ကွၢ်ဃီၤဆူယွၤအအိၣ်
အဲလ့း(စ) (Elise) အတၢ်ပျံၤဘၣ်ယိၣ်တၢ်လၢအသးပူၤန့ၣ် ဟဲဒိၣ်ထီၣ်အါထီၣ်ဝဲဒၣ် န့ၣ်လီၤ. ကဘၣ်ထုးထီၣ်ဝဲ လံာ်အက့ၢ်ဂီၤဒိအဂီၢ်န့ၣ် တၢ်ဆၢကတီၢ်အိၣ်တ့ၢ်ဒၣ်ထဲတသီဧိၤန့ၣ်လီၤ. ဘၣ်ဆၣ်, ကဟၣ်လၢအထုးထီၣ်လံာ်, ဒီးတၢ်ဂီၤ (printer) န့ၣ် ဟးဂီၤ, ဒီးပှၤထုးထီၣ် တၢ်ဂီၤတဖၣ်တန့ၢ်ဘၣ်. တၢ်ကဘှီဂ့ၤထီၣ်က့ၤအဂီၢ်န့ၣ် ကယံာ်ဝဲဒၣ်ဒံး စှၤနံၤစှၤသီန့ၣ်လီၤ.
အဲလ့း(စ) အဝၤ, စဲ(မ) (Sam) စံးဘၣ်အီၤ, “ဘၣ်ယိၣ်တၢ်တဂ့ၤ. ပကဃ့ကစၢ်ယွၤ အတၢ်မၤစၢၤ, ဒီးပကမၤဝံၤအီၤ သီတနၤကျၢၤန့ၣ်လီၤ. ခီၣ်ဖၠူထၢၣ် အတၢ်ရဲၣ်တၢ်ကျဲၤ တထံၣ်အံၤ ကကဲထီၣ်တၢ်မၤစၢၤလၢ ပကဘှီဂ့ၤထုးထီၣ်က့ၤတၢ်ဂီၤချ့ချ့” န့ၣ်လီၤ.
ဖဲအဝဲသ့ၣ် ဃ့ထုကဖၣ်ဝဲအကတီၢ်, အဲလ့း(စ) အသးဂၢၢ်ထီၣ်မုာ်ထီၣ်ဝဲဒၣ်န့ၣ်လီၤ. အဝဲစံးလီၤက့ၤအသးလၢ “ကွၢ်ဃီၤထဲဒၣ်ဆူ ယွၤအိၣ်န့ၣ်တက့ၢ်” န့ၣ်လီၤ. ခီဖျိလၢ ယွၤအတၢ်ဟ့ၣ် သးအတၢ်ဃူတၢ်ဖိး, ဒီးအဝၤ Sam အတၢ်ဟ့ၣ်ကူၣ်အပူၤန့ၣ် အဲလ့း(စ) မၤဂ့ၤဘှီဘၣ်က့ၤတၢ်, ဒီးမၤဝံၤဝဲ အတၢ်မၤဘၣ်ဆၢဘၣ်ကတီၢ်န့ၣ်လီၤ.
ဒ်အဝဲမၤဝံၤအတၢ်မၤအသိး, အဲလ့း(စ) သ့ၣ်နီၣ်ထီၣ်က့ၤ ပှၤအံၣ်စရ့လးဖိတဖၣ် အမူဒါဖးဒိၣ်လၢအမ့ၢ်, တၢ်ဘှီထီၣ်က့ၤ အဝ့ၢ်ခိၣ်ဒူ…
ကစၢ်ယွၤ ထံၣ်တၢ်ခဲလၢာ်
ဖဲအဝဲသ့ၣ် အိၣ်ခိးဝဲဒၣ် ပှၤကဟဲဆှၢတၢ်အီၣ်တၢ်အီအကတီၢ်, လၢစီၢ်နီၤခိၣ်ကပၤန့ၣ်ဒီး, အဒီဖိပၢ်ခံဂၤ လိာ်ကွဲ တၢ်ဃုထံၣ် ပှၤအိၣ်ခူသူၣ်တၢ်တဂၤ (hide and seek), ဒီးအဖိမုၣ် ကရ့း(စ) အိၣ်ခူသူၣ်ဝဲလၢ တၢ်အီၣ်စရီအလံာ်က့ချၢအဃိ, မဲးကၢၣ် (Michael) တဂၤ, နံၤတကဲလၢၤဘၣ်န့ၣ်လီၤ. အဖိမုၣ် ပှၤယဲၢ်နံၣ်ဖိတဂၤအံၤ, မ့ၢ်တထံၣ်ဘၣ်အပၢ်န့ၣ်ဒီး, ဆိကမိၣ်ဝဲဒၣ်လၢ အပၢ်န့ၣ် တမ့ၢ်ကထံၣ်အီၤဘၣ်န့ၣ်လီၤ. တၢ်အကတီၢ်ဖိန့ၣ် ဖျါဝဲဒ်တၢ်အခီပညီတအိၣ်တမံၤဘၣ်ဆၣ်, လၢခံန့ၣ် မဲးကၢၣ် ဆိကမိၣ်ထီၣ်က့ၤ တၢ်မၤအသးအံၤန့ၣ်ဒီး, သ့ၣ်ညါဝဲဒၣ်လၢ တၢ်လဲၤခီဖျိဖိအံၤ, အိၣ်ပှဲၤဝဲဒီးတၢ်မၤလိလုၢ်ဒိၣ်ပှ့ၤဒိၣ်န့ၣ်လီၤ. ပနာ်လၢ ပပာ်ခူသူၣ် ပတၢ်ဒဲးဘး, လၢယွၤအမဲာ်ညါန့ၣ် ဘၣ်ကသ့ဧါ. ပဆိကမိၣ်လၢ ပမ့ၢ်တထံၣ်အီၤဘၣ်န့ၣ်ဒီး, ကစၢ်ယွၤ တထံၣ်ပှၤလၢၤဘၣ်န့ၣ်ဧါ.
