ဆၣ်လၢအကပီၤတဖၣ်

အဆိကတၢၢ် တၢ်လၢယပာ်သူၣ်ပာ်သးဘၣ် ဝ့ၢ်ဖးဒိၣ်အံၤ မ့ၢ်တၢ်တၤကျိၤတၤစ့အလီၢ်တဖၣ်န့ၣ်လီၤ. တၢ်အဂၤလၢယထံၣ်မ့ၢ် ကျးလၢအဆါညါဖီတဖၣ်, ကျးလၢပှၤဆါပိးလီၤလၢ ဝံဝာ်ဒီတဒၢတၢ်ကလုာ်ကလိၤ တဖၣ်, ဒီးတၢ်ဘိးဘၣ်သ့ၣ်ညါ အဘ့ၣ်ဘၣ်ဖးဒိၣ် လၢပီၢ်ရီတဖၣ်ကဃုကျိၣ်စ့ ခီဖျိလၢ ပှၤအတၢ်ဟဲဝံအၢ တဖၣ်အအိၣ်န့ၣ်လီၤ. တၢ်လၢအပူၤကွံာ်န့ၣ် ယလဲၤတုၤဝ့ၢ်ဖးဒိၣ်တဖၣ် လၢအပှဲၤဒီးပှၤမၤတၢ်ဒဲးဘးတဖၣ် န့ၣ်ဒီး, ဝ့ၢ်တဖျၢၣ်အံၤ အပတီၢ်ဖျါလၢ တၢ်လီၤသးဟးဂီၤကတၢၢ်န့ၣ်လီၤ.

ဘၣ်ဆၣ်, လၢခံတဂီၤ ဖဲယကတိၤတၢ်ဒီးပှၤနီၣ်သိလ့ၣ်ထဲးကစံၣ်တဂၤန့ၣ်ဒီး, ယသးပူၤတၢ်မၤအသး ဖျါဒ်သိးသးအတၢ်ထံၣ်ဟဲကပီၤထီၣ်ဝဲဒၣ်န့ၣ်လီၤ. အဝဲစံးဘၣ်ယၤ “ကိးမုၢ်နံၤဒဲး ယဃ့ထုကဖၣ်ကစၢ်ယွၤ ကဆှၢလီၤန့ၢ်ယၤ ပှၤလၢကစၢ်ယွၤအဲၣ်ဒိး လၢယကမၤစၢၤအီၤတဖၣ်, ပှၤလၢအသးစဲထီဒီးတၢ်တၤကျိၣ် တၤစ့, ပှၤဃုကျိၣ်စ့ခီဖျိဆါလီၤအီၣ်နီၣ်ခိတဖၣ်, ဒီးပှၤအိၣ်ဟဲလၢဟံၣ်ဒူၣ်ဃီထၢအလီၤမုၢ်လီၤဖးတဖၣ်, မ့ၢ်တဲဘၣ်ယၤအတၢ်ဂ့ၢ်ကီလၢမဲာ်ထံမဲာ်နိန့ၣ်ဒီး ယအိၣ်ပတုာ်သိလ့ၣ်, ယဒိကနၣ်အတၢ်ဂ့ၢ်ကီတဖၣ်, ဒီးယဃ့ထုကဖၣ်တၢ်လၢ အဝဲသ့ၣ်အဂီၢ်န့ၣ်လီၤ. တၢ်မၤအံၤမ့ၢ် ယတၢ်သးခုကစီၣ်အတၢ်မၤန့ၣ်လီၤ.”

ဖံလံးပံၤ ၂:၅-၈ အပူၤ ပှၤတၢ်မၢဖိစီၤပီလူးပာ်ဖျါထီၣ် ကစၢ်ယ့ၣ်ရှူး အတၢ်ဟဲလီၤဆူပဟီၣ်ခိၣ်ချၢ လၢအလီၤတဲာ်ကွံာ်လၢတၢ်ဒဲးဘးန့ၣ်ဒီး, ဟ့ၣ်ဂံၢ်ဟ့ၣ်ဘါ ပှၤစူၢ်က့ၤနာ်က့ၤကစၢ်ယ့ၣ်ရှူးခရံာ်တဖၣ် တၢ်လၢကဘၣ်မၤဝဲတဖၣ်န့ၣ်လီၤ. အဆၢဖိ ၁၃ န့ၣ်စံးဝဲ မၤတၢ်လၢအဘၣ်ယွၤအသး, ဒီးအဆၢဖိ ၁၆…

