လဲၤကဒီးအသီတဘျီ

တၢ်ဒဲစုဟ့ၣ်ဂံၢ်ဟ့ၣ်ဘါ သီၣ်ဟူထီၣ်ဝဲဒၣ် ဖဲဖျိးစိကၠိဖိတဖၣ် လဲၤထီၣ်ဟံးန့ၢ်ဝဲဒၣ်တၢ်မၤလိမၤဒိးအတၢ်ဖျိးစိ လံာ်အုၣ်သးအခါန့ၣ်လီၤ. ဘၣ်ဆၣ် တၢ်ရဲၣ်တၢ်ကျဲၤန့ၣ် တဝံၤဒံးဘၣ်. ခိၣ်ဖး အဂၤတမံၤန့ၣ် မ့ၢ်တၢ်ဟ့ၣ်လီၤ ကၠိဖိတဖၣ် လၢအတမ့ၢ်ပှၤဖျိးစိလီၤဆီဘၣ်ဆၣ်,လၢအတၢ်မၤလိမၤဒိးအပူၤ တၢ်လဲၤထီၣ်လဲၤထီ အိၣ်အါထီၣ်အဃိန့ၣ်လီၤ. ကၠိဖိတဖၣ် အံၤ ဂုာ်ကျဲးစၢးသပှၢ်ပှၢ် ဒ်သိးအမးပတီၢ်လၢ အလီၤသ့ၣ်တဖၣ် ကဂ့ၤထီၣ်က့ၤအဂီၢ်,ဘှီဘၣ်က့ၤ သကဲာ်ပဝးလၢအတဂ့ၤတဖၣ်, မ့တမ့ၢ် အၢၣ်လီၤအီလီၤဝဲလၢ ကထီၣ်ကၠိကိးနံၤဒဲးန့ၣ်လီၤ. ကၠိဖိမိၢ်ပၢ်တဖၣ် သူၣ်ခုသးခု, ဒီးဒဲစုဟ့ၣ်ဂံၢ်ဟ့ၣ်ဘါဝဲ, ဒီးပာ်ပနီၣ်တူၢ်လိာ်ဖိသ့ၣ်တဖၣ် ဂုာ်ကျဲးစၢးလဲၤတၢ်လၢ ကျဲအဂ့ၤ- ဒီးခါလၢအပူၤကွံာ်အတၢ်လီၤတူာ်လီၤကာ်တဖၣ်န့ၣ် တထံၣ်ဝဲလၢၤဘၣ်. မ့မ့ၢ်ထံၣ်ဝဲထဲ ဖိတဖၣ်လဲၤတၢ်လၢ ကျဲအသီန့ၣ်လီၤ.

တၢ်အဒိဖိ လၢအမၤသူၣ်ဖှံသးညီတၢ်အံၤ ပာ်ဖျါထီၣ် ပပၢ်လၢမူခိၣ်တဂၤန့ၣ် ထံၣ်ပှၤဒ်လဲၣ်န့ၣ်လီၤ. ယွၤတထံၣ်ပှၤလၢပတၢ်အိၣ်မူအလီၢ်လံၤလၢၤဘၣ်. ခဲကနံၣ်အံၤ, ပၢ်ယွၤထံၣ်ပှၤဒ်အဖိတဖၣ်, ပတၢ်အိၣ်မူအသီလၢ ကစၢ်ခရံာ်အပူၤန့ၣ်လီၤ. ယိၤ ၁:၁၂ အပူၤန့ၣ် စီၤယိၤဟၣ် ကွဲးပာ်ဖျါဝဲ “ဘၣ်ဆၣ်ဒီး, ဖဲဒၣ် ပှၤလၢအတူၢ်လိာ်အီၤ, ပှၤလၢအစူၢ်က့ၤနာ်က့ၤ အမံၤတဖၣ်န့ၣ်, ဟ့ၣ်ဝဲလၢ အစိအကမီၤ, ဒ်သိးကကဲထီၣ်ယွၤအဖိလီၤ” န့ၣ်လီၤ.…

