ကၠဲ(Jen) ဆီဟံၣ်ဆီဃီ ကဒီးတဘျီ ဖဲအဝၤသံဝံၤအလီၢ်ခံန့ၣ်လီၤ. ဖိတဖၣ်လၢအဘၣ်ထွဲဒီးအဝၤအသီ တတူၢ်လိာ်အီၤနီတစု ဒီးအခဲအံၤ, အဝၤလၢ ခံတဆီစ့ၢ်ကီး သံကွံာ်လံန့ၣ်လီၤ. ဖိတဖၣ် သးဟ့အီၤ မ့ၢ်လၢ အဝဲအိၣ်ဆိးဟံၣ်ဃီအံၤ မ့ၢ် ဟံၣ်လၢဖိတဖၣ် အိၣ်ဆိးတ့ၢ်ဝဲ ဖဲအနီၢ်ဆံးကတီၢ်အဃိန့ၣ်လီၤ. အဝဲအဝၤ ပာ်တ့ၢ်န့ၢ်အီၤ စ့တအါကဲာ်ဆိးလၢအဝဲအဂီၢ်, ဖိတဖၣ် စံးဘၣ် ကၠဲလၢအမ့ၢ် ပှၤလၢအဟုၣ်န့ၢ်အဝဲသ့ၣ် အတၢ်န့ၢ်သါန့ၣ်လီၤ. ကၠဲ ဒိးန့ၢ်တၢ်သးဟးဂီၤလၢ ကသ့နၢ်ပၢၢ်အဝဲသ့ၣ် ဒီးအဝဲအတၢ်သးခၣ်လၢ ဖိတဖၣ်အံၤ အဖီခိၣ်ဒိၣ်ထီၣ်ဒိၣ်ထီၣ်လီၤ.
နီၢနၤဧမံအဝၤ သုးလီၢ်သုးကျဲ, ဒီးအပှၤဟံၣ်ဖိဃီဖိတဖၣ် ဆူ ကီၢ်မိၤအး, ဖဲတၢ်လီၢ်လၢအဝၤဒီးအဖိခံဂၤသံကွံာ်ဝဲန့ၣ်လီၤ. လၢခံ, နီၢ်နၤဧမံ ဟဲက့ၤကဒါက့ၤဆူ ဘ့ၤသလ့ဃ့ၣ် ထဲစုယၢ်ခီ, ထဲဒၣ်ဒဲၣ်မုၣ်တဂၤလၢအမ့ၢ် နီၢ်ရူၤသး ဟဲက့ၤပိာ်အခံန့ၣ်လီၤ. ဖဲပှၤဝ့ၢ်ဖိ တဖၣ် ထံၣ်ဘၣ်အဝဲသ့ၣ်, တၢထီၣ်တၢလီၤ ဒီဝ့ၢ်ညါ ဒီးသံကွၢ်အီၤလၢ “အဝဲအံၤ မ့ၢ်နီၢ်နၤဧမံန့ၣ်စ့ၢ်ကီးဧါ” (ရူၤသး ၁:၁-၁၉). အဝဲစံးဆၢက့ၤလၢ, တကြၢးလၢအဝဲသ့ၣ်ကိးအဝဲ, အမံၤအဝဲန့ၣ်, လၢအခီပညီ မ့ၢ် “ပှၤလၢအသးခုတဂၤ”န့ၣ်လီၤ. အဝဲသ့ၣ် ကြၢးကိးအီၤလၢ “မၤရၤ” လၢအခီပညီမ့ၢ် “တၢ်အခၣ်” မ့ၢ်လၢ အဝဲလဲၤဆူ မိၤအးလၢတၢ် “အိၣ်ပှဲၤဒီး ယွၤဒုးဟဲက့ၤယၤ အိၣ်ကလီလီၤ” (:၂၀-၂၁).
မ့ၢ်တၢ်အကတီၢ်အိၣ်ဝဲတတီၤ လၢနမံၤမ့ၢ်တၢ်လၢအခၣ်ဝဲန့ၣ်ဧါ. မ့ၢ်နသးဟးဂီၤလၢ နတံၤသကိး, ဟံၣ်ဖိဃီဖိ မ့တမ့ၢ် တၢ်ဆူးတၢ်ဆါအဃိဧါ. နကြၢးဝဲဘၣ်ဝဲဒီး တၢ်လၢအဂ့ၤဒိၣ်ဝါဒိၣ်ဝဲလီၤ. ဘၣ်ဆၣ်, နတမၤန့ၢ်တၢ်အံၤအဃိ အခဲအံၤ နအိၣ်ဒီး တၢ်သးခၣ်လီၤ.
နီၢ်နၤဧမံ ဟဲက့ၤကဒါက့ၤဆူ ဘ့ၤသလ့ဃ့ၣ် ဒီးတၢ်သးခၣ်, ဘၣ်ဆၣ် အဝဲဟဲက့ၤကဒါက့ၤဝဲလီၤ. နဲစ့ၢ်ကီး နမ့ၢ်က့ၤကဒါက့ၤ ဆူနလီၢ်နကျဲသ့ဝဲလီၤ. ဟဲဆူ ကစၢ်ယ့ၣ်ရှူး အအိၣ်, လၢအမ့ၢ် နီၢ်ရူၤသးအတၢ်လီၤစၢၤလီၤသွဲၣ်, လၢအအိၣ်ဖျဲၣ်ထီၣ်လၢ ဘ့ၤသလ့ဃ့ၣ်တက့ၢ်. အိၣ်ဆိးနဲလၢ အဝဲအတၢ်အဲၣ်တၢ်ကွံအပူၤတက့ၢ်.
တုၤအကတီၢ်ဘၣ်ဒီး ကစၢ်ယွၤမၤပှဲၤက့ၤ နီၢ်နၤဧမံ အတၢ်သးခၣ်လၢတၢ်သးခု လၢအဝဲအတၢ်တိာ်အလၢအပှဲၤအပူၤ (၄:၁၃-၂၂) န့ၣ်လီၤ. အဝဲမၤပှဲၤက့ၤ နတၢ်သးခၣ်ဆူ တၢ်အမုာ်အခုၣ်သ့စ့ၢ်ကီးလီၤ. ဟဲက့ၤဆူ အဝဲအအိၣ်တက့ၢ်.
