တၢ်လူၤကွၢ်ဃု တၢ်သူၣ်ကညီၤသးကညီၤ

ပှၤသးဝံၣ်တၢ်, ဒီးပှၤကွဲးတၢ်သးဝံၣ် ကၠ့ ခရ့တၢၣ် မၣ်စူၣ်စကံ (Jane Kristen Marczewski) န့ၣ် ကမျၢၢ်လၢအဟ့ၣ်ဂံၢ်ဟ့ၣ်ဘါအီၤတဖၣ် (Fans) သ့ၣ်ညါအီၤလၢ ထိၣ်မုၢ်နၤ (Night Bride) န့ၣ်လီၤ. ဖဲ ၂၀၂၁ နံၣ်န့ၣ် ဒိးန့ၢ်ဝဲဒၣ် တၢ်ဒုးနဲၣ် တၤလၣ်ပြၢ အခိၣ်ဖးလၢ ကွဲၤထံၣ်ဟူ လၢပှၤမုာ်လၤဘၣ်သူၣ်ဘၣ်သး (Popular TV Talent Show) အတၢ်ရဲၣ်တၢ်ကျဲၤန့ၣ်လီၤ. ဖဲ ၂၀၁၇ နံၣ် တၢ်ဃုထံၣ်န့ၢ် နုၢ် ခဲစၢၣ် (breast cancer) အတၢ်ဆါ အပတီၢ် ၃ လၢအီၤန့ၣ်လီၤ. အတၢ်ဆါန့ၣ် ဂ့ၤထီၣ်က့ၤဝဲဒၣ် ဖဲ ၂၀၁၈ နံၣ်န့ၣ်လီၤ. အဝဲစးထီၣ်လဲၤဟးလိာ်ကွဲဆူ တၢ်လီၢ်အါတီၤဘၣ်ဆၣ်, စှၤလါပူၤကွံာ်န့ၣ်ဒီး, အတၢ်ဆါန့ၣ်နးဒိၣ်ထီၣ်တုၤလၢ, ကအိၣ်မူဝဲအဂီၢ်, ခွဲးယာ်အိၣ်ဒၣ်တဆံးတက့ၢ်န့ၣ်လီၤ. လၢတၢ်လီၤကမၢကမၣ်အပူၤန့ၣ်, အဝဲဘျါက့ၤဝဲ, ဒီးအခဲစၢၣ်တၢ်ဆါတအိၣ်လၢဘၣ်န့ၣ်လီၤ. ဘၣ်ဆၣ်, ထိၣ်မုၢ်နၤ (Nightbirde) သံဝဲဒၣ်…

ပၢဃာ်နတၢ်ဆိကမိၣ်လၢခရံာ်အပူၤ

ဖဲ ၂၀၂၄ နံၣ် အိၣ်လၣ်ပ့း တၢ်ဂဲၤလိာ်ကွဲပြၢ (Olympics) လၢဝ့ၢ် ပဲရ့း(စ) (Paris) န့ၣ် ဒ်ညီနုာ်မၤတ့ၢ်ဝဲအသိး, ခ့ထံၣ် လဒၢးကံၣ် (Katie Ledecky) ပီၢ်ပြၢဝဲဒၣ်ထံ တဝီၤဝံၤတဝီၤ, လၢ မံထၢၣ် ၁၅၀၀ တၢ်ပီၢ်ထံ အတၢ်ပြၢလၢအတအိၣ်ဒီးတၢ်ဖီၣ်ဃံး (Freestyle race) န့ၣ်လီၤ. အဝဲပီၢ်ပြၢထံဝံၤဝဲဒၣ် တၢ်ဆၢကတီၢ်ဆိန့ၢ် ပှၤပြၢတၢ်ဖိအဂၤတဖၣ် ၁၅ မံးနံး, ဒီးလၢအသးပူၤန့ၣ် ဆိကမိၣ်ထီၣ်ဝဲဒၣ်ထဲတဂၤဧိၤန့ၣ်လီၤ. လၢတၢ်ပီၢ်ပြၢထံဖးယံာ်ဖးထီတဘျီအံၤ ဒီတကတီၢ်န့ၣ် မ့ၢ် လဒၢးကံၣ် ဆိကမိၣ်ဝဲတၢ်မနုၤလဲၣ်. လၢတၢ်ပီၢ်ပြၢထံတဘျီအံၤန့ၣ် လဒၢးကံၣ် ဒုးအိၣ်ထီၣ် တၢ်ကွဲးနီၣ်ကွဲးဃါအသီ (New Record), ဒီးဖဲအဝဲ တူၢ်လိာ်ဟံးန့ၢ် တၢ်မၤလၤကပီၤ ခိၣ်ဖးထူကဘျၣ်ဝံၤ, တကီၢ်ခါန့ၣ် ပိာ်ထွဲထီၣ်အခံဒီးတၢ်သံကွၢ်စံးဆၢအကတီၢ်န့ၣ် လဒၢးကံၣ် စံးဝဲဒၣ်လၢ တၢ်ပီၢ်ပြၢထံအကတီၢ်န့ၣ် ဆိကမိၣ်ဝဲအတံၤသကိးတဖၣ်လၢ အမၤလိပီၢ်သကိးထံတဖၣ်အမံၤန့ၣ်လီၤ.

