ယွၤအတၢ်လီၢ်တၢ်ကျဲ လၢအလဲၢ်

ထီး(ဒ)ဘ့လ့(Todd Billing) မ့ၢ်ဝဲဒၣ် ပှၤကူၣ်သ့တဂၤလၢယွၤဂ့ၢ်ပီညါတကပၤ, ဒီးဒိးန့ၢ်ဝဲ သွံၣ်တၢ်ဆါလၢ တၢ်ယါဘျါအီၤတန့ၢ်လၢၤဘၣ်န့ၣ်လီၤ. အဝဲပာ်ဖျါဝဲဒၣ် အသးသမူ လၢအတအိၣ်ဂၢၢ်ဆိးကျၢၤအံၤ ဒ်တၢ်ကပီၤအိၣ်ဝဲလၢ တၢ်လီၢ်ဖးယံၤ, ဒၢးတဖျၢၣ်အပူၤ, လၢအဘၣ်တၢ်မၤပံာ်သံအီၤ, မ့တမ့ၢ် လၢအကပီၤပံာ်လ့ပံာ်လ့န့ၣ်လီၤ. "ဒ်ယမ့ၢ် ပၢ်တဂၤအသိး, ယအိၣ်ဒီးယဖိဆံး ၁ နံၣ်ဖိတဂၤ, ဒီး ၃ နံၣ်ဖိတဂၤန့ၣ်,ယဆိကမိၣ်ယဲလၢ ခါဆူညါ အနံၣ်အဆံတဖၣ်အတီၢ်ပူၤန့ၣ်, ယကထံၣ်ဘၣ် နဲးထံၣ်(Neti) ဒီးနသဲနံၣ်ယၢၣ် (Nathaniel)ခံဂၤ ကဒိၣ်ထီၣ်, ဒီးဒိၣ်တုာ်ခိၣ်ပှဲၤဝဲဒၣ်န့ၣ်လီၤ. ဘၣ်ဆၣ်, ယဘၣ်ကူစါယါဘျါယသးအဃိ, တၢ်ကမၤအသး အကျိၤအကျဲ ဆံးလီၤစှၤလီၤဝဲဒၣ်န့ၣ်လီၤ."

ဖဲယဆိကမိၣ်ထီၣ် တၢ်အဒူၣ်အဆၢတဖၣ်အံၤန့ၣ်ဒီး, ဘ့လ့(Billing) ကွၢ်ထံဆိကမိၣ်က့ၤဝဲ ထါစံးထီၣ်ပတြၢၤ ၃၁:၈, လၢအပာ်ဖျါထီၣ် ကစၢ်ယွၤ ဆှၢဝဲ စီၤဒၤဝံးဆူ တၢ်လီၢ်တၢ်ကျဲဖးလဲၢ်တတီၤဒ်လဲၣ်န့ၣ်လီၤ. အဆၢဖိ ၂ န့ၣ် စီၤဒၤဝံး ပာ်ဖျါဝဲလၢ အဘၣ်တၢ်မၤကိၢ်မၤဂီၤအီၤလၢအဒုၣ်အဒါတဖၣ်ဘၣ်ဆၣ်, သ့ၣ်ညါဝဲလၢ ကစၢ်ယွၤ မ့ၢ်အလၢၢ်, တိာ်လၢအဂီၢ်, ဒီးမ့ၢ်တၢ်လီၢ်လၢအကတုၤဆူ တၢ်အုၣ်က့ၤခီၣ်က့ၤအဂီၢ်န့ၣ်လီၤ.…

