ဒုးကပီၤထီၣ်တၢ်ကပီၤ

ဟံၣ်ဒွဲ(hotel)လၢၦၤတမှံၤအိၣ်ဆိး, အိၣ်ဘှံးအိၣ်သါအလီၢ်တဖျၢၣ်န့ၣ် လၢမုၢ်နၤတၢ်ခံးကျါအိၣ်ဝဲဒၣ်ထဲတဖျၢၣ်ဧိၤန့ၣ် ဒီးအကပိၥ်ကပၤ တၢ်မနုၤမးတအိၣ်ဝဲဒၣ်ဘၣ်. ထဲဒၣ်တၢ်သူၣ်ထီၣ် အပဲတြီအကပၤ မ့ၣ်အူဒၢအတၢ်ကပီၤ အိၣ်ဖျါဝဲဒၣ်န့ၣ်လီၤ. မ့ၣ်အူအတၢ်ကပီၤဖိန့ၣ် အိၣ်ဝဲလၢလၢၦဲၤၦဲၤ ဒ်သိးၦၤတမှံၤသ့ၣ်တဖၣ် မ့ၢ်သးအိၣ်ဟဲနုၥ်လီၤဆူ တၢ်သူၣ်ထီၣ်အပူၤ ကသ့ဝဲအဂီၢ်န့ၣ်လီၤ. တၢ်ကွဲးအသးလၢ အဘိးဘၣ်သ့ၣ်ညါ ၦၤတမှံလၢကဟဲအိၣ်ဆိး, အိၣ်ဘှံးအိၣ်သါအဂီၢ်မ့ၢ်ဝဲ “ပအိးထီၣ်တၢ်ကပီၤလၢသုဂီၢ်” န့ၣ်လီၤ.

တၢ်ကပီၤဖဲပဲတြီၤအခိၣ်ဒီန့ၣ် ဒ်သိးလိၥ်သးဒီး တၢ်တူၢ်လိၥ်မုၥ်အတၢ်ပနီၣ်ဒီး ဒုးသ့ၣ်ညါၦၤလဲၤတၢ်က့ၤတၢ်ဖိ လၢအလီၤဘှံးလီၤတီၤအဂီၢ် တၢ်လီၢ်တၢ်ကျဲလၢအမုၥ်အလၤ ဒ်သိးၦၤတမှံၤ ကဟဲအိၣ်ဘှံးအဂီၢ် ဘၣ်တၢ်အိးထီၣ်န့ၣ်အီၤအဖၢမုၢ်န့ၣ်လီၤ. မ့ၣ်အူအတၢ်ကပီၤဖိအံၤန့ၣ် ကွဲမုၥ်ဘၣ်ဝဲ ၦၤလဲၤတၢ်က့ၤတၢ်ဖိ ကဟဲနုၥ်လီၤ အိၣ်ကဒု, အိၣ်ဘှံးအိၣ်သါ ဖဲမုၢ်နၤတၢ်ခံးဒီး လဲၤတၢ်က့ၤတၢ်လၢတၢ်လီၤဘှံးလီၤတီၤအဂီၢ်န့ၣ်လီၤ.

ယ့ၣ်ၡူးစံးဝဲဒၣ်လၢ ၦၤလၢအစူၢ်က့ၤနၥ်က့ၤအီၤတဂၤလၢ်လၢ်အတၢ်အိၣ်မူန့ၣ် ကဘၣ်မ့ၢ်ဝဲဒၣ် ဒ်တၢ်ကပီၤလၢအတူၢ်လိၥ်မုၥ်တၢ်အတၢ်ပနီၣ်န့ၣ်လီၤ. အဝဲစံးဝဲဒၣ် ဒ်သိးၦၤလၢအပိၥ်အခံတဖၣ်န့ၣ် “သုဝဲဒၣ်အံၤ သုမ့ၢ်ဟီၣ်ခိၣ်အကပီၤလီၤ. ဝ့ၢ်တဝ့ၢ် အိၣ်ဝဲလၢကစၢၢ်ဒီခိၣ်န့ၣ် အိၣ်တဒၢတသ့ဘၣ်” ဖျါဝဲဒၣ်ဖဲ မးသဲ ၅:၁၄ န့ၣ်လီၤ. ဒ်ပမ့ၢ် ၦၤစူၢ်က့ၤနၥ်က့ၤတၢ်ဖိတဖၣ်န့ၣ် ပကဘၣ်ဒုးကပီၤထီၣ်ဟီၣ်ခိၣ်ချၢလၢအိၣ်ဝဲလၢ တၢ်ခံးကျါန့ၣ်လီၤ.

