ပှၤဃ့ၢ်စံၣ်ပြၢသတြီၤတၢ်ဖိလၢ အမံၤဟူသၣ်ဖျါ, ဒီးနာ်န့ၢ်လီၤအသးလၢ ကမၤနၢၤတၢ်တဂၤ, ကလဲၤလိာ်ကွဲပြၢတၢ်အဂီၢ်န့ၣ် ဆ့ၣ်နီၤဝဲလၢ ကဘီယူၤအလိၤဂ့ၤဂ့ၤဘၣ်ဘၣ်န့ၣ်လီၤ. ပိာ်မုၣ်ဖိလၢ အကွၢ်ထွဲမၤစၢၤတၢ်တဂၤန့ၣ် ဟဲဆူအအိၣ်, ဒီးလၢတၢ်ယူးယီၣ်ပးကဲအပူၤန့ၣ် စံးဘၣ်အီၤ, “ဝံသးစူၤ, စဲထီဃာ် ခးဆ့ၣ်နီၤအယီၢ်တကိးအပျံၤ” န့ၣ်ဒီး, လၢတၢ်နံၤကမှံအပူၤန့ၣ် စံးဆၢက့ၤဝဲဒၣ် တၢ်လၢ “Superman န့ၣ် တလိၣ် စဲထီဃာ် ယီၢ်တကိးအပျံၤဘၣ်” န့ၣ်လီၤ. တကီၢ်ခါန့ၣ် ပိာ်မုၣ်ဖိလၢ အကွၢ်ထွဲမၤစၢၤတၢ်တဂၤန့ၣ် စံးဆၢက့ၤအီၤလၢ “Superman န့ၣ် တလိၣ်ဝဲဒၣ် ကဘီယူၤဘၣ်အဃိ, စဲထီဃာ် ခးဆ့ၣ်နီၤအယီၢ်တကိးအပျံၤ” န့ၣ်ဒီး, ဒ်ပှၤစံးဘၣ်အီၤအသိးန့ၣ် ဘၣ်မၤဝဲန့ၣ်လီၤ.

တၢ်မၤန့ၢ်မၤနၢၤတၢ်န့ၣ် ကဲထီၣ်တၢ်ပာ်ထီၣ်ထီသးသ့ဝဲဒၣ်န့ၣ်လီၤ. တလိၣ်ပကဘၣ် စဲထီဃာ်ခးဆ့ၣ်နီၤအယီၢ်တကိးအပျံၤဘၣ်. ပကဘၣ်မၤတၢ်မနုၤလဲၣ်န့ၣ် ပိာ်မုၣ်ဖိလၢ အကွၢ်ထွဲမၤစၢၤတၢ်တဂၤ တလိၣ်ဟဲဒုးနဲၣ်ပှၤဘၣ်. ပဆိကမိၣ်လၢ ပကွၢ်ထွဲလီၤက့ၤပသးသ့ဝဲဒၣ်န့ၣ်လီၤ တၢ်ပာ်သူၣ်ပာ်သးဒ်သိးအံၤန့ၣ် ပမ့ၢ်ဟဲစိာ်ဆူ ခရံာ်တၢ်အိၣ်ဖှိၣ်အပူၤန့ၣ်ဒီး, တၢ်ကမၤအသးဒ် “မဲာ်န့ၣ်စံးဘၣ်စု, ယမၤတၢ်ဒီးနၤအလီၢ်တအိၣ်ဘၣ်,” ဒီး “ခိၣ်န့ၣ် စံးဘၣ်ခီၣ်, ယမၤတၢ်ဒီးသုအလီၢ်တအိၣ်ဘၣ်” (:၂၁) အသိးန့ၣ်လီၤ. တၢ်အမ့ၢ်အတီနီၢ်နီၢ်န့ၣ် ပလိၣ်ဘၣ်နီၢ်ခိက့ၢ်ဂီၤခဲလၢာ်, “အက့ၢ်အဂီၤလၢအလီၤဂာ်လၢအဂံၢ်အဘါစၢ်ဒိၣ်တက့ၢ်တဖၣ်န့ၣ်, ပမၤအီၤအလီၢ်အါတက့ၢ်” (:၂၂) န့ၣ်လီၤ.

ပဘၣ်တၢ်တ့လီၤပှၤဒ် ပၢ်ကစၢ်, ဖိခွါကစၢ်, ဒီးသးစီဆှံကစၢ်, ယွၤသၢဂၤတဂၤဃီ, အက့ၢ်အဂီၤအသိး, ပဂုၤထီၣ်ပသီထီၣ်လၢ တၢ်အဲၣ်တၢ်ကွံအပှၤတဝၢအပူၤန့ၣ်လီၤ. ဒ် ယွၤသၢဂၤတဂၤဃီန့ၣ် အိၣ်ဒီးတၢ်ရ့လိာ်ဘၣ်ထွဲလိာ်သးအဂ့ၤလၢလၢပှဲၤပှဲၤအသိး, ပတၢ်အိၣ်မူ ရ့လိာ်သးဒီးပှၤဂုၤပှၤဂၤ, ဒီးလၢတၢ်အိၣ်ဖှိၣ်အတၢ်ဖံးသကိးမၤသကိးတၢ်အဂီၢ်, ကစၢ်ယွၤ တ့လီၤပှၤန့ၣ်လီၤ. ပဝဲတဂၤစုာ်စုာ်, ပတလီၤဂာ်လိာ်ပသးန့ၣ်
မ့ၢ်တၢ်လၢအဂ့ၤ, “နီၢ်မ့မ့ၢ်မဲာ်ဒီတဂၤညါဒီး, နၢ်ဟူတၢ်ကအိၣ်ဖဲလဲၣ်” (:၁၇) န့ၣ်လီၤ. ပဝဲကိးဂၤဒဲး, ပတဒ်သိးလိာ်ပသးဘၣ်ဆၣ်, ပှၤခဲလၢာ် “မ့ၢ်တအိၣ်ဒီးပအိၣ်တသ့ဘၣ်” (:၂၂) န့ၣ်လီၤ. လၢနလီၢ်ကဝီၤ, နတၢ်အိၣ်ဖှိၣ်အပူၤန့ၣ် မ့ၢ်မတၤတဂၤမၤစၢၤနၤလဲၣ်. အဝဲသ့ၣ်ဖံးတၢ်မၤတၢ်န့ၣ် နထံၣ်, နသ့ၣ်ညါပာ်သူၣ်ပာ်သးဝဲဒၣ်န့ၣ် ဒုးသ့ၣ်ညါအဝဲသ့ၣ်တက့ၢ်. မ့ၢ်လၢဟ့ၣ်လီၤအသး, လၢတၢ်အိၣ်ဖှိၣ်အပူၤအဃိ, စံးဘျုးစံးဖှိၣ်အဝဲသ့ၣ်န့ၣ်တက့ၢ်. ဒီးလၢပှၤစူၢ်က့ၤနာ်က့ၤတၢ်ဖိအဂုၤအဂၤတဖၣ်အဂီၢ်, မ့ၢ်နကဘၣ်မၤတၢ် ဖဲလဲၣ်န့ၣ် ဃ့ထုကဖၣ်ကစၢ်ယွၤ, ဒ်သိးကဒုးနဲၣ်နၤအဂီၢ်န့ၣ်တက့ၢ်.