အါန့ၢ် တၢ်တဆံးတက့ဖိ
ဖဲပဘၣ်သုးလီၢ်သုးကျဲဆူ တၢ်လီၢ်အသီတတီၤန့ၣ် ညီနုၢ်ပဘၣ်ပာ်တ့ၢ် ပတၢ်ဖိတၢ်လံၤတနီၤန့ၣ်လီၤ. ဒ်သိးပကအိၣ်ဂၢၢ်ဆိးကျၢၤယံာ်ယံာ် ဖဲ ဘံလး လး(စ) အဲးစထရဲလး(စ) အဝ့ၢ်(Villas Las Estrellas) အိၣ်ဖဲကီၢ်မိၢ်ပှၢ်အၣ်တၣ်တံးကး(Antarctica), ဒီးမ့ၢ်တၢ်လီၢ်လၢအခုၣ်ဒိၣ်မးဒီး ၦၤကညီတအိၣ်ကဲၣ်ဆိးအလီၢ်န့ၣ် တၢ်ပာ်တ့ၢ် တၢ်ဖိတၢ်လံၤ အဆံးဖိတဖၣ်န့ၣ် မ့ၢ်တၢ်ကဘၣ်မၤအသး သပှၢ်တၢၢ်န့ၣ်လီၤ. ပှၤတဂၤဂၤလၢ အပှံာ်ဖးဒ့ပိၢ်ဖးတၢ်အဂီၢ်, တၢ်ဆါဟံၣ်အဘူးကတၢၢ်ယံၤဝဲ ၆၂၅ မံးလာ်အဃိ, ကဲထီၣ်တၢ်ဂ့ၢ်ကီဖးဒိၣ်လၢ အဂီၢ်န့ၣ်လီၤ. လၢတၢ်န့ၣ်အဃိ, ထံဖိကီၢ်ဖိတဖၣ် တချုးလဲၤအိၣ်လၢ တၢ်လီၢ်အံၤန့ၣ် ကဘၣ်လဲၤခီဖျိ တၢ်ထုးထီၣ် အပှံာ်ဖးဒ့လၢ အဆိန့ၣ်လီၤ.
တၢ်မၤအသးအံၤ နးဒိၣ်မး တမ့ၢ်ဘၣ်ဧါ. ဘၣ်ဆၣ် တၢ်ကဲထီၣ်ပှၤကဆိးလၢ ယွၤဘီမုၢ်အပူၤအဂီၢ် တၢ်အိၣ်အသးန့ၣ် နးဒိၣ်န့ၢ်ဒံးတၢ်အိၣ်အသးဖျါလၢထးန့ၣ်လီၤ. မး ၁၆:၂၅-၂၇ အပူၤ ပကထံၣ်ဘၣ် ပှၤလၢ အဲၣ်ဒိးပိာ်ကစၢ်ယ့ၣ်ရှူးအခံတဖၣ် အဲၣ်ဒိးပိာ်ဝဲလၢ အတၢ်နၢ်ပၢၢ်ဒၣ်ဝဲအသိးဒီး တမ့ၢ် ဒ်ကစၢ်အတၢ်ဘၣ်သးအဃိ ကစၢ်ယ့ၣ်ရှူး ပာ်ဖျါဒုးနၢ်ပၢၢ် “တၢ်ကဲထီၣ်အပျဲၢ်အဘီၣ်” အခီပညီန့ၣ်လီၤ. အဆၢဖိ ၂၄ ပာ်ဖျါဝဲ…
ဟံၣ်လၢ ကစၢ်ယ့ၣ်ရှူးအိၣ်ဆိးဝဲ
အပူၤကွံာ်နံၣ်တဖၣ်န့ၣ် ပဟဲက့ၤစိာ် သၣ်မံယီၤဖါသူတဒုလၢအမံၤမ့ၢ် ကၠူနိၣ်(Juno) လၢလီၢ်ကဝီၤ အဆၣ်ဖိကီၢ်ဖိအိၣ်ကဒုတၢ်အလီၢ်လီၤ. ယမ့ၢ်စံးဘၣ်တီတီန့ၣ်ဒီး ယအဲၣ်ဒိးတဲလၢ သၣ်မံၤယီၤအံၤ ကမၤစှၤလီၤ ယုၢ်ဖိတဖၣ် အနီၢ်ဂံၢ်လၢ ဟံၣ်ပူၤဘၣ်ဆၣ် ဟံၣ်ဖိဃီဖိအဂၤတဖၣ် အဲၣ်ဒိးပာ်အီၤ ဒ်ဆၣ်ဖိကီၢ်ဖိလၢ အလီၤအဲၣ်တကလုာ်န့ၣ်လီၤ. ဒ်သိး ကၠူနိၣ် ကမၤလိန့ၢ် ဟံၣ်အံၤမ့ၢ်အဟံၣ်, ဒီးတၢ်လီၢ်အံၤ မ့ၢ်တၢ်လီၢ်လၢအဟ့ၣ်အီၤတၢ်အီၣ်ဒီးအတၢ်ဘံၣ်တၢ်ဘၢအဂီၢ်န့ၣ် ပှၤကွၢ်ထွဲ ဆၣ်ဖိကီၢ်ဖိ အဝဲၤလီၢ် ဟ့ၣ်လီၤပှၤ တၢ်နဲၣ်ကျဲ လီၤတံၢ်လီၤဆဲး လၢတၢ်အခီၣ်ထံးတနွံအတီၢ်ပူၤ ပကဘၣ်ကတဲာ်ကတီၤ ဒုးအီၣ် တၢ်အီၣ်အကျိၤအကွံာ် ဒ်လဲၣ်အဂ့ၢ်န့ၣ်လီၤ. ပမ့ၢ်မၤ ဒ်သိးအံၤန့ၣ်ဒီး ကၠူနိၣ် မ့ၢ်ဟးဆူတၢ်လီၢ်အဂၤဒၣ်လဲာ် အကတၢၢ်န့ၣ် ကဟဲက့ၤဆူဟံၣ်အံၤန့ၣ်လီၤ.
ပမ့ၢ်တသ့ၣ်ညါပဟံၣ်နီၢ်နီၢ်ဘၣ်န့ၣ်ဒီး ပကဘၣ်တၢ်လ့ပစီၦၤလၢ တၢ်ဃုထံၣ်န့ၢ်တၢ်ဂ့ၤတၢ်ဝါတဖၣ်, တၢ်အဲၣ်တၢ်ကွံဒီး တၢ်အိၣ်မူအခီပညီတဖၣ်လၢ တၢ်ဟးဝ့ၤဟးဝီၤ တၢ်ကလီကလီအပူၤန့ၣ်လီၤ. ပမ့ၢ်သးအိၣ်ဃုထံၣ်န့ၢ် တၢ်အိၣ်မူအမ့ၢ်အတီအဂီၢ် ယိၤ ၁၅:၄ အပူၤ ကစၢ်ယ့ၣ်ရှူးစံးဝဲ “အိၣ်ဆိးသုဝဲလၢယပူၤ”န့ၣ်လီၤ. ပှၤသိၣ်လိလံာ်စီဆှံ ဖရဲးဒရံး ဒဲ ဘရူနၢၣ် (Frederick Dale…
ဃုထံၣ်န့ၢ် တၢ်ဂံၢ်တၢ်ဘါလၢယွၤအအိၣ်
ခရ့းရှဲၣ် ဖူလံးစံး(Christian Pulisic) မ့ၢ်ပှၤလိာ်ကွဲဖျၢၣ်ထူတဂၤ ဒီးဘၣ်ကွၢ်ဆၢၣ်မဲာ်ဝဲ နီၢ်ခိတၢ်ဘၣ်ဒိဘၣ်ထံးအါဘျီအဃိ ကဲထီၣ် တၢ်ကီတၢ်ခဲ လၢတၢ်လုၢ်အီၣ်အသးသမူ အတၢ်ဖံးတၢ်မၤန့ၣ်လီၤ. ဖဲအသ့ၣ်ညါဝဲဒၣ်လၢ ပှၤကလိာ်ကွဲဝဲ “Champions League semifinals”အဂီၢ် ပှၤကဘၣ်စးထီၣ်လိာ်ကွဲတၢ်ဖိတဖၣ်အကျါ အမံၤတပာ်အဃိ အသးဟးဂီၤဘၣ်ဆၣ် အဝဲစံးကတိၤပာ်ဖျါထီၣ်ကစၢ်ယွၤ နဲၣ်ဖျါထီၣ်ဆူအအိၣ်ဒ်လဲၣ်အဂ့ၢ်န့ၣ်လီၤ. အဝဲစံးဝဲဒၣ် ဒ်ညီနုာ်အသိး “ယယူာ်ထီၣ်ယသးဆူကစၢ်ယွၤအအိၣ် ဒီးထီဘိန့ၣ် ယွၤဟ့ၣ်ဆူၣ်ထီၣ် ယဂံၢ်ယဘါအဃိ ဒီးယပလၢၢ်ဘၣ် ဒ်သိးပှၤတဂၤဂၤ အိၣ်ဒီးယၤထီဘိန့ၣ်လီၤ. ယမ့ၢ်တပလၢၢ်ဘၣ်ဒ်သိးအံၤန့ၣ်ဒီး ယကဘၣ်မၤဒ်လဲၣ်န့ၣ် ယဆိကမိၣ်တထီၣ်ဘးလၢၤဘၣ်န့ၣ်လီၤ. လၢခံဘၣ်နုာ်လီၤလိာ်ကွဲဝဲဒၣ်လၢ ပှၤဂၤအလီၢ်အဆၢကတီၢ်န့ၣ် အဝဲလိာ်ကွဲဝဲ အဂ့ၤကတၢၢ် ဒီးမၤစၢၤအပှၤလိာ်ကွဲသကိးတၢ် ဒ်သိးကထူနုာ်ဖျၢၣ်ထူ လၢတၢ်မၤနၢၤတၢ်လိာ်ကွဲအဂီၢ်န့ၣ်လီၤ. ဒီးအဝဲသ့ၣ်ဒိးန့ၢ်ဝဲ တၢ်လီၢ်တလီၢ် လၢကဘၣ်လိာ်ကွဲ final အဂီၢ်န့ၣ်လီၤ. တၢ်လဲၤခီဖျိအံၤ သိၣ်လိအီၤလၢ တၢ်မၤလိလုၢ်ဒိၣ်ပှ့ၤဒိၣ်တမံၤန့ၣ်လီၤ. ပတၢ်ဂံၢ်စၢ်ဘါစၢ်တဖၣ်န့ၣ် ပကွၢ်ထံဆိကမိၣ်အီၤသ့ဝဲဒၣ် ဒ်အမ့ၢ် အတၢ်ခွဲးတၢ်ယာ်တဖၣ်လၢ ကစၢ်ယွၤ ကပာ်ဖျါထီၣ်အစိအကမီၤ လၢပထိၣ်တဲာ်ထိၣ်ဒွး တသ့ဘၣ်န့ၣ်လီၤ.
ဖဲပဘၣ်ကွၢ်ဆၢၣ်မဲာ်ဒီး တၢ်ကီတၢ်ခဲအဆၢကတီၢ် ဟီၣ်ခိၣ်အံၤ သိၣ်လိပှၤလၢ ပကဘၣ်သန့ၤလီၤ…
လၢၢ်လါအဲး သရိာ်ဒၢလွဲတဖၣ်
လၢၢ်ဧိၤလ့ဧိၤတဖၣ်အကျါ လၢၢ်လါအဲး(Bluestone)မ့ၢ်လၢၢ်တကလုာ်လၢ ပှၤဘၣ်သူၣ်ဘၣ်သးအီၤန့ၣ်လီၤ. ပှၤမ့ၢ်ဒိတီၢ်အီၤဒီး လၢၢ်လါအဲးတဖၣ်အံၤ အကလုၢ်သီၣ်ထီၣ် ဒ်သိးပှၤသံကျံတၢ်အပိးအလီသီၣ်ဝဲဒၣ်န့ၣ်လီၤ. ဝ့(လ)အထံကီၢ်, ဒူသဝီအမံၤ မဲၣ်ချိၣ်ဟီး (Maenclochog) အခီပညီန့ၣ် ‘ဒၢလွဲ’ မ့တမ့ၢ် ‘လၢၢ်လၢအသီၣ် ဒ်ဒၢလွဲ’ ဒီးစူးကါဝဲလၢၢ်လါအဲးတဖၣ် ဒ်သရိာ်ဒၢလွဲအသိး တုၤလၢ နံၣ်ကယၤ တဆံဃိးဒၣ်လဲာ်န့ၣ်လီၤ. တၢ်လီၤသးစဲလၢ ကီၢ်အဲကလံးပူၤ လၢၢ်ထူၣ် စကိးဟဲး(ခၠ)(Stonehenge) တဖၣ် ဘၣ်တၢ်မၤအီၤ လၢလၢၢ်လါအဲးတဖၣ် ဒီးကဲထီၣ် တၢ်ကမၢကမၣ်လၢ ပှၤတနီၤအဂီၢ် လၢလီၢ်ကဝီၤ အတၢ်ပနီၣ် လၢၢ်ထူၣ်တဖၣ်အံၤ လၢသီအတၢ်ပညိၣ်ကမ့ၢ် တၢ်သူၣ်ဝံၣ်သးဆၢတၢ်အဂီၢ်န့ၣ်လီၤ. ပှၤဃုထံတၢ်တနီၤစံးဝဲလၢ လၢၢ်လါအဲးတဖၣ်အံၤ မ့ၢ်လၢအလုၢ်အပှ့ၤအိၣ်ဒီးအကလုၢ်သီၣ်မုာ်အဃိ ဘၣ်တၢ်ဟဲစိာ်န့ၢ်အီၤလၢ မဲၣ်ချိၣ်ဟီးသဝီအကပၤ တၢ်လီၢ်လၢ အယံၤဝဲ မံၤလာ်ခံကယၤန့ၣ်လီၤ.
