ယွၤအပှၤဂီၢ်မုၢ်တဖၣ် အိၣ်ဆိးလၢဒဲပူၤ

ပသူၣ်ထီၣ်ယၣ်ဒဲ တစိၢ်တလီၢ်လၢ ဆၣ်တဖၣ်အဖီလာ်, ဒီးလၢအၤဖရံၤကၤမုၢ်နုာ် အမူကပိာ်လိၤဖးလဲၢ်ဒီးပဝဲအဘၢၣ်စၢၤန့ၣ် တၢ်တအိၣ်နီတမံၤဘၣ်. ဖဲလၢတၢ်ကိၢ်ဃ့ အကတီၢ်န့ၣ်, တၢ်သူၣ်ထီၣ်ဒဲတဖျၢၣ်တလိၣ်ဘၣ်ဆၣ်, မ့ၣ်အူ မ့ၢ်တၢ်လၢအကါဒိၣ်နီၢ်မးန့ၣ်လီၤ. ယပၢ် ဆဲးတိၢ်သ့ၣ်ဖူကျီၣ်တဖၣ်လၢသ့ၣ်တဘိ, ဒီးစံးဝဲဒၣ်, “တဘၣ်ပျဲ မ့ၣ်အူ သံကွံာ်နီတစုတဂ့ၤ” န့ၣ်လီၤ. မ့ၣ်အူမ့ၢ်အိၣ်န့ၣ် တၢ်မံၤလာ်တဖၣ် တဟဲမၤဘူးပှၤဘၣ်. ယွၤအတၢ်ဘၣ်တ့ ဆၣ်ဖိကီၢ်ဖိတဖၣ်ခဲလၢာ်န့ၣ် လီၤလိၣ်လီၤလးဘၣ်ဆၣ်, ပတအဲၣ်ဒိးလၢ ခ့ဘှ့မ့ၢ်ဂ့ၤ, ဂုၢ်မ့ၢ်ဂ့ၤ ကဟဲဟးဝ့ၤဝီၤလၢပဒဲအကပိာ်ကပၤန့ၣ်ဘၣ်.

ယပၢ်မၤဝဲ မံးရှၢၣ်နရံၣ်အတၢ်မၤ လၢကီၢ်ကၢ်နၢ် (Ghana) အထးခီလီၢ်ကဝီၤ, ဒီးအဝဲအိၣ်ဒီးတၢ်သ့တၢ်ဘၣ်လီၤဆီလၢ အဒုးကဲထီၣ်ကယဲၢ်တၢ်ကိးမံၤ လၢအသိၣ်လိတၢ်အကတီၢ်န့ၣ်လီၤ. တၢ်အိၣ်ကသုၣ်လၢဒဲစ့ၢ်ကီး, တပူၤဒီးအတၢ်သိၣ်လိဘၣ်.

တၢ်အိၣ်ဆိးလၢဒဲပူၤန့ၣ် ကစၢ်ယွၤစူးကါဝဲ ဒ်အမ့ၢ်တၢ်သိၣ်လိနဲၣ်လိတၢ်အလီၢ်လၢအပှၤဂီၢ်မုၢ်အဂီၢ်စ့ၢ်ကီးန့ၣ်လီၤ. ၃ မိၤရှ့ ၂၃:၄၀ ပာ်ဖျါဝဲလၢ တနံၣ်န့ၣ်တဘျီ, ဒီနွံအတီၢ်ပူၤန့ၣ်, ပှၤအံၣ်စရ့လးဖိတဖၣ် ကဘၣ်အိၣ်ဆိးဝဲလၢဒဲတဖၣ် လၢအဘၣ်တၢ်တ့ထီၣ်အီၤဒီး “သ့ၣ်အဃံအလၤအတၤသၣ်, ဒီးစူၣ်ပလိၣ်အဒ့, ဒီးသ့ၣ်ခဲအဒ့, ဒီးထံကျိအပံၢ်သလိ” န့ၣ်လီၤ. တၢ်ပညိၣ်ကွၢ်စိ အိၣ်ဝဲခံမံၤန့ၣ်လီၤ. အဆၢဖိ ၄၂-၄၃ န့ၣ်…

