လၢယမ့ၢ်ဖိသၣ်အကတီၢ်, ယဟဲက့ၤစိာ် ကၠိအလံာ်အုၣ်သး လၢအပာ်ဖျါယတၢ်မၤလိအဂ့ၢ်အပူၤန့ၣ် အိၣ်ဝဲဒၣ်ထဲ အဲး(စ) (S’s) တဖၣ်, လံာ်မဲာ်ဖျၢၣ်အဖုၣ် လၢအမ့ၢ် တၢ်လၢ အလီၤသးမံ (Satisfactory) န့ၣ်လီၤ. ယဝဲၢ်မုၣ်လၢ အသးၦၢ်န့ၢ်ယၤ ယဲၢ်နံၣ်တဂၤန့ၣ် ဒိးန့ၢ်ဝဲဒၣ် အ့ၣ် (A’s), ဒီးဘံၣ် (B’s) တဖၣ် ဃါဃုာ်လိာ်အသးန့ၣ်လီၤ. ယဆိကမိၣ်လၢ ကၠိအလံာ်အုၣ်သးခံဘ့ၣ်န့ၣ် ဒုးနဲၣ်ဖျါဝဲဒၣ် ယမ့ၢ်ၦၤဖျိးစိအါန့ၢ်ဒံး ယဝဲၢ်မုၣ်န့ၣ်လီၤ. အဂ့ၢ်ဒ်အံၤ, ယဆိကမိၣ်လၢ ယမၤန့ၢ် အဲး(စ) တဖၣ်န့ၣ် ဒ်သိးလိာ်အသးဒီး အ့ၣ် (A’s) ခဲလၢာ်အဃိန့ၣ်လီၤ. ယဝဲၢ်ပိာ်ခွါန့ၣ် မၢပမၤ တၢ်မၤကွၢ် (test), ဒီးလဲၤဝဲဒၣ်ဆူ ပမိၢ်ပပၢ်
ပာ်ဝဲဒၣ်အလံာ်စိၤပိာ်ခိၣ်, ဒီးထုးထီၣ်ဝဲလံာ်တဘ့ၣ်န့ၣ်လီၤ. ယဝဲၢ်ခွါ မၢယဖး လံာ်တဆၢ န့ၣ်ဒီး, မ့ၢ်လၢယသ့ၣ်ညါနီၣ်ဒၣ်ထဲ လံာ်မဲာ်ဖျၢၣ်တနီၤအဃိ, ကဲထီၣ်တၢ်ကီတၢ်ခဲလၢယဂီၢ်န့ၣ်လီၤ. မ့မ့ၢ်ယဝဲၢ်မုၣ်န့ၣ် ဖးဝဲဒၣ် လံာ်တဆၢအံၤ ဘျ့ဘျ့ဆှီဆှီန့ၣ်လီၤ. ယဝဲၢ်ခွါတဲဖျါထီၣ်ဝဲဒၣ်လၢ ယဝဲၢ်ပိာ်မုၣ် မ့ၢ်ၦၤလၢအဖျိးစိကတၢၢ်န့ၣ်လီၤ.

ယမၤလိန့ၢ်ယဲဒၣ်လၢ ယဝဲၢ်ခွါ အတၢ်မၤကွၢ်န့ၣ် အိၣ်ဒီးတၢ်ကူၣ်သ့န့ၣ်လီၤ. ၦၤအံၣ်စရ့လးဖိတဖၣ် မၤလိန့ၢ်တၢ်လၢ စီၤပၤၡလိၤမိၤ အတၢ်ကူၣ်သ့န့ၣ်လီၤ. ၦၤပိာ်မုၣ် ခံဂၤန့ၣ် အိၣ်ဖျဲၣ်ထီၣ်အဖိတဂၤစုာ်စုာ်န့ၣ်လီၤ. လၢတၢ်တပာ်သူၣ်ပာ်သးအပူၤန့ၣ် မိၢ်တဂၤ “ကျံၤသံဘၣ်” အဖိအဃိ, (၁စီၤပၤ ၃:၁၉) အဖိသံဝဲဒၣ်န့ၣ်လီၤ. ဖဲန့ၣ်, မိၢ်တဂၤအံၤ, ဂုာ်ကျဲးစၢးစံးဝဲဒၣ် ဖိသၣ်လၢအအိၣ်မူတ့ၢ်ဝဲတဂၤန့ၣ် မ့ၢ်ဝဲဒၣ်အဖိန့ၣ်လီၤ. ပိာ်မုၣ်ခံဂၤ လဲၤတုၤဆူ စီၤပၤၡလိၤမိၤအအိၣ်, ဒ်သိးကသံကွၢ်ဝဲဒၣ် မ့ၢ်မတၤအဖိဆံးနီၢ်နီၢ်လဲၣ်န့ၣ်လီၤ. ဖဲ စီၤပၤရှလိၤမိၤ နၢ်ဟူဝဲတၢ်ဂ့ၢ်အံၤန့ၣ်ဒီး, စံးဝဲဒၣ်, “ဖှဲးသ့ၣ်ဖး ဖိသၣ်လၢအမူန့ၣ်ခံခီ, ဒီးဟ့ၣ်လီၤအီၤတဂၤတခီတဂၤတခီတက့ၢ်” (:၂၅) န့ၣ်လီၤ.

စီၤပၤဟ့ၣ်လီၤအကလုၢ်ဒ်သိးအံၤန့ၣ် ပိာ်မုၣ်လၢအတမ့ၢ်ဖိသၣ်အမိၢ်တဂၤ တူၢ်လိာ်ဝဲဘၣ်ဆၣ်, မ့မ့ၢ်မိၢ်အမ့ၢ်အတီန့ၣ် စံးဝဲလၢ “ယကစၢ်ဧၢႇ ဟ့ၣ်လီၤအီၤလၢဖိသၣ်လၢအမူဝဲ, ဒီးမၤသံအီၤလ့ၤတက့ၤတဂ့ၤ” (:၆) န့ၣ်လီၤ. ဖဲအဝဲ ကတိၤတၢ်ဒ်သိးဖိသၣ်ကမူဝဲအဂီၢ်န့ၣ်, စီၤပၤၡလိၤမိၤ စံၣ်ညီၣ်ဝဲလၢ ပိာ်မုၣ်အံၤ မ့ၢ်ဖိသၣ်အမိၢ်, ဒီးမၢၦၤဟ့ၣ်လီၤ ဖိသၣ်ဆူအအိၣ် (:၂၇) န့ၣ်လီၤ. စီၤၡလိၤမိၤ အတၢ်ကူၣ်သ့လၢ ယွၤဟ့ၣ်အီၤန့ၣ် အိၣ်ဖျါဝဲ ဖျိဖျိဖျါဖျါန့ၣ်လီၤ.

ဒ်ကစၢ်ယွၤမၤစၢၤၦၤအသိးႇ တၢ်ကူၣ်သ့အမ့ၢ်အတီ အိၣ်ဟဲလၢယွၤ (ကတိၤ ၂:၆) န့ၣ် ပဒုးနဲၣ်ပှၤဂုၤပှၤဂၤသ့, ခီဖျိလၢပတၢ်ဖံးတၢ်မၤတဖၣ်အပူၤစ့ၢ်ကီးန့ၣ်လီၤ.