တၢ်မၤလီၢ်လၢ အလီၤဂာ်ဒ်မူခိၣ်ဘီမုာ်

နီၢ်ပၤမုၣ် ဘ့းထိရံၤယၢအစိၤ (Victorian) ကီၢ်အဲကလံးန့ၣ် စဲးဖီကဟၣ် တၢ်သူၣ်ထီၣ်တဖၣ် မ့ၢ်တၢ်လီၢ်တၢ်ကျဲလၢအခံးန့ၣ်လီၤ. ပှၤမၤတၢ်ဖိတဖၣ် ဘၣ်ဒိဘၣ်ထံး, သံဝဲအါမး, ဒီးဘၣ်အိၣ်ဝဲလၢ တၢ်ဖှီၣ်တၢ်ယာ်အပူၤန့ၣ်လီၤ. ကၠီး ခဲးဘၢၣ်ရံၣ် (George Cadbury) အိၣ်ဒီးတၢ်သံကွၢ်လၢအမ့ၢ်, “ပှၤမၤတၢ်ဖိ အဟံၣ်အဃီန့ၣ် မ့မ့ၢ်ဒၣ် တၢ်လီၢ်တၢ်ကျဲလၢ အဖီၣ်အယာ်န့ၣ်ဒီး, ကမၤဂ့ၤထီၣ်, မၤဒိၣ်ထီၣ်ဝဲ တၢ်ဖံးတၢ်မၤအပတီၢ်ဒ်လဲၣ်” န့ၣ်လီၤ. အခၠီးကလဲး (Chocolate) ပနံၣ်တၢ်ကၤအတၢ်မၤန့ၣ် ဒိၣ်ထီၣ်လဲၢ်ထီၣ်အဃိ, တ့ထီၣ်ဝဲ စဲးဖီကဟၣ် တၢ်သူၣ်ထီၣ်အသီလၢ အကဲဘျုး ပှၤမၤတၢ်ဖိတဖၣ်အဂီၢ်န့ၣ်လီၤ.

တၢ်အစၢမ့ၢ်ဝဲ တၢ်တ့ဒုးအိၣ်ထီၣ် သဝီ ဘိဘ့လ် (Bournville), လၢအအိၣ်ဒီး ဟံၣ်အါန့ၢ် အဖျဲၣ်သၢကယၤ, ဃုာ်ဒီးတၢ်လိာ်ကွဲလီၢ်ဖးလဲၢ်, ဖိသၣ်တၢ်လိာ်ကွဲလီၢ်, ကၠိတဖၣ်, ဒီးတၢ်ဘါသရိာ်, လၢ ခဲးဘၢၣ်ရံၣ် အပှၤမၤတၢ်ဖိတဖၣ်, ဒီးအဟံၣ်ဖိဃီဖိတဖၣ်အဂီၢ်န့ၣ်လီၤ. မ့ၢ်လၢ ခဲးဘၢၣ်ရံၣ် စူၢ်နာ် ကစၢ်ခရံာ်အဃိ, အပှၤမၤတၢ်ဖိတဖၣ် ဒိးန့ၢ်ဝဲတၢ်ဒိးလဲလၢအဂ့ၤ, ဒီးလၢတၢ်ဆူးတၢ်ဆါအဂီၢ် ဒိးန့ၢ်စ့ၢ်ကီးဝဲ တၢ်အံးထွဲကွၢ်ထွဲန့ၣ်လီၤ.…

