ဟိၣ်စ့(José)မ့ၢ် ပှၤလၢ အနာ်ကစၢ်ယ့ၣ်ရှူးန့ၣ် လဲၤဘါသကိးယွၤ လၢအဝဲၢ်တၢ်ဘါယွၤသရိာ်န့ၣ်လီၤ. တချုး တၢ်ဘါစးထီၣ် အဝဲလဲၤနုာ်လီၤဆူ သရိာ်စီဆှံအပူၤ အဆၢကတီၢ်, အဝဲၢ်ထံၣ်အီၤန့ၣ် ဒီးအဝဲၢ်အမဲာ်လီၤသပှၢ်လီၤ. မ့ၢ်လၢ ဟိၣ်စ့ကၤဝဲဆ့ကၤ ထံၣ်ရှး (T-shirt) ဒီး အစုဒုၣ်ခံခီလိာ် တၢ်ဆဲးကံၣ်ဆဲးဝ့ၤတဖၣ် ဖျါထီၣ်ဝဲအဃိန့ၣ်လီၤ. အဝဲၢ်မၢအက့ၤဆူဟံၣ်ဒီး ဆီတလဲကၤဆ့ကၤထီစု, မ့ၢ်လၢ တၢ်ဆဲးကံၣ်လၢ အစုလိၤတဖၣ်န့ၣ် ပာ်ဖျါထီၣ် ဟိၣ်စ့အတၢ်အိၣ်မူလၢ အပူၤကွံာ်တဖၣ်န့ၣ်လီၤ. သတူာ်ကလာ်န့ၣ် ဟိၣ်စ့ကလၢၢ်ဘၣ်ဝဲလၢ အကစၢ်န့ၣ် တကဆှဲကဆှီဘၣ်န့ၣ်လီၤ. ဘၣ်ဆၣ်ပိာ်ခွါသးပှၢ်တဂၤန့ၣ် နၢ်ဟူထွဲ အဒီပုၢ်ဝဲၢ်ခံဂၤ အတၢ်ကတိၤလိာ်သးန့ၣ်ဒီး လဲၤကိးဆှၢဝဲ ဟိၣ်စ့ဆူ တၢ်အိၣ်ဖှိၣ်သရၣ် အအိၣ်ဒီးစံးဘၣ်သရၣ်လၢ တၢ်အိၣ်အသးအဂ့ၢ်န့ၣ်လီၤ. သရၣ်နံကမှံထီၣ်ဝဲ ဒီးဘ့ၣ်လီၤအဆ့ကၤ ဒီးမၤဖျါထီၣ် တၢ်ဆဲးကံၣ်တဖၣ် လၢအသးနါပှၢ်အလိၤ, ဒ်အမ့ၢ် အတၢ်အိၣ်မူအလီၢ်လံၤ အတၢ်မၤတဖၣ်န့ၣ်လီၤ. သရၣ်န့ၣ် ဒုးသ့ၣ်ညါ မၤလီၤတံၢ်ဝဲ ဟိၣ်စ့လၢ ကစၢ်ယွၤမၤကဆှီထီၣ်က့ၤ ဟိၣ်စ့အနီၢ်ခိ, နီၢ်သးတဖၣ် ဝံၤလံအဃိဒီး တလိၣ်လၢ ကမၤဘၢ အစုဒုၣ်စုတီၤတဖၣ်လၢၤဘၣ်န့ၣ်လီၤ.
စီၤဒၤဝံး လဲၤခီဖျိကလၢၢ်ဘၣ်ဝဲ တၢ်သးခုလၢ ယွၤမၤကဆှီထီၣ်က့ၤအီၤန့ၣ်လီၤ. အၢၣ်လီၤ အတၢ်ဒဲးဘး လၢကစၢ်ယွၤဝံၤ စံး ၃၁:၁ အပူၤ စီၤဒၤဝံး ကွဲးဝဲ “ပှၤလၢအတၢ်ကမၣ်ဘၣ်တၢ်ပျၢ်လံ, လၢအတၢ်ဒဲးဘး ဘၣ်ကျၢၢ်ဘၢလံန့ၣ် ဘၣ်ဆိၣ်ဂ့ၤလီၤ”န့ၣ်လီၤ. အဆၢဖိ ၁၁ ပာ်ဖျါလၢ, ခဲကနံၣ်အံၤ စီၤဒၤဝံးန့ၣ် “ကိးပသူထီၣ်လၢ တၢ်သးခုအဃိ, ”ဃုာ်ဒီး “ကယဲၢ်ပှၤလၢ အသးစၢၢ်ဆၢခဲလၢာ်” သ့ဝဲလံန့ၣ်လီၤ. စိၤလၢခံန့ၣ် တၢ်မၢဖိ စီၤပီလူး ကွဲးက့ၤ စံးထီၣ်ပတြၢၤ ၃၂:၁-၂ အံၤ လၢရိမ့ၤ ၄:၇-၈ အပူၤ, လံာ်စီဆှံအဆၢလၢ ဘိးဘၣ်သ့ၣ်ညါဝဲ “တၢ်နာ်ကစၢ်ယ့ၣ်ရှူးန့ၣ် ဆှၢပှၤဆူ တၢ်အုၣ်က့ၤခီၣ်က့ၤဒီး တၢ်ပာ်တီပာ်လိၤပှၤလၢ ယွၤအမဲာ်ညါအဂီၢ်န့ၣ်လီၤ.” (ကွၢ် ရိမ့ၤ ၄:၂၃-၂၅).
ပတၢ်ကဆှဲကဆှီလၢ ကစၢ်ယ့ၣ်ရှူးအပူၤ မ့ၢ်တၢ်လၢ အါန့ၢ်ယိာ်န့ၢ် ပဖံးဘ့ၣ်အတီၣ်, မ့ၢ်လၢ ဒ် ၁ ရှမူၤ ၁၆:၇ ဒီး ၁ ယိၤ ၁:၉ ပာ်ဖျါဝဲအသိး မ့ၢ်လၢ အဝဲသ့ၣ်ညါ ပသးဒီး မၤကဆှီဝဲ ပသးအဃိန့ၣ်လီၤ. တနံၤအံၤ မ်ပကသးခုတၢ်လၢ ယွၤမၤကဆှီထီၣ်ပှၤ အဃိန့ၣ်တက့ၢ်.