တၢ်ကဘၣ်ပညိၣ်ပာ်ဖှိၣ် သးအတၢ်ဆိကမိၣ်အဂ့ၤအဘၣ်န့ၣ် တမ့ၢ်ဝဲဒၣ်ထဲလၢ ပှၤပီၢ်ထံတၢ်ဒ့ၣ်စၢၤအယံၤတဖၣ်န့ၣ်ဘၣ်. ဒ်ပမ့ၢ်ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ်စ့ၢ်ကီး,…

သးဝံၣ်ပာ်ဖျါ တၢ်သူၣ်အုးသးအုးဆူ ကစၢ်ယွၤ

လၢတၢ်သးဃံၢ်ဃူအဲၣ်ဒိးသ့ၣ်ညါတၢ်အပူၤ, ယလဲၤကွၢ် တၢ်ဒုးနဲၣ် တၢ်သ့ၣ်နီၣ်ထီၣ် ၉/၁၁ အတၢ်သူၣ်အုးသးအုးအဂီၢ်, တၢ်ကွၢ်ကီလီၢ် အတၢ်သူၣ်ထီၣ်လၢ ဝ့ၢ်နယူယီး (New York) ဘၣ်ဆၣ်, ယသးပူၤတၢ်လၢယတူၣ်ဘၣ်ခီၣ်ဘၣ်တဖၣ်န့ၣ် ယပၢၤဃာ်ယဲဒၣ်န့ၣ်လီၤ. ယတၢ်ပၢၤသူၣ်ပၢၤသးန့ၣ် ဆီတလဲအသး ဖဲယနုာ်လီၤဆူ တၢ်ဒုးနဲၣ် အဒၢးလၢ အဘၣ်တၢ်ပာ်တဒၢအီၤလၢ ပှၤဘၣ်မူဘၣ်ဒါတဖၣ် ဒ်သိးပှၤဖိသၣ်တဖၣ်, ဒီးပှၤလၢအတအဲၣ်ဒိးထံၣ် တၢ်သူၣ်အုးသးအုးအဂ့ၢ်တဖၣ် အသုတထံၣ်ဘၣ် တၢ်ဂီၤတဖၣ် လၢအမၤဘၣ်ဒိဘၣ်ထံပှၤသူၣ်ပှၤသးအဂီၢ်န့ၣ်လီၤ. ဒ်ယထံၣ်ဘၣ်တၢ်ဂ့ၢ်တမံၤဘၣ်တမံၤ, လၢအမၤဘၣ်ဒိပသး, ဒီးတၢ်လီၤမၢ်တဖၣ်ဝံၤန့ၣ်ဒီး, တၢ်သူၣ်အုးသးအုး အလပီတဖၣ် အိၣ်ဟဲထီၣ်ဝဲဒၣ် လၢယသးပူၤန့ၣ်လီၤ.

