ဟီၣ်ခိၣ်ညၣ်ထ့ၣ်အဂ့ၤလၢ ယွၤအပူၤ
ကိးနံၣ်ဒဲး, ဘူးထီၣ်လၢတၢ်ကိၢ်ခါကလၢာ်ဝဲန့ၣ် ယသူၣ်လီၤဒံသၣ်အချံတဖၣ်လၢယကရၢၢ်အပူၤန့ၣ်လီၤ. တၢ်အချံန့ၣ် ပျိၣ်ထီၣ်အဒ့အလၣ်တဖၣ် ချ့သဒံးဘၣ်ဆၣ်, ပကထံၣ်ဘၣ် အသၣ်တဖၣ်န့ၣ် တၢ်ဆၢကတီၢ်န့ၣ်ယံာ်ဝဲဒၣ်န့ၣ်လီၤ. နီၢ်နီၢ်န့ၣ်, လၢတၢ်ကိၢ်ခါမုၢ်ဃ့ၢ်လီၤ တဟါန့ၣ် ဒံသၣ်အချံလၢ ယသူၣ်လီၤတဖၣ်အဂီၢ်, ယလူထံ, ဒီးအိၣ်ခိးကွၢ်တၢ်အကတီၢ်, ယသံကွၢ်လီၤက့ၤယသးလၢ မ့ၢ်ယဒံအမုၢ်တဖၣ် ကဖီထီၣ်သၣ်ထီၣ်ကစီဒီဧၣ်န့ၣ်လီၤ. ယဆိကမိၣ်ထီၣ်ယဲလၢ ဖဲယသူၣ်လီၤတၢ်အကတီၢ်, မ့ၢ်ယသူၣ်လီၤဒံသၣ်အချံတဖၣ် ကတံာ်ကဲၣ်ဆိးဧါ (မ့) ဟီၣ်ခိၣ်လၢ ယသူၣ်လီၤတၢ်န့ၣ် မ့ၢ်ယတကတဲာ်ကတီၤအီၤဂ့ၤဂ့ၤဘၣ်ဘၣ်အဃိန့ၣ်ဧါလီၤ. ဘၣ်ဆၣ်, တနံၤန့ၣ် ယထံၣ်လၢ တၢ်အဘိၣ်လါလါဖိတဖၣ်ဟဲထီၣ်ဝဲဒၣ်, ပိာ်ထွဲထီၣ်အသး တနွံဘၣ်တနွံန့ၣ်လီၤ. ဒီးလၢစှၤနွံအတီၢ်ပူၤန့ၣ် တၢ်အမုၢ်ဖိတဖၣ် သၣ်ထီၣ်ဝဲ, ဒီးပမၤအီၣ်တၢ်ဒိးတၢ်လၣ်စံၣ်ဃါ ဒီနွံန့ၣ်လီၤ.
ဘၣ်တဘျီဘျီန့ၣ် သူၣ်ဂ့ၢ်သးကျိၤ အတၢ်ဒိၣ်ထီၣ်န့ၣ် တၢ်မၤအသးဒ်သိးအံၤန့ၣ်လီၤ. တၢ်လၢပဃ့ထုကဖၣ်န့ၢ်တၢ်တဖၣ်, လၢအမ့ၢ် တၢ်ဝံသးစူၤ, တၢ်သူၣ်စူၤသးစူၤ, တၢ်မၤဂ့ၤတၢ်, ဒီးတၢ်အဲၣ်တၢ်ကွံတဖၣ်န့ၣ် (ကလၤတံ ၅:၂၂-၂၃) ပတထံၣ်န့ၢ်အီၤထီဘိဘၣ်. ဘၣ်ဆၣ်, ဒ်သိးပကမၤဒိၣ်ထီၣ်အါထီၣ် တၢ်ထုကဖၣ်, တၢ်မၤလိ လံာ်စီဆှံ, တၢ်ဘူၣ်ထူဘါယွၤ, တၢ်မၤဂ့ၤမၤစၢၤ ပှၤဂၤအဂီၢ်န့ၣ် ပမ့ၢ်ဃ့…
မၤတၢ်ခ့တၢ်ပှၤအတၢ်မၤ, ဒ်ကစၢ်ခရံာ် မၤဝဲအသိး
ဖဲ ယလဲၤဟးအိၣ်သကိး ပှၤဆါတဂၤလၢ တၢ်ဆါဟံၣ်အကတီၢ်, ကသံၣ်သရၣ်ဖိတဖၣ် လၢအတၢ်လဲၤခီဖျိတအိၣ်တဖု ဆၢထၢၣ်သကိးဝဲဒၣ်, ဒီးလၢအဝဲသ့ၣ်အကျါ, ကသံၣ်သရၣ်သးစၢ်ဖိတဂၤ အတၢ်မၤအဃိ, ယကမၢကမၣ်ဘၣ်ယသးန့ၣ်လီၤ. ကသံၣ်သရၣ်ဖးဒိၣ်လၢ အတၢ်လဲၤခီဖျိ အိၣ်အါတဂၤ တဲနၢ်ပၢၢ် ပှၤဆါအတၢ်အိၣ်ဆူၣ်
အိၣ်ချ့အဂ့ၢ်န့ၣ်ဒီး, ကသံၣ်သရၣ်သးစၢ်ဖိတဖုန့ၣ် ဒိကနၣ်ဝဲဒၣ်လီၤ. ပှၤဆါတဂၤအံၤ, လၢတၢ်တဆိကမိၣ်အပူၤန့ၣ် အထးခိၣ်ထီၣ်ဖျဲးဝဲဒၣ်လၢ အတၢ်အဲၣ်ဒိးလဲၤဟးအ့ၣ်ဟးဆံၣ်, ဒီးအနီၢ်ကစၢ်ဒၣ်ဝဲ ဝံၣ်ဆၢထၢၣ်အသးတန့ၢ်ဘၣ်. နီၢ်နီၢ်န့ၣ်, ဒ်သိးပှၤကကိး သရၣ်မုၣ်ကဟဲမၤစၢၤအီၤအဂီၢ်န့ၣ် အိၣ်ခိးဝဲတသ့လၢၤဘၣ်အဃိန့ၣ်လီၤ.