သးလၢအပီၢ်ယၢ်လီၤက့ၤသး

ယတံၤသကိးတဂၤ လုၣ်သ့ၣ်ခါပတာ်ဝဲ အတၢ်ဒိးတ့ဒိးဖျီအသး အတၢ်အၢၣ်လီၤအီၤလီၤန့ၣ်လီၤ. ပထံၣ်ဘၣ် အနီၢ်ကစၢ်ဒၣ်ဝဲ မၤဟးဂီၤက့ၤ အဟံၣ်ဖိဃီဖိန့ၣ် မ့ၢ်တၢ်လီၤသးဘၣ်ဒိဆါန့ၣ်လီၤ. ဖဲအဝဲအဲၣ်ဒိးမၤဘၣ်လိာ်ဘၣ်စးအသးဒီးအမါန့ၣ် ဃ့ဝဲ ယတၢ်ဟ့ၣ်ကူၣ်ဟ့ၣ်ဖးန့ၣ်လီၤ. ဒီးယတဲအီၤ, လၢနမါအဂီၢ် နကြၢးမၤတၢ်အါန့ၢ်ဒံး နတၢ်ကတိၤန့ၣ်လီၤ. အဝဲ ကဘၣ်ဂုာ်ကျဲးစၢးဆူညါ လၢတၢ်ပာ်ဖျါအတၢ်အဲၣ်ဆူအမါအအိၣ်, ဒီးဘၣ်ဟးဆှဲးပဲာ်စီကွံာ်တၢ်ဒဲးဘးအက့ၢ်အဂီၤတဖၣ်န့ၣ်လီၤ.

ဒ်ယဟ့ၣ်ကူၣ် ယတံၤသကိးတဂၤအံၤအသိး, ဝံယံးရမံယၤစ့ၢ်ကီး ဟ့ၣ်ကူၣ်ဟ့ၣ်ဖး ပှၤအံၣ်စရ့လးဖိတဖၣ် လၢအမၤဟးဂီၤအတၢ်အၢၣ်လီၤအီၤလီၤဒီးယွၤ, ဒီးပိာ်ကစၢ်အဂၤတဖၣ်အခံန့ၣ်လီၤ. ယံး ၄:၁ ပာ်ဖျါဝဲလၢ ဝံအတၢ်ဟ့ၣ်ကူၢ်လၢ တၢ်က့ၤဆူ ယွၤအအိၣ်န့ၣ် မ့မ့ၢ်တၢ်စးထီၣ်လၢအဂ့ၤဘၣ်ဆၣ်, တမ့ၢ် တၢ်လၢတၢ်ပှဲၤဘၣ်. အဝဲသ့ၣ်တဖၣ်စ့ၢ်ကီး ကဘၣ်အိၣ်မူပိာ်ထွဲ, ဒ်အတၢ်ကတိၤတဖၣ်အသိးန့ၣ်လီၤ. အခီပညီန့ၣ်အဆၢဖိ ၁ ပာ်ဖျါဝဲလၢ “နမ့ၢ်ပာ်ကွံာ်နတၢ်သးဘၣ်အၢ” တဖၣ်န့ၣ်လီၤ. ဝံယံးယရမံယၤ စံးဝဲဒၣ်လၢ အဆၢဖိ ၂န့ၣ် ပှၤဂီၢ်မုၢ် မ့ၢ်ဆိၣ်တၢ်လၢ “တၢ်တီတၢ်လိၤ, လၢတၢ်စံၣ်ညီၣ်တီ, ဒီးလၢတၢ်မ့ၢ်တၢ်တီ” အပူၤန့ၣ်ဒီး, ယွၤကဆိၣ်ဂ့ၤ ပှၤကလုာ်တဖၣ်န့ၣ်လီၤ. တၢ်ကီတၢ်ခဲတခီ မ့ၢ်လၢ အဝဲသ့ၣ်အၢၣ်လီၤအီၤလီၤဝဲလၢ တၢ်ကလီကလီ,…