ဖဲပထံၣ်ဘၣ် (မ့) ဖဲပသ့ၣ်နီၣ် တၢ်မၤဟးဂီၤ, ဒီးတၢ်ဘၣ်ဒိဆါ ဒ်သိးအံၤတဖၣ်န့ၣ်ဒီး, ပနုာ်လီၤပာ်ဖှိၣ်လိာ်ပသးဒီးပှၤလၢအဟီၣ်ကိးပာ်ဖျါထီၣ် တၢ်သူၣ်အုးသးအုးတဖၣ်ဆူ ယွၤအအိၣ်သ့ဝဲဒၣ်န့ၣ်လီၤ. တၢ်ပာ်ဖျါအံၤပာ်ဃုာ်ဒီး တၢ်သူၣ်ကိၢ်သးဂီၤ အတၢ်ကတိၤ ဆူၣ်ဆူၣ်ကိၤကိၤတဖၣ် ဖျါဖဲလံာ်သးသယုၢ်တၢ်အပူၤ, ဒီးယွၤဂ့ၢ်ပီညါ အပှၤသ့လံာ်သ့လဲၢ်တဖၣ် နာ်ဝဲဒၣ်လၢ ဝံယံးရမံယၤ ကွဲးတ့ၢ်ဝဲလံာ်တဘ့ၣ်အံၤ, ဖဲဝ့ၢ် ယရူၤရှလ့ၣ် ဘၣ်တၢ်မၤဟးဂီၤဝံၤအလီၢ်ခံန့ၣ်လီၤ. ထါတယုၢ်အံၤ ဘၣ်တၢ်ကွဲးအီၤလၢ က့ၢ်ဂီၤဂ့ၤဂ့ၤဘၣ်ဘၣ်, ဒီး…

ဂံၢ်ဘါတအိၣ်ဘၣ်ဆၣ် ဃ့ထုကဖၣ်တၢ်ထီဘိ

အဲၣ်နံတၣ် ဘ့လ့ၣ် (Anita Bailey) တဂၤ ဖဲအဒိးန့ၢ်ဝဲ အဖိခွါ ဂျ့လဲၣ် (Jalen) အဂ့ၢ်တၢ်ကစီၣ် လၢတၢ်ရ့လိာ်မုာ်လိာ် ပှာ်ပျးစဲအပူၤ, “တနံၤအံၤ, လၢတၢ်ဘါ သရိာ်န့ၣ် ယဘၣ်သဂၢၢ်တူၢ်လိာ်မုာ် ပှၤဟဲထီၣ်ဘါယွၤတဖၣ်အကတီၢ်, ပိာ်ခွါ သးစၢ် လၢအစိာ်ဖိသၣ်တဂၤ ဟဲဆူယအိၣ်, ဒီးဖိးဟုဃာ်ယၤန့ၣ်လီၤ. ယကွၢ်အီၤတစိၤဖိဝံၤ, ယသ့ၣ်ညါနီၣ်အီၤအဃိ, ယစံးယဲလၢ, ဂျ့လဲၣ် ဧၢ, ပဖိးဟုလိာ်ပသး, ဒီးကတိၤသကိးတၢ်ဖုၣ်ကိာ်န့ၣ်လီၤ. မ့ၢ်ဝဲသးစၢ်လၢ အိၣ်မူအိၣ်ဂဲၤဂ့ၤဂ့ၤဘၣ်ဘၣ်တဂၤလီၤ” န့ၣ်ဒီး, အသးမုာ်ထီၣ်ဝဲဒၣ်န့ၣ်လီၤ. ပှၤသဂၢၢ်တူၢ်လိာ်မုာ်တၢ်တဂၤအံၤ သ့ၣ်ညါတ့ၢ်ဝဲ “ဂျ့လၣ်” လၢအတဒိကနၣ်, ပူထီၣ်တၢ်အကတီၢ်, ဃုထၢကျဲလၢ အတဂ့ၤတဘၣ်, ဒီးလၢအဂီၢ် တၢ်အစၢပိာ်ထွဲထီၣ်အခံန့ၣ် မ့ၢ်ဝဲဒၣ်, ဘၣ်လီၤဝဲဒၣ်ဃိာ် (၁၂) နံၣ်အဃိ, ဒ်သိးကမၤစၢၤ အဖိခွါအဂီၢ်, အဲၣ်နံတၣ်ဒီးအဝၤ, အဲး(ဒ) (Ed) န့ၣ် အသးကလၢၢ်ဘၣ်ဝဲ ဒ်အဂံၢ်အဘါတအိၣ်လၢၤဘၣ်န့ၣ်လီၤ.