ဖဲတၢ်မၤအသးဒ်သိးအံၤအကတီၢ်, ကသံၣ်သရၣ်သးစၢ်ဖိန့ၣ် ဟံးန့ၢ် တၢ်ဟးလီၢ် အသလၢ, ဒီးမၤစၢၤဝဲဒၣ်ပှၤဆါန့ၣ်လီၤ. ဖဲ သရၣ်မုၣ်မၤစၢၤတၢ် ဟဲတုၤန့ၣ်ဒီး, ထံၣ်ဝဲလၢပှၤမၤစၢၤတ့ၢ်လံ ပှၤဆါအဃိ, ကမၢကမၣ်ဘၣ်အသးန့ၣ်လီၤ. လၢတၢ်ပာ်သးကဖၢလၢအပူၤန့ၣ် ပှၤအခိၣ် ကသံၣ်သရၣ်ဖးဒိၣ်န့ၣ် အၢၣ်လီၤပာ်ပနီၣ် ကသံၣ်သရၣ်သးစၢ်ဖိ အတၢ်မၤစၢၤန့ၣ်လီၤ.
ကစၢ်ယ့ၣ်ရှူး ကမၤစၢၤ ပှၤဟီၣ်ခိၣ်ဖိတဖၣ်အဂီၢ်န့ၣ် တဟံးဃာ် အတၢ်မ့ၢ်တၢ်ယွၤအန့ဆၢၣ်, ဒီးတဂ့ၢ်လိာ်ဝဲဒၣ်ဘၣ်. ကစၢ်ယ့ၣ်ရှူး “အိၣ်ဒီးယွၤအက့ၢ်အဂီၤ ဒီးပာ်အသးထဲသိးဒီးယွၤဒီး, တဆိကမိၣ်လၢ အဂုာ်န့ၢ်ပှၤဂၤ အတၢ်ဘၣ်” (ဖံးလံး…
တၢ်သးမံသးမုာ်နီၢ်နီၢ်လၢ ကစၢ်ယွၤအပူၤ
အပူၤကွံာ် အနံၣ်သၢဆံန့ၣ်, ယမၤသကိးတၢ်ဒီးတၢ်စံးကတိၤသကိးတၢ်လၢ ပှၤအတၢ်ဖံး တၢ်မၤတအိၣ်တဖၣ်အဂီၢ်, အတၢ်ဟူးတၢ်ဂဲၤန့ၣ် ယသ့ၣ်နီၣ်ဘၣ်ယဲ, တုၤမုၢ်မဆါတနံၤအံၤန့ၣ်လီၤ. ယတံၤသကိး ပာ်လီၤပှၤမၤသကိးတၢ်ဖိတဖၣ် ဒီးယကဘၣ်ကွဲးဝဲဒၣ် တၢ်တဲဖျါထီၣ် တၢ်အိၣ်ဘှံးလၢ တၢ်ဖံးတၢ်မၤအဂ့ၢ်အကျိၤန့ၣ်လီၤ. ဒ်သိးပကအိၣ်ဘှံးလၢတၢ်ဖံးတၢ်မၤအဂီၢ်, ပသးအနံၣ်အလါ စၢ်ဒံးဝဲဒၣ်အဃိ, ပဝဲကိးဂၤဒဲးန့ၣ် ပဃုတၢ်ဖံးတၢ်မၤန့ၣ်လီၤ. ဘၣ်ဆၣ်, ပှၤမၤစၢၤတၢ်တဂၤ, ပာ်ဖျါထီၣ်တၢ်ဟူးတၢ်ဂဲၤအတၢ်ပညိၣ်, ဒီးစံးဝဲဒၣ် “တၢ်လၢနစံးကတိၤတဖၣ်န့ၣ် တမ့ၢ်ကဘၣ်ဃးဒီးတၢ်မၤလၢနမၤအီၤဘၣ်.” လၢပတၢ်အိၣ်မူအပူၤန့ၣ်, တၢ်ဖံးတၢ်မၤ တမ့ၢ်တၢ်ဂ့ၢ်အခီၣ်ထံးနီၢ်နီၢ်န့ၣ် အဝဲ မၤဆှဲပာ်ဖျါန့ၢ်ပှၤန့ၣ်လီၤ. ခီဖျိလၢပတၢ်မၤအိၣ်ပတုာ်အဃိ, ပသးမ့ၢ်ဘၣ်ဖှီၣ်အကတီၢ်, မ့မ့ၢ်ပတၢ်အိၣ်မူန့ၣ် အခီပညီအိၣ်ဝဲဒၣ် ဒိၣ်န့ၢ်အါန့ၢ်ဒံး ပအိၣ်ဒီးတၢ်ဖံးတၢ်မၤန့ၣ်လီၤ.
