ဖဲအပူၤကွံာ်တယံာ်ဒံးဘၣ်န့ၣ် ယလဲၤဆူ ဝ့ၢ်လီး(စ)အဲ(န)ကၠဲလံး(စ) (Los Angeles), ဒီးယဘၣ်ဒိးလဲသိလ့ၣ်တခိၣ်န့ၣ်လီၤ. တယံာ်ဘၣ်, ယဘၣ်လဲၤနီၣ်သိလ့ၣ် လၢဝ့ၢ်ခၢၣ်သးအကျဲ အံၣ်အံၣ်ဖိတဖၣ်အလိၤ, အိၣ်ပှဲၤဝဲဒီးပှၤကညီ, ဒီးသိလ့ၣ်တဖၣ်န့ၣ်လီၤ. ယသ့ၣ်ညါ ယနီၢ်သိလ့ၣ်န့ၣ် လၢတၢ်သူၣ်ပလီၢ်သးဖးဒိၣ်အပူၤ, ဒီးယနီၣ်ကယီယီ, ဃၢန့ၢ်ဒံး ညီနုၢ်ယနီၣ်သိလ့ၣ်န့ၣ်လီၤ. ဘၣ်မနုၤအဃိလဲၣ်. မ့ၢ်လၢယတအဲၣ်ဒိး ဒုးကဲထီၣ်တၢ်ဘၣ်ဒိဘၣ်ထံးအဃိန့ၣ်လီၤ. နီၢ်နီၢ်န့ၣ်, သိလ့ၣ်လၢယဒိးလဲအီၤတခိၣ်န့ၣ် ယတအဲၣ်ဒိးမၤဘၣ်ဒိဘၣ်ထံး, မၤဟးဂီၤအီၤဘၣ်န့ၣ်လီၤ. သိလ့ၣ်တခိၣ်အံၤ, မ့ၢ်သိလ့ၣ်လၢ ယဒိးလဲအီၤ, ဒီးတမ့ၢ်ယသိလ့ၣ်ဘၣ်န့ၣ်လီၤ.

အါတက့ၢ်န့ၣ်, လၢပှၤဒိးလဲတၢ်ဖိတဖၣ်အလီၢ်န့ၣ် ပအဲၣ်ဒိးကဲထီၣ် သိလ့ၣ် အကစၢ်တဖၣ်န့ၣ်လီၤ. ဘၣ်ဆၣ်, ဖဲယနီၢ်သိလ့ၣ်အကတီၢ်, ယမ့ၢ်တဆိကမိၣ်, ဒီးယအိၣ်ယဲတသ့န့ၣ် တၢ်ဒိးလဲသိလ့ၣ်အံၤ ပာ်ဖျါထီၣ် တၢ်အကါဒိၣ်တမံၤ, လၢအမ့ၢ် ယတၢ်ရ့လိာ်ဘၣ်ထွဲလိာ်သးဒီး ကစၢ်ယွၤအဂ့ၢ်န့ၣ်လီၤ.

လံာ်စီဆှံသိၣ်လိပှၤလၢ ယနီၢ်ခိက့ၢ်ဂီၤဒၣ်လဲာ်, ယဆိကမိၣ်လၢ ကမ့ၢ်ဝဲဒၣ်ပတၢ်န့ၣ် တဘၣ်ဃးဒီးပှၤဘၣ်. တၢ်စံးကတိၤလိာ်သး တၢ်မၤကမၣ်ကမၣ်ခွါ, အတၢ်ဒဲးဘး အဂ့ၢ်ဒိၣ်ဒိၣ်မုၢ်မုၢ် လၢ ၁ကရံၣ်သူး ၆ အပူၤန့ၣ် စီၤပီလူး မၤကတၢၢ်ဝဲဒၣ်လၢ, “သုနီၢ်ခိမ့ၢ် တၢ်လုၢ်အဟံၣ်ဘၣ်ဃးဒီး သးစီဆှံ, အိၣ်လၢသုပူၤ, လၢသုန့ၢ်လၢယွၤ, ဒီးသုတမ့ၢ်ဘၣ် သုတၢ်ဒၣ်သုဝဲဘၣ်န့ၣ်, မ့ၢ်သုတသ့ၣ်ညါဘၣ်ဧါ. အဂ့ၢ်ဒ်အံၤ, တၢ်ပှ့ၤက့ၤသုလၢအပှ့ၤလီၤ. မၤသးဒ်န့ၣ်ဒီး မၤလၤကပီၤယွၤလၢ သုနီၢ်ခိနီၢ်ကစၢ်တက့ၢ်”(:၁၉-၂၀) န့ၣ်လီၤ.

ယနီၢ်ခိက့ၢ်ဂီၤ, တမ့ၢ်ယတၢ်ဒၣ်ယဲဘၣ်န့ၣ် ယကနၢ်ပၢၢ်အီၤ လၢာ်လၢာ်ဆ့ဆ့အဂီၢ်, ကီဝဲခဲဝဲန့ၣ် ယအၢၣ်လီၤတူၢ်လိာ်ယဲန့ၣ်လီၤ. ဘၣ်ဆၣ်, ကစၢ်ယွၤအဲၣ်ဒိးဝဲလၢ ပကမၤလၤကပီၤအီၤ, ခီဖျိလၢပနီၢ်ခိန့ၣ်လီၤ. ပကဘၣ်ကွၢ်ထဲကဟုကယာ် ပနီၢ်ခိက့ၢ်ဂီၤန့ၣ်လီၤ. ပမ့ၢ်သ့ၣ်ညါနၢ်ပၢၢ်လီၤပသးလၢ ပမ့ၢ်ဒၣ် ပှၤကွၢ်ထွဲသုကျဲၤတၢ်ဖိတဖၣ် – ဒိးလဲအသးလၢ ကစၢ်ယွၤအဂီၢ်န့ၣ်ဒီး, နီၢ်ခိက့ၢ်ဂီၤလၢ ကစၢ်ယွၤ ဟ့ၣ်လီၤပှၤန့ၣ် ပကစူးကါအီၤလၢ တၢ်မၤလၤကပီၤယွၤ, ဒီးပကမၤ ကစၢ်လၢ အနီၢ်ခိဘၣ်လီၤကလဲ, ဒီးအသွံၣ်စီဆှံ, လၢအအုၣ်က့ၤခီၣ်က့ၤပှၤတဂၤအဂီၢ်, သ့ဝဲဒၣ်န့ၣ်လီၤ. –