ပှၤကွၢ်သိ အတၢ်သူၣ်ဒူသးဒူ

ဖဲလၢ တဲးကစဲး (Texas) A&M ခီလ့ၣ်ကၠိ အပှၤလိာ်ကွဲဖျၢၣ်ထူ စဲး စမီလ် (Seth Small), ဒ်သိးကထူနုာ်လီၤ ဖျၢၣ်ထူအဂီၢ်န့ၣ် ဟံးန့ၢ်ဝဲအလီၢ် ဖဲတၢ်လိာ်ကွဲ အတၢ်ဆၢကတီၢ်ကဝံၤဝဲအဂီၢ်န့ၣ် အိၣ်တ့ၢ်ဒၣ်ထဲ ခံစဲးကီးအကတီၢ်, ဒီးတၢ်လိာ်ကွဲအတၢ်သူၣ်ထီၣ်အပူၤ, ပှၤကမျၢၢ် ၁၀၇,၀၀၀ ဂၤ ဃၣ်ဃၣ်န့ၣ် ဂဲၤဆၢထၢၣ်ခိးကွၢ် လၢတၢ်သူၣ်ဟူးသးဂဲၤအပူၤန့ၣ်လီၤ. A&M ဖျၢၣ်ထူကရၢ, ဒီးထံကီၢ်ပူၤ ဖျၢၣ်ထူကရၢအဂ့ၤ ကတၢၢ်လၢတၢ်အါနံၣ်အါလါတဖု လိာ်ကွဲပြၢလိာ်အသး, ဒီးခံဖုလိာ်မၤန့ၢ်ဝဲဒၣ် ၃၈-၃၈ ဖီး ဒ်သိးသိးအဃိ တၢ်ထူနုာ်လီၤ ဖျၢၣ်ထူဆူ ကိ (Goal) ပူၤန့ၣ် ကမ့ၢ်စဲပနီၣ် တၢ်မၤနၢၤလၢအပှဲၤဒီးတၢ်သူၣ်ဒူသးဒူ, ဒီးတၢ်အဲၣ်တၢ်ကွံန့ၣ်လီၤ. စမီလ်ကထူနုာ်ဝဲဖျၢၣ်ထူအဂီၢ် ဟံးန့ၢ်ဝဲအလီၢ်န့ၣ် ဖျါလၢတၢ်ပာ်သးမုာ်မုာ်ခုၣ်ခုၣ်န့ၣ်လီၤ. တၢ်မၤနၢၤ ကိ (Goal) နုာ်လီၤဝံၤန့ၣ်ဒီး, ခီဖျိလၢပှၤဂီၢ်မုၢ်အတၢ်ကိးပသူထီၣ်အဃိ, တၢ်လိာ်ကွဲလီၢ် အတၢ်သူၣ်ထီၣ်အံၤ လီၤဂာ်မးလၢ အပိၣ်ဖးထီၣ်ဝဲဒၣ်န့ၣ်လီၤ.

ဖဲ ပှၤဃုသ့ၣ်ညါ တၢ်ကစီၣ်သံကွၢ်အီၤလၢ တၢ်ဆၢကတီၢ်လၢအဆူၣ် ဒ်သိးအံၤအဂီၢ် မ့ၢ်အကတဲာ်ကတီၤပာ်အသး…

တၢ်အဲၣ်ဘၣ် ပှၤကလုာ်သ့ၣ်တဖၣ်

ဒ်ယမ့ၢ်ဖိမုၣ်တဂၤလၢ အအိၣ်ဒီး မိၢ်ပၢ်ခံဂၤလၢ အမၤတၢ်ဆူၣ်ဒီးအဲၣ်ဘၣ်ယၤ ဒီးအိၣ်ဟဲဝဲလၢ အမဲရကၤ ကလံၤထံး ကီၢ်မိၢ်ပှၢ် အခၢၣ်သးထံကီၢ် လဲးတ့ၣ် အမဲရံကၤ န့ၣ်လီၤ. လၢအဒူၣ်ဖိထၢဖိတဖၣ်အကျါ မ့ၢ်ပှၤအဆိကတၢၢ် ခံဂၤ, အိၣ်ဒီးတၢ်သးဒူ လၢကသုးလီၢ်သုးကျဲ, နုာ်လီၤအိၣ်ဆိး လၢကီၢ်အမဲရကၤ, ဒ်သိးကဒိးန့ၢ်အါထီၣ် ခွဲးဂ့ၤယာ်ဘၣ် လၢတၢ်လုၢ်အီၣ် သးသမူအဂီၢ်အဃိ, ယဘၣ်စံးဘျုးအဝဲသ့ၣ်န့ၣ်လီၤ. အဝဲသ့ၣ်ခံဂၤ ထံၣ်လိာ်အသး ဖဲအသးစၢ်, ဒိၣ်တုာ်ခိၣ်ပှဲၤထီၣ်သီအကတီၢ် ဖဲဝ့ၢ်နယူယီး, ဒိးတ့ဒိးဖျီအသး, အိၣ်ဖျဲၣ်ထီၣ်ဝဲ ယဝဲၢ်ပိာ်မုၣ်ဒီးယၤ, ဒီးဖံးမၤအတၢ်ဖံးတၢ်မၤဒၣ်ဝဲဆူညါကွ့ၢ်ကွ့ၢ်န့ၣ်လီၤ.

