တၢ်ထုကဖၣ် တဘိယူၢ်ဃီ

မ့လၣ် (MILA), မ့ၢ်ပှၤလၢအမၤစၢၤပှၤကုၢ်ကိၣ်တဂၤဒီး, ဖဲအတၢ်မၤအခိၣ်ပာ်ဒ့ၣ်ပာ်ကမၢ်အီၤလၢ, အဟုၣ်န့ၢ် ကိၣ်တနီၤလၢပှၤတ့လၢစပံးသၣ်ဃ့န့ၣ်ဒီး, ကဒီတဒၢက့ၤအသးအဂီၢ်, ဖျါလၢပှၤကမၤစၢၤအီၤ တအိၣ်လၢၤဘၣ်အဃိ, အသးဘၣ်ဒိဘၣ်ထံးဝဲဒၣ်န့ၣ်လီၤ. တၢ်ပာ်ဒ့ၣ်ပာ်ကမၢ်အီၤလၢ တၢ်အခီၣ်ထံးခီၣ်ဘိတအိၣ်, ဒီးပိာ်ထွဲထီၣ်ဝဲလၢ တၢ်မၤစှၤလီၤအဘူးအလဲန့ၣ် မ့ၢ်တၢ်မၤအခိၣ် မၤကမၣ်ဘၣ်အီၤအါထံၣ်အကျါ, ခံထံၣ်န့ၣ်လီၤ. ကိးမုၢ်နံၤဒဲးန့ၣ် မ့လၣ် ဃ့ဘါထုကဖၣ်ဝဲလၢ “ကစၢ်ယွၤဧၢ, ဝံသးစူၤမၤစၢၤလၢ်ဘၣ်ယၤတက့ၢ်” န့ၣ်လီၤ. မ့လၣ် စံးဝဲဒၣ်, “တၢ်မၤအခိၣ်အတၢ်ကွၢ်ထွဲ အဖီလာ်န့ၣ် ယဘၣ်မၤတၢ်ကီကီခဲခဲဘၣ်ဆၣ်, ယလိၣ်ဘၣ်တၢ်မၤအံၤန့ၣ်လီၤ”.

လူၤ ၁၈:၃ အပူၤန့ၣ် ကစၢ်ယ့ၣ်ရှူး ပာ်ဖျါထီၣ်ဝဲ မုၣ်ကမဲတဂၤ အသးဘၣ်ဒိဘၣ်ထံး, ခီဖျိလၢပှၤကမၤစၢၤအီၤ တအိၣ်လၢၤဘၣ်အဃိဒီး, “ဃုတၢ်တီတၢ်လိၤ ထီဒါပှၤလၢအထီဒါအီၤ” အဂ့ၢ်န့ၣ်လီၤ. မုၣ်ကမဲ လဲၤဃီၤဝဲဆူ ပှၤစံၣ်ညီၣ်ကွီၢ်, အိၣ်ဒီးတၢ်စိတၢ်ကမီၤလၢ ကစံၣ်ညီၣ်တဲာ်အတၢ်ဂ့ၢ်တၢ်ကျိၤတဂၤအအိၣ်န့ၣ်လီၤ. ပှၤစံၣ်ညီၣ်ကွီၢ်တဂၤအံၤ တတီတလိၤဘၣ်န့ၣ် သ့ၣ်ညါဝဲဘၣ်ဆၣ်, လဲၤဝဲဒၣ်သပှၢ်ပှၢ်န့ၣ်လီၤ.

အကတၢၢ်, အဆၢဖိ ၄-၅ အပူၤန့ၣ် ပကထံၣ်, ပှၤစံၣ်ညီၣ်ကွီၢ်မၤဆၢက့ၤတၢ်န့ၣ် လီၤဆီဝဲတုၤဒၣ်လဲာ် ပထိၣ်တဲာ်တသ့ဝဲဒီးပပၢ်အိၣ်လၢမူခိၣ်, အတၢ်စံးဆၢမၤဆၢက့ၤတၢ်လၢတၢ်အဲၣ်, ဒီးမၤစၢၤဝဲအဆိအချ့ဘၣ်န့ၣ်လီၤ.…

