်ညါဝဲဒၣ်လၢ ကစၢ်ယ့ၣ်ၡူးခရံၥ်အသးစီဆှံ အိၣ်ဒီးအီၤ ဒ်အဆၢဖိ ၁၉, ပၥ်ဖျါဝဲ “ကစၢ်ယ့ၣ်ၡူး အၢၣ်လီၤဝဲအပျဲၢ်အဘီၣ်ဒီး ဒုးနဲၣ်ဝဲလၢကလဲၤဆူ တၢ်လီၢ်အဂၤ,…
ၦၤတီၦၤလိၤ အတၢ်သူၣ်ကညီၤသးကညီၤ
“ယတံၤသကိးလၢ တၢ်အဲၣ်ဘၣ်နၤဧၢ, ဘၣ်တဘျီဘျီ နဖျါစီဆှံ ဒိၣ်န့ၢ်အါန့ၢ် နမ့ၢ်တၢ်န့ၣ်လီၤ”.
တၢ်ကတိၤဖိတဖၣ်လၢထးန့ၣ် တုၤထီၣ် ထီၣ်ဘးဝဲ ဒ်နကွၢ်စူၢ်တၢ်ဆူအအိၣ်လိၤလိၤ ဒီးနစံးကတိၤလၢတၢ်နံၤကမှံဖိန့ၣ်လီၤ. တၢ်ကတိၤဖိတဖၣ်အံၤ မ့ၢ် တဟဲဘၣ် ဝဲလၢ တံၤသကိးလၢ ယရ့ဘူးဘူးတံၢ်တံၢ်တဖၣ် ဒီးၦၤကူၣ်သ့တဖၣ်လၢ ယပၥ်လုၢ်ဒိၣ်ပှ့ၤဒိၣ်တဖၣ်န့ၣ် ဒီးယသးကဘၣ်ဒိဒိၣ်မးန့ၣ်လီၤ. တကတီၢ်ဃီလၢ တၢ်သးဆါအပူၤ ယနံၤဘၣ်ဖၣ်လဲလၢ အတၢ်ကတိၤဖိတဖၣ်အံၤန့ၣ် ဟဲဘၣ်ယသး ဒီးမ့ၢ်တၢ်ကတိၤဖိလၢ အဘၣ်အဃိန့ၣ်လီၤ. ဘၣ်တဘျီဘျီ ဖဲယစံးကတိၤ ဘၣ်ဃးဒီးယတၢ်စူၢ်တၢ်နၥ်အဆၢကတီၢ် ယသုတၢ်ကတိၤတဖၣ်လၢညီနုၢ် ၦၤတသုအီၤတဖၣ်အဃိ ၦၤထံၣ် ဆိကမိၣ်ဒိၣ်ယၤဒီး ကဲထီၣ်ဝဲလၢ ယတၢ်ပၥ်သးတတီလိၤဝဲဒၣ်ဘၣ်န့ၣ်လီၤ. ယတံၤသကိးတဖၣ် အဲၣ်ဘၣ်ယၤအဃိဒီး ဂုၥ်ကျဲးစၢးမၤစၢၤယၤလ့တုၢ်လ့တီၤ ခီဖျိနီၤလီၤ ယတၢ်စူၢ်တၢ်နၥ်ဆူၦၤဂၤတဖၣ်အအိၣ်န့ၣ်လီၤ. ယမ့ၢ်ကွၢ်ကဒါက့ၤဒီး ယထံၣ်ဘၣ်လၢယဒိးန့ၢ်ဘၣ် တၢ်ဟ့ၣ်ကူၣ်အဂ့ၤအကတၢၢ်တနီၤလၢ အဝဲသ့ၣ်အအိၣ်န့ၣ်လီၤ.
