လၢကီၢ်စဲၢ်အံၣ်လံၣ်နွဲး(Illinois) ဝ့ၢ်ဆံးဆံးဖိတဖျၢၣ်အပူၤ, တၢ်စုဆူၣ်ခီၣ်တကးလၢဟံၣ်ပူၤဃီပူၤ ပၣ်ဃုၥ် မျးကယၤ ၄၀, လၢၦၤတဝၢအပူၤ တၢ်မၤကမၣ် သဲစးခဲလၢၥ်အကျါန့ၣ်လီၤ. ဒ်လီၢ်ကဝီၤတၢ်အိၣ်ဖှိၣ်သရၣ်တဂၤ ပၥ်ဖျါဝဲအသိး, တၢ်ဂ့ၢ်အံၤ တလီၢ်လီၢ် ဘၣ်တၢ်ပၥ်ခူသူၣ် လၢပၦၤစူၢ်က့ၤနၥ်က့ၤတၢ်အကရူၢ်ဖိအပူၤ မ့ၢ်လၢတၢ်အံၤ တၢ်ကဘၣ်တဲဖျါအီၤ ကီခဲအဃိန့ၣ်လီၤ. လၢတၢ်ကထုးထီၣ်ကွံၥ်တၢ်မဲၥ်ဆှးလၢ တၢ်ဂ့ၢ်ကီအံၤအလီၢ်, ၦၤတၢ်မၢဖိ လၢလီၢ်ကဝီၤတဖၣ် ဃုထၢ တၢ်ကမၤက့ၤတၢ်စူၢ်တၢ်နၥ် ဒီးလၢတၢ်သးဒူ တၢ်ကကတိၤသကိးတၢ်ဂ့ၢ်လၢ လၢတၢ်မၤလိဆူ တၢ်ကသ့ၣ်ညါ တၢ်ပနီၣ်လၢအမ့ၢ် တၢ်မၤဆူၣ် မၤစိးတၢ်ဒီး ဆီၣ်ထွဲ ကရၢသဘျ့တဖၣ် အကဟံးန့ၢ် တၢ်အဘျုးလၢကမၤတၢ်လၢ တၢ်ဂ့ၢ်အံၤအဂီၢ်န့ၣ်လီၤ.

လၢတၢ်ပၥ်ပနီၣ် တၢ်စိကမီၤလၢ တၢ်စူၢ်တၢ်နၥ်ဒီးတၢ်ဟူးတၢ်ဂဲၤ တၢ်သးဆူၣ်အပူၤ ဟီၣ်ကဝီၤ တၢ်အိၣ်ဖှိၣ်သရၣ်စံးဝဲ, ပတၢ်ထုကဖၣ် ဒီးပတၢ်သူၣ်ကညီသးကညီ ဃုၥ်ဒီးတၢ်ဆီၣ်ထွဲမၤစၢၤနီၢ်နီၢ်လၢ, အဒုးကဲထီၣ် တၢ်လီၤဆီလၢအကါဒိၣ်သ့ဝဲလီၤ.

လၢကီၢ်ပၤရၣ်, နီၢ်အ့ၤစတၢ် ကဲနီၢ်ပၤမုၣ်အဆၢကတီၢ်, ဘၣ်ကတိၤန့ၢ်တၢ်လၢအၦၤကလုၥ် ကဘၣ်တၢ်မၤသံကွံၥ်အကတီၢ်, အဖါတံၢ် ဒုးပလီၢ်အီၤလၢ, အဝဲမ့ၢ်အိၣ်ဘှီၣ်ကလၥ်, အဝဲဒီးအၦၤဟံၣ်ဖိ ကတုၤလၢတၢ်ဟးဂီၤ (အ့ၤစတၢ် ၄:၁၃-၁၄)န့ၣ်လီၤ. အဝဲသ့ၣ်ညါလၢ အဆၢကတီၢ်အံၤ မ့ၢ်လၢကဘၣ်ကတိၤတၢ်ဂ့ၢ်လၢတၢ်သးဒူ ဒီးကဘၣ်ဆၢထၢၣ် ဒ်အမ့ၢ် နီၢ်ပၤမုၣ်တဂၤအသိးန့ၣ်လီၤ. စီၤမၢ်ဒကဲၤ စံးဘၣ်အီၤလၢ “နဟဲထီၣ်လၢဘီမုၢ်အလီၢ် လၢအဆၢကတီၢ်အံၤ ဂီၢ်ဧါန့ၣ် မ့ၢ်မတၤသ့ၣ်ညါ တဂၤလဲၣ်” (:၁၄). ဖဲလၢပဘၣ်တၢ်ကိးထီၣ်ၦၤလၢ ပကတဲဖျါထီၣ်, တၢ်ထီဒါ တၢ်တတီတတြၢ် မ့တမ့ၢ် လၢကပျၢ်ၦၤတဂၤဂၤ လၢအဒုးအိၣ်ထီၣ် ၦၤလၢတၢ်ဘျုးတၢ်ဖှိၣ်, လံၥ်စီဆှံမၤလီၤတံၢ်ၦၤလၢ, လၢတၢ်တၤကွံၥ် တၢ်အိၣ်သးတဖၣ်အပူၤ, ကစၢ်ယွၤ တလဲၤသဒၣ်ၦၤ မ့တမ့ၢ် တသးပ့ၤနီၣ်ၦၤနီတစု (ဧ့ၤဘြံၤ ၁၃:၅-၆)န့ၣ်ဘၣ်. ဖဲပကွၢ်ထီၣ် တၢ်ဆူ ကစၢ်ယွၤလၢတၢ်မၤစၢၤအဂီၢ်, ဖဲတၢ်အကတီၢ်လၢ ပကလၢၢ်ဘၣ် တၢ်သူၣ်ဆံးသးဆံး, အဝဲကဟ့ၣ်လီၤၦၤ “တၢ်စိတၢ်ကမီၤ ဒီးတၢ်အဲၣ်တၢ်ကွံ ဒီးတၢ်သူၣ်ဂၢၢ်သးကျၢၤလီၤ” (၂ တံၤမသ့း ၁:၇).