စွံၤထိးအ့ၣ်တဖၣ်(Ironclad beetles)န့ၣ် ဘၣ်တၢ်သ့ၣ်ညါ အဝဲသ့ၣ်အိၣ်ဒီးအကုလၢအကိၤ ဒီတဒၢအဝဲသ့ၣ် လၢတၢ်ဖိတၢ်လံၤ လၢအဟးအီၣ် အဝဲသ့ၣ်တဖၣ်န့ၣ်လီၤ. ဘၣ်ဆၣ်, လၢတၢ်အါမံၤအကျါလီၤဆီတမံၤ မ့ၢ်လၢ အဝဲသ့ၣ် အိၣ်ဒီးဂံၢ်ဘါလီၤလီၤဆီဆီ လၢအတူၢ်တၢ်ဆီၣ်သနံး န့ၣ်ဝဲလီၤ. ကုခိၣ်လၢအကိၤယူာ်ထီၣ် အသးအါန့ၢ်ဒံး တဲၤကွံၥ်အသးတဖၣ်, ဖဲအပၥ်ဖှိၣ်ထီၣ်သးတပူၤဃီလီၤ. အချၢဃံ လၢအအိၣ်ဘ့ၣ်သလၣ် ဒီးလီၤယၢၢ် မၤစၢၤစ့ၢ်ကီး တၢ်ဆူ ကတြီဆၢ တၢ်သ့ၣ်ဖးသ့ဝဲန့ၣ်လီၤ. ဒ်စဲအ့ၣ်တၢ်သမံသမိး တၢ်ပၥ်ဖျါထီၣ် တၢ်အံၤအိၣ်မူသ့ဒၣ်လဲၣ် တၢ်ဆီၣ်ကျံးအါန့ၣ် အနီၢ်ကစၢ်အဃၢ အဘျီ ၄၀,၀၀၀ ဃၣ်ဃၣ်န့ၣ်လီၤ.

ဒ်ယွၤတ့လီၤတၢ်ဖိဃၢ်အံၤ ကအိၣ်ဒီးအကုလၢအကိၤအသိးန့ၣ် အဝဲဟ့ၣ်လီၤစ့ၢ်ကီး ဝံယံးရမံယၤလၢတၢ်ဂံၢ်တၢ်ဘါ လၢအတူၢ် တၢ်ကန့ၢ်ဝဲစ့ၢ်ကီးန့ၣ်လီၤ. ဝံအံၤ ကကွၢ်ဆၢၣ်မဲၥ်ဘၣ်ဒီး တၢ်ဆီၣ်သနံး လၢအနး, ဖဲအရၤလီၤ တၢ်ကစီၣ်လၢၦၤအံၣ်စရ့လးဖိ တူၢ်လိၥ်တသ့န့ၣ်လီၤ. လၢတၢ်အံၤအဃိ, ယွၤအၢၣ်လီၤတၢ်ဆူ, တၢ်ကဟ့ၣ်လီၤအီၤ “ထူၣ်ထးတကျီၣ် ဒီးအဒူၣ်တိၢ်တဒူၣ်” (ယံး ၁:၁၈)လီၤ. ဝံအံၤ တဘၣ်ဒိဘၣ်ထံးဘၣ် မ့တမ့ၢ် တဘၣ်တၢ်ဒိၣ်ဘၢအီၤန့ၣ်ဘၣ်. အဝဲအတၢ်ကတိၤ ကအိၣ်ဆိးဂၢၢ်ကျၢၤ မ့ၢ်လၢ ကစၢ်ယွၤအိၣ်ဒီးအီၤ ဒီးဟ့ၣ်အီၤတၢ်စိကမီၤ လၢကပူၤဖျဲးဒီးတၢ်ဆီၣ်သနံးန့ၣ်လီၤ.

လၢအသးသမူဒီတစိၤ, ဝံယံးရမံယၤ ဘၣ်တၢ်ထံၣ်ကမၣ်အီၤ, ဘၣ်တၢ်ဖီၣ်အီၤ, ဒိအီၤတီၢ်အီၤ, တ့ၢ်လီၤအီၤလၢဃိၥ်ပူၤ ဒီးတ့ၢ်နုၥ်အီၤလၢထံပူၤတပူၤ, ဘၣ်ဆၣ် အဝဲ မူဒံးဝဲလီၤ. အဝဲမၤကဒီးဝံအတၢ်မၤအံၤ လၢတၢ်တူၢ်ဘၣ်တၢ်ဒၣ်လဲၥ်န့ၣ်လီၤ. တၢ်သးဒ့ဒီ ဒီးတၢ်သးအုး မၤတံၥ်တၥ်အီၤလီၤ. အဝဲဘၣ်တၢ်သမၢအီၤတပယူၢ်ဃီ ဖဲၦၤဘၤဘူၤလိၣ်ဖိ နုၥ်လီၤမၤဆူၣ်မၤဟးဂီၤဝ့ၢ် ဒီးမၤအါထီၣ် အဝဲအသးတၢ်ဆီၣ်သနံးန့ၣ်လီၤ.

ယွၤမၤစၢၤကဒီးအီၤအဃိ, အဝဲအနီၢ်သး ဒီးအတၢ်အုၣ်သးတကဒံကဒါကွံၥ်ဘၣ်, ဖဲပအိၣ်ဒီး အကတီၢ်လၢပကပၥ်တ့ၢ်ကွံၥ် မံးၡၢၣ်အတၢ်မၤလၢ ကစၢ်ယွၤဟ့ၣ်ၦၤ မ့တမ့ၢ် ဃၣ်ကဒါ ပတၢ်အိၣ်မူ လၢအအိၣ်ၦဲၤဒီး တၢ်စူၢ်တၢ်နၥ်အတၢ်အိၣ်မူအခါန့ၣ် ပသ့ၣ်နီၣ်ထီၣ်က့ၤ ဝံယံးရမံယၤအကစၢ်ယွၤန့ၣ် မ့ၢ်ပကစၢ်ယွၤန့ၣ်လီၤ. ကစၢ်ယွၤကဒုး ကဲထီၣ်ၦၤလၢအဆူၣ်ဝဲကိၤဝဲ ဒ်ထးအသိး မ့ၢ်ဖဲလၢပဂံၢ်စၢ်ဘါစၢ်အပူၤ အဝဲအစိကမီၤ ကမၤလၢထီၣ်ၦဲၤထီၣ်ၦၤန့ၣ်လီၤ (၂ ကရံၣ် ၁၂:၉).