လံၥ်ကတိၤဒိ ၂၇:၆ အပူၤ စီၤပၤစီၤၡလိၤမိၤ ကတိၤဝဲလၢ တၢ်ကူၣ်သ့အပူၤ “တံၤသကိးအဆဲးတၢ်န့ၣ် မ့ၢ်အမ့ၢ်အတီလီၤ. မ့မ့ၢ်ဒုၣ်ဒါအနၢမူတၢ်န့ၣ် အါမးလီၤ”. ယတံၤသကိးအတၢ်ထံၣ်ဆိကမိၣ် ပၥ်ဖျါထီၣ် တၢ်ဟ့ၣ်ကူၣ်လၢ စီၤၡလိၤမိၤအတၢ်ကတိၤအံၤ မ့ၢ်တၢ်အမ့ၢ်အတီန့ၣ်လီၤ.…
တၢ်စူၢ်တၢ်နၥ်ထံထံဆးဆးလၢ ကစၢ်ယွၤ
ဖဲ ခရံၥ်နံၣ် ၂၀၁၈ န့ၣ် ၦၤဒိၣ်တုၥ်ခိၣ်ၦဲၤတဖၣ်လၢ အဲကလံးကီၢ်စၢဖှိၣ်(United Kingdom)အပူၤတဖၣ် ဘၣ်တၢ်ဃုထံၣ်မၤလိ ဘၣ်ဃးဒီး အဝဲသ့ၣ်သုဝဲ ကွဲၤဒီနၢ်တနံၤအတီၢ်ပူၤ ၁၂ မံးနံး အစှၤကတၢၢ်တဘျီန့ၣ်လီၤ. ယနီၢ်ကစၢ်ဒၣ်ဝဲ ယဘၣ်ဃုတၢ်စံးဆၢတဖၣ်လၢ ကူၤကဲၤ(Google) အပူၤ မ့တမ့ၢ်ဘၣ်ဒီး ယဘၣ်စံးဆၢ လံၥ်ပရၢယ ကွဲၤဒီနၢ် အတၢ်ကိးတဖၣ်ဒီး လီအတၢ်ပရၢတဖၣ်လၢ အကတၢၢ်တသ့ဘၣ်တဖၣ်န့ၣ်လီၤ. ပဝဲၦၤအါဂၤ ထီဘိ ပကွၢ်ပကွဲၤဒီနၢ်လၢတၢ်နၥ်အပူၤ ဒုးအိၣ်ထီတၢ်လၢပဂီၢ် ဒ်အမ့ၢ်ပကအိၣ်သကိးရ့လိၥ်သး, တၢ်ဒိးန့ၢ်တၢ်ကစီၣ်ဒီးဆဲးကျိးလိၥ်သးန့ၣ်လီၤ.
ဒ်ပမ့ၢ်ၦၤလၢအနၥ် ကစၢ်ယ့ၣ်ၡူးခရံၥ်တဖၣ် ပအိၣ်ဒီးတၢ်လိၣ်အဂံၢ်ထံး လၢလၢၦဲၤၦဲၤလၢ အလၢၥ်တသ့အါန့ၢ်ပကွဲၤဒီနၢ်တဖၣ်န့ၣ်လီၤ. ကစၢ်ယွၤအဲၣ်ၦၤ, ကဟုကယာ်ၦၤ ဘူးဘူးတံၢ်တံၢ်ဒီး အဲၣ်ဒိးဝဲလၢပကဟဲဆူအအိၣ် ဖဲပလိၣ်ဘၣ်တၢ် တမံၤလၢ်လၢ်န့ၣ်လီၤ. လံၥ်စီဆှံစံးဝဲ ဖဲပဃ့ဘါထုကဖၣ်တၢ် ပကဘၣ်အိၣ်ဒီး တၢ်စူၢ်တၢ်နၥ် ထံထံဆးဆး, ဒီး ၁ယိၤဟၣ်သိၣ်တၢ် ၅:၁၄ ပၥ်ဖျါဝဲ “လၢပမ့ၢ်ဃ့တၢ်တမံၤမံၤ ဖဲတၢ်ဘၣ်အသးဒီး ကဒိကနၣ်ၦၤ” န့ၣ်လီၤ. ခီဖျိ ပဖးလံၥ်စီဆှံ ဒီးဟံးဃၥ်ကစၢ်ယွၤကလုၢ်ကထါလၢပသးအပူၤန့ၣ်ဒီး ကကဲထီၣ် တၢ်မၤလီၤတံၢ်…
ထဲဒၣ်ကစၢ်ယွၤ
လၢတၢ်လဲၤထီၣ်လံၥ်ပသံးအဂီၢ် ယဟံးန့ၢ်တၢ်ဆၢကတီၢ်ဒိၣ်ဒိၣ်အါအါ ဒ်သိးယကမၤန့ၢ်ဘၣ် လၢၢ်တၢ်မျၢ်ဝါပသံးအမ့ၢ်အတီန့ၣ်လီၤ. ယသးပူၤ ယဆိကမိၣ် မ့ၢ်ယလဲၤကပၥ်ဘၣ် ပသံးအဂ့ၤကတၢၢ်တခါလဲၣ်န့ၣ်လီၤ.
ၦၤကူၣ်ဘၣ်ကူၣ်သ့ဘၣ်ဃးဒီးမုၢ်ကျိၤဝဲၤကွၢ်သးပီညါ ဘၣ်ရံၣ်ၡဝး(Barry Schwartz) စံးဝဲဒၣ်ၦၤ ဒ်သိး ဂံၢ်ဘါစၢ်လၢ တၢ်ဆၢတဲၥ်တၢ်တမံၤမံၤအဖီခိၣ်န့ၣ် မ့ၢ်ၦၤလၢအဃုဒိးန့ၢ်ဘၣ် တၢ်အဂ့ၤကတၢၢ်န့ၣ်လီၤ. တၢ်မၤအသးဒ်အံၤန့ၣ် ထီဒါလိၥ်သးဒီး “ၦၤမံသူၣ်မံသး” တဂၤန့ၣ်လီၤ. “ၦၤမံသူၣ်မံသး” တဂၤန့ၣ် ဆၢတဲၥ်ဃုထၢဝဲတၢ်လၢ မၤလၢၦဲၤအဝဲသ့ၣ်အတၢ်လိၣ်တမံၤမံၤအဖီခိၣ် န့ၣ်လီၤ. ၦၤဒ်သိးကွၢ်ဃုတၢ် အဂ့ၤကတၢၢ်တဖၣ်န့ၣ် ထီဘိအဲၣ်ဒိးမၤန့ၢ်ဃုထၢတၢ်အဂ့ၤကတၢၢ်လၢ ကဲထီၣ်တၢ်ဒဲးဘး သ့ဝဲဒၣ်န့ၣ်လီၤ. ဖဲပဘၣ်ဃုထၢတၢ်အါမံၤအကျါ ပဃုထၢဆၢတဲၥ်တၢ် မ့ၢ်ကမၣ်ဒီး တၢ်ကဲထီၣ် တၢ်မနုၤတမံၤ ကသ့ဝဲဒၣ်လဲၣ်. တၢ်သးတမံၤ, တၢ်သးတစူၤ, တၢ်သူၣ်ကၢ်သးလီၤဘှါဟဲအိၣ်ထီၣ် ဝဲဒၣ်သ့န့ၣ်လီၤ. တၢ်မၤသးဒ်အံၤန့ၣ် ၦၤကူၣ်သ့ဘၣ်ထွဲဒီးရ့လိၥ်အိၣ်ဆိးပီညါတဖၣ် ပၥ်ဖျါဝဲ “တၢ်ဘၣ်ယိၣ်လၢ တၢ်ကလဲၤကပၥ်ဘၣ်တၢ်”န့ၣ်လီၤ.