မးသဲ ၅:၁၆ အပူၤ…

တၢ်အချံအသၣ်အဆၢကတီၢ်

ဖဲခရံၥ်နံၣ် ၁၈၇၉ နံၣ်အတီၢ်ပူၤ ကမျၢၢ်တဖၣ် ခိးကွၢ်ဝဲ ဝ့လယၢၣ်ဘဲ(William Beal) ဒ်အမ့ၢ် ၦၤအသးတထံ, ၦၤအသးတၦဲၤတဂၤန့ၣ်လီၤ. သရၣ်ဖးဒိၣ်တဂၤအံၤ ဃုမၤလိသ့ၣ်ညါနၢ်ပၢၢ် သ့ၣ်မုၢ်ဝၣ်ဘိအကလုၥ်ကလုၥ်န့ၣ် ထၢနုၥ်ဝဲ တၢ်မုၢ်တၢ်ဘိအချံကလုၥ်ကလုၥ်ဆူ ပလီအဖျၢၣ်ခံဆံအပူၤ ဒီးခူၣ်လီၤဘျၤလီၤဒၣ်လၢဟီၣ်ခိၣ်လၥ်ယိၥ်ယိၥ်အပူၤန့ၣ်လီၤ. တၢ်လၢ ကမျၢၢ်ၦၤဂီၢ်မုၢ်တဖၣ် တသ့ၣ်ညါဝဲဒၣ်န့ၣ် သရၣ်ဖးဒိၣ်အံၤန့ၣ် ဃုကွၢ်ထံမၤကွၢ် တၢ်အချံအသၣ်သ့ၣ်တဖၣ် တဟးဂီၤဝဲလၢနံၣ်ကယၤတဖၣ် အဆၢကတီၢ်မဲထီၣ်သၣ်ထီၣ် ကသ့ဝဲအဂီၢ်န့ၣ်လီၤ. အနံၣ်ခံဆံ မ့ၢ်ၦဲၤထီၣ်တဘျီ ကဘၣ်တၢ်ခူၣ်ထုးထီၣ် တၢ်ချံပလီသ့ၣ်တဖၣ် ဒီးတၢ်အချံ ဖဲလဲၣ်တခါ မ့ၢ်ကမဲထီၣ်ဝဲဒၣ်လဲၣ်န့ၣ်သူၣ်ကွၢ်ဝဲလီၤ.

ကစၢ်ယ့ၣ်ၡူးစံးကတိၤဝဲ ဘၣ်ဃးတၢ်သူၣ်လီၤတၢ်အချံအဂ့ၢ်အါမးအကျါ အဝဲပၥ်ဖျါဝဲတလီၢ်လီၢ် ခဲအံၤခဲအံၤန့ၣ် ဒ်လံၥ်မၢ်ကူး ၄:၁၅ ပၥ်ဖျါဝဲ တၢ်သူၣ်လီၤတၢ်အချံအသၣ်လၢ အလီၤဂၥ်ဒီးတၢ်ဟ့ၣ်ခီဟ့ၣ်နီၤလီၤ ကစၢ်ယွၤအကလုၢ်ကထါန့ၣ်လီၤ. ကစၢ်ယ့ၣ်ၡူးသိၣ်လိဝဲလၢ တၢ်အချံတနီၤ ဘၣ်တၢ်ဟံးထုးထီၣ်ကွံၥ်လၢ မုၣ်ကီၤလံၢ်, တနီၤလီၤလၢလၢၢ်အကျါ အဂံၢ်တစဲဘူးဒီး ဟီၣ်ခိၣ်အဃိ မဲထီၣ်ဝဲဒၣ်တစိၤတလီၢ်ဖိ, ဒီးအချံတနီၤလီၤဘၣ်လၢ တၤဆှုၣ်တၢ်မဲအကျါ ဒီးဘၣ်တၢ်တြီမၤတံၥ်တၥ်ဃၥ်လၢကမဲထီၣ်အဂီၢ်အဃိ မဲထီၣ်သၣ်ထီၣ်ဝဲ တန့ၢ်လၢၤဘၣ်န့ၣ်လီၤ. ဖဲပတၢ်ဟ့ၣ်ခီဟ့ၣ်နီၤလီၤ တၢ်သးခုကစီၣ်အဆၢကတီၢ် တၢ်သးခုအချံအသၣ် ကကဲထီၣ်မူထီၣ်အဂီၢ်န့ၣ်…