တၢ်သူၣ်ကညီၤသးကညီၤတၢ် လၢပထိၣ်တဲာ်တန့ၢ်

တံၤသကိးခံဂၤလူၤဃုပှ့ၤ ခီၣ်ဖၠူၣ်ထၢၣ် (Laptop) လၢလီမ့ၣ်အူအပိးအလီအကျးအကတီၢ်, အဝဲသ့ၣ်ထံၣ်ဝဲဒၣ် ပှၤလိာ်ကွဲဖျၢၣ်သွ့ လၢအမံၤဟူသၣ်ဖျါ ရှၣ်ခ့ အိၣ်နံလ် (Shaquille O’Neal) န့ၣ်လီၤ. အဝဲသ့ၣ်ခံဂၤ သ့ၣ်ညါထွဲဝဲဒၣ်လၢ တၢ်တယံာ်ဒံးဘၣ်န့ၣ် အိၣ်နံလ် အမုၢ်ဒ့မုၣ်တဂၤ, ဒီးအတံၤသကိးလၢ လိာ်ကွဲသကိး ဖျၢၣ်သွ့တဖုဃီတဂၤန့ၣ် သံလဲၤပူၤကွံာ်ဟီၣ်ခိၣ်အဃိ, အဝဲသ့ၣ်လဲၤစံးကတိၤသကိး, မၤမုာ်ထီၣ်က့ၤအီၤ, ဒီးပာ်ဖျါထီၣ်တၢ်သးအုးဃုာ်ဒီးအီၤန့ၣ်လီၤ. အိၣ်နံလ် အသးကလၢၢ်ဘၣ်ဝဲလၢ, ပှၤဒီတံၤသကိး ခံဂၤအံၤ ထံၣ်အီၤ ဒ်အဝဲမ့ၢ်ပှၤလၢအဘၣ်လဲၤခီဖျိအကတီၢ်လၢအကီအခဲတဂၤအဃိ, ဖဲအဝဲသ့ၣ်ခံဂၤ ဟဲက့ၤကွၢ်ဃုပှ့ၤ ခီၣ်ဖၠူထၢၣ်အကတီၢ်, အိၣ်နံလ် ဟဲဆူအဝဲသ့ၣ်အအိၣ်, ဒီးမၢအဝဲသ့ၣ်ဃုထၢ ခီၣ်ဖၠူထၢၣ် အဂ့ၢ်ကတၢ်, ဒီးပှ့ၤန့ၢ်ဝဲဒၣ်လၢအဝဲသ့ၣ်အဂီၢ်န့ၣ်လီၤ.

တချုးလၢတၢ်ထံၣ်လိာ်သးဒ်သိးအံၤ အနံၣ်တကထိဘျဲၣ်, ကတိၤ ၁၁:၁၇ အပူၤ န့ၣ်, စီၤရှလိၤမိၤကွဲးတ့ၢ်ဝဲ “ပှၤမၤဘျုးမၤဖှိၣ်တၢ်န့ၣ် မၤတၢ်ဂ့ၤလၢအသးဒၣ်ဝဲအဂီၢ်” န့ၣ်လီၤ. ဖဲပဆိကမိၣ်ထီၣ် တၢ်လၢပှၤဂၤအတၢ်လိၣ်, ကွၢ်ဖဲပမၤသ့တမံၤမံၤ ဒ်သိးဒီးပကဟ့ၣ်ဂံၢ်ဟ့ၣ်ဘါ အဝဲသ့ၣ်စံးတၢ်န့ၣ်, မ့ၢ်ဒၣ်ပမၤဂ့ၤမၤဘျုးလီၤက့ၤပနီၢ်ကစၢ်ဒၣ်ဝဲန့ၣ်လီၤ. တၢ်မၤအံၤတမ့ၢ်လၢ တၢ်ပှ့ၤန့ၢ် ခီၣ်ဖၠူထၢၣ် မ့တမ့ၢ် တၢ်အပီးအလီတဖၣ်ဘၣ်ဆၣ်,…