မၤတၢ်ဒ်ယွၤအဲၣ်ဒိးဝဲ

အဲၣ်ဒြူ ခး (Andrew Card) မ့ၢ်ကီၢ်အမဲရကၤကီၢ်ခိၣ် ကၠီး ဘူး(ၡ) (George W. Bush) အပှၤမၤတၢ်ဖိခဲလၢာ်အခိၣ် (Chief of Staff) န့ၣ်လီၤ. ဖဲပှၤထံၣ်လိာ်သံကွၢ်အီၤ ဘၣ်ထွဲဒီးအလီၢ်အလၤအတၢ်မၤလၢ ကီၢ်ခိၣ်အဟံၣ် (White House) အဂ့ၢ်, ဒီးအဝဲတဲနၢ်ပၢၢ်ဝဲဒ်အံၤန့ၣ်လီၤ. “ပှၤမၤတၢ်ဖိကိးဂၤအဒၢးန့ၣ်, တၢ်ဘျးလီၤစဲၤဃာ် တၢ်ပညိၣ်တၢ်ပာ်ဖျါ (Statement of purpose) လၢအမ့ၢ် "ပဖံးတၢ်မၤတၢ် ဒ်ကီၢ်ခိၣ်အတၢ်ဘၣ်သး အသိး" န့ၣ်လီၤ. ဘၣ်ဆၣ်, တၢ်အံၤအခီပညီန့ၣ် တမ့ၢ်လၢပမၤတၢ်ဒ်သိးပကမၤမုာ်မံသးကီၢ်ခိၣ်န့ၣ်ဘၣ်. တမ့ၢ်စ့ၢ်ကီးလၢ ပကဒိးန့ၢ်ဘၣ် ကီၣ်ခိၣ်ကသူၣ်မံသးမုာ်အဂီၢ်ဘၣ်. မ့မ့ၢ် ပဖံးတၢ်မၤတၢ်န့ၣ် မ့ၢ်တၢ်ဒုးသ့ၣ်ညါအီၤ တၢ်လၢအကဘၣ်သ့ၣ်ညါဝဲ, ဒ်သိးကမၤလၢမၤပှဲၤ အမူဒါအဂီၢ်လီၤ.” အတၢ်ဖံးတၢ်မၤအံၤန့ၣ်, မ့ၢ်တၢ်ပၢဆှၢ အမဲရကၤ ကီၢ်စဲၣ်စၢဖှိၣ်န့ၣ်လီၤ.

ဒ်တၢ်မၢဖိ စီၤပီလူး ဟ့ၣ်သဆၣ်ထီၣ်ဝဲတလီၢ်လီၢ်အသိး, လၢပလီၢ်ပသနၢၢၣ်, ဒီးလၢပတၢ်ဘၣ်ထွဲလိာ်သးသ့ၣ်တဖၣ်အါမးအပူၤန့ၣ်, လၢတၢ်သးတဖျၢၣ်ဃီအပူၤ ပကမၤထီၣ်မၤထီလိာ်သးကဒဲကဒဲအလီၢ်န့ၣ်, ပလီၤတလံာ်ကွံာ်ဆူ တၢ်မၤမုာ်မၤမံပှၤဂၤအသးန့ၣ်လီၤ. အ့းဖ့းစူး ၄:၁၁-၁၃…

မ့ၢ်အဘၣ်ဃးဒီးနၤဒ်လဲၣ်

ယဖိဒိၣ်မုၣ်ဖိလၢအသးအိၣ်ဃုနံၣ်တဂၤသံကွၢ်ယၤ, “အဝဲဒိးန့ၢ် စပံးသၣ်တၢ်ဆၢကိၣ်လိၣ် ဒီးဘၣ်မနုၤအဃိ ယဒိးန့ၢ် စထရီဘၢၣ်ရံၣ် တၢ်ဆၢကိၣ်လိၣ်လဲၣ်” န့ၣ်လီၤ. ယမၤလိန့ၢ်ဆိပာ်လၢ ယဖိဒိၣ်မုၣ် ဖိဒိၣ်ခွါတဖၣ်အအိၣ်, တၢ်လၢဖိသၣ်တဖၣ် တလီၢ်လီၢ်န့ၣ် ထိၣ်သတြီၤဝဲ တၢ်လၢပှၤဟ့ၣ်အဝဲသ့ၣ်, ဒီးတၢ်လၢပှၤဂုၤပှၤဂၤ ဒိးန့ၢ်ဘၣ်အဖီခိၣ်န့ၣ်လီၤ. အခီပညီမ့ၢ်ဝဲ, ဒ်ယမ့ၢ်မုၢ်ဂၢ်လၢအဲၣ်တၢ်တဂၤအသိး, ယကဘၣ်မ့ၢ်ပှၤလၢ အစံၣ်ညီၣ်တဲာ်တၢ်တီတီ” တဂၤန့ၣ်လီၤ.