ပာ်လီၤလၢ ယွၤအလီခီပူၤ

မိၢ်တဂၤန့ၣ် ဖဲအကွၢ်ထွဲမၤစၢၤ အဖိမုၣ်လၢအဒိၣ်တုာ်ခိၣ်ပှၤတဂၤ, ဒ်သိးကဒိးန့ၢ် တၢ်ကူစါယါဘျါလၢအဂ့ၤ, ဒီးကသံၣ်ကသီလၢအဂ့ၤ, ဒီးတၢ်ကတိၤဟ့ၣ်ဂံၢ်ဟ့ၣ်ဘါလၢအဂီၢ်န့ၣ် အဝဲဃ့ထုကဖၣ်တၢ် အါနံၣ်အါလါန့ၣ်လီၤ. တသီဘၣ်တသီန့ၣ်,မိၢ်တဂၤအံၤအသးဘၣ်ကိၢ်ဘၣ်ဂီၤဝဲ, ခီဖျိလၢအဖိမုၣ် အတၢ်အိၣ်ဆူၣ်အိၣ်ချ့န့ၣ် ဂ့ၤတဘျီအၢတဘျီ, တယာ်က့ၤအဂ့ၢ် တသ့လၢၤဘၣ်အဃိန့ၣ်လီၤ. အဝဲလီၤဘှံးလီၤတီၤလၢတၢ်သးအုး, ဒီးသ့ၣ်ညါဝဲဒၣ်လၢ ကဘၣ်ကွၢ်ထွဲလီၤအသးစ့ၢ်ကီးန့ၣ်လီၤ. အတံၤသကိးတဂၤ ဟ့ၣ်ကူၣ်အီၤလၢ ကကွဲးလီၤ အတၢ်ဘၣ်ယိၣ်ဘၣ်ဘီတဖၣ်, တၢ်လၢအပၢၤဝဲတန့ၢ်တဖၣ် လၢလံာ်က့ဖိတဖၣ်အပူၤ ဒီးပာ်လီၤလၢ “ယွၤအလီခီ” အပူၤ, လၢအလီၢ်မံကပၤန့ၣ်လီၤ. တၢ်မၤယိယိဖိအံၤ တမၤဟါမၢ် တၢ်ဃၢတၢ်စံာ်လၢအသးပူၤခဲလၢာ်ဘၣ်ဆၣ်, ဖဲအထံၣ်ဘၣ် လီခီဖိအံၤန့ၣ် ကမၤသ့ၣ်နီၣ်အီၤလၢအတၢ်ဘၣ်ယိၣ်ဘၣ်ဘီတဖၣ်အံၤ အိၣ်လၢ ယွၤအလီခီအပူၤ, ဒီးတမ့ၢ်လၢ အဝဲအအိၣ်ဘၣ်န့ၣ်လီၤ.

ဒ်န့ၣ်အသိး, စီၤဒၤဝံး အထါစံးထီၣ်ပတြၢၤ အါတက့ၢ် စံး ၅၅:၁, ၁၆-၁၇ အပူၤန့ၣ်ကွဲးပာ်ဖျါဝဲ အတၢ်ကီတၢ်ခဲတဖၣ်, ဒီးပာ်လီၤဝဲဒၣ် အတၢ်ကီတၢ်ခဲတဖၣ် လၢယွၤအလီခီအပူၤန့ၣ်လီၤ. ၂ ရှမူၤ ၁၅-၁၆ ပာ်ဖျါဝဲလၢ စီၤဒၤဝံး အဖိခွါ စီၤအးဘရှါလိၣ် ဂုာ်ဟံးန့ၢ် အစိကမီၤ, အတံၤသကိး…

တၢ်အိၣ်မူလၢ တၢ်ကတိၤလွံၢ်ထံၣ်အပူၤ

James Innell Packer, ဘၣ်တၢ်သ့ၣ်ညါအီၤဂ့ၤဂ့ၤ ဒ် J.I. Packer, သံဝဲဒၣ် ဖဲ ၂၀၂၀ နံၣ်, တချုးလၢ အတၢ်အိၣ်ဖျဲၣ်ဆၢက့ၤ ၉၄ ဝီၤတဝီၤ ကတုၤဃီၤအဂီၢ် လိၣ်ဒၣ်ထဲ ယဲၢ်သီအကတီၢ်န့ၣ်လီၤ. ပှၤကူၣ်သ့လၢယွၤဂ့ၢ်ပီညါ, ဒီးပှၤကွဲးလံာ်တဂၤအံၤ အလံာ်လၢ အဘၣ်တၢ်သ့ၣ်ညါအဒိၣ်ကတၢၢ်, “တၢ်သ့ၣ်ညါယွၤ” (Knowing God) န့ၣ်, ဘၣ်တၢ်ဆါအီၤအါန့ၢ် လံာ်အဘ့ၣ် ၁.၅ ကကွဲၢ် စးထီၣ်လၢ တၢ်စဲးကျံးရၤလီၤအီၤန့ၣ်လီၤ. ပဲးကၣ် ဆီၣ်ထွဲမၤစၢၤ လံာ်စီဆှံ အစိအကမီၤ, ဒီးတၢ်ဒုးကဲထီၣ်တၢ်မၢဖိ, ဒီးသဆၣ်ထီၣ် ပှၤစူၢ်က့ၤနာ်က့ၤခရံာ်သ့ၣ်တဖၣ်လၢ တၢ်လီၢ်ကိးပူၤဒဲး ကအိၣ်မူတၢ်အိၣ်မူလၢ ခရံာ်အဂီၢ် သညူးသပှၢ် န့ၣ်လီၤ. ဖဲအတၢ်အိၣ်မူလၢခံအကတီၢ်န့ၣ်, တၢ်စံးဘၣ်အီၤ လၢကကတိၤလီၤတၢ်ဆူ တၢ်အိၣ်ဖှိၣ်န့ၣ်ဒီး, ပဲးကၣ် ကတိၤဝဲ တၢ်ကတိၤတကျိၤ, “မၤလၤကပီၤ ကစၢ်ခရံာ် လၢကျဲကိးဘိ” (Glorify Christ Every Way), အိၣ်ဒၣ်လံာ်မဲာ်ဖျၢၣ်လွံၢ်ဖျၢၣ်န့ၣ်လီၤ.