မ့ၢ်တၢ်လုၢ်ဒိၣ်ပှ့ၤဒိၣ်လၢကစၢ်ယွၤအမဲာ်ညါ

ဒ်အမ့ၢ် ဖိသၣ်ပိာ်ခွါဖိတဂၤအသိး, မ့(န) (Ming) ထံၣ်ဝဲအပၢ် ဒ်အမ့ၢ်ပှၤလၢကတိၤတၢ် ဆူၣ်ဆူၣ်ကိၤကိၤ, ဒီးတအိၣ်လၢအီၤဘူးဘူးတံၢ်တံၢ်ဘၣ်န့ၣ်လီၤ. ဖဲလၢ မ့(န) အိၣ်တမုာ်ဆိးက့, ဒီးကဘၣ်လဲၤဒုးနဲၣ်အသး လၢဖိသၣ်ကသံၣ်သရၣ် အကတီၢ်ဒၣ်လဲာ် အပၢ်န့ၣ် ကဒူးကဒ့ၣ်တၢ်, ဒီးစံးဝဲ, လၢအဂီၢ်မ့ၢ်တၢ်ဝံတၢ်ယိး အဃၢန့ၣ်လီၤ. ဘၣ်တဘျီန့ၣ်, လၢတၢ်အ့ၣ်လိာ်သးအကတီၢ် အဝဲနၢ်ဟူထွဲ အပၢ်အတၢ်ကတိၤအပူၤ, ဒီးသ့ၣ်ညါဝဲလၢ ဖဲအမိၢ်ဒၢထီၣ်အီၤအကတီၢ်, အပၢ်အဲၣ်ဒိးလၢ အမိၢ်ကမၤလီၤတဲာ်ကွံာ်အဟုးအသး ဖဲအလါစၢ်ဒံးအကတီၢ်န့ၣ်လီၤ. အသးကလၢၢ်ဘၣ်ဝဲဒၣ်လၢ အဝဲမ့ၢ် ဖိလၢတၢ်တလိၣ်ဘၣ်တဂၤလီၤန့ၣ်လီၤ. တၢ်သးကလၢၢ်ဘၣ်အံၤ ပိာ်ထွဲအခံ တုၤအဒိၣ်ထီၣ်, ဒီးဒိၣ်တုာ်ခိၣ်ပှဲၤတစုဒၣ်လဲာ်န့ၣ်လီၤ. ဖဲ မ့(န) ကဲထီၣ် ပှၤလၢအစူၢ်က့ၤနာ်က့ၤ ကစၢ်ယ့ၣ်ရှူးတဂၤ, ဒီးသ့ၣ်ညါဝဲ ကစၢ်ယွၤ မ့ၢ်ကစၢ်တဂၤလၢအသးသမူအဂီၢ်ဘၣ်ဆၣ်, ထံၣ်ဝဲလၢ ကဘၣ်ဒုးဘၣ်ထွဲ ကစၢ်ယွၤ ဒ်အမ့ၢ်ပၢ်တဂၤအသိးန့ၣ် မ့ၢ်တၢ်ဂ့ၢ်ကီလၢအဂီၢ်န့ၣ်လီၤ.

ဘၣ်သ့ၣ်သ့ၣ် ဒ် မ့(န) အသိး ပသးပူၤပမ့ၢ်တကလၢၢ်ဘၣ် ပပၢ်လၢဟီၣ်ခိၣ်တဖၣ်အတၢ်အဲၣ်န့ၣ်ဒီး, ပတၢ်ရ့လိာ်ဘၣ်ထွဲလိာ်သးဒီးယွၤန့ၣ် ပကအိၣ်ဒီးတၢ်သးဒ့ဒီ လၢအလီၤဂာ်တမံၤဃီဒီး မ့(န) န့ၣ်လီၤ. ပကဆိကမိၣ်သ့ၣ်သ့ၣ်လၢ…

တၢ်အစၢတဖၣ်လၢ တၢ်ဆၢတဲာ်အလုၢ်အပှ့ၤတန့ၢ်

သၢနံၣ်အတီၢ်ပူၤ ဖဲကၠိထီၣ်ကတီၢ်, ခီၣ်လံ(န) (Colleen) ကူသိးဝဲဆ့ကၤတနံၤတကလုာ် မ့တမ့ၢ် တၢ်ကျၢၢ်ဘၢ မဲာ်တကူာ် အကလုာ်ကလုာ်ဒီး ဒ်သိးကဆၢဂ့ၤတူၢ်လိာ်ကၠိဖိဖိသၣ်တဖၣ် ဟဲစံၣ်လီၤလၢကၠိအသိလ့ၣ် ဖဲလၢကိးမုၢ်နံၤမုၢ်ထူၣ်အကတီၢ်န့ၣ်လီၤ. တၢ်မၤအံၤ မၤဖှံထီၣ်, မၤမုာ်ထီၣ် ပှၤကိးဂၤလၢအဒိးသိလ့ၣ်တဖၣ် အသူၣ်အသး ဃုာ်ဒီးပှၤနီၣ်သိလ့ၣ်, လၢအစံး “အဝဲ ဟဲစိာ်န့ၢ်တၢ်သးခုအဒိၣ်အအါ လၢဖိသၣ်တဖၣ် လၢအဒိးယသိလ့ၣ်, ဒီးတၢ်အံၤမ့ၢ်တၢ်လၢ အလီၤကမၢကမၣ်လီၤ. ယဘၣ်သူၣ်ဘၣ်သးလၢ တၢ်မၤအသး ဒ်သိးအံၤန့ၣ်လီၤ” ခီၣ်လံ(န)အကၠိဖိ ဖိသၣ်တဖၣ်စ့ၢ်ကီး တူၢ်လိာ်ဝဲအတၢ်ကတိၤန့ၣ်လီၤ.