လံၥ်စီဆှံအပူၤ “ၦၤအဲၣ်ဒိးမၤန့ၢ်ဘၣ် တၢ်အဂ့ၤကတၢၢ်” မ့ၢ်ဂ့ၤ “ၦၤမံသူၣ်မံသး” တဖၣ်မ့ၢ်ဂ့ၤ ပတထံၣ်ဘၣ်အီၤဘၣ်. ဘၣ်ဆၣ် တၢ်ထံၣ်ဆိကမိၣ်လၢ အဒ်သိးလိၥ်အသးန့ၣ်လီၤ. စီၤပီလူးတၤဝဲ စီၤတံၤမသ့း ဖျါဝဲဖဲ ၁…
တၢ်ထံၣ်န့ၢ်ပၥ်သူၣ်ပၥ်သးတၢ်မုၢ်လၢ်အတၢၢ်ကွဲၤ
ဖဲလါအီးကထိဘၢၣ် တၢ်အိၣ်ဘှံးကသူၣ်လၢ တၢ်ဖံးတၢ်မၤအဆၢကတီၢ် အခီၣ်ထံး တဘျုးသီ ယဘၣ်အိၣ်ဘှံးမၤဘျါက့ၤ ယတၢ်ဆါဒၣ်ယဲ ဖဲယဒၢးပူၤန့ၣ်လီၤ. ယသးပူၤ စ့ၢ်ကီး တၢ်ဘၣ်ယၤတမုၥ်ဝဲဒၣ် ဒ်မူခိၣ်တၢ်အၢၣ်အုးအသိးန့ၣ်လီၤ. လၢခံယဒိးန့ၢ်ဘၣ်လၢယကဟးကသူၣ်ယသးလၢယဝၤ ဟးကွၢ်လိၥ်ကွဲတၢ်ဖဲ တၢ်ဒုးနဲၣ်မ့ၣ်အူအတၢ် ကပီၤလၢ ကဘီသ့ၣ်တဖၣ်အဂီၢ် ဘၣ်ဆၣ်ဒီးတၢ်အၢၣ်အုးတဖၣ် မၤသဒၢဃၣ် ပတၢ်ထံၣ်ဟးကွၢ်တၢ်န့ၣ်လီၤ. ဖဲန့ၣ် ယဒိန့ၢ်တၢ်ဂီၤတဖၣ်လၢ ကစၢၢ်အကဒုအကျါန့ၣ်လီၤ.
လၢခံတၢ်မၤအသးလၢ မူခိၣ်ထံစူၤလီၤဒိၣ်ဒိၣ်အဃိလၢ တၢ်သးဟးဂီၤအပူၤ ပဘၣ်ဟဲက့ၤကဒါက့ၤ ဒ်မုၢ်နၤတၢ်ခံးလီၤအဃိန့ၣ်လီၤ. ယကွၢ်ကဒါက့ၤ တၢ်ဂီၤတဖၣ် လၢ ယဒိန့ၢ်အီၤဒီး လၢသူၣ်ပိၢ်သးဝးအပူၤ ယဒုးနဲၣ်ယဝၤ “တၢ်ကွဲး” န့ၣ်လီၤ. အဆိ တၢ်မၤအသးလၢ ပတၢ်လဲၤအိၣ်ဒီးတၢ်အၢၣ်အုးအဃိ ယတပၥ်သူၣ်ပၥ်သးဘၣ် ကစၢ်ယွၤ အတၢ်မၤသီမၤဂ့ၤထီၣ်က့ၤ ယသးလၢအိၣ်ၦဲၤဒီးတၢ်သူၣ်လီၤဘှံးလီၤဘှါ ခီဖျိ တၢ်မုၢ်လၢ် (၁ မိၤ ၉:၁၃-၁၆) လၢ တၢ်တဆိကမိၣ်ဘၣ်တၢ်အပူၤန့ၣ်လီၤ.