အလီၢ်ဖုၣ်ဘၣ်ဆၣ် ဘၣ်တၢ်အဲၣ်လၢယွၤ

ဘၣ်တနံၤ, လၢတၢ်ဘါသရိာ်န့ၣ်, ယဘၣ်တူၢ်လိာ်မုာ် ဟံၣ်ဒူၣ်ဃီထၢတဒူၣ်လၢ အဟဲရ့လိာ်သးဒီးပတၢ်အိၣ်ဖှိၣ်န့ၣ်လီၤ. ယတီၤလီၤလၢ အဖိမုၣ်ဆံးဖိ ဆ့ၣ်နီၤဝဲလၢ ကဟၣ်ခးဆ့ၣ်နီၤ (Wheel Chair) အကပၤ, ဒီးယဒုးသ့ၣ်ညါအီၤလၢ ယထွံၣ်ဖိ ခါလံၣ် (Callie), ဒီးယပတြၢၤ အမဲာ်ထံကလၤ ဂီၤဝါဖိ, ဒီးအခီၣ်ဖံးဘူးဖိ(boot) အတၢ်ဃံတၢ်လၤန့ၣ်လီၤ. ဖိမုၣ်ဆံးဖိအံၤ တစံးဆၢယၤဘၣ်ဆၣ်, အတၢ်နံၤကမှံၤဖိန့ၣ် စံးဘၣ်ယၤလၢ ပစံးကတိၤသကိးတၢ်အဃိ သးခုဝဲဒၣ်န့ၣ်လီၤ. ဖိသၣ်မုၣ်ဆံးဖိအတဂၤ ဟဲသုးဘူးအသး, ဒီးတကွၢ်ဝဲယတံၤသကိးအသီဖိအမဲာ်ဘၣ်, ဒီးစံးကသွံဝဲဒၣ်ယၤ, “တဲဘၣ်အီၤလၢ ယအဲၣ်အဆ့ကၤဖိ” န့ၣ်လီၤ. ယစံးဘၣ်အီၤ, “တဲဘၣ်အီၤနနီၢ်ကစၢ်ဒၣ်နဲတက့ၢ်. အဝဲမ့ၢ်ပှၤသူၣ်ဂ့ၤ သးဝါဒ်သိးနၤ” န့ၣ်လီၤ. ပစံးကတိၤရ့လိာ်သးဒီးပတံၤသကိးအသီန့ၣ် မ့ၢ်တၢ်လၢအညီထဲလဲၣ်န့ၣ်, ယတဲနၢ်ပၢၢ်အီၤလၢ တံၤသကိးဖိတဂၤအံၤ စံးကတိၤသကိးတၢ်တဒ်သိးလိာ်အသးဒီးပှၤဘၣ်ဆၣ်, ဖဲပကွၢ်အီၤ, ဒီးခီဖျိပတၢ်နံၤကမှံဖိန့ၣ် အသးကကလၢၢ်ဘၣ်ဝဲလၢ အဝဲဘၣ် တၢ်တူၢ်လိာ်မုာ်အီၤ, ဒီးဘၣ်တၢ်အဲၣ်အီၤန့ၣ်လီၤ.

လၢလံာ်စီဆှံအပူၤ, ဒီးလၢဟီၣ်ခိၣ်ချၢအံၤ, ပှၤကညီတဖၣ်န့ၣ် မ့ၢ်လၢတၢ်ထံၣ်အီၤ ဒ်ပှၤလၢအတဒ်သိးဒီးပှၤဂၤအဃိ, ဘၣ်တၢ်လဲၤကပာ်ကွံာ် အဝဲသ့ၣ်န့ၣ်လီၤ. ဘၣ်ဆၣ်, ပကစၢ်ယွၤ လၢအဒိၣ်အမုၢ်တဂၤန့ၣ်…

တၢ်ဂ့ၢ်ထီဒါလိာ်သးအလိၤ ခရံာ်အတၢ်ထံၣ်

အဲစဲး ဝး (Isaac Watts) မ့ၢ် ပှၤမံၤဟူသၣ်ဖျါတဂၤ, လၢအကွဲးဝဲ ထါသးဝံၣ်, “ထူၣ်ဖျၢၣ်လီၤလး” (When I Survey the Wondrous Cross) န့ၣ်လီၤ. ဖဲအကွဲးဝဲဒၣ် ထါတၢ်သးဝံၣ်အဖျၢၣ်အဂီၢ်, စူးကါဝဲ ထါအက့ၢ်အဂီၤ ဘၣ်ဃးဒီးတၢ်ဂ့ၢ်လၢအထီဒါလိာ်အသး, “ယတၢ်လုၢ်ဒိၣ်ပှ့ၤဒိၣ်တဖၣ်, ယပာ်လၢတၢ်ကလီကလီ,” ဒီး “ကယဲၢ်ယတၢ်ပာ်ထီၣ်ထီသးတဖၣ်, တမ့ၢ်တၢ်နီတမံၤလၢၤဘၣ်” ဒ်သိးဒီးကပာ်ဖျါထီၣ်တၢ်ဂ့ၢ်မိၢ်ပှၢ်လၢ အထီဒါလိာ်သးန့ၣ်လီၤ. တၢ်ကွဲးဒ်သိးအံၤတဖၣ်န့ၣ် တၢ်ကိးအီၤလၢ “ထါအတၢ်ဂ့ၢ်လၢ အထီဒါလိာ်အသး” (oxymorons), တၢ်အဒိဒ်သိး, “မ့ၢ်တၢ်ဂ့ၤအၢအၢသီသီ,” ဒီး “သဒီၣ်ဖိလၢအဒိၣ်အသွါ” တဖၣ်န့ၣ်လီၤ. လၢ ဝး (Watt) အထါတၢ်သးဝံၣ် လံာ်မဲာ်ဖျၢၣ်တဖၣ်န့ၣ် မ့ၢ်တၢ်လီၤဆီဒိၣ်ဒိၣ်ယိာ်ယိာ်န့ၣ်လီၤ.

