ယွၤအတၢ်ကဟုကယာ်လၢအလၢၦဲၤ
အသးသမူဒီစိၤန့ၣ် ဒ့ဘ့း ဘဲးထၢၣ် (David Vetter) ဘၣ်အိၣ်ဝဲလၢ စံၣ်ပိလိတဖျၢၣ် အပူၤ, ဒီးဖဲအသးအိၣ် တဆံခံနံၣ် သံဝဲဒၣ်န့ၣ်လီၤ. အဝဲအိၣ်ဖျဲၣ်ထီၣ်ဝဲလၢ တၢ်ဆါနးနးကျံးကျံး, လၢအမ့ၢ် အနီၢ်ကစၢ်တြီဆၢတၢ်ဆူးတၢ်ဆါတဖၣ်တသ့တန့ၢ်တမံၤ (SCID), ဒီးပှၤကိးအီၤလၢ “စံၣ်ပိလိပိာ်ခွါဖိ” န့ၣ်လီၤ. အမိၢ်ဒီးအပၢ်န့ၣ် အဖိဝဲၢ်ကိ လီၤမၢ်တ့ၢ်ဝဲလၢ တၢ်ဆါအၢအံၤအဃိ, ပာ်လီၤအသးလၢ ကဒီတဒၢ အဖိခံဂၤတဂၤန့ၣ်လီၤ. ဒ်သိးကအိၣ်မူအိၣ်ဂဲၤအါနံၣ်အါလါအဂီၢ်, (NASA) အၦၤသ့ၦၤဘၣ်တဖၣ် ကတဲာ်ကတီၤန့ၢ် ပလးစတ့းအတၢ်ဒီတဒၢ စံၣ်ပိလိ,ဃုာ်ဒီးမူပျီဆ့ကူဆ့ကၤလီၤဆီ, ဒ်သိးအမိၢ်အပၢ်ကစိာ်ထီၣ်စိာ်လီၤ ဒ့ဘ့း လၢတၢ်လဲၤတၢ်က့ၤ လၢတၢ်ချၢအဂီၢ်န့ၣ်လီၤ. ပကထံၣ်ဘၣ် ပဝဲကိးဂၤဒဲး ပသးအိၣ် ဒီတဒၢ ၦၤလၢပအဲၣ်ဘၣ်တဖၣ်ထဲလဲၣ်န့ၣ်လီၤ.
နီၢ်အဘံၤကါယံးလး အဝၤ စီၤနဘလး, လၢအမ့ၢ် ပှၤအၢပှၤသီတဂၤန့ၣ် မၤကမၣ်ဘၣ် စီၤပၤဒၤဝံးန့ၣ်လီၤ. လၢတၢ်အကတီၢ်အၢသီအံၤန့ၣ်, စီၤဒၤဝံး အဲၣ်ဒိးဟ့ၣ်ကၣ်ဝဲလၢ အနီၢ်ကစၢ်န့ၣ်လီၤ. ၁ ၡမူၤ ၂၅:၂၉ ပာ်ဖျါဝဲ, နီၢ်အဘံၤကါယံးလး ဃ့ၢ်သဘျိၣ်ဆူ စီၤဒၤဝံး အအိၣ်,…
ကစၢ်ခရံာ်မ့ၢ်တၢ်အကါဒိၣ်ကတၢၢ်
ယမါဒီးယၤႇ ပအဲၣ်ကွၢ်ကီ တၢ်ဂီၤမူလၢ အလီၤနံၤ, ဒီးထီၣ်ဂဲၤထီၣ်တၢ်အဲၣ်တၢ်ကွံ တဖၣ်န့ၣ်လီၤ. ယအဲၣ်ဒိးစံးလၢ တၢ်ကွၢ်ကီတၢ်ဂီၤမူန့ၣ် မ့ၢ်တၢ်လၢယမါ အသးအိၣ်မၤဝဲဘၣ်ဆၣ်, ကဲထီၣ်တၢ်လၢယအဲၣ်မၤစ့ၢ်ကီးန့ၣ်လီၤ. ပှၤဒုးနဲၣ်တၢ်ဖိတဖၣ် အတၢ်လီၤအဲၣ်လီၤကွံ, ဒီးအတၢ်ထုးန့ၢ်သူၣ်န့ၢ်သးတဖၣ်န့ၣ် သန့ၤထီၣ်အသးလၢ တၢ်ဂီၤမူအကတၢၢ်, တၢ်လၢပပာ်ဖျါဆိတသ့ ကတၢၢ်ဝဲလၢတၢ်သးခုန့ၣ်လီၤ. တယံာ်ဒံးဘၣ်န့ၣ် ပကွၢ်တၢ်ဂီၤမူလၢ အဟ့ၣ်ထီၣ်ဝဲ တၢ်အဲၣ်အတၢ်ဟ့ၣ်ကူၣ်တၢ်သံကွၢ်တဖၣ်န့ၣ်လီၤ. တၢ်ဂီၤမူ ပာ်ဖျါထီၣ်ဝဲ "တၢ်အဲၣ်မ့ၢ် သးကလၢၢ်ဘၣ်တၢ်န့ၣ်လီၤ. ဒိးကနၣ် တၢ်လၢနသး စံးဘၣ်နၤတက့ၢ်" န့ၣ်လီၤ. တၢ်ဂီၤမူ အကတၢၢ် ပာ်ဖျါဝဲလၢ နတၢ်သးခုမ့ၢ်တၢ်လၢ အကါဒိၣ်ကတၢၢ်န့ၣ်လီၤ. ပသးကလၢၢ်ဘၣ်တၢ်န့ၣ် မ့ၢ်တၢ်လၢအကါဒိၣ်တမံၤန့ၣ်လီၤ. ဘၣ်ဆၣ်, တၢ်သးကလၢၢ်ဘၣ်တၢ်လၢ အကွၢ်ထဲအဂီၢ်ဒၣ်ဝဲန့ၣ် လၢတၢ်ဆီဟံၣ်ဆီဃီအယံာ်အထီအဂီၢ်, တမ့ၢ်တၢ်အခီၣ်တဃာ်လၢအဂ့ၤဘၣ်န့ၣ်လီၤ.
အခီၣ်ထံးန့ၣ် ခ့ခါလုၢ်လၢ်ထူသနူတဖၣ် ဒုးအိၣ်ထီၣ် တၢ်ထံၣ်ဆိကမိၣ်လၢ အဖျါဂ့ၤဘၣ်ဆၣ်, ပမ့ၢ်ကွၢ်ထံကွၢ်ဆးန့ၣ်ဒီး, ဟးဂီၤကွံာ်ဝဲဒၣ်န့ၣ်လီၤ. ပမ့ၢ်ကွၢ်ထံ လီၤတံၢ်လီၤဆဲးန့ၣ်ဒီး, တၢ်ဂ့ၢ်အိၣ်ဝဲလၢ စီၤပီလူး အသးကံၢ်ပူၤ, ကွဲးပာ်ဖျါဝဲလၢ ကလီးစဲ ၂ အပူၤန့ၣ်လီၤ. ဒ်သိးပကသ့နီၤဖးသ့ၣ်ညါ ခ့ခါလုၢ်လၢ်ထူသနူတဖၣ်…
ကစၢ်ယွၤအတၢ်အၢၣ်လီၤတဖၣ်
ယထံၣ်ဘၣ် ယပၢ်အခိၣ်နူာ် တၢ်သ့ၣ်နီၣ်ထီၣ်တၢ်တဖၣ်လီၤမၢ်ကွံာ်ဝဲန့ၣ် မ့ၢ်တၢ်လီၤသးဘၣ်ဒိန့ၣ်လီၤ. ဒံၣ်မဲၡါ (Dementia) မ့ၢ် ခိၣ်နူာ်တၢ်ဆါလၢ အနးဒိၣ်မး, ဟံးန့ၢ်ကွံာ်ၦၤကညီတဖၣ် အတၢ်သ့ၣ်နီၣ်တဖၣ်ခဲလၢာ်, တုၤဒၣ်လဲာ်အတၢ်အိၣ်မူလၢ ကဘၣ်အိၣ်မူတ့ၢ်ဝဲဆူညါ ကသ့ၣ်နီၣ်ထီၣ်က့ၤတၢ်အဂီၢ် တၢ်တအိၣ်တ့ၢ်ဝဲနီတမံၤလၢၤဘၣ်န့ၣ်လီၤ. ဘၣ်ဖဲမုၢ်တနၤန့ၣ်, ယမံမီၢ်တၢ်တထံၣ်, ဒီးယနာ်လၢကစၢ်ယွၤ ညီနုာ်ဟ့ၣ်ဂံၢ်ဟ့ၣ်ဘါယၤန့ၣ်လီၤ. ယတၢ်မံမီၢ်အပူၤ, လၢကစၢ်ယွၤ အစုပူၤန့ၣ် အိၣ်ဒီးတလါဖိတဖျၢၣ်လၢ ပှၤပာ်တၢ်လုၢ်ဒိၣ်ၦ့ၤဒိၣ်တဖၣ်န့ၣ်လီၤ. ကစၢ်ယွၤန့ၣ် စံးဘၣ်ယၤလၢ, “နပၢ်အတၢ်သ့ၣ်နီၣ်တဖၣ်န့ၣ် ယဟံးဃာ်ပၢၤဃာ်ပာ်ဝဲဖဲအံၤန့ၣ်လီၤ. ခဲကနံၣ်အံၤ, ယကပၢၤပာ်အီၤ, ဘၣ်ဖဲမုၢ်တနံၤ, လၢမူခိၣ်ဘီမုၢ်န့ၣ် ယကဟ့ၣ်က့ၤအီၤန့ၣ်လီၤ.”