ဒ်ယမ့ၢ်ပှၤဝ့ၢ်နယူယီးဖိ, ဒီးယဒိၣ်ထီၣ် ဟံးဃာ်ပၢၤဃာ် ပှၤလဲးတ့ၣ် အမဲရံကၤဖိ အတၢ်ဟ့ၣ်သါအဃိ, ပှၤလၢအအိၣ်ဒီး အတၢ်လီၤစၢၤ အဂ့ၢ်အကျိၤလီၤဆီတဖၣ်န့ၣ် ယအိၣ်ဒီးတၢ်သးစဲအဒိၣ်အအါန့ၣ်လီၤ. အဒိ, ယနီၤဟ့ၣ်ဘၣ် ယတၢ်စူၢ်တၢ်နာ်အဂ့ၢ် တဘျီ, ဖဲပှၤအါကလုာ်အါမၠိ အတၢ်ဘါသရိာ် လၢဟါတၢ်ဘါအကတီၢ်, တဘျီန့ၣ် တၢ်လီၢ်အံၤဘၣ်တၢ်စူးကါတ့ၢ်ဝဲ ဒ်အမ့ၢ် တၢ်ဒုးနဲၣ်, ဒီးတၢ်ဂဲၤကလံၣ် အတၢ်သူၣ်ထီၣ်လီၢ်လံၤ, ဖဲ ဘရီးဝ့ (Broad Way)…

ပပၢ်ကစၢ်ယွၤလၢ ပနာ်န့ၢ်အီၤသ့

ယဖိခွါစ့ဘံၣ်ယၤ (Xavier) အဂီၤထီဃုခီၣ်ယီၣ်ဒီးသၢစုမုၢ်ဒိၣ် စိာ်ကဖီထီၣ် အဖိဆံးဖိလၢဂဲၤဆၢထၢၣ်ဟးသ့သီသီ လၢ အနံၤဃဲးနံၤဃိး စ့ရံၣ်ယၢၣ် (Xarian) ဆူကလံၤကျါညီညီဖိန့ၣ်လီၤ. အဖိခွါအခီၣ်ဆံးဆံးဖိန့ၣ် ဟံးန့ၢ်ပာ်ဝဲလၢအစုဖးလဲၣ်, ဒီးဖီၣ်တဃးဝဲ ကျၢၤကျၢၤ လၢအစုညါသးအပူၤန့ၣ်လီၤ. အဝဲယူာ်ထီၣ်အစုဖးထီ, ဒီးဟ့ၣ်ဂံၢ်ဟ့ၣ်ဘါ အဖိခွါလၢ ကအိၣ်ထၢၣ်ဂၢၢ်အသးဒၣ်ဝဲဘၣ်ဆၣ်, ကတဲာ်ကတီၤပာ်အစုအဂၤတခီလၢ အလီၢ်မ့ၢ်အိၣ်ဒီး ကဖီၣ်န့ၢ်ဝဲ အဖိအဂီၢ်န့ၣ်လီၤ. စ့ရံၣ်ယၢၣ် မၤဘျၢအခီၣ်ဖိတဖၣ်ဒီး, ဂဲၤဆၢထၢၣ်ဝဲဒၣ်န့ၣ်လီၤ. လၢတၢ်နံၤကမှံဖးဒိၣ်, ဒီးပာ်လီၤစဲၤဝဲဒၣ် အစုဖိခံခီလၢအကပၤ, ဒီးအမဲာ်ချံဖိတဖၣ်န့ၣ် ကွၢ်လီၤဝဲဆူ အပၢ်အတၢ်ကွၢ်စူၣ်ထီအီၤန့ၣ်လီၤ.