ကစၢ်ယ့ၣ်ရှူး စူးကါဝဲ တၢ်ဂ့ၢ်ထီဒါလိာ်သးတဖၣ် တလီၢ်လီၢ်န့ၣ်လီၤ. မး ၅:၃ အပူၤန့ၣ် ကစၢ်ယ့ၣ်ရှူး စံးဝဲဒၣ်, “ပှၤလၢအသးဖှီၣ်တဖၣ်န့ၣ် ဘၣ်ဆိၣ်ဂ့ၤဝဲလီၤ” ဒီးအဲၣ်ဒိးဒုးသ့ၣ်ညါဝဲဒၣ်, ပှၤလၢအတၢ်မုၢ်လၢ်တအိၣ်တဖၣ်န့ၣ် ကဒိးန့ၢ်ဘၣ်တၢ်အါန့ၢ်ဒံးအမုၢ်လၢ်တ့ၢ်လံဝဲန့ၣ်လီၤ. နၤမ့ၢ်ဂ့ၤ, ယၤမ့ၢ်ဂ့ၤ,…

ပပၢ်အတၢ်အဲၣ်

ခ့(မ)(Kim)ဝံဃာ်အထၢၣ်ဝံချၢဖိ, ဒီးလၢတၢ်သူၣ်ဆူၣ်သးဂဲၤအပူၤ အိၣ်ခိးဝဲဒၣ်အပၢ်ကဟဲ အိၣ်အီၤ, ဖဲပဲတြီဖိအကပၤန့ၣ်လီၤ. ဘၣ်ဆၣ် မုၢ်အတၢ်ကပီၤဟါမၢ်, ဒီးမုၢ်နၤအကတီၢ် တုၤဃီၤလံအဃိ, အတၢ်သူၣ်ဆူၣ်သးဂဲၤတဖၣ် လီၤမၢ်ကွံာ်ဝဲဒၣ်န့ၣ်လီၤ. ခ့(မ)နၢ်ပၢၢ်ဝဲဒၣ် လၢ တဘျီအံၤစ့ၢ်ကီး အပၢ်တဟဲကိးအီၤလၢၤဘၣ်န့ၣ်လီၤ.

ခ့ (မ) အမိၢ်ဒီးအပၢ် မ့ၢ်နီၢ်ဒီမိၤဝၤလၢ အထုးလီၤဖှၣ်လိာ်အသးအဃိဒီး, အဝဲအဲၣ်ဒိးဟံးန့ၢ် တၢ်ဆၢကတီၢ်လၢအပၢ်န့ၣ်လီၤ. လၢအသးပူၤန့ၣ် ဆိကမိၣ်ထီၣ်ဝဲလၢ “တၢ်အံၤတမ့ၢ် တၢ်အခီၣ်ထံးကတၢၢ်တဘျီဘၣ်. ယတမ့ၢ် တၢ်အကါဒိၣ်တမံၤလၢ ယပၢ်အဂီၢ်န့ၣ်ဘၣ်. ယပၢ်န့ၣ်တအဲၣ်ယၤဘၣ်” န့ၣ်လီၤ.

ဖဲ ခ့ (မ) စူၢ်က့ၤနာ်က့ၤ ကစၢ်ယ့ၣ်ရှူးဝံၤအလီၢ်ခံ, အဝဲသ့ၣ်ညါက့ၤဝဲလၢ ပဝဲပှၤစူၢ်က့ၤနာ်က့ၤတၢ်ဖိခဲလၢာ်, ပမိၢ်ပပၢ်လၢဟီၣ်ခိၣ်ချၢအံၤ, ဒီးပှၤဂုၤပှၤဂၤတဖၣ် အသးကဟးဂီၤလၢ ပလိၤဘၣ်ဆၣ်, ပအိၣ်ဒီးပပၢ်လၢမူခိၣ်, လၢအအဲၣ်ပှၤ, ဒီးတမၤဟးဂီၤပသးနီတဘျီဘၣ်အံၤန့ၣ်လီၤ.

