တၢ်အိၣ်ဖှိၣ်သရၣ် ဝါရဲၣ် (Warren) နၢ်ဟူဝဲလၢ အတၢ်အိၣ်ဖှိၣ်ဖိတဂၤန့ၣ် ပာ်တ့ၢ်ကွံာ် အမါဒီး အဟံၣ်ဖိဃီဖိတဖၣ်အဃိ, အဝဲဃ့ထုကဖၣ် တၢ်လၢကစၢ်ယွၤ ဒ်သိးကမၤစၢၤအီၤလၢ ကထံၣ်လိာ်ဘၣ်သးဒီးပှၤလၢ အပာ်တ့ၢ်အဟံၣ်ဖိဃီဖိတဂၤအံၤ လၢတၢ်တပာ်သူၣ်သးအပူၤ ဒ်သိးကစံးကတိၤသကိးဘၣ် တၢ်အဂီၢ်န့ၣ်လီၤ. ယွၤဒိကနၣ် ဝါရဲၣ် အတၢ်ထုကဖၣ်န့ၣ်လီၤ. ဖဲသရၣ်ဝါရဲၣ် လဲၤနုာ်လီၤဆူ တၢ်အီၣ်အကျးအပူၤန့ၣ် အဝဲထံၣ်ဝဲ တူၢ်ဒိၣ်ကီၤခိၣ်ခွါတဂၤ ဆ့ၣ်နီၤဟံးန့ၢ်အီၣ်တၢ်အီၣ်လၢ တၢ်ကပၤ စီၤနီၤခိၣ်တဖျၢၣ်န့ၣ်လီၤ. လၢတၢ်ကစံးကတိၤတၢ်အဂီၢ် အဝဲဃ့တၢ်ခွဲး “ပှၤလၢသၣ်ဝံၤတၢ်တဂၤအဂီၢ် ဖဲအံၤန့ၣ် မ့ၢ်တၢ်လီၢ်ဖိကအိၣ်ဧါ”န့ၣ်လီၤ. တယံာ်ဘၣ်န့ၣ် အဝဲသ့ၣ်ခံဂၤ ဆ့ၣ်နီၤစံးကတိၤသကိးတၢ်ဒီး ဟ့ၣ်ခီဟ့ၣ်နီၤလိာ်သး တၢ်ဂ့ၢ်ကီတဖၣ်ဒီး ဃ့ထုကဖၣ်သကိးတၢ်န့ၣ်လီၤ.

ဒ်တၢ်အိၣ်ဖှိၣ်သရၣ်တဂၤအသိး, သရၣ်ဝါရဲၣ် အိၣ်မူအိၣ်ဂဲၤဝဲဒၣ် ဒ်ပှၤကွၢ်သိ တဂၤအသိး လၢအတၢ်အိၣ်ဖှိၣ်ဖိတဖၣ်အဂီၢ်န့ၣ် မ့ၢ်ဒၣ်ဒ် ကစၢ်ယွၤစံးကတိၤ ခီဖျိ ဝံယဃ့စက့လး လၢယွၤကအံးထွဲကွၢ်ထွဲအသိတဖၣ်န့ၣ်လီၤ. ယဃ့း ၃၄:၁၂-၁၃ အပူၤ ကစၢ်ယွၤ အၢၣ်လီၤဝဲဒၣ်လၢ ကလူၤဃုအသိ လၢလီၤပြံၤလီၤပြါတဖၣ်ဒီး ကမၤပူၤမၤဖျဲး, ထၢဖှိၣ်ပာ်ဖှိၣ်က့ၤအဝဲသ့ၣ်တပူၤဃီန့ၣ်လီၤ. အဆၢဖိ ၁၄-၁၆ စံးဘၣ်ပှၤလၢ ယွၤ“ကဒုးအီၣ်အဆၣ် လၢတၢ်ဆၣ်အလီၢ်ဂ့ၤ” ဒီး “ကဃုတၢ်လၢအဟါမၢ်ဒီး ဒုးဟဲက့ၤတၢ်လၢ တၢ်ဟီထီၣ်ကွံာ်အီၤ, ဒီးယကဘီၣ်ထီၣ်တၢ်လၢအကၢ်, ဒီးယကဒုးဆူၣ်ထီၣ်တၢ်လၢအဆါလီၤ”န့ၣ်လီၤ. ကစၢ်ယွၤအတၢ်အဲၣ်လၢ အပှၤဂီၢ်မုၢ်တဖၣ်အဂီၢ် သီၣ်ထီၣ်ဒိၣ်ဒိၣ်သွါသွါ တဘျီဝံၤတဘျီ ခီဖျိလၢ က့ၢ်ဂီၤတဖၣ်အံၤန့ၣ်လီၤ. ဝံယဃ့စက့းအတၢ်ကတိၤတဖၣ်န့ၣ် ဒုးနဲၣ်ပာ်ဖျါထီၣ် ခါဆူညါကစၢ်ယွၤအတၢ်မၤတဖၣ် ဘၣ်ဆၣ်, မ့ၢ်တၢ်လၢ အပာ်ဖျါထီၣ် ကစၢ်ယွၤအသးဒီး မုၢ်တနံၤလၢ အကဟဲတနံၤန့ၣ် ပှၤကွၢ်သိတဂၤ လၢကလီၣ်ဖျါထီၣ်အသး ခီဖျိကစၢ်ယ့ၣ်ရှူးအဂ့ၢ်န့ၣ်လီၤ.

ယတၢ်အိၣ်အသးတဖၣ် ကမၤအသးတမံၤဂ့ၤတမံၤဂ့ၤ, ပဝဲတဂၤစုာ်စုာ် ကစၢ်ယွၤအစု တုၤဃီဝဲဒၣ်, ဃုထံၣ်အုၣ်က့ၤခီၣ်က့ၤပှၤဒီး ဒုးအိၣ်ကဒု ပှၤလၢတၢ်အိၣ်အလီၢ်လါဟ့အပူၤ န့ၣ်လီၤ. ကစၢ်ယွၤဆၢမုၢ်လၢ်လၢ ပကလူၤပိာ် ပှၤကွၢ်သိအဂ့ၤတဂၤအခံ, ပှၤကွၢ်သိလၢအဟ့ၣ်လီၤအသးသမူ လၢအသိတဖၣ်အဂီၢ်န့ၣ်လီၤ (ကွၢ် ယိၤ ၁၀:၁၄-၁၅).