တၢ်ကတိၤတဖၣ်အံၤ…

ပတၢ်ဘၣ်တိၢ်ဘၣ်ထံးလၢပှၤဂၤအဖီခိၣ်

ယသရၣ်ဒိၣ်စိလၢ လံာ်စီဆှံကၠိ, ဒီးကထၢၣ် လံ (Dr. Lee), ပာ်သူၣ်ပာ်သးဝဲလၢ ပှၤပၢၤကွၢ်ထွဲပကၠိ ဘဲကၠံၣ် (Benjie) တဂၤ, လၢတၢ်အီၣ်အီသကိး မဆါတၢ်အီၣ်အဂီၢ်န့ၣ် ကစဲၤခံဝဲဒၣ်အဃိ, ယသရၣ်ဟံးန့ၢ်ပာ်ဃာ်ဝဲ တၢ်အီၣ်အလီခီလၢအဂီၢ်န့ၣ်လီၤ. ဖဲလၢယစံးကတိၤသကိးလိာ်သးဒီး ယတံၤသကိးတဖၣ်အခါ, ပှၤပၢၤတၢ်တဂၤအံၤအဂီၢ် ဒီးကထၢၣ် လံ ဟံးန့ၢ်ကိၣ်လၢအိၣ်တ့ၢ်အကတၢၢ်တလိၣ် လၢလီခီအပူၤ ဒီးတ့ၢ်နုာ်ဝဲဒၣ် ဃီၤသၣ်အကမူၣ်လၢ ကိာ်အံၤအဖီခိၣ်န့ၣ်လီၤ. တၢ်အဲၣ်အတၢ်မၤ ဒ်သိးအံၤန့ၣ် မ့ၢ်ဝဲ လံာ်စီဆှံကၠိသရၣ် အမံၤဟူသၣ်ဖျါတဂၤ မၤဝဲဒၣ်အါမံၤအကျါတမံၤန့ၣ်လီၤ. ဒီးတၢ်လၢယထံၣ်ဘၣ်န့ၣ် ဒီးကထၢၣ် လံ အတၢ်သးတီဒီးယွၤ ပုာ်ထီၣ်ယွၤလီၤဝဲဒၣ်န့ၣ်လီၤ. အနံၣ်ခံဆံပူၤကွံာ်ဝံၤ, တၢ်လၢအဝဲမၤ, ထိၣ်ဟူးထိၣ်ဂဲၤထီၣ် ယသးအံၤ အိၣ်ဒံးဝဲဒၣ်လၢယသးပူၤအဖၢမုၢ်န့ၣ်လီၤ.

တၢ်မၢဖိ စီၤယိၤဟၣ် အိၣ်စ့ၢ်ကီးဒီးအတံၤသကိးတဂၤ လၢအထိၣ်ဟူးထိၣ်ဂဲၤဝဲ ပှၤစူၢ်က့ၤနာ်က့ၤတၢ်ဖိအါဂၤအသးန့ၣ်လီၤ. ၃ ယိၤ ၁:၃ အပူၤန့ၣ်, ပှၤစံးကတိၤပာ်ဖျါ စီၤကါယူး, ဒ်အမ့ၢ်ပှၤလၢ အသးတီဒီးယွၤ, အသးတီဒီးယွၤအကလုၢ်ကထါ, ဒီးမ့ၢ်ပှၤလဲၤတၢ်လၢ “တၢ်မ့ၢ်တၢ်တီ” အပူၤ တပယူာ်ဃီန့ၣ်လီၤ.…