တၢ်မၤအလုၢ်အလၢ်လၢ တၢ်မၤန့ၢ်ကဒါက့ၤတၢ်

မ့ၢ်လၢ နတသ့ၣ်နီၣ်ထီၣ်က့ၤ ပှၤအမံၤ မ့တမ့ၢ် နံၤသီအဃိ, ဖဲနစံးကတိၤတၢ်ဂ့ၢ် တမံၤမံၤအကတီၢ်, နဘၣ်ဆိကတီၢ်နတၢ်ကတိၤန့ၣ် မ့ၢ်အိၣ်တဘျီဘျီဧါ. ပနာ်လၢဖဲပသးပှၢ်ထီၣ်အကတီၢ် ယံာ်ထိၣ်ယံာ်ထီၣ်ဒီး, တၢ်လၢပသ့ၣ်ညါတဖၣ်န့ၣ် ဟါမၢ်ကွံာ်ဝဲဒၣ်သ့န့ၣ်လီၤ. ဘၣ်ဆၣ် ဖဲတၢ်တယံာ်ဒံးဘၣ်န့ၣ်, တၢ်ဃုထံၣ်သ့ၣ်ညါတဖၣ်န့ၣ် စံးဝဲဒၣ်လၢ တၢ်လၢပနာ်တ့ၢ်တဖၣ်န့ၣ် တဘၣ်ဝဲဒၣ်ဘၣ်လီၤ. နီၢ်နီၢ်န့ၣ်, အဝဲသ့ၣ်ပာ်ဖျါဝဲလၢ ပတၢ်သ့ၣ်နီၣ်တဖၣ်န့ၣ် တမ့ၢ် တၢ်ဂ့ၢ်ကီဘၣ်. တၢ်လၢအကီအခဲန့ၣ် မ့ၢ်ပတၢ်သ့တၢ်ဘၣ် လၢကဒိးန့ၢ်ကဒါက့ၤ ပတၢ်သ့ၣ်နီၣ်တဖၣ်အံၤ
န့ၣ်လီၤ. ပမ့ၢ်တမၤညီနုာ် တၢ်မၤသ့ၣ်နီၣ်က့ၤပသး, ဒ်လုၢ်လၢ်တမံၤအသိးဘၣ်ဒီး,တၢ်ကမၤန့ၢ်က့ၤ ပတၢ်သ့ၣ်နီၣ်တဖၣ်န့ၣ် ကကီခဲဝဲဒၣ်လၢပဂီၢ်န့ၣ်လီၤ.

ကျဲတဘိလၢ ပကမၤဂ့ၤထီၣ် ပတၢ်သ့တၢ်ဘၣ်လၢ အဘၣ်ထွဲဒီးတၢ်မၤန့ၢ်က့ၤ ပတၢ်သ့ၣ်နီၣ်တဖၣ်န့ၣ်, မ့ၢ်တၢ်ဒုးအိၣ်ထီၣ်လုၢ်လၢ်လၢ အမၤသ့ၣ်နီၣ်က့ၤပှၤ, မ့တမ့ၢ် ဆိကမိၣ်ထီၣ်က့ၤ တၢ်သ့ၣ်နီၣ်တဖၣ်အံၤန့ၣ်လီၤ. တၢ်ဘၣ်တ့အကစၢ်, ပယွၤန့ၣ် သ့ၣ်ညါဝဲ တၢ်ဂ့ၢ်အံၤအဃိ, မၤလိၣ်ဝဲ ပှၤအံၣ်စရ့လးဖိတဖၣ်လၢ တနွံန့ၣ် ကဘၣ်ပာ်လီၤဆီဝဲ မုၢ်နံၤတနံၤ, ဒ်သိးကဘူၣ်ထီၣ်ဘါထီၣ်တၢ်, ဒီးကအိၣ်ဘှံးအိၣ်သါအဂီၢ်န့ၣ်လီၤ. လၢနီၢ်ခိအတၢ်အိၣ်ဘှံးအိၣ်သါအဂီၢ်, တကးဒံးဘၣ်န့ၣ်, ပကသ့ၣ်နီၣ်ထီၣ်က့ၤ ၂ မိၤ…

တၢ်မုၢ်လၢ်အလွဲၢ်တဖၣ်

တၢ်မၤနံၣ်ဆဲးဆၢ လၢတၢ်ဟဲဒုး ကီၢ်အမဲရကၤ ပှဲၤထီၣ်ခံဆံခံဝီၤတဝီၤ, ဖဲလါစဲးပထ့ဘၢၣ် (၁၁) သီ, ၂၀၂၃ နံၣ် အနံၤန့ၣ်, တၢၣ်ကွဲၤ ခံကထၢလၢ အဒုးသးကတုၤပှၤဂၤ အိၣ်ဖျါဝဲဃံဃံလၤလၤ လၢဝ့ၢ်နယူယီး အမူကပိာ်လိၤန့ၣ်လီၤ. ဒ်အမ့ၢ် တၢ်သူၣ်ထီၣ်အတဃံာ်ဖးထီ “ Twin Tower” အိၣ်ဆိးတၢ်အလီၢ်အကျဲအသိး, ဝ့ၢ်အံၤတူၢ်ဘၣ်ခီၣ်ဘၣ်တၢ်ဟဲဒုးမၤဟးဂီၤတၢ်နးနးကျံးကျံးန့ၣ်လီၤ. အနံၣ်ခံဆံဘျဲၣ်အလီၢ်ခံန့ၣ်, ပှၤလၢအထံၣ်ဘၣ်အီၤတဖၣ်အဂီၢ် တၢၣ်ကွဲၤ ခံကထၢအံၤ ဟဲစိာ်န့ၢ်ဝဲ တၢ်မုၢ်လၢ်, ဒီးတၢ်ယါဘျါန့ၣ်လီၤ. လၢတၢ်ဂီၢ်မူအပူၤ ပှၤထံၣ်က့ၤ အကတီၢ်ဖိလၢ တၢၣ်ကွဲၤအံၤ ဟဲဖျါထီၣ်ဝဲလၢ “World Trade Center” တၢ်သူၣ်ထီၣ် အိၣ်တၢ်အလီၢ်အကျဲန့ၣ်လီၤ.