ဘ့လ့ၣ် အနီၣ်ဒီမိၤဝၤခံဂၤ, အသးကလၢၢ်ဘၣ်ဝဲ ဒ်အစုကတၢၢ်ခီၣ်ကတၢၢ် အသိးဘၣ်ဆၣ်, တမ့ၢ်လၢအတအိၣ်ဒီးတၢ်ဃ့ထုကဖၣ်တၢ်ဘၣ်.…

ကစၢ်ယ့ၣ်ရှူးအဂီၢ် တမဲာ်ဆှးယဲဘၣ်

မ့ၢ်လၢအတၢ်စူၢ်တၢ်နာ် ကစၢ်ယ့ၣ်ရှူးအဂၢၢ်အကျၢၤအဃိ, ပှၤအၤဖြံၤကၤဖိ ပှၤစိာ်တၢ်သးခုကစီၣ်, ပှၤလၢအမံၤ တဘၣ်တၢ်ပာ်ပနီၣ်အီၤတဂၤ, တချုးတၢ်မၤသံအီၤ ဒ်မၤထူရၤတဂၤအသိးန့ၣ်, ကွဲးတ့ၢ်ဝဲ “မၢ်ထူရၤတဂၤ အတၢ်ထုကဖၣ်” န့ၣ်လီၤ. စိၤအဂၤတစိၤ အတၢ်ကစီၣ် အဒိၣ်အယိာ်တမံၤအံၤ ဘၣ်တၢ်သ့ၣ်ညါအီၤလၢ “တၢ်ရ့လိာ်မုာ်လိာ်လၢ တၢ်မဲာ်ဆှးအလီၢ်တအိၣ်” (The Fellowship of the Unashamed) န့ၣ်လီၤ. တၢ်အိၣ်ဖှိၣ်သရၣ်တဂၤအံၤ အတၢ်ကတိၤတဖၣ်န့ၣ် တၤဝဲဒၣ် ပှၤလၢအစူၢ်က့ၤနာ်က့ၤ ကစၢ်ယ့ၣ်ရှူးတဖၣ်ခဲလၢာ်န့ၣ်လီၤ. တၢ်တၤတမံၤလၢ အဒုးနၢ်ဟူထီၣ်က့ၤပှၤ တၢ်မၤဖိ စီၤပီလူး အတၢ်ကတိၤတဖၣ်, ဖျါဖဲ ၂တံၤ ၁:၈ အပူၤ, ကွဲးဆှၢလီၤဝဲဒၣ်ဆူ အတံၤသကိးသးစၢ် စီၤတံၤမသ့းအအိၣ်, ဒီးစံးဝဲဒၣ် “တၢ်အုၣ်အသးဘၣ်ဃးဒီး ပကစၢ်မ့ၢ်ဂ့ၤ နသုတမဲာ်ဆှးတဂ့ၤ” န့ၣ်လီၤ. အဂ့ၢ်ဒ်အံၤ, သးစီဆှံ ဟ့ၣ်ပှၤလၢ “ပသးဘၣ်ဃးဒီးတၢ်စီတၢ်ကမီၤ, ဒီးတၢ်အဲၣ်တၢ်ကွံ, ဒီးတၢ်သူၣ်ဂၢၢ်သးကျၢၤ” (:၇) အဃိန့ၣ်လီၤ.

ဖဲအံၤ, အၤဖြံၤကၤ တၢ်အိၣ်ဖှိၣ်သရၣ် လၢအအိၣ်တီအိၣ်လိၤဝဲဒီးယွၤတဂၤန့ၣ် ကွဲးပာ်ဖျါဝဲ, “ယမ့ၢ်ပှၤလၢအဘၣ်ထွဲဒီးတၢ်ရ့လိာ်မုာ်လိာ်လၢ…

တၢ်ဟံးဃာ်ဖိးဟုဃာ် ခရံာ်အတၢ်မ့ၢ်တၢ်တီ

ဖဲယတံၤသကိး ခီနၢၣ် (Connor) ဒိဝဲတၢ်ဂီၤ လၢအခဲမရၣ်လီၢ်လံၤအကတီၢ်, ဒ်သိးကဒိးန့ၢ်တၢ်ကပီၤ, တၢ်မၤဆှဲ တၢ်မဲာ်သူမဲာ်ဂီၤ, ဒီးတၢ်ထူးစီကွံာ် တၢ်လၢပကွၢ်တမုာ်တလၤတဖၣ်အဂီၢ်န့ၣ် တမၤတံာ်တာ်အသးဘၣ်. အတၢ်ဂီၤတဖၣ် လိၣ်ဘၣ်ဝဲလၢ တၢ်ကဘှီဂ့ၤမၤဂ့ၤထီၣ်ဝဲဒၣ်န့ၣ်လီၤ. လၢယတၢ်ရ့လိာ်မုာ်လိာ် ပှာ်ဘျးစဲအလိၤန့ၣ် အတၢ်ဂီၤတဖၣ်ဖျါလီၤဆီဝဲဒၣ်လၢ ပှၤကညီလၢအဒိၣ်တၢ်ဂ့ၤ, ဒီးတၢ်လီၢ်တၢ်ကျဲ အဃံအလၤအဂီၤတဖၣ်လၢ ဘၣ်တၢ်ဘှီဂ့ၤမၤဂ့ၤအီၤတဖၣ်အကျါန့ၣ်လီၤ. ခီနၢၣ် အတၢ်ဂီၤတဖၣ် တမ့ၢ်ဝဲဒၣ် ဒ်ညီနုၢ်ပှၤဒိအီၤအသိးဘၣ်ဆၣ်, မ့ၢ်လၢ တၢ်ဂီၤတဖၣ် ပာ်ဖျါထီၣ် အတၢ်မ့ၢ်တၢ်နီၢ်နီၢ်အဃိ, အတၢ်ဂီၤတဖၣ်န့ၣ် ဖျါဂ့ၤဝဲဒၣ်န့ၣ်လီၤ.