လံာ်ဧၤမိၣ် ၉ အပူၤန့ၣ် ကစၢ်ယွၤ ဟ့ၣ်ပလီၢ်ဝဲဒၣ် ပှၤအံၣ်စရ့လးဖိတဖၣ်လၢ အတၢ်ဒဲးဘးအဃိ, မ်အသုတဆိကမိၣ်လၢ ကပူၤဖျဲးဒီးယွၤအတၢ်စံၣ်ညီၣ်တဂ့ၤန့ၣ်လီၤ. ခီဖျိလၢဝံဧၤမိၣ်န့ၣ် ကစၢ်ယွၤ ပာ်ဖျါထီၣ် တၢ်ဂ့ၢ်အံၤ, "မ့ၢ်ပာ်ခူသူၣ်အသး... ဘၣ်ဆၣ်ဒီး ... ယကဃုန့ၢ်ဒီး,…
တၢ်ဒုးသုးန့ၣ် မ့ၢ်ယွၤအတၢ်မၤ
လၢတၢ်အိၣ်ဖှိၣ်အပူၤ, ကၤရိၣ် (Carol) ရ့လိာ်သးဒီးပှၤသူၣ်က့သးပှၢ်တဖၣ်, ဒီးတိစၢၤမၤစၢၤဝဲမုာ်ဘၣ်ဆၣ်, ဘၣ်ကွၢ်ဆၢၣ်မဲာ်ဒီးတၢ်မၤနၢၤမၤဃၣ်အီၤလၢ တၢ်အိၣ်ဖှိၣ်ခိၣ်နၢ် ဒိၣ်စိဒိၣ်ကမီၤတဂၤန့ၣ်လီၤ. အသးဘၣ်တံာ်တာ်ဝဲဒၣ်လၢတၢ်ဂ့ၢ်အံၤအဃိ, ဃုထံၣ်န့ၢ်ဝဲ တၢ်ဟ့ၣ်ကူၣ်တဲသကိးတၢ်န့ၣ်လီၤ. တၢ်ဟ့ၣ်ကူၣ်အီၤလၢ ကဆိကတီၢ်ကွံာ် အတၢ်ဖံးတၢ်မၤဘၣ်ဆၣ်, ကၤရိၣ် တအဲၣ်ဒိး "စူးကွံာ်ညိကွံာ်" ပှၤသူၣ်က့သးပှၢ်တဖၣ်န့ၣ်ဘၣ်. တၢ်ဂ့ၢ်ခံမံၤအံၤအဘၢၣ်စၢၤန့ၣ် ကၤရိၣ် တဂၤ ကဘၣ်မၤဝဲဒ်လဲၣ်န့ၣ် တသ့ၣ်ညါဝဲအဃိ, ဃ့တၢ်နဲၣ်ကျဲလၢ ကစၢ်ယွၤန့ၣ်လီၤ. ဒ် ကၤရိၣ် ဟ့ၣ်လီးအးလီၤ အတၢ်ပျံၤတၢ်ဖုးတဖၣ်ဆူကစၢ်ယွၤအစုပူၤန့ၣ်ဒီး, ယွၤမၤမုာ်ထီၣ်က့ၤအီၤ, မၤဂၢၢ်မၤကျၢၤက့ၤအသးန့ၣ်လီၤ. ကစၢ်ယွၤ နဲၣ်လိအီၤလၢ ကလဲၤတဲသကိးတၢ်ဒီးခိၣ်နၢ်လၢ အဒိၣ်စိဒိၣ်ကမီၤတဂၤအံၤ, ဒီးကနာ်န့ၢ်ဝဲ ကစၢ်ယွၤ, လၢတၢ်မၤဘၣ်လိာ်ဘၣ်စးက့ၤတၢ်ဂ့ၢ်ကီအဂီၢ်န့ၣ်လီၤ.
