ၦၤတဂၤအိၣ်ဒီး အ့ထၢၣ်နဲးကျိာ်စ့ ဘ့းကွဲ(န) (Bitcoin) လၢ အလုၢ်အပှ့ၤအိၣ်ဒီး ဒီလၣ်အကကွဲၢ် ၄၀၀ ဘျဲၣ် ဘၣ်ဆၣ် သူဝဲ တန့ၢ်အဃိ ကဲထီၣ် တၢ်ကီတၢ်ခဲလၢအဂီၢ်န့ၣ်လီၤ. အဝဲသးပ့ၤနီၣ်ဝဲဒၣ် ကျိာ်တၢ်ကတိၤခူသူၣ်(password) လၢကနုာ်ဆူ စဲးဖီကဟၣ်လၢအကျိာ်စ့ ပာ်ဖှိၣ်အိၣ်တၢ်အပူၤအဃိန့ၣ်လီၤ. အဝဲဆှၢလီၤဝဲ ကျိာ်တၢ်ကတိၤခူသူၣ် တုၤအဘျီတဆံ မ့ၢ်တဘၣ်ဘၣ်ဒီး စဲးတဖျၢၣ်အံၤ အကစၢ်ဒၣ်ဝဲ ကမၤဟးဂီၤကွံာ် ကျိာ်စ့အဂ့ၢ်အကျိၤတဖၣ်ခဲလၢာ်အဃိ အစုလီၢ်ခီၣ်ခိၣ်တဖၣ် ကလီၤမၣ်ကွံာ်ဝဲတစိၤသးန့ၣ်လီၤ. အနံၣ်တဆံအတီၢ်ပူၤ တၢ်ကိၢ်တၢ်ဂီၤဘၣ်အီၤ ဒ်သိးကသ့ၣ်နီၣ်ထီၣ်က့ၤဝဲ ကျိာ်တၢ်ကတိၤခူသူၣ်အံၤ, ဒ်အမ့ၢ် တၢ်လၢပာ်ဖှိၣ်ဃာ်ဝဲဒီး တၢ်လၢ ကဆီတလဲအတၢ်အိၣ်မူအဂီၢ်န့ၣ်လီၤ. အဝဲဂုာ်ကျဲးစၢၤ မၤဝဲကျိာ်တၢ်ကတိၤခူသူၣ် ၈ ဘျီ ဝံၤလံ ဒီးအတၢ်ကမၣ်ဝဲ ကိးဘျီဒဲးန့ၣ်လီၤ. ဖဲ၂၀၂၁ နံၣ်န့ၣ် အဝဲကအုကစွါဝဲလၢ တချုးအကျိာ်စ့တဖၣ် ကလီၤမၢ် ဒ်မ့ၣ်အူလုၢ်အသိးဘၣ်န့ၣ် ကဘၣ်ကျဲးစၢၤ ဃုသ့ၣ်ညါ ကျိာ်တၢ်ကတိၤခူသူၣ်အဂီၢ် တၢ်ခွဲးတၢ်ယာ် အိၣ်တ့ၢ်ဒၣ်ခံဘျီဧိၤန့ၣ်လီၤ.
ပမ့ၢ် ပှၤလၢအသးပ့ၤနီၣ်တၢ်တဖၣ်န့ၣ်လီၤ. ဘၣ်တဘျီဘျီ ပသးပ့ၤနီၣ်တၢ်အဆံးဖိတဖၣ် (မ့ၢ် ယနီၣ်ဝံၢ်ခံတဖၣ် အိၣ်ဖဲလဲၣ်) ဒီးဘၣ်တဘျီဘျီန့ၣ် ပသးပ့ၤနီၣ် တၢ်လၢအကါဒိၣ်တဖၣ် (ကျိာ်တၢ်ကတိၤခူသူၣ်လၢ ပကဘၣ်ထုးထီၣ်က့ၤ ကျိာ်စ့လၢ အကကွဲၢ်တဖၣ်)န့ၣ်လီၤ. ကစၢ်ယွၤတမ့ၢ် ပှၤဒ်သိးနၤ, ယၤအဃိ ပကဘၣ်စံးဘျုးအီၤန့ၣ်လီၤ. တၢ်တမံၤမံၤမ့ၢ်ဂ့ၤ ပှၤကညီတဖၣ်မ့ၢ်ဂ့ၤ ကစၢ်ယွၤ တသးပ့ၤနီၣ်နီတဘျီဘၣ်. ဖဲပှၤအံၣ်စရ့လးဖိတဖၣ် အဂံၢ်စၢ်သးလီၤဘှါ အဆၢကတီၢ် အဝဲသ့ၣ် ဘၣ်ယိၣ်ဝဲလၢကစၢ်ယွၤ ကလဲၤကပာ်အပှၤဂီၢ်မုၢ်န့ၣ်လီၤ. ယရှါ ၄၉:၁၉ ပာ်ဖျါဝဲလၢ “ယွၤလဲၤသဒၣ်လံယၤလံ, ဒီးကစၢ်န့ၣ် သးပ့ၤနီၣ်လံယၤလံ”န့ၣ်လီၤ. ဘၣ်ဆၣ် ဝံယရှါယၤအတၢ်သံကွၢ် “ပိာ်မုၣ်ကသးပ့ၤနီၣ် အဖိလၢ အအီၣ်နုာ် တုၤအတသးကညီၤဘၣ် အဒၢလီၢ်အဖိန့ၣ်ဧါ” တထံၣ်အံၤန့ၣ် မ့ၢ်ဝံအတၢ်မၤဂၢၢ်မၤကျၢၤ ကစၢ်ယွၤ သ့ၣ်နီၣ်အဝဲသ့ၣ် ထီဘိန့ၣ်လီၤ. တၢ်လၢမိၢ်တဂၤ တသးပ့ၤနီၣ်အဖိလၢ အီနုာ်စံးတၢ်န့ၣ် မ့ၢ်တၢ်လၢ အလီၤတံၢ်န့ၣ်လီၤ. မိၢ်တဂၤ မ့ၢ်မၤတၢ်အခီပညီတအိၣ်တၢ် ဒ်သိးအံၤဒၣ်လဲာ်, ပသ့ၣ်ညါလၢ ကစၢ်ယွၤတသ့းပ့ၤနီၣ် ပှၤနီတဘျီဘ့ၣ်န့ၣ် ဖျါလၢ အဆၢဖိ ၁၅ အပူၤ န့ၣ်လီၤ.
အဆၢဖိ ၁၆ အပူၤ ကစၢ်ယွၤစံးဝဲ “ကွၢ်ကွၢ် ယကွဲးလံနၤလၢ ယစုညါသးအလိၤ”န့ၣ်လီၤ. ကစၢ်ယွၤ ဆဲးကွဲးပမံၤတဖၣ် လၢအနီၢ်ကစၢ်လိၤန့ၣ်လီၤ. မ်ပကသ့ၣ်နီၣ်လၢ ကစၢ်ယွၤ တသးပ့ၤနီၣ် ပှၤလၢ အအဲၣ်ဝဲတဖၣ် တဘျီဘၣ်န့ၣ်တက့ၢ်.
