
ကစၢ်ယွၤအကျဲတဖၣ်လၢ ပတဆိကမိၣ်မုၢ်လၢ်တ့ၢ်ဝဲ
ဖဲ တၢ်ဟုၣ်န့ၢ် မဲး ဝ့ၣ်လယၢၣ် (Matt Williams) အလံၥ်စီဆှံလၢ အပၥ်ဝဲဒၣ် လၢသိလ့ၣ်အလီၢ်ခံတဘ့ၣ်န့ၣ် လၢလံာ်စီဆှံအကုပူၤန့ၣ် မ့ၢ်လၢအတၢ်ဂီၤလုၢ်ဒိၣ်ပှ့ၤဒိၣ်တဖၣ် အိၣ်ဝဲဒၣ်အဃိ, အဝဲဘၣ်ယိၣ်ဝဲလၢ တထံၣ်န့ၢ်က့ၤလၢၤအလံာ်စီဆှံန့ၣ်လီၤ. လၢတၢ်န့ၣ်အဃိ, အဝဲဃ့ဘါထုကဖၣ်တၢ်ဖုၣ်ကိၥ်, "ကစၢ်ယွၤဧၢ, တၢ်မၤအသးအံၤ မၤဘၣ်ဒိယသးန့ၣ်လီၤ. လၢယဂီၢ်, တၢ်လၢအအိၣ်ဒီးအခီပညီတဖၣ်အါမံၤန့ၣ် အိၣ်ဝဲလၢလံာ်စီဆှံတဘ့ၣ်အံၤအပူၤအဃိ, ယအဲၣ်ဒိး ဃုထံၣ်န့ၢ်က့ၤအီၤန့ၣ်လီၤ. ဘၣ်ဆၣ်, ဒ်နစံးတ့ၢ်နဲထီဘိအသိး, တမ့ၢ်ဒ် တၢ်ဘၣ်ယသးအသိးဘၣ်. မ့မ့ၢ်ဖဲဒၣ်နသး" န့ၣ်လီၤ. ထဲဒၣ်စှၤနံၤစှၤသီဖိလဲၤပူၤကွံာ်ဝံၤ, လၢတၢ်တဆိကမိၣ်အပူၤန့ၣ် Williams ဃုထံၣ်သ့ၣ်ညါဝဲဒၣ် သိလ့ၣ်လၢအဘၣ်တၢ်ဟုၣ်န့ၢ်အီၤတခိၣ်အပူၤန့ၣ် တၢ်ထံၣ်န့ၢ်က့ၤ အလံၥ်စီဆှံအဂ့ၢ်, ခီဖျိလၢတၢ်ရ့လိၥ်ဘၣ်ထွဲအပှာ်ဘျးစဲအ့ထၢၣ်နဲးအပူၤန့ၣ်လီၤ. အလံၥ်စီဆှံ, ဒီးသိလ့ၣ် အကစၢ်အလံၥ်စီဆှံန့ၣ် တၢ်ပၥ်သဃဲၤအီၤ ဖဲပှၤဒိးသိလ့ၣ်အလီၢ်န့ၣ်လီၤ. Williams မၤန့ၢ်က့ၤဝဲ တၢ်လၢအပာ်လုၢ်ပာ်ပှ့ၤဝဲဒိၣ်မးတမံၤန့ၣ် ကဟဲကဲထီၣ်လိၢ်ထီၣ်အဂီၢ်တညီဘၣ်ဆၣ်, ကစၢ်ယွၤ စံးဆၢ အတၢ်ထုကဖၣ်န့ၣ်လီၤ.