လၢၢ်လၢ အကလုၢ်သီၣ် ဒ်တၢ်သံကျံအကလုၢ်သီၣ်တဖၣ်အံၤ မ့ၢ်တၢ်လီၤလး လၢယွၤအတၢ်ဘၣ်တ့ အဒိၣ်အမုၢ်တမံၤ ဒီးဒုးသ့ၣ်နီၣ်ထီၣ်ပှၤ ကစၢ်ယ့ၣ်ရှူးအတၢ်ကတိၤလၢ အတၢ်လဲၤနုာ်လီၤဆူ ဝ့ၢ်ယရူၤရှလ့ၣ် အဆၢကတီၢ် ဖဲထီလၣ်အမုၢ်နံၤန့ၣ်လီၤ. ပှၤဂီၢ်မုၢ်တဖၣ် စံးထီၣ်ပတြၢၤ ကစၢ်ယ့ၣ်ရှူးအဃိဒီး ယူဒၤတၢ်ဘူၣ်တၢ်ဘါခိၣ်နၢ်တဖၣ်…
အါန့ၣ်ယိာ်န့ၢ် ပဖံးဘ့ၣ်အယိာ်
ဟိၣ်စ့(José)မ့ၢ် ပှၤလၢ အနာ်ကစၢ်ယ့ၣ်ရှူးန့ၣ် လဲၤဘါသကိးယွၤ လၢအဝဲၢ်တၢ်ဘါယွၤသရိာ်န့ၣ်လီၤ. တချုး တၢ်ဘါစးထီၣ် အဝဲလဲၤနုာ်လီၤဆူ သရိာ်စီဆှံအပူၤ အဆၢကတီၢ်, အဝဲၢ်ထံၣ်အီၤန့ၣ် ဒီးအဝဲၢ်အမဲာ်လီၤသပှၢ်လီၤ. မ့ၢ်လၢ ဟိၣ်စ့ကၤဝဲဆ့ကၤ ထံၣ်ရှး (T-shirt) ဒီး အစုဒုၣ်ခံခီလိာ် တၢ်ဆဲးကံၣ်ဆဲးဝ့ၤတဖၣ် ဖျါထီၣ်ဝဲအဃိန့ၣ်လီၤ. အဝဲၢ်မၢအက့ၤဆူဟံၣ်ဒီး ဆီတလဲကၤဆ့ကၤထီစု, မ့ၢ်လၢ တၢ်ဆဲးကံၣ်လၢ အစုလိၤတဖၣ်န့ၣ် ပာ်ဖျါထီၣ် ဟိၣ်စ့အတၢ်အိၣ်မူလၢ အပူၤကွံာ်တဖၣ်န့ၣ်လီၤ. သတူာ်ကလာ်န့ၣ် ဟိၣ်စ့ကလၢၢ်ဘၣ်ဝဲလၢ အကစၢ်န့ၣ် တကဆှဲကဆှီဘၣ်န့ၣ်လီၤ. ဘၣ်ဆၣ်ပိာ်ခွါသးပှၢ်တဂၤန့ၣ် နၢ်ဟူထွဲ အဒီပုၢ်ဝဲၢ်ခံဂၤ အတၢ်ကတိၤလိာ်သးန့ၣ်ဒီး လဲၤကိးဆှၢဝဲ ဟိၣ်စ့ဆူ တၢ်အိၣ်ဖှိၣ်သရၣ် အအိၣ်ဒီးစံးဘၣ်သရၣ်လၢ တၢ်အိၣ်အသးအဂ့ၢ်န့ၣ်လီၤ. သရၣ်နံကမှံထီၣ်ဝဲ ဒီးဘ့ၣ်လီၤအဆ့ကၤ ဒီးမၤဖျါထီၣ် တၢ်ဆဲးကံၣ်တဖၣ် လၢအသးနါပှၢ်အလိၤ, ဒ်အမ့ၢ် အတၢ်အိၣ်မူအလီၢ်လံၤ အတၢ်မၤတဖၣ်န့ၣ်လီၤ. သရၣ်န့ၣ် ဒုးသ့ၣ်ညါ မၤလီၤတံၢ်ဝဲ ဟိၣ်စ့လၢ ကစၢ်ယွၤမၤကဆှီထီၣ်က့ၤ ဟိၣ်စ့အနီၢ်ခိ, နီၢ်သးတဖၣ် ဝံၤလံအဃိဒီး တလိၣ်လၢ ကမၤဘၢ အစုဒုၣ်စုတီၤတဖၣ်လၢၤဘၣ်န့ၣ်လီၤ.…
အိၣ်ဘှံးလၢ တၢ်နာ်ယွၤအပူၤ