ဖဲယူဒၤအစီၤပၤ, စီၤယဟိရှၤဖး နၢ်ဟူဝဲ ဒုၣ်ဒါအဂံၢ်ဆူၣ်ဘါဆူၣ်တဖၣ် ကဟဲဒုး ဝ့ၢ်ယရူၤရှလ့ၣ်န့ၣ်ဒီး, အဆိကတၢၢ်န့ၣ် ဃ့ထုကဖၣ်တၢ်လၢယွၤန့ၣ်လီၤ. စီၤပၤယဟိရှၤဖး ဃ့သကွံၢ်ကညးဝဲဆူ ယွၤသ့တၢ်လၢာ်တဂၤအအိၣ်, ဒီးစံးဝဲဒၣ်လၢ "ပကစၢ်ဧၢ, ပကမၤ ဒ်လဲၣ်ဒ်လဲၣ်န့ၣ် ပတသ့ၣ်ညါဘၣ်. မ့မ့ၢ်ပမဲာ်အိၣ်ဝဲဆူနအိၣ်" (၂ ကွဲး ၂၀:၁၅) န့ၣ်လီၤ. လၢတၢ်ဒိးသန့ၤလီၤသးဒီးအနီၢ်ကစၢ်အဂံၢ်အဘါဒၣ်ဝဲအလီၢ်န့ၣ်…
လဲၤတၢ်ဒ်သိးကစၢ်ယ့ၣ်ရှူးလဲၤဝဲဒၣ်
ခီၣ်ဖၠူထၢၣ် (softwear) တခါန့ၣ် မ့ၢ်လၢအပှ့ၤကလံၤဘၣ်အဃိ, ဘဲ(န) (Ben) ပှ့ၤသူဝဲဒၣ်လၢ တၢ်အါနံၣ်အါလါအတီၢ်ပူၤန့ၣ်လီၤ. တၢ်မၤအံၤမ့ၢ်တၢ်မၤကမၣ်တၢ်ထုးထီၣ်ရၤလီၤခွဲးယာ်အတၢ်ဘျၢသဲစးဘၣ်ဆၣ်, တထံၣ်ဝဲဒၣ်ဒ်တၢ်မၤလၢအကမၣ်ဘၣ်န့ၣ်လီၤ. မ့ၢ်လၢပှၤအါဂၤမၤဝဲ တၢ်ဒ်သိးအံၤအဃိ, ဘၣ်မနုၤအဃိ, ကဘၣ်ပှ့ၤသူ softwear အခီၣ်ထံးခီၣ်ဘိန့ၣ်လဲၣ်. မ့ၢ်မတၤကဟဲဃုသ့ၣ်ညါတၢ်အံၤန့ၣ်လဲၣ်.
ဘၣ်ဆၣ်, ဘဲ(န) မ့ၢ်ပှၤစူၢ်က့ၤနာ်က့ၤတၢ်သီသီ, လၢအတၢ်စူၢ်တၢ်နာ် ဒိၣ်ထီၣ်အါထီၣ်တဂၤန့ၣ် နၢ်ဟူဘၣ်ဝဲ တၢ်စံးကတိၤသကိးတၢ်ဂ့ၢ်ဘၣ်ဃးဒီး, တၢ်အိၣ်မူအိၣ်ဂဲၤ, ဒ်ယွၤအနီၣ်ထိၣ်အသိးအဂ့ၢ်ဝံၤန့ၣ်ဒီး, အဝဲစးထီၣ်ဆိကမိၣ်ဝဲ “တၢ်မၤတၢ်တီတီလိၤလိၤန့ၣ် မ့ၢ်တၢ်မနုၤလဲၣ်” န့ၣ်လီၤ.
softwear လၢအတဖိးမံသဲစးတဖၣ်အလီၢ်န့ၣ် ဘဲ(န) ပာ်လီၤအသးလၢကစူးကါဝဲ softwear အခီၣ်ထံးခီၣ်ဘိတဖၣ်န့ၣ်လီၤ. တၢ်သ့ၣ်တဖၣ်အံၤ အပှ့ၤကလံၤဒိၣ်ဘၣ်ဆၣ်, ဒုးသ့ၣ်ညါဝဲဒၣ်အတံၤသကိးတဖၣ်လၢ “ကစၢ်ယွၤသ့ၣ်ညါ, ဒီးကစၢ်ယွၤအဲၣ်ဒိးဝဲလၢ ပကမၤတၢ်တီတီလိၤလိၤ, တမ့ၢ်ဘၣ်ဧါ” န့ၣ်လီၤ.