ပဝဲကိးဂၤဒဲး, ပသးဆၢမိၣ်န့ၢ် တၢ်လၢအမ့ၢ်တၢ်နီၢ်နီၢ်န့ၣ်လီၤ. ဘၣ်ဆၣ်, ဘၣ်တဘျီဘျီန့ၣ် တၢ်အမ့ၢ်အတီတဖၣ် တထုးန့ၢ်ဝဲဒၣ်ပသးဘၣ်န့ၣ်လီၤ. ဘူးထီၣ်လၢ ကစၢ်ယ့ၣ်ရှူး ကဘၣ်သံဝဲန့ၣ်, ဘိးဘၣ်သ့ၣ်ညါဝဲဒၣ်, “ယမ့ၢ်....တၢ်မ့ၢ်တၢ်တီ” (ယိၤ ၁၄:၆) န့ၣ်လီၤ. အပျဲၢ်အဘီၣ်တဖၣ် အဲၣ်ဒိးသ့ၣ်ညါဝဲလၢ ကလဲၤနုာ်လီၤဘၣ်ဝဲဆူ တၢ်လၢ ကစၢ်ယ့ၣ်ရှူး ဆၢမုၢ်လၢ်ပာ်ဖျါဝဲ, ဆူပၢ်အဟံၣ်ဒ်လဲၣ် (:၂-၃) န့ၣ်လီၤ. ကစၢ်ယ့ၣ်ရှူး လၢအဂဲၤဆၢထၢၣ်သမူထီၣ်က့ၤ, လၢအဝဲသ့ၣ် အမဲာ်ညါတဂၤ, မ့ၢ်တၢ်စံးဆၢလီၤန့ၣ်…

သန့ၤသးလၢယွၤ

ယကွၢ်ယလံၤမုၣ်ဖိ လ့လၣ်နံၣ် (Leilani), အသးအိၣ်ဒံးဒၣ် ခံလါဘျဲၣ်ဖိန့ၣ် ယစံးဘၣ်အီၤလၢ "နက့ၢ်ဂီၤဖျါထံဆးဒိၣ်မး" န့ၣ်လီၤ. ဖဲယကတိၤတၢ်ဒီးအီၤအကတီၢ်, အဝဲသွံးထီၣ်အမဲာ်တူၢ်ခိၣ်ဖိ, ဒီးကွၢ်ထံကွၢ်ဆးဝဲယမဲာ်သၣ်န့ၣ်လီၤ. ယစံးဘၣ်အီၤ “တၢ်လၢယအဲၣ်ဒိးတဲလီၤတံၢ်နၤ လၢဟီၣ်ခိၣ်ချၢအံၤ နကဘၣ်သ့ၣ်ညါလၢ နမိမိၢ်အဲၣ်နၤ, နပါပၢ်အဲၣ်နၤ, ဖံဖံ, ဒီးဖုဖုစ့ၢ်ကီးအဲၣ်နၤန့ၣ်လီၤ. ကယဲၢ်တၢ်အဂ့ၤကတၢၢ်တဖၣ်အကျါတမံၤန့ၣ်, ကစၢ်ယ့ၣ်ရှူးအဲၣ်နၤ, ဒီးတၢ်တမံၤအံၤ မ့ၢ်တၢ်အကါဒိၣ်ကတၢၢ်န့ၣ်လီၤ.