တၢ်မၤအသးအံၤစးထီၣ်ဖဲ ခီၣ်လံ(န) စးထီၣ်အံးထွဲကွၢ်ထွဲဖိသၣ်တဖၣ် အဆၢကတီၢ်န့ၣ်လီၤ. တၢ်ဘၣ်အိၣ်လီၤဖးဒီးမိၢ်ပၢ် ဒီးဘၣ်လဲၤထီၣ်ကၠိအသီတဖျၢၣ်န့ၣ် လၢဖိသၣ်တဖၣ်အဂီၢ်ကီခဲထဲလဲၣ်န့ၣ် အဝဲသ့ၣ်ညါဝဲဒၣ်အဃိ အဝဲစးထီၣ်ကူသိးတၢ်ကူတၢ်ကၤလီၤဆီတဖၣ်, ဒီးစံးကတိၤဆၢဂ့ၤတူၢ်လိာ်မုာ် ဖိသၣ်တဖၣ်န့ၣ်လီၤ. မၤဝဲတၢ်ဒ်သိးအံၤ သၢသီဝံၤန့ၣ်ဒီး, ဖိသၣ်တဖၣ် တအဲၣ်ဒိးလၢ ကဆိကတီၢ်ဝဲ တၢ်အံၤန့ၣ်ဘၣ်လီၤ. လၢတၢ်န့ၣ်အဃိ ခီၣ်လံ(န) ဘၣ်မၤကဒီးဆူညါန့ၣ်လီၤ. တၢ်မၤအံၤ မ့ၢ်တၢ်ဘၣ်ဟ့ၣ် တၢ်ဆၢကတီၢ်, ဒီးဘၣ်ဘျၢလီၤစ့လၢ ပှၤဆါတၢ်ကူတၢ်ကၤအလီၢ်လံၤတဖၣ်အကျးဘၣ်ဆၣ်, ပှၤဃုပာ်ဖျါ တၢ်ကစီၣ် မံၣ်ရံၣ်ဒ့း(သ) ထၢၣ်ဟါ(ရ)…

တၢ်ပာ်ဖှိၣ်ထီၣ်ဂံၢ်ဘါလၢ ကစၢ်ယွၤအပူၤ

ကရ့ကၠၢၣ်မဲးခွဲ (Grainger McKoy) မ့ၢ် ပှၤတ့ဆဲးလၤစိးပျၤတၢ်သ့တဂၤ လၢဃုသ့ၣ်ညါထိၣ်တဖၣ် အက့ၢ်ဂီၤဃံလၤ, အတၢ်ဂံၢ်စၢ်, ဒီးအတၢ်ဂံၢ်တၢ်ဘါတဖၣ် ဒီးတ့စိးပျၤထီၣ် ထိၣ်သ့ၣ်တဖၣ်အံၤအက့ၢ်အဂီၤ န့ၣ်လီၤ. အတၢ်တ့စိးပျၤတၢ်တဖၣ်အကျါတမံၤန့ၣ် ‘တၢ်ဟဲက့ၤဂ့ၤ(အိၣ်မုာ်)ထီၣ်က့ၤ’ (Recovery) န့ၣ်လီၤ. အဝဲစိးပျၤထိၣ်ဒ့ၣ်ထံတဘ့ၣ် ယူာ်ထီၣ်ထီအဒံးဆ့ဘျၢဘျၢလၢအထွဲတကပၤ, ဒီးလၢတၢ်ဂီၤစိးပျၤအဖီလာ်, တၢ်ကွဲးပာ်ဖျါထီၣ် “ထိၣ်တဘ့ၣ်အံၤယူၤဝဲအကတီၢ် မ့ၢ်တၢ်အကတီၢ်လၢအဂံၢ်စၢ်ကတၢၢ်, ဒီးမ့ၢ်စ့ၢ်ကီး အကတီၢ်လၢ တၢ်ပာ်ဖှိၣ်ထီၣ်ဂံၢ်ဘါလၢ တၢ်ကယူၤဝဲဆူညါအဂီၢ်” န့ၣ်လီၤ. ကရ့ကၠၢၣ် တ့ၢ်နုာ်စ့ၢ်ကီး လံာ်စီဆှံအဆၢ ၂ ကရံၣ် ၁၂:၉ လၢအမ့ၢ်, “ယဘျုးယဖှိၣ်အါလံလၢနဂီၢ်လံ. အဂ့ၢ်ဒ်အံၤယစိကမီၤ လၢထီၣ်ပှဲၤထီၣ် လၢတၢ်ဂံၢ်စၢ်ဘါစၢ်အပူၤလီၤ” န့ၣ်လီၤ.