စီၤယိၤဟၣ် - ပှၤလၢအကွဲးလံာ်စီဆှံ တၢ်ပရၢသၢဘ့ၣ်, လံာ်တၢ်သးခုကစီၣ်, ဒီးလံာ်လီၣ်ဖျါတဂၤန့ၣ် နၢ်ပၢၢ်တ့ၢ်ဝဲဒၣ် ယွၤအတၢ်အဲၣ်တၢ်ကွံဒိၣ်ဒိၣ်ယိာ်ယိာ်န့ၣ်လီၤ. နီၢ်နီၢ်န့ၣ်, လၢ ယိၤ ၂၁:၂၀ အပူၤန့ၣ် စံးလီၤအသး, ဒ်အမ့ၢ်…

ကစံးကတိၤပာ်ဖျါတၢ်အဂီၢ် ဘၣ်တၢ်မၤဆူၣ်မၤစိး

ကၠီ ဒဲနယဲၣ် (John Daniels) စံးကတိၤဝဲ အတၢ်ကတိၤ လၢခံကတၢၢ်အကတီၢ်န့ၣ် မ့ၢ်ဝဲ, “သ့ၣ်ညါလၢ ကစၢ်ယ့ၣ်ၡူးအဲၣ်နၤလီၤ. အဝဲအဲၣ်နၤနီၢ်နီၢ်န့ၣ်လီၤ.” ဖဲအဟ့ၣ်လီၤ ကျိၣ်စ့ဆူ ၦၤဟံၣ်ဃီတအိၣ်တဂၤ, ဒီးတဲဝဲတၢ်ကတိၤတဖၣ်အံၤဝံၤ, စဲးကီာ်ဖိအတီၢ်ပူၤန့ၣ်, သိလ့ၣ် ဘျၢၣ်ဘၣ်အီၤအဃိ, သံဝဲတကီၢ်ခါန့ၣ်လီၤ. ဖဲတၢ်မၤလၤကပီၤ ကၠီ အသးသမူ တၢ်ဘူၣ်တၢ်ဘါ အတၢ်ရဲၣ်တၢ်ကျဲၤအပူၤန့ၣ် ပာ်ဃုာ်ဒီးတၢ်ကတိၤ, "ဒ်သိးကလဲၤတုၤဃီၤၦၤတဂၤဂၤ ကသ့ဝဲဒ်လဲၣ်န့ၣ် အဝဲအဲၣ်ဒိးဃုသ့ၣ်ညါဝဲအဃိ, လၢမုၢ်အိၣ်ဘှံးနံၤ မုၢ်ဆါခီအကတီၢ်န့ၣ်, ကျဲးစၢးမၤစၢၤဝဲ ၦၤလၢအလိၣ်ဘၣ်တၢ်မၤစၢၤန့ၣ်ဒီး, ယွၤဟ့ၣ်အီၤကျိၤကျဲလၢ ကလဲၤတုၤဃီၤဆူဟီၣ်ခိၣ်အဂီၢ်" န့ၣ်လီၤ. လီၢ်ကဝီၤ ကွဲၤထံၣ်ဟူ အတၢ်ရဲၣ်တၢ်ကျဲၤတဖၣ်ခဲလၢာ်န့ၣ် ပာ်ဖျါထီၣ်ဝဲတၢ်ကစီၣ်အံၤအဃိ, တၢ်ကစီၣ်အံၤ လဲၤတုၤဆူ တံၤသကိးတဖၣ်, ဟံၣ်ဖိဃီဖိ, ဒီးဆူၦၤဂုၤၦၤဂၤလၢ ထံကီၢ်ဒီတဘ့ၣ်” န့ၣ်လီၤ.

ကၠီ ဒဲနယဲၣ် န့ၣ် တမ့ၢ်ဝဲဒၣ်ၦၤစံၣ်တဲၤတဲလီၤတၢ်တဂၤဘၣ်ဆၣ်, တၢ်မၤဆူၣ်သဆၣ်ထီၣ်အီၤလၢ ကစံးဘၣ်တဲဘၣ်ၦၤဂၤလၢ ကစၢ်ယ့ၣ်ရှူးအဂ့ၢ်န့ၣ်လီၤ. စီၤပီလူး စ့ၢ်ကီးတၢ်မၤ အသးဒီးအီၤဒ်သိးအံၤန့ၣ်လီၤ. လံာ်မၤတၢ် ၂ဝ အပူၤန့ၣ်, ပှၤတၢ်မၢဖိ…

နကသံကွၢ်ကစၢ်ယ့ၣ်ၡူးတၢ်မနုၤလဲၣ်.

ဖဲအီၣ်ဂီၤတၢ်အီၣ်ကတီၢ်, ကၠိ (Joe) သံကွၢ် အဖိတဖၣ်လၢ “မုၢ်တဂီၤအံၤ ကစၢ်ယ့ၣ်ၡူး မ့ၢ်ဟဲဆ့ၣ်နီၤဒီးပှၤ ဖဲစီၤနီၤခိၣ်အံၤန့ၣ် မ့ၢ်သုကသံကွၢ်အီၤ တၢ်မနုၤလဲၣ်” န့ၣ်လီၤ. အဖိခွါဖိသ့ၣ်တဖၣ် ဆိကမိၣ်ဝဲတၢ်သံကွၢ်အကီကတၢၢ်တဖၣ်န့ၣ်လီၤ. အဝဲသ့ၣ် ပာ်လီၤအသးလၢ ကသံကွၢ်ဝဲ ကစၢ်ယ့ၣ်ၡူး တၢ်ဂံၢ်တၢ်ဒွးအကီကတၢၢ်, ဒီးကမၢကစၢ်ယ့ၣ်ရှူးတဲဘၣ်အဝဲသ့ၣ် စးကဝးနီၢ်နီၢ်န့ၣ် ဒိၣ်ဝဲထဲလဲၣ်အဂ့ၢ် န့ၣ်လီၤ. ဝံၤအလီၤခံ အဖိမုၣ်ဖိ စံးဆၢဝဲလၢ, “ယကမၢ အဖိးဟုဃာ်ယၤ” န့ၣ်လီၤ.