တၢၣ်ကွဲၤတဖၣ်လၢမူကပိာ်လိာ်န့ၣ် ဟဲစိာ်ဝဲ တၢ်မၤဂၢၢ်မၤကျၢၤ ယွၤအတၢ်တီတၢ်လိၤ, စးထီၣ်လၢ စီၤနိအၤ အစိၤန့ၣ်လီၤ. ကစၢ်ယွၤ စံၣ်ညီၣ် တၢ်ဒဲးဘးလၢ အဒုးအိၣ်ထီၣ် တၢ်ဟးဂူာ်ဟးဂီၤဖးဒိၣ် လၢပတၢ်ဆိကမိၣ် တထီၣ်ဘးတဖၣ်န့ၣ်ဝံၤ, ၁ မိၤ ၉:၁၆ ပာ်ဖျါဝဲ ကစၢ်ယွၤပာ်လီၤ တၢၣ်ကွဲၤ…

နီၢ်သးအတၢ်လီၤစၢၤလီၤသွဲၣ် လၢစီၤလိာ်စီၤပၤ

ကၠ့ စပ့း အိၣ်ဆိးဝဲလၢ ရီးခ်ဘ့လ်, ကီၢ်စဲၣ် မ့ၣ်ရံၣ်လဲ န့ၣ် မၤကွၢ်ဝဲ ဒံၢ်.အဲၣ်(န).အ့ၣ် (DNA) တၢ်သမံးသမိး, ဒီးအစၢ ဟဲထီၣ်ဝဲန့ၣ် ကဲထီၣ်တၢ်ကမၢကမၣ်လၢအဂီၢ်- တၢ်အစၢန့ၣ် ဖျါလၢ, အဝဲမ့ၢ် ဘံၣ်န့ (Benin) အထံကီၢ်စီၤပၤအဖိတဂၤလၢ အဲဖြ့ၣ်ကၤ-မုၢ်နုာ် တကပၤန့ၣ်လီၤ. တယံာ်ဘၣ်န့ၣ် ကၠ့ စပ့း ဒိးထီၣ် ကဘီယူၤ, ဒီးလဲၤဟးလိာ်ကွဲဆူ ဘံၣ်န့ ထံကီၢ်န့ၣ်လီၤ. ဖဲအလဲၤတုၤဆူ ဘ့ၣ်န့ အကီၢ်န့ၣ်ဒီး, အဝဲဘၣ်တၢ်တူၢ်လိာ်အီၤ ဒ်စီၤလိာ်စီၤပၤဒူၣ်ဖိထၢဖိအသိး, တၢ်ဟဲက့ၤဆူ အထံကီၢ် အတၢ်ရဲၣ်တၢ်ကျဲၤ- လၣ်တယၢ်, နီၣ်တယၢ်တဖၣ်, တၢ်ဂဲၤကလံၣ်, တၢ်သူၣ်ဝံၣ်သးဆၢ, ဃုာ်ဒီးသုးမုၢ်ဖးဒိၣ် လၢအဟဲခိးအီၤ, ဒီးတူၢ်လိာ်မုာ်အီၤန့ၣ်လီၤ.