ပှၢ်လၢ်ကျါ တၢ်ခံးအဒၢး

ဒ်ပှၤဒိတၢ်ဂီၤတဂၤအသိးန့ၣ်, သူးမုၢ်သံၣ်ဘိ တဟ့ၣ်ဝဲခွဲးယာ်ဆူ တိၣ်နံၣ် ဘဲးကၤရိၣ် (Tony Vaccaro) ဘၣ်ဆၣ် တၢ်မၤအံၤ ဆိကတီၢ်အီၤတန့ၢ်ဘၣ်. တၢ်ဆၢကတီၢ်လၢ အလီၤပျံၤလီၤဖုး ဖဲကျိသၣ်ဒီးမျိာ်သၣ်တဖၣ် ဟဲလီၤဝဲဒ်တၢ်စူၤထံအသိး အကတီၢ်ဒၣ်လဲၣ် အဝဲဒိန့ၢ်တၢ်ဂီၤန့ၣ်လီၤ. ဝံၤန့ၣ်ဒီး, ဖဲအတံၤသကိးတဖၣ် မံၤဝဲအဆၢကတီၢ်န့ၣ်, အဝဲစူးကါ အတံၤသကိးတဖၣ် အထးခိၣ်ကုာ် ဒ်သိးကဃါဃုာ်ဝဲဒၣ် ကသံၣ်ထံလၢတၢ်ဒုးကဲထီၣ် အတၢ်ဂီၤမူအဂီၢ်န့ၣ်လီၤ. ပှၢ်လၢ်ကျါ မုၢ်နၤတၢ်ခံးသူအတီၢ်အံၤ ကဲထီၣ်ဝဲတၢ်ခံးအဒၢး ဖဲ ဘဲးကၤရိၣ် ဒုးအိၣ်ထီၣ် တၢ်ဂီၤမူလၢ အဘၣ်ထွဲဒီး တၢ်ဒုးဖးဒိၣ် ခံဘျီတဘျီလၢ ဟၢးကၢၣ် (Hurtgen) အပှၢ်လၢ်ကျါအဂ့ၢ်န့ၣ် ဘၣ်တၢ်ပာ်ပနီၣ်အီၤ တုၤခဲကနံၣ်အံၤန့ၣ်လီၤ.

စီၤပၤစီၤဒၤဝံး ဘၣ်လဲၤခီဖျိ တၢ်ဒုးတၢ်ယၤ, ဒီးတၢ်ဆၢကတီၢ်တဖၣ်လၢအခံးန့ၣ်လီၤ. ၂ ရှမူၤ ၂၂:၁ ပာ်ဖျါထီၣ်, “ယွၤ မၤပူၤမၤဖျဲး(စီၤဒၤဝံး) လၢအဒူၣ်အဒါခဲလၢာ်အစုပူၤ, ဒီးလၢစီၤစီလူးအစုပူၤ” န့ၣ်လီၤ. စီၤဒၤဝံး စူးကါဝဲဒၣ် အတၢ်လဲၤခီဖျိတဖၣ် ဒ်သိးကဒုးအိၣ်ထီၣ်တၢ်ကွဲးနီၣ်လၢ ယွၤအတၢ်တီတၢ်လိၤန့ၣ်လီၤ. ၂ ရှမူၤ…