တၢ်အဲၣ်တၢ်ကွံဒီး တၢ်သန့ၤသးလၢယွၤ

စဲး(Zach)မ့ၢ်ၦၤလၢအိၣ်ဒီး မဲၥ်နံၤကမှံ, အသးဆးဒီး ဘၣ်တၢ်ဘၣ်သူၣ်ဘၣ်သးအီၤ လၢၦၤအါဂၤ န့ၣ်လီၤ. ဘၣ်ဆၣ်, လၢတၢ်ခူသူၣ်အပူၤ, အဝဲဘၣ်ဟူးဂဲၤဝဲဒီးတၢ်သးဟးဂီၤ ဖးဒိၣ်န့ၣ်လီၤ. ဖဲအဝဲကူၣ်သံလီၤသးလၢအသးအိၣ်တဆံယဲၢ်နံၣ်ဝံၤ,အဝဲအမိၢ်လၢ အမ့ၢ်, လီၣ်ရံၣ်(Lori) တဲဖျါထီၣ်အဂ့ၢ်လၢ “ၦၤဒ်သိးအီၤတဂၤ ကတုၤဆူ တၢ်အကတၢၢ်ဒ်သိးအံၤန့ၣ်, မ့ၢ်တၢ်လၢ ပနၢ်ပၢၢ် တသ့ဘၣ်န့ၣ်လီၤ. စဲး... တမ့ၢ်ၦၤလၢ အဘၣ်ဃးလၢတၢ် ကမၤသံလီၤသး န့ၣ်ဘၣ်”. တၢ်အကတီၢ်တဖၣ်အိၣ်ဝဲ လၢတၢ်ဘှ့ၣ်တၢ်ဘှီၣ်အပူၤ ဖဲလီၣ်ရံၣ်ပၥ်ထီၣ် အတၢ်သးအုးဆူကစၢ်ယွၤ အအိၣ်န့ၣ်လီၤ. အဝဲစံးဝဲလၢ, အတၢ်သးအုးယိာ်ယိာ် ဖဲတၢ်ကူၣ်သံလီၤသးအံၤအလီၢ်ခံ မ့ၢ်တၢ်သူၣ်အုးသးအုးအပတီၢ် မ့ၢ်တၢ်အပတီၢ်လၢအလီၤဆီ ဒီတခါ န့ၣ်လီၤ. ဘၣ်ဆၣ်, အဝဲဒီးအဟံၣ်ဖိဃီဖိတဖၣ်, မၤလိန့ၢ်တၢ်သန့ၤထီၣ်သး ဆူကစၢ်ယွၤအအိၣ်, ဃုၥ်ဒီးၦၤဂုၤၦၤဂၤ အတၢ်ဟ့ၣ်ဂံၢ်ဟ့ၣ်ဘါ ဒီးအခဲအံၤ, အဝဲသ့ၣ် စူးကါအတၢ်ဆၢကတီၢ်လၢ ပၥ်ဖျါထီၣ်တၢ်အဲၣ်တၢ်ကွံ ဆူၦၤဂုၤၦၤဂၤလၢအဘၣ် ကွၢ်ဆၢၣ်မဲၥ်ဒီး တၢ်သးဟးဂီၤဖးဒိၣ်န့ၣ်လီၤ.

လီၣ်ရံၣ်အမီထိၣ်မ့ၢ် “တၢ်အဲၣ်တၢ်ကွံ ဒီးတၢ်သန့ၤထီၣ်သးလၢယွၤန့ၣ်လီၤ. တၢ်ဆိကမိၣ်အံၤ မ့ၢ်စ့ၢ်ကီးတၢ်လၢ ပထံၣ်ဘၣ်အီၤလၢ လံၥ်စီဆှံအလီၢ်လံၤ အတၢ်ဂ့ၢ်လၢအမ့ၢ် လံၥ်နီၢ်ရူၤသးအပူၤန့ၣ်လီၤ. နီၢ်ရူၤသး…

တၢ်ကူၣ်ထီၣ်ဖးလီၤရဲၣ်ကျဲၤ ဒီးယွၤအတၢ်အံးထွဲကွၢ်ထွဲတၢ်

ဖဲခရံၥ်နံၣ်ခံကထိအတီၢ်ပူၤ, တၢ်မၤသကိး ပနံၣ်တၢ်ကၤဘၣ်ဃးဒီး တၢ်ငါလီၤအီၣ်တၢ်ဂီၤမူလၢအ့ထၢၣ်နဲးပှာ်ဘျးစဲ(internet)အပူၤအခါ, ကိပနံၣ်(company)လၢဒိၣ်ထီၣ်သီတခါ အဲၣ်ဒိးဆါဝဲအကိပနံၣ်ဆူ ဘလီးဘးစထၣ်(Blockbuster), (ကိပနံၣ်လၢအဆၢကတီၢ်ဖဲန့ၣ်အခါ မၤဝဲ တၢ်မၤဖးဒိၣ်ဘၣ်ဃးဒီး ဟံၣ်ဃီတၢ်ဂီၤမူ ဒီးဘ့းဒယိၤက့(video game)သ့ၣ်တဖၣ်) လၢဒီလၣ် အကကွဲၢ် ၅၀ န့ၣ်လီၤ. နဲးဖလ့း(စ) (Netflix)ကိပနံၣ် မၤန့ၢ်ဝဲ ၦၤမၤသကိးတၢ် ၃၀၀,၀၀၀ အခါ ဘလီးဘးစထၣ် မၤန့ၢ်ဝဲလၢအကကွဲၢ်တဖၣ် အကကွဲၢ် န့ၣ်လီၤ. အဝဲဒၣ်ညိကွံၥ်ဝဲဒီး ဟ့ၣ်လီၤ တၢ်ခွဲးတၢ်ယာ်ဆူ ကိပနံၣ်ဆံးဖိနဲးဖလ့း(စ)လၢကပှ့ၤဝဲန့ၣ်လီၤ. တၢ်အစၢဟဲထီၣ်လၢခ့ခါအကတီၢ်ခဲအံၤ နဲးဖလ့း(စ)အိၣ်ဒီး ၦၤပှ့ၤသကိးတၢ်ကမျၢၢ် အါန့ၣ်အကကွဲၢ် ဒီးအလုၢ်အပှ့ၤအိၣ်ဝဲ အကဘီ ၂၀၀ န့ၣ်လီၤ. မ့မ့ၢ် ဘလီးဘးစထၣ်တခီ ဟါဂီၤလီၤမၢ်ဝဲန့ၣ်လီၤ. ပဝဲဒၣ်ကိးဂၤ ပတယၥ်ဆိခါဆူညါ တၢ်ကမၤအသး တသ့နီတဂၤဘၣ်န့ၣ်လီၤ.