ကစၢ်ယ့ၣ်ရှူး ဟဲလီၤဆူ ဟီၣ်ခိၣ်န့ၣ် ဒ်သိးကရၤလီၤဘိးဘၣ်သ့ၣ်ညါ ကစၢ်ယွၤ အတၢ်သးခုကစီၣ်န့ၣ်လီၤ. ကစၢ်ယ့ၣ်ရှူး ဟဲဆူ အပှၤကလုာ်, ပှၤအံၣ်စရ့လးဖိတဖၣ် ဒ်သိးကဟ့ၣ်လီၤ တၢ်သးခုကစီၣ်, ဒီးကဒုးနဲၣ် တၢ်ကထူၣ်ဖျဲးအကျဲ လၢတၢ်ခံးတၢ်နၤအဂီၢ်န့ၣ်လီၤ.…

အိၣ်ဂၢၢ်ဆိးကျၢၤလၢ ကစၢ်ယ့ၣ်ရှူးအပူၤ

မ့ၣ်အူအီၣ် ဘၣ်လ်စိရၣ် ဘျၢထံသရိာ် လၢာ်စီကွံာ်န့ၣ်လီၤ. ဖဲမ့ၣ်အူလၣ်လီၤပံာ်ဝဲအကတီၢ် ဂ့ၢ်ဂီၤအူ ပှၤမၤတၢ်ဖိ, ဒီးတၢ်အိၣ်ဖှိၣ်ဖိတဖၣ် ပာ်ဖှိၣ်ထီၣ်သးန့ၣ်ဒီး, လၢတၢ်ကမၢကမၣ်အပူၤ အဝဲသ့ၣ် ထံၣ်ဝဲ သွဲၣ်လး ထူၣ်စုညါတထူၣ် အိၣ်ဆၢထၢၣ်ဘျၢဘျၢ လၢမ့ၣ်အူလုၢ်, ဒီးဖၣ်ကမူၣ်အကျါန့ၣ်လီၤ. ပှၤမၤသံမ့ၣ်အူဖိတဂၤ စံးဝဲလၢ, မ့ၣ်အူ “အီၣ်လၢာ်ကွံာ် တၢ်သူၣ်ထီၣ်ဘၣ်ဆၣ်, ထူၣ်စုညါန့ၣ် တအီၣ်ဝဲဘၣ်. တၢ်အံၤ မ့ၢ်တၢ်ဟ့ၣ်ပလီၢ်တမံၤလၢ တၢ်သူၣ်ထီၣ်န့ၣ် မ့ၢ်ဒၣ်တၢ်သူၣ်ထီၣ်န့ၣ်လီၤ.
မ့မ့ၢ် တၢ်အိၣ်ဖှိၣ်တခီ မ့ၢ်ယွၤအပှၤဂီၢ်မုၢ်တဖၣ် အတၢ်ပာ်ဖှိၣ်ထီၣ်သးန့ၣ်လီၤ.”

တၢ်အိၣ်ဖှိၣ်စံးတၢ်န့ၣ် တမ့ၢ်တၢ်သူၣ်ထီၣ်တဖျၢၣ်ဘၣ်, မ့ၢ် ပှၤတဝၢဖိတဖၣ်ပာ်ဖှိၣ်ထီၣ်သးလၢ ကစၢ်ခရံာ် အထူၣ်စုညါအဖီလာ်, ကစၢ်လၢအသံ, ဒီးဘၣ်တၢ်ခူၣ်လီၤ, ဒီးဂဲၤဆၢထၢၣ်သမူထီၣ်က့ၤတဂၤန့ၣ်လီၤ. မးသဲ ၁၆:၁၈ ပာ်ဖျါဝဲ ဖဲကစၢ်ယ့ၣ်ရှူး အိၣ်မူအိၣ်ဂဲၤလၢဟီၣ်ခိၣ်ချၢအကတီၢ်, ကစၢ်ယ့ၣ်ရှူး စံးဘၣ် စီၤပ့းတရူးလၢ ကသူၣ်ထီၣ် ဟီၣ်ခိၣ်ဒီဘ့ၣ် တၢ်အိၣ်ဖှိၣ်, ဒီးတၢ်မၤဟးဂီၤတၢ်အိၣ်ဖှိၣ်အံၤ တန့ၢ်ဘၣ်န့ၣ်လီၤ. ကစၢ်ယ့ၣ်ရှူး ကပာ်ဖှိၣ်ထီၣ် ပှၤစူၢ်က့ၤနာ်က့ၤတၢ်တဖၣ်လၢ ဟီၣ်ခိၣ်ဒီဘ့ၣ်, ဒီးကရူၢ်တဖု လၢအကအိၣ်ဂၢၢ်ဆိးကျၢၤ…