ဒ်တၢ်အၢၣ်ပျဲမုၢ်အတၢ်ကပီၤ လဲၤခီအီၤအသိး, တၢ်မၤအသးန့ၣ် အမဲာ်တူၢ်ဖိလၢအသွံးထီၣ်ဝဲန့ၣ် ဟါမၢ်ကွံာ်, ဒီးတၢ်နံၤကမှံၤလၢအမဲာ်သၣ်ဖိန့ၣ် မၤပှံၢ်လီၤ ယသးဒီဖျၢၣ်န့ၣ်လီၤ. ဒ်ဖံဖုအဂၤတဖၣ်အသိး ယအဲၣ်ဒိးနာ်ယဲလၢ ယလံၤမုၣ်ဖိ ကနၢ်ပၢၢ်ယၤန့ၣ် ကမ့ၢ်ဝဲယတၢ်စံးကတိၤကါတၢ်န့ၣ်လီၤ. ဘၣ်ဆၣ်, တၢ်သးခုလၢယတၢ်ကတိၤတဖၣ်အပူၤန့ၣ် ဖျါလၢအသ့ၣ်ညါဝဲသ့ၣ်သ့ၣ်န့ၣ်လီၤ. အတၢ်နံၤကမှံၤကဆှီဒီဖိ, လၢအတအိၣ်ဒီးတၢ်သရူးကမၣ်, အိၣ်ဖျါကပီၤထီၣ်လၢအမဲာ်သၣ်ဖိန့ၣ် ဒုးသ့ၣ်နီၣ်ထီၣ်ယၤ ကစၢ်ယ့ၣ်ရှူး စံးကတိၤဝဲလၢ မၢ် ၁၀:၁၅ အပူၤ, “ပကဘၣ် ဒိးန့ၢ်ယွၤအဘီအမုၢ်ဒ်ဖိသၣ်အသိး” န့ၣ်လီၤ.

ကစၢ်ယ့ၣ်ရှူး စံးဝဲဒၣ် တၢ်ကတိၤတဖၣ်အံၤ ဖဲ “ပှၤဟဲစိာ်ဖိသၣ်တဖၣ်” ဆူအအိၣ်, ဒ်သိး “ကပာ်အစုလၢအလိၤ” ဒီးကဆိၣ်ဂ့ၤဝဲဖိသၣ်တဖၣ်…

မ့ၢ်လၢ အသ့ၣ်ညါယွၤအတၢ်တီတၢ်လိၤ

တၢ်ကစီၣ်န့ၣ် လီၤပျံၤလီၤဖုးဒိၣ်မးန့ၣ်လီၤ. ပှၤမၤစၢၤ ဟံၣ်ဃီအတၢ်ဖံးတၢ်မၤတဂၤလၢအလဲၤမၤတၢ်အဟံၣ်, ဟံၣ်ဖိဃီဖိတဖၣ်မၤအၢမၤနးအီၤအဃိ, သံဝဲဒၣ်န့ၣ်လီၤ. အကတၢၢ်န့ၣ် ဟံၣ်ကစၢ်တဖၣ် ဘၣ်လီၤဝဲဒၣ်ဃိာ်ဘၣ်ဆၣ်, ယသးကလၢၢ်ဘၣ်ယဲလၢ တၢ်အံၤတလၢပှဲၤဒံးဘၣ်န့ၣ်လီၤ. ဒ်ပိာ်မုၣ်ဖိအံၤ ဘၣ်လဲၤခီဖျိဝဲအသိး, ဟံၣ်ကစၢ် တဖၣ်ကြၢးတူၢ်ဘၣ် တၢ်နးတၢ်ဖှီၣ်, ဒီးကြၢးသံဝဲန့ၣ်လီၤ. တၢ်အံၤမ့ၢ်ဒၣ် ယတၢ်ဆိကမိၣ်န့ၣ်လီၤ. ဝံၤန့ၣ်ဒီး, ယဆိကမိၣ်ထီၣ်က့ၤဝဲလၢ ယသးဒိၣ်ထီၣ်တၢ်အံၤ မ့ၢ်အလဲၤတလဲၤကွံာ် တၢ်အဆၢလံဧါ. ယဆိကမိၣ်တၢ်ဒ်သိးအံၤအဃိ, မ့ၢ်ကမၣ်လၢာ်လံဧၣ်.