၂ စီၤပၤ ၆:၁-၇ အပူၤန့ၣ် ပဖးဘၣ်ဃး ဝံအလံၤရှါ ဘၣ်ကွၢ်ဆၢၣ်မဲာ်ဒီးတၢ်လၢအဖျါကဲထီၣ်အသးတသ့တမံၤန့ၣ်လီၤ. ဒ်သိးကတ့ထီၣ် တၢ်သူၣ်ထီၣ်ဘျီၣ်ရိဖှိၣ်ဖးဒိၣ်အဂီၢ်, ဝံအလံၤရှါဒီးဝံအကရူၢ်တဖု…
လံၥ်စီဆှံအတၢ်တဲပူတဖၣ် လၢအထိၣ်ဟူးထိၣ်ဂဲၤပသး
ဟီၣ်ခိၣ်ဒီဘ့ၣ်တၢ်ဒုးခံဘျီတဘျီအဂ့ၢ် လံၥ်တဘ့ၣ်အပူၤန့ၣ်, ယဖးဘၣ် တၢ်လူၢ်ခိၣ် ၆၀၉ အတၢ်ဒုးတၢ်ယၤအဂ့ၢ်, လၢအၤဖရံၤကၤ-ကလံၤစိးတကပၤ, ဖဲယပၢ်ဘၣ်ဒိဘၣ်ထံး နးနးကလဲၥ်န့ၣ်လီၤ. တၢ်ဒုးတၢ်ယၤအဂ့ၢ်အကျိၤတဖၣ်န့ၣ် ယသ့ၣ်ညါတ့ၢ်ဝဲဘၣ်ဆၣ်, တၢ်ကွဲးပာ်ဖျါထီၣ်က့ၤအီၤ လီၤတံၢ်လီၤဆဲးအဃိ, ဖဲယဖးဘၣ်အီၤန့ၣ်ဒီး, ယဒိးန့ၢ်တၢ်ထံၣ်အသီ ဘၣ်ဃးဒီးတၢ်ဒုးတၢ်ယၤအမုၢ်နံၤလၢ ယပၢ်ဘၣ်လဲၤခီဖျိဝဲဒၣ်န့ၣ်လီၤ.
ဖဲပဖးဘၣ် ၦၤကညီတဖၣ်အဂ့ၢ် လၢလံၥ်စီဆှံအပူၤန့ၣ်ဒီး, မ့ၢ်တၢ်ကမၤအသး ဒ်သိးအံၤစ့ၢ်ကီးဧါ. အဒိန့ၣ်, ပကနၢ်ဟူဘၣ် ၦၤတဂၤဂၤ စံးဝဲဒၣ်လၢ နီၢ်မၤရံမၤကဒါလ့ၣ် မ့ၢ်တၢ်အဒိအတဲာ် လၢပှၤအသးတီဒီးကစၢ်ယ့ၣ်ရှူးန့ၣ်လီၤ. ဘၣ်ဆၣ်, ဖဲပဖးဘၣ် နီၢ်မၤရံမၤကဒါလ့ၣ် ဟ့ၣ်လီၤအသးလၢ ကစၢ်ယ့ၣ်ရှူးအဂီၢ်, ဖဲခရံၥ်ဂဲၤဆၢထၢၣ်သမူထီၣ်က့ၤ အမုၢ်တနံၤဂီၤဂီၢ်, "လၢမုၢ်နွံနံၤအကျါ, မုၢ်ခီၣ်ထံးတနံၤဂီၤဂီၤ, တၢ်ခံးဒံးန့ၣ်, ၦၤမၤကဒါလ့ၣ်ဖိနီၢ်မၤရံ လဲၤဆူတၢ်သွၣ်ခိၣ်" (ယိၤ ၂၀:၁) အဂ့ၢ်န့ၣ်ဒီး, ပနၢ်ပၢၢ်အါထီၣ် ၦၤမၤကဒါလ့ၣ်ဖိ နီၢ်မၤရံ အတၢ်စူၢ်တၢ်နၥ်န့ၣ်လီၤ. တၢ်ဂ့ၢ်လၢခံတမံၤန့ၣ် ၦၤမၤကဒါလ့ၣ်ဖိနီၢ်မၤရံ ထံၣ်ဝဲဒၣ် "လၢၢ်အိၣ်လၢတၢ်သွၣ်ခိၣ်အပူၤန့ၣ် တလ့ၣ်ကွံၥ်အသး" အဃိ, အသးတူၢ်ဘၣ်ခီၣ်ဘၣ်ဝဲ တၢ်သးသဘံၣ်ဘုၣ်, တၢ်နးတၢ်ဖှီၣ်, ဒီးတၢ်သူၣ်အုးသးအုးန့ၣ် ပသးကလၢၢ်ဘၣ်စ့ၢ်ကီးန့ၣ်လီၤ. လၢခံအကတၢၢ်တမံၤန့ၣ်…

တၢ်အိၣ်မူလၢတၢ်ကီၤသူၣ်ကီၤသးအပူၤ
Tom Cruise ဒုးအိၣ်ထီၣ် အတၢ်အိၣ်မူလၢ တၢ်ဂီၤမူအတၢ်ဖံးတၢ်မၤ ခီဖျိလၢအတၢ်နံၤကမှံ, ဒီးတၢ်ဂဲၤဒိလၢအလီၤပျံၤလီၤဖုး, ဒီးအတလီၤနၥ်ဘၣ်တဖၣ်န့ၣ်လီၤ. လၢအတၢ်ဂီၤမူ Mission: Impossible, နွံခါတခါအပူၤန့ၣ် ဂဲၤဒိဝဲဒၣ်လီၤလီၤဆီဆီ, ဒီးဒုးနဲၣ်ဝဲဒၣ်လၢ Cruise ဒိးလ့ၣ်မ့ၣ်ပီၤ ဒီးဖုစံၣ်လီၤဝဲလၢ လ့ဖးထီအဖီခိၣ်, ဒီးစူးကါဝဲဒၣ် ကလံၤသဒၢမုၢ်ဆူတၢ်ပူၤဖျဲးအလီၢ်န့ၣ်လီၤ.
လၢ Mission: Impossible တၢ်ဂီၤမူအဂၤတဖၣ်အပူၤန့ၣ်, Cruise ထိၣ်လီၤစဲၤ အသးလၢကဘီယူၤအချၢ, ကီၤဃးအတၢ်သါထီၣ်သါလီၤ လၢထံဖီလၥ် အါန့ၢ်ဃုမံးနံး, ဒီးဖုစံၣ်လီၤဝဲလၢ တၢ်လီၢ်ဖးထီတဖၣ်န့ၣ်လီၤ. ပမ့ၢ်စံးလၢ အဝဲမ့ၢ်ပှၤလၢအသးဆူၣ်သးဂဲၤဂီၤဒိၣ်မးတဂၤ သ့ဝဲဒၣ်န့ၣ်လီၤ.ဘၣ်ဆၣ်, ဒ်သိးကဂဲၤဒိဒုးနဲၣ်ဝဲတၢ်ဂီၤမူအဂ့ၤကတၢၢ်တဖၣ် အဂီၢ်, Cruise ဟ့ၣ်လီၤအသးန့ၣ် မ့ၢ်တၢ်လၢအလီၤပတြၢၤအီၤနီၢ်နီၢ်န့ၣ်လီၤ.