အကတၢၢ်န့ၣ် ပာ်ဖှိၣ်လိာ်သးခဲလၢာ်

ဖဲ ၁၉၆၀ နံၣ်န့ၣ်, အီးတိၣ် ပရဲမ့ကၠၢၣ် (Otto Preminger) ဒုးအိၣ်ထီၣ် တၢ်ကတိၤဂ့ၢ်လိာ် ခီဖျိလၢအတၢ်ဂီၤမူ "အဲးစ် စိဒၢးစ် (Exodus) န့ၣ်လီၤ. တၢ်ဂီၤမူအံၤ သန့ၤဝဲလၢ လံၣ်ယိၣ် ယူရံး(စ) (Leon Uris) အတၢ်ကွဲး, ဒီးတၢ်ကွဲးပူ ပာ်ဖျါထီၣ်ဝဲ, ဖဲတၢ်ဒုးဖးဒိၣ် ခံဘျီတဘျီဝံၤန့ၣ်, ပှၤယူၤဒၤဖိ ပှၤဘၣ်ကီဘၣ်ခဲတဖၣ်, သုးလီၢ်သုးကျဲနုာ်လီၤအိၣ်ဆိးလၢကီၢ်ပၤလၤစတဲၣ်အဂ့ၢ်, ဒီးလၢအတမ့ၢ်တၢ်မၤအသးနီၢ်နီၢ်န့ၣ်ဘၣ်. တၢ်ဂီၤမူအံၤကတၢၢ်ဝဲဒၣ်လၢ ယူရပၤ ယူဒၤမုၢ်ဖိဒီးပှၤအါရးပိာ်ခွါဖိ, ခံဂၤလိာ် ဘၣ်တၢ်မၤသံ, ဒီးဘၣ်တၢ်ခူၣ်လီၤ အဝဲသ့ၣ်လၢ တၢ်သွၣ်ခိၣ်တပူၤဃီ, လၢခံတၢ်လီၢ်လၢ အကကဲထီၣ်အံၣ်စရ့လးအကီၢ်န့ၣ်လီၤ.

ပရဲမ့ကၠၢၣ် ပာ်လီၤတဲာ်တ့ၢ်ဝဲလၢ ပကမၤကတၢၢ်တၢ်အဂီၢ်န့ၣ်လီၤ. မ့ၢ်က့ၢ်ဂီၤဒိလၢအအဲၣ်ဒိးပာ်ဖျါထီၣ် တၢ်သးဟးဂီၤ, ဘၣ်ထွဲဒီးတၢ်မံမီၢ်တမံၤလၢ အဘၣ်တၢ်ခူၣ်လီၤဘျၢလီၤအီၤန့ၣ်ဧါ. မ့တမ့ၢ်ဘၣ်ဒီး, ကမ့ၢ်တၢ်မုၢ်လၢ် အတၢ်ပနီၣ်တမံၤလၢ ပှၤခံကလုာ်လၢအအိၣ်ဒီးတၢ်သးဟ့, ဒီးတၢ်မၤဟးလီၤလိာ်သး လၢတၢ်စံၣ်စိၤတဲစိၤအပူၤန့ၣ် ပာ်ဖှိၣ်ထီၣ်အသး- လၢတၢ်သံဒီးတၢ်မူန့ၣ်ဧါ.