ယနီၢ်ကစၢ်ယဲဒၣ်စ့ၢ်ကီး, ဘၣ်တဘျီဘျီ ယထိၣ်သတြီၤဘၣ် တၢ်လၢကစၢ်ယွၤဟ့ၣ်ယၤ, ဒီးတၢ်လၢကစၢ်ယွၤဟ့ၣ် ပှၤဂုၤပှၤဂၤန့ၣ်လီၤ. ယသံကွၢ်ကစၢ်ယွၤ, “ဘၣ်မနုၤအဃိ ယဒိးန့ၢ်တၢ်တမံၤအံၤ, ဒီးအဝဲတခီဒိးန့ၢ်တၢ်အဂၤတမံၤန့ၣ်လဲၣ်” လီၤ. ယတၢ်သံကွၢ် ဒုးသ့ၣ်နီၣ်ထီၣ်ယၤလၢ စီၤရှံမိၣ်ပ့းတရူး အတၢ်သံကွၢ်ကစၢ်ယ့ၣ်ရှူး လၢပီၣ်လဲၣ်ကၤလံၤလါန့ၣ်လီၤ. ခါလၢအပူၤကွံာ် စီၤပ့းတရူးသမၢအီၤန့ၣ်, ကစၢ်ယ့ၣ်ရှူး ဟ့ၣ်တၢ်ဘှီဂ့ၤ,မၤဘၣ်ထီၣ်က့ၤအီၤ, ဒီးပျၢ်ကပာ်ကွံာ် စီၤပ့းတရူး အတၢ်ကမၣ်, ဒီးခဲကနံၣ်အံၤ, ယိၤ ၂၁:၁၅-၁၉ အပူၤန့ၣ်, စံးဘၣ် စီၤပ့းတရူးလၢ အဝဲမၤလၤကပီၤယွၤ, ခီဖျိကတူၢ်သံအသး ဒ်မၤထူရၤအသိးအဂ့ၢ်န့ၣ်လီၤ. လၢအဆၢဖိ ၂၁ န့ၣ်, ကစၢ်ယ့ၣ်ရှူး ကွဲမုာ်အီၤလၢကပိာ်အခံအဂီၢ် ကဘၣ်စံးဆၢဝဲ…

နမ့ၢ်ပှၤလၢအဘၣ်တၢ်အဲၣ်နၤ

“ယမ့ၢ်ဘၣ်စံးကတိၤတီတီန့ၣ်, ယသးဘၣ်ဖှီၣ်ယဲန့ၣ်လီၤ. ပှၤတအဲၣ်ဒိးရ့တံၤရ့သကိးဒီးယၤနီတဂၤဘၣ်, ဒီးပှၤထဲတဂၤဧိၤ လၢအဒိကနၣ်ယတၢ်ကတိၤတဖၣ်စ့ၢ်ကီး တအိၣ်လၢၤဘၣ်. ယဘၣ်ဟီၣ်ယဲ ကိးမုၢ်နံၤဒဲးန့ၣ်လီၤ,” ဒ်သိးကပာ်ဖျါထီၣ်ဝဲ အတၢ်သူၣ်အုးသးအုးအဂီၢ်, သးစၢ်မုၢ်ဖိ အဲလံၣ် (Allie), ကွဲးလီၤ လံာ်မဲာ်ဖျၢၣ်တဖၣ်အံၤ လၢသ့ၣ်ဘ့ၣ်ဘၣ်တဘ့ၣ်အလိၤ, ဒီးဘျးလီၤဝဲလၢ ဖီကရၢၢ်အပူၤန့ၣ်လီၤ.

ဖဲပိာ်မုၣ်တဂၤ ထံၣ်ဘၣ်ဝဲတၢ်ကွဲးအံၤဒီး, ဟဲစိာ် ဟီၣ်ခိၣ်ဝါလၢအထံၣ်ဝဲလၢ ပှၤဟးထီၣ်ဟးလီၤတၢ်အကျဲ ဆူဖီကရၢၢ်, ဒီးဃ့ကညးဝဲပှၤဂုၤပှၤဂၤ, ဒ်သိးကကွဲးပာ်ဖျါထီၣ်အဝဲသ့ၣ် အတၢ်ထံၣ် ဘၣ်ထွဲဒီး အဲလံၣ် န့ၣ်လီၤ. တၢ်ကွဲးဟ့ၣ်ဂံၢ်ဟ့ၣ်ဘါ “ပအဲၣ်ဘၣ်နၤလီၤ,” “ကစၢ်ယွၤအဲၣ်နၤ,” “နဘၣ်တၢ်အဲၣ်နၤကွံနၤ” လၢအဆံဘျဲၣ်တဖၣ်န့ၣ်, ဘၣ်တၢ်ကွဲးန့ၣ်အီၤလၢ လၢကၠိဖိတဖၣ် လၢအအိၣ်ဘူးဒီးဖီကရၢၢ်အံၤန့ၣ်လီၤ. ကၠိခိၣ်ပာ်ဖျါထီၣ်ဝဲလၢ, “တၢ်မၤအံၤမ့ၢ်ကျိၤကျဲဖိတဘိလၢ ပကတုၤဃီၤအီၤ, ဒီးကဲထီၣ်တၢ်မၤစၢၤသ့ဝဲဒၣ်လၢ တၢ်မၤပှဲၤတၢ်လီၤဟိလၢအဂီၢ်န့ၣ်လီၤ. မ့ၢ်လၢ ပဝဲအါဒံအါဂၤ, ဘၣ်တဘျီဘျီန့ၣ်, ပဝဲကိးဂၤ ပကလဲၤခီဖျိဘၣ် တၢ်သူၣ်အုးသးအုး, ဒီးတၢ်နးတၢ်ဖှီၣ်အဃိ, အဲလံၣ်မ့ၢ် ပဝဲခဲလၢာ်အခၢၣ်စးန့ၣ်လီၤ.”

တၢ်ကတိၤတကျိၤဖိလၢအစံး, “နဘၣ်တၢ်အဲၣ်နၤကွံနၤ” န့ၣ် ဒုးသ့ၣ်နီၣ်ထီၣ်က့ၤယၤလၢတၢ်ဆိၣ်ဂ့ၤဃံလၤတထံၣ်, ဖျါဖဲ ၅ မိၤ ၃၃:၁၂…

တၢ်ထံၣ် ခါဆူညါအတၢ်မုၢ်လၢ်

ဖဲ ၂၀၀၅ နံၣ်န့ၣ်, ကဲးတြံနၣ် ကလံၤမုၢ်ဖးဒိၣ်မၤဟးဂီၤတၢ်ဝံၤ, တၢ်သူၣ်ထီၣ်က့ၤ ဝ့ၢ် နယူအီၣ်လ့ ကယီၤကယီၤန့ၣ်လီၤ. တၢ်လီၢ်တၢ်ကျဲတဖၣ် လၢအဘၣ်ဒိဘၣ်ထံး အါကတၢၢ်အကျါ တတီၤန့ၣ် မ့ၢ်ဝဲ လီၢ်ကဝီၤ (၉) လာ်တကပၤ, ဒီးပှၤအိၣ်ဆိးဖဲန့ၣ်တဖၣ် ကလံၤမုၢ် ကဲးတြံနၣ် လဲၤပူၤဝဲအါနံၣ်အါလါအပူၤဒၣ်လဲာ်, တဒိးန့ၢ်ဘၣ် တၢ်စုလီၢ်ခီၣ်ခိၣ်အဂံၢ်ထံးတဖၣ်ဒံးဘၣ်န့ၣ်လီၤ. တၢ်အိၣ်သးအံၤ ကဆီတလဲအသးအဂီၢ် ဘၢနၢၣ် ခီးလိ (Burnell Cotlon) မၤဝဲဒၣ်န့ၣ်လီၤ. ကလံၤမုၢ်လီၤဝံၤ ဖဲလါနိၣ်ဝ့ဘၢၣ် ၂၀၁၄ နံၣ်န့ၣ်, အဝဲအိးထီၣ် တၢ်ဆါတၢ်ပှ့ၤအကျးအဆိကတၢၢ်တဖျၢၣ်လၢ လီၢ်ကဝီၤ (၉) လာ်တကပၤအံၤန့ၣ်လီၤ. လၢခံန့ၣ်, ခီးလိ ပာ်ဖျါထီၣ်က့ၤဝဲလၢ, "ဖဲယပှ့ၤတၢ်သူၣ်ထီၣ်အံၤန့ၣ်ဒီး, ပှၤအါဂၤ ဆိကမိၣ်ဝဲလၢယပျုၢ်"န့ၣ်လီၤ. ဘၣ်ဆၣ်, "ပှၤလၢအဟဲပှ့ၤတၢ်အဆိကတၢၢ်တဂၤန့ၣ်, ဆိကမိၣ်ဝဲလၢ ပှၤအိၣ်ဆိးလၢအကပီၢ်အကပၤတဖၣ် တမ့ၢ် ကဟဲက့ၤလၢၤဘၣ်အဃိ, ဟီၣ်ဘၣ်အသးန့ၣ်လီၤ." ခီးလိ အမိၢ် စံးဝဲဒၣ်, “တၢ်လၢ ယတထံၣ်ဘၣ်န့ၣ် ယဖိခွါထံၣ်စိဝဲလီၤ. ဒီးဟံးန့ၢ်ဝဲ တၢ်ခွဲးတၢ်ယာ်အံၤအဃိ…