လံာ် ၁ ကရံၣ်သူး ၉ အပူၤန့ၣ် စီၤပီလူး ပာ်ဖျါထီၣ်ဝဲ ပှၤဃ့ၢ်သတြီၤတၢ်တဖၣ် ဒ်သိးကမၤလိန့ၢ်တၢ်အဂီၢ်, ဘၣ်ဟ့ၣ်လီၤအသးလၢၥ်သူၣ်လၢာ်သးအဂ့ၢ်န့ၣ်လီၤ. စီၤပီလူး ပတြၢၤအဝဲသ့ၣ်တဖၣ် အတၢ်အိၣ်မူ ကီၤသူၣ်ကီၤသးအဂ့ၢ်, ဒီးစံးဝဲဒၣ်လၢ "ဒီးကယဲၢ်ၦၤလၢ အဂုၥ်မၤသတြီၤတၢ်တဖၣ်န့ၣ်, ကီၤဒၣ်အသးလၢတၢ်ခဲလၢၥ်" (:၂၄) န့ၣ်လီၤ.…


တၢ်ဆၢကတီၢ်, ဒီးတၢ်ဂဲၤလိၥ်တဖၣ်
တၢ်သ့စီလီခီတဖၣ်လၢစု, ဒီးလီၤတဲၥ်သ့ၣ်ဖးဝဲတလီၢ်လီၢ်န့ၣ် ကၠိၣ်စဖ့(န) ခီး(ခ)ရဲ(န) (Josephine Cochrane) (၁၈၃၉-၁၉၁၃) အသးဟးဂီၤဝဲအဃိ, ပာ်လီၤအသးလၢကတ့ဒုးအိၣ်ထီၣ် ကဟၣ်လၢအသ့စီလီခီန့ၣ်လီၤ. ဖဲအစးထီၣ်တ့ ကဟၣ်အက့ၢ်ဂီၤဒိဝံၤ တယံၥ်ဘၣ်, အဝၤသံ, ဒီးပာ်တ့ၢ်အီၤဒီးအဒ့ၣ်ကမၢ်တဖၣ်န့ၣ်လီၤ. တၢ်အိၣ်အသးအကီအခဲတဖၣ်အံၤ ထိၣ်ဟူးထိၣ်ဂဲၤအီၤ, ဒ်သိးကမၤဝံၤဝဲ အတၢ်ပညိၣ်န့ၣ်လီၤ. ဒီးဖဲ ၁၈၈၆ နံၣ်န့ၣ် အဝဲတ့ဒုးအိၣ်ထီၣ် ကဟၣ်သ့စီလီခီအဆိကတၢၢ်, လၢအဘၣ်စူးကါအီၤလၢစု, ခီဖျိလၢၦၤဘှီစဲးဖီကဟၣ်တဂၤအတၢ်မၤစၢၤန့ၣ်လီၤ. လၢထံကီၢ်ပဒိၣ်အအိၣ်စ့ၢ်ကီး, ဒိးန့ၢ်ဝဲခွဲးယၥ်လၢ ကတ့ဆါထဲတဂၤဧိၤအဂီၢ်န့ၣ်လီၤ. အခီၣ်ထံးန့ၣ် တဆါဘၣ် ကဟၣ်သ့စီလီခီတဖၣ်န့ၣ်ဘၣ်. ဘၣ်ဆၣ်, သမှံၤဟံၣ်ဒွဲ, ဒီးတၢ်အီၣ်အကျးတဖၣ် စးထီၣ်ပှ့ၤဝဲဒၣ် ကဟၣ်သ့စီလီခီတဖၣ်န့ၣ်လီၤ. စးထီၣ်လၢ ၁၉၅၀ နံၣ်အဘျဲၣ်တဖၣ်အကတီၢ်န့ၣ်မး, ပှၤအါဂၤဘၣ်သူၣ်ဘၣ်သး ကဟၣ်သ့စီလီခီတဖၣ်, ဒီးစူးကါဝဲလၢဟံၣ်ဃီတဖၣ်န့ၣ်လီၤ.