မူခိၣ်သးဝံၣ်

ဖဲတီၤထီကၠိဖိတဖၣ် သးဝံၣ်ဝဲဒၣ် ပှၤအၣ်ကၠံၣ်တံနါဖိ အတၢ်သးဝံၣ် “အဲၣ် စံၣ်ယဲလိၣ် ကဲတၣ် အလဲၣ်ကရံၤယၤ” (El Cielo Canta Alegria) အကတီၢ်န့ၣ် တၢ်သးခုအိၣ်ဖျါဝဲလၢ တၢ်သးဝံၣ်အပူၤန့ၣ်လီၤ. တၢ်ဟ့ၣ်ထီၣ်တခါအံၤ ယဘၣ်သူၣ်ဘၣ်သးယဲဘၣ်ဆၣ်, မ့ၢ်လၢ ယတသ့ၣ်ညါ စပ့ၣ် (Spanish)အကျိာ်အဃိ, တၢ်သးဝံၣ်အဖျၢၣ်တဖၣ်န့ၣ် ယတနၢ်ပၢၢ်ဘၣ်. ဘၣ်ဆၣ်တယံာ်ဝဲဘၣ်, ဖဲပှၤသးဝံၣ်တၢ်ဖိတဖၣ် သးဝံၣ်ထီၣ်ဝဲ “ဟါလၤ့လူယၤ” တဘျီဝံၤတဘျီန့ၣ်ဒီး ယနၢ်ဟူ တၢ်သးဝံၣ်အဖျၢၣ်လၢယနၢ်ဟူညီနုၢ်န့ၣ်လီၤ. ယနၢ်ဟူ “ဟါလ့ၤလူၤယၤ” မ့ၢ်တၢ်သးဝံၣ်စံးထီၣ်ပတြၢၤယွၤ အသီၣ်အံၤ ညီနုၢ်ပနၢ်ဟူလၢ ဟီၣ်ခိၣ်ဒီဖျၢၣ် ကျိာ်တၢ်ကတိၤအါမးအပူၤန့ၣ်လီၤ.မ့ၢ်လၢ ယအဲၣ်ဒိးသ့ၣ်ညါ တၢ်သးဝံၣ်အံၤ အဂံၢ်ထံးအဃိ, ဖဲတၢ်ဟ့ၣ်ထီၣ်အံၤဝံၤန့ၣ် ယလူၤဃုလၢ ပှာ်ဘျးစဲ, ဒီးယထံၣ်ဘၣ် တၢ်ကွဲးကျိာ်ထံက့ၤ တၢ်သးဝံၣ်အခိၣ်တီအံၤ “လၢတၢ်သးခုအဂီၢ် မူခိၣ်သးဝံၣ်တၢ်” န့ၣ်လီၤ.

လံာ်လီၣ်ဖျါ ၁၉ မ့ၢ် လံာ်စီဆှံအဆၢလၢ အမၤလၤကပီၤတၢ်သးခုအံၤအပူၤန့ၣ်-မူခိၣ်ဖိခဲလၢာ် သူၣ်ဖှံသးညီ, တၢ်လၢကမၤအသးနီၢ်နီၢ်တမံၤန့ၣ် ဘၣ်တၢ်ဒုးသ့ၣ်ညါပှၤလၢတၢ်သးဝံၣ်အံၤအပူၤ တဆံးတက့ၢ်န့ၣ်လီၤ. လၢလံာ်စီဆှံ အသီတကတြူၢ်,…

မၤစၢၤလိာ်သး တဂၤဒီးတဂၤ

ဖဲလ့ ဒ့းက့စၢၣ် ဖၠၣ်စိမိၤ (Fairleigh Dickinson University- FDU) အပှၤလိာ်ကွဲ ဖျၢၣ်ကွံာ်နုာ် (Basketball) တဖု, ဘၣ်စးထီၣ် ဟံးန့ၢ်ဝဲဒၣ် ဖျၢၣ်ကွံာ်န့ၣ်ဒီး, ပှၤဟ့ၣ်ဂံၢ်ဟ့ၣ်ဘါတၢ်ဖိတဖၣ်ဆၢထၢၣ် ဟ့ၣ်ဂံၢ်ဟ့ၣ်ဘါ အဝဲသ့ၣ်န့ၣ်လီၤ. ပှၤလိာ်ကွဲတၢ်တဖုအံၤပှၤထံၣ်လၢ တမ့ၢ်ကမၤနၢၤတၢ်ဘၣ်န့ၣ်လီၤ. တၢ်ဆၢကတီၢ် တၢတဝီၤဒၣ်လဲာ် ပှၤလိာ်ကွဲတၢ်ဖိတဖၣ်န့ၣ် တဆိကမိၣ်လၢ ကလဲၤခီဖျိန့ၢ်ဝဲဘၣ်ဆၣ် အဝဲသ့ၣ် မၤဝဲဂ့ၤဂ့ၤန့ၣ်လီၤ. ဒီးအဝဲသ့ၣ် အနီၢ်ကစၢ်ဒၣ်ဝဲ အပှၤဒ့တၢ်အူတၢ်ဖိ တအိၣ်ဘၣ်ဒၣ်လဲၣ်န့ၣ် ခဲကနံၣ်အံၤ အဝဲသ့ၣ်နၢ်ဟူ အကၠိအတၢ်သးဝံၣ် ဟ့ၣ်ဂံၢ်ဟ့ၣ်ဘါ အဝဲသ့ၣ်န့ၣ်လီၤ. တချုးတၢ်ပြၢစးထီၣ်န့ၣ် ဒ့တိၣ် ဖၠၣ်စိမိၤ (Dayton) အပှၤဒ့တၢ်အူတၢ်ဖိတဖၣ် မၤလိၤန့ၢ်ဝဲဒၣ် FDU ဖၠၣ်စိမိၤ အတၢ်သးဝံၣ်န့ၣ်လီၤ. ဒ်အဝဲသ့ၣ် သ့ၣ်ညါဝဲအသိး ဒ့ဝဲဒၣ် တၢ်သးဝံၣ်တဖၣ် ယိယိဖိဘၣ်ဆၣ် အဝဲသ့ၣ် ဃုထၢမၤလိဝဲဒၣ် တၢ်သးဝံၣ်အံၤ လၢတၢ်မၤစၢၤ ကၠိအဂၤတဖျၢၣ်, ဒီးပှၤလိာ်ကွဲတၢ်ဖိအဂၤတဖုအဂီၢ်န့ၣ်လီၤ.

