ကစၢ်ယွၤ လိၣ်ဘၣ်တၢ်မနုၤလဲၣ်
တၢ်ပနီၣ်ကွဲးအသး, "ဆ့ကၤရှၢးတအိၣ်, ခီၣ်ဖံးတအိၣ်, လၢနဂီၢ်, တၢ်မၤလၢပမၤန့ၢ်သ့တအိၣ်ဘၣ်" န့ၣ် နကထံၣ်ဝဲဒၣ်သ့ၣ်သ့ၣ်န့ၣ်လီၤ. ပမ့ၢ်ပၥ်ဖျါထီၣ်လၢ တၢ်ထံၣ်အဂ့ၤတကပၤန့ၣ် "အလီၢ်အိၣ်ဝဲလၢ နကဟဲကူသိးဆ့ကၤဒီးခီၣ်ဖံး" န့ၣ်လီၤ. တၢ်မၤဆၢက့ၤ တၢ်အိၣ်မူကျိၤကျဲ, ဒီးတၢ်ထံၣ်ဆိကမိၣ်လၢအထီဒါဟူးဂဲၤဝဲ ၦၤတဝၢအလုၢ်လၢ်ဆဲးလၤတဖၣ်, ဖဲ ၁၉၆၀ နံၣ်တဖၣ်အတီၢ်ပူၤအဂီၢ်, လၢမုၢ်နုၥ်အထံကီၢ်တဖၣ်န့ၣ် တၢ်ပနီၣ် ဒ်သိးအံၤတဖၣ်အံၤ, ပှၤသ့ၣ်ညါအီၤအါဝဲန့ၣ်လီၤ. ဒ်သိးဒီးၦၤခိၣ်သူထီ, ဒီးအါတက့ၢ်, ပှၤလၢတဒိးခီၣ်ဖံး ဟ့းပံၣ် (Hippies) သ့ၣ်တဖၣ်, အသုတဟဲမၤဘၣ်ထွဲလိာ်သးဒီးအဝဲသ့ၣ်အတၢ်မၤလီၢ်တဖၣ်အဂီၢ်န့ၣ် တၢ်ဖံးတၢ်မၤအကစၢ်တဖၣ် ဃုဝဲဒၣ်ကျဲတဖၣ်န့ၣ်လီၤ. ဝဲၦၤတဂၤလၢ်လၢ်န့ၣ် တၢ်ဖံးတၢ်မၤအကစၢ်တဖၣ် ညီနုၢ်အဲၣ်ဒိးမၤစၢၤဝဲဘၣ်ဆၣ်, ဒ်သိးပှၤကလဲၤနုၥ်လီၤဝဲဒၣ်ဆူ တၢ်သူၣ်ထီၣ်အပူၤအဂီၢ်, တၢ်လိၣ်နီၢ်နီၢ်မ့ၢ်ဝဲဒၣ် ခံမံၤန့ၣ် ပှၤကဘၣ်ကူသိး ဆ့ကၤဒီးခီၣ်ဖံးရှူဂ့ၤဂ့ၤဘၣ်ဘၣ်န့ၣ်လီၤ.