ယဖးထါစံးထီၣ်ပတြၢၤ ၁၀၉ ဟ့ၣ်ထီၣ်ယၤ သးအတၢ်ထံၣ်ဆိကမိၣ်လၢပှၤကညီ အန့ဆၢၣ်, သးလၢအသ့ၣ်ညါတၢ်တီတၢ်လိၤန့ၣ်လီၤ. စီၤဒၤဝံး, မ့ၢ်ပှၤလၢအဘၣ်ဂဲၤလိာ် သးဒီးအတၢ်သူၣ်ဒိၣ်သးဒိၣ် ပှၤမၤနးမၤဖှီၣ် ပှၤဖှီၣ်ဖိယာ်ဖိ, ဒီးပှၤတအိၣ်လၢအိၣ်ပှဲၤတဖၣ်န့ၣ်လီၤ. ၁၀၉:၈-၉ န့ၣ် စီၤဒၤဝံး ဆိၣ်အၢဝဲဒၣ်လၢ “မ်အနံၤအသီ အိၣ်စှၤဝဲတက့ၢ်... မ်အဖိတဖၣ် ကဲထီၣ်ပှၤဖိၣ်ဃဲ, ဒီးအမါလၢ ပှၤမုၣ်ကမဲတက့ၢ်,” န့ၣ်လီၤ.

ဘၣ်ဆၣ်, စီၤပၤစီၤဒၤဝံး အိၣ်ဒီးအစိကမီၤ, လၢကဟ့ၣ်ကၣ်တၢ်အဂီၢ်ဒၣ်လဲာ်, တဟ့ၣ်ကၣ်ဝဲ ပှၤမၤအၢတၢ်ဖိတဖၣ်န့ၣ်ဘၣ်. လၢတၢ်အံၤအလီၢ်န့ၣ်, စီၤဒၤဝံး ဃာ်အသးဆူ ယွၤအအိၣ်, လၢအမ့ၢ်…

တၢ်သဘျ့လၢ ယွၤကတဲာ်ကတီၤန့ၢ်ပှၤ

ပှၤကူၣ်သ့ လၢအတ့ဟီၣ်ခိၣ်မဲာ်သၣ်က့ၢ်ဂီၤတဖု, ဃုသ့ၣ်ညါဝဲလၢ ဖဲတၢ်တ့ဒုးအိၣ်ထီၣ် တီၤဘျီကၠိတၢ်လိာ်ကွဲလီၢ်အဒူၣ်အဆၢန့ၣ်ဒီး, တၢ်ဘၣ်ဒိဘၣ်ထံးအစၢမနုၤတမံၤ ကပိာ်ထွဲထီၣ်အခံလဲၣ်န့ၣ်လီၤ. တၢ်လိာ်ကွဲလီၢ်လၢ တၢ်အဒူၣ်တအိၣ်ဒံးဘၣ်န့ၣ်, ကၠိဖိဖိသၣ်တဖၣ် ဂဲၤလိာ်ကွဲဝဲလၢ ကၠိအတၢ်သူၣ်ထီၣ်, ဒီးကၠိသရၣ်/သရၣ်မုၣ်တဖၣ်အကပၤ, ဒီးတဃ့ၢ်ဟးဖျိးဆူ တၢ်လီၢ်အဂၤဘၣ်န့ၣ်လီၤ. ဘၣ်ဆၣ်, တၢ်လိာ်ကွဲလီၢ်န့ၣ် မ့ၢ်အိၣ်ဝဲဒီးတၢ်အဒူၣ်န့ၣ်ဒီး, ပှၤဖိသၣ်ကၠိဖိတဖၣ် ကမုာ်လၤသးခုလိာ်ကွဲဘၣ်ဝဲလၢ ကရၢၢ်အတၢ်ဒူၣ်အပူၤ, လၢတၢ်လီၢ်ကိးပူၤဒဲးန့ၣ်လီၤ. ပှၤဃုသ့ၣ်ညါတၢ်တဖၣ်အံၤ ထုးထီၣ်ဝဲဒၣ်တၢ်အစၢလၢ တၢ်ဒူၣ်တဖၣ် ကဒုးအိၣ်အါထီၣ် သးအတၢ်သဘျ့လၢ ကၠိဖိတဖၣ်အဂီၢ်န့ၣ်လီၤ. ဖျါလၢတၢ်ထံၣ်အံၤ ထီဒါလိာ်အသးဒီးပှၤအါဒံအါဂၤ ထံၣ်သ့ၣ်ညါတ့ၢ်ဝဲလၢ, တၢ်အဒူၣ်တဖၣ် မၤဃံးမၤအံၣ် ပတၢ်သးခုန့ၣ်လီၤ. ဘၣ်ဆၣ်, တၢ်အဒူၣ်အဆၢတဖၣ်န့ၣ် ဒုးအိၣ်ထီၣ် တၢ်သဘျ့သ့ဝဲဒၣ်န့ၣ်လီၤ.