နံၣ်လၢအပိာ်ထွဲထီၣ်အခံတဖၣ်အပူၤ, ယမ့ၢ်မတၤလဲၣ်န့ၣ် ဖဲလၢယပၢ်တသ့ၣ်ညါလၢၤဘၣ်ယၤအကတီၢ် တဘျီလၢ်လၢ်, တၢ်မံမီၢ်အံၤ မၤမုာ်ထီၣ်က့ၤယၤန့ၣ်လီၤ. ယမၤသ့ၣ်နီၣ်ထီၣ်က့ၤယသးလၢ ယပၢ်အတၢ်ဆါန့ၣ် မ့ၢ်တၢ်တစိၤဖိန့ၣ်လီၤ. ယပၢ်မ့ၢ် ယွၤအဖိအဃိ, မုၢ်တနံၤန့ၣ် ကစၢ်ယွၤကဟ့ၣ်က့ၤအီၤ အတၢ်သ့ၣ်နီၣ်ထီၣ်တၢ်တဖၣ်လီၤစိၤန့ၣ်လီၤ.
ဒ်သိးပကသ့ၣ်နီၣ် စီၤပီလူး ပာ်ဖျါထီၣ်ဝဲလၢ ၂ကရံၣ် ၄:၁၇ အပူၤ, “တၢ်နးတၢ်ဖှီၣ်ဘၣ်ပှၤ ဘီၣ်သလီၣ်, လၢအအိၣ်တစိၢ်ဖိ” အဂီၢ် ယတၢ်လဲၤခီဖျိအံၤမၤစၢၤၦၤန့ၣ်လီၤ. အဆၢဖိ ၇-၁၂…
တၢ်သ့ၣ်ညါနီၣ်ကစၢ်ယွၤ
ယဒိးထီၣ်ကဘီယူၤဆူ ကီၢ်အ့ဒံၣ်ယၤႇ ကီၢ်လၢ ယတလဲၤတုၤဘၣ်နီတဘျီ, ဒီးယလဲၤတုၤ ဘဲကၣ်လူၣ်အၣ် (Bengalura) ကဘီယူၤသန့ လၢဖးဖီမုၢ်န့ၣ်လီၤ. တၢ်ကွဲးလိာ်သး လီလံာ်ပရၢ အိၣ်ဝဲဘၣ်ဆၣ်, မ့ၢ်မတၤကဟဲအိၣ်ယၤလဲၣ်, ပကဘၣ်ထံၣ်လိာ်ပသးဖဲလဲၣ်န့ၣ် ယတသ့ၣ်ညါဘၣ်. ယပိာ်ထွဲ ၦၤဂီၢ်မုၢ်အခံတုၤလၢ ၦၤဟံးန့ၢ်ထၢၣ်အလီၢ်ဝံၤ, ဟးထီၣ်ဆူ တၢ်ချၢ ဖဲမုၢ်နၤလၢအကိၢ်စဲဘူးစဲဘး, ဒီးလၢၦၤကညီအါဂၤတဖၣ်အကျါန့ၣ် ယလူၤဃုထံၣ်န့ၢ် ၦၤတဂၤဂၤလၢ ကသ့ၣ်ညါယၤန့ၣ်လီၤ. ယဟးဆူန့ၣ်ဆူအံၤလၢ ၦၤဂီၢ်မုၢ်တဖၣ်အမဲာ်ညါန့ၣ် တၢ်ကအိၣ်ဝဲ တနၣ်ရံၣ်ဃၣ်ဃၣ်, ဒီးယမုၢ်လၢ်လၢ ၦၤတဂၤဂၤ ကသ့ၣ်ညါကွၢ်နီၣ်ယၤန့ၣ်လီၤ. အကတၢၢ်န့ၣ်ဒီး, ၦၤလၢအသးဖျါဂ့ၤဝဲတဂၤ ဟဲသုးဘူးအသးဆူယအိၣ်ဒီး, သံကွၢ်ယၤလၢ “နမ့ၢ် ဝ့ (Winn) ဧါ” န့ၣ်လီၤ. “ဝံသးစူၤဘၣ်ယၤတက့ၢ်. ယဆိကမိၣ်လၢ ယကသ့ၣ်ညါကွၢ်နီၣ်နၤန့ၣ်လီၤ. နဟးလၢယမဲာ်ညါတလီၢ်လီၢ်ဘၣ်ဆၣ်, နတလီၤဂာ်ဝဲ ဒ်သိးဒီးယမုၢ်လၢ်တ့ၢ်အသိးဘၣ်န့ၣ်လီၤ.”