ဖိသၣ်ဖိတဖၣ်အဂီၢ် တၢ်အဲၣ်တၢ်ကွံလၢ ကစၢ်ယ့ၣ်ၡူးအမဲာ်ချံပူၤန့ၣ် မ့ၢ်နထံၣ်ဆိဘၣ်န့ၣ်ဧါ. ယဆိမိၣ် ကစၢ်ယ့ၣ်ရှူး ကမၤလၢပှဲၤ ဖိသၣ်တဖၣ် အတၢ်ဃ့သကွံာ်ကညးတဖၣ် လၢတၢ်သူၣ်ခုသးခုအပူၤန့ၣ်လီၤ. သုကဆိကမိၣ်ဒ်လဲၣ်. ယထံၣ်မှံယဲလၢ ကစၢ်ယ့ၣ်ရှူး ကရ့တံၤရ့သကိးဒီးပိာ်ခွါဖိတဖၣ်, ဒီးကအိးထီၣ်န့ၢ်ဝဲအစုလၢ ဖိသၣ်ပိာ်မုၣ်ဖိအဂီၢ်န့ၣ်လီၤ. လီၤဆီဒၣ်တၢ်, ကၠိ အဖိမုၣ်ဖိ ပာ်ဖျါထီၣ်ဝဲဒၣ် သးလၢအအဲၣ်ဘၣ်အီၤ, ဒီးသးလၢအဆၢမိၣ်န့ၢ် အတၢ်အဲၣ်, လၢအမ့ၢ် အဆၢမိၣ်န့ၢ်သးလီဝဲ တၢ်ဖိးဟုဖိးဃာ်အီၤန့ၣ် ကစၢ်ယ့ၣ်ရှူး အသးကဘၣ်ဝဲသ့ၣ်သ့ၣ်န့ၣ်လီၤ.

ဖိသၣ်တဖၣ်အိၣ်ဒီးသးလၢ အသ့ၣ်ညါပာ်ဂံၢ်ပာ်ဘါတၢ်, ဒီးသ့ၣ်ညါဝဲလၢ…

ကဲထီၣ်တၢ်လၢအစီဆှံ

ယလဲၤဟးကွၢ်ကီ ဟီၣ်ခိၣ်ဒီဘ့ၣ်အပတီၢ် တၢ်ဒုးနဲၣ် စုသ့စိးပျၤ ဝါစဲလ့ၢ် (ကြွေပန်းပု)တၢ်ဂီၤတဖၣ် လၢစုသ့စိးပျၤအတၢ်သူၣ်ထီၣ် (museum) အကတီၢ်, ယဘၣ်တၢ်ကွဲမုာ်ယၤ ဒ်သိးယနီၢ်ကစၢ်ဒၣ်ယဲ ယကမၤ ကိစိာ်စုဖိတဖျၢၣ် (pinch pot) လၢကပံာ်, ဘၣ်တၢ်ပာ်ဃ့အီၤလၢကလံၤန့ၣ်လီၤ. တၢ်တ့စိးပျၤ, ဒီးတ့ခဲၣ်အလွဲၢ်လၢ သလၢဖျၢၣ်ဆံးဖိတဖျၢၣ်အဂီၢ်န့ၣ်, ယဘၣ်စူးကါတၢ်ဆၢကတီၢ်ယံာ်ဝဲ ခံနၣ်ရံၣ်န့ၣ်လီၤ. ယဂုာ်ကျဲးစၢးမၤတၢ်အစၢ, သလၢဖျၢၣ်ဆံးဖိတဖျၢၣ်န့ၣ် အတလီၤကညီၢ်လီၤသးစဲ, အက့ၢ်အဂီၤတဂ့ၤ, အလွဲၢ်တဃူတဖိးဘၣ်န့ၣ်လီၤ. သလၢဖျၢၣ်ဆံးဖိအံၤန့ၣ် တမ့ၢ်လၢတၢ်ကပာ်ဒုးနဲၣ်အီၤလၢစုသ့စိးပျၤအတၢ်သူၣ်ထီၣ်အပူၤဘၣ်န့ၣ်လီၤ.