ယရှါ ၂၆:၃ န့ၣ်, မ့ၢ်လၢ ပပညိၣ်ပာ်ဖှိၣ် ပတၢ်ထံၣ် ပတၢ်ဆိကမိၣ်တဖၣ်ဆူပပၢ်အိၣ်လၢမူခိၣ်အဃိ, ဝံယရှါယၤ တဲဖျါထီၣ် တၢ်အဘျုးတဖၣ်လၢပဂီၢ်, ဒီးစံးဝဲဒၣ် “ပှၤအသးလၢအသန့ၤအသးလၢနၤန့ၣ် နကပၢၤအီၤလၢတၢ်ဃူတၢ်ဖိးအလၢအပှဲၤ န့ၣ်လီၤ. အဂ့ၢ်ဒ်အံၤ, သန့ၤအသးလၢနၤလီၤ” န့ၣ်လီၤ. အဝဲဟ့ၣ်ဂံၢ်ဟ့ၣ်ဘါ ဒ်သိးယွၤအပှၤဂီၢ်မုၢ် ကပာ်လီၤအသးလၢ ကဃုထံၣ်န့ၢ်ယွၤ, လၢအကလုၢ်ကထါအပူၤ, ဒီးကရ့လိာ်အသးဒီးယွၤ, ခီဖျိလၢတၢ်ထုကဖၣ်, ဒီးတၢ်ဘူၣ်ထီၣ်ဘါထီၣ်ယွၤန့ၣ်လီၤ. ပှၤအိၣ်တီအိၣ်လိၤဒီးကစၢ်ယွၤတဖၣ်န့ၣ် ကလဲၤခီဖျိကလၢၢ်ဘၣ် တၢ်နာ်သန့ၤလီၤသးလၢကစၢ်ယွၤ,…

မၤယွၤအတၢ်မၤတစိၤသး

ဘရဲး (Brad) သုးလီၢ်သုးကျဲဆူ ဝ့ၢ်ဖးဒိၣ်အသီတဝ့ၢ်, ဒီးကလဲၤထီၣ်ဘါယွၤအဂီၢ် ဃုထံၣ်န့ၢ်ဝဲ သရိာ်တဖျၢၣ်ချ့ချ့န့ၣ်လီၤ. အဝဲလဲၤဘါယွၤလၢစှၤနွံအတီၢ်ပူၤဝံၤ, ဘၣ်ဖဲ မုၢ်အိၣ်ဘှံးနံၤတနံၤန့ၣ်, စံးကတိၤသကိးတၢ်ဒီးတၢ်အိၣ်ဖှိၣ်သရၣ်, ဒီးဒုးသ့ၣ်ညါဝဲလၢအဲၣ်ဒိးမၤသကိးတၢ်, ဖဲအလီၢ်အိၣ်တမံၤမံၤန့ၣ်လီၤ. ဘရဲး စံးဝဲဒၣ် “ယအဲၣ်ဒိးခွဲသိၣ်ခွဲပျီတၢ်” န့ၣ်လီၤ. အဝဲစးထီၣ်မၤဝဲလၢ တၢ်ပာ်လီၤခးဆ့ၣ်နီၤတဖၣ် လၢတၢ်ဘူၣ်တၢ်ဘါ အဂီၢ်, ဒီးမၤကဆှဲကဆှီ တၢ်ဟးလီၢ်အဒၢးတဖၣ်န့ၣ်လီၤ. လၢခံန့ၣ် တၢ်အိၣ်ဖှိၣ်ဖိတဖၣ် သ့ၣ်ညါဝဲလၢ ဘရဲး အတၤလၣ်လီၤဆီန့ၣ် မ့ၢ်လၢသိၣ်လိတၢ်တကပၤ, ဘၣ်ဆၣ်, ဘရဲးအသးအိၣ်မၤတၢ် တမံၤဂ့ၤတမံၤဂ့ၤန့ၣ်လီၤ.

ကစၢ်ယ့ၣ်ရှူးသိၣ်လိတ့ၢ်ဝဲ အပျဲၢ်အဘီၣ် စီၤယၤကိာ်ဒီးစီၤယိၤဟၣ်, ဃုာ်ဒီး အဝဲသ့ၣ် ခံဂၤ အမိၢ်လၢ တၢ်မၤလိဘၣ်ထွဲဒီးတၢ်ခ့တၢ်ပှၤအတၢ်မၤန့ၣ်လီၤ. အဝဲသ့ၣ်အမိၢ်ဃ့ကညးဝဲလၢ ဖဲကစၢ်ခရံာ်လဲၤနုာ်ဆူ အဘီအမုၢ်အကတီၢ်, ဒ်သိးအဖိခွါခံဂၤကဒိးန့ၢ် တၢ်လၤကပီၤအလီၢ်အလၤ လၢကစၢ်ယ့ၣ်ရှူး အစုစ့ၣ်ဒီးအစုထွဲခံခီ, အဂ့ၢ်န့ၣ် ဖျါဖဲ မး ၂၀:၂၀-၂၁ အပူၤန့ၣ်လီၤ. ကစၢ်ခရံာ်အပျဲၢ်အဘီၣ်အဂၤတဖၣ် နၢ်ဟူဝဲဒီး, အသးထီၣ် ပှၤဒီပုၢ်ဝဲၢ်ခံဂၤန့ၣ်လီၤ. ဘၣ်သ့ၣ်သ့ၣ်, အဝဲသ့ၣ် ကအဲၣ်ဒိးဝဲ တၢ်လီၢ်အံၤစ့ၢ်ကီးန့ၣ်ဧါ.…