ပဝဲပှၤကညီတဖၣ် ညီနုၢ်ပအိၣ်ဒီးသးအတၢ်ဆိကမိၣ်ကမၣ်တၢ်, ဒီးပလီၤတူာ်လီၤကာ်လၢ တၢ်သ့ၣ်ညါကွၢ်နီၣ် ၦၤကညီ မ့တမ့ၢ်, တၢ်လီၢ် လၢပကြၢးသ့ၣ်ညါတဖၣ် န့ၣ်လီၤ. ဒ်သိးဒီးပကသ့ၣ်ညါကွၢ်နီၣ်အီၤအဂီၢ် ကစၢ်ယွၤ ဟ့ၣ်လီၤၦၤ ကျိၤကျဲတဘိလၢအတကမၣ်န့ၣ်လီၤ.…
တၢ်နးတၢ်ဖှီၣ်တဖၣ်အတၢ်ဟ့ၣ်
ရဲး အဒီပုၢ်ဝဲၢ်ခံဂၤ (The Wright brothers) မၤနၢၤဝဲ ၦၤကညီအတၢ်သးအိၣ် ပၢဆှၢလဲၤတၢ်လၢကဘီယူၤဘၣ်ဆၣ်, အဝဲသ့ၣ် အတၢ်လဲၤကျဲဆူတၢ်မၤနၢၤအဂီၢ်န့ၣ် တမ့ၢ် တၢ်အညီနီတဘျီဘၣ်. တၢ်တကဲထီၣ်လိၣ်ထီၣ်တဖၣ်လၢ တၢ်ဂံၢ်ထီၣ်ဒွးထီၣ်တလၢာ်, တၢ်နံၤဘၣ်ဖၣ်လဲႇ ကျိၣ်စ့တၢ်ကီတၢ်ခဲႇ ဒီးအဒီပုၢ်ဝဲၢ်တဂၤ ဘၣ်ဒိဘၣ်ထံးနးနးကလဲာ် ဘၣ်ဆၣ်, တၢ်ကီတၢ်ခဲလၢ အဘၣ်ကွၢ်ဆၢၣ်မဲာ်ဝဲတဖၣ်န့ၣ် ဆိကတီၢ်ဝဲ ၦၤဒီပုၢ်ဝဲၢ်ခံဂၤအံၤတန့ၢ်ဘၣ်. အီၣ်ဘ့ ရဲး (Orville Wright) ပာ်သူၣ်ပာ်သးဝဲလၢႇ “တၢ်လၢကလံၤ အဂၢၢ်န့ၣ် ထိၣ်တယူၤဝဲဒၣ် နီတဘ့ၣ်ဘၣ်” န့ၣ်လီၤ. ၦၤကွဲးၦၤကညီအသးသမူအဂ့ၢ်, ဒ့ဘ့း မဲးခီလၣ် (David McCullough) ပာ်ဖျါဝဲအတၢ်ထံၣ်လၢ, တၢ်ကီတၢ်ခဲစံးတၢ်န့ၣ် “ဘၣ်တဘျီဘျီ မ့ၢ်တၢ်လိၣ်ဘၣ်နီၢ်နီၢ်လၢ ကစိာ်ထီထီၣ်နၤ” သ့ဝဲဒၣ်န့ၣ်လီၤ. မဲးခီလၣ် စံးဝဲဒၣ်လၢ, “အဝဲသ့ၣ်အတၢ်သူၣ်ခုသးခုန့ၣ် တမ့ၢ်တၢ်လဲၤတုၤဆူ ကစၢၢ်ဒီခိၣ်လိၤဘၣ်.မ့မ့ၢ် တၢ်လဲၤထီၣ်ဝဲကစၢၢ်” န့ၣ်လီၤ.