တၢ်လ့ပစီလၢအလီၤဘၣ်ၦၤန့ၣ် မ့ၢ်ဝဲတၢ်နၥ်န့ၢ်လီၤတၢ်လၢ ပဟံးဃၥ်ပၢဆှၢ ပတၢ်အိၣ်မူဒီး ပတၢ်ကူၣ်ထီၣ်ဖးလီၤတၢ်ရဲၣ်တၢ်ကျဲၤ လၢခါဆူညါအဂီၢ် တၢ်ကကဲထီၣ် လဲၤထီၣ်လဲၤထီဝဲဒၣ်န့ၣ်လီၤ. ဘၣ်ဆၣ် တၢ်မၢဖိစီၤယၤကိၥ် စံးဝဲလၢယၤကိာ် ၄:၁၄ အပူၤ, “အဂ့ၢ်ဒ်အံၤ…

ဃ့တၢ်တက့ၢ်

ယမါၡါလ့ၣ်(Shirley)အတၢ်ကိးပသူထီၣ်ဝဲလၢတၢ်သးခုအပူၤ ဖဲအအိၣ်ဝဲဒၣ်လၢ ဟံၣ်အဖီလၥ် ဟီၣ်ခိၣ်လၥ်ဒၢးအပူၤန့ၣ်လီၤ. တၢ်ဆၢကတီၢ်အါနၣ်ရံၣ်အတီၢ်ပူၤ အဝဲဘၣ်ဂုၥ်ကျဲးစၢးဂဲၤလိၥ်ဝဲဒၣ်လၢ တၢ်ကစီၣ်အလံၥ်ပရၢအတၢ်မၤဒီးကမၤဝံၤဝဲအဂီၢ် ကတဲၥ်ကတီၤဝဲဒၣ်န့ၣ်လီၤ. ဆူညါကဘၣ်ဆဲးမၤဝဲဒၣ်အဂီၢ်န့ၣ် လၢတၢ်သူၣ်ကိၢ်သးဂီၤဒီး တၢ်တလီၤတံၢ်လီၤဆဲးအပူၤ အဝဲဃ့ဘါထုကဖၣ် တၢ်ဆူကစၢ်ယွၤအအိၣ် လၢတၢ်မၤစၢၤအဂီၢ်န့ၣ်လီၤ. အတံၤသကိးတဖၣ် လၢဖ့း(စ)ဘိး(Facebook)အပူၤစ့ၢ်ကီး ဘိးဘၣ်သ့ၣ်ညါဝဲ တၢ်မၤစၢၤအဃိ ခီဖျိ တၢ်မၤသကိးတၢ်အပူၤ တၢ်ကစီၣ်လံၥ်ပရၢအတၢ်မၤန့ၣ် ဝံၤဝဲဒၣ်န့ၣ်လီၤ.

လၢတၢ်အိၣ်မူအပူၤ တၢ်ကစီၣ်လံၥ်ပရၢအတၢ်မၤန့ၣ် မ့ၢ်တၢ်မၤအဆံး ဘၣ်ဆၣ် (တမ့ၢ်တၢ်အဆံးလၢအဘီၣ်အညီဘၣ်). ဒုးအိၣ်ထီၣ်တၢ်သးအ့န့ဒီး တၢ်ဘၣ်ယိၣ် တၢ်သူၣ်ကိၢ်သးဂီၤ တၢ်သးတံၥ်တၥ်သ့ဝဲဒၣ်န့ၣ်လီၤ. ဘၣ်သ့ၣ်သ့ၣ် နကမ့ၢ်မိၢ်ပၢ်လၢဘၣ်လဲၤခီဖျိတၢ်ကွၢ်ထွဲလုၢ်ဒိၣ်ထီၣ် ဖိသၣ်ဆံး အဆိကတၢၢ်တဘျီ အကတီၢ်, နကမ့ၢ်ကၠိဖိ ၦၤမၤလိတၢ်ဖိတဂၤ လၢဘၣ်ကွၢ်ဆၢၣ်မဲၥ် တၢ်မၤလိတၢ်တၤ တၢ်အသီ, လၢတၢ်ကူၣ်ဘၣ်ကူၣ်သ့တကပၤ, နကမ့ၢ်ၦၤတဂၤလၢ ဘၣ်အိၣ်ဒီး တၢ်သူၣ်အုးသးအုးဖးဒိၣ် ခီဖျိၦၤလၢနအဲၣ်တဂၤဂၤ သံလဲၤပူၤကွံၥ်နၤအဃိ, မ့တမ့ၢ်ဘၣ်ဒီး နကလဲၤခီဖျိကွၢ်ဆၢၣ်မဲၥ်ဟံၣ်ဃီ, တၢ်ဖံးတၢ်မၤ ဒီးကစၢ်ယွၤ တၢ်မၤအပူၤ တၢ်တၤတၢ်တမံၤမံၤန့ၣ်လီၤ. ဘၣ်တဘျီဘျီလၢ တၢ်တဆိကမိၣ်အပူၤ, ပလဲၤခီဖျိဘၣ် တၢ်ကီတၢ်ခဲန့ၣ် ဒ်ယၤကိၥ် ၄:၂ ပၥ်ဖျါဝဲအသိး…