တၢ်စူးကါတၢ်ဆၢကတီၢ်ဂ့ၤဂ့ၤဘၣ်ဘၣ်

ဖဲလါမၢ်ရှး ၁၄ သီ, ၂၀၁၉ နံၣ်န့ၣ်, ကီၢ်အမဲရကၤ အပဒိၣ်ဝဲၤကျိၤ ဘၣ်ထွဲလၢကဘီယူၤဒီးမူပျီအတၢ်ပၢဆှၢတၢ် (NASA) အဂာ်သဝံပီၤဖးဒိၣ်တဖၣ် စိာ်ဝဲမူပျီကဟၣ်ယူၤ, ဒ်သိးကလဲၤဆှၢထီၣ် ခရံးစတံနါ ခိးခ် (Christina Koch), ပိာ်မုၣ်လၢအနီၣ်မူပျီကဟၣ်ယူၤ ဆူဟီၣ်ခိၣ်ဒီဘ့ၣ်ထံကီၢ်တဖၣ် မူပျီအတၢ်ဖံးတၢ်မၤအလီၢ်န့ၣ်လီၤ. ခိးခ် ကဘၣ်အိၣ်ဝဲ ၃၂၈ သီ, ဖဲမူပျီကဟၣ်ယူၤအပူၤ, ဒီးတဟဲက့ၤဘၣ်ဆူဟီၣ်ခိၣ်ဘၣ်. ဒီးကကဲထီၣ်ဝဲ စံာ်စိၤနုာ်ပိာ်မုၣ်, အိၣ်ဆိးဝဲတပယူၢ်ဃီလၢ မူပျီကဟၣ်ယူၤ အယံာ်ကတၢၢ်န့ၣ်လီၤ. ဖဲအအိၣ်ဆိးဝဲလၢဟီၣ်ခိၣ်ဖျၢၣ် အဖီခိၣ် ၂၅၄ မံာ်လာ် အကတီၢ်, တၢ်ကခိးကွၢ် မၤနီၣ်အီၤလၢ ယွၤခၣ်စိးဘ့ၣ်ဘၣ်တခါအလိၤ, ယဲၢ်မံးနံး တဘျီစူၢ်စူၢ် ကိးမုၢ်နံၤန့ၣ်လီၤ. တနံၤဘၣ်တနံၤအဂီၢ် အဝဲကဘၣ်မၤဝံၤ တၢ်မၤအိၣ်ဝဲအါမး (စးထီၣ်လၢတၢ်အီၣ်တၢ်အီ တုၤစဲအ့ၣ်အတၢ်မၤကွၢ်တဖၣ်) န့ၣ်လီၤ. တနၣ်ရံၣ်ဘၣ်တနၣ်ရံၣ်န့ၣ်, လၢယွၤခၣ်စိး ဘ့ၣ်ဘၣ်အလိၤ တၢ်တိၤအလွဲၢ်ဂီၤတဘိ ကထိၣ်တဲာ်ပာ်ဖျါထီၣ် တၢ်လၢ ခိးခ် မၤဝဲ တဖၣ်န့ၣ် မၤဆိဝဲ, မ့တမ့ၢ် မၤစဲၤခံဝဲ ဒ်တၢ်ရဲၣ်ကျဲၤပာ်ဆိအသိးဧါန့ၣ်လီၤ.…