ဃုတစှီၤ

မံၣ်စိၣ်ရၣ်ကီၢ်စဲၣ် လၢကိၤလၤသူကီၢ် ကလံၤစိး-မုၢ်နုာ်န့ၣ် ဂုာ်ပူၤဖျဲးအသးကယီကယီလၢတၢ်ဖှီၣ်တၢ်ယာ်န့ၣ်လီၤ. တၢ်ဖံးတၢ်မၤ အတၢ်ဟဲနုာ်မ့ၢ် တလၢတပှဲၤဘၣ်ဆၣ်, စးထီၣ်လၢတၢ်သးခုကစီၣ် ဟဲနုာ်လီၤဆူ ဘၢၣ်ကဝီၤအံၤအပူၤန့ၣ်, ဒီးပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ် မၤထွဲဝဲ လုၢ်လၢ်လၢအမ့ၢ် တၢ်ပာ်ဖှိၣ် “ဃုတစှီၤ” န့ၣ်လီၤ. တနံၤဘၣ်တနံၤ, တချုးလၢပှၤဖီအီၣ်မ့ၤန့ၣ် ပှၤဘၣ်ထုးထီၣ်ပာ်ဖှိၣ် ဃုတစှီၤ, ဒီးဘၣ်တၢ်ဟ့ၣ်လီၤဆူတၢ်အိၣ်ဖှိၣ်န့ၣ်လီၤ. ခီဖျိလၢဟီၣ်ခိၣ်ဒီဘ့ၣ်အနီၣ်ထိၣ်အပတီၢ်အပူၤန့ၣ်, မံၣ်စိၣ်ရၣ် တၢ်အိၣ်ဖှိၣ်တဖၣ်ဖှီၣ်ယာ်ဘၣ်ဆၣ်, လၢတၢ်သးခုကစီၣ်အတၢ်မၤအဂီၢ်, ဟ့ၣ်လီၤဝဲကျိၣ်စ့လၢအကကွဲၢ်တဖၣ်, ဒီးဆှၢလီၤ ပှၤမၤတၢ်သးခုကစီၣ်တဖၣ် ဆူဟီၣ်ခိၣ်ဒီဘ့ၣ်န့ၣ်လီၤ. ပှၤမံၣ်စိၣ်ရၣ်ဖိ အါတက့ၢ်န့ၣ် စူၢ်က့ၤနာ်က့ၤကစၢ်ယ့ၣ်ရှူးခရံာ်န့ၣ်လီၤ.

၂ ကရံၣ်သူး ၈ အပူၤန့ၣ်, စီၤပီလူး ပာ်ဖျါထီၣ် တၢ်ဂ့ၢ်လၢအတၤ တၢ်အိၣ်ဖှိၣ် ဒ်သိးအံၤန့ၣ်လီၤ. ၂ကရံၣ် ၈:၁-၂ ပာ်ဖျါဝဲ ပှၤစူၢ်နာ်တၢ်ဖိ လၢမၤက့းဒနံတဖၣ်န့ၣ် ဖှီၣ်ဝဲယာ်ဝဲဘၣ်ဆၣ်, ဒ်သိးကမၤဘူၣ်တၢ် ထူးထူးတီၤတီၤ, လၢတၢ်သးခုအပူၤအဂီၢ်, တၢ်ဖှီၣ်တၢ်ယာ်အံၤ တြီအဝဲသ့ၣ် တန့ၣ်ဘၣ်. အဝဲသ့ၣ်ဟ့ၣ်တၢ်န့ၣ် ထံၣ်ဝဲ ဒ်အမ့ၢ်တၢ်ခွဲးတၢ်ယာ်လီၤဆီ, ဒီးအဆၢဖိ ၃ ပာ်ဖျါဝဲ,…

တၢ်အဲၣ်ပဒုၣ်ပဒါ

ဖဲဟီၣ်ခိၣ်ဒီဘ့ၣ် တၢ်ဒုးဖးဒိၣ်ခံဘျီတဘျီအကတီၢ်, ကီၢ်အမဲရကၤ ကဘီသုးဖိ (Navy) လ့ ဝဲးစတၢၣ် (Lynne Weston) လၢတၢ်ကူစါယါဘျါတၢ်တကပၤန့ၣ် ဘၣ်လဲၤထီၣ်ဆူထံကၢၢ်ခိၣ်ဃုာ်ဒီးသုးဖိလၢ အကဘၣ်လဲၤဒုးတၢ်သတူၢ်ကလာ် ဒ်သိးဒီးကမၤန့ၢ်ကီးတဖၣ် လၢဒုၣ်ဒါအစုပူၤန့ၣ်လီၤ. လၢတၢ်ဟးဆှဲးတသ့ဘၣ်အပူၤန့ၣ် တၢ်သံတၢ်ပှၢ်တဖၣ်အိၣ်ဝဲ ဒိၣ်ဒိၣ်မုၢ်မုၢ်န့ၣ်လီၤ. အဝဲမၤအဂ့ၤကတၢၢ် လၢတၢ်စိာ်ပူၤဖျဲး ပှၤသုးဖိလၢအဘၣ်ဒိဘၣ်ထံး နးနးကလဲာ်တဖၣ်ဆူ တၢ်လီၢ်လၢအပူၤဒီးတၢ်ဒုးတၢ်ယၤန့ၣ်လီၤ. ဘၣ်တဘျီ, အသုးဖိလၢကူစါယါဘျါတၢ်တဖၣ် ထံၣ်န့ၢ် ဒုၣ်ဒါအသုးဖိ ဘၣ်ဒိဘၣ်ထံးနးနးကလဲာ်လၢအဟၢဖၢန့ၣ်လီၤ. ဒ်တၢ်ဘၣ်ဒိဘၣ်ထံး အတၢ်အိၣ်အသးအသိးန့ၣ်, ပှၤဆါအံၤ ပှၤဒုးအီအီၤထံတသ့ဘၣ်. ဒ်သိးပှၤတဂၤအံၤ အသုတသံအဂီၢ်န့ၣ် တၢ်ကူစါယါဘျါတၢ် သုးဖိအခိၣ် ဝဲးစတၢၣ် ဆဲးနုာ်လီၤန့ၢ် တၢ်သွံၣ်အထံဆှံ လၢသုးဖိအံၤ အသွံၣ်ကျိၤပူၤန့ၣ်လီၤ.

မရ့သုးဖိတဂၤ စံးဘၣ် ဝဲးစတၢၣ် လၢ “ပာ်တ့ၢ်တၢ်သွံၣ်အထံဆှံတဖၣ် လၢပပှၤ သုးဖိတဖၣ်အဂီၢ်ဒံး” န့ၣ်လီၤ. ဝဲးစတၢၣ် တပာ်သ့ၣ်ညါအသးဘၣ်. ဒ်ကစၢ်ယ့ၣ်ရှူး စံးဝဲဒၣ်လၢ မး ၅:၄၄ အပူၤအသိး, ကမၤဝဲတၢ်မနုၤလဲၣ်န့ၣ် ဝဲးစတၢၣ် သ့ၣ်ညါဝဲဒၣ်န့ၣ်လီၤ.

ကစၢ်ယ့ၣ်ရှူး မၤဝဲအါန့ၢ်ဒိၣ်န့ၢ်…

ကစၢ်ယွၤထံၣ်န့ၢ်နၤ

ယတံၤသကိးတဂၤ ဖဲအခွါဖိ ထီၣ်ဆူ တၢ်ဘါယွၤသရိာ်, အလီၢ်ဆ့ၣ်နီၤဖးထီအဖီခိၣ်, ဒီးဝံၣ်ဝၣ်အစုခံခီန့ၣ်ဒီး, တဲဝဲအဖိခွါ, “စံၣ်လီၤ” လၢအကလုၢ်ဆူၣ်ဆူၣ်န့ၣ်လီၤ. ဖိသၣ်န့ၣ်စံးဆၢဝဲလၢ အတၢ်ကမၣ်တအိၣ်ဘၣ်အပူၤ, “ယအဲၣ်ဒိးလၢ တၢ်အိၣ်ဖှိၣ်သရၣ်ကထံၣ်ယၤ,” ဒီး “ယမ့ၢ်တဆၢထၢၣ်န့ၣ်ဒီး, တမ့ၢ်လၢ အဝဲကထံၣ်ယၤဘၣ်” န့ၣ်လီၤ. တၢ်ဘါယွၤသရိာ်အါတက့ၢ်န့ၣ်, တၢ်တဟ့ၣ်တၢ်အခွဲးလၢ တၢ်ကအိၣ်ဂဲၤဆၢထၢၣ်လၢလီၢ်ဆ့ၣ်နီၤဖးထီအဖီခိၣ်ဘၣ်ဆၣ်, ယတံၤသကိးအဖိခွါန့ၣ် အိၣ်ဒီး တၢ်ပညိၣ်လၢ အဂ့ၤန့ၣ်လီၤ. တၢ်ဂဲၤဆၢထၢၣ်, ဒီးဝံၣ်ဝၣ်အစုအံၤ မ့ၢ်ကျိၤကျဲတမံၤလၢ တၢ်ကထံၣ်အီၤ, ဒီးကဒိးန့ၢ်ဝဲ တၢ်အိၣ်ဖှိၣ်သရၣ် အတၢ်သ့ၣ်ညါပာ်သူၣ်ပာ်သးအီၤအဂီၢ်န့ၣ်လီၤ.

ဖဲပဂုာ်ကျဲးစၢၤဒိးန့ၢ်ဘၣ် ယွၤအတၢ်သ့ၣ်ညါပာ်သူၣ်ပာ်သးပှၤအဂီၢ်န့ၣ်, မ့ၢ်ကစၢ်ယွၤ ထံၣ်ပှၤကစီဒီဧါန့ၣ် တၢ်ဘၣ်ယိာ်အလီၢ်တအိၣ်ဘၣ်. ကိးဆၢကတီၢ်ဒဲးန့ၣ် ကစၢ်ယွၤထံၣ် ပဝဲတဂၤဘၣ်တဂၤန့ၣ်လီၤ. အဝဲမ့ၢ်ယွၤတဂၤဃီ လၢအဒုးနဲၣ်ဖျါထီၣ်အသးဆူ နီၢ်ဟၤကၢ်, ဘၣ်သ့ၣ်သ့ၣ်, နီၢ်ဟၤကၢ် ဘၣ်အိၣ်သယုၢ်သညိထဲတဂၤဧိၤ, အတၢ်အိၣ်မူ ကမ့ၢ်ဖဲတၢ်လီၢ်အဖုၣ်ကတၢၢ်, အိၣ်ပှဲၤဒီးတၢ်သးဟးဂီၤနးနးကျံးကျံးအကတီၢ်န့ၣ်လီၤ. ၁ မိၤ ၁၆:၃ ပာ်ဖျါဝဲဒၣ်လၢ နီၢ်စၤရဲ စူးကါဝဲနီၢ်ဟၤကၢ် ဒ်ပီးလီတမံၤ, ဒ်သိးဒီးကဆံးစၢ်န့ၢ်ဝဲ ဖိခွါတဂၤအဂီၢ်, ဘၣ်တၢ်ဟ့ၣ်လီၤအီၤဆူ စီၤအၤဘြၣ်န့ၣ်လီၤ.…