ပှၤတၢ်မၢဖိ စီၤပီလူး ကွဲးတၢ်ဂ့ၢ်အံၤ ဆူကရံၣ်သူးတၢ်အိၣ်ဖှိၣ်အအိၣ်န့ၣ်လီၤ. ဖဲလၢအဘၣ်ဂဲၤလိာ်ဒီး အနီၢ်ကစၢ် တူၢ်ဘၣ်ခီၣ်ဘၣ်တၢ် လုၢ်ဘၢအီၤအကတီၢ်, စီၤပီလူးဃ့ကညး ကစၢ်ယွၤလၢကထုးကွံာ် “တၤဆှုၣ်အိၣ်လၢယဖံးယညၣ်အကျါ” တၢ်လၢ အဆၢဖိ ၇ ပာ်ဖျါဝဲ န့ၣ်လီၤ. ဘၣ်သ့ၣ်သ့ၣ် စီၤပီလူး ကဘၣ်ကွၢ်ဆၢၣ်မဲာ်ဝဲဒီး နီၢ်ခိအတၢ်ဆူးတၢ်ဆါ မ့တမ့ၢ်…

ကွၢ်ဆၢၣ်မဲာ်တၢ်လၢ တၢ်အဲၣ်တၢ်ကွံအပူၤ

ပှၤတဂၤအံၤမၤဝံၤ တၢ်ဖံးတၢ်မၤအကလုာ်ကလုာ်ဂ့ၤဂ့ၤဘၣ်ဘၣ်, ဘၣ်ဆၣ် တၢ်ဂ့ၢ်ကီအိၣ်ဝဲတမံၤန့ၣ်လီၤ. ပှၤကိးဂၤထံၣ်သ့ၣ်ညါ တၢ်အံၤန့ၣ်လီၤ. အမူဒါအါတက့ၢ်န့ၣ် မၤလၢပှဲၤဝဲ ဂ့ၤဂ့ၤဘၣ်ဘၣ်အဃိ, အတၢ်ဂ့ၢ်ကီ လၢအမ့ၢ် တၢ်သးပှံၢ်ထီၣ်ညီအဂ့ၢ်အံၤ တဘၣ်တၢ်ပာ်ဖျါဘၣ်န့ၣ်လီၤ. အဝဲစ့ၢ်ကီး တဘၣ် ကွၢ်ဆၢၣ်မဲာ် တၢ်ဂ့ၢ်အံၤနီၢ်နီၢ်နီတစုဘၣ်န့ၣ်လီၤ. လၢနံၣ်တဖၣ်အပူၤ ပှၤအါဂၤ ဘၣ်တၢ်မၤဘၣ်ဒိဘၣ်ထံး လၢနီၢ်ခိ,ဃုာ်ဒီး နီၢ်သးန့ၣ် မ့ၢ်တၢ်အစၢလၢအလီၢ်သးအုးန့ၣ်လီၤ. တၢ်လၢအဂ့ၤတဖၣ်အိၣ်အါထီၣ်လၢ ဒီပုၢ်ဝဲၢ်လၢခရံာ်အပူၤ တဂၤအံၤအဂီၢ်သ့ဘၣ်ဆၣ်ဒီး, အကတၢၢ်န့ၣ်, အတၢ်လုၢ်အီၣ်သးသမူ အတၢ်ဖံးတၢ်မၤတဖၣ် ဟးဂီၤလီၤမၢ် ကွံာ်ခဲလၢာ်န့ၣ်လီၤ. ဖဲအံၤယတၢ်ဆိကမိၣ်အိၣ်ထီၣ် တၢ်လၢအပူၤကွံာ်န့ၣ်, ယမ့ၢ်ဃုထၢကျဲ လၢတၢ်အဲၣ် တၢ်ကွံအပူၤ ယမ့ၢ်လဲၤကွၢ်ဆၢၣ်မဲာ်အီၤန့ၣ်ဒီး တၢ်ကကဲထီၣ်တၢ်အဂ့ၤလၢအဂီၢ်န့ၣ်လီၤ.

လၢလံာ် ၁ မိၤရှ့ ၄ အပူၤ ကစၢ်ယွၤပာ်ဖျါထီၣ် က့ၢ်ဂီၤဒိအလၢအပှဲၤ ဘၣ်ထွဲဒီး တၢ်လဲၤကွၢ်ဆၢၣ်မဲာ် ပှၤလၢအမၤတၢ်ဒဲးဘးတဂၤ လၢတၢ်အဲၣ်တၢ်ကွံအပူၤန့ၣ် မ့ၢ်အခီပညီမနုၤလဲၣ်န့ၣ်လီၤ. စီၤကၤယံၣ် အသးထီၣ်ဒိၣ်ဒိၣ်ကလဲာ်န့ၣ်လီၤ. မ့ၢ်လၢပှၤသူၣ်တၢ်ဖျးတၢ်ဖိတဂၤအဃိ, အဆၢဖိ ၃ ပာ်ဖျါဝဲ “ဟဲစိာ် တၢ်မၤဘူၣ် ကစၢ်ယွၤလၢ ဟီၣ်ခိၣ်အတၤသၣ်လီၤ”…