တၢ်အိၣ်မူအိၣ်ဂဲၤအပတီၢ် အဒိၣ်အထီန့ၣ် ကဲထီၣ်တၢ်လၢအလီၤပျံၤ, အလီၤဘၣ်ယိၣ်တမံၤသ့ဝဲဒၣ်န့ၣ်လီၤ. ၦၤအံၣ်စရ့လးဖိ အၦၤလုၢ်တၢ်အဒိၣ်တဖၣ် ဘၣ်ကွၢ်ဆၢၣ်မဲာ်ဒီးတၢ်ဂ့ၢ်အံၤန့ၣ်, ဖျါဖဲ ၃မိၤ ၂၂:၁-၈ အပူၤ, လၢအဝဲသ့ၣ် ကျဲးစၢးလူၤပိာ်ထွဲမၤထွဲ ယွၤအတၢ်မၤလိာ်တဖၣ်, ပာ်ဖှိၣ်ဃုာ်ဒီး ဒ်အဆၢဖိ ၁ဝ-၃၃ ပာ်ဖျါဝဲအသိး, တၢ်လုၢ်တၢ်ပာ် အတၢ်နဲၣ်ကျဲတဖၣ်, ဒ်သိးကမ့ၢ်ဝဲပှၤအစီအဆှံလၢ ယွၤအတၢ်မၤအဂီၢ်န့ၣ်လီၤ. ၦၤလုၢ်တၢ်အဒိၣ်တဖၣ် အတၢ်မၤန့ၣ် မ့ၢ်တၢ်လၢအစီဆှံ- ဘၣ်တၢ်မၤအီၤလီၤလီၤဆီဆီ ဘၣ်ဆၣ်, အဝဲသ့ၣ်ဂုာ်ကျဲးစၢးမၤတၢ် အဂ့ၤကတၢၢ်ဒၣ်လဲာ်, တၢ်လီၤတူာ်လီၤကာ်အိၣ်ဒံးဝဲအဖၢမုၢ်န့ၣ်လီၤ. လၢတၢ်န့ၣ်အဃိ,…

ကစၢ်ယွၤ - ပလၢၢ်သနၢၣ်အခီၣ်တဃာ်အမ့ၢ်အတီ

ပဖၣ်ကပူၤလီၤကလဲ, ဒီးအဒါတဖၣ်လီၤပှီၢ်လံအဃိ, အလီၢ်အိၣ်လၢပကဘၣ်ဘှီဂ့ၤထီၣ်က့ၤပဟံၣ်န့ၣ်လီၤ. ပဟံၣ်တၢ်လီၢ်အါတီၤတဖၣ်န့ၣ် ဘၣ်တၢ်မၤလီၤပှီၢ်ကွံာ်ဝံၤ, ၦၤဘှီတၢ်ဖိတဖၣ် စးထီၣ်ခူၣ်ဝဲ တၢ်ကပာ်လီၤ လၢၢ်သနၢၣ်အသီအကတီၢ်, ပထံၣ်ဘၣ် တၢ်လၢအလီၤသးစဲဘူးတဖၣ်န့ၣ်လီၤ.

ၦၤကဘှီတၢ်တဖၣ် ခူၣ်ဝဲဟီၣ်ခိၣ်, ဒီးလီခီသ့ၣ်ဖးတဖၣ်, လၢ ၁၈၅ဝ နံၣ်တဖၣ်အပူၤ ဆိၣ်ဒၣ် (soda) ပလီတဖၣ်, တုၤဒၣ်လဲၣ် ဖၣ်ကပူၤပီးလီတဖၣ် အိၣ်ဟဲဖျါထီၣ်လၢဟီၣ်ခိၣ်လာ်န့ၣ်လီၤ. မ့ၢ်ပတ့ထီၣ်ဘၣ်ပဟံၣ်လၢ ၦၤစူးကွံာ်တၢ်လၢပှၤတသးလီၤ တဖၣ်အလီၢ်အကျဲန့ၣ်ဧါ. မ့ၢ်မတၤကသ့ၣ်ညါလဲၣ်. ဘၣ်ဆၣ်, တၢ်အစၢဟဲထီၣ်ဝဲလၢ ၦၤဘှီတၢ်လၢအသ့စဲအ့ၣ်န့ၣ် စံးဝဲဒၣ်လၢ လၢၢ်သနၢၣ်အခီၣ်တဃာ်အဂီၢ် ပကဘၣ်ခူၣ်ယိာ်ထီၣ်ဟီၣ်ခိၣ်န့ၣ်လီၤ. မ့တမ့ၢ်ဘၣ်ဒီး ဟံၣ်ဒူၣ်တဖၣ်ကတဲၤသ့ၣ်ဖးဝဲန့ၣ်လီၤ.