ဖဲနလိၣ်ဘၣ် တၢ်မၤစၢၤအကတီၢ်

တနံၤအံၤ မုၢ်နံၤပူၤတသီ(မုၢ်ဆၣ်)ဂီၤခီဘၣ်ဆၣ် ယတံၤသကိး ခၠဲၣ်မ့(Chia-ming)တဟဲဝဲဒၣ်ဆူ တၢ်ဖံးတၢ်မၤလီၢ်ဝဲၤဒၢးန့ၣ်ဘၣ်. အဝဲအိၣ်ဝဲလၢအဟံၣ်ဒီး မၤကဆှဲကဆှီ တၢ်လုၢ်ထံလီၢ်ဒၢးန့ၣ်လီၤ. ဒီတလါညါန့ၣ်တၢ်မၤတအိၣ်အဃိဒီး ဆိကမိၣ်ဝဲ တၢ်မၤကျဲၤအကျိၤ တအိၣ်ဝဲဒၣ်ဘၣ်န့ၣ်လီၤ. တၢ်မၤလီၢ်လၢ အဝဲမၤဝဲဒၣ်န့ၣ် ဘၣ်တၢ်ဆိကတီၢ် ခီဖျိလၢကိၣ်ဘ့း-၁၉ တၢ်ဆါအၢအဃိဒီး ခါဆူညါအဂီၢ် တၢ်ဘၣ်ယိၣ်အိၣ်ထီၣ်ဝဲ, ခၠဲၣ်မ့အသးပူၤ အိၣ်ၦဲၤဒီးတၢ်ပျံၤတၢ်ဖုးန့ၣ်လီၤ. အဝဲဆိကမိၣ်ဝဲဒၣ်လၢအသးပူၤ “ယကဘၣ် လုၢ်အီၣ်လုၢ်အီ ယဟံၣ်ဖိဃီဖိဒ်လဲၣ်. ယဃုတၢ်မၤစၢၤ ကန့ၢ်ဘၣ် ဖဲလဲၣ်တတီၤလဲၣ်”န့ၣ်လီၤ.

ထါစံးထီၣ်ပတြၢၤ ၁၂၁:၁ အပူၤ, ၦၤဂီၢ်မုၢ်လၢအလဲၤဝဲဆူ ဝ့ၢ်ယရူၤၡလ့ၣ်, ဆူယွၤအဟံၣ် ဒ်သိးကလဲၤဘူၣ်ထီၣ်ဘါထီၣ်ယွၤအဂီၢ် သံကွၢ်တၢ်သံကွၢ်လၢအမ့ၢ် “တၢ်မၤစၢၤၦၤန့ၣ် ပကဃုထံၣ်န့ၢ်အီၤဖဲလဲၣ်”န့ၣ်လီၤ. ၦၤလဲၤဆူ ဝ့ၢ်စီဆှံလၢ ကစၢၢ်စံယိၣ်အဒီခိၣ်လိၤန့ၣ် ယံၤဝဲဒီး အိၣ်ၦဲၤဒီးတၢ်ဘၣ်ယိၣ်လၢတၢ်ကီတၢ်ခဲ, တၢ်ဘၣ်ဒိဘၣ်ထံးအပူၤ ၦၤလဲၤတၢ်ဖိဘၣ်လဲၤထီၣ် ကစၢၢ်ကီကီခဲခဲန့ၣ်လီၤ. တၢ်လဲၤကီခဲအပူၤ အဝဲသ့ၣ်ဘၣ်ကွၢ်ဆၢၣ်မဲၥ်ဝဲတၢ်တၤတၢ်တဖၣ်န့ၣ် ဖျါဝဲဒၣ်ဒ်အလီၤဂၥ်ဝဲလၢ ခ့ခါအဆၢကတီၢ် ပတၢ်အိၣ်မူပူၤ ပကွၢ်ဆၢၣ်မဲၥ်လဲၤခီဖျိတၢ်ဒ်အမ့ၢ် တၢ်ဆူးတၢ်ဆါ, တၢ်ရ့လိၥ်ဘၣ်ထွဲအတၢ်ကီခဲ, တံၤသကိးဒီးဘူးတံၢ် သံလဲၤပူၤကွံၥ်ၦၤ, တၢ်မၤအတၢ်ဝံဃၢဒီး တၢ်ဆီၣ်သနံး, မ့တမ့ၢ်ဘၣ်ဒီး ဒ်ခၠဲၣ်မ့…