လံာ်ဝံဧၤမိၣ် အဆၢဒိၣ် ၇ အပူၤန့ၣ် ကစၢ်ယွၤ ဒုးသ့ၣ်နီၣ်ထီၣ် ပှၤအ့ၣ်စရ့လးဖိတဖၣ်လၢ ကယဲၢ်ပှၤခဲလၢာ်,ဃုာ်ဒီးအပှၤကလုာ်လၢအဃုထၢတ့ၢ်ဝဲတဖၣ်န့ၣ် ကဘၣ်အိၣ်မူမၤထွဲ အနီၣ်ထိၣ်တဖၣ်လီၤတံၢ်လီၤဆဲး, တဘၣ်နီၤဖးတၢ်အဒူၣ်အဆၢဘၣ်
န့ၣ်လီၤ. ကစၢ်ယွၤ အတၢ်မၤလိာ်, ဒီးတၢ်အိၣ်မူလုၢ်လၢ် အနီၣ်ထိၣ်တဖၣ်…
တၢ်လၢယွၤ ဟ့ၣ်လီၤပှၤတဖၣ်န့ၣ် ဟ့ၣ်နီၤလီၤနဲ
စတဲလ့ၣ် (Stanley) အတၢ်သးအိၣ်ဟ့ၣ်တၢ်ညီန့ၣ် ကဲထီၣ်တၢ်ကမၢကမၣ် လၢယဂီၢ်ထီဘိန့ၣ်လီၤ. လၢတၢ်အိၣ်ဖှိၣ်အပူၤ, ပှၤသူၣ်က့သးပှၢ်တဖၣ်, ပှၤမၤကဆှဲကဆှီတၢ်လၢအဟံၣ်ခိၣ်ဟံၣ်ဃၢၤတဖၣ်, (မ့) ပှၤလၢအလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါအီၤတဖၣ် အဂီၢ်န့ၣ် အဝဲပှ့ၤန့ၢ်ဝဲ တၢ်အီၣ်တၢ်အီတဖၣ်, ဒီးတၢ်ဟ့ၣ်ကနၢၤတဖၣ်တလီၢ်လီၢ်န့ၣ်လီၤ.
တၢ်တမံၤဃီ, လၢအလီၤကမၢကမၣ်ဝဲဒၣ်န့ၣ် စတဲလ့ၣ် န့ၣ် တမ့ၢ်ပှၤကဲဒိၣ်ကဲပှၢ်, (မ့) တမ့ၢ်ပှၤလၢအသ့ဃုကျိာ်ဃုစ့ ခီဖျိလၢအပှ့ၤဆါတၢ်တမံၤမံၤဘၣ်ဆၣ်, အတၢ်ဖံးတၢ်မၤဆံးဆံးဖိလၢ အမၤဝဲန့ၣ် ကဲဘျုးကဲဖှိၣ်ဝဲဂ့ၤဂ့ၤဘၣ်ဘၣ်အဃိ, ဒ်သိးဒီးကဟ့ၣ်ခီဟ့ၣ်နီၤတၢ်ဆူညါအဂီၢ်န့ၣ် မၤစၢၤအီၤန့ၣ်လီၤ. ဖဲလၢပှၤတဂၤဂၤ မ့ၢ်စံးဘျုးစံးဖှိၣ်အီၤ, တဘျီလၢ်လၢ်န့ၣ် နဲၣ်ဝဲဒၣ်အစုဆူ မူခိၣ်, ဒီးနံၤဝဲဒၣ်, ဖျါလၢအဲၣ်ဒိးစံးဝဲဒၣ်, “တၢ်အံၤန့ၣ် အိၣ်ဟဲဝဲလၢကစၢ်ယွၤအအိၣ်, ဒီးတမ့ၢ်လၢယၤဘၣ်” န့ၣ်လီၤ. အဝဲစံးကတိၤပာ်ဖျါဝဲဒၣ်တလီၢ်လီၢ်လၢ ကစၢ်ယွၤ မၤစၢၤအီၤ ဒ်သိးကမၤစၢၤဝဲ ပှၤဂုၤပှၤဂၤတဖၣ်အဂီၢ်န့ၣ်လီၤ.
