ဖဲခရံၥ်နံၣ် ၁၈၇၉ နံၣ်အတီၢ်ပူၤ ကမျၢၢ်တဖၣ် ခိးကွၢ်ဝဲ ဝ့လယၢၣ်ဘဲ(William Beal) ဒ်အမ့ၢ် ၦၤအသးတထံ, ၦၤအသးတၦဲၤတဂၤန့ၣ်လီၤ. သရၣ်ဖးဒိၣ်တဂၤအံၤ ဃုမၤလိသ့ၣ်ညါနၢ်ပၢၢ် သ့ၣ်မုၢ်ဝၣ်ဘိအကလုၥ်ကလုၥ်န့ၣ် ထၢနုၥ်ဝဲ တၢ်မုၢ်တၢ်ဘိအချံကလုၥ်ကလုၥ်ဆူ ပလီအဖျၢၣ်ခံဆံအပူၤ ဒီးခူၣ်လီၤဘျၤလီၤဒၣ်လၢဟီၣ်ခိၣ်လၥ်ယိၥ်ယိၥ်အပူၤန့ၣ်လီၤ. တၢ်လၢ ကမျၢၢ်ၦၤဂီၢ်မုၢ်တဖၣ် တသ့ၣ်ညါဝဲဒၣ်န့ၣ် သရၣ်ဖးဒိၣ်အံၤန့ၣ် ဃုကွၢ်ထံမၤကွၢ် တၢ်အချံအသၣ်သ့ၣ်တဖၣ် တဟးဂီၤဝဲလၢနံၣ်ကယၤတဖၣ် အဆၢကတီၢ်မဲထီၣ်သၣ်ထီၣ် ကသ့ဝဲအဂီၢ်န့ၣ်လီၤ. အနံၣ်ခံဆံ မ့ၢ်ၦဲၤထီၣ်တဘျီ ကဘၣ်တၢ်ခူၣ်ထုးထီၣ် တၢ်ချံပလီသ့ၣ်တဖၣ် ဒီးတၢ်အချံ ဖဲလဲၣ်တခါ မ့ၢ်ကမဲထီၣ်ဝဲဒၣ်လဲၣ်န့ၣ်သူၣ်ကွၢ်ဝဲလီၤ.

ကစၢ်ယ့ၣ်ၡူးစံးကတိၤဝဲ ဘၣ်ဃးတၢ်သူၣ်လီၤတၢ်အချံအဂ့ၢ်အါမးအကျါ အဝဲပၥ်ဖျါဝဲတလီၢ်လီၢ် ခဲအံၤခဲအံၤန့ၣ် ဒ်လံၥ်မၢ်ကူး ၄:၁၅ ပၥ်ဖျါဝဲ တၢ်သူၣ်လီၤတၢ်အချံအသၣ်လၢ အလီၤဂၥ်ဒီးတၢ်ဟ့ၣ်ခီဟ့ၣ်နီၤလီၤ ကစၢ်ယွၤအကလုၢ်ကထါန့ၣ်လီၤ. ကစၢ်ယ့ၣ်ၡူးသိၣ်လိဝဲလၢ တၢ်အချံတနီၤ ဘၣ်တၢ်ဟံးထုးထီၣ်ကွံၥ်လၢ မုၣ်ကီၤလံၢ်, တနီၤလီၤလၢလၢၢ်အကျါ အဂံၢ်တစဲဘူးဒီး ဟီၣ်ခိၣ်အဃိ မဲထီၣ်ဝဲဒၣ်တစိၤတလီၢ်ဖိ, ဒီးအချံတနီၤလီၤဘၣ်လၢ တၤဆှုၣ်တၢ်မဲအကျါ ဒီးဘၣ်တၢ်တြီမၤတံၥ်တၥ်ဃၥ်လၢကမဲထီၣ်အဂီၢ်အဃိ မဲထီၣ်သၣ်ထီၣ်ဝဲ တန့ၢ်လၢၤဘၣ်န့ၣ်လီၤ. ဖဲပတၢ်ဟ့ၣ်ခီဟ့ၣ်နီၤလီၤ တၢ်သးခုကစီၣ်အဆၢကတီၢ် တၢ်သးခုအချံအသၣ် ကကဲထီၣ်မူထီၣ်အဂီၢ်န့ၣ် တမ့ၢ်ပတၢ်မၤဘၣ်. မ့ၢ်လၢပကစံးကတိၤ ကစၢ်ယ့ၣ်ၡူးအဂ့ၢ်ဆူ ၦၤဂၤအအိၣ် ဒ်မၢ်ကူး ၁၆:၁၅ ပၥ်ဖျါဝဲအသိး “လဲၤလၢဟီၣ်ခိၣ်ဒီဘ့ၣ်ညါ, ဒီးစံၣ်တဲၤတဲလီၤတၢ်သးခုကစီၣ် လၢကယဲၢ်တၢ်ဘၣ်တ့အသးတဂၤ လၢ်လၢ်တက့ၢ်” န့ၣ်လီၤ.

ဖဲခရံၥ်နံၣ် ၂၀၂၁ အပူၤန့ၣ် သရၣ်ဖးဒိၣ် အတၢ်ချံပလီတဖၣ် ဘၣ်တၢ်ခူၣ်ထုးထီၣ် ဒီးၦၤဃုမၤလိဃုကွၢ်ထံတၢ်အချံတဖၣ် ဒီးထံၣ်ဝဲလၢအချံတနီၤနီၤ မဲထီၣ်ဝဲအဃိ တၢ်သ့ၣ်ညါလၢတၢ်အချံတဖၣ် တဟးဂီၤဝဲအါန့ၣ် အနံၣ် ၁၄၂ နံၣ် ဒၣ်လဲၣ်န့ၣ်လီၤ. ယွၤမၤတၢ်ခီဖျိလၢပဝဲနၤယၤ ဒီးပဟ့ၣ်ခီဟ့ၣ်နီၤလီၤ ပတၢ်စူၢ်တၢ်နၥ်ဆူၦၤဂၤန့ၣ်လီၤ. ပတၢ်ဟ့ၣ်ခီဟ့ၣ်နီၤလီၤ တၢ်သးခုကစီၣ် မဲထီၣ်သၣ်ထီၣ် အကတီၢ်ဖဲလဲၣ်ဖဲလဲၣ်န့ၣ် ပသ့ၣ်ညါတသ့ဘၣ်. ဘၣ်ဆၣ် တၢ်သးခုကစီၣ်လၢပသူၣ်လီၤဖျးလီၤအီၤတဖၣ်န့ၣ် အဆၢကတီၢ်အါနံၣ်အါလါအတီၢ်ပူၤ, ၦၤတဂၤဂၤ ကဒိးန့ၢ်ဘၣ်အဂီၢ် တၢ်မၤအသးသ့ဝဲ ခီဖျိၦၤလၢ အတူၢ်လိၥ်ဒိးန့ၢ်ဘၣ်ဝဲဒီး လၢအမဲထီၣ်သၣ်ထီၣ်ဝဲ အါန့ၢ်အန့ၣ်လီၤ. တၢ်တဂၤအအိၣ်အဃိဒီး ကဲထီၣ်တၢ်ဂံၢ်တၢ်ဘါလၢ ဒ်လံၥ်မၢ်ကူး ၄:၂၀ စံးဝဲအသိးန့ၣ်လီၤ.