တၢ်ဒိးတ့ဒိးဖျီသးလၢ တၢ်အဲၣ်တၢ်ကွံ
ဖဲ မဲရဒဲး(သ) (Meredith) အတၢ်ဖျီန့ၣ်, အမိၢ်ဖးန့ၢ်အီၤ လံာ်စီဆှံအဆၢ အဃံအလၤတယူၢ်, ဖျါဖဲ ၁ ကရံၣ်သူး အပူၤန့ၣ်လီၤ. လၢလံာ်စီဆှံအပူၤ, ၁ ကရံၣ်သူး ၁၃ အံၤ ဘၣ်တၢ်ကိးအီၤ “တၢ်အဲၣ်အဆၢဒိၣ်” တလီၢ်လီၢ်, ဒီးကြၢးဝဲဘၣ်ဝဲဒိၣ်မးလၢ တၢ်တ့တၢ်ဖျီအမူးအဂီၢ်န့ၣ်လီၤ. အဆၢဖိ ၄ ပာ်ဖျါဝဲ “တၢ်အဲၣ်တၢ်ကွံ ဝံသးစူၤတၢ်ဃဲးဃဲး, ဒီးမၤဂ့ၤတၢ်, တၢ်အဲၣ်တၢ်ကွံ တသးကါဘၣ်တၢ်ဘၣ်, တပာ်ဘၣ်အသး ကဖၢလၢဘၣ်, တပာ်ထီၣ်ထီဘၣ်အသးဘၣ်” န့ၣ်လီၤ. ယကနာ်, ဒီးယဆိကမိၣ်ထီၣ်ယဲလၢ ဒ်သိးတၢ်မၢဖိ စီၤပီလူး ကပာ်ဖျါထီၣ်ဝဲ တၢ်အဲၣ်အဂ့ၢ်အံၤအဂီၢ်, တၢ်လၢအထိၣ်ဟူးထိၣ်ဂဲၤထီၣ်အီၤန့ၣ် ကမ့ၢ်တၢ်မနုၤလဲၣ်န့ၣ် ခ့ခါအဆၢကတီၢ်, တလးမူးပိာ်မုၣ်ဒီးပိာ်ခွါတဖၣ် ဘၣ်ကသ့ၣ်ညါဝဲဒၣ်ဧၣ်န့ၣ်လီၤ. စီၤပီလူး တကွဲးဝဲဒၣ် တၢ်အဲၣ်အထါဘၣ်. တၢ်မၢဖိ ကွဲးဃ့ကညးဝဲ တၢ်အိၣ်ဖှိၣ်လၢအလီၤဖးတဖု ဒ်သိးကမၤဂ့ၤထီၣ်က့ၤ တၢ်လီၤမုၢ်လီၤဖးဒိၣ်ဒိၣ်မုၢ်မုၢ်အဂီၢ်န့ၣ်လီၤ.
ယွၤဂ့ၢ်ပီညါ အပှၤကူၣ်သ့ ဒီးကလး အ့ၣ် ခဲမ်ဘဲ (Douglas A. Compbell)…
ယွၤတကွၢ်ကပာ်တၢ်နီတဘျီဘၣ်
ဖဲ ကၠိနံၣ် (Joanie) ကတိၤတၢ်ဒီးအတံၤသကိးန့ၣ်ဒီး, “ဘၣ်တဘျီဘျီန့ၣ် ယသးကလၢၢ်ဘၣ်ဝဲဒ်တၢ်လဲၤကပာ်ကွၢ်ကပာ်ဘၣ်ယၤန့ၣ်လီၤ.” တၢ်ကတိၤအံၤ အိၣ်ဟဲဟးထီၣ်လၢအထးခိၣ်န့ၣ်လီၤ. လၢပိာ်မုၣ်အဂၤတဂၤအဃိ, အဝၤပာ်တ့ၢ် ကၠိနံၣ်ဒီးအဖိဆံးဖိတဖၣ်န့ၣ်လီၤ. အဝဲပာ်ဖျါထီၣ်လၢ “ယဟ့ၣ်တ့ၢ်အီၤ ယနံၣ်အဂ့ၤကတၢၢ်တဖၣ်န့ၣ်လီၤ. ဘၣ်ဆၣ်, ခဲကနံၣ်အံၤ, မ့ၢ်မတၤတဂၤ ကထံၣ်န့ၢ်ယၤ မ့တမ့ၢ် မ့ၢ်မတၤတဂၤ ကဟံးန့ၢ်တၢ်ဆၢကတီၢ်ဒီးဃုသ့ၣ်ညါယၤလဲၣ်န့ၣ် ယတသ့ၣ်ညါလၢၤဘၣ်န့ၣ်လီၤ.”