တၢ်ဂ့ၢ်အံၤ မ့ၢ်တၢ်လၢ စီၤပီလူး အဲၣ်ဒိးစံးကတိၤဝဲ, ဒီးဖဲ ၂ ကရံၣ် အဆၢဒိၣ် ၉ န့ၣ် ကွဲးပာ်ဖျါ တၢ်နီၤဟ့ၣ်ခီတၢ်အဂ့ၢ်န့ၣ်လီၤ. အဝဲပာ်အသးကဖၢလၢ ဘၣ်ဃးဒီး ပှၤကရံၣ်သူးဖိတဖၣ် အိၣ်ကတဲာ်ကတီၤပာ်အသး…
တၢ်လၢပကဘၣ်မၤ, ဒီးတၢ်လၢယွၤကဘၣ်မၤ
တၢ်မၤဂ့ၤမၤဘျုးတဖၣ်အဂီၢ်, ကီၢ် စ့ကဖီ (Singapore), အထံကီၢ်ပဒိၣ် ဟ့ၣ်ဂံၢ်ဟ့ၣ်ဘါ ပှၤဂီၢ်မုၢ်လၢကဆီၣ်ထွဲမၤစၢၤတၢ် ခီဖျိ “တၢ်ဟ့ၣ်မၤဘူၣ်-ပာ်ဖှိၣ်အါထီၣ်” န့ၣ်လီၤ. တၢ်မၤအံၤ မ့ၢ် “တၢ်ဟ့ၣ်အါထီၣ် တၢ်မၤဘူၣ်” ကျိာ်စ့ပာ်ဖှိၣ်တုၤအပှဲၤထီၣ်ဘး (မ့) ဟ့ၣ်အါန့ၢ်အန့ၣ်ဆူ တၢ်ဟ့ၣ်သးကညီၤကရၢလီၤဆီတဖုဖုန့ၣ်လီၤ. ခီဖျိတၢ်ပာ်ဖှိၣ်အါထီၣ် ကမျၢၢ်အတၢ်ဟ့ၣ်မၤစၢၤတဖၣ် တုၤလီၤတီၤလီၤအံၤ, ထံကီၢ်ပဒိၣ် မုၢ်လၢ်ဝဲလၢ ကထိၣ်ဟူးထိၣ်ဂဲၤထီၣ် ပှၤဂီၢ်မုၢ်အသး, ဒ်သိးကမၤသကိးအါထီၣ်တၢ်လၢ တၢ်သးအိၣ်ဟ့ၣ်မၤဘူၣ်တၢ်အဂီၢ်န့ၣ်လီၤ.
ဒ်ပမ့ၢ် ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ်အသိး, ပဘၣ်တၢ်ကိးပှၤဆူ ကစၢ်ယွၤ အတၢ်စီတၢ်ဆှံ နီၣ်ထိၣ်အပတီၢ်တဖၣ် လၢပတၢ်အိၣ်မူအတၢ်လဲၤကျဲအပူၤအဂီၢ်န့ၣ် တၢ်မၤကျိၤကျဲခံကလုာ်အံၤ ဒုးသ့ၣ်နီၣ်ယၤန့ၣ်လီၤ. ပှၤဖံးလံးပံၤဖိတဖၣ်အဂီၢ်, စီၤပီလူး အလံာ်ပရၢအပူၤန့ၣ် သဆၣ်ထီၣ်အဝဲသ့ၣ်အခံလၢ “မၤသုတၢ်အုၣ်က့ၤခီၣ်က့ၤဒၣ် သုဝဲ” (၂:၁၂), ဒီး “လူၤတၢ်, ဒီးဃ့ၢ်သဘျိၣ်” (၃:၁၂,၁၄) ဆူတၢ်ပနီၣ်အအိၣ်, ဒ်သိးကန့ၢ်ဘၣ်တၢ်ဘျုးဘၣ်ဃးဒီးယွၤအတၢ်ကိးထီၣ်ထီ လၢယ့ၣ်ရှူးခရံာ်အပူၤန့ၣ်လီၤ. တကတီၢ်ဃီန့ၣ် ပာ်ဖျါမၤလီၤတံၢ်ဝဲဒၣ် “အဂ့ၢ်ဒ်အံၤ, ပှၤလၢအမၤဝဲဖဲဒၣ်အသးဂ့ၤလၢသုပူၤ, ဒ်သိးသုသးကအိၣ်, ဒီးဒ်သိးသုကမၤတၢ်န့ၣ်, မ့ၢ်ယွၤ” (၂:၁၃) န့ၣ်လီၤ.…
တၢ်သးခု အိၣ်ဟဲဝဲလၢယ့ၣ်ရှူး
တၢ်ကူစါယါဘျါ နဲစံၣ် (Nancy) အခဲစၢၣ်တၢ်ဆါန့ၣ် ဒုးအိၣ်ထီၣ်ဝဲဒၣ် တၢ်ပူၤလီၢ်တဖၣ် လၢအကိာ်ပူၤ, ဒီးလၢအကိာ်ယူၢ်ပူၤအဃိ, ကအီၣ်ကိၣ်အက့ ဆံးကိာ်ဖိဒၣ်လဲာ်, ယူၢ်လီၤဝဲတန့ၢ်ဘၣ်န့ၣ်လီၤ. ဖဲတၢ်ဆူးတၢ်ဆါအမုၢ်နံၤတဖၣ်အကတီၢ်, ဒ်သိးကမၤပှဲၤအဟၢဖၢအဂီၢ်, ဘၣ်အီဝဲထဲ တၢ်နုၢ်ထံန့ၣ်လီၤ. နဲစံၣ် လၢအသးအိၣ် ဃုဆံတဂၤ, အမဲာ်သၣ် ကနံၤကမှံထီၣ်အဂီၢ်, တၢ်ဂ့ၢ်အိၣ်ဝဲဒၣ်ထဲတမံၤ, ဒီးမ့ၢ်ဝဲဒၣ် တၢ်သ့ၣ်ညါ ကစၢ်ယ့ၣ်ရှူး, ဒီးအလံၤခွါဖိတဖၣ်န့ၣ်လီၤ. ဒ်သိးအသုတဆိကမိၣ်ဝဲဒၣ်ထဲလၢ အတၢ်အိၣ်သးအပူၤအဂီၢ်, အလံၤခွါဖိတဖၣ်ဟဲအိၣ်ဒီးအီၤတနွံဘၣ်တနွံန့ၣ် မၤစၢၤအီၤန့ၣ်လီၤ. နဲစံၣ် တဂၤ စံးဝဲဒၣ် “မ့တမ့ၢ်ဘၣ်လၢ အလံၤခွါဖိသ့ၣ်တဖၣ်အံၤအဃိန့ၣ်ဒီး, ယပျၢ်စုပျၢ်ခီၣ်လံန့ၣ်လီၤ.”
