အဲၣ်ဒရံယၣ်(Andrea)အတၢ်အိၣ်မူအိၣ်ဂဲၤလၢဟံၣ်ပူၤဃီပူၤန့ၣ် တၢ်အိၣ်ဂၢၢ်ဆိးကျၢၤ တအိၣ်ဝဲဒၣ်အဃိ ဖဲအသးအိၣ် ၁၄ နံၣ်န့ၣ်, အဝဲအိၣ်ဟးထီၣ်လၢဟံၣ်, ဃုတၢ်ဖံးတၢ်မၤ ဒီးအိၣ်ဆိးဝဲဒၣ်လၢ အတံၤသကိးတဖၣ်န့ၣ်လီၤ. အဝဲဆၢဒိးန့ၢ်ဘၣ် တၢ်အဲၣ်တၢ်ကွံ ဒီးတၢ်ဟ့ၣ်ဂံၢ်ဟ့ၣ်ဘါ, ဟ့ၣ်မၤစၢၤတၢ်လၢ နီၢ်သးအဂီၢ်အဃိ လၢခံန့ၣ် လဲၤအိၣ်ဆိးဝဲဒၣ်ဒီးပိာ်ခွါတဂၤ လၢအဒုးသ့ၣ်ညါ အဲၣ်ဒရံယၣ် လၢတၢ်စူးကါကသံၣ်မူၤဘှိးတဖၣ် ဒ်သိး ကအီထွဲဃုာ်ဒီး သံးလၢအညီနုာ်အီတ့ၢ်လံန့ၣ်လီၤ. ဘၣ်ဆၣ် တၢ်ရ့လိာ်ဘၣ်ထွဲလိာ်သးမ့ၢ်ဂ့ၤ, ကသံၣ်မူၤဘှိး ဒီးသံးဧိၤဂာ်ဧိၤ လၢအသူစူးကါဝဲတဖၣ်န့ၣ် တမၤမံသူၣ်မုာ်သးအီၤ လၢ အတၢ်ဆၢဒိးန့ၢ်ဘၣ် တၢ်အဂီၢ်ဘၣ်. အဝဲလူၤဃုထံၣ်န့ၢ်ဘၣ် တၢ်လၢကမၤမံသူၣ်မုာ်သးအီၤအဂီၢ် အါနံၣ်အါလါ လဲၤပူၤကွံာ်ဝံၤ အလီၢ်ခံန့ၣ် အဝဲထံၣ်လိာ်အသးဒီး ပှၤလၢ အစူၢ်က့ၤနာ်က့ၤ ကစၢ်ယ့ၣ်ရှူးတဖၣ် လၢဟဲဆူအအိၣ်ဒီး မၤစၢၤအီၤ ဒ်သိး ကဃ့ထုကဖၣ်တၢ်လၢ အဲၣ်ဒရံယၢၣ်အဂီၢ်န့ၣ်လီၤ. တဘျုးလါလဲၤပူၤကွံာ် ဝံၤအလီၢ်ခံ, ဒီးအကတၢၢ်န့ၣ် အဝဲဃုထံၣ်န့ၢ်ဘၣ်ဝဲ ကစၢ်ယ့ၣ်ရှူး, လၢအကဒုးဘျဲးအီၣ်ဘျဲးအီအီၤ တၢ်အဲၣ်တၢ်ကွံ လၢအသးသူ, ဆၢဒိးန့ၢ်ဘၣ်ဝဲန့ၣ်လီၤ.
ရှၤမရံမုၣ် လၢကစၢ်ယ့ၣ်ရှူး ဃ့အီၤထံလၢ ယၤကိာ်ထံပူၤတဂၤစ့ၢ်ကီး ဒိးန့ၢ်ဘၣ်ဝဲ တၢ်သးမံသးမုာ်ဘၣ်ထွဲဒီး တၢ်သးသူလၢအဲၣ်ဒိးမၤန့ၢ်ဝဲဒၣ်န့ၣ်လီၤ. ယိၤဟၣ် ၄:၅-၇ ပာ်ဖျါဝဲလၢ ပိာ်မုၣ်တဂၤအံၤ ဟဲဒၢၣ်ထံ ဖဲလၢ တၢ်ကိၢ်ဆါနးနးကျံးကျံး အဆၢကတီၢ်, ဘၣ်သ့ၣ်သ့ၣ်န့ၣ် ဒ်အဆၢဖိ ၁၇-၁၈ စံးဘၣ်ဝဲအသိး “ကမ့ၢ်အဲၣ်ဒိးဟးဆှဲး ပိာ်မုၣ်အဂၤတဖၣ် လၢကကွၢ်စူၣ်အီၤ, ဒီးတၢ်ကစံးအၢ, စံးသီအီၤ ဘၣ်ထွဲဒီး အတၢ်ဂ့ၢ်တၢ်ကျိၤတဖၣ် လၢပှၤသ့ၣ်ညါတ့ၢ်လံ လၢအမ့ၢ်အဝၤအိၣ်အါဂၤဒီး အတၢ်မၤကမၣ် အဲၣ်ဘၢတၢ် လၢခ့ခါ အကတီၢ်န့ၣ်လီၤ. ကစၢ်ယ့ၣ်ရှူး ဒ်အမ့ၢ်ပှၤယူၤဒၤဖိသရၣ်တဂၤန့ၣ် တညီနုၢ်မၤဘၣ်ထွဲလိာ်သးဒီး ပှၤရှၤမရံမုၣ်န့ၣ်ဘၣ်ဆၣ် ဒီးဖဲလၢ အဝဲသုးဘူးအသးဆူ ရှၤမရံမုၣ်တဂၤအံၤ အအိၣ်ဒီး ဃ့အီထံအဆၢကတီၢ် မ့ၢ်တၢ်မၤလီၤပှီၢ်ကွံာ် ကလုၢ်ဒူၣ်, တၢ်ဒူၣ်တၢ်ဆၢ လၢစိၤဆၢကတီၢ် ဖဲန့ၣ်လီၤ”. အဆၢဖိ ၁၀ ပာ်ဖျါဝဲ ကစၢ်ယ့ၣ်ရှူး အဲၣ်ဒိးဟ့ၣ် ထံမူ ဒ်သိး ကဆှၢန့ၣ် ပိာ်မုၣ်တဂၤအံၤဆူ တၢ်မူအထူအယိာ်အဂီၢ်န့ၣ်လီၤ. အဝဲအဲၣ်ဒိး မၤမံသူၣ်မံသး ပိာ်မုၣ်လၢ အသးသူဆှၢန့ၢ်တၢ်တဂၤအဂီၢ်န့ၣ်လီၤ.
ဖဲပစူၢ်က့ၤနာ်က့ၤ ကစၢ်ယ့ၣ်ရှူး ဒ်အမ့ၢ် ပတၢ်အုၣ်က့ၤခီၣ်က့ၤကစၢ်အကတီၢ်န့ၣ် ပဝဲစ့ၢ်ကီး ပအီဘၣ် ထံမူအံၤန့ၣ်လီၤ. ဖဲပကွဲမုာ် ပှၤတဂၤလၢ်လၢ် ဒ်သိးကပိာ်ကစၢ်ယ့ၣ်ရှူးအခံန့ၣ်ဒီး ပကဟံးန့ၢ် နီၤလီၤအီသကိးထံမူအလီခီအံၤ သ့ဝဲဒၣ်ဒီး ပှၤဂုၤပှၤဂၤန့ၣ်လီၤ.