အတံၤသကိးစံးဆၢက့ၤအီၤလၢ “ယသးတမုာ်ဘၣ်” န့ၣ်လီၤ. “ဖဲယသးအိၣ် ၆ နံၣ်န့ၣ်, ယပၢ်ဟးထီၣ်လၢဟံၣ်, ဒီးကဲထီၣ်တၢ်ဂ့ၢ်ကီလၢပဂီၢ်, လီၤဆီဒၣ်တၢ် လၢယမိၢ်အဂီၢ်န့ၣ်လီၤ. ဘၣ်ဆၣ်, ဖဲယမိၢ်မၤမံယၤလၢ မုၢ်နၤအကတီၢ်န့ၣ်, အဝဲတဲဘၣ်ယၤ တၢ်ကတိၤဖိလၢ ယတသးပ့ၤနီၣ်ဝဲနီတဘျီ, လၢအမ့ၢ် “ကစၢ်ယွၤ တပာ်တဒၢအမဲာ်နီတဘျီဘၣ်” န့ၣ်လီၤ. ဖဲယဒိၣ်ထီၣ်န့ၣ်ဒီး, ယမိၢ်တဲနၢ်ပၢၢ်ယၤလၢ မ့ၢ်လၢအဝဲအဲၣ်ဒိးသိၣ်လိယၤ, ဖဲယမံၤအကတီၢ်ဒၣ်လဲၣ် ထီဘိန့ၣ် ကစၢ်ယွၤအဲၣ်ယၤ, ဒီးအံးထွဲကွၢ်ထွဲယၤအဂ့ၢ်န့ၣ်လီၤ.”
လံာ်စီဆှံ ပာ်ဖျါထီၣ် တၢ်ကတိၤလၢ ကစၢ်ယွၤ ဟ့ၣ်လီၤဝဲ စီၤမိၤရှ့, ဒ်သိးကဟ့ၣ်ခီလီၤဝဲ အပှၤဂီၢ်မုၢ်တဖၣ်, ဖဲအဟးဝ့ၢ်ဝီၤလၢ ကစၢၢ်စံာ်နၤ အပှၢ်မုၢ်ကနၢ…
ပကျဲဒီးကစၢ်ယွၤအကျဲ
အပူၤကွံာ်နံၣ်တဖၣ်န့ၣ်, ယဝၤပာ်လီၤအသးလၢ ကလဲၤဟးဝဲဆူ ကီၢ်အၣ်ဖရံကၤ (Africa) ဃုာ်ဒီးပှၤတဖုလၢအတၢ်အိၣ်ဖှိၣ်ပူၤန့ၣ်လီၤ. တချုးလၢအဝဲသ့ၣ် ဟးထီၣ် ဝဲဒၣ် စှၤမံးနံးအတီၢ်ပူၤ, အဝဲသ့ၣ်ကလဲၤတၢ်န့ၣ် ဘၣ်တၢ်တြီဃာ်ဝဲဒၣ်န့ၣ်လီၤ. ပှၤကိးဂၤဒဲးန့ၣ် အသးဟးဂီၤဝဲဒၣ်ဘၣ်ဆၣ်, ကျိာ်စ့တဖၣ်လၢ အပာ်ဖှိၣ်ဝဲ ကဘီယူၤအလဲ, တၢ်အိၣ်တၢ်ဆိး, ဒီးတၢ်အီၣ်တၢ်အီတဖၣ်အဂီၢ်န့ၣ် ဘၣ်တၢ်ဟ့ၣ်မၤဘူၣ်ဝဲဒၣ်ဆူ ပှၤတဖၣ်လၢ အဝဲသ့ၣ်ကလဲၤအိၣ်သကိးဝဲအဂီၢ်န့ၣ်လီၤ. အဝဲသ့ၣ် စူးကါဝဲတၢ်မၤဘူၣ်တဖၣ်အံၤလၢ တၢ်အိၣ်ကဒုလီၢ်အတၢ်သူၣ်ထီၣ်, လၢပှၤဘၣ်တၢ်မၤတရီတပါတဖၣ်အဂီၢ်န့ၣ်လီၤ.