တၢ်မၢဖိ စီၤပ့းတရူး သိၣ်လိဝဲ သူၣ်ဂ့ၢ်သးကျိၤအတၢ်သိၣ်တၢ်ဘျၢဒ်သိးအံၤဆူ လၢသီတၢ်အိၣ်ဖှိၣ်, လၢအဘၣ်တၢ်မၤအၢမၤနးတဖၣ်အဂီၢ်န့ၣ်လီၤ. ၁ ပ့း ၄:၁၂…
ပျဲလဲၤယပှၤဂီၢ်မုၢ်တဖၣ်
တၢ်ဂီၤတ့ခဲၣ် “ပျဲလဲၤယပှၤဂီၢ်မုၢ်တဖၣ်” တဘ့ၣ်အံၤ ဘၣ်တၢ်တ့ခဲၣ်အီၤလၢ အ့ၣ်ရိၣ် ဒီးကလး (Aaron Douglas) န့ၣ်လီၤ. ဒီးကလး စူးကါဝဲ တၢ်အလွဲၢ် အဂီၤဃဲး, အလါ, ဒီးထူအလွဲၢ်လၢအဖျါဆဲးကပီၤဒိၣ်, ဒီးတ့ခဲၣ် အၤဖရံကၣ် (African) အလုၢ်အလၢ်, ဒ်သိးကပာ်ဖျါထီၣ် လံာ်စီဆှံအတၢ်တဲပူ ဘၣ်ဃးဒီးစီၤမိၤရှ့အဂ့ၢ်န့ၣ်လီၤ. တၢ်ဂီၤအံၤ ဘၣ်တၢ်ဒုးဘၣ်ထွဲလိာ်အသးဒီးအမဲရကၤသူဖံးဖိတဖၣ် ထုးဂံၢ်ထုးဘါလၢ ကဒိးန့ၢ် တၢ်သဘျ့, ဒီးတၢ်စံၣ်ညီၣ်တီအဂီၢ်န့ၣ်လီၤ.
တၢ်ဂီၢ်တ့ခဲၣ်တဘ့ၣ်အံၤ ပာ်ဖျါထီၣ်ဝဲ ကစၢ်ယွၤ လီၣ်ဖျါထီၣ်အသးလၢ စီၤမိၤရှ့ ခီဖျိ မ့ၣ်အူ အီၣ်တပှိာ်တလိၣ်အပူၤ, ဒီးဒုးနဲၣ်ဝဲလၢယွၤသ့ၣ်ညါ ပှၤအံၣ်စရ့လးဖိတဖၣ် တူၢ်ဘၣ်ခီၣ်ဘၣ် တၢ်ကီတၢ်ခဲလၢ ကီၢ်အဲၤကူးပတူးအပူၤန့ၣ်လီၤ. ပှၤလၢ အတ့ခဲၣ်တၢ်ဂီၤတဂၤအံၤ စူးကါဝဲ တၢ်ကပီၤတဘိ, ဒ်သိးကပာ်ဖျါထီၣ် ယွၤအတၢ်ကစီၣ်, ဖျါဖဲ ၂ မိၤ ၃:၁၀ အပူၤ, “ခဲကနံၣ်အံၤဟဲ, ဒီးယကမၢလီၤနၤဆူဖၤရိၤအအိၣ်, ဒ်သိးနကဒုးဟးထီၣ် ယပှၤဂီၢ်မုၢ်, ပှၤအံၣ်စရ့လးဖိ, လၢအဲၤကူပတူးအပူၤန့ၣ်လီၤ.”