ဟံၣ်တဖျၢၣ်ကဂၢၢ်ကကျၢၤအဂီၢ်, တၢ်အခီၣ်တဃာ်တဖၣ်န့ၣ် ကဘၣ်ဂ့ၤဝဲဒၣ်န့ၣ်လီၤ. လၢပတၢ်အိၣ်မူအဂီၢ်စ့ၢ်ကီး မ့ၢ်ဝဲတီဝဲဒၣ်န့ၣ်လီၤ. ဖဲၦၤအံၣ်စရ့လးဖိတဖၣ် ပျံၤတၢ်လၢဒုၣ်ဒါတဖၣ်အဃိ, ယၡါ ၃၃:၂-၄ န့ၣ် ဒ်သိးပှၤဂီၢ်မုၢ် ကအိၣ်ဂၢၢ်ဆိးကျၢၤဝဲအဂီၢ် ဝံယၡါယၤ ဃ့ထုကဖၣ်ဝဲဒၣ်န့ၣ်လီၤ. ဘၣ်ဆၣ် တၢ်ဂံၢ်တၢ်ဘါန့ၣ်တဟဲဝဲလၢ တၢ်သူၣ်ဒူသးဒူ, မ့တမ့ၢ် တၢ်စုကဝဲၢ်တဖၣ်န့ၣ်ဘၣ်. မ့မ့ၢ် တၢ်ဂံၢ်တၢ်ဘါအိၣ်ဟဲခီဖျိ, သးသမူ သူၣ်လီၤအသးလၢ ယွၤန့ၣ်လီၤ. အဆၢဖိ…

ဘၣ်ဆိၣ်ဂ့ၤဒ်သိးကကဲထီၣ်တၢ်ဆိၣ်ဂ့ၤ

ဖဲနံၣ်တဖၣ်လၢ ယမၤတၢ် ဒ်ၦၤကွဲးတၢ်ကစီၣ်အကတီၢ်, ယသးခုသးမုာ်ယဲလၢ ယဘၣ်စံးကတိၤပာ်ဖျါ ၦၤဂၤအဂ့ၤဘၣ်ဆၣ်, ယဘၣ်တၢ်သိၣ်လိနဲၣ်လိယၤလၢ ယတဘၣ်ပာ်ဖျါထီၣ် ယတၢ်ထံၣ်ဆိကမိၣ်ဘၣ်န့ၣ်လီၤ. နံၣ်တဖၣ်လဲၤပူၤကွံာ်ဝံၤန့ၣ်ဒီး, ယသးကလၢၤဘၣ် ကစၢ်ယွၤအတၢ်ကိးယၤလၢ ယကဘၣ်ဟးထီၣ် လၢၦၤကွဲးတၢ်ကစီၣ်အတၢ်မၤန့ၣ်လီၤ. ဖဲယသးကလၢၤဘၣ်တၢ် ဒိၣ်ထီၣ်အါထီၣ်ဝဲလၢ ယွၤအတၢ်နဲၣ်ယၤ ဒ်သိးယကကွဲးတီၢ်ထီၣ်အဂ့ၢ် လၢအ့ထဲၣ်နဲးဘလီး (Blog) အပူၤ, လၢတၢ်ကဟ့ၣ်ခီဟ့ၣ်နီၤအဂ့ၢ်န့ၣ်ဒီး, ယကကွဲးပာ်ဖျါ ယတၢ်ထံၣ်ဆိကမိၣ်, လီၤလီၤဆီဆီ ဘၣ်ဃးဒီးယတၢ်စူၢ်တၢ်နာ်အဂ့ၢ်န့ၣ် ယဘၣ်ယိၣ်တၢ်န့ၣ်လီၤ. ဖဲယစးထီၣ်ကွဲးတၢ်န့ၣ်ဒီး, ယဘၣ်ယိၣ်ယဲလၢ တၢ်ဂ့ၢ်လၢယကကွဲးတဖၣ် တအိၣ်လၢၤဘၣ်န့ၣ်လီၤ. ဘၣ်ဆၣ်, ယကွဲးယဲ တနွံဘၣ်တနွံဝံၤ အလီၤခံန့ၣ်, ယဃုထံၣ်န့ၢ် တၢ်ကတိၤဟ့ၣ်သဆၣ်ထီၣ်တဖၣ်, ဒီးတၢ်ထံၣ်ဆိကမိၣ်တဖၣ်လၢ ယကဟ့ၣ်နီၤလီၤအဂီၢ်န့ၣ်လီၤ. ယကွဲးတၢ်တဖၣ် ဒ်ယံာ်ထီၣ်ဒ်အါထီၣ်, ဒီးယတၢ်ထံၣ်ဆိကမိၣ်တဖၣ် အါထီၣ်ဝဲဒၣ်န့ၣ်လီၤ. တၢ်မၤအသးအံၤ, မ့ၢ်ဝဲတီဝဲ တုၤခဲကနံၣ်အံၤန့ၣ်လီၤ.