တၢ်ဃုထံၣ်န့ၢ် တၢ်သူၣ်ပိၢ်သးဝးအတၢ်အိၣ်မူအိၣ်ဂဲၤ

ခရံာ်ဖိတၢ်ဘူၣ်တၢ်ဘါန့ၣ် တမ့ၢ်ယဂီၢ်ဘၣ်. မ့ၢ်တၢ်လီၤကၢၣ်လီၤကျုတမံၤန့ၣ်လီၤ. ယပာ်လုၢ်ပာ်ပှ့ၤ ဒီးဟံးဃာ်တၢ်တမံၤန့ၣ် မ့ၢ်ဒၣ် တၢ်ဃုထံၣ်န့ၢ်တၢ်သူၣ်ပိၢ်သးဝးအတၢ်အိၣ်မူအိၣ်ဂဲၤန့ၣ်လီၤ. တၢ်အံၤမ့ၢ် တၢ်လၢယကဘၣ်အိၣ်မူအိၣ်ဂဲၤဝဲဒၣ်န့ၣ်လီၤ”. သးစၢ်မုၣ်ဖိတဂၤ စံးကတိၤဒုးသ့ၣ်ညါယၤဒ်သိးအံၤ န့ၣ်လီၤ. ယသးအုးယဲဒၣ်လၢ သးစၢ်မုၣ်အံၤတမၤလိန့ၢ် တၢ်သးခုသးမုာ်, ဒီးတၢ်သူၣ်ပိၢ်သးဝး ဒိၣ်ဒိၣ်မုၢ်မုၢ် အိၣ်ဟဲခီဖျိလၢ တၢ်ပိာ်ကစၢ်ယ့ၣ်ရှူးအခံ - တၢ်ဃုထံၣ်န့ၢ်တၢ်သူၣ်ပိၢ်သးဝးအတၢ်အိၣ်မူ လၢအတဒံးသိးလိာ်သးဒီးတၢ်အဂၤတဖၣ်န့ၣ်လီၤ. လၢတၢ်သူၣ်ဆူၣ်သးဂဲၤအပူၤ ယနီၤဟ့ၣ်အီၤ ကစၢ် ယ့ၣ်ရှူးအဂ့ၢ်, ဒီးတၢ်ဃုထံၣ်န့ၢ်တၢ်အိၣ်မူနီၢ်နီၢ် လၢကစၢ်ယ့ၣ်ရှူးအပူၤစံးတၢ်န့ၣ် မ့ၢ်တၢ်ဒ်လဲၣ်န့ၣ်လီၤ.

တၢ်ဃုထံၣ်န့ၢ် တၢ်သူၣ်ပိၢ်သးဝး အတၢ်အိၣ်မူအိၣ်ဂဲၤ ဟဲခီဖျိလၢ တၢ်သ့ၣ်ညါ, တၢ်လဲၤတၢ်ဒီး ယွၤအဖိခွါကစၢ်ယ့ၣ်ရှူးအဂ့ၢ်န့ၣ် တၢ်ကပာ်ဖျါထီၣ် ထဲလၢထးခိၣ်အတၢ်ကတိၤတဖၣ်ဧိၤန့ၣ် တမ့ၢ်တၢ်လၢ အလၢပှဲၤဘၣ်န့ၣ်လီၤ. လံာ်အ့းဖ့းစူး ၁ အပူၤ, ပှၤတၢ်မၢဖိ စီၤပီလူး ဟ့ၣ်ပှၤ တၢ်ဂ့ၢ်စှၤဘီ ဘၣ်ဆၣ် အိၣ်ပှဲၤဒီး အစိကမီၤ လၢအဘၣ်ထွဲဒီး ပတၢ်အိၣ်မူလၢကစၢ်ယ့ၣ်ရှူးခရံာ်အပူၤန့ၣ်လီၤ. အဆၢဖိ ၃ အပူၤ စံးဝဲ ကစၢ်ယွၤ “ဆိၣ်ဂ့ၤပှၤလၢကယဲၢ်သးအတၢ်ဆိၣ်ဂ့ၤလၢမူခိၣ်တဖၣ်,” ဒီးအဆၢဖိ ၄…