စီၤအၤဘြၤဟၣ် အသးသမူကတၢၢ်ကွံာ်ဝဲဒၣ် အဂ့ၢ်လီၤတံၢ်လီၤဆဲးတဖၣ်န့ၣ် ဒုးသ့ၣ်နီၣ်ထီၣ်ယၤ တၢ်မၤလိအတၢ်ဟူးဂဲၤအံၤန့ၣ်လီၤ. စီၤအၤဘြၤဟၣ် သံ “အိၣ်ကၢအိၣ်ခိးတုၤအသးပှၢ်တုာ်ဝဲ” ဒီးအိၣ်မူဘၣ် တၢ်အိၣ်မူ “အယံာ်အထီ, ဒီးမံသူၣ်မုာ်သး” (၁ မိၤ ၂၅:၈) (ခ့ခါ) န့ၣ်လီၤ. လံာ်စီဆှံ ဒီတဘ့ၣ်အပူၤန့ၣ်, ပကဖးဘၣ် စီၤအၤဘြၤဟၣ်အတၢ်တီတၢ်လိၤ, လၢအလူၤပိာ်ထွဲ ကစၢ်ယွၤ အတၢ်မၤလိာ်တဖၣ်ဘၣ်ဆၣ်,…
တံၤသကိးသ့ၣ်တဖၣ် အတၢ်နာ်
ပိာ်မုၣ်လၢ ဟဲထီၣ်တၢ်ထံၣ်လိာ်အိၣ်ဖှိၣ် (conference) တဂၤ ပာ်သူၣ်ပာ်သးဘၣ်ဝဲဒၣ် အတံၤသကိးလၢ ကဘၣ်ဟ့ၣ်ထီၣ် တၢ်ဂ့ၢ်လၢ မုၢ်တနံၤအံၤန့ၣ် ဖျါလၢအိၣ်တဆူၣ်ဘၣ် န့ၣ်လီၤ. အဝဲလဲၤဆူ အတံၤသကိးအအိၣ်, ဒီးသံကွၢ်သံဒိးဝဲန့ၣ်ဒီး, ပှၤကဘၣ်ဟ့ၣ်ထီၣ်တၢ်တဂၤန့ၣ် စံးဆၢအီၤ “မုၢ်တနံၤအံၤ, ယကမၤဝံၤ တၢ်ပာ်ဖျါန့ၣ်လီၤ. ခဲမုၢ်ဆ့ၣ်ဂီၤခီ, ယမ့ၢ် တကိညၣ်ထီၣ်က့ၤဘၣ်န့ၣ်ဒီး, ယကလဲၤဒုးနဲၣ်ယသးလၢ ကသံၣ်သရၣ်” န့ၣ်လီၤ. ပိာ်မုၣ်တဂၤအံၤ တသးပ့ၤနီၣ် အတံၤသကိး အတၢ်အၢၣ်လီၤဘၣ်. အဝဲကဘၣ်က့ၤဆိဝဲဒၣ်အဃိ, တဲတ့ၢ်ဝဲအတံၤသကိးအဂၤ ဒ်သိးကကွၢ်ထွဲ ပှၤကဘၣ်ဟ့ၣ်ထီၣ်တၢ်တဂၤန့ၣ်လီၤ.
လၢခံတဂီၤန့ၣ်, တၢ်ဟဲဒိတကျိာ် ပှၤဟ့ၣ်ထီၣ်တၢ်အဒၢး အတြဲၤ, ဒီးတံၤသကိး ခံဂၤတဂၤန့ၣ် ဟဲဆူအအိၣ်, ဒ်သိးကနီၣ်ဆှၢအီၤဆူ တၢ်ဆါဟံၣ်န့ၣ်လီၤ. လၢတၢ်ပၢၤဃာ် တၢ်အၢၣ်လီၤအီလီၤ, ဒီးလၢတၢ်ဘူၣ်ဂ့ၤတီၢ်ဘၣ်အပူၤ, အဝဲဒိးန့ၢ်ဘၣ်တၢ်ကူစါယါဘျါလၢ ကမၤပူၤဖျဲးအသးသမူ ဘၣ်ဆၢဘၣ်ကတီၢ်န့ၣ်လီၤ. လၢတၢ်သးစွံကတုၤအပူၤ, တံၤသကိးတဖၣ် ကွၢ်ထွဲမၤစၢၤတၢ်န့ၣ် ကဲထီၣ်တၢ်မၤစၢၤ လၢကပူၤဖျဲးဒီးတၢ်သံန့ၣ်လီၤ.