တၢ်လီၤမူၢ်လီၤဖး ဖးဒိၣ်

ပူဒုးနဲၣ်တၢ်ဂီၤ ပံနး (Peanuts) လၢအမံၤဟူသၣ်ဖျါတဘ့ၣ်အပူၤန့ၣ်, မ့ၢ်လၢအစူၢ်နၥ်ဝဲ လူၢ်ခ့သၣ် ဖးဒိၣ် (The Great Pumpkin) အဃိ, လဲနးစ် (Linus) အတံၤသကိး ကဒူးကဒ့ၣ်အီၤဆူၣ်ဆူၣ်န့ၣ်လီၤ. လၢတၢ်သးဟးဂီၤအပူၤန့ၣ် လံနးစ် ဟးထီၣ်ဝဲဆူတၢ်လီၢ်အယံၤ, ဒီးစံးဝဲ “တၢ်ဂ့ၢ်လၢယသုတစံးကတိၤဂ့ၢ်လိာ်တၢ်ဒီးၦၤကညီတဖၣ်န့ၣ် ယမၤလိန့ၢ်တၢ်အိၣ်ဝဲသၢထံၣ်- တၢ်ဘူၣ်တၢ်ဘါအဂ့ၢ်, ထံဂ့ၢ်ကီၢ်ဂ့ၢ်, ဒီးလူၢ်ခ့သၣ် ဖးဒိၣ်အဂ့ၢ်န့ၣ်လီၤ.

လၢလံနးစ်အသးပူၤန့ၣ်, အိၣ်ဒၣ်ထဲ လူၢ်ခ့သၣ် ဖးဒိၣ် အဂ့ၢ်ဘၣ်ဆၣ်, မ့မ့ၢ်တၢ်ဂ့ၢ် အဂၤခံထံၣ်န့ၣ် မ့ၢ်တၢ်အိၣ်အသး, မၤအသးနီၢ်နီၢ်- ထံကီၢ်လီၤဖးလိၥ်သးႇ ဟံၣ်ဖိဃီဖိလီၤဖးလိၥ်သးႇ ဒီးတံၤသကိးတဖၣ်လီၤဖးလိၥ်သးန့ၣ်လီၤ. ဖဲ ကစၢ်ယ့ၣ်ၡူး အိၣ်မူအိၣ်ဂဲၤအကတီၢ်စ့ၢ်ကီး တၢ်ဂ့ၢ်ကီတဖၣ်အံၤအိၣ်ဝဲဒၣ်န့ၣ်လီၤ. ၦၤဖၤရံၤၡဲတဖၣ် အဲၣ်ထူအဲၣ်ယွၤနီၢ်နီၢ်, ဒီးကျဲးစၢးအိၣ်မူပိၥ်ထွဲ တၢ်သိၣ်တၢ်သီတဖၣ်လီၤတံၢ်လီၤဆဲး လၢလံၥ်စီဆှံအလီၢ်လံၤတကတြူၢ်အပူၤန့ၣ်လီၤ. လၢထံဂ့ၢ်ကီၢ်ဂ့ၤတကပၤန့ၣ် ၦၤပိၥ်စီၤပၤဟ့ၤရိၥ်အခံတဖၣ် မၤဝဲနီၢ်နီၢ်ဘၣ်ဆၣ်, ၦၤခံဖုလိၥ်အဲၣ်ဒိးဝဲလၢ ၦၤအံၣ်စရ့လးဖိတဖၣ် ကပူၤဖျဲးလၢ ရိမ့ၤအတၢ်ပၢဆှၢဆီၣ်သနံးတၢ်အဖီလၥ်န့ၣ်လီၤ. အဝဲသ့ၣ်အတၢ်တိာ်တဖၣ်န့ၣ် ဖျါလၢတဒ်သိးလိာ်အသးဒီးကစၢ်ယ့ၣ်ၡူးအတၢ်မၤန့ၣ်လီၤ. လၢတၢ်န့ၣ်အဃိ, မၢ်ကူး ၁၂:၁၄-၁၅ န့ၣ် ပကထံၣ်ဘၣ်…

