ဖဲ ၁၉၅၇ နံၣ်န့ၣ် တၢ်ဂီၤမူလၢအမံၤဟူသၣ်ဖျါ “ပှၤ ၁၂ ဂၤလၢ အသူၣ်ဒိၣ်သးဖျိးအပူၤ”, ပှၤစံၣ်ညီၣ်ကွီၢ် ပာ်ဖျါဝဲ လၢတၢ်သးအုးအပူၤ “ပှၤသံတဂၤလံ, ပှၤတဂၤအသးသမူ တၢ်ဘၣ်ယိၣ်အိၣ်ဝဲဒၣ်”န့ၣ်လီၤ. တၢ်အုၣ်အသး ထီဒါ ပှၤသးစၢ် လၢအဘၣ်တၢ်ဆိကမိၣ် တယာ်အီၤ လၢအမၤကမၣ်တၢ်တဂၤအဂီၢ်န့ၣ် ဖျါလၢ ဂၢၢ်ကျၢၤဝဲဒၣ်န့ၣ်လီၤ. ဘၣ်ဆၣ်, ဖဲ ကၠူၣ်ရံၣ်(Jury)တဖၣ် စံးကတိၤသကိး ဒီးစံၣ်ညီၣ်တဲာ်တၢ်အဆၢကတီၢ် တၢ်ဆၢတဲာ် တဒ်သိးလိာ်အသး လၢၤဘၣ်န့ၣ်လီၤ. လၢကၠူၣ်ရံၣ် တဆံခံဂၤအကျါ, ပှၤကၠူၣ်ရၢၣ်နီၢ်ဂံၢ် ၈ (Joror-8) ဟ့ၣ်တၢ်ဖးလၢ “ပှၤသးစၢ်တဂၤအံၤ အတၢ်ကမၣ်တအိၣ်ဘၣ်” န့ၣ်လီၤ. လၢတၢ်န့ၣ်အဃိ, တၢ်ကတိၤဂ့ၢ်လိာ်တဖၣ် အိၣ်ထီၣ်ဝဲဒၣ်လၢ တၢ်သူၣ်ဒိၣ်သးဖျိးအပူၤ လၢပှၤကၠူၣ်ရံၣ်ဖိတဖၣ်အကျါန့ၣ်လီၤ. ဖဲကၠူၣ်ရၢၣ်နီၢ်ဂံၢ် ၈ ပာ်ဖျါထီၣ် တၢ်အုၣ်အသးတဖၣ် လၢတဘၣ် လိာ်ဖိးဒ့လိာ်သးအဃိ အဝဲဘၣ်တၢ်နံၤဘၣ်ဖၣ်လဲအီၤန့ၣ်လီၤ. လၢခံတၢ်ပာ်သူၣ်ပာ်သး, သးအသဟီၣ်ဒိၣ်ထီၣ်အါထီၣ်ဝံၤ ကၠူၣ်ရံၣ်အဂၤတဖၣ် အတၢ်ကွၢ်မဲာ်တၢ်ဒီး တၢ်ပာ်သူၣ်ပာ်သး အတတီတလိၤတဖၣ် ဟဲအိၣ်ဖျါထီၣ်ဝဲဒၣ်န့ၣ်လီၤ. လၢတၢ်န့ၣ်အဃိ အဝဲသ့ၣ် ဆီတလဲကွံာ်အတၢ်ဟ့ၣ်တၢ်ဖး, စံၣ်ညီၣ်တဲာ်ဝဲဒၣ်လၢ “ပှၤသးစၢ်တဂၤအံၤ အတၢ်ကမၣ်တအိၣ်ဘၣ်”န့ၣ်လီၤ.

