တၢ်ဖျါကဲထီၣ်သးတသ့ လၢအကဲထီၣ်အသး ဖဲ ဟၣ်ရံၣ်က့ကလံၤသဝံး လၢအသဟီၣ်ဆူၣ် လဲလိာ် မ့းစ့းစပံၣ်အထံကျိဖးဒိၣ် အတၢ်ယွၤလီၤကျဲ အခါန့ၣ်လီၤ. ဖဲ လါအီကူာ် ၂ဝ၂၁နံၣ်, ဟၣ်ရံၣ်က့ အဲးဒၣ် (Hurricane Ida) ဟဲဘၣ် လူၤစံၣ်ယၣ်နၣ် အပီၣ်လဲၣ်ကၢၢ်နံၤ အထံကၢၢ်ခိၣ် ဒီးတၢ်လၢအလီၤကမၢကမၣ်မ့ၢ်ဝဲ ထံအံၤကဲထီၣ် “negative flow” လၢအခီပညီမ့ၢ်ဝဲ “ထံယွၤခိၣ်ခံကဒါက့ၤ”ဆူအဖီခိၣ် လၢတဘျုးနၣ်ရံၣ်န့ၣ်လီၤ.

ပှၤသ့ပှၤဘၣ်စဲၣ်နီၤ တယာ်ဝဲလၢ တၢ်ကဝီၤအပူၤန့ၣ် ဟၣ်ရံၣ်က့ (hurricane) ကလံၤမုၢ် မၤလဲၢ်ထီၣ်အသဟီၣ်သ့ ထဲသိးဒီး နယူချံယါမ့ၢ်ပိၢ် တကလး န့ၣ်လီၤ. တၢ်အသဟီၣ်လီၤလးဖးဒိၣ် ဒ်သိးကလဲလိာ် ထံယွၤလီၤအံၤ ဒုးနၢ်ပၢၢ်ယၤ ၦၤအံၣ်စရ့လးဖိတဖၣ်အတၢ်စံးဆၢ ဘၣ်ဃးတၢ်လီၤလးဖးဒိၣ် “negative flow” လၢအမ့ၢ် “ထံယွၤလီၤခိၣ်ခံကဒါက့ၤ”လၢအကွဲးအသးလၢ ၂မိၤရှ့ အပူၤန့ၣ်လီၤ.

ဖဲပှၤအံၣ်စရ့လးဖိတဖၣ် ထွးထီၣ်ဃ့ၢ်လၢ ၦၤအဲၤကူပတူးဖိတဖၣ် အတၢ်မၢကဲကုၢ်အဝဲသ့ၣ်လၢ နံၣ်ကယၤတဖၣ်ကတီၢ်အခါ, ၦၤအံၣ်စရ့လးဖိတဖၣ် လဲၤတုၤဆူ ပီၣ်လဲၣ်ဂီၤအကနူၤန့ၣ်လီၤ. အဝဲသ့ၣ်အမဲာ်ညါ မ့ၢ်ထံမိၢ်ၦၢ်ဖးဒိၣ် ဒီးအလီၢ်ခံမ့ၢ်ဝဲ ၦၤအဲၤကူပတူးဖိသုးမုၢ် လၢအိၣ်ဒီးအစုကဝဲၤအဒိၣ်ဒီးဂံၢ်ဆူၣ်န့ၣ်လီၤ. လၢတၢ်အိၣ်သး လၢဖျါကဲထီၣ်သးတသ့အကတီၢ်န့ၣ်, ၂ မိၤရှ့ ၁၄:၂၁-၂၂ ပာ်ဖျါဝဲလၢ “ယွၤဒုးလဲၤကွံာ် ပီၣ်လဲၣ်လၢကလံၤဆူၣ်လၢ မုၢ်ထီၣ်တခီသီတနၤကျၢၤ, ဒီးဒုးကဲထီၣ်ပီၣ်လဲၣ်လၢခိ, ဒီးထံန့ၣ်လီၤဖးဝဲလီၤ. ဒီးၦၤအံၣ်စရ့လးဖိ လဲၤလီၤဆူပီၣ်လဲၣ်အသးကံၢ်ပူၤလၢခိ” ဘၣ်တၢ်အုၣ်က့ၤခီၣ်က့ၤအဝဲသ့ၣ် ခီဖျိတၢ်ပာ်ဖျါတၢ်စိကမီၤလီၤလးဒီး, ဖဲအဆၢဖိ ၃၁ ပာ်ဖျါဝဲလၢ “ၦၤဂီၢ်မုၢ် ပျံၤယွၤ”န့ၣ်လီၤ.

တၢ်ဟ့ၣ်ဆၢက့ၤလၢတၢ်ပျံၤ ဒီးယူးယီၣ်ပာ်ကဲမ့ၢ် န့ဆၢၣ်လုၢ်လၢ် ဖဲပလဲၤခီဖျိဘၣ် ယွၤအစိကမီၤဒိၣ်ဒိၣ်မုၢ်မုၢ်အခါန့ၣ်လီၤ. ဘၣ်ဆၣ် တကတၢၢ်ဖဲန့ၣ်ဘၣ်, ဖဲအဆၢဖိ ၃၁ ပာ်ဖျါဝဲ ၦၤအံၣ်စရ့လးဖိတဖၣ် “စူၢ်က့ၤနာ်က့ၤယွၤ” န့ၣ်လီၤ.

ပကွၢ်ဆၢၣ်မဲာ်လဲၤခီဖျိဘၣ်တ့ၢ်လံ ယွၤအစိကမီၤလၢ တၢ်ဘၣ်တ့အပူၤအသိး, ပဝဲစ့ၢ်ကီး ပဆၢထၢၣ်လၢတၢ်ပျံၤ ဒီးတၢ်ယူးယီၣ်ယွၤအစိကမီၤ ဒီးပာ်လီၤပတၢ်နာ်လၢအပူၤသ့ဝဲဒၣ်န့ၣ်လီၤ.