တၢ်လီၤကမၢကမၣ်အဃံအလၤတမံၤ

တၢ်ထဲၣ်ဃၥ် ဟီၣ်ခိၣ်ညၣ်အပူၤန့ၣ် တၢ်ခူသူၣ်အိၣ်ဝဲတမံၤ- တၢ်လၢၦၤပၥ်ခူသူၣ်ဃၥ် န့ၣ်လီၤ. လၢတၢ်ကတဲၥ်ကတီၤ အဝဲသ့ၣ်ဒိးတ့ဒိးဖျီအသး ၦဲၤထီၣ်နံၣ် (၅၀), နံၣ်ဆဲးဆၢအကတီၢ်, ဒ်သိးကမ့ၢ်တၢ်ဟ့ၣ် အဃံလၤကတၢၢ်လၢအမါအဂီၢ်, ကသူၣ်ဝဲဖီတဖၣ်န့ၣ် လံၣ် ဝ့လစၢၣ် (Lee Wilson) ပၥ်လီၤဆီဃၥ်ဟီၣ်ခိၣ် အ့ကၢၢ် ဃိးဆံန့ၣ်လီၤ. အဝဲဖှံလီၤခူသူၣ်ဝဲ ဖီဒီမုၢ် အချံအါအါဂီၢ်ဂီၢ် လၢအမဲထီၣ်ဖျိးထီၣ် ဖီအမုၢ် ၁.၂ ကကွဲၢ်, ဖီလၢအမ့ၢ် အမါအဲၣ်လီၤဆီတဖၣ်န့ၣ်လီၤ. ဖဲဖီဒီမုၢ်တဖၣ်ဟဲဘိၣ်ထီၣ်ဖီထီၣ်ဝဲဒၣ်န့ၣ်ဒီး, မ့ၢ်လၢအဝၤအတၢ်အဲၣ်အတၢ်မၤအံၤအဃိ, အမါ ရံၣ်နံ (Renee) န့ၣ် ဖုးဘၣ်အသး, ဒီးအသူၣ်ခု သးခုဝဲဒိၣ်မးန့ၣ်လီၤ.

ဖဲကစၢ်ယွၤကတိၤတၢ်ဒီးပှၤယူဒၤဖိတဖၣ် ခီဖျိလၢဝံယၡါယၤန့ၣ်ဒီး, ဟ့ၣ်နီၤလီၤဝဲတၢ်ခူသူၣ်တမံၤဒီးအပှၤဂီၢ်မုၢ်အဂီၢ်-ယၡါ ၃:၁-၄:၁ ပာ်ဖျါဝဲ, မ့ၢ်လၢအပှၤဂီၢ်မုၢ်တဖၣ်တအိၣ်တီအိၣ်လိၤဒီးအီၤအဃိ, ဒ်ယွၤစံးကတိၤတ့ၢ်ဝဲအသိး, ကစံၣ်ညီၣ်ပှၤယူဒၤဖိတဖၣ်မ့ၢ်ဝံၤအလီၢ်ခံန့ၣ်, ခဲကန့ၣ်အံၤ အဝဲသ့ၣ်တထံၣ်ဒံးဝဲဘၣ်ဆၣ်, လၢပှၤဂီၢ်မုၢ်အဂီၢ်, မုၢ်နံၤအသီ, ဒီးအဃံအလၤ ဒ်ထူအသိး ကဟဲအိၣ်ထီၣ်ဝဲဒၣ်န့ၣ်လီၤ. ယရှါ ၄:၂ ပာ်ဖျါဝဲ “တၢ်လၢမုၢ်တနံၤန့ၣ် ယွၤအဒ့အဖီကအိၣ်လၢ တၢ်အဃံအလၤ, ဒီးတၢ်လၤကပီၤ,…

လၢတၢ်ထုကဖၣ်အဂီၢ် တၢ်အိၣ်ပတုၥ်တစိၢ်ဖိ

တၢ်ထိၣ်ဒွးမူခိၣ်ကလံၤ အၦၤကူၣ်ဘၣ်ကူၣ်သ့တဂၤ အိၣ်ဝဲလၢ ကီၢ်စဲၣ် မ့းစ့းစပံၣ် န့ၣ် စံးကတိၤဖးဆိ မူခိၣ်ကလံၤတၢ်ကမၤအသးအဂ့ၢ်, ဖဲလါမၢ်ၡး ၂၄ သီႇ ၂၀၂၃နံၣ် အကတီၢ်, စံးကတိၤပာ်ဖျါဝဲအတၢ်ကတိၤဃုဖျၢၣ် (Dear Jesus, please help them. Amen.) န့ၣ် မ့ၢ်တၢ်ယိယိဖိဘၣ်ဆၣ် ဒိၣ်ယိၥ်ဝဲအဃိ, ရၤလီၤအသးချ့သဒံးဆူဟီၣ်ခိၣ်ဒီဘ့ၣ်န့ၣ်လီၤ. မဲး လီၣ်ဘၢၣ် (Matt Laubhan) လူၤပိၥ်ထွဲ ဃုသ့ၣ်ညါ ကလံၤမုၢ်ဖးဒိၣ်တဖျၢၣ်အဂ့ၢ်, ဒီးသ့ၣ်ညါထွဲဝဲလၢ ကလံၤမုၢ်သဝံးလၢအဂံၢ်ဆူၣ်ဒိၣ်မး တဖျၢၣ် ကဟဲလီၤဘၣ်ဖဲ ဝ့ၢ် အ့ၤမရံၣ် (Amory) န့ၣ်လီၤ. ဖဲ လီၣ်ဘၢၣ် ပာ်ဖျါဝဲ ကလံၤမုၢ်အံၤအဂ့ၢ် လၢကွဲၤဟူထံၣ်ဖျါအကတီၢ်, အိၣ်ပတုၥ်တစိၢ်ဖိ, ဒီးဃ့ထုကဖၣ်တၢ် “ကစၢ်ယ့ၣ်ၡူးသးဘိဧၢႇ ဝံသးစူၤ မၤစၢၤဘၣ်အဝဲသ့ၣ်တဖၣ်န့ၣ်တက့ၢ်. အၤမ့ၣ်” အံၤ, ၦၤနၢ်ဟူဘၣ်လၢဟီၣ်ခိၣ်ဒီဘ့ၣ်န့ၣ်လီၤ. ကလံၤမုၢ်လီၤဝံၤအလီၢ်ခံန့ၣ် ၦၤကွၢ်တၢ်ဖိတနီၤစံးဝဲလၢ တၢ်ထုကဖၣ်ဖိအံၤန့ၣ် ဒ်သိးပှၤကဃုထံၣ်ဆိ တၢ်လီၢ်အဘံၣ်အဘၢအဂီၢ် ထိၣ်ဂဲၤထီၣ်ဝဲဒၣ်န့ၣ်လီၤ. လၢအတၢ်သးအိၣ်ဒၣ်ဝဲ, ဒီးဃ့ထုကဖၣ်န့ၢ်တၢ်လၢသူၣ်ဒီဖျၢၣ်သးဒီဖျၢၣ်အံၤန့ၣ်…

