ဖဲတၢ်စံးဘျုးစံးဖှိၣ်အမုၢ်နံၤတဘျီန့ၣ်, ဒ်သိးယကဆၢဂ့ၤဆၢဝါယမိၢ်ယပၢ်တဖၣ်အဂီၢ်, ယကိးလီတဲစိဆူယဟံၣ်န့ၣ်လီၤ. ဖဲပစံးကတိၤသကိးတၢ်အကတီၢ်, ယသံကွၢ်ယမိၢ်, တၢ်လၢအသးအိၣ်စံးဘျုးယွၤအဒိၣ်ကတၢၢ်န့ၣ် ကမ့ၢ်တၢ်မနုၤလဲၣ်န့ၣ်လီၤ. လၢတၢ်သူၣ်ဆူၣ်သးဂဲၤအပူၤန့ၣ် ယမိၢ်စံးဝဲဒၣ် တၢ်လၢအသးအိၣ်စံးဘျုးယွၤအဒိၣ် ကတၢၢ်န့ၣ် မ့ၢ်ဝဲဒၣ် “ယဖိသၢဂၤလိာ် မ့ၢ်လၢအသ့ၣ်ညါ ကစၢ်ယွၤအဃိ” န့ၣ်လီၤ. ထီဘိန့ၣ်, ယမိၢ်ပာ်ဒိၣ်ပာ်ကဲ တၢ်ကူၣ်ဘၣ်ကူၣ်သ့ ဒ်တၢ်အကါဒိၣ်တမံၤ, ဒီး တၢ်လၢအလုၢ်ဒိၣ်ပှ့ၤဒိၣ်န့ၢ်ဒံး အဖိတဖၣ် အတၢ်ကူၣ်ဘၣ်ကူၣ်သ့အတၢ်လဲၤထီၣ်လဲၤထီ, ဒီးတၢ်အံးထွဲကွၢ်ထွဲလီၤက့ၤအသးန့ၣ် လၢအဂီၢ်တၢ်အိၣ်ဝဲတမံၤန့ၣ်လီၤ.

ယမိၢ် အတၢ်ပာ်သူၣ်ပာ်သးအံၤ ဒုးသ့ၣ်နီၣ်ထီၣ်က့ၤယၤလၢ ကတိၤ ၂၂:၆ အတၢ်ပာ်ဖျါ “ဆှၢဖိဒံဖိသၣ်လၢအကျဲဧိၤကပူၤဧိၤန့ၣ်တက့ၢ်. ဒီးတုၤအသးပှၢ်ဒီး, တဟးဖးဒီးအီၤဘၣ်” န့ၣ်လီၤ. လံာ်စီဆှံတတီၤအံၤ, တမ့ၢ် တၢ်အၢၣ်လီၤအီလီၤတထံၣ်ဘၣ်ဆၣ်, ကမ့ၢ်ဝဲဒၣ်အါန့ၢ်ဒံး တၢ်ကူၣ်သ့အထူသနူတမံၤန့ၣ်လီၤ. ဖိသၣ်တဖၣ် လၢအတၢ်အိၣ်မူအပူၤ, အစှၤကတၢၢ်တဘျီန့ၣ် လဲၤကပာ်ဝဲဒၣ် ကစၢ်ယွၤဘၣ်ဆၣ်, လၢတၢ်ဆီၣ်လီၤသးအပူၤ, ပကအဲၣ်ယွၤပျံၤယွၤ (:၄) အဂီၢ်, လီၤဆီဒၣ်တၢ် ခီဖျိလၢ တၢ်အိၣ်မူဟ့ၣ်ဒိဂ့ၤတဲာ်ဘၣ်အပူၤန့ၣ် ယမိၢ်ဒီးယပၢ် ဂုာ်ကျဲးစၢးလုၢ်ဒိၣ်ထီၣ်ပှၤန့ၣ်လီၤ. ခဲကနံၣ်အံၤ, မ့ၢ်လၢယွၤအတၢ်အဲၣ်အတၢ်ဆိၣ်ဂ့ၤအဃိ, ယမိၢ်ဒီးယပၢ် ထံၣ်ဘၣ် ပဒီပုၢ်ဝဲၢ်တဖၣ် ဒိၣ်ထီၣ်, ဒီးပဘၣ်ဘျုးဘၣ်ဖှိၣ်ဘၣ်ဆိၣ်ဂ့ၤ ခီဖျိပတၢ်ရ့လိာ်ဘၣ်ထွဲလိာ်သးဒီးကစၢ်ယွၤန့ၣ်လီၤ. အဆၢဖိ ၂ ပာ်ဖျါဝဲ, ကစၢ်ယွၤ မ့ၢ် “ပှၤတ့လီၤတၢ်ခဲလၢာ်” တဂၤန့ၣ်လီၤ. ဖိသၣ်တနီၤနီၤန့ၣ် ကစံးဆၢမၤဆၢဝဲဒၣ် တၢ်အဲၣ်အတၢ်သိၣ်လိသီလိတၢ်လၢကစၢ်ခရံာ်အပူၤ, ဒီးမ့မ့ၢ်ဖိသၣ်တနီၤနီၤ ကနၢ်ဟူဘၣ် ကစၢ်ယ့ၣ်ရှူးအကလုၢ်အဂီၢ်, တၢ်ဆၢကတီၢ်ကယံာ်ဝဲဒၣ်သ့ၣ်သ့ၣ်န့ၣ်လီၤ. ဖိသၣ်လုၢ်ဒိၣ်ပှ့ၤဒိၣ်တဖၣ်အဂီၢ်န့ၣ်, အလီၢ်အိၣ်လၢ ပကဃ့ထုကဖၣ်တၢ်ဆူညါ, ဒီးပကပာ်လီၤလၢ ကစၢ်ယွၤအစုပူၤန့ၣ်လီၤ.

ယမိၢ်အတၢ်စံးဘျုးစံးဖှိၣ်ကစၢ်ယွၤ လၢတၢ်ဆီၣ်လီၤသးန့ၣ် ဒုးနဲၣ်ပာ်ဖျါဝဲတၢ်အကါဒိၣ်ကတၢၢ်တမံၤ လၢပတၢ်အိၣ်မူအပူၤန့ၣ်လီၤ. တၢ်ပာ်ဒိၣ်ယွၤ, ဒီးတၢ်အဲၣ်ယွၤပျံၤယွၤန့ၣ် ကဒုးအိၣ်ထီၣ် သူၣ်ဂ့ၢ်သးကျိၤအတၢ်ထူးတၢ်တီၤလၢ ခ့ခါပတၢ်အိၣ်မူ, ဃုာ်ဒီးတၢ်အိၣ်မူလၢခံတပတီၢ် (:၄) အဂီၢ်န့ၣ်လီၤ. လၢတၢ်အိၣ်မူအပူၤ, ဖိသၣ်သ့ၣ်တဖၣ် ကဃုထၢမၤတၢ်တဖၣ်န့ၣ် ပဟံးဃာ်ပၢဆှၢအီၤတန့ၢ်တသ့ဘၣ်ဆၣ်, ဒ်သိးကစၢ်ယွၤကမၤတၢ်ဆူညါကွ့ၢ်ကွ့ၢ်, လၢဖိသၣ်သ့ၣ်တဖၣ်အသးကံၢ်ပူၤအဂီၢ်န့ၣ် ပနာ်သန့ၤလီၤ ပသးလၢ ကစၢ်ယွၤသ့ဝဲဒၣ်န့ၣ်လီၤ.