တနံၤန့ၣ်, ဖဲအကွၢ်ထံဆိကမိၣ်ထီၣ်က့ၤ ဘၣ်မနုၤလၢ ကစၢ်ယွၤပၥ်လုၢ်ပၥ်ပှ့ၤ တၢ်ဆီၣ်လီၤသးဒိၣ်ဒိၣ်န့ၣ်, ၦၤစူၢ်က့ၤနၥ်က့ၤတၢ်တဂၤလၢ နံၣ်ကယၤတဆံဃုလၢ အမ့ၢ် ထရံစၣ်(Teresa)လၢ အဘ့လၣ်(Avila)ဝ့ၢ်ပူၤ, သတူၢ်ကလၥ်, သ့ၣ်ညါနၢ်ပၢၢ် တၢ်စံးဆၢအံၤန့ၣ်လီၤ. “တၢ်အံၤ မ့ၢ်လၢ ကစၢ်ယွၤအံၤ မ့ၢ်တၢ်မ့ၢ်တၢ်တီ အထီကတၢၢ် ဒီးတၢ်ဆီၣ်လီၤသးအံၤ မ့ၢ်တၢ်မ့ၢ်တၢ်တီ… တၢ်အဂ့ၤလၢ အဟဲဟးထီၣ်လၢပပူၤတအိၣ်ဘၣ်. အါန့ၢ်ဒိၣ်န့ၢ် တၢ်အံၤ, တၢ်အံၤ ဟဲလၢတၢ်ဘျုးတၢ်ဖှိၣ်အထံမူ, လၢသးတဖၣ်, အိၣ်သူၣ်လီၤသး, ဒ်သ့ၣ်လၢအသူၣ်လီၤသးလၢ ထံကျိဖိတဘိအကပၤ ဒီးမုၢ်တၢ်ကပီၤ လၢအဟ့ၣ်ထီၣ်တၢ်ဆူ ပတၢ်ဖံးတၢ်မၤတဖၣ်န့ၣ်လီၤ”.

ထရံစၣ် မၤကတၢၢ်တၢ်အံၤလၢ, ခီဖျိတၢ်ထုကဖၣ်လၢအမ့ၢ် ပနီၢ်သက့ၤလၢ တၢ်မ့ၢ်တၢ်တီအဝဲန့ၣ်, မ့ၢ်လၢ “တၢ်ထုကဖၣ်ဒီတခါ အခီၣ်တဃၣ် မ့ၢ်တၢ်ဆီၣ်လီၤပသး” န့ၣ်လီၤ. “ဒ်ပဆီၣ်လီၤပသးလၢ တၢ်ဃ့ထုကဖၣ်န့ၣ် ကစၢ်ယွၤ ကပၥ်ထီၣ်ထီၦၤလီၤ”.

ထရံစၣ်အလံၥ်မဲၥ်ဖျၢၣ်တဖၣ်လၢ အဘၣ်ထွဲဒီး တၢ်ဆီၣ်လီၤသးသီၣ် ဆၢကဒါက့ၤ လံၥ်ယၤကိၥ်အဆၢဒိၣ် ၄, ဖဲစီၤယၤကိၥ်ဒုးပလီၢ် တၢ်ပၥ်ထီၣ်ထီသးအန့ဆၢၣ်လၢအမၤဟးဂီၤတၢ်ဒီး တၢ်အဲၣ်လီၤသး အတၢ်တိၥ်တဖၣ် လၢအထီဒါလိၥ်သးဒီး တၢ်အိၣ်မူတမံၤ လၢအသန့ၤထီၣ်သးလၢ ယွၤအဘျုး (:၁-၆) န့ၣ်လီၤ. တၢ်အစၢထဲတမံၤဧိၤဆူ တၢ်အိၣ်မူလၢတၢ်သူၣ်လီသးကွံ, တၢ်သးဟးဂီၤဒီး တၢ်သဘံၣ်ဘူၣ်တပယူၢ်ဃီ, အဝဲဟ့ၣ် တၢ်တယၢၢ်ဆူတၢ်ကပီၢ်ယၢ်လီၤသးလၢပတၢ်ပၥ်ထီၣ်ထီသး, လၢတၢ်ကဘၣ် ဆီတလဲအီၤလၢ ယွၤအဘျုးန့ၣ်လီၤ. မ့တမ့ၢ်, လၢကျဲအဂၤတဘိ, “ဆီၣ်လီၤသုသး လၢကစၢ်အမဲၥ်ညါ” ဃုၥ်ဒီးတၢ်အုၣ်ကီၤလၢ “(အဝဲ) ကပၥ်ထီၣ်ထီသု” (:၁၀)န့ၣ်လီၤ.

တၢ်အိၣ်ထဲဒၣ်တမံၤဧိၤ, ဖဲပသူၣ်လီၤပသးလၢ တၢ်ဘျုးတၢ်ဖှိၣ်အထံမူ ကဟ့ၣ်ထီၣ်ၦၤတၢ်ကထံၣ်န့ၢ် ပနီၢ်ကစၢ် တၢ်ဂံၢ်တၢ်ဘါလၢအလၢၦဲၤ ခီဖျိ “တၢ်ကူၣ်ဘၣ်ကူၣ်သ့လၢထး” (၃:၇) န့ၣ်လီၤ. ထဲဒၣ် အဝဲဒၣ်ဧိၤ, ပထံၣ်န့ၢ် ပနီၢ်ကစၢ်လၢအဘၣ် တၢ်ပၥ်ထီၣ်ထီလၢ တၢ်မ့ၢ်တၢ်တီ, သ့ဝဲန့ၣ်လီၤ.