ပာ်လီၤတဲာ်ကွံၥ်တၢ်ဘိၣ်တၢ်စှၢၤ

ယဘၣ်မၤလိ ဝ့လယၢၣ် ရှ့းခ်စပံယါ အတၢ်ကွဲးတဖၣ်, ဖဲယထီၣ် ခီလ့ၣ် တၢ်မၤလိ နံၣ်တဝၥ်အကတီၢ်န့ၣ်လီၤ. တၢ်မၤလိအံၤ သိၣ်လိဝဲ လံာ်ဖးဒိၣ်တဘ့ၣ်လၢအိၣ်ဒီး ရှ့းခ်စပံယါ အတၢ်ကွဲးတဖၣ်ခဲလၢၥ်န့ၣ်လီၤ. လံၥ်တဘ့ၣ်အံၤ အတယၢၢ်အဃၢန့ၣ် ကအိၣ်လၢ အပီၣ်အါမးႇ ဒီးယဘၣ်စိၥ်လံာ်ဖးဒိၣ်အံၤလၢ အါနၣ်ရံၣ်အတီၢ်ပူၤန့ၣ်လီၤ. တၢ်ဟးစိၥ် လံာ်လၢအဃၢဒိၣ်မးတဘ့ၣ်အံၤ မၤဆါယပျိၢ်, ဒီးအကတၢၢ်န့ၣ်မၤကၢ်ကွံၥ်ဂာ်ထးလၢ ယလံၥ်ထၢၣ်အပျံၤလိၤန့ၣ်လီၤ.

ပိးလီတနီၤနီၤ ပကစိၥ်အီၤအဂီၢ်န့ၣ် ဃၢဝဲဒိၣ်မးန့ၣ်လီၤ. ခါလၢအပူၤကွံၥ် နီၢ်သးအတၢ်ဟူးဂဲၤ အတၢ်ဝံဃၢတဖၣ် မၤဘၣ်ဒိဆါၦၤ, အဒိ, တၢ်သးဆါ, ဒီးတၢ်သူၣ်ဟ့သးဟ့န့ၣ် ဆီၣ်သနံးပှၤ သ့ဝဲဒၣ်န့ၣ်လီၤ. ဘၣ်ဆၣ် ကလီး ၃:၁၃ န့ၣ်ပကထံၣ်ဘၣ် ကစၢ်ယွၤ အဲၣ်ဒိးဝဲလၢပကအိၣ်ဒီးတၢ်သဘျ့, ခီဖျိလၢပပျၢ်ၦၤဂၤအတၢ်ကမၣ်, မ့ၢ်သ့န့ၣ်ဒီး, မၤဃူမၤဖိးလိာ်သးဒီးအဝဲသ့ၣ်တဖၣ်န့ၣ်လီၤ. တၢ်ဘၣ်ဒိဆါ မ့ၢ်ဒိၣ်ဝဲယိၥ်ဝဲဒၣ်န့ၣ်ဒီး, တၢ်ပျၢ်ပှၤဂၤအတၢ်ကမၣ် ကယံၥ်ဝဲဒၣ်န့ၣ်လီၤ. အတွးတအိၣ်ဘၣ်. ၁မိၤ ၂၇:၃၆ ပာ်ဖျါဝဲလၢ ဒ်သိး စီၤဧ့ၡီၤ ကပျၢ်ဝဲ စီၤယၤကိၥ်ဟုၣ်န့ၢ် အဖိဝဲၢ်ကိအလီၢ်, ဒီးတၢ်ဆိၣ်ဂ့ၤအဂီၢ်န့ၣ်, ဘၣ်ဟံးန့ၢ်ဝဲ…

