အီကၢးစတံ(Augustine) ကွဲးလံာ်လၢ အနီၣ်ကစၢ်အုၣ်အသးအဂ့ၢ်တဖၣ်အပူၤ ပာ်ဖျါဝဲ အတၢ်လဲၤဆူ ကစၢ်ယ့ၣ်ၡူးအအိၣ်န့ၣ် ယံၤဝဲ, ယံာ်ဝဲဒီး တမ့ၢ်တၢ်လဲၤ လိၤလိၤဘျၢဘျၢဘၣ်န့ၣ်လီၤ. တၢ်မၤအသးတဘျီ ဖဲအလဲၤဆူနုၢ်ဧိၤနီဧိၤ ဒ်သိးအကလဲၤစံးကတိၤ မၤသူၣ်ဖှံသးညီ စီၤပၤအဂီၢ်န့ၣ်လီၤ. ဖဲအဝဲထံၣ် ပှၤဃ့အီၣ်တၢ်တဂၤလၢ အီသံးမူၤတဂၤန့ၣ် ကတိၤနံၤတၢ်ဒီး နံၤဒၣ်အတၢ်အဆၢကတီၢ် အဝဲအသးဘၣ်ယိၣ်ဘၣ်ဘီလၢ အတၢ်ကတိၤ လံၢ်အီၣ်လီအီၣ်တၢ်တဖၣ်လၢ ပှၤဒဲစု ဟ့ၣ်ဂံၢ်ဟ့ၣ်ဘါအီၤအဂီၢ်န့ၣ်လီၤ. အဝဲသ့ၣ်ညါနၢ်ပၢၢ်ဝဲဒၣ်လၢ ပှၤအီသံးမူၤတၢ်တဂၤအံၤ လၢအတဂုာ်ကျဲးစၢၤဘၣ်တၢ် အါမးဒၣ်လဲၣ်, အိၣ်ဒီးကယဲၢ် တၢ်မၤလီၤနံၤ ပှၤဂၤလၢအမၤဝဲဒၣ်န့ၣ်လီၤ. လၢတၢ်န့ၣ်အဃိ အီကၢးစတံ ဆိကတီၢ် အတၢ်ဂုာ်ကျဲးစၢး ဃုဒိးန့ၢ် တၢ်အိၣ်မူတၢ်လဲၤထီၣ်လဲၤထီလၢဟီၣ်ခိၣ်ချၢအံၤန့ၣ်လီၤ.
ဘၣ်ဆၣ် အဝဲမ့ၢ်ဒ်ဒၣ်ပှၤလၢအသးကွံ နီၢ်ခိအတၢ်မုာ်တၢ်လၤ အတၢ်အိၣ်မူအိၣ်ဂဲၤ အပူၤန့ၣ်လီၤ. အဝဲမ့ၢ်တစူးကွံာ်ညိကွံာ်တၢ်ဒဲးဘးဘၣ်ဒီး သ့ၣ်ညါဝဲဒၣ်လၢ လဲၤဃီၤဆူ ကစၢ်ယ့ၣ်ၡူးအိၣ် တသ့ဝဲဘၣ်န့ၣ်လီၤ. အဝဲအိၣ်မူအိၣ်ဂဲၤလၢ မုၣ်ခွါအတၢ်ရ့လိာ်ဘၣ်ထွဲလိာ်သးအဖၢမုၣ်အဃိ ဃ့ထုကဖၣ်တၢ်လၢကစၢ်ယွၤ “မၤကဆှီလၢ်ဘၣ်ယၤ န့ၣ်တက့ၢ်, ဘၣ်ဆၣ်တမ့ၢ်ခဲအံၤဘၣ်,” န့ၣ်လီၤ. အီးကၢးစတံသးသမူအတၢ်လဲၤ လၢနီၢ်သးတကပၤလီၤဃံၤဝဲဒၣ် လၢတၢ်အုၣ်က့ၤခီၣ်က့ၤဒီး တၢ်ဒဲးဘးအဘၢၣ်စၢၤ တုၤဒၣ်လဲၣ်
တၢ်မၤအသးကဲလံ(ဘၣ်လံ) လၢအဂီၢ်န့ၣ်လီၤ. ခီဖျိလၢပှၤဒိးန့ၢ်ဘၣ် ကစၢ်ယ့ၣ်ၡူးတဖၣ် အတၢ်ထိၣ်ဟူးထိၣ်ဂဲၤထီၣ်အသးအဃိ အဝဲအိးထီၣ် ရိမ့ၤ ၁၃:၁၃-၁၄ လၢလံာ်စီဆှံအပူၤဒီး ပထံၣ်ဘၣ် “လဲၤသကိးတၢ်ဂ့ၤဂ့ၤဘၣ်ဘၣ်တက့ၢ်-တမ့ၢ်ဘၣ်လၢ ဘူၣ်ဧိၤပွ့ဧိၤ, တၢ်အီလုၣ်ကိသံးဧိၤဂာ်ဧိၤအပူၤဘၣ်- တမ့ၢ်ဘၣ်လၢ တၢ်မၤကမၣ်မုၣ်ကမၣ်ခွါ, ဒီးလၢသးကလုာ်ကလိၤအပူၤဘၣ်… မ့မ့ၢ်ကူထီၣ်သိးထီၣ် ကစၢ်ယ့ၣ်ၡူးခရံာ်န့ၣ်တက့ၢ်. ဒီးသုကကတဲာ်ကတီၤတၢ်ဘၣ်ဃးဒီး တၢ်ဖံးတၢ်ညၣ်အသးကွံတၢ်အဂီၢ်တဂ့ၤ”န့ၣ်လီၤ.
ယွၤစူးကါအကလုၢ်ကထါလၢ အထိၣ်ဟူးထိၣ်ဂဲၤတၢ်အံၤန့ၣ် ဒ်သိးကမၤကၢ်ဘိးကၢ်ဝဲ အီကၢးစတံအနီၢ်ခိဖံးညၣ်အတၢ်သးကွံဒီး, ဒ်ကလီး၁:၁၃-၁၄ ပာ်ဖျါဝဲအသိး “ဟံးထီၣ်က့ၤ ပှၤလၢ တၢ်ခံးအစိကမီၤအပူၤ, ဒီးလဲက့ၤပလီၢ်ဆူ အဖိခွါလၢအအဲၣ်အီၤတဂၤအဘီအမုၢ် အပူၤ”န့ၣ်လီၤ. အီကၢးစတံ ကဲထီၣ်ဝဲ ခရံာ်ဖိသီခါအခိၣ်တဂၤဒၣ်လဲၣ် ဒိးဘၣ်တၢ်လ့ပစီအီၤလၢ တၢ်မံၤဟူသၣ်ဖျါဒီး နီၢ်ခိဖံးညၣ်အတၢ်သးကွံဘၣ်ဆၣ်, ခဲကနံၣ်အံၤ ဖဲအဝဲမ့ၢ်မၤဘၣ် တၢ်ဒဲးဘးန့ၣ်ဒီး ကဘၣ်ကွၢ်ထီၣ်ဆူ မတၤအအိၣ်လဲၣ်န့ၣ် သ့ၣ်ညါဝဲလံန့ၣ်လီၤ.
အဝဲလဲၤဃၣ်တရံးအသးဆူ ကစၢ်ယ့ၣ်ၡူးအိၣ်န့ၣ်လီၤ. မ့မ့ၢ်နၤမီၣ်.