ဒ်ပှၤသ့ၣ်တဖၣ်လၢ လံာ်မၢ်ကူး ၂ အပူၤအသိး, တံၤသကိးတဖၣ် အတၢ်မၤစၢၤလၢတၢ်ပာ်သးစွံကတုၤန့ၣ် ကဲထီၣ်တၢ်ဆိၣ်ဂ့ၤတမံၤသ့ဝဲဒၣ်န့ၣ်လီၤ.…
ပညိၣ်ပာ်ဖှိၣ်နသးလၢယွၤအလိၤ
ဒ်သိးပကစံးကတိၤသကိး တၢ်ဂ့ၢ်ကီတမံၤအဂီၢ်, ယပှၤမၤသကိးတၢ်တဂၤ ကိးဃီၤဝဲဒၣ် ကွဲၤဒီနၢ် ချ့ချ့န့ၣ်လီၤ. အဝဲသံကွၢ်ယၤ မ့ၢ်ယတၢ်အိၣ်အသးန့ၣ် မၤအသးဒ်လဲၣ်န့ၣ်ဒီး, ယစံးဘၣ်အီၤလၢ ယခိၣ်ဆါ, ဒီးအ့ၣ်ထုးဝဲဒၣ်ဒိၣ်ဒိၣ်ကလဲာ်, ဒီးကသံၣ်ဖီၣ်န့ၣ် တမၤတၢ်လၢၤဘၣ်န့ၣ်လီၤ. ယပှၤမၤသကိးတၢ် သံကွၢ်ယၤဆှံဆှံဖိလၢ, “ယဃ့ထုကဖၣ်တၢ်လၢနဂီၢ် မ့ၢ်ကသ့ဧါ” န့ၣ်လီၤ. ယအၢၣ်လီၤတူၢ်လိာ်ဝံၤန့ၣ်ဒီး, ဒ်သိးယတၢ်အိၣ်ဆူၣ်အိၣ်ချ့ ကဂ့ၤထီၣ်က့ၤအဂီၢ်, ဃ့ထုကဖၣ်န့ၢ်ယၤ စဲးကီးသၢဆံလၢကစၢ်ယွၤအအိၣ်န့ၣ်လီၤ. ယအၢၣ်လီၤယသးလၢ “ဘၣ်တဘျီဘျီ, ယသးပ့ၤနီၣ်ဃ့ထုကဖၣ်တၢ်န့ၣ်လီၤ. ယသးစၢၢ်ဆၢနီၢ်နီၢ် ထဲဒၣ်လၢယတၢ်ဆါ, ဒီးယတဃၣ်ယသးဆူ ကစၢ်ယွၤအအိၣ်” ဘၣ်န့ၣ်လီၤ.
ယတၢ်အၢၣ်လီၤက့ၤသးန့ၣ် ဒုးဆိကမိၣ်ထီၣ်က့ၤယၤလၢ မ့ၢ်ယပညိၣ်ပာ်ဖှိၣ်ယသး ဖဲလဲၣ်န့ၣ်လီၤ. မ့ၢ်ယပညိၣ်ပာ်ဖှိၣ်ယသးလၢ ယတၢ်ဂုာ်ကျဲးစၢးဂဲၤလိာ်တဖၣ်, ဒီးယတၢ်ကီတၢ်ခဲတဖၣ်အလိၤန့ၣ်ဧါ, (မ့) လၢကစၢ်ယွၤအလိၤန့ၣ်ဧါလီၤ. တၢ်တနံၤအံၤန့ၣ်, မ့ၢ်လၢ ယတူၢ်ဘၣ်တၢ်ဆါ နးဒိၣ်မးအဃိ, ယသးအတၢ်ဆိကမိၣ်တဖၣ် အိၣ်ဝဲလၢယတၢ်ဆါအလိၤန့ၣ်လီၤ. ဘၣ်ဆၣ်, ဖဲဒၣ်ပပညိၣ်ပာ်ဖှိၣ်ပသးထဲလၢကစၢ်ယွၤ, ပကစၢ်လၢအမၤဘျါက့ၤတၢ်, ဒီးအဟံးဃာ်ဂၢၢ်ကျၢၤတၢ်တဂၤအလိၤန့ၣ်ဒီး, ယရှါ ၂၆:၃ ဒုးသ့ၣ်နီၣ်ပှၤလၢ “ပှၤအသးလၢ အသန့ၤအသးလၢနၤန့ၣ် နကပၢၤအီၤလၢ တၢ်ဃူတၢ်ဖိးအလၢအပှဲၤန့ၣ်လီၤ. အဂ့ၢ်ဒ်အံၤ, သန့ၤအသးလၢနၤ”…
တၢ်သူၣ်ခုသးခု, ဒီးတၢ်ဂံၢ်တၢ်ဘါလၢယွၤအပူၤ