တၢ်ဘူၣ်တၢ်ဘါအတၢ်လဲၤ အသးသမူ

တနံၣ်ဘၣ်တနံၣ်စုာ်စုာ်အတီၢ်ပူၤန့ၣ်, ပှၤကညီနီၣ်ဂံၢ်အါန့ၢ် အကကွဲၢ်ခံကယၤ, လၢတၢ်စူၢ်တၢ်နာ်အကလုာ်အကလုာ်န့ၣ်, လဲၤသကိးဝဲ တၢ်ဘူၣ်တၢ်ဘါအတၢ်လဲၤတဖၣ်န့ၣ်လီၤ. လၢနံၣ်ဧိၤလါဧိၤတဖၣ်အပူၤန့ၣ်, ပှၤလဲၤဘူၣ်လဲၤဘါတၢ်တဂၤ အတၢ်မၤမ့ၢ်ဝဲ တၢ်လဲၤဆူ တၢ်လီၢ်စီဆှံတတီၤ ဒ်သိးကဒိးန့ၢ် တၢ်ဆိၣ်ဂ့ၤတမံၤမံၤအဂီၢ်န့ၣ်လီၤ. တၢ်မၤအံၤကမ့ၢ် တၢ်လဲၤဆူတၢ်လုၢ်ဟံၣ်, တၢ်ဘါယွၤသရိၣ်ဖးဒိၣ်, တၢ်လီၢ်စီဆှံ မ့တမ့ၢ် တၢ်လီၢ်ဂုၤဂၤတတီၤတီၤ, လၢတၢ်ကဒိးန့ၢ် တၢ်ဆိၣ်ဂ့ၤတမံၤမံၤအဂီၢ်န့ၣ်လီၤ.

ဘၣ်ဆၣ်, လၢကီၢ်ဘရံးတ့ၣ်, စဲလ်တ့း ခရံာ်ဖိတဖၣ် အတၢ်ထံၣ်တၢ်ဘူၣ်တၢ်ဘါ အတၢ်လဲၤန့ၣ် တဒ်သိးလိာ်အသးဒီးပှၤအဂၤတဖၣ်န့ၣ်ဘၣ်. အဝဲသ့ၣ် စးထီၣ်လဲၤတၢ်ဆူသ့ၣ်ပှၢ်, ပှၢ်မုၢ်ကနၢအပူၤ လၢအတအိၣ်ဒီး တၢ်နဲၣ်ကျဲ, မ့တမ့ၢ် ဒိးထီၣ်ချံ ဒီးထိၣ်လီၤထွံအီၤလၢပီၣ်လဲၣ်ပူၤ, ဖဲပီၣ်လဲၣ်မိၢ်ပှၢ်ထံကျိၤ ကစိာ်ဆှၢဝဲ တၢ်လီၢ်တတီၤဂ့ၤတတီၤဂ့ၤ- အဝဲသ့ၣ်အဂီၢ်, တၢ်ဘူၣ်တၢ်ဘါအတၢ်လဲၤ မ့ၢ်တၢ်နာ်ကစၢ်ယွၤ, ဖဲကီၢ်/လီၢ်ကဝီၤ လၢအတညီနုာ်ဒီး အဝဲသ့ၣ်န့ၣ်လီၤ. မ့ၢ်လဲၤတုၤတၢ်လီၢ်တတီၤတီၤမး, ကထံၣ်န့ၢ်ဝဲ တၢ်ဆိၣ်ဂ့ၤတမံၤမံၤန့ၣ် တမ့ၢ်ဘၣ်. မ့မ့ၢ်လၢတၢ်လဲၤကျဲဒီဘိညါစ့ၢ်ကီး ကထံၣ်န့ၢ်တၢ်ဆိၣ်ဂ့ၤန့ၣ်လီၤ.

လံာ်ဧ့ၤဘြံၤ အဆၢဒိၣ် ၁၁ န့ၣ် မ့ၢ်လံာ်စီဆှံတတီၤ, အကါဒိၣ်ဝဲလၢ ပှၤစဲလ်တ့းဖိ တဖၣ်အဂီၢ်န့ၣ်လီၤ. အဆၢဖိ…