ဘၣ်တဘျီဘျီန့ၣ် ဒ်သိးတၢ်တိၥ်ကျဲၤသ့ၣ်တဖၣ် ကကဲထီၣ်လိၣ်ထီၣ်ဝဲအဂီၢ်န့ၣ် ပကဘၣ်ဟ့ၣ် တၢ်ဆၢကတီၢ်, ဒီးပကဘၣ်ဂုာ်ကျဲးစၢးမၤသပှၢ်ပှၢ်န့ၣ်လီၤ. ဘၣ်တဘျီဘျီ, ကစၢ်ယွၤအတၢ်အၢၣ်လီၤတဖၣ်စ့ၢ်ကီး, မၤအသးဒ်သိးအံၤန့ၣ်လီၤ. ကစၢ်ယွၤ အၢၣ်လီၤအီလီၤတ့ၢ်ဝဲ စီၤအၤဘြၤဟၣ်ဒီးအစၢၤအသွဲၣ်တဖၣ် ကကဲထီၣ် ၦၤတကလုၥ်ဖးဒိၣ်ဘၣ်ဆၣ်, စီၤအၤဘြၤဟၣ်, စီၤအံၤစဲးဒီး, စီၤယၤကိၥ်…
ထူးထီၣ်တီၤထီၣ်လၢ တၢ်မၤဂ့ၤတဖၣ်
လၢကီၢ်အဲကလံး (England), Herefordshire ကီၢ်ရ့ၣ်အပူၤန့ၣ် Ross-on-Wye မ့ၢ်ဝ့ၢ်လၢအအိၣ်ဒီးန့ဆၢၣ်တၢ်ကွၢ်ကီအလီၢ်အကျဲ, လၢအဃံလၤဒိၣ်မးတဖျၢၣ်န့ၣ်လီၤ. တၢ်ဘါသရိၥ်အပျိၢ်ခိၣ်စိၣ်လၢအထီ, ဒီးတၢ်ဆါတၢ်ပှ့ၤအဟံၣ်လီၢ်လံၤတဖၣ်, ဖီကရၢၢ်လၢကစၢၢ်အတၢ်လူၢ်ဒီခိၣ်တဖၣ်န့ၣ် မ့ၢ်န့ဆၢၣ်အလီၢ်ဃံလၤလီၤလီၤဆီဆီလၢ Wye ထံကျိ နံၤန့ၣ်လီၤ. နမ့ၢ်ဟးဝ့ၤဝီၤလၢ ရိး(စ)(Ross) ဝ့ၢ်အကျဲတဖၣ်န့ၣ် နကထံၣ်ဘၣ် ပှၤကညီအမံၤ, ကၠီ(န) ခါ(ရ) (John Kyrle) န့ၣ်လီၤ.
ဖဲ ၁၆၃၇ နံၣ်န့ၣ် ကၠီ(န) အိၣ်ဖျဲၣ်ထီၣ်ဝဲဒၣ် ပှၤထူးပှၤတီၤအဒူၣ်ဖိထၢဖိ, ဒီးစူးကါ ဝဲဒၣ် အတၢ်န့ၢ်သါတဖၣ် လၢတၢ်မၤဂ့ၤတၢ်တဖၣ်အဂီၢ်န့ၣ်လီၤ. လၢအၦၤတဝၢဖိအဂီၢ်န့ၣ် တ့သူၣ်ထီၣ်ဝဲ ဖီကရၢၢ်လၢကစၢၢ်အတၢ်လူၢ်ဒီခိၣ်န့ၣ် တမ့ၢ်လၢအနီၢ်ကစၢ်ဒၣ်ဝဲအဂီၢ်ဘၣ်. ဒီးအတၢ်မၤန့ၣ် တမ့ၢ်ပှၤညီနုၢ်မၤအီၤ ဖဲစိၤဆၢကတီၢ်အံၤန့ၣ်ဘၣ်. ပှၤကမျၢၢ်ကဟးကသုၣ်ကသီအသးအဂီၢ်, ဒါလီၤဝဲဒၣ် ကျဲလၢအလဲၤသဃဲၤလိာ်သးဒီးထံကျိ, ဆှၢတီၣ်ထီၣ် ထံကျိအထံဆူဝ့ၢ်ပူၤ, ဟ့ၣ်မၤစၢၤကျိၣ်စ့ဆူ ကၠိတဖၣ်, ရဲၣ်ကျဲၤန့ၢ်ဝဲ ပှၤလၢအတၢ်ဖံးတၢ်မၤတအိၣ်သ့ၣ်တဖၣ် ဒ်သိးကမၤလိသ့အသး, ဒီးကဒိးန့ၢ်တၢ်ဖံံးတၢ်မၤအဂီၢ်, ၦၤဖှီၣ်ဖိယာ်ဖိတဖၣ်န့ၣ် တူၢ်လိၥ်ဝဲလၢအဟံၣ်, ဒီးနီၤလီၤဝဲကိၣ်လၢ တၢ်ဆါတၢ်ပှ့ၤအဟံၣ်တဖၣ်န့ၣ်လီၤ.
ဒ်ယဘူၣ်သကိးဘါသကိးယွၤ အါနံၣ်အါလါ လၢ ရိး(စ)…