ဖဲ နယူ အီၣ်လံ (New Orleans) တၢ်ပာ်ကွၢ်ကီအလီၢ် တၢ်သူၣ်ထီၣ်အပူၤန့ၣ်, ဒွဲလၤစုသ့အတၢ်မၤတဖၣ် ဘၣ်တၢ်တ့အီၤ ခီဖျိတၢ်ဒီၣ်တဲာ် ပလးစတ့း (plastic) ပလီလီၢ်လံၤတဖၣ်, ဒီးဒုးကဲထီၣ် ပိးလီလၢအလီၤဂာ်ဒီးထိၣ်ဆူၣ်တဖၣ်, ဒီးတၢ်ဒီတဒၢမၤစၢ်လီၤ မ့ၣ်အူအတၢ်ကပီၤတဖၣ်န့ၣ်, အိၣ်ဒီးအလွဲၢ်အကလုာ်ကလုာ်န့ၣ်လီၤ. ပှၤနဲၣ်ဆှၢပှၤဟးဆှၣ်ကီၢ် (tour guide) တဂၤ ဟ့ၣ်ခီနီၤဝဲ တၢ်ထံၣ်ဆိကမိၣ် ဘၣ်ဃးဒီး တၢ်စူးကါ ပိးလီဒ်သိးအံၤတဖၣ်အဂ့ၢ်န့ၣ်လီၤ. “ဝ့ၢ်တဖျၢၣ်လၢ အအိၣ်ဒီးတၢ်ဂ့ၢ်ကီဒ်သိးအံၤတဖၣ်အဂီၢ်, တၢ်လၢ အအိၣ်ဒီးပှၤန့ၣ် ဒ်သိးပကစူးကါအီၤ, ဒီးဒုးကဲထီၣ် တၢ်သူၣ်ဖှံသးညီ, ဒီးတၢ်ဃံတၢ်လၤအဂီၢ်န့ၣ် ပမၤလိန့ၢ်ဝဲဒၣ်စ့ၢ်ကီးန့ၣ်လီၤ. ပတပညိၣ်ဒၣ်ထဲလၢ တၢ်ဆၢကတီၢ်ကီခဲတဖၣ်အပူၤန့ၣ်ဘၣ်, ပသ့ၣ်နီၣ်မၤလၤကပီၤစ့ၢ်ကီး, တၢ်သ့တူၢ်ခီၣ်န့ၢ်တၢ်” အဂီၢ်န့ၣ်လီၤ.
စီၤနဃ့မယၤဒီးပှၤအံၣ်စရ့လးဖိတဖၣ် ဘၣ်ကွၢ်ဆၢၣ်မဲာ်ဝဲစ့ၢ်ကီး, တၢ်အိၣ်အသးအကီအခဲတဖၣ်ဘၣ်ဆၣ်, လၢတၢ်သ့တူၢ်ခီၣ်န့ၢ်တၢ်အပူၤ မၤဆူၣ်ထီၣ်အသးလၢ တၢ်သူၣ်ခုသးခုဟဲခီဖျိလၢယွၤန့ၣ်လီၤ. ဒုၣ်ဒါတဖၣ် ဖီၣ်န့ၢ်, ဒီးစိာ်ဆှၢပှၤဂီၢ်မုၢ်ဆူတၢ်လီၢ်အိၣ်ယံၤဒီး အဟံၣ်အဃီန့ၣ်လီၤ. အကတၢၢ်န့ၣ် ပှၤဂီၢ်မုၢ်တဖၣ် ဟဲက့ၤဆူ ဝ့ၢ်ယရူၤရှလ့ၣ် လၢတၢ်စိာ်မၢကဲကုၢ်အလီၢ် (နဃ့ ၄:၇-၁၂) န့ၣ်လီၤ. ဘၣ်ဆၣ်,…
စံးဘျုးယွၤလၢတၢ်ဆီၣ်လီၤသး
ဖဲတၢ်စံးဘျုးစံးဖှိၣ်အမုၢ်နံၤတဘျီန့ၣ်, ဒ်သိးယကဆၢဂ့ၤဆၢဝါယမိၢ်ယပၢ်တဖၣ်အဂီၢ်, ယကိးလီတဲစိဆူယဟံၣ်န့ၣ်လီၤ. ဖဲပစံးကတိၤသကိးတၢ်အကတီၢ်, ယသံကွၢ်ယမိၢ်, တၢ်လၢအသးအိၣ်စံးဘျုးယွၤအဒိၣ်ကတၢၢ်န့ၣ် ကမ့ၢ်တၢ်မနုၤလဲၣ်န့ၣ်လီၤ. လၢတၢ်သူၣ်ဆူၣ်သးဂဲၤအပူၤန့ၣ် ယမိၢ်စံးဝဲဒၣ် တၢ်လၢအသးအိၣ်စံးဘျုးယွၤအဒိၣ် ကတၢၢ်န့ၣ် မ့ၢ်ဝဲဒၣ် “ယဖိသၢဂၤလိာ် မ့ၢ်လၢအသ့ၣ်ညါ ကစၢ်ယွၤအဃိ” န့ၣ်လီၤ. ထီဘိန့ၣ်, ယမိၢ်ပာ်ဒိၣ်ပာ်ကဲ တၢ်ကူၣ်ဘၣ်ကူၣ်သ့ ဒ်တၢ်အကါဒိၣ်တမံၤ, ဒီး တၢ်လၢအလုၢ်ဒိၣ်ပှ့ၤဒိၣ်န့ၢ်ဒံး အဖိတဖၣ် အတၢ်ကူၣ်ဘၣ်ကူၣ်သ့အတၢ်လဲၤထီၣ်လဲၤထီ, ဒီးတၢ်အံးထွဲကွၢ်ထွဲလီၤက့ၤအသးန့ၣ် လၢအဂီၢ်တၢ်အိၣ်ဝဲတမံၤန့ၣ်လီၤ.