မၤလိန့ၢ်တၢ် ကဒဲဒဲ

တချုးလၢ တၢ်စူးကါ တၢ်ဘၣ်ထွဲ တုၤအိၣ်လိာ်သးပိးလီ စိ(မ) (zoom) တဘျုးနံၣ်န့ၣ်, ယတံၤသကိးတဂၤ တဲယၤလၢ ယကဘၣ်ဆဲးကျိးအီၤ, ဒီးစံးကတိၤသကိး တၢ်တိာ်ကျဲၤတမံၤ ခီဖျိလၢ ဘံၣ်ဒံၢ်ယိၣ် အတၢ်ကိးန့ၣ်လီၤ. ခီဖျိလၢယကွဲးဆှၢက့ၤ လီလံာ်ပရၢအပူၤ,ဖျါလၢ ယသးဘၣ်တံာ်တာ်ဝဲန့ၣ် အဝဲသ့ၣ်ညါအဃိ, ဒ်သိးယကသ့ၣ်ညါစူးကါ ဘံၣ်ဒံၢ်ယိၣ် အတၢ်ကိးဒ်လဲၣ်န့ၣ် ဟံၣ်ကူၣ်ယၤလၢ ယကဃုထံၣ် သးစၢ်မုၣ်/ခွါတဂၤဂၤ ကမၤစၢၤယၤအဂီၢ်န့ၣ်လီၤ.

အဝဲအတၢ်ဟ့ၣ်ကူၣ် နဲၣ်ဖျါထီၣ်ဝဲ ပှၤတစိၤဒီးတစိၤ အတၢ်ရ့လိာ်ဘၣ်ထွဲလိာ်သးကဒဲကဒဲအလုၢ်အပှ့ၤန့ၣ်လီၤ. တၢ်အံၤ မ့ၢ်တၢ်လၢ ပမၤလိန့ၢ်အီၤ လၢနီၢ်ရူၤသးဒီးနီၢ်နၤဧမံၤအပူပူၤန့ၣ်လီၤ. နီၤရူၤသးတဂၤန့ၣ် ဘၣ်တၢ်မၤလၤကပီၤအီၤတလီၢ်လီၢ်, ဒီး ရူၤ ၁:၁၆-၁၇ ပာ်ဖျါဝဲ ဒ်အမ့ၢ် ဒဲၣ်မုၣ်လၢအသူၣ်တီၤသးရၤတဂၤ, ဆၢတဲာ်ဝဲလၢ ကပာ်တ့ၢ်ကွံာ် အထံအကီၢ်, ဒီးကလူၤပိာ် အမံၤပှၢ်အခံ လၢတၢ်က့ၤကဒါက့ၤဆူ ဘ့ၤသလ့ဃ့ၣ်န့ၣ်လီၤ. ဖဲအဝဲသ့ၣ်က့ၤတုၤ ဆူဘ့ၤသလ့ဃ့ၣ်အဝ့ၢ်န့ၣ်ဒီး, ရူၤ ၂:၂ စံးဘၣ်ပှၤ, ပိာ်မုၣ်သးစၢ်န့ၣ် စံးဘၣ်နီၢ်နၤဧမံၤလၢ “ဒုးလဲၤယၤဆူစံာ်ပူၤ, ဒီးထၢထီၣ်ဘုအစဲၤတဖၣ်လၢအလီၤတဲာ် (လၢပဂီၢ်)” န့ၣ်လီၤ.…