ပှၤဃုသ့ၣ်ညါမၤလိတၢ်တဖၣ်လၢ ကီၢ်ရ့ၣ်ဖၠူကၠၢၣ်(Fujian) လၢတရူးကီၢ် (China) န့ၣ် အဲၣ်ဒိးမၤစၢၤပှၤဆူးပှၤဆါ လၢအအိၣ်လၢ ICU တၢ်ကွၢ်ထွဲ လ့ၤတုာ်လ့ၤတီၤလီၤဆီအပူၤတဖၣ် ကမံဘၣ်မုာ်မုာ်အဂီၢ်လီၤ. အဝဲသ့ၣ် ဒုးအိၣ်ထီၣ် ဒၢးလၢအလီၤဂာ် ဒ် ICU, မၤပှဲၤအီၤဒီး တၢ်ဆါဟံၣ်အတၢ်ကပီၤ, ဒီးအိးထီၣ်ဃာ် စဲးဖီကဟၣ်တဖၣ် အတၢ်သီပံပံ ဒီးပှၤကွၢ်ပှၤဆါတဖၣ် ကတိၤလိာ်သးအကလုာ် လၢအဖီၣ်ဃာ်ဝဲ, ဒီးထီထီၣ် ပိးလီလၢ အမၤစၢၤတၢ်မံ လၢပှၤဒိးတၢ်မၤကွၢ်တဖၣ် (test subjects) အလိၤ, ဒီးထိၣ်ဒွးကွၢ် တၢ်အစၢတဖၣ်န့ၣ်လီၤ. အဝဲသ့ၣ် အတၢ်ဃုကွၢ်ထံ ပာ်ဖျါဝဲလၢ တၢ်အပိးအလီ ဒ်အမ့ၢ် တၢ်ကးဘၢမဲာ် ဖဲတၢ်မံအကတီၢ်(sleep masks) ဒီးတၢ်ဆွံတံာ်နၢ်ပူၤ(ear plugs)န့ၣ် မၤဂ့ၤထီၣ်ပှၤတဖၣ်အတၢ်အိၣ်ဘှံးန့ၣ်လီၤ. ဘၣ်ဆၣ် အဝဲသ့ၣ်အၢၣ်လီၤတူၢ်လိာ်ဝဲလၢ ပှၤဆါနီၢ်နီၢ်လၢ ICU အဒၢးပူၤတဖၣ် မံဝဲကန့ၢ်မုာ်မုာ်အဂီၢ်န့ၣ် ကကီခဲဒံးဝဲန့ၣ်လီၤ.
ဖဲပဘၣ်တၢ်ကီတၢ်ခဲအခါ, ပထံၣ်န့ၢ် တၢ်အိၣ်ဘှံးကသ့ဒ်လဲၣ်. လံာ်စီဆှံ ပာ်ဖျါ ဆှဲဆှဲ လၢတၢ်အိၣ်အသး ကမ့ၢ်ဒ်လဲၣ်ဂ့ၤ ဒ်လဲၣ်ဂ့ၤ,…
ကဘၣ်မၤဧါ, တဘၣ်မၤဧါ
ဖဲယမ့ၢ်ဖိသၣ်အကတီၢ်, ယဟံၣ်ကပၤ ကမျၢၢ်ဖီကရၢၢ်အပူၤ, ပှၤပာ်ဒုးနဲၣ်သုးသိလ့ၣ်ထဲး (Tank) လၢပှၤစူးကါအီၤလၢ ဟီၣ်ခိၣ်ဒီဘ့ၣ် တၢ်ဒုးတၢ်ယၤ ဖးဒိၣ်ခံဘျီတဘျီအပူၤတခိၣ်န့ၣ်လီၤ. တၢ်ပနီၣ်အိၣ် တဘျုးထံၣ်လၢ အဟ့ၣ်ပလီၢ် တၢ်ဘၣ်ယိၣ်လၢ ပှၤကလဲၤထီၣ်လိၣ်ကွဲ လၢသိလ့ၣ်လိၤအဂီၢ်န့ၣ်လီၤ. ဘၣ်ဆၣ် ယတံၤသကိးခံဂၤန့ၣ် စွါထီၣ်ဝဲဆူ သိလ့ၣ်ထဲးလိၤ တကီၢ်ခါန့ၣ်လီၤ. ပဝဲတနီၤ ပသးတဆူၣ်လဲၤထီၣ် ဘၣ်ဆၣ် အကတၢၢ်န့ၣ် ပလဲၤထီၣ်လိၣ်ကွဲဃုာ်ဒီး အဝဲသ့ၣ်န့ၣ်လီၤ. ပိာ်ခွါဖိတဂၤ နဲၣ်အစုဆူ တၢ်ပနီၣ် ဘ့ၣ်ဘၣ်လိၤ ဒီးတလဲၤထီၣ်ဝဲဒၣ်ဘၣ်, ဖိသၣ်တဂၤန့ၣ် ဖဲပှၤသးပှၢ်တဂၤ ဟဲဘူးထီၣ်လၢ တၢ်လီၢ်အံၤ အဆၢကတီၢ် စံၣ်လီၤဝဲဒၣ်ချ့ချ့န့ၣ်လီၤ. တၢ်လ့ပစီလၢ အမၤမုာ်မၤဖှံပသးန့ၣ်, ဒိၣ်န့ၣ်အါန့ၣ် ပတၢ်သးအိၣ်လူၤထွဲပိာ်ထွဲ တၢ်သိၣ်တၢ်သီတၢ်ဘျၢန့ၣ်လီၤ.
သးတဖျၢၣ်လၢ အဲၣ်ဒိးထီဒါတၢ်ဒ်ဖိသၣ်အသိးန့ၣ်, လၢတၢ်ခူသူၣ်အပူၤ အိၣ်ဝဲဒၣ်လၢ ပပူၤကိးဂၤဒဲးန့ၣ်လီၤ. ပတအဲၣ်ဒိးတူၢ်လိာ် ပှၤကဟဲစံးဘၣ်ပှၤလၢ နကဘၣ် မၤတၢ်မနုၤ, မ့တမ့ၢ်ဘၣ်ဒီး နတဘၣ် မၤတၢ်မနုၤသ့ၣ်တဖၣ်န့ၣ်လီၤ. ဘၣ်ဆၣ် ဖဲပဖးဘၣ် ယၤ ၄:၁၇ စံးဘၣ်ပှၤလၢ, ဖဲပသ့ၣ်ညါတၢ်လၢ…
ယွၤအိၣ်ဒီး တၢ်တိာ်ကျဲၤအဂၤတဖၣ်
ပှၤတသ့ၣ်ညါ အဝဲသ့ၣ်အသးအနံၣ်အလါလီၤတံၢ်လီၤဆဲးဘၣ်. တဂၤန့ၣ် ဘၣ်တၢ်ထံၣ်န့ၢ်အီၤလၢ တၢ်ဘါယွၤသရိာ်အဃီသွါတဖၣ်အလိၤဒီး အတဂၤန့ၣ် သ့ၣ်ညါဝဲဒၣ်ထဲလၢ ဘၣ်တၢ်လုၢ်ဒိၣ်ထီၣ်အီၤလၢ ဖံဝါတဖၣ်န့ၣ်လီၤ. ဟဲၣ်လံနၣ်(Halina) ဒီးခရ့းစတံနၢ် (Krystyna) ခံဂၤန့ၣ် အိၣ်ဖျဲၣ်ထီၣ်ဝဲလၢ ကီၢ်ဖိလဲၣ်(Poland) ဖဲဟီၣ်ခိၣ်ဒီဘ့ၣ် တၢ်ဒုးဖးဒိၣ် ခံဘျီတဘျီ အကတီၢ်န့ၣ်လီၤ. လၢအနံၣ် ၈၀ အတီၢ်ပူၤ တဂၤဒီး တဂၤ အဂ့ၢ်န့ၣ် အဝဲသ့ၣ် တသ့ၣ်ညါလိာ်အသးဘၣ်. လၢခံ တၢ်မၤကွၢ် ဒံၢ်အဲ(န)အ့ၣ်(DNA)အစဲတဖၣ် ဖျါလၢ အဝဲသ့ၣ်ခံဂၤ မ့ၢ်ဒီပုၢ်ဝဲၢ်မုၣ်တဖၣ် ဒီးအဝဲသ့ၣ်ပာ်ဖှိၣ်ထံၣ်လိာ်က့ၤအသးလၢ တၢ်သးခုအပူၤန့ၣ်လီၤ. တၢ်အစဲပာ်ဖျါစ့ၢ်ကီးလၢ အတၢ်ဟဲလီၤစၢၤ လၢပှၤယူဒၤဖိတဖၣ်အဃိ တၢ်ဂ့ၢ်အံၤ ဒုးနၢ်ပၢၢ် ပှၤလၢ ဘၣ်မနုၤအဃိ အဝဲသ့ၣ် ဘၣ်တၢ်စူးကွံာ်ညိကွံာ်အီၤလဲၣ်န့ၣ်လီၤ. ပှၤအၢပှၤသီတဖၣ် ပာ်ပနီၣ်ဖိသၣ်မုၣ်ဖိတဖၣ်အံၤ လၢကဘၣ်သံဝဲ, မ့ၢ်ဒၣ်ထဲလၢ အဝဲသ့ၣ်အတၢ်မ့ၢ်တၢ်အဃိ န့ၣ်လီၤ.
