ယတံၤသကိးအမဲာ်ချံပာ်ဖျါ “တၢ်ပျံၤ”, တၢ်လၢယတူၢ်ဘၣ်ယဲလၢ ယသးပူၤန့ၣ်လီၤ. ပဝဲသးစၢ်ခံဂၤအံၤန့ၣ် မ့ၢ်လၢ ပတၢ်ဒိကနၣ်တၢ်စှၤဝဲအၢအၢသီသီအဃိ ပအိၣ်ဒၣ် တကူးတြူးလၢ တၢ်မၤလိအပှၤနဲၣ်တၢ်အမဲာ်ညါန့ၣ်လီၤ. အဝဲသိၣ်သီပှၤလၢ တၢ်အဲၣ်အပူၤဘၣ်ဆၣ်, သ့ၣ်ညါဝဲ ပပၢ်တဖၣ်ဂ့ၤဂ့ၤအဃိ, အတၢ်ကတိၤတဖၣ် ပာ်ဖျါထီၣ် ဆှဲဆှဲဖိလၢ ပပၢ်တဖၣ် မ့ၢ်သ့ၣ်ညါပဂ့ၢ်န့ၣ် အသးကဟးဂီၤဆံးဒိၣ်လဲၣ်န့ၣ်လီၤ. တထံၣ်ဃီန့ၣ်, ပတူၢ်ဘၣ် တၢ်ဝံဃၢလၢ အမ့ၢ်ပကဘၣ် ဟံးန့ၢ်မူဒါလၢ ပမၤကမၣ်တၢ်အဂီၢ်အဃိ, ပအဲၣ်ဒိးလဲၤနုာ်လီၤ အိၣ်ခူသူၣ်လၢ စီၢ်နီၤခိၣ်အဖီလာ်န့ၣ်လီၤ.
စဖါနယၤ ၁:၁, ၆-၇ အပူၤပာ်ဖျါဝဲ ကစၢ်ယွၤဟ့ၣ်လီၤ တၢ်ကစီၣ်လၢ အအိၣ်ပှဲၤဒီး တၢ်ကတိၤအဆူၣ်အကိၢ်တဖၣ်, ဘၣ်ထွဲဒီး အနီၢ်ကစၢ်ဒၣ်ဝဲ ကဘၣ်ဟံးန့ၢ်မူဒါလၢ အတၢ်ဒဲးအဂီၢ် ခီဖျိလၢ ဝံစဖါနယၤန့ၣ်လီၤ. အဆၢ ၂ ပာ်ဖျါ ကစၢ်ယွၤ ကစံၣ်ညီၣ်ယူဒၤအဒုၣ်အဒါတဖၣ်ဝံၤ အဆၢဒိၣ် ၃ အပူၤ စံးဘၣ်ပှၤလၢ ကစၢ်ယွၤ ဃၣ်က့ၤအမဲာ်ဆူ အပှၤဂီၢ်မုၢ်လၢ အိၣ်ဒီးတၢ်ဒဲးဘး လၢအိၣ်တသ့အိၣ်တဘၣ်တဖၣ် အလိၤန့ၣ်လီၤ. စဖါ ၃:၁ အပူၤ ကစၢ်ယွၤစံးကတိၤပာ်ဖျါထီၣ် “ဝ့ၢ်လၢအပူထီၣ်, ဒီးဘၣ်အၢ, ဒီးမၤအၢမၤသီတၢ်န့ၣ် ဘၣ်အဖှီၣ်လီၤ”န့ၣ်လီၤ. အဆၢဖိ ၇ အပူၤ ပကထံၣ်ဘၣ်စ့ၢ်ကီးလၢ “ဘၣ်ဆၣ် အဝဲသ့ၣ် ဂဲၤဆၢထၢၣ်ဂီၤဂီၤ, ဒီးမၤဘၢအၢ အမၤတၢ်ခဲလၢာ်လီၤ”န့ၣ်လီၤ.
ကစၢ်ယွၤထံၣ်ဘၣ် အပှၤဂီၢ်မုၢ်တဖၣ်အသးခုၣ်ကိၤ ခီဖျိလၢ နီၢ်သးတကပၤ တကနၣ်တၢ်နီတမံၤ တၢ်ရ့လိာ်ဘၣ်ထွဲလိာ်သးအပူၤ တၢ်တီတၢ်လိၤတအိၣ်, ဒီးတၢ်သူၣ်လီသးကွံ တၢ်အၢအၢသီသီအဃိ ဒီး သိၣ်ဃီၣ်အပှၤဂီၢ်မုၢ်လၢ တၢ်အဲၣ်တၢ်ကွံအပူၤန့ၣ်လီၤ. အဆၢဖိ ၃-၄ အပူၤ ပာ်ဖျါဝဲလၢ ပှၤတဂၤစုာ်စုာ် ကမ့ၢ်ဒၣ်ဝဲ “ခိၣ်နၢ်”ဂ့ၤ, “စံၣ်ညီၣ်ကွီၢ်” ဂ့ၤ “ဝံ”မ့ၢ်ဂ့ၤ ကယဲၢ်ပှၤခဲလၢာ် အိၣ်ဒီးတၢ်ဒဲးဘးလၢ ကစၢ်ယွၤအမဲာ်ညါန့ၣ်လီၤ.
ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ် လၢအိၣ်မူအိၣ်ဂဲၤဒံးဒၣ်လၢ တၢ်ဒဲးဘးအပူၤအဂီၢ်, ပှၤတၢ်မၢဖိ စီၤပီလူး ကွဲးပာ်ဖျါဝဲလၢ ရိမ့ၤ ၂:၅-၆ အပူၤ “နပာ်ဖှီၣ်တၢ်သးဒိၣ်လၢ နဂီၢ်ဒၣ်နဲ… အဝဲဒၣ် ကဟ့ၣ်တၢ်လၢပှၤ, ဒ်အတၢ်မၤတဖၣ် အသိးစုာ်စုာ်လီၤ”န့ၣ်လီၤ. လၢတၢ်န့ၣ်အဃိ, လၢကစၢ်ယ့ၣ်ရှူး အစိကမီၤအပူၤ, မ်ပကအိၣ်မူအိၣ်ဂဲၤ ကျိၤကျဲလၢ တၢ်မၤလၤကပီၤ ပၢ်လၢ အစီအဆှံ, ပာ်လၢအပှဲၤ ဒီးတၢ်အဲၣ်တဂၤ ဒ်သိးပသုတအိၣ်ဒီး တၢ်ပီၢ်ယၢ်လီၤက့ၤအဂီၢ်န့ၣ်တက့ၢ်.