ယီ(န်) လၢအဆီၣ်လီၤသး

ယီ(န်), ပှၤဒိးလဲအသးလၢ တၢ်သူၣ်တၢ်ဖျးအတၢ်မၤတဂၤန့ၣ်, ပှၤတဆိကမိၣ်ဒိၣ်အီၤလၢ အတၢ်ဂ့ၤကအိၣ်အါအါဘၣ်. အဝဲမ့ၢ်အိၣ်ဒီး မဲာ်ချံအတၢ်ထံၣ်အဂံၢ်ဘါစၢ်, ဒီးနီၢ်ခိတၢ်ဂံၢ်စၢ်ဘါစၢ်ဒၣ်လဲာ်, ဖဲအတူၢ်ဘၣ် တၢ်ဆါတၢ်ကွဲဒီးမံဝဲတန့ၢ် တဘျီလၢ်လၢ်န့ၣ် ဟ့ၣ်လီၤအသး, ဒီးဃ့ထုကဖၣ်တၢ်မုၢ်နၤအါမး လၢအပှၤသဝီၤဖိတဖၣ်အဂီၢ် လၢကီၢ်နီဝ့ၣ်အပူၤန့ၣ်လီၤ. လၢအတၢ်ထုကဖၣ်အပူၤန့ၣ်, ဃ့ထုကဖၣ်ဝဲဟံၣ်တဖျၢၣ်ဘၣ်တဖျၢၣ်, ယၢၤထီၣ်ဝဲဟံၣ်ဖိ ဃီဖိတဂၤစုာ်စုာ်အမံၤ, တုၤဒၣ်လဲာ် ဖိဒံဖိသၣ်လၢ အတထံၣ်လိာ်သးဒံးဘၣ်ဒီးအီၤတဖၣ်အဂီၢ်န့ၣ်လီၤ. ပှၤအါဒံအါဂၤ, အဲၣ်ဘၣ် အတၢ်ပာ်သူၣ်ပာ်သး ကပုာ်လူးဖိ, ဒီးဃုထံၣ်န့ၢ် အတၢ်ကူၣ်သ့, ဒီးတၢ်ဟ့ၣ်ကူၣ်န့ၣ်လီၤ. ဖဲအမၤစၢၤပှၤဂၤ မ့ၢ်တသ့လ့တုၤလ့တီၤဘၣ်ဆၣ်, ဖဲပှၤသဝီတဖၣ်က့ၤဝဲဒၣ်န့ၣ်ဒီး, အဝဲသ့ၣ် ဒိးန့ၢ်ဘၣ် ယီ(န်) အတၢ်အဲၣ်တၢ်ကွံအဃိဒီး, အသးကလၢၢ်ဘၣ်တၢ်ဆိၣ်ဂ့ၤန့ၣ်လီၤ. ဒီးဖဲ ယီ(န) အသးသမူ ဟးထီၣ်ဝံၤန့ၣ်, အဟံၣ်ဖိဃီဖိတအိၣ်နီတဂၤဒၣ်လဲာ်, တၢ်ခူၣ်လီၤအီၤအတၢ်ရဲၣ်တၢ်ကျဲၤန့ၣ် ဘၣ်တၢ်မၤအီၤအဒိၣ် ကတၢၢ် လၢပှၤတဝၢအပူၤန့ၣ်လီၤ. ယီ(န) အတၢ်ထုကဖၣ် ဖီထီၣ်ဖးထီၣ် သူထီၣ်သၣ်ထီၣ် ဒီးဒိးန့ၢ်တၢ်စံးဆၢအါအါဂီၢ်ဂီၢ် တုၤဒၣ်လဲာ် အလဲၤတလၢကွံာ် တၢ်လၢအဆိကမိၣ်တ့ၢ်ဝဲန့ၣ်လီၤ.

ပှၤလၢအဆီၣ်လီၤသးတဂၤအံၤ အိၣ်မူပိာ်ထွဲ ပှၤတၢ်မၢဖိ စီၤပီလူး အဒိဂ့ၤတဲာ်ဘၣ်, လၢအအဲၣ်ဘၣ်,…

လၢကစၢ်ယွၤ အတၢ်လီၤကမၢကမၣ်အပူၤ

‘ဖိၣ်ဘံယၤ’ စံးတၢ်န့ၣ်, ‘တၢ်ပျံၤတၢ်ဖုးလၢအတအိၣ်ဒီးတၢ်ဆိကမိၣ်ထံ’ တၢ်, လၢတၢ်ဂ့ၢ် လီၤတံၢ်လီၤဆဲးတမံၤမံၤ မ့တမ့ၢ် တၢ်အိၣ်သးတဖၣ်အဖီခိၣ်န့ၣ်လီၤ. အရၣ်နိၣ် ဖိၣ်ဘံယၤ (Arachno-phobia) န့ၣ် မ့ၢ်တၢ်ပျံၤကပီၤဖိတဖၣ် (ပှၤတနီၤ ကဂ့ၢ်လိာ်ဝဲလၢ တၢ်အံၤမ့ၢ် တၢ်ဂ့ၢ်လီၤတံၢ်လၢအကြၢးပျံၤတၢ်) န့ၣ်လီၤ. ဝံၤတၢ်အဂၤပှၤကိးလၢ ကလိၣ်ဘိၣ် ဖိၣ်ဘံယၤ (Globophobia) လၢအမ့ၢ် တၢ်ပျံၤကလံၤဖျၢၣ်ယူၤ, ဒီး စိၣ်ကိၣ်လၣ်ထိၣ် ဖိၣ်ဘံယၤ (xocolatophobia) လၢအမ့ၢ် တၢ်ပျံၤခၠီးကလဲးတဖၣ် အိၣ်ဒံးဝဲန့ၣ်လီၤ. တၢ်သ့ၣ်တဖၣ်အံၤ, ဒီးတၢ်ပျံၤတၢ်ဖုးအဂုၤအဂၤ လွံၢ်ကယၤန့ၣ် မ့ၢ်တၢ်နီၢ်နီၢ်, ဒီးဘၣ်တၢ်ကွဲးနီၣ်ကွဲးဃါပာ် န့ၣ်လီၤ. ဖျါလၢအါတက့ၢ်န့ၣ်, ပကဘၣ်ပျံၤတၢ်တမံၤမံၤန့ၣ်လီၤ.