ပှၤဒ့တၢ်အူတၢ်တဖုအံၤ အတၢ်မၤန့ၣ် ပာ်ဖျါဒိတဲာ်ဝဲ တၢ်ဃူတၢ်ဖိးအတၢ်ပနီၣ်ဖျါလၢ လံာ်ဖံလံးပံၤအပူၤန့ၣ်လီၤ.…

အါန့ၢ်ဒံး ဟံၣ်ဖိဃီဖိ

ပှၤဃုထၢပာ်ဂၢၢ်ပာ်ကျၢၤ ကၠီ (Jon), ဒ်သရၣ်ဒိၣ်စိ လၢာ်ဆၢလၢာ်ကတီၢ်တဂၤ ဖဲခီလ့ၣ်ကၠိလၢအမံၤဟူသၣ်ဖျါတဖျၢၣ်န့ၣ်လီၤ. အဝဲၢ်ပိာ်ခွါ ဒ့ဘ့း (David) အသးခုဝဲဒၣ်လၢအဂီၢ်ဘၣ်ဆၣ်, ဒ်ဒီပုၢ်ဝဲၢ်ခွါတဖၣ်အသိး, အဝဲကတိၤလိာ်လ့အပုၢ်ဒ့ခွါလၢ ဖဲအဝဲသ့ၣ် အနီၢ်ဆံးအကတီၢ် အဝဲကနိမၤနၢၤ အပုၢ်ဒ်လဲၣ်ဒ်လဲၣ်အဂ့ၢ်န့ၣ်လီၤ. လၢအတၢ်အိၣ်မူအပူၤန့ၣ် ကၠီမၤန့ၢ်မၤနၢၤတၢ်ဘၣ်ဆၣ်, ထီဘိန့ၣ် အဝဲမ့ၢ်ဒၣ် ဒ့ဘ့း အပုၢ်ဒ့ခွါဖိန့ၣ်လီၤ.

နမ့မ့ၢ် မ့းရှံအၤ ဒၣ်လဲၣ်, နကမၤတၢ် ဒ်သိးနဟံၣ်ဖိဃီဖိ ကဆိကမိၣ်ဒိၣ်နၤအဂီၢ်န့ၣ် မ့ၢ်တၢ်ဂ့ၢ်ကီတမံၤန့ၣ်လီၤ. ကစၢ်ယ့ၣ်ရှူး ဒိၣ်ထီၣ်ဝဲဒၣ်လၢ ပှၤနစၤရ့းဖိတဖၣ်အကျါ, အဃိန့ၣ်ဒီး အဝဲသ့ၣ် ဘၣ်ဂုာ်ကျဲးစၢၤတူၢ်လိာ်ဝဲဒၣ်လၢ ကစၢ်ယ့ၣ်ရှူးမ့ၢ်ပှၤအကါဒိၣ်လီၤလီၤဆီဆီတဂၤန့ၣ်လီၤ. အဝဲသ့ၣ် ကမၢကမၣ်ဝဲဒၣ်နီၢ်နီၢ်လၢကစၢ်ယ့ၣ်ရှူးအဃိ, မၢ် ၆:၂-၃ ပာ်ဖျါဝဲ “တၢ်လီၤလးလၢ အမၤအသးလၢအစုပူၤ ထဲထဲအံၤန့ၣ် ကဲထီၣ်ဒ်လဲၣ်. ပှၤအံၤမ့ၢ် ပှၤစုသ့, နီၢ်မၤရံအဖိခွါ,တမ့ၢ်ဘၣ်ဧါ.” န့ၣ်လီၤ. အဆၢဖိ ၄ န့ၣ် ကစၢ်ယ့ၣ်ရှူး မၤနီၣ်ပာ်ဖျါဝဲ, “ဝံဧိၤမီၣ်ဧိၤ, တမ့ၢ်ဘၣ် အလၤအကပီၤတအိၣ်ဘၣ်န့ၣ်ဘၣ်. အလၤကပီၤ တအိၣ်ဘၣ်ထဲလၢ အထံအကီၢ်ဒၣ်ဝဲအပူၤန့ၣ်ဧိၤလီၤ.”…