တၢ်ဂီၤတ့ခဲၣ် “ပျဲလဲၤယပှၤဂီၢ်မုၢ်တဖၣ်”…
လၢယွၤအဂီၢ်, သၣ်ထီၣ်ဝဲဒၣ်အဖၢမုၢ်
တၢ်တဲလၢပျၢၤတယုၢ်အပူၤန့ၣ်, ပိာ်မုၣ်တဂၤ စူးကါဝဲ ဝၣ်တဘိ, ဒီးအစိးခံကပၤန့ၣ် ဘျးလီၤစဲၤ ထံစဲၤခံဖျၢၣ်- တဖျၢၣ်န့ၣ်အသီ, ဒီးအဂၤတဖျၢၣ်န့ၣ်အလီၢ်လံၤ အိၣ်ဒီးအပူၤထူၣ်ဖျိတဖၣ်, ဒီးလဲၤဝံဒၢၣ်ထံလၢထံကျိၤကိးနံၤဒဲးန့ၣ်လီၤ. ဖဲအဝဲလဲၤဒၢၣ်ထံ, ဒီးဟဲက့ၤတုၤလၢ အဟံၣ်န့ၣ် ထံစဲၤအသီတဖျၢၣ်န့ၣ် ထံအိၣ်တ့ၢ်ဝဲပှဲၤပှဲၤဘၣ်ဆၣ်, မ့မ့ၢ်ထံဒၢအလီၢ်လံၤတဖျၢၣ်န့ၣ် ထံအိၣ်လီၤတဲာ်တ့ၢ်ဒၣ်တစဲးန့ၣ်လီၤ. လၢတၢ်န့ၣ်အဃိ, ထံဒၢအလီၢ်လံၤန့ၣ် အသးတမုာ်ဝဲဒၣ်အဃိ, ဃ့ကညးဘၣ် ပိာ်မုာ်လၢ အဝံစိာ်ထံတဂၤန့ၣ်လီၤ. “ပိာ်မုၣ်န့ၣ် ဃၣ်က့ၤအသး, ဒီးနဲၣ်အစုဆူ ကျဲလၢအလဲၤဒၢၣ်ထံဒီကျိၤ, ဒီးသံကွၢ် ထံစဲၤအလီၢ်လံၤလၢ, “ဖီၣ်တဖၣ်လၢ နအိၣ်တၢ်ကျဲတကပၤ ဖီထီၣ်ဖးထီၣ်ဝဲန့ၣ် နထံၣ်ဧါ. မ့ၢ်လၢနလူၤန့ၢ်အီၤထံ ကိးမုၢ်နံၤအဃိ, ယတၢ်လဲၤတၢ်က့ၤအကျဲဆူထံကျိန့ၣ်, အိၣ်ပှဲၤဝဲဒီးတၢ်ဃံတၢ်လၤန့ၣ်လီၤ.”
ပအိၣ်မူအိၣ်ဂဲၤဝဲ ဖဲဟီၣ်ခိၣ်လၢ, အပာ်ဂံၢ်ပာ်ဘါ, ဒီးမၤလၤကပီၤ တၢ်လၢအသးစၢ်- တၢ်အသီလၢ အဂ့ၤ, အတၢ်လီၤတူာ်လီၤကာ်တအိၣ်, ဒီးတၢ်စူးကါအီၤန့ၢ်တဖၣ်န့ၣ်လီၤ. ဘၣ်ဆၣ်, လံာ်စီဆှံ စံးဘၣ်ပှၤ ဆှဲဆှဲဖိလၢ တၢ်အဃံအလၤအမ့ၢ်အတီန့ၣ် အိၣ်ဟဲဝဲလၢ ပှၤသးပှၢ် လၢအဂံၢ်စၢ်ဘါစၢ်, ဘၣ်သ့ၣ်သ့ၣ်, ကမ့ၢ်တၢ်လၢ အကၢ်ဘျဲးဟးဂီၤ, ကအိၣ်ဒီး တၢ်အပူၤဖျိတဖၣ်န့ၣ်လီၤ.…
တၢ်မၤဘၣ်လိာ်ဘၣ်စးက့ၤတၢ်ဒီးကစၢ်ယ့ၣ်ရှူး
တၢ်ဘိးဘၣ်သ့ၣ်ညါဝဲလၢ “ကဘီယူၤကလဲၤဆူ 'မိၤထံၣ်ကိ' ပီၣ်လဲၣ်က့ၣ်ကျီၤ (Montego Bay) န့ၣ်, အိၣ်ကတဲာ်ကတီၤအသးလံ” န့ၣ်လီၤ. ယမ့ၢ်ပှၤကတိၤတၢ်အခၢၣ်စး, ဘၣ်ဃးဒီးတီၤထီကၠိဖိတဖု, လၢကဘၣ်လဲၤဆူ ကီၢ် ကၠမ့ကၤ (Jamaica)န့ၣ်လီၤ. ဖဲယကထုးထီၣ် တၢ်ပျဲလဲၤထီၣ်ဆူ ကဘီယူၤအလိၤ, ဒီးလံာ်ပျဲခီကီၢ် (Passport) တဖၣ် လၢယချၢဝံထၢၣ်အပူၤန့ၣ်ဒီး, မ့ၢ်လၢယတထံၣ်ယလံာ်ပျဲခီကီၢ်လၢၤဘၣ်အဃိ, ယဖုးဘၣ်ယသးန့ၣ်လီၤ.