ဖဲတၢ်တယံာ်ဒံးဘၣ်န့ၣ်, လၢဂီၤထၢၣ်သၢတၢ်ထုကဖၣ်တၢ်ဘါအကတီၢ်, ယဝၤထံၣ်လိာ်အသးဒီးပှၤတဂၤ အိၣ်ဆိးဝဲဒၣ် ဒူသဝီလၢ ယဝၤကလဲၤဟးဝဲ, လၢအပူၤကွံာ်အါနံၣ်အါလါန့ၣ်လီၤ. ပှၤတဂၤအံၤ မ့ၢ်သရၣ်သိၣ်လိတၢ်, ဒီးစံးဝဲလၢ အဝဲလဲၤထီၣ်က့ၤလီၤဝဲ ဖဲတၢ်သူၣ်ထီၣ်အကပၤအံၤ ကိးမုၢ်နံၤဒဲးန့ၣ်လီၤ. အဝဲပာ်ဂၢၢ်ပာ်ကျၢၤဝဲဒၣ်လၢ ယွၤစူးကါတၢ်သူၣ်ထီၣ်အံၤ ဒ်သိးကမၤစၢၤဝဲဒၣ် ပှၤဘၣ်တၢ်မၤအၢမၤသီတဖၣ် လၢလီၢ်ကဝီၤပူၤအဂီၢ်န့ၣ်လီၤ.
ပတၢ်တိာ်ကျဲၤ, ဒီးပတၢ်မိၣ်န့ၢ်သးလီတၢ်တဖၣ်န့ၣ် တလီၤပလိာ်သးဒီးကစၢ်ယွၤအတၢ်တိာ်ကျဲၤတဖၣ် ထီဘိန့ၣ်ဘၣ်. ယရှါ ၅၅:၈ စံးဘၣ်ပှၤ “ယတၢ်ဆိကမိၣ်တမ့ၢ်ဘၣ်သုတၢ်ဆိကမိၣ်ဘၣ်, ဒီးသုကျဲတမ့ၢ်ဘၣ်ယကျဲဘၣ်” န့ၣ်လီၤ. ယွၤအကျဲတဖၣ်န့ၣ် တမ့ၢ်ဝဲထဲ တဒ်သိးလိာ်အသးဒီးပကျဲဘၣ်, မ့မ့ၢ်ယွၤအကျဲတဖၣ်န့ၣ် “ထီန့ၢ်” ဒီးဂ့ၤဒိၣ်န့ၢ်…
ကစၢ်ယွၤ ဃ့ၢ်လူၤပိာ်ပခံ
အါနံၣ်အါလါအတီၢ်ပူၤန့ၣ်, အံၣ်ဘၢ (Evan) ဘၣ်ဂုာ်ဂဲၤလိာ်အသးဒီးအတၢ်သးစဲထီတၢ်မူတၢ်ဘှိး, တၢ်လၢအထုးယံၤအီၤလၢ အတၢ်ရ့လိာ်ဘၣ်ထွဲလိာ်သးဒီးကစၢ်ယွၤန့ၣ်လီၤ. "မ့ၢ်ယကကြၢးဒီး ယွၤအတၢ်အဲၣ်ကသ့ဝဲဒ်လဲၣ်" န့ၣ် မ့ၢ်တၢ်လၢအဆိကမိၣ်ထီၣ်ဝဲဒၣ်န့ၣ်လီၤ. လၢတၢ်န့ၣ်အဃိ, ဖဲအလဲၤထီၣ်ဘါယွၤလၢသရိာ်တဘျီလၢ်လၢ်န့ၣ်, အသးကလၢၢ်ဘၣ်ဝဲလၢ တြီၤလာ်ဖးဒိၣ်လၢ ပှၤပိာ်တိၤတသ့တမံၤန့ၣ် မၤလီၤဖးအီၤဒီးယွၤန့ၣ်လီၤ.