မံကၤအဆၢဒိၣ် ၆ အပူၤ, ဝံအတၢ်ကတိၤ "ဒီးမ့တမ့ၢ်ဘၣ် အမၢနမၤတၢ်တီတၢ်လိၤ, ဒီးအဲၣ်ဒိးတၢ်သးကညီၤ, ဒီးလဲၤတၢ်ဒီးနကစၢ်လၢနသးစူၤ" (:၈) အဂ့ၢ်န့ၣ် ပသ့ၣ်ညါအီၤ ဂ့ၤဂ့ၤဘၣ်ဘၣ်န့ၣ်လီၤ. တၢ်ဂ့ၢ်အံၤ, အါတက့ၢ်န့ၣ် သရၣ်သ့ၣ်တဖၣ် ကွဲးဝဲ, ဒီးစံၣ်တဲၤတဲလီၤဝဲဒၣ်န့ၣ်လီၤ. ဘၣ်ဆၣ်, တၢ်လၢအကါဒိၣ်နီၢ်မးတမံၤ,…

ၦၤမၤသကိးတၢ်ဖိတဖၣ် လၢခရံၥ်အပူၤ
ယဝၤန့ၣ် အိၣ်တဆူၣ်ဆိးက့ဒိၣ်ဒိၣ်မုၢ်မုၢ်အဃိ, အဂံၢ်အဘါလီၤစၢ်ဝဲန့ၣ်လီၤ. ဘၣ်ဆၣ်, ဒ်သိးအနီၢ်ခိဂံၢ်ဘါကဆူၣ်ထီၣ်က့ၤအဂီၢ်, ၦၤကူစါယါဘျါနီၢ်ခိတၢ်ဟူးတၢ်ဂဲၤသရၣ်န့ၣ် မၢအမၤ နီၢ်ခိတၢ်ဟူးတၢ်ဂဲၤတဖၣ်န့ၣ်ဒီး, ဒဲ(န) (Dan) အသးတဆူၣ်ကဲၣ်ဆိးဘၣ်. ဘၣ်ဖဲမုၢ်တနံၤန့ၣ် ယမၤထွဲနီၢ်ခိအတၢ်ဟူးတၢ်ဂဲၤဒီးအီၤန့ၣ်လီၤ. ဖဲယမၤထီထီၣ်ယစုဒုၣ်, ဒီးလၢတၢ်နံၤကမှံအပူၤန့ၣ် ယစံးဘၣ်အီၤလၢ "ပဂံၢ်ပဘါဆူၣ်ထီၣ်လံ" န့ၣ်လီၤ. တယံၥ်ဘၣ်, ဒ်ပညီနုၢ်မၤတၢ်ဟူးတၢ်ဂဲၤ လၢကမၤဆူၣ်ထီၣ်က့ၤဂံၢ်ဘါ အတၢ်ဟူးတၢ်ဂဲၤသၢကလုာ်ဝံၤ, ယဝၤစ့ၢ်ကီးနံၤထီၣ်ဝဲဒၣ်န့ၣ်လီၤ. အခီၣ်ထံး, တၢ်ဟူးတၢ်ဂဲၤလၢပကမၤန့ၣ်ပထံၣ်လၢတၢ်မၤအကီအခဲဘၣ်ဆၣ်, လၢတၢ်ကမၢကမၣ်အပူၤန့ၣ် ပဝဲခံဂၤလိာ်န့ၣ် ပမုာ်လၤသးခုမၤသကိး နီၢ်ခိအတၢ်ဟူးတၢ်ဂဲၤတဖၣ်န့ၣ်လီၤ.
တၢ်ဖံးသကိးမၤသကိး တၢ်မၤအကီအခဲန့ၣ် ဒုးအိၣ်ထီၣ် ဂံၢ်ဘါအသဟီၣ်အဒိၣ်အယိၥ်အဂ့ၢ်န့ၣ် ကစၢ်ယ့ၣ်ရှူး အိၣ်မူဟ့ၣ်ဒိဝဲ အဂ့ၤကတၢၢ်န့ၣ်လီၤ. ဖဲ ကစၢ်ယ့ၣ်ရှူး ဟးဝ့ၤဝီၤသိၣ်လိတၢ်လၢ "သဝီတဖျၢၣ်ဘၣ်တဖျၢၣ်" အကတီၢ်, "ဒီးကိးန့ၢ် အပျဲၢ်အဘီၣ်တဆံခံဂၤန့ၣ်, ဒီးမၢအလဲၤတၢ်ခံဂၤခံဂၤ,... ဒီးဟ့ၣ်လီၤအီၤလၢတၢ်အစိအကမီၤ လၢတၢ်နါတဖၣ်အဖီခိၣ်" (မၢ် ၆:၆-၇) န့ၣ်လီၤ.