တၢ်ပၥ်လီၤ ခီၣ်ယီၢ်တဃၥ်တၢ်အလီၢ် တၢ်လီၢ်အကဝီၤ

အၣ်ဖရံကး ကီၢ်မိၢ်ၦၢ်(Africa)အပူၤ တၤဟိ(antelope)အိၣ်ဝဲတကလုၥ်ဒီး အဝဲသ့ၣ် မ့ၢ်ဖု(စံၣ်)ဝဲဒၣ်န့ၣ် တုၤဝဲတဆံခီယီၢ်(ပ့ၣ်) အထီန့ၣ် တုၤသၢဆံခီၣ်ယီၢ်(ပ့ၣ်) န့ၣ်လီၤ. တၤဟိတဖၣ်အံၤ အတၢ်ဟူးဂဲၤအံၤ လီၤကမၢကမၣ် ဒီးမ့ၢ်တၢ်အကါဒိၣ်လၢ တၢ်အိၣ်မူအိၣ်ဂဲၤလၢ အၣ်ဖရံကးတၢ်လီၢ်ကဝီၤန့ၣ်လီၤ. တၢ်လီၢ်ဖဲ ၦၤပၥ်ကွၢ်ကီဆၣ်ဖိကီၢ်ဖိတဖၣ်န့ၣ် တၤဟိအလီၢ် ၦၤဒူၣ်ဃၥ်တၢ်အထီ အိၣ်ဒၣ်ထဲသၢခီၣ်ယီၢ်(ပ့ၣ်) ဃၣ်ဃၣ်န့ၣ်လီၤ. ဆၣ်ဖိကီၢ်ဖိ ဒ်တၤဟိတဖၣ်န့ၣ် ၦၤပၥ်အီၤ တၢ်အဒူၣ်ဖုၣ်ဖုၣ်ဖိသ့ဝဲဒၣ်ဒ်လဲၣ်. မ့ၢ်လၢတၤဟိတဖၣ် မ့ၢ်တထံၣ်ဝဲတၢ်လီၢ်တၢ်ကျဲလၢ ကဖုစံၣ်ဝဲဒီးကပၥ်လီၤခီၣ်ယီၢ်တၢ်အလီၢ်န့ၣ် အဝဲသ့ၣ်တဖု, တစံၣ်ဟးထီၣ်ဝဲဒၣ်ဘၣ်န့ၣ်လီၤ. တၤဟိတဖၣ် မ့ၢ်လၢတထံၣ်ဘၣ် တၢ်အိၣ်အသးလၢ တၢ်အဒူၣ်အချၢတကပၤအဃိ ၦၤပၥ်အီၤလၢ တၢ်အဒူၣ်ဖုၣ်ဖုၣ်သ့ဝဲဒၣ် န့ၣ်လီၤ.

ပမ့ၢ်ဝဲၦၤကညီသ့ၣ်တဖၣ်သနၥ်က့ ပတလီၤဆီ ဒ်တၤဟိသ့ၣ်တဖၣ်န့ၣ်ဘၣ်. တချုးပလဲၤတၢ်ဆူအမဲၥ်ညါ ခါဆူညါန့ၣ် ပအဲၣ်ဒိးသ့ၣ်ညါတၢ်အိၣ်အသး သ့ၣ်တဖၣ်လၢ ပကဘၣ်ကွၢ်ဆၢၣ်မဲၥ်ဆူညါန့ၣ်လီၤ. လၢတၢ်စူၢ်တၢ်နၥ်အတၢ်အိၣ်မူအပူၤတခီ တၢ်တညီနုၥ်မၤအသးဒ်န့ၣ်ဘၣ်. စီၤပီလူး ကွဲးဆှၢလီၤ လံၥ်တၢ်ဟ့ၣ်ပလီၢ်တၢ်ဆူ ၦၤကရံၣ်သူးဖိတဖၣ်အအိၣ် စံးဝဲ “အဂ့ၢ်ဒ်အံၤ (ပမူ) ပလဲၤတၢ်လၢတၢ်နၥ်, တမ့ၢ်ဘၣ်လၢထံၣ်ဘၣ်တၢ်ဘၣ်” န့ၣ်လီၤ (၂ ကရံၣ်သူး ၅:၇).…