ဘၣ်ဆၣ်, ဖဲ အံၣ်ဘၢ (Evan) ဃ့ထုကဖၣ်ဝဲတဘျီလၢ်လၢ် လၢတၢ်သူၣ်ဆူၣ်သးဆူၣ်အပူၤန့ၣ်ဒီး, ယွၤဟ့ၣ်အီၤတၢ်စံးဆၢန့ၣ်လီၤ. ဖဲအဘၣ်ကီဘၣ်ခဲဝဲအကတီၢ်န့ၣ် ကစၢ်ယွၤဆှၢလီၤ ပှၤလၢအကဟ့ၣ်ဂံၢ်ဟ့ၣ်ဘါအီၤ, ဒီးကမၤမုာ်ထီၣ်က့ၤအီၤအဂီၢ်န့ၣ်လီၤ. နံၣ်တဖၣ်လဲၤပူၤကွံာ်ဝံၤန့ၣ်ဒီး, အံၣ်ဘၢ သ့ၣ်ညါနၢ်ပၢၢ်ဝဲလၢ ယွၤလူၤပိာ်အခံတပယူာ်ဃီ, ဒီးဒုးနဲၣ်အီၤလၢ ယွၤအဲၣ်အီၤ, ကဟုကယာ်အီၤထီဘိန့ၣ်လီၤ. စးထီၣ်ဖဲန့ၣ်, အဝဲစူၢ်က့ၤနာ်က့ၤ ကစၢ်ယွၤ အတၢ်ပျၢ်ကပာ်တၢ်ဒဲးဘး, ဒီးယွၤအတၢ်အဲၣ်န့ၣ်လီၤ. အံၣ်ဘၢ ပာ်ဖျါထီၣ်ဝဲလၢ “ခဲကနံၣ်အံၤ, ယဘၣ်ဂဲၤလိာ်ဒံးဝဲလၢ တၢ်သးစဲထီကသံၣ်မူၤဘှီးအဖၢမုၢ်ဒၣ်လဲာ်န့ၣ် ယသ့ၣ်ညါယဲလၢ ယဘၣ်တၢ်ပျၢ်ကပာ် ယတၢ်ဒဲးဘး, ဒီးပျဲပျၢ် ကစၢ်ယွၤ ကထုးဘူးက့ၤယၤဆူအအိၣ်သ့ဝဲဒၣ်န့ၣ်လီၤ,”
ယဃ့စက့လး ၃၄:၁၁-၁၆ ဒုးသ့ၣ်ညါပှၤ ကစၢ်ယွၤလၢအလူၤပိာ်အပှၤကလုာ်အခံတဂၤအဂ့ၢ်န့ၣ်လီၤ. အဆၢဖိ ၁၁ န့ၣ် ယွၤစံးဝဲဒၣ်, “ယဲဒၣ်အံၤ ယၤဒၣ်လဲာ်,…
တၢ်လဲၤတခွဲန့ၢ် တံၤသကိးတဖၣ်
ဖဲမုၢ်ဃ့ၢ်လီၤအကတီၢ်န့ၣ် ဖဲးထံၣ် (Patty) မၤလၢာ် အတၢ်ဆၢကတီၢ်လၢ တၢ်လဲၤတခွဲညၣ် ဖဲလီၢ်ကဝီၤ ထံကျိကၢၢ်နံၤန့ၣ်လီၤ. အတခွဲဘိ တခွဲအကနၢ်လိၤန့ၣ် ဘျးထီၣ်ဝဲညၣ်အဆၣ်ဒီးတ့ၢ်လီၤဝဲလၢထံကျါန့ၣ်လီၤ. အဝဲသုးလီၢ်သုးကျဲဆူ လီၢ်ကဝီၤအံၤန့ၣ် တယံာ်ဒံးဘၣ်အဃိ, တၢ်လၢကဒိးန့ၢ်ဝဲ ညၣ်အလီၢ်န့ၣ်, ဆၢမုၢ်လၢ်ဝဲလၢ ကဒိးန့ၢ် တံၤသကိးအသီတဖၣ်န့ၣ်လီၤ. အတခွဲအဆၣ်န့ၣ် တမ့ၢ်ဝဲ ထိးကလဲာ်, မ့တမ့ၢ် ညၣ်အဆၣ်အဂုၤအဂၤတဖၣ် န့ၣ်ဘၣ်. အဝဲစူးကါ အတခွဲဘိဖးဒိၣ်လၢ တၢ်ဟ့ၣ်ခီဟ့ၣ်နီၤ ကိၣ်ခိးကံၤ (Cookies)အထၢၣ်ဖိတဖၣ်ဆူ ပှၤတဖၣ်လၢ အလဲၤဟးဒိးထိလၢ ထံကျိပူၤ, ဖဲမုၢ်ဆါတၢ်ကိၢ်အကတီၢ်န့ၣ်လီၤ. လၢတၢ်ရ့တံၤရ့သကိးဒီးပှၤအိၣ်ဆိးလၢ အဟံၣ်ခိၣ်ဟံၣ်ဃၢၤတဖၣ်အဂီၢ်န့ၣ်, အဝဲစူးကါဝဲဒၣ် ကျိၤကျဲလီၤဆီဒ်သိးအံၤဆူ ပှၤလၢအသးခုဟံးန့ၢ် ကိၣ်ဆၢဖိတဖၣ်အံၤ န့ၣ်လီၤ.