အပျဲၢ်အဘီၣ်တဆံခံဂၤ, မ့ၢ်ဘၣ်လဲၤဝဲဒၣ်ထဲတဂၤစုာ်စုာ်န့ၣ်ဒီး, တၢ်လဲၤန့ၣ်ကချ့ဝဲသ့ၣ်သ့ၣ်, ဒီးကလဲၤတုၤဝဲတၢ်လီၢ်အယံၤန့ၣ်လီၤ. ဘၣ်ဆၣ်, ဖဲအဝဲသ့ၣ်ဘၣ်မၤဝဲ တၢ်မၤအကီအခဲအကတီၢ်, မ့ၢ်မၤသကိးတၢ်ခံဂၤန့ၣ်ဒီး, တၢ်မၤကကဲထီၣ်ဝဲ ဒိၣ်ဒိၣ်မုၢ်မုၢ်တုၤလီၤတီၤလီၤန့ၣ်လီၤ. တဂၤမ့ၢ်မၤကမၣ်ဘၣ်တၢ်န့ၣ်…


ပကဟ့ၣ်လီၤ ဖဲပအိၣ်မူဒံးအဖၢမုၢ်
မ့ၢ်လၢပှၤလိၥ်ကွဲတၢ်ဖိတဖၣ် မၤနၢၤဝဲ တၢ်လိာ်ကွဲဖျၢၣ်ထူညီညီဖိအဃိ, Philadelphia Eagles' အၦၤလိၥ်ကွဲဖျၢၣ်ထူစဲၣ်နီၤ စ့ကွ့(န) ဘၤကလ့ၤ (Saquon Barkley) ဆ့ၣ်နီၤအိၣ်ဘှံးဝဲလၢ ခးဆ့ၣ်နီၤဖးထီအလိၤ, ဒီးတလိၣ်နုာ်လီၤလိာ်ကွဲလၢၤဘၣ်. အကတီၢ်ဖဲန့ၣ် ပှၤနဲၣ်လိဖျၢၣ်ထူအသရၣ်န့ၣ် ဟဲဆူအအိၣ်, ဒီးစံးဘၣ်အီၤလၢ အဝဲဘူးတ့ၢ်မးလၢကဒိးန့ၢ် တၢ်ကွဲးနီၣ်အသီ (New record) အဃိ, မ့ၢ်အဲၣ်ဒိးနုၥ်လီၤလိၥ်ကွဲဒံးဧါန့ၣ်ဒီး, အဝဲစံးဆၢဝဲဒၣ် "လၢယဂီၢ်တၢ်ဂ့ၢ်ကီတအိၣ်ဘၣ်. ယအဲၣ်ဒိးကွၢ်ကီ ၦၤသးစၢ်သ့ၣ်တဖၣ် လိာ်ကွဲမၤနၢၤတၢ်" န့ၣ်လီၤ. ဒ်သိးၦၤသးစၢ်ဖိတဖၣ်လၢအလိာ်ကွဲသကိးတၢ်ဒီးအီၤသ့ၣ်တဖၣ် ကလိၥ်ကွဲဘၣ်ဝဲအဂီၢ်, အဝဲဃုထၢဝဲဒၣ်လၢ ကစူးကွံၥ်ညိကွံာ် တၢ်ကွဲးနီၣ်အသီန့ၣ်လီၤ.