တၢ်အံးက့ၤကွၢ်က့ၤလိာ်သးလၢ တၢ်အဲၣ်တၢ်ကွံ

ဖဲခရ့းစတဲၣ် (Krystal) စးထီၣ်မၤတၢ်သီသီလၢ ဘၣ်ကၠံနယၤ (Virginia) ခီဖံၣ်ကျးန့ၣ်, ဘၣ်ကွၢ်ထွဲဝဲ အဲးဘံၣ် (Ibby), ပှၤလၢညီနုာ်ဟဲအီၣ်အီတၢ်တဂၤန့ၣ်လီၤ. မ့ၢ်လၢ အဲးဘံၣ်အနၢ်တအၢအဃိ, တၢ်လၢအလိၣ်ဘၣ်ဝဲန့ၣ် ဒုးသ့ၣ်ညါခီဖျိ တၢ်ဒိလီၤလံာ်လၢ အကွဲၤဒီနၢ်အပူၤန့ၣ်လီၤ. ဖဲ ခရ့းစတဲၣ် သ့ၣ်ညါဝဲလၢ အဲးဘံၣ် မ့ၢ်ပှၤလၢဟဲအီၣ်ညီနုာ်တၢ်တဂၤအဃိ, ပာ်လီၤအသး ဒ်သိးကမၤဂ့ၤအါထီၣ်တၢ် လၢအဲးဘံၣ်အဂီၢ်န့ၣ် ခရ့းစတဲၣ် မၤလိဝဲ အမဲရကၤ တၢ်ဒုးနဲၣ် တၢ်ပနီၢ် အတၢ်ကတိၤ ခီဖျိလၢ နီၣ်ခိအတၢ်ဟူးတၢ်ဂဲၤ ဒ်သိးအဲးဘံၣ် ကဒုးနဲၣ် တၢ်လၢအဲၣ်ဒိးအီၣ်အီတဖၣ်, ဒီးတလိၣ်ကွဲးဝဲလၢ ကွဲၤဒီနၢ်အပူၤလၢၤဘၣ်န့ၣ်လီၤ.

တၢ်ဂ့ၢ်ဆံးဖိတမံၤ, ဒ် ခရ့းစတဲၣ် ပာ်ဖျါထီၣ်ဝဲ တၢ်အဲၣ်, ဒီးတၢ်ခ့တၢ်ပှၤ အတၢ်မၤ တကလုာ် ဆူ အဲးဘံၣ် အဂီၢ်အသိးန့ၣ်, စီၤပီလူး ဟ့ၣ်ဂံၢ်ဟ့ၣ်ဘါ ပဝဲခဲလၢာ်လၢ ပကမၤဂ့ၤမၤစၢၤလိာ်သးကဒဲကဒဲန့ၣ်လီၤ. လၢအလံာ်ပရၢအပူၤန့ၣ် ပှၤစူၢ်နာ် ကစၢ်ခရံာ်တဖၣ်လၢ အလီၤပြံလီၤပြါ, ဒီးဘၣ်အိၣ်ဆိးလၢထံကီၢ်အဂၤတဖၣ်အဂီၢ်, ၁ ပ့း ၄:၈,၁၀…