တၢ်စံးကတိၤ ကစၢ်ယွၤအတၢ်ဂ့ၤတၢ်ဝါအဂ့ၢ်

လၢပတၢ်အိၣ်ဖှိၣ်တၢ်ဘူၣ်တၢ်ဘါအကတီၢ်, တၢ်အုၣ်သး မ့ၢ်တၢ်ဟ့ၣ်အဆၢကတီၢ် ဆူပှၤဟဲထီၣ်ဘါယွၤ တဖၣ်နီၤဟ့ၣ် ကစၢ်ယွၤမၤတၢ်လၢ ပှၤတဂၤလၢ်လၢ်အတၢ်အိၣ်မူန့ၣ်လီၤ. အါထ့ၣ်(Auntie)- မ့တမ့ၢ် တၢ်အိၣ်ဖှိၣ် အပူၤပှၤသ့ၣ်ညါအီၤလၢ ဖံဝါ လဲန်ဖီးဒ် (Sister Langford) န့ၣ် လၢအတၢ်အုၣ်သးတဖၣ်အကျါ အိၣ်ပှဲၤဒီး တၢ်စံးထီၣ်ပတြၢၤကစၢ်ယွၤအါမးန့ၣ်လီၤ. ဖဲလၢအနီၤဟ့ၣ်အနီၢ်ကစၢ် တၢ်ဆီတလဲသးအဂ့ၢ်န့ၣ်ဒီး အဝဲကဟံးန့ၢ် တၢ်ဘူၣ်တၢ်ဘါအဆၢကတီၢ်လၢအဂ့ၤန့ၣ်လီၤန့ၣ် ပသ့ၣ်ညါဆိပာ်လံန့ၣ်လီၤ. တၢ်စံးထီၣ်ပတြၢၤကစၢ်ယွၤ လၢအဆီတလဲအတၢ်အိၣ်မူ လၢအတၢ်ဘျုးတၢ်ဖှိၣ်န့ၣ် အိၣ်ပှဲၤလၢအသးပူၤ, ဒီးဘၣ်တၢ်လူလီၤဂၢ်လီၤအထးခိၣ်န့ၣ်လီၤ.

ဒ်န့ၣ်အသိး လၢပှၤကွဲးထါစံးထီၣ်ပတြၢၤ ၆၆ အသးပူၤန့ၣ် အိၣ်ပှဲၤဒီးတၢ်စံးထီၣ်ပတြၢၤကစၢ်ယွၤ, ဒီးဖဲအုၣ်အသး ဘၣ်ထွဲဒီးကစၢ်ယွၤ မၤတ့ၢ်တၢ်လၢအပှၤဂီၢ်မုၢ်တဖၣ်အဂီၢ်န့ၣ် ဖျါလၢ အဆၢဖိ ၅ အပူၤ “ဟဲ, ကွၢ် ယွၤအမၤတၢ်တဖၣ်န့ၣ်တက့ၢ်. အမၤတၢ်အိၣ်ဝဲဒီး တၢ်ပျံၤတၢ်ဖုးအလီၢ် လၢပှၤကညီဖိအဂီၢ်လီၤ” န့ၣ်လီၤ. အဆၢဖိ ၆ ပာ်ဖျါဝဲ ယွၤအတၢ်မၤတဖၣ်န့ၣ် ပာ်ဃုာ်ဒီး တၢ်မၤပူၤဖျဲး လၢအလီၤလိာ်လီၤလးတဖၣ်. အဆၢဖိ ၆ ပာ်ဖျါဝဲလၢ ယွၤကွၢ်ထွဲပၢၤဃာ်တၢ်ဒီး, အဆၢဖိ…

တၢ်လိၣ်တမံၤ

ဖဲလါမၢ်ရှး မုၢ်ဘူၣ်တနံၤန့ၣ်, ယတီခိၣ်ရိၣ်မဲ တၢ်ဟ့ၣ်ဆူၣ်ထီၣ်က့ၤနီၣ်သးတၢ်မၤလိ, ဒီးယသိၣ်လိ တၢ်ဂ့ၢ်မိၢ်ပှၢ်ဘၣ်ဃး နီၢ်မၤရံဒီးနီၢ်မၢ်သၤ, ဒီပုၢ်ဝဲၢ်မုၣ်ခံဂၤလၢဘ့ၤသနံ ပှၤလၢကစၢ်ယ့ၣ်ရှူးအဲၣ်ဘၣ်ဝဲ, ဃုာ်ဒီးအဒီပုၢ်ဝဲၢ်ခွါ စီၤလါစရူးအဂ့ၢ်ဖဲလၢ ယိၤ ၁၁:၅ အပူၤန့ၣ်လီၤ. ပအိၣ်လၢ ကီၢ်အဲကလံးပီၢ်လဲၣ်နံၤ, တၢ်လီၢ်ဖးယံၤတတီၤန့ၣ်လီၤ. လၢတၢ်တဆိကမိၣ်ဆိအပူၤ မူခိၣ်ဖီ ဟဲလီၤဒိၣ်ဒိၣ်အါအါ, ဒီးပှၤအါဂၤလၢ အဟဲထီၣ်တၢ်မၤလိတဖၣ်စံးဝဲ ပအိၣ်အါထီၣ်ဘၣ်ဆူညါတသီလၢ တၢ်မၤလိအမုၢ်နံၤန့ၣ် လီၤဂာ်ဒ်သိး နီၢ်မၤရံဆ့ၣ်နီၤလၢကစၢ်ခရံာ်အခီၣ်ထံးန့ၣ်လီၤ. အဝဲသ့ၣ်အဲၣ်ဒိးဂုာ်ကျဲးစၢးမၤလိန့ၢ်ဝဲ “တၢ်လၢပှၤကြၢးန့ၣ်ဘၣ်ဝဲ,”တၢ်ဂ့ၢ်တၢ်ကျိၤ ဖျါလၢ လူၤ ၁၀:၄၂ အပူၤန့ၣ်လီၤ. တၢ်ကတိၤအံၤ ဘၣ်တၢ်စံးကတိၤလၢ ကစၢ်ယ့ၣ်ရှူး ဆူနီၢ်မၢ်သၤလၢတၢ်အဲၣ်အပူၤ တၢ်လၢကဟံးဃာ်ပၢၤဃာ်ဝဲ ဒ်အမ့ၢ်တၢ်ဃုထၢသုးဘူးအသး, ဒီးမၤလိန့ၢ်တၢ်လၢအအိၣ်န့ၣ်လီၤ.