ဖဲပှၤအံၣ်စရ့လးဖိတဖၣ် ကဒုးအိၣ်ထီၣ် ထံသီကီၢ်သီအဂီၢ်, ကစၢ်ယွၤ ဟ့ၣ်လီၤတၢ်သိၣ်တၢ်သီတဖၣ် အဆၢကတီၢ်န့ၣ် ယွၤဟ့ၣ်ဂံၢ်ဟ့ၣ်ဘါဝဲလၢ အပှၤဂီၢ်မုၢ်တဖၣ် ကအိၣ်ဒီး တၢ်သူၣ်ဒူသးဒူအတီၤအလိၤန့ၣ်လီၤ. ၂ မိၤ ၂၃:၃ အပူၤ ယွၤစံးဝဲဒၣ်, “စံးဆၢတၢ်လၢ တၢ်အကွီၢ်ထွဲ ပှၤအါဂၤအခံ လၢတၢ်ဘိးကမၣ်တၢ်အပူၤတဂ့ၤ”န့ၣ်လီၤ. တၢ်လၢအလီၤသးစဲပှၤ မ့ၢ်ဝဲ အဆၢဖိ ၃ ပာ်ဖျါဝဲဒၣ်လၢ ကွီၢ်ဘျီၣ်အံၤ တဘၣ်အိၣ်ဒီး “တၢ်ကွၢ်မဲာ် ပှၤ ဖှီၣ်ပှၤယာ် မ့ၢ်ဂ့ၤ အဆၢဖိ ၆ ပာ်ဖျါဝဲလၢ တဘၣ်ဘိးဃာ် နပှၤဖိၣ်ဖိယာ်ဖိ အတၢ်စံၣ်ညီၣ်တဂ့ၤန့ၣ်လီၤ”. ကစၢ်ယွၤ မ့ၢ်စံၣ်ညီၣ်ကွီၢ်အတီအလိၤတဂၤ, သးအိၣ်ဝဲဒၣ်လၢ ပကဘၣ်အိၣ်ဒီး တၢ်ပာ်သူၣ်ပာ်သးအတီအလိၤ လၢကယဲၢ်ပတၢ်အိၣ်မူအိၣ်ဂဲၤ ခဲလၢာ်အပူၤန့ၣ်လီၤ.

“ပှၤ ၁၂ ဂၤလၢ အသူၣ်ဒိၣ်သးဖျိး” တၢ်ဂီၤမူအပူၤ ကၠူၣ်ရၢၣ် ခံဂၤတဂၤ လၢဟ့ၣ်ထီၣ် တၢ်ဖးလၢ “ပှၤသးစၢ်အံၤ အတၢ်ကမၣ်တအိၣ်ဘၣ်”တဂၤ စံးကတိၤဘၣ်ဃးဒီး ပှၤဟ့ၣ်တၢ်ဖးအခီၣ်ထံး ကတၢၢ်တဂၤအဂ့ၢ်န့ၣ် “ပှၤဂုၤပှၤဂၤတဖၣ် နံၤဘၣ်ဖၣ်လဲနၤ အဆၢကတီၢ် နကဆဲတဲာ် စံၣ်ညီၣ်ထီဒါတၢ်န့ၣ် တမ့ၢ်တၢ်အဘီအညီဘၣ်န့ၣ်လီၤ. တၢ်အံၤ မ့ၢ်တၢ်လၢ ယွၤလိၣ်ဘၣ်ဝဲလၢ ပှၤန့ၣ်လီၤ. ကၠူၣ်ရၢၣ်နီၢ်ဂံၢ် ၈ ထံၣ်ဝဲ တၢ်အုၣ်အသး အမ့ၢ်အတီ နီၢ်နီၢ်ဃုာ်ဒီး ပှၤလၢ အဘၣ်တၢ်သမံသမိးအီၤတဂၤအံၤ အတၢ်မ့ၢ်တၢ် ဒ်အမ့ၢ် ပှၤကညီတဂၤ အသိးန့ၣ်လီၤ. ခီဖျိလၢ ယွၤအသးမုၢ်စီဆှံအတၢ်ပၢဆှၢဒုးနဲၣ် ပှၤအပူၤ, ပကမ့ၢ် ပှၤလၢ အသ့ဆၢထၢၣ်ဂၢၢ်ကျၢၤ တၢ်လၢယွၤ အတၢ်မ့ၢ်တၢ်တီ ဒီးစံးကတိၤန့ၢ် တၢ်လၢ ပှၤဖှီၣ်ဖိယာ်ဖိတဖၣ်အဂီၢ်န့ၣ်တက့ၢ်.”