တၢ်မၢဖိ စီၤပီလူး စ့ၢ်ကီး, ဘၣ်လဲၤခီဖျိကွၢ်ဆၢၣ်မဲာ် တၢ်ဂ့ၢ်ကီတဖၣ်ဘၣ်ဆၣ်, ဃုထံၣ်န့ၢ် တၢ်သးခုလၢ ကစၢ်ယ့ၣ်ရှူး, ဒီးပှၤဂုၤပှၤဂၤအအိၣ်န့ၣ်လီၤ. အတၢ်သးခုန့ၣ်အိၣ်ဟဲခီဖျိလၢ ကစၢ်ယ့ၣ်ရှူး, ဒီးအိၣ်မူအိၣ်ဂဲၤလၢ ကစၢ်ယ့ၣ်ရှူးအဂီၢ်န့ၣ်လီၤ. အဝဲဘၣ်တၢ်ဒုးဃာ်အီၤလၢ ဃိာ်ပူၤဒၣ်လဲာ် (ဖံ ၁:၁၃), ကဟ့ၣ်ဂံၢ်ဟ့ၣ်ဘါပှၤဂုၤပှၤဂၤအဂီၢ်, ဃုထံၣ်န့ၢ်တၢ်ဂံၢ်တၢ်ဘါန့ၣ်လီၤ. စီၤပီလူး တဲဖျါထီၣ် တၢ်သူၣ်ခုသးခု အိၣ်ဟဲခီဖျိလၢတၢ်မၤသကိးတၢ်လၢ တၢ်စံၣ်တဲၤတဲလီၤ ကစၢ်ခရံာ်…
တၢ်ဟ့ၣ်လီၤသးဆူ ယွၤလၢလၢပှဲၤပှဲၤ
ဖဲယသးပှဲၤထီၣ် (၁၈) န့ၣ် ဒ်ပှၤစ့ကဖီပိာ်ခွါတဖၣ် ကိးဂၤဒဲးဘၣ်မၤဝဲအသိး, ယဘၣ်မၤတၢ်လၢထံကီၢ်အသုးမုၢ်အဂီၢ်န့ၣ်လီၤ. ယမ့ၢ်ဘၣ်တဲတီတီန့ၣ် ဒ်ထံကီၢ် အတၢ်ဘျၢအသိး, ယနူာ်လီၤဆူသုးအတၢ်မၤ, လၢခံနံၣ်ဒီးဃုလါအတီၢ်ပူၤန့ၣ် တမ့ၢ်လၢတၢ်သးဆူၣ်အပူၤဘၣ်. ဒ်ပှၤသးစၢ်အဂၤတဖၣ်အသိး, မူဒါလၢအလီၤဘၣ်ယၤတဖၣ်န့ၣ် ယကျဲးစၢးမၤဝဲဒၣ် ဖဲအဘၣ်ဘၣ်, ဒိကနၣ်တၢ်သိၣ်တၢ်ဘျၢတဖၣ်လၢ တၢ်တအါ-တစှၤအပူၤစ့ၢ်ကီးန့ၣ်လီၤ.
မ့မ့ၢ်, ပှၤအိၣ်ဝဲဒၣ်တနီၤ လၢအဘျုးလီၤအသးလၢ အမူဒါတၢ်ဖံးတၢ်မၤအပူၤ, ဒီးလၢအတၢ်လဲၤခီဖျိအပူၤန့ၣ် မၤလိန့ၢ်ဝဲဒၣ် တၢ်သ့ကဲခိၣ်ကဲနၢ်, ဒီးသးလၢအသ့တူၢ်ခီၣ်တၢ်စွံကတုၤတဖၣ်အါမးန့ၣ်လီၤ. လၢယတၢ်သ့ၣ်ညါစဲၤခံအပူၤ, ယသ့ၣ်ညါထွဲယဲဒၣ်လၢ တၢ်အိၣ်မူ, တၢ်ပာ်သူၣ်ပာ်သး လၢအဂ့ၤတကပၤဒ်သိးအံၤတကလုာ်, လီၤဂာ်ဒိၣ်မးဒီးစီၤယိၤသးအတၢ်အိၣ်မူလၢလံာ်စီဆှံအပူၤန့ၣ် မ့ၢ်တၢ်လၢကမၤမုာ် ကစၢ်ယွၤအသးန့ၣ်လီၤ.