ယဘၣ်အိၣ်တ့ၢ်, ဒီးယပှၤတဖုန့ၣ် ဒိးထီၣ် ကဘီယူၤ, ဒီးဘၣ်လဲၤအတၢ်ဒၣ်ဝဲန့ၣ်လီၤ. ယကဒိးန့ၢ်က့ၤ ယလံာ်ပျဲခီကီၢ် အသီတဘ့ၣ်အဂီၢ်, ယဘၣ်ဂုာ်ကျဲးစၢၤမၤဝဲ, ၄ သီ အတီၢ်ပူၤန့ၣ်, ယသးဘၣ်ကိၢ်ဘၣ်ဂီၤဝဲဒၣ်ဒိၣ်မးန့ၣ်လီၤ. ယဘၣ်ကိး ကွဲၤဒီနၢ်အဘျီလၢအကယၤ, ယဘၣ်လဲၤဆူ ဝါရှၢၣ်တၢၣ် ဒံၣ်စံၣ် (Washington DC) အဝ့ၢ် ဘၣ်ဆၣ်, တၢ်လီၤဆီတအိၣ်လၢယဂီၢ်နီတမံၤအဃိ, ယဘၣ်က့ၤနီၣ်သိလ့ၣ်ဆူ ကရဲ ရဲးပ့း (Grand Rapids) အဝ့ၢ် လၢ ကီၢ်စဲၣ် မံးခၠံၣ်ကၣ် (Michigan), ဘၣ်ဆၣ်, လံာ်ပျဲခီကီၢ်အသီန့ၣ် ယတဒိးန့ၢ်ဒံးဘၣ်န့ၣ်လီၤ.…
တဘၣ်သးဟးဂီၤတဂ့ၤ
စဲး(တ)ယါ (Satya) မၤတၢ်ဖဲအတၢ်မၤလီၢ်အသီ ပှဲၤထီၣ် ခွံလါဝံၤ, အသးဟးဂီၤဝဲဒၣ်န့ၣ်လီၤ. ဒ်ပှၤစူၢ်က့ၤနာ်က့ၤကစၢ်ယ့ၣ်ရှူးတဂၤအသိး, လၢတၢ်ဘှါဆှဲ တၢ်ဂ့ၢ်ကီ, ဒီးလၢ တၢ်ဒုးနဲၣ်တၢ်ဖံးတၢ်မၤ အကျိၤအကျဲတဖၣ်အပူၤန့ၣ်, ကျဲးစၢးလူၤပိာ်ထွဲ ယွၤအတၢ်သိၣ်တၢ်ဘျၢတဖၣ်န့ၣ်လီၤ. ဘၣ်ဆၣ်, တၢ်ဂ့ၢ်ကီဘၣ်ထွဲဒီးပှၤကညီတဖၣ် အိၣ်ဒံးဝဲအဖၢမုၢ်, ဒီးတၢ်ကရၢကရိအတၢ်ဖံးတၢ်မၤန့ၣ် တၢ်လဲၤထီၣ်လဲၤထီ အိၣ်ဒၣ်တဆံးတက့ၢ်န့ၣ်လီၤ. လၢတၢ်န့ၣ်အဃိ, အဝဲအဲၣ်ဒိးဆိကတီၢ် အတၢ်ဂုာ်ကျဲးစၢးဖံးတၢ်မၤတၢ်န့ၣ်လီၤ.
ဒ် စဲး(တ)ယါ အသးကလၢၢ်ဘၣ်ဝဲအသိးန့ၣ် နသးကလီၤဘှံးလီၤတီၤ သ့ၣ်သ့ၣ်န့ၣ်လီၤ. တၢ်ဂုာ်ကျဲးစၢးမၤတၢ်န့ၣ် မ့ၢ်တၢ်အဂ့ၤန့ၣ် နသ့ၣ်ညါဘၣ်ဆၣ်, နကမၤတၢ်ဆူညါအဂီၢ်, နသးကလၢၢ်ဘၣ်လၢ, နနီၢ်ခိ, နီၢ်သး အတၢ်ဂံၢ်တၢ်ဘါ ဆံးလီၤစှၤလီၤဝဲဒၣ်န့ၣ်လီၤ. ကလၤ ၆:၉ ဒုးသ့ၣ်နီၣ်ထီၣ်က့ၤပှၤ, တၢ်မၢဖိ စီၤပီလူးအတၢ်ဟ့ၣ်ဂံၢ်ဟ့ၣ်ဘါ, စံးဝဲလၢ, "ပမၤတၢ်ဂ့ၤန့ၣ် မ်ပသုတလီၤဘှံးတဂ့ၤ, အဂ့ၢ်ဒ်အံၤ, ပမ့ၢ်တလီၤဘှံးဘၣ်ဒီး, တုၤအမုၢ်အလါဘၣ်ဒီး ပကကူးတၢ်" န့ၣ်လီၤ. အဝဲစူးကါ တၢ်ကတိၤဟ့ၣ်ဒိ ဘၣ်ဃးဒီးပှၤထူစံာ်ဖိန့ၣ်လီၤ. မ့ၢ်လၢကယဲၢ် ပှၤထူစံာ်ဖိတဂၤလၢ်လၢ်သ့ၣ်ညါဝဲလၢ, တၢ်သူၣ်တၢ်ဖျးအတၢ်မၤန့ၣ် မ့ၢ်တၢ်မၤလၢအကီအခဲအဃိန့ၣ်လီၤ.