ဖဲကစၢ်ယ့ၣ်ရှူးလဲၤဟးအိၣ်သကိး နီၢ်မၢ်သၤ, နီၢ်မၤရံ ဒီးစီၤလါစရူး လၢအဝဲသ့ၣ်အဟံၣ်န့ၣ် နီၢ်မၢ်သၤတသ့ၣ်ညါဆိလၢ ကစၢ်ယ့ၣ်ရှူးကဟဲအဃိ, ဒီးလၢ တၢ်ကတဲာ်ကတီၤတၢ်အီၣ်တၢ်အီ လၢကစၢ်ယ့ၣ်ရှူး ဒီးအတံၤသကိးတဖၣ်အဂီၢ်န့ၣ် နီၢ်မၤရံ တမၤစၢၤအီၤအဃိ, နီၢ်မၢ်သၤ အသးဟးဂီၤဝဲလၢ နီၢ်မၤရံအလိၤန့ၣ် ပနၢ်ပၢၢ်သ့ဝဲဒၣ်န့ၣ်လီၤ. ဘၣ်ဆၣ် နီၢ်မၢ်သၤတထံၣ်န့ၢ် တၢ်လၢအကါဒိၣ်နီၢ်နီၢ်, ဒ်အမ့ၢ်…

တၢ်ဒဲးဘးတဖၣ် တဘၣ်တၢ်သ့ၣ်နီၣ်ထီၣ်အီၤလၢၤဘၣ်

ယတထံၣ် ထံလီၤသကၤ လၢကျဲခိၣ်ဘၣ်ဆၣ် ယသ့ၣ်ညါလၢအိၣ်ဝဲဒၣ်န့ၣ်လီၤ. ယဖုအသိလ့ၣ် လၢအမ့ၢ် သိလ့ၣ်ပ့းကး (pickup) လၢယနီၣ်အီၤ, အလီၢ်ခံ ဝံၣ်ဝးအသး ဒ်ညၣ်အမဲၣ်အသိးန့ၣ်လီၤ. ယဃၣ်ဖုး တရံး သိလ့ၣ် တဘီ, ခံဘီ, သၢဘီ... ဝံၤဒီး ယဖျိးထီၣ်ဆူ ကလံၤကျါ, ယသိလ့ၣ်ယူၤလီၤဝဲလၢ ထံတမၢၣ် လၢအထီတဆံယဲၢ်ခီၣ်ယီၢ်န့ၣ်လီၤ. ယသ့ၣ်နီၣ်လၢ ယဆိကမိၣ်ထီၣ်တၢ်, ယမ့ၢ်တသံဒု ကမ့ၢ်တၢ်လီၤကမၢကမၣ်န့ၣ်လီၤ. တၢ်တစိၤဖိအတီၢ်ပူၤန့ၣ် ယသိလံၣ်တလ့ၢ်လီၤတဲာ် လၢကစၢၢ်လီၤဘံဖးဒိၣ်ဝံၤ, တုၤဆူ ကစၢၢ်လာ်ဟီၣ်ခိၣ်လိၤန့ၣ်လီၤ. ယစွါဟးထီၣ် လၢသိလ့ၣ်လီၤသဘှံး, ဟးဂီၤအပူၤ, လၢတၢ်ဘၣ်ဒိဘၣ်ထံး တအိၣ်ဘၣ်အပူၤန့ၣ်လီၤ.

ဖဲ ၁၉၉၂ နံၣ်, လါဒံၢ်စ့ဘၢၣ်ဂီၤအနံၤအံၤန့ၣ် သိလ့ၣ်ဒီတခိၣ်ဟးဂီၤကွံာ်န့ၣ်လီၤ. ကစၢ်ယွၤပာ်မူယၤန့ၣ်လီၤ. မ့မ့ၢ်ယဖု တၢ်ကမၤအသးလၢအီၤဒ်လဲၣ်. အဝဲကတဲယၤတၢ်မနုၤလဲၣ်. နီၢ်နီၢ်န့ၣ်, ဘၣ်ထွဲဒီးသိလ့ၣ်အဂ့ၢ်န့ၣ် တၢ်ကတိၤဖိတဖျၢၣ်ဒၣ်လဲာ်, တကတိၤဝဲဘၣ်. တဒူယၤ တအ့ၣ်လိာ်ယၤဘၣ်, သိၣ်လ့ၣ်အဂီၢ်ယကဘၣ်ဟ့ၣ်က့ၤ တၢ်တိာ်ကျဲၤတအိၣ်ဘၣ်, တအိၣ်နီတမံၤဘၣ်. အိၣ်ဒၣ်တၢ်ပျၢ်တၢ်ကမၣ်လီၤ. မ့ၢ်လၢ ယတဘၣ်ဒိဘၣ်ထံးအဃိ, အိၣ်ဒၣ်ယဖုအတၢ်နံၤကမှံန့ၣ်လီၤ.…