တၢ်အဒူၣ်အဆၢလၢ ယွၤကတဲာ်ကတီၤန့ၢ်ပှၤတဖၣ်အပူၤန့ၣ် နဲၣ်ဖျါတ့ၢ်ဝဲတၢ်သဘျ့န့ၣ်လီၤ. ဖဲကစၢ်ယွၤ ဟ့ၣ်လီၤဝဲ တၢ်မၤလိာ် အထံၣ်တဆံဆူ ပှၤအံၣ်စရ့လးဖိတဖၣ်န့ၣ်, အဝဲသ့ၣ်မ့ၢ်အိၣ်မူဝဲလၢ အတၢ်မၤလိာ်အပူၤန့ၣ်ဒီး, ကစၢ်ယွၤ အၢၣ်လီၤဝဲ “တၢ်အိၣ်မူ အဘီၣ်အညီ” န့ၣ်လီၤ. ၅မိၤ ၅:၃၃ ပာ်ဖျါဝဲ “သုဘၣ်လဲၤပိာ်ကယဲၢ်အကျဲလၢယွၤသုကစၢ်မၤလိာ်သုခဲလၢာ်, ဒ်သိးသုကမူ, ဒီးတၢ်ကဂ့ၤထီၣ်လၢသုဂီၢ်, ဒီးသုကထုးထီထီၣ်…

ယွၤအတၢ်မၢလီၤပှၤ လၢကစၢ်ခရံာ်အပူၤ

ဖဲတၢ်ဟ့ၣ်လီၤ ကၠ့နံၣ် ဟ့း(စ)လီး (Ginnie Hislop) လၢ မံၤလၤဒိၣ်စိတီၤဒိၣ် အလံာ်အုၣ်သး (Master Degree Diploma) ဒိးန့ၢ်ဝဲဒၣ် ကမျၢၢ်အတၢ်ဟ့ၣ်ဂံၢ်ဟ့ၣ်ဘါ ကိးပသူကိးပသီ, ဖဲ ၂၀၂၄ နံၣ်န့ၣ်လီၤ. ဘၣ်မနုၤအဃိလဲၣ်. ဒ်သိးကမၤဝံၤဝဲတၢ်မၤလိအံၤအဂီၢ်, မ့ၢ်လၢတၢ်ဆၢကတီၢ်ယံာ်ဝဲဒၣ် ၈၄ နံၣ်အဃိန့ၣ်လီၤ. ဖဲ ၁၉၄၁ နံၣ်န့ၣ်, ဒ်သိးကမၤဝံၤ အတၢ်မၤလိအဂီၢ် လိၣ်ဝဲဒၣ်ထဲ ကဘၣ်တီၢ်ထီၣ် တၢ်ကွဲးဃိထံ (thesis) န့ၣ်လီၤ. ဘၣ်ဆၣ်, အတၢ်အဲၣ်တီ ကၠီး (George) တဂၤ ထံကီၢ်လိၣ်ဘၣ်အီၤ သတူၢ်ကလာ်, ဒီးကဘၣ်လဲၤ ဟီၣ်ခိၣ်ဒီဘ့ၣ် တၢ်ဒုးတၢ်ယၤဖးဒိၣ် ခံဘျီတဘျီအဂီၢ်န့ၣ်လီၤ. အဝဲသ့ၣ်ခံဂၤ ဒိးတ့ဒိးဖျီအသးအဆိအချ့, ဒီးလဲၤဝဲဆူ အဝၤအတၢ်မၤလီၢ်, ပှၤသုးဖိတဖၣ်အိၣ်ဆိးတၢ်အလီၢ်အကျဲ, ဒီးဘၣ်ပာ်လီၤတဲာ်တ့ၢ် ကၠ့နံၣ် အတၢ်မၤလိ, တချုးလၢအမၤဝံၤဝဲဒၣ်န့ၣ်လီၤ. ဘၣ်ဆၣ်, တၢ်ဆိကတီၢ် အတၢ်မၤလိဖးယံာ်ဖးထီအံၤ ဝံၤအလီၢ်ခံန့ၣ် ကၠ့နံၣ် မၤဝံၤမၤလၢပှဲၤဝဲဒၣ် တၢ်လၢအစးထီၣ်မၤတ့ၢ်ဝဲတမံၤန့ၣ်လီၤ.

စီၤဧ့စြၤ…