အဆၢဖိ ၈ စံးဘၣ်ပှၤ…
တၢ်လၢအညီ, ဒီးတၢ်လၢအကီ
မး(ခ) (Mark) မ့ၢ် တၢ်အိၣ်ဖှိၣ်သရၣ်သးစၢ်လၢ အိၣ်ဒီးတၢ်လဲၤထီၣ်လဲၤထီတဂၤန့ၣ်လီၤ. ဘၣ်ဖဲမုၢ်တဂီၤန့ၣ်, အဖိခွါ အိၣ်ဝ့ၣ် (Owen) ထူလိာ်ကွဲဖျၢၣ်ထူဒီးအပၢ်အဆၢကတီၢ် လီၤဃံၤသံဝဲဒၣ်န့ၣ်လီၤ. မ့ၢ်လၢ အဖိသံဝဲအဃိ, မး(ခ) အသးလီၤသဘှံး, ဒီးအသူၣ်အုးသးအုးဝဲအဖၢမုၢ်ဘၣ်ဆၣ်, ခီဖျိလၢအတၢ်နးတၢ်ဖှီၣ်အံၤ, ဒုးကဲထီၣ်အီၤ သရၣ်လၢ အအဲၣ်သူၣ်ကညီၤသးကညီၤတၢ်အဒိၣ်အအါတဂၤန့ၣ်လီၤ. ယသူၣ်အုးသးအုးဃုာ်ဝဲဒီးမး(ခ),ဒီးယဆိကမိၣ်ယဲလၢ တၢ်မၤကွၢ်တဖၣ်လၢ မး(ခ) အဂီၢ်န့ၣ်, ပာ်ဖျါထီၣ်ဝဲ ဒ်သရၣ်ဖးဒိၣ် တိစၢၣ် (A.W. Tozer) အတၢ်ထံၣ်, လၢအမ့ၢ်, “တုၤတၢ်မၤနးမၤဖှီၣ်ပှၤတဂၤဂၤနးနးကလဲာ်မ့ၢ်တအိၣ်ဘၣ်န့ၣ်ဒီး, ယွၤကဆိၣ်ဂ့ၤအီၤဒိၣ်ဒိၣ်အါအါကသ့ဧၣ်” န့ၣ်လီၤ. တၢ်ကတူၢ်လိာ် တၢ်ထံၣ်အံၤအဂီၢ် ကီခဲဝဲဘၣ်ဆၣ် တၢ်ထံၣ်အံၤမ့ၢ်ဝဲတီဝဲန့ၣ်လီၤ.
ဘၣ်ဆၣ် တၢ်ဂ့ၢ်အံၤတမ့ၢ်တၢ်ယိယိဖိဘၣ်န့ၣ် ဖဲပမၤလိဘၣ် ပှၤအံၣ်စရ့လးဖိတဖၣ် အတၢ်ဟးထီၣ်လၢကီၢ်အဲၣ်ကူပတူးအဂ့ၢ်န့ၣ်ဒီး, ပကသ့ၣ်ညါ ကစၢ်ယွၤအကျဲအကပိၤလၢအိၣ်သဘံၣ်ဘုၣ်ဆးဃၤတဖၣ်န့ၣ်လီၤ. ယွၤ မၤပူၤမၤဖျဲး ပှၤအံၣ်စရ့လးဖိတဖၣ်လၢ ကီၢ်အဲၤကူပတူး, ခီဖျိလၢကျဲအဘီၣ်အညီတဘိန့ၣ်လီၤ. ဒီး ၂ မိၤရှ့ ၁၃:၁၇ ပာ်ဖျါဝဲလၢ ယွၤစံးဝဲဒၣ်, "တုၤပှၤဂီၢ်မုၢ် ထံၣ်ဘၣ်တၢ်ဒုးတၢ်ယၤဒီး, ကပီၢ်ယၢ်လီၤက့ၤ ဘၣ်ဖုးအသး,…