ယမိၢ် အတၢ်ပာ်သူၣ်ပာ်သးအံၤ ဒုးသ့ၣ်နီၣ်ထီၣ်က့ၤယၤလၢ ကတိၤ ၂၂:၆ အတၢ်ပာ်ဖျါ “ဆှၢဖိဒံဖိသၣ်လၢအကျဲဧိၤကပူၤဧိၤန့ၣ်တက့ၢ်. ဒီးတုၤအသးပှၢ်ဒီး, တဟးဖးဒီးအီၤဘၣ်” န့ၣ်လီၤ. လံာ်စီဆှံတတီၤအံၤ, တမ့ၢ် တၢ်အၢၣ်လီၤအီလီၤတထံၣ်ဘၣ်ဆၣ်, ကမ့ၢ်ဝဲဒၣ်အါန့ၢ်ဒံး တၢ်ကူၣ်သ့အထူသနူတမံၤန့ၣ်လီၤ. ဖိသၣ်တဖၣ် လၢအတၢ်အိၣ်မူအပူၤ, အစှၤကတၢၢ်တဘျီန့ၣ် လဲၤကပာ်ဝဲဒၣ် ကစၢ်ယွၤဘၣ်ဆၣ်, လၢတၢ်ဆီၣ်လီၤသးအပူၤ, ပကအဲၣ်ယွၤပျံၤယွၤ (:၄) အဂီၢ်, လီၤဆီဒၣ်တၢ် ခီဖျိလၢ တၢ်အိၣ်မူဟ့ၣ်ဒိဂ့ၤတဲာ်ဘၣ်အပူၤန့ၣ် ယမိၢ်ဒီးယပၢ် ဂုာ်ကျဲးစၢးလုၢ်ဒိၣ်ထီၣ်ပှၤန့ၣ်လီၤ. ခဲကနံၣ်အံၤ, မ့ၢ်လၢယွၤအတၢ်အဲၣ်အတၢ်ဆိၣ်ဂ့ၤအဃိ, ယမိၢ်ဒီးယပၢ် ထံၣ်ဘၣ် ပဒီပုၢ်ဝဲၢ်တဖၣ်…
လၢကစၢ်ခရံာ်အပူၤ ဖံးသကိးမၤသကိးတၢ်
ကွဲၤဟူဖျါတၢ်သံကွၢ်စံးဆၢအကတီၢ်, ပိာ်မုၣ်သးစၢ်တဂၤ စံးဝဲဒၣ်လၢ “ဖဲနအိၣ်တၢ်လီၢ်တတီၤတီၤမ့ၢ်ဂ့ၤႇ နလဲၤခီဖျိဘၣ်တၢ်တမံၤမံၤဂ့ၤ, တၢ်လၢအိၣ်ဒီးနၤန့ၣ် စူးကါအီၤ, ဒီးမၤအဂ့ၤကတၢၢ်” န့ၣ်လီၤ. အတၢ်ကတိၤတဖၣ် ထိၣ်ဟူးထိၣ်ဂဲၤယသး ဒ်သိးယကခိးကွၢ်ဒိကနၣ် အဂ့ၢ်အလၢအၦဲၤလီၤတံၢ်လီၤဆဲးန့ၣ်လီၤ. ယသ့ၣ်ညါထွဲလၢ အဝဲမ့ၢ် ဒီပုၢ်ဝဲၢ်မုၣ်ဃုဂၤလၢ အမၤလိဒိးန့ၢ် သရၣ်မုၣ်ကွၢ်ၦၤဆါ အဒံၢ်ကရံၣ် အကျါတဂၤန့ၣ်လီၤ. အပူၤကွံာ်န့ၣ်, အဝဲသ့ၣ် အဟံၣ်တအိၣ်ဃီတအိၣ်, ဒီးဘၣ်ဂဲၤပျုၢ်ကျဲးစၢးသၦၢ်ၦၢ်ဘၣ်ဆၣ်, အဖီတၢၣ်လၢ အဝဲသ့ၣ် ပညိၣ်ပာ်ဝဲန့ၣ် ဒ်သိးကတုၤဃီၤဝဲ ဒ်သိးသိးအဂီၢ်, အဝဲသ့ၣ် မၤသကိးတၢ်န့ၣ်လီၤ. ဒီးဖဲတၢ်ထုးထီၣ်ရၤလီၤ အဝဲသ့ၣ်အဂ့ၢ်အကျိၤအကတီၢ်န့ၣ်ဒီး, အဒီပုၢ်ဝဲၢ်မုၣ် ဃုဂၤလိာ် မၤဝံၤဒိးန့ၢ်လံ သရၣ်မုၣ်ကွၢ်ၦၤဆါ အဒံၣ်ကရံၣ် လၢလီၢ်ကဝီၤအဖၠၣ်စိမိၤန့ၣ်လီၤ.
