ဖဲ ၁၉၃၀ နံၣ်အခီၣ်ထံးတဖၣ်အပူၤန့ၣ်, ကလံယိၣ် မဲးဘ့းခၢၣ် (Cleo McVicker) တ့ဒုးအိၣ်ထီၣ် ပိးလီတမံၤလၢ တၢ်မၤကဆှီ တၢ်ဒူၣ်စးခိ (Wallpaper) န့ၣ်လီၤ. လၢအပူၤကွံာ်, ဟံၣ်တဖၣ်အါတက့ၢ်န့ၣ် ဘၣ်တၢ်မၤကိၢ်မၤလၢၤအီၤလၢ လၢၢ်သွဲၣ်လးအဃိ, သပှ့ၤမူၣ်သူ လုာ်ဘၢကျၢၢ်ဘၢဝဲ ဟံၣ်အဒူၣ်ဂီၤပၤတဖၣ်ဒိၣ်မးန့ၣ်လီၤ. လၢတၢ်ဒူၣ်စးခိအလိၤန့ၣ်, တၢ်မ့ၢ်ထူးတြူာ် ပိးလီဖိလၢ ကလံယိၣ် တ့ဒုးအိၣ်ထီၣ်အီၤန့ၣ်, ကမၤစီကွံာ်တၢ်ဘၣ်အၢဘၣ်သီတဖၣ်န့ၣ်လီၤ. ပိးလီဖိလၢ တၢ်မၤကဆှီ ဟံၣ်အဒူၣ်ဂီၤပၤတဖၣ်အံၤ, အမံၤတဟူထီၣ် သါလီၤနီတဘျီဘၣ်ဆၣ်, တုၤနံၣ်လၢအဆံတဖၣ်လဲၤပူၤကွံာ်ဝံၤ, လၢတၢ်ကယၢကယဲ မၤဃံမၤလၤ ခရံာ်အိၣ်ဖျၢၣ်အမူးအဂီၢ်, သရၣ်မုၣ်တဂၤ စူးကါဝဲ တၢ်မၤကဆှီ ဟံၣ်အဒူၣ်ဂီၤပၤ အပိးလီဖိလၢ ကလံယိၣ် တ့ဒုးအိၣ်ထီၣ်ဝဲန့ၣ်လီၤ. စးထီၣ်ဖဲန့ၣ်, ရ့ဘိ ခရး(စ) (Rainbow Crafts) ခီပနံၣ်အသီ ဟဲအိၣ်ထီၣ်, ဒီးတၢ်ဆီတလဲစူးကါက့ၤ တၢ်မၤကဆှီ ဟံၣ်အဒူၣ်ဂီၤပၤ အပိးလီအံၤ ဒ်ဖိသၣ်အတၢ်လိာ်ကွဲ “ဖလ့ဒိၣ်” (Play- Doh) န့ၣ်လီၤ.

လၢတၢ်ဆီတလဲစူးကါက့ၤ ပှၤကညီတဖၣ်အဂီၢ်, ကစၢ်ယွၤ အိၣ်ဒီးအကျိၤအကျဲန့ၣ် ဒိၣ်န့ၢ်ထီန့ၢ်ဒံး တၢ်မၤအသးလၢထးန့ၣ်လီၤ. လံာ်စီဆှံအပူၤ, စီၤယိၤသးဒီးအဆ့ကၤဖိလၢအိၣ်ဒီးအလွဲၢ်ဃံလၤအဂ့ၢ်န့ၣ် ပသ့ၣ်ညါဝဲဒၣ်န့ၣ်လီၤ. လၢအသးစၢ်လံၤလံၤန့ၣ်, အဝဲမ့ၢ်ပှၤကွၢ်သိတဂၤ, ဒီးအဒီပုၢ်ဝဲၢ်တဖၣ် ဆါလီၤအီၤ ဒ်ကုၢ်အသိးန့ၣ်လီၤ. ဘၣ်ဆၣ် ကစၢ်ယွၤ ဒုးလဲၤခီဖျိ စီၤယိၤသးလၢ တၢ်ကီတၢ်ခဲဖးဒိၣ်တဖၣ်, စိာ်ထီၣ်အီၤဆူ တၢ်ပၢတၢ်ပြး အလီၢ်အလၤအဒိၣ်အထီန့ၣ်လီၤ. အကတၢၢ်န့ၣ်, စီၤယိၤသး ကဲထီၣ်ဝဲဒၣ် “တၢ်ဆီတလဲစူးကါက့ၤအီၤ,” ဒ် “ကီၢ်အဲၤကူပတူး ဒီဘ့ၣ်အစီၤပၤ” (၁ မိၤ ၄၅:၂၆) န့ၣ်လီၤ. ဘၣ်ဆၣ်, ကစၢ်ယွၤ အတၢ်ကိး စီၤယိၤသးန့ၣ် တဘၣ်ထွဲဒီးတၢ်စိတၢ်ကမီၤအဂ့ၢ်ဘၣ်, မ့မ့ၢ်လၢ ကစၢ်ယွၤအတၢ်ဘျုးတၢ်ဖှိၣ်အဃိ, တၢ်တမံၤလၢ စီၤယိၤသး မၤဘျုးအါထီၣ်ဝဲဒၣ်ဆူ အဒီပုၢ်ဝဲၢ်တဖၣ်, ခီဖျိလၢအဝဲပျၢ် အဒီပုၢ်ဝဲၢ်တဖၣ် အတၢ်ကမၣ် (:၁၅) န့ၣ်လီၤ.

ပမ့ၢ်စံးလၢ ကျဲအဂၤတဘိန့ၣ်ဒီး, ပဝဲခဲလၢာ်, ပမ့ၢ်ဒၣ် “တၢ်မၤလၢအတကဲထီၣ်လိၣ်ထီၣ်” တဖၣ်န့ၣ်လီၤ. ခီဖျိလၢ ကစၢ်ယ့ၣ်ရှူး, “ဖိခွါတဂၤအဘျုးအဖှိၣ်” အဃိန့ၣ်, ကစၢ်ယွၤ ဆီတလဲစူးကါက့ၤပှၤ လၢတၢ်ဂ့ၢ်အဒိၣ်အထီတဖၣ်အဂီၢ်န့ၣ်လီၤ. တနံၤအံၤ, လၢနတၢ်အိၣ်မူအပူၤ, ကွၢ်ထံဆိကမိၣ်နဲ ယွၤအတၢ်ပညိၣ် အဒိၣ်အထီလၢနဂီၢ်, ဒီးလၢတၢ်ယူာ်ဃီၤမၤလဲၢ်ထီၣ် ကစၢ်ယွၤအဘျုးအဖှိၣ်ဆူ ပှၤဂုၤပှၤဂၤအအိၣ်, ဒ်ကစၢ်ခရံာ် မၤတ့ၢ်ဝဲလၢပဂီၢ်အသိး, သ့ၣ်နီၣ်မၤနဲန့ၣ်တက့ၢ်.