ဘၣ်သ့ၣ်သ့ၣ်, စီၤကိးရးအဖိခွါတဖၣ် လၢအကွဲး ထါစံးထီၣ်ပတြၢၤ ၈၇ န့ၣ်…

ခါထီၣ် ခီၣ်ကါလၢ တၢ်စူၢ်တၢ်နာ်အပူၤ

တမှံၤသရၣ် ဟဲစံၣ်တဲၤတဲလီၤ တၢ်ဂ့ၢ်ဘၣ်ထွဲဒီး တၢ်ကူၣ်သ့လၢ တၢ်နာ်န့ၢ် ကစၢ်ယွၤ ဒီးတၢ် “ခါထီၣ်ခီၣ်ကါ ဆူယၢ်ဒ့ၣ်ကျိအပူၤ” န့ၣ်လီၤ. အဝဲပာ်ဖျါထီၣ် တၢ်အိၣ်ဖှိၣ်သရၣ်တဂၤအဂ့ၢ်, လၢအနာ်န့ၢ် ကစၢ်ယွၤ, ဒီးဃုထၢစံးကတိၤ တၢ်မ့ၢ်တၢ်တီတဖၣ်လၢလံာ်စီဆှံအပူၤ, ဒီးဘၣ်တဘျီန့ၣ်, ဖဲလၢအဝဲသ့ၣ်ထံကီၢ်ထုးထီၣ် တၢ်ဘျၢသဲးစးအသီဒၣ်လဲာ်, စံၣ်တဲၤတဲလီၤဝဲန့ၣ်လီၤ. မ့ၢ်လၢအတၢ်စံၣ်တဲၤတဲလီၤတၢ်န့ၣ် ပှၤထံၣ် ဒ်အမ့ၢ် တၢ်သးဟ့အတၢ်ကတိၤအဃိ ဘၣ်တၢ်တ့ၢ်နုာ်အီၤလၢဃိာ်ပူၤ အသီသၢဆံ န့ၣ်လီၤ. ဘၣ်ဆၣ်, အတၢ်ဂ့ၢ်န့ၣ်ဘၣ်တၢ်ပတံထီၣ်, ဒီးဘျီၣ်ဒိၣ်စံၣ်ညီၣ်ဝဲလၢ သရၣ်တဂၤအံၤ, အိၣ်ဒီးခွဲးယာ်လၢ ကထုးထီၣ် လံာ်စီဆှံ အခီပညီ, ဒီးဟ့ၣ်သဆၣ်ထီၣ် ပှၤဂုၤပှၤဂၤလၢ ကအိၣ်မူပိာ်ထွဲဝဲအဂီၢ်န့ၣ်လီၤ.

ပှၤလုၢ်တၢ်အဒိၣ်တဖၣ် လၢအစိာ်တလါစီဆှံစ့ၢ်ကီး ဘၣ်ဃုထၢဝဲလၢ မ့ၢ်ကဘၣ်ခါထီၣ်ခီၣ်ကါ ဆူယၢ်ဒ့ၣ်ကျိအပူၤဧါ မ့တမ့ၢ် ကဘၣ်အိၣ်ဃိကလာ် လၢထံကျိကၢၢ်နံၤဧါန့ၣ်လီၤ. ဖဲပှၤအံၣ်စရ့လးဖိတဖၣ် ပူၤဖျဲးထီၣ်လၢ အဲၤကူပတူးဝံၤ, ဘၣ်ဟးဝ့ၤဝီၤဝဲလၢ ပှၢ်မုၢ်ကနၢ အနံၣ်လွံၢ်ဆံန့ၣ်လီၤ. ခဲကနံၣ်အံၤ, အဝဲသ့ၣ် အိၣ်ဆၢထၢၣ်လၢ ထံကျိယၢ်ဒ့ၣ်အကၢၢ်နံၤ, ဖဲလၢထံယွၤလီၤဆူၣ်, ဒီးလီၤပျံၤလီၤဖုးဒိၣ်မးန့ၣ်လီၤ. ဘၣ်ဆၣ်, ဖဲလၢအဝဲသ့ၣ်…

စံးကတိၤသကိး တၢ်ကတိၤအမ့ၢ်အတီလၢခရံာ်ပူၤ

ပှၤလီတၢ်ဝ့ၤတၢ်စဲၣ်နီၤ အိၣ်ဝဲတဂၤ, ဖဲအနီၢ်ကစၢ်ဘၣ်ကွၢ်ဆၢၣ်မဲာ်ဒီး တၢ်ခီပတာ် တၢ်နီၣ်သိလ့ၣ် အတၢ်သိၣ်တၢ်သီန့ၣ်ဒီး မၤပူၤဖျဲးအသးလၢ အတၢ်ကတိၤကဘျံးကဘျၣ်န့ၣ်လီၤ. ဖဲဘၣ်လဲၤထံၣ်လိာ်အသးဒီးစံၣ်ညီၣ်ကွီၢ်အါဂၤန့ၣ်ကလုာ်ကလုာ်လၢ ဘျီၣ်ပူၤ, အဝဲတဲကဘျံးကဘျၣ် အပူတယုၢ် လၢအမ့ၢ် “ယလီၤဖးဒီးယတၢ်အဲၣ်တီ, ဒီးအဝဲဟံးန့ၢ်ဒိးထီၣ် ယသိလ့ၣ်န့ၣ် ယတသ့ၣ်ညါဘၣ်” န့ၣ်လီၤ. တကးဒံးဘၣ်န့ၣ်, လၢအတၢ်ဖံးတၢ်မၤစ့ၢ်ကီး တမၤတၢ်ဂ့ၤဂ့ၤအဃိ, တၢ်ဘၣ်ဒ့ၣ်ပာ်ကမၣ်အီၤတလီၢ်လီၢ်န့ၣ်လီၤ. အကတၢၢ်န့ၣ်, ပဒိၣ်အပီၢ်ရီတဖၣ် စံၣ်ညီၣ်အီၤလၢ အုၣ်အသး ကဘျံးကဘျၣ် ဘၣ်ထွဲဒီးတၢ်ဂ့ၢ်လွံၢ်မံၤ, ဒီး ဒ်သိးကလီဝဲ စံၣ်ညီၣ်ကွီၢ်တဖၣ်အဂီၢ် ပာ်ဖျါထီၣ် လံာ်အုၣ်သး ကဘျံးကဘျၣ် ယဲၢ်မံၤအဂီၢ်န့ၣ်လီၤ. ပှၤတဂၤအံၤအဂီၢ်န့ၣ်, တၢ်လီၤတၢ်ဝ့ၤ ကဲထီၣ် လုၢ်လၢ်တမံၤလၢ အတၢ်အိၣ်မူတစိၤသးန့ၣ်လီၤ.