ဖဲယလူလီၤဂၢ်လီၤ ယတၢ်ဟ့ၣ်, ဒီးတၤလၣ်တဖၣ်လၢ တၢ်မၤတၢ်ခ့တၢ်ၦၤအတၢ်မၤလၢၦၤဂၤအဂီၢ်န့ၣ်ဒီး, လၢယသးသမူအပူၤန့ၣ် ယထံၣ်ဘၣ် ကစၢ်ယွၤ မၤၦဲၤအါထီၣ်ဝဲတၢ်သးခု, ဒီးတၢ်ထိၣ်ဟူးထိၣ်ဂဲၤသးအသဟီၣ်ဒ်လဲၣ်န့ၣ်လီၤ.

ဖဲလံာ် ၂ စီၤပၤအပူၤန့ၣ် ပကဖးဘၣ် ပှၤဖှီၣ်ဖိယာ်ဖိ…

တၢ်ပျံၤယူးယီၣ်ပာ်ကဲယွၤ

ကၠဲရမံၣ် (Jeremy) ကွဲးပာ်ဖျါဝဲလၢ, "သးလၢအပျံၤတၢ်သံအဂ့ၢ်န့ၣ် ယသ့ၣ်ညါယဲတစှၤဘၣ်န့ၣ်လီၤ. အပူၤကွံာ် နွံနံၣ်, ဖဲယနၢ်ဟူဘၣ်လၢ ယအိၣ်ဒီး ခဲစၢၣ်တၢ်ဆါလၢ တၢ်ကူစါယါဘျါအီၤတန့ၢ်အကတီၢ်, ယသးဘၣ်ဒိ, ဆိးက့, ခိၣ်မူၤနၢ်မူၤ, ဒီးတၢ်ပျံၤတၢ်ဖုး လုၣ်ဘၢကွံာ်ယၤ န့ၣ်လီၤ." ဘၣ်ဆၣ် ဒ်သိးအဝဲကပၢၤဃာ်အတၢ်ပျံၤတၢ်ဖုးအဂီၢ် အဝဲမၤလိန့ၢ်တၢ် ခီဖျိသန့ၤလီၤအသးလၢယွၤ, ဒီးဆီတလဲဝဲ, သးလၢအပျံၤတၢ်သံတမံၤအံၤဆူ တၢ်ပျံၤယူးယီၣ်ပာ်ကဲယွၤန့ၣ်လီၤ. တၢ်အခီပညီလၢ ကၠဲရမံၣ် အဂီၢ်န့ၣ်, မ့ၢ်ဝဲ ၦၤလၢအတ့လီၤစးကဝးတဂၤ အတၢ်လီၤဘီလီၤမုၢ် ဒ် ယၡါ ၂၅:၈ ပာ်ဖျါဝဲအသိး, ကစၢ်ယွၤန့ၣ် “ကမၤလီၤဘျၢတၢ်သံလီၤထူလီၤယိာ်” န့ၣ်လီၤ. တကတီၢ်ဃီ, လၢအသးကံၢ်ပူၤန့ၣ် သ့ၣ်ညါနၢ်ပၢၢ်ဝဲလၢ ယွၤသ့ၣ်ညါအီၤ, ဒီးအဲၣ်အီၤန့ၣ်လီၤ.

တၢ်ပျံၤယွၤ- လၢတၢ်ယူးယီၣ်ပာ်ကဲ, ဒီးလၢတၢ်ကမၢကမၣ်အပူၤ, တၢ်ပျံၤကစၢ်ယွၤလၢအစီဆှံတဂၤန့ၣ် မ့ၢ်တၢ်ဂ့ၢ်မိၢ်ၦၢ်လၢလံာ်စီဆှံအပူၤ, ဒီးဘၣ်တၢ်ပာ်ဖျါထီၣ်အီၤတပယူာ်ဃီန့ၣ်လီၤ. လၢလံာ်ကတိၤဒိအပူၤန့ၣ်, ဒ်သိးအဖိခွါကပျံၤယွၤအဂီၢ် စီၤပၤ စီၤၡလိၤမိၤ သိၣ်လိနဲၣ်လိဝဲလၢ အတၢ်ကတိၤလုၢ်ဒိၣ်ၦ့ၤဒိၣ်တဖၣ်န့ၣ်လီၤ. ကတိၤ ၂:၂, ၄-၅ န့ၣ် စီၤၡလိၤမိၤ စံးဘၣ်အဖိခွါ,…