ဘၣ်တၢ်ဆါလီၤကွံာ်အီၤ ဒ်ကုၢ်အသိး, ဒီးလၢခံန့ၣ် ဘၣ်လီၤဝဲဃိာ်ဒၣ်လဲာ်, ကယဲၢ်မူဒါတၢ်ဖံးတၢ်မၤလၢ အလီၤဘၣ်အီၤတဖၣ်န့ၣ် စီၤယိၤသး မၤလၢပှဲၤဝဲလၢ တၢ်ဟ့ၣ်လီၤသးဒိၣ်ဒိၣ်ကလဲာ်န့ၣ်လီၤ. လၢအတၢ်အိၣ်အသးမၤအသးတဖၣ်အဂီၢ်, ကဘၣ်သးဆါသးဖျိးဝဲအလီၢ်န့ၣ် အဝဲတူၢ်လိာ်မၤလၢပှဲၤအမူအဒါအဂ့ၤကတၢၢ်အဃိ, တုၤဒၣ်လဲာ် စီၤပိၤတံၤဖၢ် “ပာ်လီၤတဲာ်ကယဲၢ်တၢ်အိၣ်ဒီးအီၤခဲလၢာ်လၢစီၤယိၤသး အစူပူၤ” (၁ မိၤ ၃၉:၆) န့ၣ်လီၤ. တကးဒ်ဘၣ်န့ၣ် စီၤယိၤသး ကဲထီၣ်ဝဲဒၣ် ပှၤအခိၣ်လၢတၢ်ကွၢ်ထွဲဃိာ်, ဒီးလၢခံအကတၢၢ်, ကီၢ်အဲၤကူပတူး…
တၢ်အိၣ်မူသကဲာ်ပဝးနီၢ်နီၢ်
လၢတၢ်ဖံးတၢ်မၤအဂီၢ်, တၢ်ထံၣ်သံကွၢ်အကတီၢ်, ပှၤသံကွၢ် ခဲရိၣ် (Carol) တဘျီဘၣ်တဘျီလၢ “ဘၣ်မနုၤအဃိ နဟးထီၣ်လၢ အပူၤကွံာ် နတၢ်ဖံးတၢ်မၤလဲၣ်” န့ၣ်လီၤ. ခဲရိၣ်ဒီးအပူၤကွံာ်အတၢ်မၤကစၢ်အဘၢၣ်စၢၤ, တၢ်ဂံာ်ဂူာ်လိာ်သးအိၣ်ဝဲဒၣ်န့ၣ် ပှၤထံၣ်လိာ်သံကွၢ်တၢ်တဂၤအံၤ သ့ၣ်ညါဝဲအဃိ, အဲၣ်ဒိးသ့ၣ်ညါအါထီၣ်တၢ်ဂ့ၢ်န့ၣ်လီၤ.
“တၢ်မၤအကျိၤအကျဲတဖၣ် လီၤဆီလိာ်အသး” န့ၣ် ခဲရိၣ် အၢၣ်လီၤတူၢ်လိာ်ဝဲ ဘၣ်ဆၣ်, တၢ်တကြၢးစံးကတိၤအၢသီ အတၢ်မၤကစၢ်အဂ့ၢ်န့ၣ် မ့ၢ်လၢအဝဲနာ်ဝဲဒၣ်အဃိ, အတၢ်ထံၣ် ဘၣ်ဃးဒီးအပူၤကွံာ်အတၢ်မၤကစၢ်တဂၤအဂ့ၢ်န့ၣ် ခဲရိၣ် တအဲၣ်ဒိး တဲဖျါထီၣ်ဝဲဘၣ်. ဖဲ ခဲရိၣ် ဒိးန့ၢ်ဝဲ တၢ်ဖံးတၢ်မၤဝံၤအလီၢ်ခံ, ပှၤကိးတၢ်မၤတဖၣ်ဘၣ်သူၣ်ဘၣ်သး ခဲရိၣ် အတၢ်စံးဆၢအဂ့ၢ်န့ၣ် အတၢ်မၤကစၢ်အသီ စံးဘၣ်အီၤလၢ “ပပာ်ဒိၣ်ပာ်လုၢ်ပာ်ပှ့ၤ နတၢ်အိၣ်မူသကဲာ်ပဝးန့ၣ်လီၤ. နတၢ်မၤကစၢ်အဂ့ၢ်, ဒီးလၢခံ ပဂ့ၢ်သ့ၣ်သ့ၣ်န့ၣ် ပတအဲၣ်ဒိးလၢ နကစံးကတိၤအၢသီအီၤဘၣ်” န့ၣ်လီၤ.