ယွၤအတၢ်သ့ၣ်ဆၢဖးကတီၢ်

မဲး(ဂ) မုၢ်လၢ်တ့ၢ်ဝဲ အတၢ်ရဲၣ်တၢ်ကျဲၤလၢ ကလဲၤဟးကသုၣ်ဆူ ထံဂၤကီၢ်ဂၤ န့ၣ်လီၤ. ဘၣ်ဆၣ်, ဒ်ညီနုၢ်မၤဝဲအသိး, ဘၣ်ထွဲဒီးတၢ်ဂ့ၢ်အံၤ ဃ့ထုကဖၣ်ဆိဝဲဒၣ်န့ၣ်လီၤ. အတံၤသကိးတဂၤ စံးဘၣ်အီၤလၢ “တၢ်အံၤ မ့ၢ်ဒၣ်နဟံးန့ၢ်နံၤသဘျ့လီၤ. ဘၣ်မနုၤအဃိ, နဃ့တၢ်ဟ့ၣ်ကူၣ်လၢယွၤလဲၣ်” န့ၣ်လီၤ. ဘၣ်ဆၣ်, မဲး(ဂ) နာ်ဝဲ ဒၣ်လၢ တၢ်ဟ့ၣ်လီၤအးလီၤတၢ်ခဲလၢာ် လၢယွၤအစုပူၤန့ၣ်လီၤ. တၢ်တဘျီအံၤန့ၣ်, အသးကလၢၢ်ဘၣ်ဝဲလၢ ယွၤထိၣ်ဟူးထိၣ်ဂဲၤအီၤ ဒ်သိးကဆိကတီၢ် အတၢ်လဲၤ အဂီၢ်န့ၣ်လီၤ. အဝဲဆိကတီၢ်အတၢ်ရဲၣ်တၢ်ကျဲၤ, ဒီးလၢခံ, ဖဲကဘၣ်လဲၤတၢ်အဆၢကတီၢ်န့ၣ် တၢ်ဆါသံသတြိာ် မၤဘၣ်ဒိ ထံကီၢ်လၢ အကလဲၤဝဲတဘ့ၣ် န့ၣ်လီၤ. အဝဲတိၢ်န့ၢ်ဝဲလၢ “ယသးကလၢၢ်ဘၣ်လၢ ယွၤဒီတဒၢတ့ၢ်ယၤန့ၣ်လီၤ.”

ထံလီၤစှၤဝံၤအလီၢ်ခံ စီၤနိအၤဒီးအဟံၣ်ဖိဃီဖိ ဘၣ်အိၣ်ဝဲလၢကဘီပူၤ ခံလါဃၣ်ဃၣ်အကတီၢ်န့ၣ် စီၤနိအၤစ့ၢ်ကီးဘၣ်သန့ၤအသးလၢ ယွၤအတၢ်တဒီတဒၢန့ၣ်လီၤ. အဝဲသ့ၣ်ဘၣ်အိၣ်လၢကဘီပူၤ အါန့ၢ်အလါတဆံဝံၤ, အဝဲအသးဆူၣ် ကဟးထီၣ်ဆူတၢ်ချၢန့ၣ်လီၤ. တၢ်ခဲလၢာ်ဝံၤ, ၁ မိၤ ၈:၁၃ ပာ်ဖျါဝဲ “ထံသူထီၣ်ကွံာ်လၢဟီၣ်ခိၣ်ချၢ,” ဒီး “ဟီၣ်ခိၣ်ဘ့ၣ်ခိၣ်ဃ့ထီၣ်လံအသးလံ” န့ၣ်လီၤ. ဘၣ်ဆၣ်…

ပှၤဂၤအတၢ်ဂ့ၢ်တၢ်ကျိၤ

ပလံၤဖိလွံၢ်ဂၤ လိာ်ကွဲသကိးလ့ၣ်မ့ၣ်အူဆံးဆံးဖိ, ဒီးအဆံးခံဂၤန့ၣ် ကတိၤအါတၢ်လၢ လ့ၣ်မ့ၣ်အူအခိၣ်အဂ့ၢ်န့ၣ်လီၤ. ပလံၤခွါဖိလၢ အသးအိၣ်ဃိးနံၣ်တဂၤန့ၣ် ဖဲကနုာ်လီၤဘှါဆှဲတၢ်လၢ အပုၢ်ဆံးခံဂၤ အဘၢၣ်စၢၤန့ၣ်ဒီး, အဒ့မုၣ်ဖိလၢ အသးအိၣ် ဃုနံၣ်ဖိန့ၣ်စံးဘၣ်အီၤလၢ, “တဘၣ်ကိၢ်ဘၣ်ဂီၤလၢ အဝဲသ့ၣ်အတၢ်ဂ့ၢ်တၢ်ကျိၤတဂ့ၤ” န့ၣ်လီၤ. အါတက့ၢ်န့ၣ် တၢ်ကတိၤတဖၣ်အံၤ မ့ၢ်တၢ်ကူၣ်သ့အတၢ်ကတိၤန့ၣ်လီၤ. ဘၣ်ဆၣ် ဖဲတၢ်ဂ့ၢ်လိာ်ဘှီလိာ်န့ၣ် ဆီတလဲအသးဆူ မဲာ်ထံမဲာ်နိအကတီၢ်န့ၣ်, အဖံဘၣ်နုာ်လီၤ မၤလီၤဖး, ဒီးမၤမုာ်ထီၣ်က့ၤ တၢ်ဒီပုၢ်ဝဲၢ်ဖိခံဂၤန့ၣ်လီၤ.