ပနီၢ်ခိနီၢ်သးအတၢ်ဘၣ်ဒိဆါတဖၣ် ကဲထီၣ် ပတၢ်မုၢ်လၢ်လီၤမၢ်ဒီး ထုးလီၤၦၤ ဆူတၢ်အယိာ်န့ၣ်လီၤ. ထါစံးထီၣ်ပတြၢၤ ၄၂:၁-၃ အပူၤ ပထံၣ်ဘၣ်တၢ်ဆၢဒိးန့ၢ်ဘၣ် တၢ်မၤသီမၤဂ့ၤထီၣ်က့ၤ…
တၢ်ပၥ်လီၤဆီ
ဖဲ ၁၇၄၂ နံၣ်, နိၣ်ဝ့ဘၢၣ်, တၢ်သဘံၣ်ဘုၣ်ကဲထီၣ်ဝဲဒၣ်လၢ ကီၢ်အ့ၤကလဲၣ်(England), စတဲးဖိးၡဲယါ(Staffordshire) ဟီၣ်ကဝီၤန့ၣ်လီၤ. တၢ်မၤအသး ခီဖျိတၢ်ထီဒါ ခၠါဝဲးစလ့ၣ်(Charles Wesley) စံၣ်တဲၤတဲလီၤ တၢ်သးခုကစီၣ် န့ၣ်လီၤ. ဖျါလၢ ခၠါဒီးအပုၢ်ကၠီ(န) (John) အတၢ်စံၣ်တဲၤတဲလီၤ တၢ်ဘၣ်ထွဲဒီး တၢ်ဆီတလဲ တၢ်အိၣ်ဖှိၣ်အလုၢ်အလၢ်လၢ အိၣ်ပၥ်ယံာ်တ့ၢ်မးအဃိ ဒီးၦၤဝ့ၢ်ဖိတဖၣ်တူၢ်လိၥ်ဝဲတသ့ဘၣ်န့ၣ်လီၤ.
ဖဲကၠီ(န)ဝဲးစလ့ၣ် နၢ်ဟူဝဲတၢ်ထီဒါတၢ်သဘံၣ်ဘုၣ်လၢ စတဲးဖိးၡဲယါန့ၣ်ဒီး လဲၤဝဲ ဒ်သိးကမၤစၢၤအဝဲၢ်န့ၣ်လီၤ. တယံာ်ဘၣ်ဒီး ၦၤထီဒါတၢ်ဖိတဖၣ် ဟဲကဝီၤဝဲ ကၠီ(န) အိၣ်တၢ် အလီၢ်ဒီး လၢတၢ်သူၣ်ဒူသးဒူအပူၤ ကၠီ(န) ထံၣ်လိၥ်ကတိၤသကိး တၢ်မုၥ်မုၥ် ဒီးၦၤထီဒါတၢ်အခိၣ်အနၢ်တဖၣ် ဝံၤၦၤထီဒါတၢ်တဖၣ် တဂၤဘၣ်တဂၤ အတၢ်သူၣ် ဒိၣ်သးဖျိးတဖၣ် ဆံးလီၤစှၤလီၤ ဟးမၢ်ကွံၥ်ဝဲဒၣ်န့ၣ်လီၤ.
ကၠီ(န)ဝဲးစလ့ၣ် အတၢ်ဆီၣ်လီၤသးဒီး အတၢ်သးစူၤန့ၣ် ကဲထီၣ်တၢ်မၤဂၢၢ် ကမျၢၢ် လၢ အသူၣ်ဒိၣ်သးဖျိးန့ၣ်လီၤ. ဘၣ်ဆၣ် အတၢ်သးစူၤဆီၣ်လီၤအသးန့ၣ် တမ့ၢ် အန့ဆၢၣ်ဒၣ်ဝဲ လၢ ဟဲအိၣ်ထီၣ်ဝဲဒၣ်လၢ အသးကံၢ်ပူၤဘၣ်.…