ဖဲယထီၣ်ခီလ့ၣ်ကၠိခံနံၣ်တနံၣ်ဝံၤ တၢ်ကိၢ်ခါအကတီၢ်, ယတံၤသကိးလၢအမၤလိတၢ်ဒီးယၤ တတီၤဃီတဂၤ သံလၢတၢ်တမုၢ်လၢ်အပူၤန့ၣ်လီၤ. ယထံၣ်အီၤ လၢအပူၤကွံာ်အသီတဖၣ် ဒီးအဝဲဖျါအိၣ်ဆူၣ်အိၣ်ချ့န့ၣ်လီၤ. ယတံၤသကိးတဖၣ်ဒီး ယနီၢ်ကစၢ်ဒၣ်ယဲ ပဆိကမိၣ်လၢ ပသးစၢ်ဒံး ဒီးသးစၢ်ကတီၢ်အံၤ မ့ၢ်တၢ်အကါဒိၣ်လၢ ပသးသမူအပူၤန့ၣ်လီၤ. ဒီးလၢကၠိတၢ်ကရၢကရိစုာ်စုာ်န့ၣ် ပမၤသကိး ရ့လိာ်ဘၣ်သး တုၤဒၣ်လဲာ် ပကဲထီၣ် ဒ်ဒီပုၢ်ဝဲၢ်အသိးဒၣ် ခဲအံၤဒံးလီၤန့ၣ်လီၤ.
ဘၣ်ဆၣ် ဘၣ်ဃးဒီး ယသကိးတဂၤအတၢ်သံန့ၣ် တၢ်လၢယသ့ၣ်နီၣ်အဒိၣ်ကတၢၢ် မ့ၢ်ဝဲ ယထံၣ်ဘၣ်လၢ ပသကိးတဖၣ် လၢအသးဒ်သိးလိာ်သးတဖၣ် အိၣ်မူထီၣ်ဘး “တၢ်ဘူၣ်တၢ်ဘါအမ့ၢ်အတီ” ဒ်သိးတၢ်လၢ တၢ်မၢဖိစီၤယၤကိာ်တဲဝဲန့ၣ်လီၤ (ယၤကိာ် ၁:၂၇). ၦၤကၠိဖိပိာ်ခွါကရၢအကျါ ပိာ်ခွါတဖၣ် ကဲထီၣ်ဒ်ဒီပုၢ်ဝဲၢ်ခွါ လၢဒီပုၢ်ဝဲၢ်မုၣ်လၢအဝဲၢ်သံတဂၤအဂီၢ်န့ၣ်လီၤ. အဒီပုၢ်ဝဲၢ်ခွါ သံဝံအလီၢ်ခံ အဝဲသ့ၣ်လဲၤဝဲ အတၢ်ဖျီဒီး လဲၤစ့ၢ်ကီးဝဲလၢ အဖိအိၣ်ဖျဲၣ်အမူးန့ၣ်လီၤ. ၦၤတဂၤဟ့ၣ်အီၤ ကွဲၤဒီနၢ်တဖျၢၣ် လၢကဆဲးကျိးအီၤ ဖဲလိၣ်ဘၣ်တၢ်အဆၢကတီၢ်တခါခါ ဒၣ်လဲၣ်န့ၣ်လီၤ.
တၢ်ဘူၣ်တၢ်ဘါအမ့ၢ်အတီ, ဒ်စီၤယၤကိာ်ပာ်ဖျါဝဲအသိး, မ့ၢ်ဝဲ “တၢ်အိၣ်သကိးၦၤဖိၣ်ဃဲဒီး မုၣ်ကမဲလၢအဘၣ်တၢ်နးတၢ်ဖှီၣ်အပူၤ”န့ၣ်လီၤ (:၂၇). ယသကိး အဒီပုၢ်ဝဲၢ်မုၣ်တဂၤအံၤ တမ့ၢ်ဖိၣ်ဃဲနီၢ်နီၢ် ဘၣ်ဆၣ်, အဝဲ အဝဲၢ်တဂၤ တအိၣ်ဒီးအီၤလၢၤဘၣ်. အဝဲအဂီၢ် “ဝဲၢ်အသီတဖၣ်” မၤၦဲၤတၢ်လီၢ်လီၤဟိအံၤန့ၣ်လီၤ.
ဒီးတၢ်အံၤမ့ၢ် ၦၤလၢအသးအိၣ်မၤဖျါ တၢ်မ့ၢ်တၢ်တီဒီး တၢ်စီဆှံလၢခရံာ်အပူၤတဖၣ် မၤဝဲသ့ကိးဂၤ, ကဲထီၣ်ၦၤမၤတၢ်အကလုၢ် (:၂၂), လၢအပာ်ဃုာ်ဒီး တၢ်ကွၢ်ထွဲကဟုကယာ်ၦၤလၢ အလိၣ်ဘၣ်တဖၣ်န့ၣ်လီၤ (၂:၁၄-၁၇). ပတၢ်စူၢ်တၢ်နာ်လၢခရံာ်အပူၤ ထိၣ်ဟူးထိၣ်ဂဲၤၦၤ ဒ်သိးပကကွၢ်ထွဲ ၦၤဂံၢ်စၢ်ဘါစၢ် ဒ်သိးအဝဲမၤစၢၤၦၤ ဒ်သိး ကဟးဆှဲး ဟီၣ်ခိၣ်အတၢ်လုၢ်ဘၢၦၤလၢအတဂ့ၤတဖၣ်န့ၣ်လီၤ. လၢခံကတၢၢ်န့ၣ် တၢ်အံၤမ့ၢ် တၢ်ဘူၣ်တၢ်ဘါအစီအဆှံ လၢယွၤတူၢ်လိာ်န့ၣ်လီၤ.