ဒ်အမ့ၢ်, ပှၤစူၢ်က့ၤနာ်က့ၤသီ ကစၢ်ယ့ၣ်ရှူး သီသီတဂၤအသိး, ကအိၣ်မူအိၣ်ဂဲၤဝဲဒၣ်နီၢ်နီၢ် “လၢတၢ်ယူးယီၣ်ပာ်ကဲယွၤ,” ဒီးလၢကျိၤကျဲ “အဂ့ၤအဘၣ်” အဂီၢ်, ခဲရိၣ် ဆိကမိၣ်ဝဲထီဘိန့ၣ်လီၤ. တၢ်စံးဆၢန့ၣ် ကမ့ၢ်တၢ်ယိယိဖိ,…
တၢ်ဆိးသီအိၣ်ခိးကွၢ်လၢ် ကစၢ်ယွၤ
လၢတၢ်သးတံာ်တာ်အပူၤ, ကၠိစဲး (Joseph) လူၤကွၢ်ဃုခွဲးခွး တၢ်ဖံးတၢ်မၤအစရီန့ၣ်လီၤ. လၢအပူၤကွံာ် တၢ်ကွၢ်ထွဲဘုၣ်အီၣ်ဘုၣ်အီပှၤတမှံၤ အတၢ်ဖံးတၢ်မၤန့ၣ် ဒိးန့ၢ် ဝဲဒၣ်လါလဲဂ့ၤဂ့ၤဘၣ်ဆၣ်, ဒ်အမ့ၢ်ပှၤစူၢ်က့ၤနာ်က့ၤ ကစၢ်ခရံာ်သီသီတဂၤ, လၢကလဲၤဘူၣ်သကိးဘါသကိးယွၤအဂီၢ်, ညီနုၢ်နွံအကတၢၢ် တၢ်ဆီတလဲတၢ်မၤအဆၢကတီၢ် လၢတၢ်ဆါတၢ်အီၣ်ကျးအတၢ်ဖံးတၢ်မၤန့ၣ် ကီခဲဝဲဒၣ်လၢအဂီၢ်န့ၣ်လီၤ. အဝဲကအုကစွါထီၣ်ဝဲဒၣ်လၢ “ဘၣ်မနုၤအဃိ, ကစၢ်ယွၤတစံးဆၢယတၢ်ထုကဖၣ်န့ၣ်လဲၣ်.” “မ့ၢ်လၢကစၢ်ယွၤ တအဲၣ်ဒိး ယကလဲၤဘါယွၤဘၣ်န့ၣ်ဧါ” န့ၣ်လီၤ.
တချုးလၢ ကၠိစဲး ထံၣ်လီၤက့ၤအသးလၢ ကဘၣ် မၤဘၣ်လိာ်က့ၤ အတၢ်မုၢ်လၢ်ကွၢ်စိတဖၣ်, ဒီးလူၤကွၢ်ဃုတၢ်ဖံးတၢ်မၤအဂၤအဂီၢ်, တၢ်ဆၢကတီၢ်ကအိၣ်ဝဲတနံၣ်ဝံၤန့ၣ်ဒီး, အကတၢၢ်န့ၣ် ဒိးန့ၢ် တၢ်ဖံးတၢ်မၤလၢ တၢ်မၤအဆၢကတီၢ်ဘၣ်လီၢ်ဘၣ်စးဝဲဒၣ်လၢအဂီၢ်န့ၣ်လီၤ. ကၠိစဲး သ့ၣ်ညါနၢ်ပၢၢ်ဝဲဒၣ်လၢ တၢ်အိၣ်ခိးဖးယံာ်ဖးထီန့ၣ် ဒုးကဲထီၣ်အီၤ ပှၤဒိၣ်တုာ်ခိၣ်ပှဲၤတဂၤလၢ ကဆၢတဲာ်တၢ်တဖၣ်အဂီၢ်အဃိ, စံးဘျုးဝဲဒၣ် ကစၢ်ယွၤ
န့ၣ်လီၤ. ကၠိစဲး ဒိးန့ၢ် တၢ်မၤလိ ခီဖျိလၢတၢ်ဆီတလဲ တၢ်ဖံးတၢ်မၤအပတီၢ်အံၤန့ၣ် လၢတၢ်အိၣ်မူအပူၤ, တၢ်သူၣ်စူၤသးစူၤအခီပညီ မ့ၢ်တၢ်ဒ်လဲၣ်, ဒီးတၢ်နာ်န့ၢ် ကစၢ်ယွၤ ဒ်သိးကလီၣ်ဖျါထီၣ် အတၢ်တိာ်ကျဲၤ လၢအကတီၢ်ဒၣ်ဝဲအဂီၢ်န့ၣ်လီၤ.
ပှၤစူၢ်က့ၤနာ်က့ၤ ကစၢ်ယ့ၣ်ရှူး…