ဒ့အၣ်ဘံၣ်ယီၣ် (DeAvion) မ့ၢ်အိၣ်ထဲ ၁၃ နံၣ်နာ်သက့ ဟံးထီၣ်တၢ်တၤအီၤလၢ ကမၤတၢ်အခ့အပှၤအတၢ်မၤလီၤ. အဝဲဒီးအမိၢ် နၢ်ဟူတ့ၢ်တၢ်တဲလၢ ပှၤတဂၤကိးထီၣ် ဖိသၣ်တဖၣ် ဒီးမၢအကူးတပံၢ် လၢအလီၢ်ယဲၢ်ဆံတီၤ ဖဲတၢ်ယီၤခါကၠိပျၢ်ကတီၢ် တအိၣ်ဒီးအဘူးအလဲဘၣ်လီၤ. အဝဲသ့ၣ်အိၣ်ဒီး အတၢ်ပညိၣ်ဖှိၣ် လၢကမၤစၢၤသုးဖိလီၢ်လံၤႇ မိၢ်ထဲတဂၤဧိၤတဖၣ်, ၦၤအိၣ်ဒီးက့ၢ်ဂီၤတလၢၦဲၤ မ့တမ့ၢ် ၦၤတဂၤလၢ်လၢ်လၢ လိၣ်တၢ်မၤစၢၤလီၤ. ၦၤဒုးအိၣ်ထီၣ်တၢ် (ၦၤတဂၤလၢ ကူးတ့ၢ်တပံၢ်လၢအလီၢ်ယဲၢ်ဆံ လၢကီၢ်စဲၣ်အဘ့ၣ်ယဲၢ်ဆံပူၤ) ကူၣ်မၤကဲထီၣ်တၢ်တၤ ဒ်သိးကသိၣ်လိတၢ်မၤ မ့ၢ်တၢ်အကါဒိၣ်အအဲးသံး (သ့ၣ်ညါနီၤဖးတၢ်ဂ့ၤတၢ်အၢ) ဒီးဟ့ၣ်ဆၢက့ၤတၢ်ဆူ ပှၤအတဝၢလီၤ. တၢ်ကိၢ်ဆါဘၣ်ဆၣ် ဒီးတၢ်မၤအဂၤတဖၣ် အိၣ်လၢတၢ်မၤန့ၢ်အီၤသ့ ဖဲတၢ်ယီၤခါကတီၢ်ဘၣ်ဆၣ်, ဒ့အၣ်ဘံယီၣ် ဃုထၢတၢ်ကမၤန့ၢ် ပှၤဂၤတဖၣ်အတၢ် ဒီးမၤဝံၤတၢ်တၤတဖၣ်လီၤ.

တၢ်တၤတဖၣ်လၢတၢ်ကမၤတၢ်ခ့တၢ်ပှၤအတၢ်မၤဂီၢ် ဟဲဆူပှၤနာ်ခရံာ်တဖၣ်အအိၣ်လီၤ. မုၢ်တဟါ ဖဲအဝဲကသံလၢပှၤခဲလၢာ်အဂီၢ်န့ၣ်, ယ့ၣ်ၡူးအီၣ်ဟါတၢ်အီၣ်ဒီး အတံၤသကိးတဖၣ်လီၤ (ယိၤ ၁၃:၁-၂). အဝဲသ့ၣ်ညါတၢ်လၢ ကဘၣ်တူၢ်ဝဲ ဒီးတၢ်သံအဂ့ၢ်န့ၣ် ဂ့ၤဂ့ၤကလဲာ်လီၤ. ဘၣ်ဆၣ်, အဝဲဆၢထၢၣ်လၢ တၢ်အီၣ်အစီၣ်နီၤခိၣ်, စၢထီၣ်ယၣ်လၢအလိၤဒီး စးထီၣ် သ့အပျဲၢ်တဖၣ်အခီၣ်လီၤ (:၃-၅). အဝဲစံးဝဲ, “သုသရၣ်ဒီး သုကစၢ် ယၤအံၤ ယမ့ၢ်သ့ကွံာ်သုခီၣ်ဒီး သုဝဲဒၣ်အံၤ သုဂ့ၤသ့ကွံာ်လိာ်သုခီၣ်သကိးသကိးလီၤ”( :၁၄).

ယ့ၣ်ၡူးႇ ခ့ၦၤလၢ ဆီၣ်လီၤသးမ့ၢ်ပဒိအဂ့ၤ ကဟုကယာ်ပှၤကညီတဖၣ် – အဝဲမၤဘျါပှၤမဲာ်ဘျီၣ်ဒီး ပှၤဘၣ်ဆူးဘၣ်ဆါႇ သိၣ်လိအဘီအမုၢ် အတၢ်သးခုကစီၣ်, ဒီးဟ့ၣ်လီၤကွံာ်အသးသမူလၢ အတံၤသကိးတဖၣ်အဂီၢ်လီၤ. မ့ၢ်လၢခရံာ်အဲၣ်နၤအဃိ, သံကွၢ်အီၤလၢ မ့ၢ်အဘၣ်အသးလၢ နကမၤစၢၤမတၤတဂၤ လၢတနွံအံၤအတီၢ်ပူၤတက့ၢ်.