ကိၣ်ဘ့း ၁၉ တၢ်ဆါအၢဒုးအိၣ်ထီၣ် တၢ်ကီတၢ်ခဲအဆၢကတီၢ်ပူၤ တၢ်ဘၣ်ယိၣ်အိၣ်ဝဲဒၣ် လၢ တၢ်ဆူးတၢ်ဆါကကူဆူ တဂၤဘၣ်တဂၤအအိၣ်အဃိ, ဖံဖုအတၢ်အိၣ်သကိးလိၥ်သး ဒီးအလံၤဖိတဖၣ် တသ့ဝဲဒၣ်အဃိ ဖံဖုအါဂၤ ဘၣ်ဃုထံၣ်န့ၢ် ကျဲအကျိၤအကွၢ်အသီလၢ ကဆဲးကျိးလိၥ်သးဒီး အဖိအလံၤတဖၣ် န့ၣ်လီၤ. ဖဲတယံာ်ဘၣ်အတီၢ်ပူၤ တၢ်ဃုကွၢ်ထံတၢ် ပၥ်ဖျါထီၣ် ဖံဖုအါဂၤ ဃုမၤလိနၢ်ပၢၢ်အါထီၣ် တၢ်ဆှၢလံၥ်ဒီး တၢ်ဆူးကါကွဲၤဒီနၢ်ကျဲအကျိၤအကွၢ် ဒ်သိးကဟံးဃၥ်ဂၢၢ်ကျၢၤ အဝဲသ့ၣ်အတၢ်ဘၣ်ထွဲစၢဘူးလိၥ်သး လုၢ်ဒိၣ်ပှ့ၤဒိၣ်လၢအလံၤဖိတဖၣ်န့ၣ်လီၤ. ဖဲဖုတနီၤနီၤဘူၣ်သကိး ဘါသကိးတၢ်လၢဟံၣ်ဖိဃီဖိလၢတၢ်လီၢ်အယံၤ ခီဖျိကွဲၤဒီနၢ်ဘံၢ်ဒံၢ်ယိၣ်န့ၣ်လီၤ.
ကျဲအကျိၤအကွၥ်လီၢ်လိၢ်လီၤလးအါထံၣ်အကျါ လၢမိၢ်ပၢ်, ဖံဖုလုၢ်ဘၢဒိၣ်စိ သ့ဝဲန့ၣ် မ့ၢ်တၢ်ဟ့ၣ်ခီဟ့ၣ်နီၤလီၤ ယွၤကလုၢ်ကထါ တၢ်မ့ၢ်တၢ်တီန့ၣ်လီၤ. ၅ မိၤရှ့ ၄:၉ အပူၤ, စီၤမိၤရှ့ကတိၤလီၤတၢ်လၢ ယွၤအၦၤဂီၢ်မုၢ်အအိၣ် “ဒ်သိးနသုတသးပ့ၤနီၣ် တၢ်လၢနမဲၥ်ထံၣ်လံ, ဒီးဒ်သိး အသုတဟးထီၣ်ကွံၥ် လၢ နသးအပူၤတစိၤဒၣ်နၤတဂ့ၤ” န့ၣ်လီၤ. တကးဒ်ဘၣ်န့ၣ် ယွၤအၦၤဂီၢ်မုၢ်ကဘၣ်ဟ့ၣ်ခီဟ့ၣ်နီၤ ဘိးဘၣ်သ့ၣ်ညါ ယွၤအတၢ်မၤတဖၣ်အံၤ လၢအဖိတဖၣ်ဒီးအဖိတဖၣ် အဖိသ့ၣ်တဖၣ်အအိၣ်, ဒ်သိးအဆၢဖိ ၁၀ ပၥ်ဖျါဝဲ “ဒ်သိးကမၤလိ တၢ်ပျံၤယၤ (ယွၤ) တစိၤဒၣ်အအိၣ်လၢဟီၣ်ခိၣ်ချၢ”န့ၣ်လီၤ. တၢ်အံၤ ပၥ်ဖျါထီၣ်ဝဲ ယွၤအၦၤဂီၢ်မုၢ်တဖၣ် ကဘၣ်အိၣ်မူအိၣ်ဂဲၤ ဒ်ယွၤကလုၢ်ကထါ တၢ်မ့ၢ်တၢ်တီအပူၤ လၢကီၢ်လၢယွၤဟ့ၣ်သါ အဝဲသ့ၣ်န့ၣ်လီၤ.
ယွၤဟ့ၣ်ၦၤဟံၣ်ဖိဃီဖိဒီးတံၤသကိးတဖၣ်န့ၣ် မ့ၢ်လၢပကဒုးအိၣ်ထီၣ် တၢ်ရ့လိၥ်ဘၣ်ထွဲလိၥ်သးမုၥ်မုၥ် လၢတၢ်သူၣ်မုၥ်သးမုၥ်နီၢ်နီၢ်အဂီၢ်န့ၣ်လီၤ. လၢယွၤအတၢ်ကူၣ်ပၥ်အပူၤ ယွၤအဲၣ်ဒိးအၦၤဂီၢ်မုၢ် ကကဲထီၣ် တၢ်အပီးအလီတမံၤလၢ ကဒုးယွၤလီၤ, ကစိၥ်ခီဝဲ ယွၤအတၢ်ကူၣ်သ့ တစိၤဘၣ်တစိၤအအိၣ်န့ၣ် ပကထံၣ်ဘၣ် လၢလံၥ် ၂ တံၤမသ့း ပၥ်ဖျါဝဲ “လၢသိၣ်လိနဲၣ်လိတၢ်လၢ တၢ်တီတၢ်လိၤအပူၤအဂီၢ်…ဒီးကအိၣ်ကတဲၥ်ကတီၤအသး လၢလၢၦဲၤၦဲၤ, လၢကယဲၢ်တၢ်မၤဂ့ၤတမံၤလၢ်လၢ်အဂီၢ်လီၤ” န့ၣ်လီၤ. ပတၢ်အိၣ်မူအပူၤ ပဟ့ၣ်ခီဟ့ၣ်နီၤလီၤ ယွၤကလုၢ်ကထါ တၢ်မ့ၢ်တၢ်တီ ဒီးအတၢ်မၤ လၢၦၤလၢခံတစိၤ ခီဖျိလၢတၢ်ဆှၢလီၤ လီအလံၥ်ပရၢ, ခီဖျိ တၢ်ကိးကတိၤတၢ်ဒီး ကွဲဒီနၢ်, ဘံၢ်ဒံၢ်ယိၣ်, မဲၥ်သကိးမဲၥ်န့ၣ် မ့ၢ်ဒၣ်ပကတဲၥ်ကတီၤဖိလံၤ ဒ်သိးပကထံၣ်ဘၣ်ဒီး သးခုသးမုၥ်လၢ ယွၤမၤတၢ်လၢဖိလံၤအတၢ်အိၣ်မူ န့ၣ်လီၤ.