ဖဲပထံၣ်မှံ မိၢ်လၢအပျံၤတၢ်တဂၤအံၤ မ့ၢ်လၢဖိတဖၣ် သးသမူအတၢ်ဘၣ်ယိၣ်အိၣ်ဝဲ အဃိဘၣ်လဲၤစူးကွံာ်ဖိတဖၣ်လၢ တၢ်လီၢ်တတီၤ, ဖဲလၢတၢ်ကမၤပူၤမၤဖျဲးအသးသမူအဂ့ၢ်အံၤန့ၣ်ဒီး ဘၣ်သ့ၣ်သ့ၣ် စီၤမိၤရှ့အဂ့ၢ် ကဟဲနုာ်လီၤဆူ…
တၢ်ဆီၣ်သနံးဆူ တၢ်ဃူတၢ်မုာ်
တၢ်သုးလီၢ်သုးကျဲန့ၣ် ဘၣ်တၢ်ပာ်အီၤဒ် တၢ်လၢအဆီၣ်သနံးပှၤ အဒိၣ်ကတၢၢ်တဖၣ် အကျါတမံၤ လၢတၢ်အိၣ်မူအပူၤန့ၣ်လီၤ. ပသုးဆူပဟံၣ်လၢ ပအိၣ်အခဲအံၤ, ဖဲယအိၣ်ဆိး တ့ၢ်ယဲလၢဟံၣ် လၢအပူၤကွံာ်တဖျၢၣ် ယံာ်အနံၣ်ခံဆံ ဃၣ်ဃၣ်ဝံၤအလီၢ်ခံန့ၣ်လီၤ. တချုးယဒိးတ့ဒိးဖျီယသးအခါ, ယအိၣ်ထဲတဂၤဧိၤ ဖဲဟံၣ်အဆိကတၢၢ် အဝဲန့ၣ်တဖျၢၣ် ယံာ်ဝဲဃိးနံၣ်န့ၣ်လီၤ. ဝံၤဒီးယဝၤဟဲသုးအိၣ်ဖဲန့ၣ်, ဃုာ်ဒီး ကယဲၢ်အတၢ်ဖိတၢ်လံၤတဖၣ်န့ၣ်လီၤ. လၢခံ, ပဒိးန့ၢ်ပဖိတဂၤ, ဒီးတၢ်အံၤအခီပညီမ့ၢ်ဝဲ တၢ်ဖိတၢ်လံၤအါထီၣ်န့ၢ် အန့ၣ်ဒၣ်လဲာ်လီၤ.
မုၢ်တနံၤ ဖဲပသုးဆူ ပဟံၣ်အသီတဖျၢၣ်န့ၣ်, တၢ်တလဲၤအသး ဒ်အညီနုၢ်အသိးဘၣ်. ပှၤသုးန့ၢ်တၢ်ဖိတဖၣ် တချုးဟဲတုၤဒံးဘၣ် ၅ မံးနံးန့ၣ်, ယကွဲးကတၢၢ်ယလံာ်တဘ့ၣ်ဒံး အဖၢမုၢ်လီၤ. ဒီးပဟံၣ်အသီတဖျၢၣ်န့ၣ် အိၣ်ဒီး ဃီတဘျုးဆိန့ၣ်လီၤ. အဃိဒီး တၢ်ဆၢကတီၢ်လၢာ်အါထီၣ်ခံစး, ဒီးပလိၣ်ဘၣ်ပှၤသုးတၢ်ဖိတဖၣ် အဂၤအါထီၣ်န့ၢ်ဒံး တၢ်တိာ်ပာ်ဆိဃာ်ခံစးန့ၣ်လီၤ.