ဖဲပနုာ်လီၤ မၤတၢ်တမံၤမံၤအဃိ, တၢ်ဂ့ၢ်တၢ်ကျိၤ မ့ၢ်နးဒိၣ်ထီၣ်အါထီၣ်သ့ဝဲန့ၣ်ဒီး, ပအိၣ်ယံၤဒီး ပှၤဂၤအတၢ်ဂ့ၢ်တၢ်ကျိၤတဖၣ်န့ၣ် ကမ့ၢ်တၢ်လၢအဂ့ၤန့ၣ်လီၤ. ဘၣ်ဆၣ် ဘၣ်တဘျီဘျီန့ၣ် အလီၢ်အိၣ်လၢ ပကဘၣ်နုာ်လီၤမၤဝဲလၢ တၢ်ထုကဖၣ်အပူၤန့ၣ်လီၤ. တၢ်ကွဲးလံာ်ပရၢဆူ ဖံလံးပံၤ တၢ်အိၣ်ဖှိၣ်အဂီၢ်အပူၤန့ၣ်, တၢ်မၢဖိစီၤပီလူးဟ့ၣ်ဝဲ အဒိလၢ ပကဘၣ်နုာ်လီၤမၤတၢ် ဖဲအကတီၢ်မတၤလဲၣ်န့ၣ်လီၤ. ဖံ ၄:၂ အပူၤန့ၣ် ဃ့ကညးပိာ်မုၣ်ခံဂၤ လၢအမ့ၢ် နီၢ်အူၤအိဒံၤဒီးနီၢ်စူၣ်တူၤဃ့ၤ, ဒီးစံးဝဲ, “ဒ်သိး အကသးအိၣ်တဖျၢၣ်ဃီလၢ ကစၢ်အပူၤလီၤ” န့ၣ်လီၤ. အဆၢဖိ ၃ န့ၣ်…

တုၤလၢတၢ်ကဘၣ်ဝဲနီၢ်နီၢ်ဒၣ်လဲာ် မ့ၢ်ဒံးဒၣ် တၢ်လၢအကမၣ်

ဘၣ်ထွဲဒီး တၢ်ဃုသ့ၣ်ညါနၢ်ပၢၢ် သ့ၣ်ဂီၤ အမုၢ် (Red Wood Tree) အတၢ်ဂီၤမူ (Video) အိၣ်ဝဲတခါန့ၣ်လီၤ. တၢ်ဒိတၢ်ဂီၤမူ အတၢ်သ့တၢ်ဘၣ်န့ၣ် ဂ့ၤဒိၣ်မး, လၢတၢ်အကလုၢ် တကပၤန့ၣ် ပာ်ဖျါထီၣ် တၢ်ဂ့ၢ်တၢ်ကျိၤ, ဒီးအိၣ်ဂၢၢ်အိၣ်ကျၢၤ, တၢ်ဂ့ၢ်တၢ်ကျိၤတဖၣ်န့ၣ် ထုးန့ၢ်သူၣ်န့ၢ်သး, ဒီးဘၣ်ဂ့ၢ်ဘၣ်ဝီၤဝဲဒၣ်န့ၣ်လီၤ. တၢ်ဂီၤမူအံၤ ဒုးနဲၣ်ဝဲ တၢ်ဆဲးနုာ်လီၤ တၢ်အသံးအကာ်, လၢအမၤဆူၣ်ထီၣ်တၢ်ဂံၢ်တၢ်ဘါတမံၤ, ဒ်သိးဒီးကတြီ သ့ၣ်ဂီၤအမုၢ်တဖၣ် အတၢ်ဒိၣ်ထီၣ်တအိၣ်ကတီၢ်အဂီၢ်န့ၣ်လီၤ. မ့ၢ်လၢ သ့ၣ်ဂီၤအမုၢ်တဖၣ်လၢတၢ်ဆဲးနုာ်လီၤ တၢ်အသံးအကာ်တဖၣ်အံၤန့ၣ် တူၢ်ဝဲခီၣ်ဝဲဒၣ် န့ဆၢၣ် အတၢ်လဲၤတရံးအသး လၢတၢ်ဂိၢ်အကတီၢ် တန့ၢ်အဃိ, သံကွၢ်ဝဲဒၣ်န့ၣ်လီၤ.