ဖဲၦၤအံၣ်စရ့လးဖိတဖၣ် အိၣ်ဟးထီၣ်ဝဲလၢ ကီၢ်အဲကူပတူး, ဒီးနုာ်လီၤအိၣ်ဆိးလၢ ကီၢ်တၢ်စံးပၥ်အပူၤအကတီၢ်, စီၤကၤလ့း မ့ၢ်ၦၤလၢအအိၣ်မူတ့ၢ်ဝဲဒၣ် ခံဂၤအကျါတဂၤ (ကွၢ် ၄ မိၤရှ့ ၁၄:၃၀) န့ၣ်လီၤ. အဝဲမၤနၢၤ တၢ်ဒုးတၢ်ယၤ, ဒီးနီၣ်ဟးထီၣ်ကွံၥ် ဒုၣ်ဒါတဖၣ် (ရှူ ၁၅:၁၄) န့ၣ်လီၤ. ခဲကနံၣ်အံၤ, ဖဲအဝဲဘၣ်ကွၢ်ဆၢၣ်မဲာ် ၦၤကနၤဧၣ်ဖိအတိၥ်ဧိၤတာ်ဧိၤအကတီၢ်, စီၤကၤလ့း စံးဝဲဒၣ် "ၦၤလၢအကျီကွံၥ်…
မုၢ်လၢ်တၢ်လၢတၢ်လီၤမၢ်အပူၤ
ဖဲ ယဖိဒိၣ် အဲ(န)ဒံၣ် (Andy) လဲၤဟးယူၤဝဲပထွံၣ်ဖိ လၢကျဲအကတီၢ်, သိလ့ၣ်တခိၣ်န့ၣ်နုာ်လီၤဘျၢၣ်အီၤန့ၣ်လီၤ. ၦၤတဂၤ ထံၣ်ထွဲဝဲဒီး, ဒ်သိး အဲ(န)ဒံၣ် အသးဖျၢၣ်ကစံၣ်ထီၣ်က့ၤအဂီၢ်န့ၣ် မၤဝဲဒၣ် CPR ဂ့ၢ်ဂီၢ်အူ အတၢ်မၤစၢၤ, ဒီးကိးန့ၢ်ဝဲသိလ့ၣ်လၢအစိၥ်ဆှၢၦၤဆါတခိၣ်န့ၣ်လီၤ. ခီဖျိကဟၣ်လၢအမၤစၢၤတၢ်သါထီၣ်သါလီၤအဃိ, အဝဲအိၣ်မူဒံးဝဲဒၣ်တနွံန့ၣ်လီၤ. လၢတၢ်လီၤကမၢကမၣ်အပူၤန့ၣ် တၢ်မၤစှၤလီၤ ကသံၣ်ကသီလၢအမၤဂၢၢ်တၢ်သ့ၣ်တဖၣ်, ဒီးခရံၥ်အိၣ်ဖျဲၣ်အနံၤဝံၤ, လၢခံတသီန့ၣ် အတၢ်အိၣ်အသးဂ့ၤထီၣ်က့ၤ, ဒီးစံးဘၣ်အမါ, အမိၢ်အပၢ်, အဝဲၢ်ခွါ, ဒီးအဖိယဲၢ်ဂၤန့ၣ်လၢ "ယအဲၣ်သု" န့ၣ်လီၤ. တၢ်သူၣ်ဟူးသးဂဲၤ, ဒီးတၢ်မုၢ်လၢ်သ့ၣ်တဖၣ် ဟဲဆူၣ်ထီၣ်ဝဲဘၣ်ဆၣ်, လၢခံတနံၤန့ၣ် သံဝဲဒၣ်န့ၣ်လီၤ.
ဖဲတၢ်သ့ၣ်နီၣ်ထီၣ်က့ၤအီၤ, ဒီးတၢ်မၤလၤကပီၤယွၤ အတၢ်ဘူၣ်တၢ်ဘါအကတီၢ်, အဖိတဖၣ်ခဲလၢၥ်, အသးအနံၣ်အလါကအိၣ်ဝဲဒၣ် တဆံယဲၢ်နံၣ်, ဒီးခံဆံတနံၣ် အဘၢၣ်စၢၤန့ၣ် စံးကတိၤလီၤတၢ် လၢမဲၥ်ထံမဲၥ်နိအပူၤန့ၣ်လီၤ. အဖိမုၣ် ကၠူလယၤ (Julia) ဖးဖျါထီၣ် တၢ်ကွဲးဖိတထံၣ် လၢအဒုးဆိကမိၣ် ၦၤနၢ်ဟူတၢ်ဖိတဖၣ်န့ၣ် "ပတၢ်လီၤမၢ်ဒိၣ်ဝဲအါဝဲထဲလဲၣ်န့ၣ် ပကကတိၤအီၤအလီၢ်တအိၣ်ဘၣ်. မ့မ့ၢ်ပကဘၣ်စံးကတိၤဝဲဒၣ်လၢပတၢ်အိၣ်တ့ၢ်ဒံးထဲလဲၣ်အဂ့ၢ်န့ၣ်လီၤ."