တၢ်လၢအထီဒါလိာ်သးဒီးတၢ်ဂ့ၢ်လၢထးန့ၣ်, ပှၤတၢ်မၢဖိ စီၤပီလူး ပာ်ဖျါဝဲလၢ တၢ်စံးကတိၤ တၢ်မ့ၢ်တၢ်တီန့ၣ် မ့ၢ်လုၢ်လၢ်အဂ့ၤအဝါတမံၤ လၢပှၤစူၢ်က့ၤနာ်က့ၤကစၢ်ယ့ၣ်ရှူးတဖၣ် ကဘၣ်မူထွဲမၤထွဲဝဲန့ၣ်လီၤ. အ့ဖ့း ၂:၁-၅ န့ၣ် အဝဲ ဒုးသ့ၣ်နီၣ်ထီၣ် ပှၤအ့းဖ့းစူးဖိတဖၣ် လၢကစူးကွံာ်ညိကွံာ် တၢ်အိၣ်မူ ကျိၤကျဲလီၢ်လံၤတဖၣ်, ခီဖျိဟ့ၣ်လီၤ အးလီၤသးဆူ…

ခဲကနံၣ်အံၤ, ဒုးနဲၣ်လၢ်ဘၣ်ယၤတၢ်ဘျုးတၢ်ဖှိၣ်တက့ၢ်

ဖဲယတံၤသကိး ကၠၢၣ်ရံၣ် ဒိးန့ၢ်ဝဲ တၢ်အိၣ်ဘှံးအဆၢကတီၢ်တစိၤဖိန့ၣ် ဒ်သိးပကအီၣ်သကိးမုၢ်ဆါတၢ်အီၣ်အဂီၢ်, ပလဲၤချ့ချ့ ဆူပှၤဆါတၢ်အီၣ်အချ့အကျးတဖျၢၣ်န့ၣ်လီၤ. ဖဲပလဲၤတုၤဆူပဲတြီအမဲာ်ညါ တကတီၢ်ဃီန့ၣ်, ပှၤသးစၢ်ဃုဂၤ ဟဲတူၤ, ဒီးလဲၤနုာ်ဝဲလၢ ပမဲာ်ညါန့ၣ်လီၤ. ပတၢ်ဆၢကတီၢ် တအိၣ်အါအါန့ၣ် ပသ့ၣ်ညါအဃိ, ပကဒုးကဒ့ၣ်တၢ်လၢပသးကံၢ်ပူၤန့ၣ်လီၤ. ပှၤသးစၢ်တဖၣ် ဟံးန့ၢ်အလီၢ် ဒ်ကရူၢ်တဖုအသိး, လၢပှၤမၤလိာ် တၢ်အီၣ်တၢ်အီ အစီၢ်နီၤခိၣ် ခီထၢၣ် ခံဖျၢၣ်အမဲာ်ညါ, ဒ်သိးကမၤလိာ်ဒိးန့ၢ်ဆိတၢ်အီၣ်အဂီၢ်န့ၣ်လီၤ. အကတီၢ်ဖဲန့ၣ်, ယနၢ်ဟူထွဲ ကၠၢၣ်ရံၣ် ကတိၤကသွံတၢ်လၢ “ခဲကနံၣ်အံၤ, ဒုးနဲၣ်လၢ်ဘၣ်ယၤ တၢ်ဘျုးတၢ်ဖှိၣ်တက့ၢ်” န့ၣ်လီၤ. ဒ်သိးပကဒိးန့ၢ်ဆိတၢ်အီၣ်အဂီၢ်, အဝဲသ့ၣ်မ့ၢ်ပျဲဆိပှၤန့ၣ် ကမ့ၢ်တၢ်အဂ့ၤလၢပဂီၢ်ဘၣ်ဆၣ်, တမ့ၢ်လၢပကဘၣ်ကွၢ်ဒၣ်ထဲပဂီၢ်ဘၣ်. မ့ၢ်တၢ်ဒုးသ့ၣ်နီၣ်ပှၤလၢ ပကဘၣ်ဆိကမိၣ်တၢ်လၢ ပှၤဂုၤပှၤဂၤ
အဂီၢ်စ့ၢ်ကီးန့ၣ်လီၤ.