ဘၣ်ဆၣ် ယတလီၤဘှံးလီၤတီၤယဲလၢ တၢ်မၤအသးတဖၣ် ဖဲမုၢ်နံၤအဝဲန့ၣ်အဃိဘၣ်. ဒီးတၢ်ဆိကမိၣ်ဟဲနုာ်လီၤလၢယပူၤ ဒ်အံၤလီၤ. ယသူတၢ်ဆၢကတီၢ်နၣ်ရံၣ်တဖၣ် အါမး လၢတၢ်မၤဝံၤ တၢ်ကွဲးလံာ်တဘ့ၣ် လၢအပှဲၤဒီး ယွၤအကလုၢ်အကထါ ဒီးတၢ်ထံၣ်တၢ်ဆိကမိၣ် ဘၣ်ဃးဒီးလံာ်စီဆှံန့ၣ်လီၤ. မ့ၢ်လၢယွၤအဘျုးအဖှိၣ်အဃိ,…
ယွၤဒိကနၣ်ဝဲ
ခၠၢး(ခ)(Chuck)မ့ၢ်ခွါဂဲၤဒိတဂၤ ဃုာ်ဒီးပှၤဂဲၤလိာ်ကွဲ တၢ်ဒီတဒၢလီၤသး စုသ့ခီၣ်ဘၣ်တဂၤအံၤန့ၣ်, မၤလၤကပီၤ အမိၢ်ဖဲလၢ အမိၢ်အိၣ်မူချုးနံၢ် နံၣ်တကယၤ, နံၣ်အိၣ်ဖျဲၣ်အတၢ်ဆၢဂ့ၤဆၢဝါ အဆၢကတီၢ်, ခၠး(ခ) ပာ်ဖျါဝဲ လၢအနီၢ်သးတၢ်အိၣ်မူကဆီတလဲသးအဂီၢ်, အမိၢ် မ့ၢ် ပှၤလၢအကါဒိၣ်တၢ် ဒ်လဲၣ်အဂ့ၢ်န့ၣ်လီၤ. “ယမိၢ်တၢ်ပာ်သးစွံကတုၤ ဒီးအတၢ်စူၢ်တၢ်နာ်န့ၣ် မ့ၢ်တၢ်ဟ့ၣ်ဒိတမံၤ”န့ၣ်လီၤ. အမိၢ်န့ၣ် လုၢ်ဒိၣ်ထီၣ် ဖိသၢဂၤ လၢအကစၢ်ဒၣ်ဝဲ ဖဲမုၢ်ကျိၤဝဲၤကွၢ် တၢ်ဖံးတၢ်မၤတဖၣ် တၢ်အိၣ်အသးတဂ့ၤတမုာ် အဆၢကတီၢ်န့ၣ်လီၤ. တူၢ်ဘၣ်ဝဲ တၢ်နးတၢ်ဖှီၣ် ခီဖျိလၢ အဝၤသးဘိခံဂၤ, ဖိခွါတဂၤ, ဖိခွါယၢ်တဂၤဒီး အလံၤဖိတဖၣ်သံ, လဲၤပူၤကွံာ်အီၤ, ဒီးဘၣ်တၢ်ကွဲးကါကူစါအသးအါဘျီန့ၣ်လီၤ. လၢယတၢ်အိၣ်မူတၢ်ဂ့ၤတၢ်အၢဒီတစိၤအပူၤ ယမိၢ်ဃ့ဘါထုကဖၣ် တၢ်လၢယဂီၢ်န့ၣ်လီၤ. အကတီၢ်ဖဲလၢ ယနီၢ်သးဘူးလၢ ဟီလံဝူး(Hollwood)န့ၣ် ယမိၢ်အိၣ်လၢဟံၣ်အံၤန့ၣ်, ဃ့ထုကဖၣ်တၢ်လၢ ယတၢ်မၤန့ၢ်မၤနၢၤတၢ်အဂီၢ်, ဒီးယတၢ်အုၣ်က့ၤခီၣ်က့ၤတၢ်အဂီၢ်န့ၣ်လီၤ. အဝဲမၤကတၢၢ် တၢ်စံးဘျုးစံးဖှိၣ် အမိၢ်လၢ “ယစံးဘျုးဘၣ် ယမိၢ်လၢ အမၤစၢၤ ကစၢ်ယွၤလၢကဒုးကဲထီၣ်ဘၣ်ယၤ တၢ်လၢယကဲထီၣ်သ့ ဒီးတၢ်လၢ ယကြၢးကဲထီၣ်တၢ်အဃိန့ၣ်လီၤ.”
အမိၢ်အတၢ်ထုကဖၣ်တဖၣ်န့ၣ် မၤစၢၤ ခၠၢး(ခ)…