ဘၣ်တၢ်စံၣ်ညီၣ်ဝံၤ, ဒီးန့ၢ်ဘၣ်တၢ်သဘျ့

“တမ့ၢ်ယမၤတၢ်န့ၣ်ဘၣ်” စံးတၢ်န့ၣ် မ့ၢ်တၢ်လီတၢ်ဝ့ၤတမံၤန့ၣ်လီၤ. ဘူးတ့ၢ်မးလၢ ယကပူၤဖျဲးဒီး တၢ်လီတၢ်ဝ့ၤအံၤ တုၤကစၢ်ယွၤဘၣ်တြီဃာ်ယၤန့ၣ်လီၤ. ဖဲယထီၣ် တီၤခၢၣ်သးကၠိ အကတီၢ် ယဂဲၤလိာ်ကွဲသကိးဒီးပှၤတဖု, ပခးပှၤဂၤလၢ ပီၤလၢပှၤဘၣ်အူအီၤတဖၣ် ဖဲပှၤဒုးနဲၣ်တၢ်အကတီၢ်န့ၣ်လီၤ. ပပှၤနဲၣ်တၢ်မ့ၢ် ပှၤမၤတ့ၢ်တၢ်လၢ တၢ်ဒုးကဘီသုးမုၢ်, ဒီးမ့ၢ်ပှၤဖီၣ်တၢ်သိၣ်တၢ်သီဃံးဃံးအဃိ, ယပျံၤအီၤဒိၣ်မးန့ၣ်လီၤ. လၢပမၤတၢ်အကျါ ယတံၤသကိးတဂၤန့ၣ် တဲဖျါထီၣ်ဝဲလၢ ယဂဲၤဃုာ်ဒီး အဝဲသ့ၣ်န့ၣ်ဒီး ယလီပပှၤနဲၣ်တၢ်လၢ ယတမၤဘၣ်, ဒီးယလီစ့ၢ်ကီးယပၢ်န့ၣ်လီၤ.

ဘၣ်ဆၣ် ယွၤတပျဲတၢ်လီတၢ်ဝ့ၤအံၤ ကမၤအသးဒီးယၤဆူညါဘၣ်. အဝဲဟ့ၣ်ယၤသးခီၣ်ရှ့ၣ်လၢ ယပလၢၢ်ဘၣ်က့ၤ ယတၢ်ဒဲးဘးန့ၣ်လီၤ. ယသမၢတၢ် စှၤနွံဝံၤ ယသးဆီတလဲ, ဒီးယဃ့ကညး ကစၢ်ယွၤ, ဒီးယပၢ် ဒ်သိးကပျၢ်ယတၢ်ကမၣ်န့ၣ်လီၤ. တယံာ်ဘၣ်န့ၣ် ယလဲၤဆူ ယပှၤနဲၣ်တၢ်အအိၣ်ဒီး လၢတၢ်မဲာ်ထံမဲာ်နိအပူၤ ယအၢၣ်လီၤ ယတၢ်ကမၣ်န့ၣ်လီၤ. အဝဲ သးကညီယၤ, ဒီးပျၢ်ယတၢ်ကမၣ်န့ၣ်လီၤ.

ယသးကလၢၢ်ဘၣ်လၢ ယတၢ်ဝံတၢ်ယိးဖှံထီၣ်တၢ်န့ၣ် ဂ့ၤဒိၣ်ဝဲထဲလဲၣ်န့ၣ် ယတသးပ့ၤနီၣ်နီတဘျီလၢၤဘၣ်န့ၣ်လီၤ. ယထူၣ်ဖျဲးထီၣ်လၢ တၢ်ဒဲးဘး အတယၢၢ်ဃၢ,
ဒီးသးခုသးမုာ်ထီၣ်က့ၤ အဆိကတၢၢ်တဘျီ လၢနွံတဖၣ်အပူၤန့ၣ်လီၤ. စီၤဒၤဝံး…