လံာ်စီဆှံ သိၣ်လိပှၤလၢ တၢ်အဲၣ်တၢ်ကွံ ဝံသးစူၤတၢ်ဃဲးဃဲး ဒီးမၤဂ့ၤတၢ်, တၢ်အဲၣ်တၢ်ကွံ တသးကါဘၣ်တၢ်ဘၣ်. ၁ ကရံၣ် ၁၃:၅ ပာ်ဖျါဝဲလၢ တၢ်အဲၣ်တၢ်ကွံ “အသးတဒိၣ်ထီၣ်ဘၣ်” န့ၣ်လီၤ. ပှၤကွဲးထုးထီၣ် လံာ်စီဆှံအခီပညီ, မဲးသယူ ဟဲနရ့ၣ်…

အ့းစဲလ်စံၤယၤ (Excelsior) ဆူလီၢ်ထီၣ်ထီ

ဘၣ်တဘျီဘျီန့ၣ်, လၢတၢ်လီၤကမၢကမၣ်အပူၤ သူၣ်ဂ့ၢ်သးကျိၤအတၢ်ကစီၣ်, ဟဲဖျါထီၣ် သတူၢ်ကလာ်လၢ တၢ်တဆၢမုၢ်လၢ်ဘၣ်တၢ်အလီၢ်, အဒိ, လၢလံာ်တၢ်ဂီၤကွံးကွးအပူၤန့ၣ်လီၤ. စတဲ(န်) လံၤ (Stan Lee) မ့ၢ်ပှၤလၢအတ့ထုးထီၣ် မၤဘဲလ် (Marvel comic) လံာ်တၢ်ဂီၤကွံးကွး လၢအမံၤဟူသၣ်ဖျါတဖၣ်န့ၣ်, လဲၤပူၤကွံာ် ဟီၣ်ခိၣ် ဖဲ ၂၀၁၈ နံၣ်, ဒီးပာ်လီၤတဲာ်တ့ၢ်တၢ်န့ၢ်သါတဖၣ်, လၢအမ့ၢ် စပဲၣ်ဒၢၣ် မဲ(န်) (Spider-Man), အါယၢၢ် မဲ(န်) (Iron Man), ဖဲ(န်)တဲးစတ့း ဖီ (Fantastic Four), ဟီး (Hulk), ဒီးလံာ်တၢ်ဂီၢ်ကွံးကွးအဂၤတဖၣ်န့ၣ်လီၤ.

ပှၤလၢ အဒိးမဲာ်ဒိးလၢအဒီတဒၢမုၢ်, အိၣ်ဒီးအမဲာ်နံၤကမှံ, ဒီးအမံၤဟူသၣ်ဖျါတဂၤအံၤ, နံၣ်လၢအဆံတဖၣ်အဆံတီၢ်ပူၤန့ၣ် ဆဲးလီၤဝဲအနီၢ်ကစၢ်တၢ်ပနီၣ် လံာ်ကျိၤ "အ့းစဲလ်စံၤယၤ" အံၤလၢ ကိးလါဒဲး အလံာ် မၤဘဲလ် တၢ်ဂီၤကွံးကွးတဖၣ်အပူၤန့ၣ်လီၤ. ဖဲ ၂၀၁၀ နံၣ်န့ၣ် စတဲ(န်) လံၤ ကွဲးပာ်ဖျါဝဲလၢ ထွံးထၢၣ် (Twitter)…