ခး(ဒ)ဖိ(Card) တခါဒီးတၢ်ထုကဖၣ်

ပိာ်မုၣ်တဂၤအဝၤသံဝံၤ ကဲထီၣ်မုၣ်ကမဲဒီးတယံာ်ဘၣ်န့ၣ်, တၢ်ကိၢ်တၢ်ဂီၤအိၣ်အါထီၣ်ဝဲဒၣ်န့ၣ်လီၤ. ဒ်သိးကမၤန့ၢ်ကျိၣ်စ့ လၢအကါဒိၣ်ဝဲလၢတၢ်ပာ်ကီၤသနူၤ ပာ်လီၤဝဲအသိးန့ၣ်, လိၣ်ဘၣ်ဝဲတၢ်ဂ့ၢ်တၢ်ကျိၤ အကါဒိၣ်တဖၣ် လၢအဘၣ်ထွဲဒီး တၢ်ဘၣ်ဒိဘၣ်ထံးလၢအဟံးထီၣ်ကွံာ် အဝၤအသးသမူအဂီၢ်န့ၣ်လီၤ. အဝဲကတိၤပာ်တၢ်ဒီး ပၢၤကီၢ်ပှၤဘၣ်မူဘၣ်ဒါတဂၤလၢကမၤစၢၤအီၤ, ဘၣ်ဆၣ် ပှၤဟ့ၣ်တဃးအီၤ တၢ်ဆဲးကျိးအခးက့ဖိန့ၣ် ဟါမၢ်ဝဲဒၣ်န့ၣ်လီၤ. လၢတၢ်န့ၣ်အဃိ အဝဲဃ့ဘါထုကဖၣ်, ဃ့ကညးယွၤ ဒ်သိးကမၤစၢၤအီၤအဂီၢ်န့ၣ်လီၤ. တယံာ်ဘၣ်န့ၣ်, ဖဲအအိၣ်လၢတၢ်ဘါသရိၣ်ပူၤ, ဒီးဟးဝဲလၢပဲတြီကပၤ အဆၢကတီၢ် ထံၣ်ဝဲခးက့ဖိတဘ့ၣ်လၢ အမ့ၢ် ပၢၤကီၢ်ပဒိၣ် အတၢ်ဆဲးကျိးခးက့အိၣ်လၢပဲတြီတၢ်တီလိၤ န့ၣ်လီၤ. ခးက့ဖိ ဟဲတုၤဖဲအံၤ ဒ်လဲၣ်န့ၣ် အဝဲဆိကမိၣ်တထီၣ်ဘးဘၣ်ဆၣ်, သ့ၣ်ညါဝဲလၢဘၣ်မနုၤ အဃိလဲၣ်န့ၣ်လီၤ.

အဝဲထုကဖၣ်လၢာ်သူၣ်လၢာ်သးန့ၣ်လီၤ. ဘၣ်မနုၤအဃိလဲၣ်. လံာ်စီဆှံစံးဝဲလၢ ကစၢ်ယွၤဒိကနၣ် ပတၢ်ဃ့သ့ၣ်တဖၣ်န့ၣ်လီၤ. ၁ ပ့း ၃:၁၂ အပူၤ စီၤပ့းတရူးကွဲးပာ်ဖျါဝဲလၢ, “ယွၤအမဲာ်အိၣ်လၢ ပှၤတီပှၤလိၤအလိၤ, ဒီးအနၢ်အိၣ်လၢ ပှၤလၢအဃ့ကညးတၢ်အဂီၢ်လီၤ” န့ၣ်လီၤ.

လံာ်စီဆှံဟ့ၣ်ပှၤ တၢ်အဒိအတဲာ်တဖၣ်လၢ ကစၢ်ယွၤစံးဆၢပတၢ်ထုကဖၣ်ဒ်လဲၣ်န့ၣ်လီၤ. ယူဒၤအစီၤပၤ ဃံးစကံယၤ, လၢဆါဆိးက့တုၤအကသံတ့ၢ်တဂၤအဂ့ၢ်မ့ၢ် တၢ်အဒိတမံၤန့ၣ်လီၤ. တုၤဒၣ်လဲာ် ဒိးန့ၢ်တၢ်ကတိၤလၢဝံယရှါယၤ,…