လံာ်စီဆှံစံးဘၣ်ပှၤ, ဖဲလၢပှၤအံၣ်စရ့လးဖိတဖၣ် ဒိးန့ၢ်တၢ်မၤလိာ် အထံၣ်တဆံဝံၤန့ၣ်ဒီး, ပျံၤတၢ်အဂ့ၢ်န့ၣ် ၂ မိၤ ၂၀:၁၈-၁၉ ပာ်ဖျါဝဲ “ထံၣ်ဘၣ်လီသီၣ် ဒီးလီဝၢ်အဒံး ဒီးကွဲၤအသီၣ်... (ပျံၤတၢ်လၢ) ကသံဘၣ်ဖုးလီၤ” န့ၣ်လီၤ. စီၤမိၤရှ့ မၤမုာ်ထီၣ်ပှၤဂီၢ်မုၢ်, ဒီးအဆၢဖိ ၂၀ န့ၣ် တၢ်လၢအလီၤသးစဲကတၢၢ်န့ၣ်…

ထူးတီၤထီၣ် လၢတၢ်မၤဂ့ၤတဖၣ်

အီးစံၣ်အိလၣ် မဲးကၣ်ထံၣ် (Oseola McCarty) မ့ၢ်ပိာ်မုၣ်လၢ အဆှုၣ်တၢ်တဂၤ ကျဲးစၢးဂဲၤလိာ်မၤဝဲပှၤဆှုၣ်တၢ်အတၢ်မၤ ဒ်အမ့ၢ်, တၢ်ဒံးဒူး, တၢ်မၤဃ့ထီက့ၤ, ဒီးတၢ်ထူးဘျ့ဆ့ကူဆ့ကၤ, ယၣ်တၢ်ကံးညာ်တဖၣ်, ဘၣ်မၤဝဲလၢအစု အနံၣ်နွံဆံအတီၢ်ပူၤ, ဒီးအကတၢၢ်န့ၣ်, ဖဲအသးအိၣ် ၈၆ နံၣ်န့ၣ် ကအိၣ်ဘှံးလၢတၢ်မၤအဂီၢ် အကတီၢ်ဘၣ်လံန့ၣ်လီၤ. အဝဲမၤတၢ်နံၣ်တဖၣ်အံၤအပူၤ, ကျိၣ်စ့လၢအမၤန့ၢ်တဖၣ်အကျါ တၢ်လၢအပာ်ဖှိၣ်ဝဲတနီၤန့ၣ်, ဟ့ၣ်လီၤမၤဘူၣ်ဝဲဆူ ကၠိဖိလၢအလိၣ်ဘၣ်တဖၣ်အဂီၢ်, လၢတၢ်ကဒုးအိၣ်ထီၣ် တၢ်မၤစၢၤစ့ပာ်ကီၤ (scholarship) န့ၣ်လီၤ. အဝဲဟ့ၣ်မၤဘူၣ် စ့ဒီလၣ် ၁၅၀,၀၀၀ ဆူဖၠၣ်စိမိၤလၢ အိၣ်ဘူးဒီးအီၤတဖျၢၣ်အဃိ, ကဲထီၣ်တၢ်ကမၢကမၣ်လၢအပှၤတဝၢအပူၤန့ၣ်လီၤ. အဝဲတၢ်စူးကွံာ်ညိကွံာ်သး တၢ်ဟ့ၣ်အံၤ ထုးန့ၢ်သူၣ်န့ၢ်သး ကမျၢၢ်လၢအကယၤတဖၣ်အကယၤ လၢကဟ့ၣ်မၤဘူၣ်စ့ၢ်ကီးတၢ်အဃိ, စ့ပာ်ကီၤန့ၣ် ထီၣ်ဘးဝဲတုၤ သၢစးန့ၣ်လီၤ.

အီးစံၣ်အိလၣ် သ့ၣ်ညါနၢ်ပၢၢ်ဝဲ အတၢ်စုလီၢ်ခီၣ်ခိၣ် အလုၢ်အပှ့ၤနီၢ်နီၢ်န့ၣ် တမ့ၢ်လၢတၢ်ကဘၣ်စူးကါအီၤလၢ အနီၢ်တဂၤအတၢ်ဘၣ်ဘျုးအဂီၢ်န့ၣ်ဘၣ်. မ့မ့ၢ်ကဘၣ်ကဲထီၣ် တၢ်ဆိၣ်ဂ့ၤလၢ ပှၤဂၤအဂီၢ်န့ၣ်လီၤ. ၁ တံၤ ၆:၁၈ အပူၤန့ၣ် ပှၤတၢ်မၢဖိ စီၤပီလူး ကွဲးဟ့ၣ်သဆၣ်ထီၣ် စီၤတံၤမသ့းလၢ,…