သးသမူတစိၤ တၢ်လဲၤအကျိၤအကျဲ

ၦၤသးဝံၣ်တၢ်ဒီး ၦၤကွဲးတၢ်သးဝံၣ် လ့ဖီးဒံၣ်ဝ့လၢၣ် (Linford Detweiler)စံးဝဲ “ ၦၤသးစၢ်ဖိတဂၤလၢအိၣ်ဒီး တၤလၣ်အသ့အဘၣ်လၢ တၢ်မၤမုၥ်မဲၥ်ဘၣ်သးၦၤန့ၣ် အဝဲဒၣ်သံကွၢ်ဝဲ တၢ်သံကွၢ် အကလုၥ်ကလုၥ်သ့ဝဲဒၣ်”န့ၣ်လီၤ. တၢ်သံကွၢ်အကျါမ့ၢ်ဝဲ “ဒ်သိးယကကဲထီၣ် ၦၤမံၤဟူသၣ်ဖျါတဂၤန့ၣ် ယကဘၣ်မၤတၢ်မနုၤလဲၣ်”န့ၣ်လီၤ. ဖဲအံၤ ဒံၣ်ဝ့လၢၣ်ဟ့ၣ်ပလီၢ်ဝဲ လၢ “တၢ်တိၥ်ပၥ် ဒ်သိးအံၤန့ၣ် ကဲထီၣ်တၢ်အိးထီၣ်ကျဲလၢ တၢ်ဟးဂီၤ အစိကမီၤ အက့ၢ်အဂီၤ လၢပနီၢ်သးအပူၤမ့ၢ်ဂ့ၤ နီၢ်ခိတကပၤ စ့ၢ်ကီး” န့ၣ်လီၤ. ဒံၣ်ဝ့လၢၣ်ဒီး အမါန့ၣ် ဃုထၢဝဲ လၢတၢ်မံၤဟူသၣ်ဖျါလီၤအလီၢ်န့ၣ် ဃုထၢ တၢ်သူၣ်ဝံၣ်သးဆၢ တၢ်ဒ့လၢ ၦၤတပိၥ်ထွဲအါအါန့ၣ်ဒီး တၢ်မၤအံၤကဲထီၣ် တၢ်ဒိၣ်ထီၣ်ထီထီၣ်လၢ အဝဲသ့ၣ် အသးသမူဒီစိၤန့ၣ်လီၤ.

ၦၤအမံၤတဖျၢၣ်လၢအမ့ၢ် ယဟိယဒါန့ၣ် ၦၤတပၥ်ပနီၣ်အီၤလၢတၢ်အိၣ်ကတဲၥ်ကတီၤအသးအပူၤသနၥ်က့ အခီပညီန့ၣ် လီၤပလိၥ်ဝဲဒၣ်လၢ “သးသမူတစိၤသး ပၥ်စီဆှံတၢ်လၢယွၤအဂီၢ်”န့ၣ်လီၤ. ဖဲစီၤပၤစီၤယိၤအၣ်ပၢတၢ်အကတီၢ်, အါတက့ၢ်န့ၣ် ပၢဘၣ်ဝဲဂ့ၤဂ့ၤန့ၣ် မ့ၢ် စီၤယဟိယဒါမၤဝဲ ၦၤလုၢ်တၢ်အဒိၣ်လၢယွၤအဟံၣ်အဃိန့ၣ်လီၤ.

၂ စီၤပၤ ၁၁:၁-၁၆ ပၥ်ဖျါဝဲဒၣ်, ဖဲစီၤယိၤအၣ်အသးအိၣ် ၇…

တၢ်စိၥ်ခီတၢ်မ့ၢ်တၢ်တီ

ကိၣ်ဘ့း ၁၉ တၢ်ဆါအၢဒုးအိၣ်ထီၣ် တၢ်ကီတၢ်ခဲအဆၢကတီၢ်ပူၤ တၢ်ဘၣ်ယိၣ်အိၣ်ဝဲဒၣ် လၢ တၢ်ဆူးတၢ်ဆါကကူဆူ တဂၤဘၣ်တဂၤအအိၣ်အဃိ, ဖံဖုအတၢ်အိၣ်သကိးလိၥ်သး ဒီးအလံၤဖိတဖၣ် တသ့ဝဲဒၣ်အဃိ ဖံဖုအါဂၤ ဘၣ်ဃုထံၣ်န့ၢ် ကျဲအကျိၤအကွၢ်အသီလၢ ကဆဲးကျိးလိၥ်သးဒီး အဖိအလံၤတဖၣ် န့ၣ်လီၤ. ဖဲတယံာ်ဘၣ်အတီၢ်ပူၤ တၢ်ဃုကွၢ်ထံတၢ် ပၥ်ဖျါထီၣ် ဖံဖုအါဂၤ ဃုမၤလိနၢ်ပၢၢ်အါထီၣ် တၢ်ဆှၢလံၥ်ဒီး တၢ်ဆူးကါကွဲၤဒီနၢ်ကျဲအကျိၤအကွၢ် ဒ်သိးကဟံးဃၥ်ဂၢၢ်ကျၢၤ အဝဲသ့ၣ်အတၢ်ဘၣ်ထွဲစၢဘူးလိၥ်သး လုၢ်ဒိၣ်ပှ့ၤဒိၣ်လၢအလံၤဖိတဖၣ်န့ၣ်လီၤ. ဖဲဖုတနီၤနီၤဘူၣ်သကိး ဘါသကိးတၢ်လၢဟံၣ်ဖိဃီဖိလၢတၢ်လီၢ်အယံၤ ခီဖျိကွဲၤဒီနၢ်ဘံၢ်ဒံၢ်ယိၣ်န့ၣ်လီၤ.

