တၢ်သုးလီၢ်သုးကျဲန့ၣ် ဘၣ်တၢ်ပာ်အီၤဒ် တၢ်လၢအဆီၣ်သနံးပှၤ အဒိၣ်ကတၢၢ်တဖၣ် အကျါတမံၤ လၢတၢ်အိၣ်မူအပူၤန့ၣ်လီၤ. ပသုးဆူပဟံၣ်လၢ ပအိၣ်အခဲအံၤ, ဖဲယအိၣ်ဆိး တ့ၢ်ယဲလၢဟံၣ် လၢအပူၤကွံာ်တဖျၢၣ် ယံာ်အနံၣ်ခံဆံ ဃၣ်ဃၣ်ဝံၤအလီၢ်ခံန့ၣ်လီၤ. တချုးယဒိးတ့ဒိးဖျီယသးအခါ, ယအိၣ်ထဲတဂၤဧိၤ ဖဲဟံၣ်အဆိကတၢၢ် အဝဲန့ၣ်တဖျၢၣ် ယံာ်ဝဲဃိးနံၣ်န့ၣ်လီၤ. ဝံၤဒီးယဝၤဟဲသုးအိၣ်ဖဲန့ၣ်, ဃုာ်ဒီး ကယဲၢ်အတၢ်ဖိတၢ်လံၤတဖၣ်န့ၣ်လီၤ. လၢခံ, ပဒိးန့ၢ်ပဖိတဂၤ, ဒီးတၢ်အံၤအခီပညီမ့ၢ်ဝဲ တၢ်ဖိတၢ်လံၤအါထီၣ်န့ၢ် အန့ၣ်ဒၣ်လဲာ်လီၤ.

မုၢ်တနံၤ ဖဲပသုးဆူ ပဟံၣ်အသီတဖျၢၣ်န့ၣ်, တၢ်တလဲၤအသး ဒ်အညီနုၢ်အသိးဘၣ်. ပှၤသုးန့ၢ်တၢ်ဖိတဖၣ် တချုးဟဲတုၤဒံးဘၣ် ၅ မံးနံးန့ၣ်, ယကွဲးကတၢၢ်ယလံာ်တဘ့ၣ်ဒံး အဖၢမုၢ်လီၤ. ဒီးပဟံၣ်အသီတဖျၢၣ်န့ၣ် အိၣ်ဒီး ဃီတဘျုးဆိန့ၣ်လီၤ. အဃိဒီး တၢ်ဆၢကတီၢ်လၢာ်အါထီၣ်ခံစး, ဒီးပလိၣ်ဘၣ်ပှၤသုးတၢ်ဖိတဖၣ် အဂၤအါထီၣ်န့ၢ်ဒံး တၢ်တိာ်ပာ်ဆိဃာ်ခံစးန့ၣ်လီၤ.

ဘၣ်ဆၣ် ယတလီၤဘှံးလီၤတီၤယဲလၢ တၢ်မၤအသးတဖၣ် ဖဲမုၢ်နံၤအဝဲန့ၣ်အဃိဘၣ်. ဒီးတၢ်ဆိကမိၣ်ဟဲနုာ်လီၤလၢယပူၤ ဒ်အံၤလီၤ. ယသူတၢ်ဆၢကတီၢ်နၣ်ရံၣ်တဖၣ် အါမး လၢတၢ်မၤဝံၤ တၢ်ကွဲးလံာ်တဘ့ၣ် လၢအပှဲၤဒီး ယွၤအကလုၢ်အကထါ ဒီးတၢ်ထံၣ်တၢ်ဆိကမိၣ် ဘၣ်ဃးဒီးလံာ်စီဆှံန့ၣ်လီၤ. မ့ၢ်လၢယွၤအဘျုးအဖှိၣ်အဃိ, ယမၤလိထံဆးလံာ်စီဆှံ, ဘါထုကဖၣ်, ဒီးကွဲးတၢ်ဒ်သိးအကဝံၤ ဒ်တၢ်သ့ၣ်ဆၢဖးကတီၢ် အိၣ်ဝဲအသိးန့ၣ်လီၤ. အဃိဒီး, ယနာ်လၢနီၣ်ဝံာ်ခံ မ့ၢ်ဝဲ ယတၢ်ဘျုးလီၤသး လၢယွၤအကလုၢ်အကထါအပူၤ ဒီးလၢတၢ်ထုကဖၣ်အပူၤန့ၣ်လီၤ.

စီၤပီလူးကွဲးဝဲဒၣ် “သုတဘၣ်ယိၣ်တၢ်နီတမံၤတဂ့ၤ. မ့မ့ၢ် လၢတၢ်ကိးမံၤဒဲးန့ၣ် လၢတၢ်ထုကဖၣ်, ဒီးလၢတၢ်ဃ့ကညး အိၣ်ဒီးတၢ်စံးထီၣ်ပတြၢၤတၢ်အဘျုးအဖှိၣ်အပူၤန့ၣ်, ဘိးဘၣ်သ့ၣ်ညါ ယွၤလၢသုတၢ်အဲၣ်ဒိးတဖၣ်န့ၣ်တက့ၢ်” (ဖံ ၄:၆). ဖဲပထုကဖၣ်တၢ်, ဒီး “သးခု”လၢယွၤအပူၤန့ၣ် (:၄). ပသုးကွံာ်ပသး လၢတၢ်ဂ့ၢ်ကီခဲဆူ ယွၤလၢအမၤလၢမၤပှဲၤန့ၣ် ပတၢ်လိၣ်တဂၤအလိၤဧိၤန့ၣ်လီၤ. ဘၣ်သ့ၣ်သ့ၣ် ပကဃ့ယွၤ ဒ်သိး အကမၤစၢၤပှၤလၢတၢ်ကွၢ်ဆၢၣ်မဲာ်တၢ် လၢအမၤကိၢ်မၤဂီၤပှၤအဂီၢ်န့ၣ်လီၤ. ဘၣ်ဆၣ် တၢ်အံၤမ့ၢ်စ့ၢ်ကီး ပရ့လိာ်ဘၣ်ထွဲဒီးယွၤလၢ အဟ့ၣ်ပှၤတၢ်ဃူတၢ်ဖိးလၢ “အဒိၣ်န့ၢ်ယိာ်န့ၢ် ကယဲၢ်ဘၣ် ပသ့ၣ်ညါနၢ်ပၢၢ်တၢ်”တဂၤန့ၣ်လီၤ (:၇).