ဖဲးထံၣ် (Patty) "လဲၤတခွဲန့ၢ် တံၤသကိးတဖၣ်" အံၤ ဖျါဝဲလိၤဒိၣ်န့ၢ်ဒံး ကစၢ်ယ့ၣ်ရှူး ကိးဝဲဒၣ် စီၤပ့းတရူးဒီးစီၤအၣ်ဒရ့း ဒ်သိးအကပိာ်ကစၢ်အခံ သးသမူဒီစိၤအဂီၢ်န့ၣ်လီၤ. ပှၤဒီပုၢ်ဝဲၢ်ခွါခံဂၤအံၤ မ့ၢ်ပှၤဖီၣ်ညၣ်တဖၣ်လၢစၤ, လၢပီၣ်လဲၣ်ကၤလံၤလါ, မ့ၢ်ပှၤလၢအကျဲးစၢးမၤတၢ်ဆူၣ်ဆူၣ်န့ၣ်လီၤ. ဖဲအဝဲသ့ၣ်တ့ၢ်လီၤစၤအကတီၢ်န့ၣ်, ကစၢ်ယ့ၣ်ရှူး နုာ်လီၤမၤတံာ်တာ် အတၢ်ဖံးတၢ်မၤ,…
ကစၢ်ယ့ၣ်ရှူး မ့ၢ်ပတၢ်ဃူတၢ်မုာ်
ဖဲ ကၠိ (Joan) ထံၣ်ဝဲဒၣ် စူစၣ် (Susan) တီၣ်ထီၣ်ဝဲ အတၢ်ဂီၤတဖၣ် လၢတၢ်ရ့လိာ်ဘၣ်ထွဲ ကမျၢၢ်တၢ်ကစီၣ် (Social Media) န့ၣ်ဒီး, ကအုကစွါဝဲန့ၣ်လီၤ. တၢ်ဂီၤအံၤပာ်ဖျါဝဲဒၣ်တံၤသကိးလၢတၢ်ဘါသရိာ် အဂၤ (၁၀) န့ၣ် ဆ့ၣ်နီၤဝဲလၢတၢ်အီၣ်ကျးအပူၤ, ဒီးအမဲာ်သၣ်တဖၣ်န့ၣ် အိၣ်ပှဲၤဝဲဒီးတၢ်နံၤကမှံၤန့ၣ်လီၤ. တလါအံၤအတီၢ်ပူၤန့ၣ် အဝဲသ့ၣ်ထံၣ်လိာ်ရ့လိာ်အသးခံဘျီ တဘျီဘၣ်ဆၣ်, အဝဲသ့ၣ်တကိးဝဲဒၣ် ကၠိ ဘၣ်န့ၣ်လီၤ. ကၠိ ထွါကွံာ်ဝဲဒၣ် အမဲာ်ထံတဖၣ်န့ၣ်လီၤ. အဝဲတအိၣ်ဃူအိၣ်ဖိးလိာ်သးဒီးပှၤဂၤန့ၣ်ဘၣ်. တၢ်ဘူၣ်သကိးဘါသကိးတၢ်ဒီးပှၤလၢ အတကနၣ်ပှၤလၢတၢ်ဘါသရိာ်တဖျၢၣ်ဃီအပူၤန့ၣ် ကမ့ၢ်ဝဲလၢ တၢ်တညီနုာ်မၤအသးန့ၣ်လီၤ.
နံၣ်ကယၤတၢ အကတီၢ်စ့ၢ်ကီး တၢ်မၤအသးဒ်သိးအံၤဘၣ်ဆၣ်, ကစၢ်ယ့ၣ်ရှူးအသးအိၣ်ဝဲ တၢ်ဃူတၢ်ဖိး, ဒီးဟဲယါဘျါက့ၤ ပတၢ်လီၤမုာ်လီၤဖးန့ၣ်လီၤ. လၢတၢ်အိၣ်ဖှိၣ်စးထီၣ်ဝဲ အကတီၢ်လံလံန့ၣ်, ပှၤလၢအတဘၣ်လိာ်ဖိးဒ့လိာ်သးကဒဲကဒဲတဖၣ် ဃုထံၣ်န့ၢ်ဝဲ တၢ်ဃူ တၢ်ဖိး လၢကစၢ်ခရံာ်အပူၤန့ၣ်လီၤ. မ့ၢ်လၢပှၤတခီဘီမုၢ်ဖိလၢ အစူၢ်က့ၤနာ်က့ၤကစၢ်ခရံာ်တဖၣ် တလူၤပိာ်ထွဲ ယူဒၤအလုၢ်အလၢ်အဃိ, ပှၤယူဒၤဖိ ထံၣ်ဆံးဝဲ ပှၤကလုာ်အဂၤ, ပှၤတခီဘီမုၢ်တဖၣ်စ့ၢ်ကီး အသးဟ့ဝဲ ပှၤယူဒၤဖိတဖၣ်, ခီဖျိလၢအဝဲသ့ၣ်ထံၣ်လီၤအသး,…