ကျဲအကျိၤအကွၥ်လီၢ်လိၢ်လီၤလးအါထံၣ်အကျါ လၢမိၢ်ပၢ်, ဖံဖုလုၢ်ဘၢဒိၣ်စိ သ့ဝဲန့ၣ် မ့ၢ်တၢ်ဟ့ၣ်ခီဟ့ၣ်နီၤလီၤ ယွၤကလုၢ်ကထါ တၢ်မ့ၢ်တၢ်တီန့ၣ်လီၤ. ၅ မိၤရှ့ ၄:၉ အပူၤ, စီၤမိၤရှ့ကတိၤလီၤတၢ်လၢ ယွၤအၦၤဂီၢ်မုၢ်အအိၣ် “ဒ်သိးနသုတသးပ့ၤနီၣ် တၢ်လၢနမဲၥ်ထံၣ်လံ, ဒီးဒ်သိး အသုတဟးထီၣ်ကွံၥ် လၢ နသးအပူၤတစိၤဒၣ်နၤတဂ့ၤ” န့ၣ်လီၤ. တကးဒ်ဘၣ်န့ၣ် ယွၤအၦၤဂီၢ်မုၢ်ကဘၣ်ဟ့ၣ်ခီဟ့ၣ်နီၤ ဘိးဘၣ်သ့ၣ်ညါ ယွၤအတၢ်မၤတဖၣ်အံၤ လၢအဖိတဖၣ်ဒီးအဖိတဖၣ် အဖိသ့ၣ်တဖၣ်အအိၣ်, ဒ်သိးအဆၢဖိ ၁၀ ပၥ်ဖျါဝဲ “ဒ်သိးကမၤလိ…

ဟံၣ်ခံဖျၢၣ်

တၢ်မၤကွၢ်ဟံၣ်ခံဖျၢၣ်အတၢ်အိၣ်ဂၢၢ်ဆိးကျၢၤအဂီၢ်, ၦၤအ့ၣ်ကၠ့နယၢၣ်ဖိတဖၣ်(engineers) တ့ ဒုးအိၣ်ထီၣ် ကလံၤမုၢ်ဟၣ်ရံၣ်က့(hurricane) အသဟီၣ်, အပတီၢ် ၃ လၢ ကလံၤအူ တနၣ်ရံၣ် ၁၀၀ မံးလၥ် ဒီးမၤကွၢ်ဝဲဒၣ် ဟံၣ်ခံဖျၢၣ်န့ၣ်လီၤ. ဟံၣ်အခီၣ်ထံးတဖျၢၣ်န့ၣ် မ့ၢ်လၢ ၦၤတတ့အီၤ ဒ်တၢ်ဘျၢလၢ တၢ်တ့တၢ်သူၣ်ထီၣ်အဂီၢ် ဘၣ်ထွဲဒီးကလံၤမုၢ်ဟၣ်ရံၣ်က့တၢ်ဘျၢလၢ ၦၤပၥ်လီၤအသိးအဃိ ဒီးဟူးဝးလီၤၦီၢ်ဝဲဒၣ်န့ၣ်လီၤ. မ့မ့ၢ်ဟံၣ်ခံဖျၢၣ်တဖျၢၣ်န့ၣ်တခီ ၦၤတ့အီၤ ဒ်တၢ်ဘျၢအိၣ်အသိးဃုၥ်ဒီး တၢ်မၤဂ့ၤအါထီၣ် ဟံၣ်အခိၣ်ဒူ ဒီးအဒါတဖၣ်အဃိန့ၣ် ဒီးဟးဂီၤဝဲ ဒၣ်ထဲ တၢ်ချၢအဂ့ၢ်အဂီၤ တဆံးတက့ၢ်န့ၣ်လီၤ. ဖဲတၢ်မၤကွၢ်တခါအံၤ အစၢဖျါထီၣ်ဝဲဒၣ်ဝံၤ ၦၤအ့ၣ်ကၠ့နယၢၣ်ဖိအကျါတဂၤ သံကွၢ်ဝဲတၢ်သံကွၢ် “သုအဲၣ်ဒိးအိၣ်ဝဲ ဟံၣ်ဖဲလဲၣ်တဖျၢၣ်အပူၤ န့ၣ်လဲၣ်”. ဝံၤမၤကတၢၢ်ဝဲ တၢ်မၤကွၢ်အံၤ န့ၣ်လီၤ.

ကစၢ်ယ့ၣ်ၡူး မၤကတၢၢ်ဝဲ အတၢ်သိၣ်လိသီလိတၢ် ဘၣ်ထွဲဒီး မူခိၣ်ဘီမုၢ်အတၢ်အိၣ်မူအိၣ်ဂဲၤဝဲ စံးဝဲဒၣ် ဖဲလံၥ်မးသဲ ၇:၂၄ အပူၤ “မၤသးဒ်န့ၣ်ဒီး ၦၤလၢအနၢ်ဟူ ယကလုၢ်ကထါအံၤ, ဒီးတိၢ်န့ၢ်ဝဲကိးဂၤဒဲးန့ၣ် ယကဒိလီၤအီၤလၢ ၦၤကူၣ်ဘၣ်ကူၣ်သ့ လၢအသူၣ်ဟံၣ်လၢ လၢၢ်ခိၣ်တဂၤလီၤ”န့ၣ်လီၤ.…