တၢ်မၤဃုကွၢ်ထံ တၢ်ဆူးတၢ်ဆါတမံၤဘၣ်တမံၤန့ၣ် အိၣ်ပှဲၤလၢ ဘဲး (Bev) တၢ်မၤအတၢ်ရဲၣ်တၢ်ကျဲၤအပူၤအဃိ, အ၀ဲသူၣ်ကိၢ်သးဂီၤ, ဒီးအသးလီၤဘှါဝဲဒၣ်န့ၣ်လီၤ. ကသံၣ်သရၣ်တဖၣ် စံးဘၣ်အီၤလၢ အဝဲသ့ၣ်လူၤကွၢ်ဃု ခဲစၢၣ်တၢ်ဆါလၢအနီၢ်ကစၢ် အပူၤအဃိ အသူၣ်ကနိးအသးကနိးဝဲဒၣ်န့ၣ်လီၤ. ကိးမုၢ်နံၤဒဲး ကစၢ်ယွၤအိၣ်တီအိၣ်လိၤ, ဟ့ၣ်ဂံၢ်ဟ့ၣ်ဘါအီၤ ဒီးအတၢ်အၢၣ်လီၤအီလီၤတဖၣ် လၢအကအိၣ်ဒီးအီၤ ဒီးကဟ့ၣ်အီၤတၢ်ဃူတၢ်ဖိး, ဖဲဃၣ်အသး ဆူယွၤအအိၣ် မ့ၢ်ဂ့ၤ ဖဲလၢအအိးထီၣ်ဖး လံာ်စီဆှံအကတီၢ်န့ၣ်လီၤ. အဝဲ ဘၣ်ဒုးတၢ်ဒီး တၢ်တလီၤတံၢ်လီၤဆဲးတဖၣ်, ဒီးမၤလိၤန့ၢ်ဝဲလၢ ကပာ်ထီၣ် “တၢ်မ့ၢ်ကဲထီၣ်အသးသ့ၣ်သ့ၣ်” တဖၣ်ဆူ ယွၤအဖံထံးခိၣ်န့ၣ်လီၤ. ဘၣ်မုၢ်တဂီၤ, တချုးလၢကဘၣ်တၢ်ကွဲးကါတၢ် အရ့ဒိၣ်ဝဲလၢအဂီၢ်န့ၣ် ဘဲး(Bev) ဖးဘၣ်ဝဲ “ကွၢ်ကွၢ် ယမၢလီၤကလူးတဂၤ လၢနမဲာ်ညါလၢ အကကွၢ်နၤလၢကျဲ” ဖဲလၢ ၂ မိၤရှ့ ၂၃ :၂၀, အပူၤန့ၣ် ဟဲနုာ်လီၤဆူအသးပူၤန့ၣ်လီၤ.
ကစၢ်ယွၤကတိၤလီၤ တၢ်ကတိၤတဖၣ်အံၤဆူ အပှၤကလုာ် ပှၤအံၣ်စရ့လးဖိတဖၣ် ခီဖျိလၢစီၤမိၤရှ့န့ၣ်လီၤ. ၂ မိၤ ၂၃:၁၄-၁၉ ပာ်ဖျါဝဲလၢ ကစၢ်ယွၤဟ့ၣ်လီၤတၢ်မၤလိာ်တဖၣ်လၢ ပှၤအံၣ်စရ့လးဖိတဖၣ် ကဘၣ်မၤပိာ်ထွဲ, ဒီးနဲၣ်ဆှၢ အဝဲသ့ၣ် ဆူကီၢ်တၢ်စံးပာ်န့ၣ်လီၤ. ဘၣ်ဆၣ် လၢတၢ်မၤလိာ်တဖၣ် အခၢၣ်သးအဆၢဖိ ၂၀ အပူၤန့ၣ်, ယွၤစံးဘၣ် အပှၤဂီၢ်မုၢ်လၢ “ယကမၢလီၤ ကလူးတဂၤလၢ နမဲာ်ညါလၢ အကကွၢ်နၤလၢကျဲ” န့ၣ်လီၤ. တၢ်ဂ့ၢ်အံၤန့ၣ်တမ့ၢ် ဘဲး(Bev) အတၢ်အိၣ်မူအတၢ်လဲၤခီဖျိ ဘၣ်ဆၣ်, သ့ၣ်နီၣ်ထီၣ်ဝဲလၢ လံာ်စီဆှံအပူၤတၢ်လီၢ်အဂၤစ့ၢ်ကီး ပာ်ဖျါထီၣ် ကလူးတဖၣ် အတၢ်အံးထွဲကွၢ်ထွဲတၢ်အဂ့ၢ်န့ၣ်လီၤ. စံး ၉၁:၁၁ စံးဝဲ, “မၤလိာ်အကလူးတဖၣ် လၢနဂ့ၢ်နကျိၤ, လၢအကအံးက့ၤကွၢ်က့ၤနၤလၢ နကျဲခဲလၢာ်အပူၤ” န့ၣ်လီၤ. ဧ့ၤဘြံၤ ၁:၁၄ စံးဘၣ်ပှၤလၢ ကစၢ်ယွၤမၢလီၤ ကလူးတဖၣ် ဒ် “သးလၢအမၤ တၢ်အခ့အပှၤအတၢ်မၤ” ဒ်သိးကမၤပှၤစူၢ်က့ၤနာ်က့ၤယ့ၣ်ရှူးတဖၣ်အတၢ်န့ၣ်လီၤ.
ပမ့ၢ်သ့ၣ်ညါကစၢ်ခရံာ်န့ၣ်ဒီး, ကစၢ်ခရံာ်ပာ်လီၤန့ၢ်ပှၤ ကလူးတဂၤ မ့တမ့ၢ် ကလူးတဖၣ် လၢပကပၤ ဒ်သိးကမၤတၢ်လၢပဂီၢ်န့ၣ်လီၤ.