တၢ်အိၣ်ဖျဲၣ်ကဒီးတစု

“တၢ်အိၣ်ဖျဲၣ်ကဒီးတစု. မ့ၢ်တၢ်အခီပညီမနုၤလဲၣ်.” ၦၤခူၣ်လီၤၦၤသံတဖၣ်အပှၤနဲၣ်တၢ် သံကွၢ်ဝဲဒၣ်န့ၣ်လီၤ. ‘လၢအပူၤကွံၥ်န့ၣ် ယတနၢ်ဟူဘၣ်တၢ်ကတိၤအံၤနီတဘျီဘၣ်.’ ပၢ်လၢအသံတဂၤအံၤ အဖိခွါန့ၣ် ဟံးန့ၢ်ဝဲခွဲးယၥ်တမံၤအံၤ, ဒီးဒုးနၢ်ပၢၢ် တၢ်အိၣ်ဖျဲၣ်ကဒီးတစု အခီပညီ ဖျါဖဲလံၥ်ယိၤဟၣ်အဆၢဒိၣ် ၃ အပူၤန့ၣ်လီၤ.

အဝဲစံးဝဲဒၣ် ‘လၢဟီၣ်ခိၣ်အံၤ ပဝဲကိးဂၤဒဲးပဟဲအိၣ်ဖျဲၣ်ထီၣ်ထဲဒၣ်တဘျီဧိၤန့ၣ်လီၤ.’ စံးကဒီးဝဲလၢ ‘ဒ်သိးကစီၤဝဲ ပတၢ်မၤလၢအဂ့ၤ, ဒီးပတၢ်မၤလၢအတဂ့ၤတဖၣ်အဂီၢ်, ကစၢ်ယွၤတအိၣ်ဒီးအစီၤပီၢ်မၤကဒါမဲၥ်န့ၣ်ဘၣ်. ကစၢ်ယွၤအဲၣ်ဒိးဝဲလၢ ပကအိၣ်ဖျဲၣ်ထီၣ်လၢသးစီဆှံန့ၣ်လီၤ.’ စံးကဒီးဝဲဆူညါ, ‘လၢတၢ်ဂ့ၢ်အံၤအဃိ ကစၢ်ယ့ၣ်ၡူး တူၢ်သံအသးလၢထူၣ်စုညါအလိၤ- ဟ့ၣ်လီၤဝဲ ပတၢ်ဒဲးဘးအဘူးအလဲ, ဒ်သိးပကဒိးန့ၢ်ဘၣ် တၢ်မူအထူအယိၥ်ဃုၥ်ဒီးအီၤန့ၣ်လီၤ. ပကမၤပတၢ်ဒၣ်ဝဲ တန့ၢ်တသ့ဘၣ်န့ၣ်လီၤ.’

လံာ်ယိၤဟၣ် အဆၢဒိၣ် ၃ အပူၤန့ၣ်, စီၤနံၤကဒ့မူး အသးဒ့ဒီဝဲလၢ ဘၣ်ထွဲဒီး တၢ်အိၣ်ဖျဲၣ်ကဒီးတစုအဂ့ၢ်န့ၣ် မ့ၢ်အသ့ၣ်ညါနၢ်ပၢၢ်ဝဲနီၢ်နီၢ်လံဧါန့ၣ်လီၤ. အဆၢဖိ ၁ ပာ်ဖျါဝဲ စီၤနံၤကဒ့မူး မ့ၢ်သရၣ်တဂၤလၢအမၤလိဘၣ် လံၥ်တၢ်သိၣ်တၢ်သီ, အဆၢဖိ ၂ ပာ်ဖျါဝဲလၢ အဝဲသ့ၣ်ညါ ကစၢ်ယ့ၣ်ၡူးန့ၣ် တဒ်သိးဒီးၦၤဂၤဘၣ်, ဒီးသိၣ်လိသီလိတၢ်တဖၣ်န့ၣ် အိၣ်ဒီးအစိအကမီၤန့ၣ်လီၤ. အနီၢ်ကစၢ်ဒၣ်ဝဲ အဲၣ်ဒိးဃုသ့ၣ်ညါဝဲအဃိ…