တၢ်ကစီၣ်လၢ တၢ်ဂီၤမူ အဲၣ်ဒိးဟ့ၣ်ဝဲန့ၣ်, ပတၢ်မၤမ့ၢ်အါထီဘိ, ဒီးပမ့ၢ် တအိၣ်ဘှံးဘၣ်န့ၣ်ဒီး, လၢပဂီၢ် တၢ်ကဲထီၣ်အသးဒ်သိးအံၤ သ့ဝဲစ့ၢ်ကီးန့ၣ်လီၤ. တၢ်အံၤကဘၣ်ဝဲသ့ၣ်သ့ၣ်န့ၣ်လီၤ. ဘၣ်ဆၣ် တၢ်ဂီၢ်မူအံၤ တမ့ၢ်တၢ်လၢအလီၤတံၢ်ဘၣ်. တၢ်ဃုသ့ၣ်ညါနၢ်ပၢၢ်တၢ်ဒ်သိးအံၤန့ၣ်, တအိၣ်နီတဘျီဘၣ်. သ့ၣ်ဂီၤ အမုၢ်တဖၣ်အံၤ အလၣ်လါဟ့ထီဘိ, ဒီးအတၢ်ဒိၣ်ထီၣ်န့ၣ်တအိၣ်ကတီၢ်နီတဘျီဘၣ်. ဒီးသ့ၣ်အမုၢ်တဖၣ်လၢ တၢ်ဂီၤမူပာ်ဖျါဝဲဒၣ်န့ၣ် မ့ၢ်…

ပှၤကွၢ်သိ အတၢ်သူၣ်ဒူသးဒူ

ဖဲလၢ တဲးကစဲး (Texas) A&M ခီလ့ၣ်ကၠိ အပှၤလိာ်ကွဲဖျၢၣ်ထူ စဲး စမီလ် (Seth Small), ဒ်သိးကထူနုာ်လီၤ ဖျၢၣ်ထူအဂီၢ်န့ၣ် ဟံးန့ၢ်ဝဲအလီၢ် ဖဲတၢ်လိာ်ကွဲ အတၢ်ဆၢကတီၢ်ကဝံၤဝဲအဂီၢ်န့ၣ် အိၣ်တ့ၢ်ဒၣ်ထဲ ခံစဲးကီးအကတီၢ်, ဒီးတၢ်လိာ်ကွဲအတၢ်သူၣ်ထီၣ်အပူၤ, ပှၤကမျၢၢ် ၁၀၇,၀၀၀ ဂၤ ဃၣ်ဃၣ်န့ၣ် ဂဲၤဆၢထၢၣ်ခိးကွၢ် လၢတၢ်သူၣ်ဟူးသးဂဲၤအပူၤန့ၣ်လီၤ. A&M ဖျၢၣ်ထူကရၢ, ဒီးထံကီၢ်ပူၤ ဖျၢၣ်ထူကရၢအဂ့ၤ ကတၢၢ်လၢတၢ်အါနံၣ်အါလါတဖု လိာ်ကွဲပြၢလိာ်အသး, ဒီးခံဖုလိာ်မၤန့ၢ်ဝဲဒၣ် ၃၈-၃၈ ဖီး ဒ်သိးသိးအဃိ တၢ်ထူနုာ်လီၤ ဖျၢၣ်ထူဆူ ကိ (Goal) ပူၤန့ၣ် ကမ့ၢ်စဲပနီၣ် တၢ်မၤနၢၤလၢအပှဲၤဒီးတၢ်သူၣ်ဒူသးဒူ, ဒီးတၢ်အဲၣ်တၢ်ကွံန့ၣ်လီၤ. စမီလ်ကထူနုာ်ဝဲဖျၢၣ်ထူအဂီၢ် ဟံးန့ၢ်ဝဲအလီၢ်န့ၣ် ဖျါလၢတၢ်ပာ်သးမုာ်မုာ်ခုၣ်ခုၣ်န့ၣ်လီၤ. တၢ်မၤနၢၤ ကိ (Goal) နုာ်လီၤဝံၤန့ၣ်ဒီး, ခီဖျိလၢပှၤဂီၢ်မုၢ်အတၢ်ကိးပသူထီၣ်အဃိ, တၢ်လိာ်ကွဲလီၢ် အတၢ်သူၣ်ထီၣ်အံၤ လီၤဂာ်မးလၢ အပိၣ်ဖးထီၣ်ဝဲဒၣ်န့ၣ်လီၤ.

ဖဲ ပှၤဃုသ့ၣ်ညါ တၢ်ကစီၣ်သံကွၢ်အီၤလၢ တၢ်ဆၢကတီၢ်လၢအဆူၣ် ဒ်သိးအံၤအဂီၢ် မ့ၢ်အကတဲာ်ကတီၤပာ်အသး…