၄ မိၤရှ့ ၂၇ ပာ်ဖျါဝဲဒၣ် ဒီပုၢ်ဝဲၢ်မုၣ်အဂၤတဖု မၤသကိးတၢ်ဒီးမၤစၢၤဆီၣ်ထွဲလိာ်သးအဂ့ၢ်န့ၣ်လီၤ. စီၤစလၤဖဃး အဖိမုၣ် ယဲၢ်ဂၤန့ၣ် ပတံထီၣ် တၢ်သကွံာ်ကညး ဘၣ်ဃးဒီး တၢ်ဒိးန့ၢ်တၢ်န့ၢ်သါတၢ်သိၣ်တၢ်သီ တၢ်ဘျၢသနူအဂ့ၢ်န့ၣ်လီၤ. အဝဲသ့ၣ် ပာ်ဖှိၣ်ရိဖှိၣ်အသး, ဒီးဂဲၤဆၢထၢၣ်လၢ စီၤမိၤရှ့အမဲာ်ညါ ဒ်သိးကဃ့သကွံာ်ကညးအတၢ်ဂ့ၢ်အဂီၢ်, ဒီးစံးဝဲဒၣ်လၢ “ပပၢ်သံဝဲ...သံဝဲလၢအတၢ်ဒဲးဘးဒၣ်ဝဲအပူၤ,…
တၢ်ကဟုကယာ်လၢ အဝံစၢၤယိးစၢၤတၢ်
ယကလဲၤထီၣ်ဆူ ကဘီယူၤအလိၤအဂီၢ်, ယလဲၤယဲဆူ “ပှၤသမံသမိးမၤကွၢ်တၢ်အလီၢ်” လၢကဘီယူၤပျီအပူၤ, ဒ်သိးယကမၤဂၢၢ်မၤကျၢၤ နီၣ်ဂံၢ်လၢ ယကွဲၤဒီနၢ်ဖိအပူၤဘၣ်ဆၣ်, ယတထံၣ် ယကွဲၤဒီနၢ်ဖိလၢၤဘၣ်န့ၣ်လီၤ. ယကွဲဒီနၢ်န့ၣ် ကအိၣ်လီၤတဲာ်တ့ၢ်ဝဲဒၣ် ဖဲတၢ်ဒိးလဲသိလ့ၣ်လၢအဟဲဆှၢယၤအလိၤန့ၣ်လီၤ. လၢတၢ်န့ၣ်အဃိ, မ့ၢ်ယကဘၣ်ကိး ပှၤနီၣ်သိလ့ၣ်လၢ အဟဲဆှၢပာ်လီၤတဲာ်တ့ၢ်ယၤတဂၤ ကသ့ဝဲဒၣ်ဒ်လဲၣ်. ဖဲယဂဲၤပျုၢ်ဒီးဂုာ်ဘျးစဲထီ ယခီၣ်ဖၠူထၢၣ် လဲး(ပ)ထီး (Laptop), လၢကဘီယူၤပျီ အဝၢးဖၢၣ် (Wi-Fi), ဒီးယဘၣ်ယိၣ်ယဲလၢ တၢ်ဆၢကတီၢ်ကစဲၤခံဝဲဒၣ်ဒိၣ်မးန့ၣ်လီၤ. ယဝၤစူးကါဝဲဒၣ် အဲး(ပ) (app) ကျိၤကျဲတမံၤ, ဒီးသ့ၣ်ညါဘၣ်ဝဲလၢ ယကွဲၤဒီနၢ်န့ၣ် တအိၣ်ဒီးယၤ လၢကဘီယူၤပျီဘၣ်အဃိ, ကွဲးဆှၢန့ၢ်ယၤ လီအလံာ်ပရၢ (email), ဒီးအိၣ်ခိးဝဲဒၣ်ယၤ လၢယကဘျးစဲထီဒီး ဝၢးဖၢၣ် အကတီၢ်န့ၣ်လီၤ. အတၢ်ကွဲးစံးဝဲဒၣ်လၢ “ဆှၢလီၤန့ၢ်ယၤ ပှၤနီၣ်ဆှၢနၤ သိလ့ၣ်, အကွဲၤဒီနၢ်-နီၣ်ဂံၢ်, ဒီးယကကွၢ်မၤတၢ်လၢနဂီၢ်” န့ၣ်လီၤ. ယဝၤ ဟဲနုာ်လီၤမၤစၢၤ ဘှါဆှဲယတၢ်ဂ့ၢ်ကီန့ၣ် ဒုးအိၣ်ထီၣ် သးအတၢ်မုာ်တၢ်ပၢၤသတူၢ်ကလာ်န့ၣ်လီၤ.
