ဘၣ်တဟါ ဖဲယဃ့ၢ်ကဖီကဖီ လၢတၢ်လီၢ်လၢအဘူးဒီး တၢ်သူၣ်ထီၣ်တကဝီၤ, လၢအဘူးဒီးယဟံၣ်, ယထံၣ်ဘၣ် သၣ်မံယီၤဃဲၤသံဖိတဒု မၤသီၣ်ထီၣ်အကလုၢ် ဒီးဟဲပိာ်ယခံဆူ ဟံၣ်လီၤ. တနံၤအံၤ, မံးကံၣ်(Mickey) မ့ၢ်သၣ်မံယီၤတဒု လၢအအိၣ်ဆူၣ်အိၣ်ချ့, ဒိၣ်သွါ, အိၣ်ဘၣ်မုာ်မုာ်လၢ ပဟံၣ်ဖိဃီဖိအကျါ ဒီးဘၣ်တၢ်အဲၣ်အီၤဒိၣ်မး လၢ ဟံၣ်ဖိဃီဖိတဖၣ်လီၤ. တဘျီလၢ်လၢ် ဖဲယဃ့ၢ်လၢတၢ်လီၢ် လၢယထံၣ်န့ၢ်အီၤ, တလီၢ်လီၢ် ယဆိကမိၣ်ထီၣ်လၢ “ယစံးဘျုး ကစၢ်ယွၤလၢ မံးကံၣ်တဒု ပူၤဖျဲးထီၣ် လၢတၢ်ဘၣ်အိၣ်လၢ ကျဲဆူးကပိာ်လိၤန့ၣ်လီၤ. အခဲအံၤ, အဝဲအိၣ်ဘၣ်လၢ ဟံၣ်ပူၤဃီပူၤလံန့ၣ်လီၤ.”

ထါစံးထီၣ်ပတြၢၤ ၉၁:၁ တဲဖျါထီၣ် “ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤ အလီၢ်အိၣ်တဒၢ”, မ့ၢ်ပှၤလၢအအိၣ်ဆိးဘၣ်လၢ ကစၢ်ယွၤအဟံၣ်န့ၣ်လီၤ. ဖဲအံၤ, တၢ်ကတိၤအဖျၢၣ်လၢအမ့ၢ် “အိၣ်ဆိး”အခီပညီလၢ ဧ့ၤဘြံၤကျိာ် မ့ၢ် “အိၣ်ဆိး, အိၣ်စံာ်အိၣ်ကျၢၤ”န့ၣ်လီၤ. စံး ၉၁:၁၄ ဒီး ယိၤ ၁၅:၁၀ ပာ်ဖျါဝဲ, ဒ်ပအိၣ်ပဆိးလၢ အဝဲအပူၤ, အဝဲမၤစၢၤပှၤ ဒ်သိးပကမူတၢ်မူလၢ အဘၣ်ထွဲဒီး အဝဲအတၢ်ကူၣ်သ့ ဒီးအဲၣ်အီၤအါန့ၢ်ဒံး တၢ်ကိးမံၤလီၤ. ကစၢ်ယွၤအၢၣ်လီၤ တၢ်မၤမုာ်ထီၣ်က့ၤတၢ် လၢအဝဲကအိၣ်ဒီးပှၤ လီၤထူလီၤယိာ် ဃုာ်စ့ၢ်ကီး အဝဲအတၢ်အိၣ်ဒီးပှၤ ဒီးမၤဘံၣ်မၤဘၢပှၤ ဖဲပလဲၤခီဖျိဘၣ် ဟီၣ်ခိၣ်အတၢ်ကီတၢ်ခဲန့ၣ်လီၤ. ဖဲလၢတၢ်ကီတၢ်ခဲ မ့ၢ်ဟဲဝဲသနာ်က့, ပအိၣ်ဆိးလၢ အဝဲအသ့တၢ်လၢာ်, တၢ်ကူၣ်သ့, ဒီးတၢ်အဲၣ်တၢ်ကွံ, ဒီးအဝဲအတၢ်အၢၣ်လီၤ လၢတၢ်ကဒီတဒၢပှၤဒီး ဒုးထူၣ်ဖျဲးပှၤသ့ဝဲန့ၣ်လီၤ.

ဖဲပဒုးကဲထီၣ်ကစၢ်ယွၤ ဒ်အမ့ၢ် ပတၢ်အိၣ်တဒၢအလီၢ်, ပအိၣ်ဆိးဘၣ်ပဝဲလၢ “သ့တၢ်လၢာ်အကဒုပူၤ”န့ၣ်လီၤ(စံး ၉၁:၁). တၢ်ကီတၢ်ခဲတအိၣ်နီတမံၤလၢ ကထိးဘၣ်ပှၤ, မ့တမ့ၢ်လၢ အဝဲအတၢ်ကူၣ်သ့ လၢပထိၣ်ဒွးတဘၣ် ဒီးအတၢ်အဲၣ်တၢ်ကွံ အတၢ်ဟ့ၣ်တၢ်ပျဲန့ၣ်ဘၣ်. တၢ်အံၤ မ့ၢ်တၢ်ဘံၣ်တၢ်ဘၢလၢကစၢ်ယွၤ ဒ်အမ့ၢ် ပတၢ်အိၣ် တဒၢအသိးန့ၣ်လီၤ.