လၢကီၢ်စဲၣ်ကၠီၣ်ကၠံၤယၤ(Georgia), ဝ့ၢ်အဲးတလဲတၢ်(Atlanta) လ့ၣ်မ့ၣ်အူသန့အပူၤ, ပှၤပိာ်ခွါသးစၢ်တဂၤ ကူသိးတဃာ်ဝဲ ဖျီၣ်ခံထီဒီး ဆ့ကၤၡၢး(Shirt) ဆ့ၣ်နီၤခိးဝဲ လ့ၣ်မ့ၣ်အူန့ၣ်လီၤ. ဖဲအဝဲဂုာ်ကျဲးစၢၤသိးထီၣ် နဲးကထၢ(Neck-tie)အဆၢကတီၢ် ပိာ်မုၣ်သးပှၢ်တဂၤမၢအဝၤလဲၤမၤစၢၤ ပှၤသးစၢ်န့ၣ်လီၤ. ဒီးပှၤသးပှၢ်အံၤ ဒုးနဲၣ်ပှၤသးစၢ်လၢတၢ်ကသိးထီၣ်နဲးကထၢ ဒ်လဲၣ်အဆၢကတီၢ် ပှၤတဂၤဒိန့ၢ်အဝဲသ့ၣ်သၢဂၤတၢ်ဂီၤန့ၣ်လီၤ. တၢ်ဂီၤအံၤန့ၣ် ဘၣ်တၢ်ရၤလီၤဒုးနဲၣ်လၢ အ့ထၢၣ်နဲး (Internet) အပူၤ ဒီးပှၤကွၢ်တၢ်ဒီဒုၣ်ကွဲးပာ်ဖျါထီၣ်တၢ်သူၣ်အိၣ်သးအိၣ် အတၢ်မၤစၢၤအဂ့ၢ် အိၣ်ကဲထီၣ်အသးလၢ တၢ်တဆိကမိၣ်တၢ်အပူၤန့ၣ်လီၤ.
ပှၤလၢအစူၢ်က့ၤနာ်က့ၤ ကစၢ်ယ့ၣ်ၡူး ဒ်သိးပဝဲနၤယၤသ့ၣ်တဖၣ်အဂီၢ် ပတၢ်အဲၣ် သူၣ်ကညီၤသးကညီၤတၢ်ဆူပှၤဂၤ မ့ၢ်တၢ်ကပီၤကဒါထီၣ်က့ၤ တၢ်လၢကစၢ်ယ့ၣ်ၡူး သးအိၣ်ပာ်ဖျါထီၣ် အတၢ်ဟ့ၣ်လီၤသးလၢပဂီၢ်န့ၣ်လီၤ. တၢ်အံၤမ့ၢ်တၢ်လၢအပာ်ဖျါ ကစၢ်ယွၤအတၢ်အဲၣ်ဒီး ၁ ယိၤ ၃:၁၁ အပူၤ ပာ်ဖျါထီၣ် ကစၢ်ယ့ၣ်ၡူးအဲၣ်ဒိး အပျဲၢ်အဘီၣ်တဖၣ် အိၣ်မူပိာ်ထွဲ “ဒ်သိးပကအဲၣ်လိာ်ကွံလိာ်ပသး”အဂီၢ်န့ၣ်လီၤ. အဆၢဖိ ၁၅ အပူၤ စီၤယိၤဟၣ်မၤဘၣ်ထွဲလိာ်သးဒီး တၢ်အဲၣ်ပုၢ်အဲၣ်ဝဲၢ်အံၤ လၢ“ကယဲၢ်ပှၤလၢအသးဟ့ အဒီပုၢ်ဝဲၢ်ကိးဂၤဒဲးန့ၣ်, မ့ၢ်ပှၤမၤသံပှၤကညီ”န့ၣ်လီၤ. အဆၢဖိ၁၆န့ၣ် အဝဲပာ်ဖျါကဒါက့ၤဝဲ ကစၢ်ခရံာ် ဒ်အမ့ၢ်တၢ်အဒိလၢ ပကသ့ၣ်ညါ တၢ်အဲၣ်တၢ်ကွံမ့ၢ်တၢ်ဒ်လဲၣ်န့ၣ်လီၤ.
တၢ်အဲၣ်လၢအညိကွံာ်သး စံးတၢ်န့ၣ် တမ့ၢ်တၢ်လုၢ်တၢ်ပာ်လၢ ဖျါ အလုၢ်ဒိၣ်အပှ့ၤဒိၣ်တၢ်န့ၣ်ဘၣ်.တၢ်အဲၣ်လၢအညိကွံာ်သး လိၣ်ဘၣ်တၢ်ထဲ ပကပာ်လုၢ်ပာ်ပှ့ၤ ကယဲၢ်ပှၤလၢအိၣ်ဒီး ကစၢ်ယွၤအက့ၢ်အဂီၤ ဒီးကိးမုၢ်နံၤ ပကပာ်အဝဲသ့ၣ် အတၢ်လိၣ်တဖၣ် လၢပတၢ်လိၣ်အမဲာ်ညါန့ၣ်လီၤ. လၢညီနုာ်တၢ်မၤအသးသ့ၣ်တဖၣ်အပူၤ ပမ့ၢ်ပာ်သူၣ်ပာ်သးပှၤဂၤ အတၢ်လိၣ်သ့ၣ်တဖၣ်ဒီး ဖဲတၢ်အဲၣ်ထိၣ်ဟူးထိၣ်ဂဲၤပှၤ အဖီခိၣ်န့ၣ် ဒ်ပတၢ်သ့အိၣ်ဝဲအသိးပမ့ၢ်မၤစၢၤန့ၣ်ဒီး တၢ်မၤအံၤ မ့ၢ်တၢ်အဲၣ်လၢအညိကွံာ်သးန့ၣ်လီၤ. တၢ်လၢပကပာ်ဖျါ ပတၢ်အဲၣ်အံၤအဂီၢ် ပကအိၣ်ဟးထီၣ်လၢပတၢ်လီၢ်အမုာ်အပၢၤ ဒ်သိးပကမၤတၢ်လၢပှၤဂၤအဂီၢ် ဒီးဟ့ၣ်တၢ်အဲၣ်လၢအညိကွံာ်သး, လီၤလီၤဆီဆီအလီၢ် မ့ၢ်တအိၣ်လၢ ပကဘၣ်ဟ့ၣ်သနၣ်က့ ပမ့ၢ်ဟ့ၣ်ဝဲဒီး တၢ်မၤအံၤ မ့ၢ် ပအဲၣ်တၢ်ကွံတၢ် ဒ်သိးကစၢ်ယ့ၣ်ၡူးခရံာ်န့ၣ်လီၤ.