လၢကစၢ်ခရံာ်အဃိ တၢ်ဟ့ၣ်မၤစၢၤတၢ်
ယတံၤသကိး ဒဝ့(န) (Dwayne) အမိၢ်, သးပှၢ်မုၢ် ခၠၣ်လံ(န) (Mrs. Charlene) တဂၤ, အသးနံၣ်လါ အိၣ်ဝဲဒၣ် ၉၅ နံၣ်, အနီၢ်ကစၢ်အထီန့ၣ် ဖုၣ်န့ၢ်ဝဲ ယဲၢ်ပ့ၣ်, ဒီးအနီၢ်ကစၢ်အတယၢၢ်န့ၣ် စှၤန့ၢ်ဒံး ပီၣ် တကယၤ န့ၣ်လီၤ. တၢ်သ့ၣ်တဖၣ်န့ၣ် ဆိကတီၢ်ဝဲဒၣ် မိၢ်တဂၤလၢ အဘၣ်ကွၢ်ထွဲ ကဟုကယာ်အဖိခွါ, ခီဖျိလၢနီၢ်ခိ အတၢ်ဂံၢ်စၢ်ဘါစၢ်အဃိ, ကအံးထွဲကွၢ်ထွဲလီၤအသး, တသ့, တန့ၢ်, တဂၤအဂီၢ်န့ၣ်လီၤ. ဖဲပလဲၤဟးအိၣ်သကိးဆူ အဝဲသ့ၣ်အဟံၣ်ခံကထၢ အကတီၢ်န့ၣ်, ပထံၣ်ဘၣ် မိၢ်သးပှၢ်အံၤ အါဒၣ်တက့ၢ်န့ၣ် အိၣ်ဆိးဝဲလၢ ခံကထၢ တကထၢန့ၣ်လီၤ. မိၢ်သးပှၢ်အံၤ ဟဲစံၣ်လီၤဝဲလၢ ဃီသွါ ၁၆ သွါ အလိၤ ကယီကယီဖိဆူ အခီၣ်ထံးတကထၢ, ဒ်သိးကတူၢ်လိာ်မုာ်ဝဲ သမှံၤသပျီၤတဖၣ်, ဒ်ကဟုကကယာ်အဖိခွါ, လၢအအဲၣ်ဘၣ်ဝဲတဂၤအသိးန့ၣ်လီၤ.
ခၠၣ်လံ(န) အတၢ်ပာ်လီၤအသးလၢ အတအိၣ်ဒီးတၢ်အဲၣ်လီၤသး, လၢတၢ်ကမၤဆိတၢ်လၢအဂီၢ်အလီၢ်န့ၣ်, ခၠၣ်လံ(န) ဆိကမိၣ် မၤဆိတၢ်လၢ…
လၢယွၤအတၢ်ထံၣ်အပူၤ, တၢ်တကြၢးတဘၣ် တအိၣ်ဝဲဘၣ်
ဒ်ညီနုၢ်ကိးနံၣ်ဒဲး, ထံလီၢ်ကီၢ်ပူၤဖျၢၣ်ထူကရၢ အဖျၢၣ်ထူကရၢစဲၣ်နီၤတဖၣ် ဃုထၢဝဲဒၣ် ပှၤလိာ်ကွဲဖျၢၣ်ထူအသီဖိတဖၣ်န့ၣ်လီၤ. ဖျၢၣ်ထူ အပှၤနဲၣ်လိတၢ်တဖၣ်န့ၣ် ဘၣ်ဟ့ၣ်တၢ်ဆၢကတီၢ်, နၣ်ရံၣ်လၢအကထိတဖၣ်, လၢတၢ်သမံသမိး ပှၤလိာ်ကွဲဖျၢၣ်ထူတဖၣ် အတၢ်သ့ တၢ်ဘၣ်, ဒီးနီၢ်ခိဂံၢ်ဘါအတၢ်အိၣ်ဆူၣ်အိၣ်ချ့န့ၣ်လီၤ. ပှၤလိာ်ကွဲဖျၢၣ်ထူဖိတဖၣ်အစရီ, ဖဲ ၂၀၂၂ နံၣ်အပူၤ, ပှၤလၢခံကတၢၢ်, ပှၤ ၂၆၂ ဂၤတဂၤန့ၣ်, မ့ၢ်ဝဲ ဘရီး ဖၢဒံၢ် (Brock Purdy), ဒီးဘၣ်တၢ်ယုၢ်န့ၢ်အမံၤလၢ “စီၤတကြၢးတဘၣ်” န့ၣ်လီၤ. နံၣ်လၢအကဟဲ, တၢ်လိာ်ကွဲ ဖျၢၣ်ထူအကတီၢ်, ဖၢဒံၢ် ကလိာ်ကွဲဘၣ်ဖျၢၣ်ထူန့ၣ် မတၤတဂၤမး တဆိကမိၣ်ဝဲဘၣ်န့ၣ်လီၤ. စှၤလါပူၤကွံာ်န့ၣ် ဖၢဒံၢ် အကရူၢ် ကဘၣ်တၢ်ဆၢတဲာ်လၢ တၢ်အဃၣ်ဒီးတၢ်အနၢၤကတီၢ် အဝဲသွီနုာ်ဝဲဒၣ် တၢ်မၤနၢၤအဖျၢၣ်ထူခံဖျၢၣ်န့ၣ်လီၤ. နီၢ်နီၢ်န့ၣ်, ဖျၢၣ်ထူကရၢခိၣ်နၢ်တဖၣ် ဒ်သိးကဃုထံၣ်န့ၢ် ပာ်ဖျါဝဲဒၣ် ပှၤလိာ်ကွဲဖိလၢ အကြၢးအဘၣ်တဂၤထီဘိန့ၣ်, တအိၣ်ဝဲဒီးတၢ်သ့တၢ်ဘၣ်လီၤတံၢ်လီၤဆဲးဘၣ် န့ၣ်လီၤ. ပဝဲနၤယၤစ့ၢ်ကီး ပတၢ်သ့တၢ်ဘၣ်တအိၣ် လီၤတံၢ်လီၤဆဲးဘၣ်န့ၣ်လီၤ.
လံာ်စီဆှံအလီၢ်လံၤ တကတြူၢ်အပူၤ, တၢ်ဂ့ၢ်လၢပသ့ၣ်ညါညီနုၢ်တမံၤန့ၣ် ပာ်ဖျါဝဲ, ကစၢ်ယွၤ…
တၢ်သူၣ်ဒုးဒိၣ်ထီၣ်တၢ်အိၣ်မူလၢ ကစၢ်ခရံာ်အပူၤ
ဖဲပတ့ထီၣ် ပဟံၣ်န့ၣ်, ပဟံၣ်အိၣ်သူၣ်လီၤအသး, လၢလၢၢ်ဖိပြံအကျဲအကတၢၢ် ကပံာ်ဟီၣ်ခိၣ်လီၤဟိ အလီၢ်အကျဲန့ၣ်လီၤ. ပလိၣ်ဘၣ် တပံၢ်, တၢ်မုၢ်, ဒီးသ့ၣ်တပှိာ်ဖိတဖၣ် ဒ်သိးကဂ့ၤဝဲကြၢးဝဲဒီး အီၣ်ရံၣ်ကိ(န) (Oregon) ကစၢၢ်တၢ်လူၢ်တဖၣ်အခီၣ်ထံး, အိၣ်ဝးတရံး လၢပဟံၣ်န့ၣ်လီၤ. ဖဲယဟံးထီၣ် ပိးလီတဖၣ် လၢယကမၤ တၢ်ကတဲာ်ကတီၤ ဟီၣ်ခိၣ်တပံၢ်ဂၢၤအံၤန့ၣ်ဒီး, ယဆိကမိၣ်ထီၣ်က့ၤ တၤသၣ်လီၢ်လၢ အအိၣ်ခိးဝဲဒၣ် ပှၤကညီ, ဖဲ ၁ မိၤ ၂:၅ အပူၤ, “ကယဲၢ်တၢ်မဲတၢ်မါလၢပှၢ်လၢ်ကျါ လၢအတချုးအိၣ်ဒံးဘၣ်လၢဟီၣ်ခိၣ်ပူၤ, ဒီးကယဲၢ်ဘုဧိၤဟုဧိၤလၢပျီပူၤလၢအတချုးမဲထီၣ်ဒံးဘၣ်, ... ဒီးပှၤကညီလၢ အကမၤဟီၣ်ခိၣ်တအိၣ်ဘၣ်နီတဂၤဘၣ်” န့ၣ်လီၤ.