ပှၤလၢအသ့ၣ်ညါတ့ၢ်အီၤ, ဒီးအဲၣ်ဘၣ်အီၤတဖၣ်အဂီၢ်, Andy အတၢ်သံန့ၣ်…


ဃ့ထုကဖၣ်တၢ် လၢတၢ်စံးဆၢတဖၣ်အဂီၢ်
ဖဲ အီကၢးစတံ(န) (Augustine) အဲၣ်ဒိးဟးထီၣ်လၢဟံၣ်, ဒီးကလဲၤဝဲဒၣ်ဆူ ဝ့ၢ်ဖးဒိၣ်လၢ အမံၤဟူသၣ်ဖျါဝဲလၢ တၢ်အိၣ်မူလုၢ်လၢ်တဂ့ၤတဖျၢၣ်န့ၣ်ဒီး, ဒ်သိးအသုတလဲၤဝဲအဂီၢ်, အမိၢ် မိၣ်နံကၣ် (Monica) န့ၣ် ဃ့သကွံၢ်ကညးကစၢ်ယွၤန့ၣ်လီၤ. ဘၣ်ဆၣ်, Augustine လဲၤဝဲသပှၢ်တၢၢ်, ဒီးအမိၢ်န့ၣ် အသူၣ်အုးသးအုးဝဲဒိၣ်မးဘၣ်ဆၣ်, လၢခံန့ၣ် ကစၢ်ယွၤစူးကါအီၤဖဲဝ့ၢ်တဖျၢၣ်အံၤန့ၣ်လီၤ. အကတီၢ်လၢခံ, အလံၥ်လၢအၢၣ်လီၤဝဲအတၢ်ဒဲးဘးအပူၤန့ၣ် Augustine ဃ့ဘါထုကဖၣ်ဝဲဒၣ် "လၢနတၢ်ကူၣ်သ့အဒိၣ်အယိၥ်အပူၤန့ၣ် နနၢ်ဟူတ့ၢ်နဲ ယမိၢ်အတၢ်ထုကဖၣ်တပယူၥ်ဃီ, ဒီးနဒုးကဲထီၣ်ယၤ တၢ်လၢယမိၢ်ဆၢမိၣ်န့ၢ်ဝဲအဒိၣ်ကတၢၢ်တမံၤ" န့ၣ်လီၤ. တမ့ၢ်ထဲလၢ Augustine ကဲထီၣ်ဝဲဒၣ် ၦၤစူၢ်က့ၤနၥ်က့ၤ ကစၢ်ယ့ၣ်ရှူးတဂၤန့ၣ်ဘၣ်. လၢတၢ်စံၣ်စိၤတဲစိၤအပူၤန့ၣ် မ့ၢ်စ့ၢ်ကီး ၦၤခရံၥ်ဖိလၢအကူၣ်သ့ဆိကမိၣ်တၢ်, လၢအဒိၣ်စိလုၢ်ဘၢသ့ၣ်တဖၣ်အကျါတဂၤန့ၣ်လီၤ.
ဘၣ်တဘျီဘျီ, တၢ်လၢပဃ့သ့ၣ်တဖၣ်န့ၣ် ကစၢ်ယွၤ တဟ့ၣ်ၦၤဘၣ်ဆၣ်, ဟ့ၣ်လီၤၦၤ တၢ်ကၢပှ့ၤကၢကလံၤဒိၣ်န့ၢ်အါန့ၣ်ဒံး တၢ်လၢပဃ့တဖၣ်အလီၢ်န့ၣ်လီၤ. ဒ် Monica အသိး, တၢ်လၢအတဒိးန့ၢ်ဘၣ်ဝဲန့ၣ် ပှၤတၢ်မၢဖိ စီၤပီလူး ဃ့ဝဲဒၣ် ကစၢ်ယွၤန့ၣ်လီၤ. "တၤဆှုၣ်" အိၣ်ဝဲလၢ စီၤပီလူး အဖံးအညၣ်အကျါ, ကမ့ၢ်တၢ်မနုၤလဲၣ်န့ၣ်…