ယနာ်ယဲလၢ သးအတၢ်မုာ်တၢ်ပၢၤ ဒ်သိးအံၤတကလုာ်န့ၣ် ကစၢ်ယွၤ အဲၣ်ဒိးဝဲလၢ ပကမုာ်လၤသးခု…
ယွၤအကျဲလၢအဆှၤပှၤဆူဟံၣ်
ဖဲယနီၣ်လီၤသိလ့ၣ်ဆူ ပှၤပာ်သိလ့ၣ်အလီၢ်န့ၣ်ဒီး, ယသးပူၤပှဲၤလုၣ်ကွံာ်ဝဲဒီးတၢ်သူၣ်ကိၢ်သးဂီၤန့ၣ်လီၤ. အပူၤကွံာ်န့ၣ်, တၢ်လီၢ်တတီၤအံၤ ယဟဲတုၤယဲတဘျီ, ဒီးယကျဲလီၤမၢ်
ဝဲဒၣ်န့ၣ်လီၤ. ဘၣ်ဆၣ်, ခဲကနံၣ်အံၤ, ဖဲယစးထီၣ်လဲၤယဲဆူ ကဟၣ်စိာ်ထီၣ်စိာ်လီၤတၢ်အကပၤ တြဲၤတဘ့ၣ်န့ၣ်ဒီး, ယသးကလၢၢ်ဘၣ် တၢ်သးမုာ်သးခုၣ် လုာ်ဘၢကွံာ်ယသး
န့ၣ်လီၤ. ယသ့ၣ်ညါ တၢ်လဲၤကျဲလံန့ၣ်လီၤ. ယလဲၤနုာ်လီၤဆူ တြဲၤအိၣ်အလီၢ်, ဒီးယထံၣ် ကဟၣ်စိာ်ထီၣ်စိာ်လီၤတၢ်တဖၣ်, ဒီးယဒိးထီၣ်ဝံၤ, တယံာ်ဘၣ်န့ၣ် ယလဲၤတုၤတၢ်လီၢ်လၢ ယကဘၣ်လဲၤအလီၢ်န့ၣ်လီၤ.
လၢတၢ်ပာ်သိလ့ၣ်အလီၢ်ကျဲတဖၣ် လၢအိၣ်သဘံၣ်ဘုၣ်အသးတဖၣ်အကျါတၢ်ဃုထံၣ်န့ၢ်ကျဲအဘၣ် အတၢ်လဲၤခီဖျိန့ၣ်, ဒုးသ့ၣ်နီၣ်ထီၣ်ယၤလၢ ဘၣ်တဘျီဘျီ, တၢ်လီၤမၢ်ကျဲန့ၣ် မၤစၢၤပှၤသ့ဝဲဒၣ်လၢ တၢ်ဃုထံၣ်န့ၢ်က့ၤ ပတၢ်လဲၤကျဲလၢအဘၣ်န့ၣ်လီၤ. ဖဲယလဲၤအဆိကတၢၢ်တဘျီန့ၣ် မ့ၢ်လၢယကျဲလီၤမၢ်တ့ၢ်လံတဘျီအဃိ, တၢ်လၢယမၢကမၣ်အီၤ တဖၣ်န့ၣ် ယဆိကမိၣ်ထီၣ်က့ၤ, ဒီးသ့ၣ်နီၣ်ထီၣ်က့ၤ တြဲၤလၢအကဆှၢယၤဆူ ယတၢ်လဲၤကျဲအကတၢၢ်န့ၣ်လီၤ.
တၢ်ဃုထံၣ်န့ၢ် ပတၢ်လဲၤကျဲန့ၣ် မ့ၢ်တၢ်သးခုဖးဒိၣ်တမံၤ, ဒီးတၢ်ဂ့ၢ်အံၤ မ့ၢ်ဝဲတီဝဲန့ၣ်, ပကထံၣ်ဘၣ်လၢ တနံၤအံၤ, တၢ်ကတိၤပူဟ့ၣ်ဒိ "ဖိလၢအလီၤမၢ်" အဂ့ၢ် ဖျါဝဲလၢ လူၤ ၁၅:၂၄ အပူၤန့ၣ်လီၤ. သးစၢ်လၢ အကျဲကမၣ်,…