တၢ်ဘၣ်တ့အဂ့ၢ်, ဖျါဖဲ ၁ မိၤ ၁:၄,၁၀,၁၂,၁၈,၂၁,၂၅,၃၁ အပူၤန့ၣ် ပကထံၣ်ဘၣ် ကစၢ်ယွၤ ကွၢ်ထံက့ၤ အတၢ်ဘၣ်တ့ တဘျီဘၣ်တဘျီ, ဒီးစံးဝဲဒၣ်လၢ, “ဂ့ၤဝဲ” မ့တမ့ၢ် “ဂ့ၤဒိၣ်မး” န့ၣ်လီၤ. ဘၣ်ဆၣ်, တၢ်မၤအံၤတလၢပှဲၤဒံးဘၣ်န့ၣ်လီၤ. ၁ မိၤ ၁:၂၈ ပာ်ဖျါဝဲလၢ ဒ်သိးစီၤအၤဒၣ်ဒီးနီၢ်အံၣ်အူ…
ကွၢ်ဃီၤတၢ်တပယူၢ်ဃီဆူ ကစၢ်ယ့ၣ်ရှူး
သိလ့ၣ် အလွဲၢ်ဝါဃးတခိၣ်, လၢအလဲၤဝဲလၢ အသိလ့ၣ်ကပၤန့ၣ် ကၠူ(န) (June) ကွၢ်စူၣ်ဝဲဒၣ်တပယုၢ်ဃီန့ၣ်လီၤ. ဒ်သိးကနီၣ်ဟးထီၣ်ဝဲအသိလ့ၣ်လၢ ကျဲမုၢ်ဒိၣ်အဂီၢ်, အဝဲကဘၣ်လဲခီဂာ်ကျဲအကျိၤဖိန့ၣ်လီၤ. ဘၣ်ဆၣ်, ဖဲအဂုာ်ကျဲးစၢးခီဂာ်ဝဲ သိလ့ၣ်ဝါဃးလၢအကပၤတဘျီလၢ်လၢ်န့ၣ်ဒီး, ပှၤလၢအနီၣ်သိလ့ၣ်ဝါဃးစ့ၢ်ကီး မၤချ့ထီၣ်ဝဲဒၣ် အသိလ့ၣ်န့ၣ်လီၤ. အကတၢၢ်န့ၣ်, ကၠူ(န်) နီၣ်ဖျိဝဲ သိလ့ၣ်ဝါဃးန့ၣ်လီၤ. လၢအမၤနၢၤတၢ်အကတီၢ်ဖိအံၤန့ၣ်, အသူၣ်မံအသးမံလီၤအသး ဒီးကွၢ်လီၤဝဲလၢ အသိလ့ၣ် အမဲာ်ထံကလၤအပူၤ ဒီးနံၤကမှံထီၣ်ဝဲဒၣ်န့ၣ်လီၤ. တဘျီဃီန့ၣ် အဝဲပာ်သူၣ်ပာ်သးဝဲဒၣ်လၢ အလဲၤတလၢကွံာ် ကျဲလၢကဘၣ်ပိာ်ဝဲဒၣ်န့ၣ်လီၤ.
လၢတၢ်သးအုး အတၢ်နံၤကမှံအပူၤ, အဝဲတဲက့ၤဝဲဒၣ်လၢ “မ့ၢ်လၢယသးစဲအါကဲၣ်ဆိးလၢ ကနီၣ်ခီဂာ် သိလ့ၣ်အဂၤတခိၣ်အဃိ, ကျဲလၢယကဘၣ်လဲၤပိာ်ထွဲဝဲန့ၣ် ယလဲၤတလၢကွံာ်ဝဲဒၣ်န့ၣ်လီၤ".
ဖဲပသးအိၣ်လဲၤတၢ် လၢကစၢ်ယွၤအကျိၤအကျဲအကတီၢ်န့ၣ်, တၢ်လဲၤတပျၢ်အသးဒ်သိးအံၤန့ၣ် ကဲထီၣ်သ့ဝဲဒၣ်န့ၣ်လီၤ. ယိၤ ၅:၁၆ ပာ်ဖျါဝဲလၢ တၢ်ဘူၣ်တၢ်ဘါခိၣ်နၢ်တဖၣ် မၤအၢမၤသီကစၢ်ယ့ၣ်ရှူး, ခီဖျိလၢအတမၤထွဲ ယူဒၤအတၢ်သိၣ်တၢ်သီတဖၣ်အကတီၢ်, အဆၢဖိ ၃၉-၄၀ အပူၤန့ၣ် ဟ့ၣ်ပလီၢ်ဝဲဒၣ်, “ဒီးအဝဲသ့ၣ်န့ၣ် မ့ၢ်တၢ်လၢအအုၣ်အသးလၢယဂ့ၢ်ယကျိၤလီၤ, ဒီးသုဟဲဆူယအိၣ် ဒ်သိးသုကန့ၢ်ဘၣ်တၢ်မူန့ၣ်, သုသးတအိၣ်ဘၣ်,” မ့ၢ်လၢပှၤယူဒၤဖိတဖၣ် အတၢ်သးစဲအါတလၢဝဲလၢတၢ်မၤလိ,…